Veivakadeitaki ni Veidewavi ni Mate e Washington - WA Notify

WA Notify (kilai ena Washington Exposure Notifications) e dua na tool e sega ni saumi ka da rawa ni biuta ka vakayagataka ena noda talevoni veikauyaki me vukei keda ena noda vakatakilai na vanua e tiko kina e dua e rawa ni dewadewa ni mate na COVID-19. O koya e taqomaka na kemui vola I tukutuku, sega ni soqona se wasea, ka sega ni vamuria talega na vanua ona lako kina.

Au na biuta vakacava ena noqu talevoni na WA Notify?

Ena iPhone, mo dolava na Exposure Notifications ena Settings (Vanua ni talevoni): Settings:

• Gole ena Settings
• Rai ena vanua e volai kina Exposure Notifications
• Tabaka na “Turn On Exposure Notifications”
• Tabaka United States
• Tabaka Washington

Ena talevoni na Android:

• Gole ena Google Play Store (Volai ga Vakavalagi)
• Me download na app ni WA Notify

Vei ira na vakayagataka na Android se iPhone, scan taka na QR code se biuta ena loma ni nomu talevoni veikauyaki na WA Notify.

E cakacaka vakacava?

Ni waqa na nomu WA Notify, era na veisau itukutuku na talevoni tale eso era tiko voleka kei na nomu talevoni ke waqa tu na nodra WA Notify. Na system qo e vakayagataka e dua na mataqali Bluetooth technology me veisoli tukutuku ka taqomaki tiko kina na kemui tukutuku. Ke mani dua e vakayagataka tiko na WA Notify ka mani lai yaco me test taki ena mate na COVID 19, ka o iko a tiko volekati koya ena dua na gauna. Ena rawa nio na kila totolo. Qo ena rawa kina ni o qaravi vakavuniwai vakatotolo qai tarova tale ga na kena vakadewai na COVID-19 vei ira eso tale.

Ena cakacakataka na ka kece na kompiuta me vakatakila se mani tiko voleka e dua se toka mai vakawaya ena vuku ga ni kena rawa ni veidewavi na mate na COVID-19 qai gadrevi mera vakasalataki. Ena vakadreti iko ga na WA Notify ke o dua sara ga na rawa ni dewavi iko na mate. Ena vinaka ke sega gona ni vakau yani e dua na veivakadreti.

Na WA Notify e tiko e rauta ni sivia na 30 na veimataqali vosa.

E taqomaki vakacava na kequ itukutuku?

Na WA Notify e yavutaki ena porokaramu na Veivakadreti ni Veidewavi ni Mate ni Google Apple, e vakarautaki me taqomaka na kemu itukutuku. O koya e cakacaka ga vakai koya ka sega ni soqona se vakatakila mai na vanua o tiko kina se kemui vola I tukutuku. Sega ni gadreva na WA Notify me kilai iko se na vanua o tiko kina me cakava na nona cakacaka. Ni vakayagataka ga vakalailai na Bluetooth, ena sega ni kania vakalevu na nomu batiri ni talevoni.

E vakatau sara ga vei iko na nomu curu kina. Era rawa ni curu se biubiu mai kina o ira na vakayagataka ena dua ga na gauna era vinakata. I kuri ni tukutuku matailalai me baleta na kena taqomaki na kemui tukutuku, raica na WA Notify privacy policy.

Ena vakacava na noda vakadreti?

Ena rua tiko na veivakadreti ena vakau yani vei iko. O ira na dikevi ni tiko vei ira na mate ena vakau yani vei ira na itukutuku ena text ni isema ni veivakadeitaki kei na/se dua na veivakadreti e basika mai na talevoni. O ira na vakayagataka na WA Notify e rairai dewavi ira na mate ena vakau yani vei ira na veivakadreti ni veidewavi ni mate. Vulica e levu tale na ka me baleta na veivakadreti qo kei na raica na kedra irairai.

E veivuke vakacava na WA Notify?

Laurai na vakadidike ni levu ga ni tamata e vakayagataka na veiqaravi oqo na kena vinaka. Tukutuku tauri mai na tolu na matanitu mai na Washington State e vakaraitaka ni dina ga ni lewe lailai era vakayagataka na WA Notify, ia, e veivuke na kena vakalailaitaki na veidewavi n mate se mate. E da rawa ni vakalailaitaka na mate kevaka eda cula kada daramaka tiko na ka e ubia na ucuda kei na gusuda. Ia na noda sa tekivu veisotari tiko e matana vote, na WA Notify sa vaka me dua tale na ikuri ni tatarovi ni mate. O koya e dua talega na ka iko rawa ni cakava mo taqomaki kina ka vakabibi vei ira iko veimaliwai kaya.

