የክትባት አጋዥ መጠኖች

የ COVID-19 ሙሉ ክትባቱን የወሰደ ዕድሜው 5 ዓመት እና ከዚያ በላይ የሆነ ማንኛውም ሰው ማጠናከሪያ ክትባት ለመውሰድ ብቁ ነው።

ይዘቱ ለመጨረሻ ጊዜ የዘመነው ሴፕቴምበር 3፣ 2022

ወዲያው ብቁ እንደሆኑ ማጠናከሪያ ዶዞችን መውሰድ በ COVID-19 ምክንያት ከሚከሰት ከባድ በሽታ እና ሞት ምርጡ መጠበቂያዎ ነው።

የ Center for Disease Control and Prevention (CDC፣ የበሽታ ቁጥጥር እና መከላከል ማዕከላት) እና የ Western States Scientific Safety Review Workgroup (የምዕራባዊ ግዛቶች ሳይንሳዊ ደህንነት ምልከታ የስራ ቡድን) የተሻሻሉ የማጠናከሪያ መጠን ምክሮች እንደሚከተሉት ናቸው

  • ዕድሜያቸው ከ 5-11 የሆኑ ልጆች የመጀመሪያ ደረጃ ክትባታቸውን ካጠናቀቁ ከአምስት ወራት በኋላ የማጠናከሪያ መጠን መውሰድ አለባቸው።በሽታ የመከላከል አቅማቸው ያነሰ ልጆች የመጀመሪያ ተከታታይ ክትባታቸውን ካጠናቀቁ ቢያንስ ከሦስት ወራት በኋላ የማጠናከሪያ መጠናቸውን መውሰድ አለባቸው።
  • ዕድሜያቸው 12 ዓመት እና ከዚያ በላይ የሆኑ በሙሉ የመጀመሪያ ዙር ክትባታቸውን ወይም ቀድሞ የሚሰጥ ማጠናከሪያ ዶዛቸውን ካጠናቀቁ ከሁለት ወራት በኋላ የዘመነውን ባይቫለንት ማጠናከሪያ መውሰድ አለባቸው።
ይህ ከደረስዎት… ማጠናከሪያ ማግኘት ያለበት ማነው ማጠናከሪያ የሚስሰደው መቼ ነው መወሰድ ያለበት ማጠናከሪያ የትኛው ነው
Pfizer-BioNTech 5 አመት እና ከዛ በላይ የሆናቸው ሰዎች

ዕድሜያቸው ከ 5-11 የሆኑ ልጆች የመጀመሪያ ደረጃ ክትባታቸውን ካጠናቀቁ ከአምስት ወራት በኋላ የማጠናከሪያ መጠን መውሰድ አለባቸው።
ዕድሜያቸው 12 ዓመት እና ከዚያ በላይ የሆኑ በሙሉ የመጀመሪያ ዙር ክትባታቸውን ወይም ቀድሞ የሚሰጥ ማጠናከሪያ ዶዛቸውን ካጠናቀቁ ከሁለት ወራት በኋላ የዘመነውን ባይቫለንት ማጠናከሪያ መውሰድ አለባቸው።

ከ 12 ዓመት በታች የሆኑ ሞኖቫለንት የ Pfizer-BioNTech ክትባትን ብቻ ማግኘት ይችላሉ።

ከ 12-17 ዕድሜ ያሉ ሰዎች መውሰድ ያለባቸው የዘመነውን ባይቫለንት የ Pfizer ማጠናከሪያ ብቻ ነው።
ዕድሜያቸው ከ 18 በላይ የሆኑ ሰዎች የዘመነውን ባይቫለንት የ Pfizer ወይም Moderna ማጠናከሪያ መውሰድ አለባቸው።

Moderna 12 አመት እና ከዛ በላይ የሆናቸው ሰዎች የመጀመሪያው ዙር ወይም ቀድሞ የሚሰጥ ማጠናከሪያ ዶዝ ከተጠናቀቀ ቢያንስ ከ 2 ወራት በኋላ

