WA Notify Lawa ni iTukutuku Maroroi

Na lawa ni itukutuku maroroi qo e okati ena WA Notify (Veivakadeitaki e Washington), na veivakadeitaki ni matanitu o Washinton ena dewa ni mate. A tauyavutaka qai vakadonuya na Department of Health (DOH, Tabana ni Bula) ena vanua o Vanua o Washington na WA Notify.

Na itukutuku cava keitou kumuna qai vakayagataka?

Na itukutuku maroroi e rawa ni tauri mai na WA Notify ena veituvaki qo:

  • Me download qai enable se dolava na WA Notify.
  • Ni vakau yani na itukutuku ni rairai dewavi iko na mate.
  • Kena vakau e dua na code vakadeitaki se isema ni code.
  • Vakacurumi na duidui code vei ira na vakayagataka na porokaramu vei ira na vinakata mera vakadreta eso tale.
  • Ni yaco eso na leqa ena porokaramu ni app (itukutuku ni tuvaki e yaco ena porokaramu, wili kina na cakacaka se veika e vauca na app).

Na DOH (Tabana ni Bula) ena vanua o Washington ena vakayagataka na itukutuku sa vakamacalataki mai me kila kina na sala e vakayagataki kina na WA Notify. Ena rairai wasei tale ga na itukutuku qori kei ratou na DOH, na tabana ni bula ni itikotiko raraba, se vei ira na vakailesilesi ena tabana ni bula. Ena vakayagataki tale ga na itukutuku ena vakadidike vakasaenisi kei na kumuni ni iwiliwili. E sega ni okati kina eso na itukutuku vakaitaukei se me kilai kina na vanua e tiko kina e dua e vakayagataka na WA Notify.

Me rawa ni salavata kei na inaki ni Google kei Apple, na WA Notify a kauaitaka sara ga vakabibi na kena taqomaki na nodra itukutuku o ira na vakayagataka. Na WA Notify ena soqona kece na veika qo, ia ena sega ni vakaraitaka na itukutuku me baleti e dua e vakayagataka na porokaramu:

Duidui Code

  • Ena wasei na duidui code ena Bluetooth vei ira na vakatalevoni na smartphone e cakacaka kina na WA Notify ena gauna era veivolekati kina.
  • Na duidiui code e kumuni ena katoni ena dui talevoni na smartphone, sega ni katoni ena WA Notify.
  • Ena vakayagataki na duidui code me rawa ni dikevi kina na WA Notify kei na nomu smartphone ke dua e veivolekati kei na dua e tauvi COVID-19.
  • E maroroi tu na dui code me 14 taucoko na siga.

Code ni veivakadeitaki kei na iSema

  • Me rawa ni vakadreti totolo ra qai vakadreti lo ga na vakayagataka tiko na WA Notify ni sa rairai dewavi ira na COVID-19, na DOH ena vakauta e dua na veivakadreti kei na itukutuku e toka kina na isema ni veivakadeitaki vei ira kece na naba ni talevoni era veimaliwai kei na dua e dikevi ni tauvi COVID-19 e vakau na kena itukutuku vei ratou na DOH.
    • Na tabaki ni notification se veivakadreti se tabaki ni isema ni veivakadeitaki se verification link ena rawa kina ni wasei vei ira tale eso na nomu code me rawa kina vei ira na vakayagataka na WA Notify o veivolekati kina mera kila ni sa na dewavi ira na mate.
    • O DOH ena vakauta na itukutuku ni isema vei ira kece era tauvi COVID-19, ni keitou sega ni kila o ira era vakayagataka na WA Notify. Ke o sega ni o vakayagataka na WA Notify, o rawa ni biuta ena nomu talevoni na WA Notify se kua ni leqataka na text qo.
    • O na vakatulewataka ke o na tabaka na veivakadreti se tabaka na isema ni veivakadeitaki mo vakadreti ira tale kina eso era vakayagataka na WA Notify.
  • O DOH ena vakauta tale ga e dua na itukutuku se text e tiko kina na veivakadreti kei na isema vei ira kece era tauvi COVID-19, ena rawa kina vei ira na vakayagataka na WA Notify mera vakadreti ira vakatotolo o ira era na rairai dewavi ira na mate.

Ira na Vakayagataka

  • Me vaka ga e levu na app ni talevoni se veiqaravi eso ena internet, na WA Notify ena solia na itukutuku ni o curu kina ena gauna o vakayagataka kina na nodratou veiqaravi. Na itukutuku ni icurucuru qo ena okati kina eso na itukutuku me baleta nomu smartphone. Keitou na vakayagataka na itukutuku qo me vakavinakataka kina na veika eso e leqa ena WA Notify.
  • Na isema qo e sega ni okati kina na duidui code e gole mai so tale na vanua se isema ni veivakadeitaki se code, ena sega tale ga ni rawa ni vakayagataki me sema e dua tale na code me gole lesu tale mai vei iko se na nomu smartphone.
  • Ena bokoci laivi na itukutuku ni nomu curu ina app ni oti e 14 na siga ni kena sa vakatakilai.