Ona rawa ni tukuna vacava vei ira na tani nisa tiko vei iko na mate na COVID 19 ni oti na nomu test taka ga vakai iko.

O ira ka ra vakayagataka tiko na self test kit (kilai talega ena tests e vale) ka kilai ni tauvi ira na COVID-19, e rawa ni ra kerea e dua na code mai na WA Notify me ra vakayagataka me ra vakaraitaka kina vei ira na vo ni tamata ka ra vakayagataka tiko na WA Notify ni sa tiko vei ira na COVID-19.

Ena iPhone (talevoni veikauyaki) :

• Gole ena Settings qai dolava na Veivakadeitaki ni Veidewavi ni Mate se Exposure Notifications.
• Digitaka na “Wasea na Veidikevi ni COVID-19.”
• Tabaka na “Continue“ (“Tomana.”)
• Kevaka o raica ni tiko na tabaka nomu code, tabaka na “Didn’t get a code? Visit WA State Dept. of Health Website“. (Sega ni tara e dua na code? Rai ena Website ni WA State Dept. of Health (Tabana ni Bula ena Vanua o Washington).” Kevaka o Sega ni raca ena digidigi na vola nomu code, gole ena I vakaro ka tarava.
• Mo vola na naba ni nomu talevoni e vakayagataka tiko na WA Notify kei na tikinisiga ni nomu dikevi ena COVID-19.
• Tabaka “Tomana.”

Ena talevoni na Android (talevoni veikauyaki) Android:

• Dolava na WA Notify qai digitaka na “Wasea na macala ni nomu dikevi me tarovi na dewa ni COVID-19”.
• Tabaka “Tomana” qai tabaka “Au gadreva e dua na code.”
• Mo vola na naba ni nomu talevoni e vakayagataka tiko na WA Notify kei na tikinisiga ni nomu dikevi ena COVID-19.
• Digitaka na “Vakauta na Code”.

Vei ira na vakayagataki Android se iPhone, scan taka na QRcode se se kerea e dua na code kevaka ko vakayagataka eso tale na mataqali talevoni.

Image

Ena vakau yani e dua na veivakadreti kei na text, salavata kei na isema ni veivakadeitaki. Ena vinakati ga mo tabaka na veivakadreti se na isema ena text e vakau yani mo miuria kina na ikalawa eso ena WA Notify mo rawa ni vakadreti ira eso tale na vakayagataka na porokaramu vata ga qori ni rairai dewavi ira tale ga na mate.

Ke o sega ni rawa ni kerea na code ni veivakadeitaki ena WA Notify, mo qirita na naba ni veivuke ni matanitu ena COVID-19, 1-800-525-0127, qai tabaka na #, qai vakaraitaka vei ratou na kena vakailesilesi ni o vakayagataka tiko na porokaramu na WA Notify. Eratou na rawa ni vakarautaka vei iko na vakailesilesi na isema ni veivakadeitaki o rawa ni vakayagataka mo vakadreti ira kina eso tale era vakayagataka na porokaramu ni WA Notify ni rairai dewavi ira tale ga na mate.

Mo vakaraitaka vakacava nio sa tauvi COVID 19 mai na macala ni nomu laurai ga vakai iko.

O ira ka ra kilai ni sa tauvi ira na mate na COVID-19 mai na nodra laurai ga vakai ira e rawa ni ra ripotetaka na kena macala vei Department of Health (DOH, Tabacakacaka ni Bula), oya na taudaku ni veiqaravi ni WA Notify. Tukutuku ka rawa ni vukei iko ena nomu ripotetaka ni tauvi iko na COVID-19, gole ena Vakatovolei ni COVID-19 DOH. (Vakavavalagi ga)

Na kit ko da rawa ni vakayagataka me laurai kina vei keda na mate ka sega ni saumi e tiko ena Vakaio ena vakatovolei vei iko na COVID-19. Say Yes! COVID TEST (Vakaio! COVID TEST) (Vakavavalagi ga)

I kuri ni tukutuku matailalai e rawa ni kunei ena Department of Health (DOH, Tabacakacaka ni Bula) Cava o na cakava ke sa tauvi iko na COVID-19. (Vakavavalagi ga)

Mo nanuma: Na WA Notify e dua na porokaramu ni veivakadeitaki ni veidewavi ni mate. E a sega ni caka mo ripotetaka kina na macala ni nomu test vei DOH. Na macala ni ripote mai na DOH e tiko ena taudaku ni WA Notify.