ከ 12-17 ዕድሜ ያሉ ሰዎች መውሰድ ያለባቸው የዘመነውን ባይቫለንት የ Pfizer ማጠናከሪያ ብቻ ነው።
ዕድሜያቸው ከ 18 በላይ የሆኑ ሰዎች የዘመነውን ባይቫለንት የ Pfizer ወይም Moderna ማጠናከሪያ መውሰድ አለባቸው።

Novavax 12 አመት እና ከዛ በላይ የሆናቸው ሰዎች የመጀመሪያው ዙር ወይም ቀድሞ የሚሰጥ ማጠናከሪያ ዶዝ ከተጠናቀቀ ቢያንስ ከ 2 ወራት በኋላ

ከ 12-17 ዕድሜ ያሉ ሰዎች መውሰድ ያለባቸው የዘመነውን ባይቫለንት የ Pfizer ማጠናከሪያ ብቻ ነው።
ዕድሜያቸው ከ 18 በላይ የሆኑ ሰዎች የዘመነውን ባይቫለንት የ Pfizer ወይም Moderna ማጠናከሪያ መውሰድ አለባቸው።

Johnson & Johnson 18 አመት እና ከዛ በላይ የሆናቸው ሰዎች የመጀመሪያው ዙር ወይም ቀድሞ የሚሰጥ ማጠናከሪያ ዶዝ ከተጠናቀቀ ቢያንስ ከ 2 ወራት በኋላ ዕድሜያቸው ከ 18 በላይ የሆኑ ሰዎች የዘመነውን ባይቫለንት የ Pfizer ወይም Moderna ማጠናከሪያ መውሰድ አለባቸው።

*የ mRNA ክትባቶች ተመራጭ ናቸው፣ ነገር ግን ሌላ ክትባት መከተብ ካልቻሉ ወይም ፈቃደኛ ካልሆኑ የ Johnson & Johnson COVID-19 ክትባት አሁንም ይገኛል።

የበሽታ መከላከያ አቅማቸው ለተዳከመ ያሉ መጠኖች

መጠነኛ ወይም ከባድ የበሽታ መከላከያ ችግር ካለብዎት፣ መመሪያዎች ይለያያሉ።

ይህ ካለብዎት… ተጨማሪ ዶዝ መውሰድ ያስፈልገኛል? ማጠናከርያ ማግኘት እችላለሁ?
Pfizer፦ 5 እና ከዚያ በላይ ለሆኑ ዕድሜዎች በ 21 ቀናት ልዩነት ሁለት መጠኖች ተሰጥተዋል። አዎ፣ ዕድሜያቸው 5+ የሆኑ እና መካከለኛ ወይም ከባድ የበሽታ መቋቋም ችግር ያለባቸው ሰዎች 2ኛ ክትባታቸው ከተጠናቀቀ ከ28 ቀናት በኋላ ተጨማሪ መጠን መውሰድ አለባቸው።

አዎ፣ ኦርጂናል ሞኖቫለንት የ Pfizer mRNA ማጠናከሪያ ከ 5-11 ዓመት ለሆኑ ከመጨረሻው ዶዝ ከ 3 ወራት በኋላ ወቅታዊ እንዲሆን ይመከራል።

2ኛ mRNA ማጠናከሪያ ዕድሜያቸው ከ 5-11 ለሆኑ አይመከርም።

አዎ፣ የዘመነው ባይቫለንት የ Pfizer mRNA ማጠናከሪያ ከ 12 እስከ 17 ዓመት ለሆኑ ከመጨረሻው ዶዝ ከ 2 ወራት በኋላ ወቅታዊ እንዲሆን ይመከራል።

አዎ፣ የዘመነው ባይቫለንት የ Pfizer mRNA ማጠናከሪያ 18 ዓመት እና ከዚያ በላይ ለሆኑ ከመጨረሻው ዶዝ ከ 2 ወራት በኋላ ወቅታዊ እንዲሆን ይመከራል።

