An WA Notify Annukun Isoisen Poraus Mi Auchea

Ei annukun isoisen poraus auchea faniten emon a awenewen ngeni ewe WA Notify, ewe angangen esinesin won tengwa faniten porausen emon a nonom nein ekewe a wor rer ewe semwenin COVID19 nge a kawor faniten Washington state. WA Notify a foruta fiti kunaeochun me apochokun seni ewe Washington State Department of Health (Ofesin Pekin Safei) (DOH).

Met Sokkun Poraus Auchea Sia Angei Me Aea?

Poraus mi mwonomwon sipwe angei me non WA Notify faniten metekei epwe fis:

  • Awora ika mwutata WA Notify.
  • Angei esinesin.
  • Wanong ewe nampa mi mwonomwon.
  • Awora ewe nampa mi mwonomwon faniten ekewe chon aea ei aninis a fen wor rer ewe semwen faniten ar repwe pwan esine ngeni ekkoch pun a wor rer menun ewe semwen
  • Churi osukosuken ewe prokram won ewe tengwa (porausen semwau, mi pachenong amwurinenon ewe angang).

DOH mi aea ekena sokkun poraus mi mak me asan an epwe tongeni weweiti usun aean ewe WA Notify. Ekkei poraus auchea mi pwan tongeni neuneu ngeni ewe DOH, ekewe ofesin semwen, ika ekkoch chon nemeni pekin safei. Epwe pwan tongeni aea pekin ioni fengeni sokkun poraus mi auchea an epwe forunong non ew napanap epwe tongeni awewei faniten an aramas repwe weweiti. Ekkei poraus mi auchea ese pachenong iten emon ewe aramas me ian a nonom ian ese pwan tongeni pwari io we a neuneu ewe WA Notify.

WA Notify a feor an epwe tumunufichi poraus mi mwonomwon faniten io we a aea ewe prokram ina akkaewin met mi auchea, mi pwan wewe ngeni met an Google me Apple kewe popun. WA Notify mi awora ekkei sokkun auchean angang, minne esap tongeni pwarata an emon aea ekkei mettoch:

Nampa mi pusin foruta

  • Ekewe nampa mi pusin foruta ra tongeni tour fengen nefinen io kewe iir mi aea ewe WA Notify nupwen repwe arapakan fengen chok fan nurun Bluetooth
  • Ekewe nampa mi pusin foruta ra kawor me isois won ewe tengwa (cellphone), esap seni ewe WA Notify.
  • Ekewe nampa mi pusin foruta ra aea faniten an epwe mwutata an WA Notify me noum ewe tengwa (smartphone) epwe checkii ika ka nom nein ekewe a fen wor rer ewe menun semwen COVID-19.
  • Ekewe nampa mi pusin foruta ra tongeni isois esap napeseni 14 raan.

Nampa me Anen atoura fengeni poraus

  • Pworaach le kapas ussun ewe enlet ifa WA Notify me watteen ach pwapwa ren än sia tongeni üttawu COVID-19, DOH ekkewe afalafal chofona me achchüngü letipen aramas mi letip ngeni aramas pwal mwo nge chokkewe COVID-19 mi ü ngeni ewe kapas allim ese alongolong wooch nge woon DOH.
    • An chok emon epwe tiki ewe esinesin won ewe (link) a tongeni forata ekewe nampa an epwe saa ngeni io kewe iir mi nom unukun ewe mi semwen nge iir mi pwan neuneu ei WA Notify.
    • DOH epwe esinesin fiti fengen me ewe (link) ngeni meinisin io a fen test positive pun sise sinei ion mi neuneu ei WA Notify. Ika pun kose mwo neuneu WA Notify, ka tongeni pacheta won noum ewe phone ika nikitano chok ena esinesin.
    • A pusin nemeniom om kopwe suki ewe esinesin me won noum ewe tengwa ika tiki ena link om kopwe pwan esine ngeni ekkoch ekewe chon neuneu ei WA Notify.
  • Ika ka test positive, emon chon angangen ewe pekin tumwunun semwen epwe kokoruk an epwe eisinuk ika en mi neuneu WA Notify. Ika en mi fen neuneu nge ese mwo wor esinesin e toruk, iwe repwe ngonuk ew ekewe nampa ika ewe link pun kopwe tongeni tikienong non ewe WA Notify.

Iteiten Aean

  • Usun chok pwan ekkoch ekewe angangen pekin internet, WA Notify mi pusin forata an epwe sinei fansoun om aea ewe pekin aninis. Ei (logs) fansoun omw aea ei aninis mi pachenong ekkoch auchean poraus faniten noum ewe tengwa (smartphone). Kich mi aea ekkei poraus ach sipwe atawei osukosuken ewe WA Notify.
  • Ekkei logs ese pachenong ekewe nampa mi mwonomwon ika links nge ese pwan tongeni epwe pwarii meni nampa e nomw won noum ewe tengwa.
  • Ekkei logs rekan pusin mworono murin 14 raan murin ar foruta.