Na cava e bibi me tiko ruarua kina na veika e vauca na veitaratara kei na WA Notify?

Na veika e vauca na veitaratara e dua dina na iyaragi laulau ni tabana ni bula ena veigauna sa sivi e dikevi ni bau veivuke dina vakalevu. E cici tiko e dakuna na WA Notify. Qo e dua na kena ivakaraitaki: Ke mani dikevi ni tauvi iko na COVID-19, eratou na rairai qiriti iko yani na vakailesilesi ni tabana ni bula me ratou taroga mo tukuni ira o se qai veitaratara ga ena loma ni vica na siga sa oti. O na sega ni rawa ni tukuna na yacana e dua o sega ni kila drau dabe veitikivi ena basi. Kevaka drau vakayagataka ruarua tiko na WA Notify, na tamata ka dua mai na basi e rawa ni veitukutukunitaka yani na kena rawa ni dewa na mate na COVID-19 vei ira na nonai tokani se matavuvale. Ena lako ga nai tukutuku ka sega ni tukuni seo cei. Vaka ga nai cula kei na daramaki ni tataqomaki ni ucu kei na gusu, o rau qo e vukea na vakalailaitaki ni dewa ni mate na COVID-19, ia, e rau lako vata sa na daumaka sara.

E dodonu meu na vakayagataka tu ga na WA Notify se rawa niu bokoca tu mada ena so na gauna?

E vakayaloqaqataki vei keda me da waqaca ka vakayagataka tikoga na WA Notify ka kakua ni da bokoca. Ni sa caka tiko na cakacaka ka sega ni dau caka tiko e liu, na WA Notify e vaka e dua na I tataro ni mate.

Ena vinakati meu vakayagataka na WA Notify keu sa cula oti?

Io. O Washington State ena curma tiko yani na mate qo na COVID 19 ena dua na gauna. Keimami se vulica tiko e levu na ka me baleta na mate qo na COVID, vaka na balavu ni gauna ena rawa ni taqomaki iko kina nai cula se na taqomaki iko tale beka mai na so na vate lako vata kei na COVID-19. Dina ni rawa ni vakalailaitaka na dewa ni mate o ira na cula, eda kila nio ira sa cula oti era rawa ni tauvi ira ka vakadewa na mate COVID-19. Eda kila talega ni so see bera ni ra cula. Ena veika oqo, au vakayaloqaqataki kemuni kece na vakaitikotiko e Washington me ra vakayagataka na WA Notify ena nodra talevoni veikauyaki – me rawa ni vukea na kena tarovi na mate na COVID 19.

O via vakaraitaka vei tale eso na veika me baleta na WA Notify?

Raica na I yayani cakacaka ni veitaratara ni WA Notify ena veitalanoa ena I vola mata, veika e ra kabi ena veivanua ni cakacaka, retio kei na retio yaloyalo. Tukuna talega vei ira nomui tokani kei ira na lewe ni nomu matavuvale. Na levu ga ni tamata era vakayagataka na WA Notify, na kena vukea vakalevu na nomu na taqomaki na nomu bula kei na lewe ni nomui tikotiko.

Eso tale na taro e tarogi

Au na raica vakacava na tikinisiga a dewavi au kina na mate ena WA Notify?

Ena iPhone (talevoni veikauyaki) iPhone:

1. Gole ena Settings (Vanua ni talevoni)
2. Tabaka na Exposure Notifications (Notisi ni kena laurai) se tabaka na Exposure Notifications (Notisi ni kena laurai) ena Kato ni Vaqaqara
3. Ena laurai mai na rukuna na tiki ni siga ka rawa ni dewavi iko mai kina na mate na COVID 19 ka na laurai ena ruku ni “You may have been exposed to COVID-19” (E sa rairai dewavi iko beka na mate na COVID-19).