Pfizer፦ ከ 6 ወር እስከ 4 አመት ለሆኑ ህጻናት ሶስት ዶዝ መድሀኒት ተሰጥቷል። የመጀመሪያዎቹ ሁለት ዶዞች በ 21 ቀናት ልዩነት እና ሶስተኛው ዶዝ ከሁለተኛው ዶዝ ከ 8 ሳምንታት በኋላ መሰጠት አለባቸው። አይ፣ ከ 6 ወር እስከ 4 አመት እድሜ ያላቸው ህጻናት መካከለኛ ወይም ሀይለኛ የበሽታ መከላከል ችግር ያለባቸው በዚህ ጊዜ ተጨማሪ የመጀመሪያ ደረጃ ዶዝ መውሰድ የለባቸውም። አይ፣ በዚህ ጊዜ ከ6 ወር እስከ 4 አመት ለሆኑ ህጻናት የmRNA ማጠናከሪያ አይመከርም።
Moderna፦ ከ 6 ወር-  እና ከዚያ በላይ ለሆኑ ዕድሜዎች በ 28 ቀናት ልዩነት ሁለት መጠኖች ተሰጥተዋል። አዎ፣ ዕድሜያቸው  6 ወር እና ከዚያ በላይየሆኑ እና መካከለኛ ወይም ከባድ የበሽታ መቋቋም ችግር ያለባቸው ሰዎች 2ኛ ክትባታቸው ከተጠናቀቀ ከ28 ቀናት በኋላ ተጨማሪ መጠን መውሰድ አለባቸው።

አይ፣ Modernaን እንደ መጀመሪያ ደረጃ ክትትል ለወሰዱ ከ 6 ወር እስከ 11 አመት ላሉ በዚህ ጊዜ የ mRNA ማጠናከሪያ አይፈቀድም።

አዎ፣ የዘመነው ባይቫለንት የ Pfizer mRNA ማጠናከሪያ ከ 12 እስከ 17 ዓመት ለሆኑ ከመጨረሻው ዶዝ ከ 2 ወራት በኋላ ወቅታዊ እንዲሆን ይመከራል።

አዎ፣ የዘመነው ባይቫለንት የ Pfizer mRNA ማጠናከሪያ 18 ዓመት እና ከዚያ በላይ ለሆኑ ከመጨረሻው ዶዝ ከ 2 ወራት በኋላ ወቅታዊ እንዲሆን ይመከራል።

Johnson & Johnson፦ አንድ መጠን፤ የተፈቀደው ለ 18 ዓመት እና ከዚያ በላይ አዎ፣ ዕድሜያቸው ከ18+ በላይ የሆኑ እና መካከለኛ ወይም ከባድ የበሽታ መቋቋም ችግር ያለባቸው ሰዎች ከ 1ኛ የ J&J መጠን ከ 28 ቀናት በኋላ ተጨማሪ መጠን በ mRNA ክትባት መውሰድ አለባቸው።

አዎ፣ የዘመነው ባይቫለንት የ Pfizer mRNA ማጠናከሪያ 18 ዓመት እና ከዚያ በላይ ለሆኑ ከመጨረሻው ዶዝ ከ 2 ወራት በኋላ ወቅታዊ እንዲሆን ይመከራል።

Novavax: 12 እና ከዚያ በላይ ለሆኑ ዕድሜዎች በ 21 ቀናት ልዩነት ሁለት መጠኖች ተሰጥተዋል። አይ፣ መካከለኛ ወይም ከባድ የሰውነት የበሽታ መከላከል ችግር ያለባቸው ሰዎች በዚህ ጊዜ ተጨማሪ የመጀመሪያ ዶዝ መውሰድ የለባቸውም።

አዎ፣ የዘመነው ባይቫለንት የ Pfizer mRNA ማጠናከሪያ ከ 12 እስከ 17 ዓመት ለሆኑ ከመጨረሻው ዶዝ ከ 2 ወራት በኋላ ወቅታዊ እንዲሆን ይመከራል።

አዎ፣ የዘመነው ባይቫለንት የ Pfizer mRNA ማጠናከሪያ 18 ዓመት እና ከዚያ በላይ ለሆኑ ከመጨረሻው ዶዝ ከ 2 ወራት በኋላ ወቅታዊ እንዲሆን ይመከራል።

በተደጋጋሚ የሚጠየቁ ጥያቄዎች

ለማጠናከሪያ ዶዜ ተመሳሳይ የክትባት አይነት ማግኘት አለብኝ?