iTukutuku Vakadikevi

  • Ke o waqaca se enable taka na extra analytics, ena vica ga na itukutuku ena wasei vei ratou na DOH me veivuke ena kena vakavinakataki na app.
  • E okati ena itukutuku qo na iwiliwili kumuni me baleta na kena vakayagataki na app. Ena sega ni okati kina na itukutuku ena rawa ni vakatakilai kina na veika baleti iko.
  • O rawa ni vakatulewataka mo kua ni wasea na itukutuku qo ni o bokoca na analytics sharing ena app.
  • E sega ni buli na, WA Notify me kumuni na itukutuku ni vanua o tu kina ena nomu smartphone qai sega ni kumuna se wasea na itukutuku me vakaraitaka ni o vakayagataka tiko na smartphone vei ira na duidui code se code ni veivakadeitaki.

iTuvaki e Yaco ena Porokaramu

  • Me vaka ga na app tale eso kei na initaneti, na WA Notify ena vakarautaka vakataki koya na itukutuku e vauca na porokaramu.
  • Na App ni Android WA Notify e vakarautaka o Google, me vaka ga na app ni veivakadreti tale eso era vakayagataka tiko na porokaramu vata ga ni Apple/Google.
  • E vakayagataka na Google na itukutuku me dikeva na veika me baleta na WA Notify, wili kina na app tale eso e vakayagataka tiko na porokaramu vata ga ni Apple/Google.
  • Na itukutuku ni veidikevi e sega ni okati kina na itukutuku maroroi se vanua e vakayagataki kina, ena sega ni rawa tale ga ni vakayagataki me kilai kina o koya e vakayagataka na WA Notify.

Na cava ena yaco ke o Kkerea e dua na iSsema ni Vveivakadeitaki?

O ira na vakayagataka na WA Notify e kune vei ira na mate na COVID-19 ena nodra dikevi ira ga mai vale era rawa ni kerea e dua na code ni veivakadeitaki ena WA Notify me vakatakila vei ira tale eso era vakayagataka na WA Notify ni rairai dewavi ira tale ga na mate. Me rawa ni soli e dua na nomu code ni veivakadeitaki, o ira na vakayagataka na WA Notify mera vakalewena na tikinisiga e dikevi ni tauvi ira kina na mate kei na naba ni nodra talevoni. Na talevoni vata ga e vakayagataki me kerei kina na code me vakalewena sara ga na isema ni veivakadeitaki se tabaka na isema ni veivakadreti me vakadreti ira eso tale era vakayagataka na WA Notify e rairai dewavi ira tale ga na mate.

Me rawa ni kua ni lavetaki vakarua e dua na itukutuku e tautautavata na kedrau macala, e katona kina vakalekaleka na WA Notify na naba ni talevoni e vakayagataki me kerei kina na code me yacova e 30 na siga, ia ena taqomaki vinaka tu. Na itukutuku qo ena okati kina na itukutuku vakaitaukei se itukutuku ni vanua e lakovi, ena sega tale ga ni rawa ni vakayagataki me vakatakilai kina o koya e vakayagataka na WA Notify.

Gauna Cava e Wasei Kina na Kemu iTukutuku?

Keitou na sega ni kumuna vakataki keitou se wasea na kemu itukutuku vua e dua tale, vakavo sara ke o digitaka mo vakalewena na code ni veivakadeitaki se tabaka na isema ni veivakadeitaki. Ke o vakayacora vakakina, na WA Notify ena wasea na duidui code vei ira eso tale na smartphone era toka voleka kei na nomu smartphone. Ena sega ni rawa ni gole lesu tale ena nomu talevoni na code ni veivakadeitaki se na isema mai vei dua e sega ni taura tu na nomu talevoni. Dikeva tale na ulutaga "Na iTukutuku Cava Keitou Kumuna qai Vakayagataka?" mo vulica e levu tale na ka me baleta na itukutuku e kumuni qai vakayagataki ena WA Notify.

Keitou na taqomaka vakacava na kemu itukutuku?

Na WA Notify ena taqomaka na duidui code era vakayagataka tiko na iTuvatuva ni Veivakadreti ni Dewa ni Mate ni Google kei na Apple, e tiko na ivakatagedegede matailalai e vauca na kena dola kei na kena wasei. Na WA Notify e sega ni maroya se wasea e duidui code e tiko vei iko — na nomu smartphone ga ena cakava qori.

Na nomu dodonu ena nomu itukutuku

Me vaka ni sega ni rawa ni kilai o iko ena vuku ni code ni veivakadeitaki kei na sala mo curu kina ena app, vakavo ke tiko sara ga nomu smartphone, ena sega gona nira tou kila na DOH na itukutuku qo. Ena vuku ni tikina qo, ena sega gona ni rawa vei DOH me vakarautaka vei iko se bokoca na itukutuku qo ke o kerea vei ratou. O lewa na kena vakayagataki na WA Notify. Na nomu smartphone me na vakatara mo rawa ni bokoca na veivakadreti ni veitaratara voleka kei na dua e tauvimate se bokoca na itukutuku ni nomu curu ena app me vakadreta ni a rairai tauvi iko na mate, na itukutuku qo e maroroi tu ena nomu smartphone o qai rawa ni raica ena dua ga na gauna o vinakata. O rawa tale ga ni bokoca vakadua na WA Notify ena dua ga na gauna o vinakata. Ke o cakava qori, na duidui code kece era maroroi tu kina ena boko tale ga.