Ena Android (talevoni veikauyaki) Android:

1. Dolava na app ni WA Notify
2. Tabaka na “See Details” (Raica na kena iTukutuku matailalai) ena ruku ni “Possible exposure reported” (Ripote ni rairai dewavi iko na mate).
3. Na tiki ni siga ka rawa ni tauvi iko kina na mate ena laurai ena ruku ni “Possible Exposure Date” “Ripote ni rairai dewavi iko na mate”.

A vakau mai e dua na veivakadreti kei na/se dua na text mai na Washington State Department of Health (DOH). Na cava na vuna?

O Department of Health (DOH, Tabana ni Bula) ena vakauta tale ga e dua na itukutuku se text e tiko kina na veivakadreti kei na isema vei ira kece era tauvi COVID-19, ena rawa kina vei ira na vakayagataka na WA Notify mera vakadreti ira vakatotolo o ira era na rairai dewavi ira na mate. Vulica e levu tale na ka me baleta na veivakadreti qo kei na raica na kedra irairai.

Keo ciqoma na i tukutuku mai na nomu talevoni veikauyaki, ena gadrevi mo tabaka ga na link e soli mai na WA Notify ka vakamuria na kenai vakamacala mo na rawa ni solia na tukutuku vei ira na vakayagataka na WA Notify me baleta na kena sa tiko vei iko na tauvimate.

Vakau mai vei au e dua na itukutuku meu wasea ina tabana ni bula na noqu WA Notify. Na cava na vuna?

E via kila o DOH na kena vinaka o WA Notify, baleta me rawa ni vakavinakataki na nona veiqaravi. E se taqomaki tiko ga na kemu itukutuku ke o duavata mo wasea na itukutuku ni nomu WA Notify. E sega ni kumuni se wasei e dua na itukutuku vakaitaukei, qai sega tale ga ni vakatakilai na veika me baleti iko. O ratou ga na DOH era rawa ni kila na itukutuku qori ena veika ga e vauca na matanitu.

Ke ra vakadonuya o ira na vakayagataka na WA Notify mera wasea na kedra itukutuku, na cava ena kumuni?

Ke o duavata mo wasea na kemu itukutuku, e se taqomaki tiko ga na kemu itukutuku vakaitaukei. E sega ni kumuni se wasei e dua na itukutuku vakaitaukei, o na sega gona ni kilai. O DOH e rawa ni raica na veitukutuku matailalai kece, me vaka na:

• Na iwiliwili ni tamata era duavata mera wasea na kedra itukutuku mai na WA Notify. Ena vukei keitou me keitou kila na gaunisala e matatataki kina na neitou sabolo.
• Na iwiliwili ni veidewavi ni mate e ciqomi mai vei ira na vakayagataka na WA Notify. Qo e rawa kina me keitou kila na veika e yaco tiko ena kena dewa na COVID-19.
• Na levu ni tamata era tabaka na veivakadreti ni dewa ni mate. Ena rawa ni kilai kina ke ra tu vakarau e levu mera muria na veidusimaki ni tabana ni bula.
• Na iwiliwli ni tamata era tiko volekata e dua a dikevi ni tauvi COVID-19, ia era sega ni veivolekati sara se dede sara me rawa ni vakadreti ni dewavi koya na mate. Ena veivuke sara vakalevu ke gadrevi me veisautaki na porokaramu vakompiuta e vakadeitaka na veidewavi ni mate ena WA Notify.

Niu dolava na WA Notify ena noqu talevoni na iPhone, meu waqaca se bokoca na "Veika meu Vakadreti Kina" ?

E vinaka me boko. Ia e vakadreti mo dolava tiko ke o gole ena dua na vanua ena taudaku kei Washington ena loma ni dua na gauna. Ni sa waqa mai nomu Availability Alert (Qaqarauni ni rawa ni tau). Kevaka o vaka I Phone, ona rawa ni digia e levu na vanua ia, ena dua ga na vanua e na rawa ni cakacaka mai kina na WA Notify. E sega ni gadrevi mo bokoca laivi e dua na vanua mo rawa ni dolava e dua tale. Kevaka o vaka Android, iko rawa ni install taka ena nomu talevoni na app qo na WA Notify mai na vuqa na vanua, ia ena dua ga na vanua e rawa ni cakacaka mai kina o koya.

Meu digitaka meu vakayagataka na WA Notify?