እንደ አንደኛ ደረጃ ተከታታይዎ ከወሰዱት ክትባት የተለየ የማጠናከሪያ ዶዝ ክትባት መውሰድ ይችላሉ። CDC ውሳኔውን ያሳለፈው የቅርብ ጊዜውን መረጃ በጥንቃቄ ከገመገመ (Moderna፣ Johnson & Johnson፣ ድብልቅ እና ተመሳሳይ ማጠናከርያዎች)፣ እንዲሁም በማጠናከርያው ክትባት ዙሪያ ጠንካራ ምክክር ካደረገ በኋላ ነው።

ከ 12 ዓመት በታች የሆኑ ሞኖቫለንት የ Pfizer-BioNTech ክትባትን ብቻ ማግኘት ይችላሉ።ከ 12-17 ዕድሜ ያሉ ሰዎች መውሰድ ያለባቸው የዘመነውን ባይቫለንት የ Pfizer ማጠናከሪያ ብቻ ነው።

ማጠናከሪያ ዶዞች ለምን አስፈላጊ ሆኑ?

የማጠናከሪያ መጠኖች ለከባድ የ COVID-19 ህመም ከፍተኛ ተጋላጭነት ላላቸው ሰዎች ከከባድ በሽታ መጠበቅ እንዲቀጥል ይረዳሉ።

ከዚህ ቀደም የማጠናከሪያ ዶዞች ለከባድ COVID-19 ከፍተኛ ተጋላጭ ለሆኑ ማህበረሰቦች ብቻ ነበር የሚመከረው፣ ነገር ግን የ COVID-19 በሽታ መከላከልን ለመጨመር እንዲያግዝ ምክረ ሃሳቡ 5 አመት እና ከዚያ በላይ የሆነን ሁሉ በማካትት ሰፍቷል።

ይህ በተለይ አስፈላጊ የሆነው በዩናይትድ ስቴትስ ውስጥ ይበልጥ ተላላፊ የሆኑ የ COVID-19 ተለዋጭ ዝርያዎች እና ጉዳዮች እየጨመሩ በመምጣታቸው ነው።

በዩናይትድ ስቴትስ ውስጥ ፈቃድ ያገኙ እና የጸደቁ የ COVID-19 ክትባቶች በከባድ ህመም የመያዝ፣ ሆስፒታል የመግባት እና በ COVID-19 የመሞት፣ እንዲሁም በተለዋጭ ዝርያዎች የመያዝ ስጋትን መቀነስ ላይ አሁንም በጣም ውጤታማ ናቸው። አሁንም፣ በዚህ ጊዜ ያሉት ክትባቶች ከጊዜ በኋላ የመከላከል መቀነስ ጋር ሊዛመዱ ይችላሉ። ማጠናከሪያ መጠኖች ከ COVID-19 በክትባት የሚገኝ መከላከልን የሚጨምሩ ሲሆን በሽታ የመከላከል አቅም እንዲቆይ ይረዳሉ።

እስከ አሁን ድረስ በመጀመሪያ ደረጃ ዙር ሰዎችን እየከተቡ ነው?

አዎ። በአንደኛ ደረጃ ተከታታዮች ብቁ የሆኑትን ሁሉ ማስከተብ በ (1 የ Johnson & Johnson የ COVID ክትባት ዶዝ ወይም 2 የ Pfizer ወይም Moderna የክትባት ዶዝ) መውሰድ አሁንም ቅድሚያ የሚሰጠው ጉዳይ ነው። ላልተከተቡ አዋቂዎች የሆስፒታል ህክምና ተመን ከ 10 እስከ 22 እጥፍ ከፍ ያለ ነው። የተከተቡ ሰዎች ከ COVID-19 ጋር በተያያዘ፣ በጠና የመታመም (ወይም ጨርሶ የመታመም) ዕድላቸው ካልተከተበ ሰው ጋር ሲወዳደር በእጅጉ ያነሰ ነው። ክትባቶች ግለሰቦች እንዳይታመሙ እና በ COVID-19 ከሚታመሙት እስከ 50% የሚደርሱ ሰዎች የሚያዳብሩትን ረዘም ያሉ ምልክቶች እንዳይታዩ ለመከላከል ይረዳል።

አጋዥ ክትባቶችን ካስፈለጉን፣ ክትባቶቹ እየሰሩ አይደለም ማለት ነው?