Awewen Ekkei Poraus Mi Auchea

  • Ika ka finata pun epwe wor awewen ekkei poraus auchea, epwe eukuk met DOH epwe tongeni sinei faniten an epwe anisi ewe sokkun aninis.
  • Ekkei poraus epwe pachenong ekkoch nampa mi auchea faniten neuneun ei sokkun aninis me won ewe tengwa. Ese pwan pachenong poraus an epwe pwarata pwe en ewe.
  • En mi pwan tongeni eukano an epwe saa ekena poraus ren chok om kopwe off-ei me won noum ewe tengwa.
  • Ren forutan, WA Notify ese angei porausen ewe neni ka nonom ie seni noum ewe tengwa ese pwan ngeni ekkoch an epwe pwarata pwe en ewe ika noum ewe tengwa.

Aninisin Osukosuken Ekewe Poraus Auchea

  • Usun chok pwan ekkewe ekkoch aninis me won tengwa, WA Notify mi pusin forata poraus mi auchea faniten eochunon ewe aninis.
  • Ewe Android WA Notify a feor meren Google, pwan usun chok ekkoch anen esinesin iir mi aea Apple/Google.
  • Google mi aea ekkei poraus an epwe anisi ekkoch osukosuken ewe WA Notify me ekkoch anen esinesin iir mi aea Apple/Google.
  • Ei angangen anisi osukosuken ekewe poraus mi auchea ese pwan tongeni wau porausom me neniom ika fen pwan aea an epwe pwari ion we mi aea ewe WA Notify.

Met Epwe Fis Murin Omw Tungor Ew Ekewe Nampa?

Nupwen emon chon aea ewe WA Notify epwe pusin test ini nge a positive a tongeni wanong an tungor an epwe wor ewe nampa epwe saa ngeni me non WA Nofity an Wa Notify epwe esine ngeni io mi pwan aea WA Notify usun ewe minefon aramas a test positive. An epwe tour ngeni ei nampa, ewe chon aea WA Notify epwe wanong ewe pwinin maram a test positive me pwan nampan neun ewe tengwa. Ewe tengwa e neuneu ne wanong tungorun ewe nampa me won, pwan ina chok ena pisek epwe neuneu ne wanong ewe nampa nupwen a angei and epwene esinesin ngeni io kewe iir mi nom unukun ewe minefon mi test positive.

Ren an esap chomong repwotun ewe chok ew test, WA Notify mi isoni non ekis fansoun ew esisinen ewe tengwa e wisen tungor ewe nampa non ukukun 30 raan. Ei sokkun isoisen poraus ese pwan pachenong tichikin porausen ewe aramas me nenian ese pwan tongeni pwari io we aramas.

Inet Fansoun Sipwe Wau Ekkei Poraus Mi Auchea?

Sisap tongeni ach sipwe pusin ioni ika wau sokkun poraus mi auchea faniten emon, tori choke nan fansoun kopwe pusin wanong ika aea ekewe nampa me link. Ika pwe kopwe fori ena, WA Notify epwe aea ekewe nampa ngeni io kewe iir mi nom unukun noum ewe tengwa. Ekewe nampa ese tongeni pusin saa ngeni io kese mwutata an epwe tongeni angei ekewe nampa seni noum ewe tengwa. Pusin pwan nenengeni ena kinikin mi mak “Met Sokkun Poraus Auchea Sia Angei Me Pwan Aea” asetan won ei taropwe omw kopwe kaeo usun met ekkei sia ioni me aea non ei WA Notify.

Ifa Usun Tumwunun Porausom?

WA Notify mi tumunufichi ekewe nampa non an aea an Google me Apple kewe anapanap faniten anen esinesin mi mwonomwon, minne mi pachenong tichikinin anen an tongeni isonieochuu me pwan ekesiwini nenian. WA Notify ese isoni me awora ekewe nampa, - ina wisen noum ewe tengwa.

Omw Pwung Won Porausom

DOH ese tongeni angei tichikin porausom seni ekewe nampa me ekewe fansoun en mi aea ewe aninis me won noum ewe tengwa. Fanitei ei wewe, DOH ese tongeni awora ngonuk ika tenuweno ekkoch ekewe poraus mi auchea ika pun ke wanong tungorun. Pusin non om pochokun me tongeni, ke afatena aean ewe WA Notify. Noum ewe smartphone (tengwa) chok epwe tongeni mwut ngonuk omw kopwe off-ei ekewe esinesin ngonuk faniten io a tori ewe semwen ika tenuweno porausen tichikin inet ke aea ewe aninisin WA Notify. Sopwousopwun, en mi tongeni tenuweno ewe WA Notify me won noum ewe tengwa ese pwan nifinifin fansoun. Ika pun ka tenu, meinisin nampa mi isois won ewe tengwa repwene pwan tetenuno.