Io. Na vakayagataki ni WA Notify e sega ni saumi ka soli tu na galala ni digidigi ni nomu na via vakayagataka se sega. O rawa tale ga ni bokoca ena dua ga na gauna o vinakata. Me bokoci, ona bokoca ga na kenai vakatakilakila main a iPhone se o kauta laivi saraga na app ni WA Notify ena android. Na vei code kece o a ciqoma mai na so tale na talevoni e vuqa e sa na yali ka ona sega ni rawa ni kauta lesu mai ena gauna osa kauta laivi vakadua na WA Notify.

Na WA Notify e app beka me kila kina o ira na veitaratara voleka?

Sega, na WA Notify e sega ni vakamuria se soqona mai nai tukutuku me baleti dua e volekati iko tiko. Na kilai ni veitaratarata voleka ena macala kina o ira na rairai dewavi ira na COVID-19. Na tool oqo se sega ni soqona se veisolisolitaka e dua nai tukutuku me baleti dua ena gauna drau veivolekati tiko kina.

Na cava na ibalebale ni “veidewavi”?

Na veidewavi ena yaco ga kevaka o tiko volekati dua e tauvi koya na COVID-19 e vakayagataka talega na WA Notify. Ena cakacakataka na ka kece na kompiuta me vakatakila se mani o tiko voleka kei na dua se toka mai vakawaya ena vuku ga ni kena rawa ni veidewavi na mate na COVID-19 qai gadrevi mera vakasalataki. Na WA Notify ena vakauta ga vei iko na veivakadreti ke drau mani veimaliwai voleka se vakabalavu kei na dua e vakabauti ena rai vei ratou na DOH ni na rawa ni veidewavi kina na COVID-19. Na ituvatuva ni porokaramu qo ena rawa ni ratou veisautaka na vakailesilesi ni tabana.

Na cava ena yaco ke vakadreti au na WA Notify ni sa rairai dewavi au na mate?

Ke vakadeitaka na WA Notify ni sa dewavi iko na mate, ena vakau yani na veivakadreti ena nomu talevoni me rawa ni dusimaki iko ena dua tale na website e tiko kina na itukutuku ena veika o rawa ni cakava tarava. Qo e okati kina na sala mo dikevi kina kei na vanua e vakayacori kina, e tiko kina na itukutuku ni veika mo na cakava mo taqomaki iko kina kei ira eso tale, kei na ivukevuke tale eso me sauma na nomu vakatataro. E bibi mo wilika qai vakamuria vakavinaka na veidusimaki ena website.

Era na kila beka eso tale ni sa dikevi ni tiko vei au na COVID-19?

Sega. Na WA Notify ena sega ni wasea na kemu itukutuku vua e dua tale. Ke dua sa ciqoma e dua nai tukutuku ena nona talevoni veikauyaki me baleta na kena rawa ni veidewavi na mate na COVID-19, o koya e rawa ni kila ni dua na tauvimate a rau na veitaratara ena dua na gauna sa oti. Era na sega ni kila o cei se na vanua cava a veidewavi mai kina.

Meu na sauma beka na porokaramu na WA Notify?

Sega. E sega ni saumi na porokaramu na WA Notify.

Ena vukea vakacava na vanua o Washington na WA Notify?

Na vakadididke mai na University of Washington (Vakavavalagi ga) ni levu ga ni tamata e vakayagataka na veiqaravi na kena vinaka. E laurai ena ka e dikevi ni vakabula e dua na ivakatautauvata ni le 40 ina 115 na tamata na WA Notify qai rairai tarova tale ga e rauta ni 5,500 na kisi ni COVID-19 ena imatai ni va ga na vula e sevutaki kina. E laurai ena veika e dikevi ke dua mada ga na iwase lailai era vakayagataka na WA Notify ena vakalailaitaka na matetaka kei na mate ena COVID-19, qo e ivakadinadina matata ni WA Notify e dua dina na porokaramu vinaka ena kena tarovi na COVID-19.

Ena cakacaka beka na WA Notify keu gole ena dua tale na yasana?

Io. Kevaka o gole tale ena dua na vanua qai tiko vei iko na app e vakayagataka na porokaramu vata ga ni Google/Apple (Volai ga Vakavalagi), ena vakau tiko ga yani vei iko na itukutuku vata ga era ciqoma ena vanua qori. E sega ni gadrevi mo veisautaka e dua na ka ena nomu settings ni smartphone. Ke na via dede toka nomu biubiu mai Washington, mo na raica mada na ituvatuva cava e muri ena vanua o gole kina ena veika e vauca na veivakadreti kei na veitokoni e vakarautaki.