አይ። በአሁኑ ጊዜ እኛ በ U.S. ያሉን የ COVID-19 ክትባቶች ከባድ ሕመምን፣ ሆስፒታል መተኛትን እና ሞትን ለመከላከል፣ በተለዋዋጮች ላይም ቢሆን እንዲሁ በጥሩ ሁኔታ እየሰሩ ነው። ሆኖም፣ የህዝብ ጤና ባለሙያዎች ከቀላል እና መካከለኛ የ COVID-19 ህመም አንጻር፣ በተለይም ከፍተኛ-ተጋላጭነት ባለው ህዝብ መካከል የቀነሰ መከላከል እየተመለከቱ ነው።

የዘመኑት ማጠናከሪያዎች የተፈጠሩት በሽታ የመከላከል አቅምን ለማጠናከር እና ከአንዳንዶቹ አዳዲስ ዝርያዎች የተሻለ ጥበቃን ለመስጠት ነው። ከተለያዩ ዝርያዎች ከፍተኛ ጥበቃ እንዲኖርዎት ሁሉንም የተመከሩ ዶዞች መዉሰድ አስፈላጊ ነዉ።

የማጠናከርያ ዶዝ የማልወስድ ከሆነ፣ አሁንም ሙሉ በሙሉ ክትባቱን የወሰድኩ ነኝ?
  • አንድ ሰዉ በመጀመርያ ተከታታይ የ COVID-19 ክትባቱ ሁሉንም የተመከሩ ዶዞች ከወሰደ ከሁለት ሳምንት በኋላ ሙሉ ለሙሉ ተከትቧል ይባላል።
  • አንድ ሰው በመጀመሪያ ደረጃ ዙር ውስጥ ያሉትን ሁሉንም ዶዞች እና ሁሉንም ማጠናከሪያዎች ብቁ ሆነው ከወሰደ በ COVID-19 ክትባቱ ወቅታዊ ነው።
ለአጋዥ መጠን ብቁ መሆኔን እንዴት አሳያለው

ለአጋዥ መጠን ብቁ መሆንዎን በራስዎ ሪፖርት ማድረግ ይችላሉ። ከጤና እንክብካቤ አቅራቢ ምክረ ሀሳብ ማሳየት አያስፈልግዎትም።

አቅራቢው የባለ ሁለት መጠን የ Pfizer ክትባት ተከታታይ መውሰድዎን ማረጋገጥ እንዲችል እባክዎ የክትባት ካርድዎን ወደ የአጋዥ መጠን ቀጠሮዎ ይወሰዱ። ካርድዎ ከሌልዎት፣ አቅራቢዎ መረጃዎን መመልከት ይችላል።

በተጨማሪ የክትባት ዶዝ እና በማጠናከርያ የክትባት ዶዝ መካከል ያለው ልዩነት ምንድን ነው?
  • ተጨማሪ የክትባት ዶዝ ባለ 2 ዶዝ የ mRNA ክትባት ሲሆን ተከታታይ (Pfizer ወይም Moderna) ላጠናቀቁ ነገር ግን በቂ የሆነ የበሽታ መቋቋም ምላሽ ለሌላቸው ታካሚዎች የሚሰጥ ነው።
  • የማጠናከሪያ ዶዝ ለታካሚዎች ከመጀመሪያው የክትባት ተከታታይ በኋላ የመከላከል አቅማቸው ከጊዜ ወደ ጊዜ እየቀነሰ ሲሄድ የሚሰጥ ነው።
የበሽታ መከላከል አቅምን ማጣት ማለት ምን ማለት ነው?

ደካማ በሽታ የመከላከል አቅም ያላቸው እና ሁለት ዶዝ የ mRNA የ COVID-19 ክትባት ወይም አንድ ዶዝ J&J ክትባት የወሰዱ ሰዎች።

ከሚከተሉት የህክምና ሁኔታዎች ውስጥ አንዳቸውም ካለብዎት በመጠኑ እስከ ከባድ የበሽታ መቋቋም አቅምዎ ያነሰ ነው ተብሎ ስለሚታሰብ ተጨማሪ የ COVID-19 ክትባት ተጨማሪ ዶዝ ተጠቃሚ ሊሆኑ ይችላሉ። ይህ የሚከተሉትን ያጠቃልላል፦

  • ለዕጢዎች ወይም ለካንሰሮች ንቁ የካንሰር ህክምና እያደረጉ ከሆነ
  • የአካል ብልት ንቅለ ተከላ አድርገው የበሽታ መከላከያ ስርዓቱን ለማዳከም መድሀኒት እየወሰዱ ከሆነ
  • ባለፉት 2 አመታት ውስጥ የስቴም ህዋስ ንቅለ ተከላ አግኝተው ወይም በሽታ የመከላከል ስርዓትዎን ለማዳከም መድሀኒት ከወሰዱ
  • መካከለኛ ወይም ከባድ የመጀመሪያ ደረጃ የበሽታ መከላከያ እጥረት ካለብዎት (እንደ DiGeorge syndrome፣ Wiskott-Aldrich syndrome)
  • የተራቀቀ ወይም ያልታከመ የ HIV ኢንፌክሽን ካለብዎት
  • ከፍተኛ ዶዝ ባለው ኮርቲሲቶይዶይድ ወይም ንቁ ህክምና እየወሰዱ ከሆነ ወይም የበሽታ መከላከያ ምላሹን የሚገቱ ሌሎች መድሀኒቶች እየወሰዱ ከሆነ።

ያሉን ክትባቶች 90% በአብዛኛዎቹን የቫይረሱ ዝርያዎች ላይ ውጤታማ ቢሆኑም፣ ከመካከለኛ እስከ ከባድ የበሽታ መከላከል ችግር ላለባቸው ታካሚዎች አቅም ያላቸው ሰዎች ሁልጊዜ ጠንካራ የመከላከል አቅም እንደማይፈጥሩ ጥናቶች ያሳያሉ። ሶስተኛው የክትባቱት ዶዝ እንደ አጋዥ ተደርጎ አይቆጠርም፣ ነገር ግን ከሁለተኛው ዶዝ ክትባት ጋር በቂ የበሽታ መከላከያ ላላደረጉ ተጨማሪ ዶዝ ይወሰዳሉ።

ስር የሰደዱ የጤና እክሎች ምንድን ናቸው?

ከታች የተዘረዘሩት ሁኔታዎች ያሏቸው በማንኛውም ዕድሜ ላይ ያሉ ሰዎች (በእንግሊዘኛ ብቻ) በ COVID-19 በጠና የመታመም ዕድላቸው ከፍተኛ ነው። ጽኑ ሕመም ማለት COVID-19 ያለበት ሰው የሚከተሉትን ሊሆን ይችላል ማለት ነው፦

  • ሆስፒታል መተኛት
  • ጽኑ እንክብካቤ ያስፈልጋቸዋል
  • ለመተንፈስ እንዲረዳቸው የአየር መተንፈሻ ያስፈልጋቸዋል
  • ሞት

በተለይ በዕድሜ ከገፉ ወይም በዚህ ዝርዝር ውስጥ ያሉትን ጨምሮ ብዙ ወይም ከባድ የጤና እክሎች ካሉብዎት፣ የ COVID-19 ክትባቶች (የመጀመሪያ ዶዝ እና ማጠናከርያዎች) እና ሌሎች ለ COVID-19 የመከላከያ እርምጃዎች አስፈላጊ ናቸው። ይህ ዝርዝር እርስዎን በ COVID-19 ለከፋ ህመም ሊያጋልጡ የሚችሉ ሁሉንም ሁኔታዎች አያካትትም። እዚህ ያልተካተቱ ሁኔታዎች ካጋጠመዎት፣ ሁኔታዎን እንዴት በተሻለ ሁኔታ ማስተዳደር እንደሚችሉ እና እራስዎን ከ COVID-19 ለመከላከል የጤና እንክብካቤ አቅራቢዎን ያነጋግሩ።

  • ካንሰር
  • ሥር የሰደደ የኩላሊት በሽታ
  • ሥር የሰደደ የጉበት በሽታዎች
  • ሥር የሰደደ የሳምባ በሽታዎች
  • የመርሳት በሽታ ወይም ሌሎች የነርቭ ሁኔታዎች
  • የስኳር በሽታ (አይነት 1 ወይም 2)
  • ዳውን ሲንድሮም
  • የልብ ሕመም ሁኔታዎች
  • የኤች አይ ቪ ኢንፌክሽን
  • የበሽታ መቋቋም አቅም ማነስ ሁኔታ (የተዳከመ የበሽታ መቋቋም ስርዓት)
  • የአእምሮ ጤንነት ሁኔታዎች
  • ከመጠን በላይ ክብደት እና ከመጠን በላይ ውፍረት
  • እርግዝና
  • የሲክል ሴል በሽታ ወይም ታላሴሚያ
  • ማጨስ፣ የአሁን ወይም የቀድሞ
  • ጠንካራ የአካል ክፍል ወይም የደም ግንድ ህዋስ ንቅለ-ተከላ
  • ወደ አንጎል የደም ፍሰትን የሚጎዳ የስትሮክ ወይም ሴሬብሮቫስኩላር በሽታ
  • የዕፅ አጠቃቀም ህመሞች
  • የሳንባ ነቀርሳ
መጠነኛ ወይም ከባድ በሽታን የመቋቋም አቅም ችግር ላለባቸው ሰዎች - ከ 5 ወር እስከ 3 ወር - ያለውን የጊዜ ክፍተት የመቀነስ ምክንያት ምንድን ነው?  (ከ 5-11 ዕድሜ ያሉ ሰዎች መውሰ)

መካከለኛ ወይም ከባድ በሽታን የመቋቋም አቅም ችግር ላለባቸው ሰዎች የሚመከሩ ባለ 3-መጠን mRNA የክትባት የመጀመሪያ ደረጃ ተከታታይ ጥቅም ላይ በሚውሉበት ጊዜም እንኳ ከዋና ተከታታይ በኋላ መከላከያ ላያገኙ ይችላሉ። በተጨማሪም ከጊዜ በኋላ የመከላከል አቅማቸውን የማጣት ዕድላቸው ከፍተኛ ነው እና ቶሎ አጋዥ መጠን መውሰድ ሊያስፈልጋቸው ይችላል። ከበርካታ ትንንሽ ጥናቶች የተገኘ ቀደምት መረጃ እንደሚያሳየው መጠነኛ ወይም ከባድ በሽታን የመቋቋም አቅም ችግር ያለባቸው ሰዎች ከ5 ወር ባነሰ ጊዜ ውስጥ አጋዥ መጠን ከተሰጠ ተጨማሪ የፀረ-ሰውነት መጠን በአብዛኛው ይጨምራሉ። የደህንነት ስጋት እየጨመረ ስለመሆኑ ምንም ማስረጃ አልነበረም። በአሁኑ ጊዜ በዩናይትድ ስቴትስ ፈጣን የ COVID-19 ስርጭት አለ፣ እና ለተጠቁ ሰዎች መጋለጥን ማስወገድ ከባድ ነው። ስለዚህ በተቻለ ፍጥነት የአጋዥ መጠንን መስጠት ለከባድ ችግሮች በከፍተኛ ደረጃ ተጋላጭ ለሆኑ ሰዎች ትርጉም ይሰጣል ። 

መጠነኛ ወይም ከባድ በሽታን የመቋቋም አቅም ችግር ያለባቸው ሰዎች እነዚህን መጠኖች ለመቀበል የዶክተር ማስታወሻ/ማዘዣ ወይም ሌላ ሰነድ ያስፈልጋቸዋል? 

አይ፣ ግለሰቦች እራሳቸውን ለይተው ማወቅ እና ክትባቶች በሚሰጡበት በማንኛውም ቦታ ሁሉንም መጠኖች መቀበል ይችላሉ። ይህ ለዚህ ህዝብ ተደራሽነት ተጨማሪ እንቅፋቶች አለመኖራቸውን ለማረጋገጥ ይረዳል። በሽታን የመቋቋም አቅም ችግር ያላቸው ግለሰቦች ስለ ልዩ የጤና ሁኔታቸው ጥያቄዎች ካላቸው፣ ተጨማሪ መጠን መውሰድ ለእነሱ ተስማሚ ስለመሆኑ ከጤና እንክብካቤ ሰጪያቸው ጋር መወያየት ይችላሉ።