Ena vakacava na balavu ni gauna ena rawa ni vakadreti ira kina eso tale na WA Notify?

O ira na vakayagataka tiko na porokaramu e sa rairai dewavi ira na COVID-19 vua e dua tale era na ciqoma e dua na veivakadreti ena loma ni 24 na aua ni sa vakamuria oti o koya e tauvi COVID na veidusimaki ena WA Notify me vakadreti ira lo na so tale era vakayagataka tale ga na WA Notify.

Ena rawa beka niu vakadreti vakavica ena WA Notify?

E rawa ni ra ciqoma e dua na veivakananumi se tukutuku lekaleka ena nodra talevoni veikauyaki. Era na rairai vakadreti vakavica o ira na rairai dewavi ira mai na vica na vanua na mate qai duidui na ituvaki.

Ena biu vakacava ena WA Notify ni sa tauvi au na COVID?

Keo sa mani tauvimate qai dua mai na DOH se o ira na veiqaravi e valenibula sasaga me tarai kemuni, era na taroga ga keda vakayagataka tiko na WA Notify.Ke o vakayagataka tiko, eratou na vakauta yani e dua na isema ni veivakadeitaki kei na/se veivakadreti qai vukei iko mo muria na veigaunisala eso mo vakalewena kina ina WA Notify. Na veivakananumi e dau soli mai ena nomu talevoni e sega ni vauca tu na kemui tukutuku matailalai. O DOH e vakau se soli I tukutuku vei ira na naba ni talevoni ka ra vakayagataka tiko o ira era sa tauvi COVID-19.

O DOH e sega ni kila seo cei e ciqoma na veivakananumi ena gauna o muria kina nai vakaro. Ena veivakadreti ni veidewavi ni mate ena sega ni vakamacalataka ni o iko se kemu itukutuku. Na levu ga ni tamata era vakadeitaka na macala ni nodra dikevi ena WA Notify, eda na rawa ni tarova tale ga kina vakavinaka na dewa ni COVID-19.

Kevaka o sa vakadeitaki iko kina ni sa tauvi iko na mate , qai o via veitukutukunitaka yani vei ira na tani , o na gole ena “O na rawa ni tarai ira vakacava na tani kevaka sa kunei vei iko na mate na COVID-19” ena yatu ni drau ni pepa e cake me rawa ni o raica kina nai tuvatuva ni ka mo cakava mo rawata kina e dua na nomu naba ni veivakadeitaki mo vakayagataka mo veitaratarata kina vei ira na kena vo ni tamata ka ra vakayagataka tiko na WA Notify.

Ena vinakati meu cakava tale e dua na ka niu sa biuta ena noqu talevoni na WA Notify?

Ena vinakati mo cakava eso tale na ka ke:

1. O dikevi ni tauvi iko na COVID-19, se
2. O vakadreti ni sa rairai dewavi iko na mate.

Kevaka esa kune vei iko na mate, ena dua mai na DOH se dua na vakailesilesi mai na tabana ni bula ena tarogi iko kevaka o vakayagataka tiko na WA Notify. Ke o vakayagataka tiko, eratou na vakauta yani e dua na isema ni veivakadeitaki kei na/se veivakadreti qai vukei iko mo muria na veigaunisala eso mo vakalewena kina ina WA Notify. Na isema se veivakadreti e sega ni okati kina na kemu itukutuku vakaitaukei. Ena sega vakadua ni kila na DOH o cei ena vakadreti ena app ni rairai dewavi koya na mate. Ena veivakadreti ni veidewavi ni mate ena sega ni vakamacalataka ni o iko se kemu itukutuku. Na levu ga ni tamata era vakadeitaka na macala ni nodra dikevi ena WA Notify, eda na rawa ni tarova tale ga kina vakavinaka na dewa ni COVID-19.

Kevaka osa tauvimate ka o gadreva e dua na I sema ni veivakadeitaki, gole ena “Ona vakananumi ira na tani vacava kevaka sa laurai ni tiko vei iko na mate na COVID-19”. Ena ulu ni vola oqo ona raica kina na veitarataravi ni ka mo muria me rawati kina e dua nai sema ni veivakadeitaki ka o na vakayagataka mo vakananumi ira kina na vo ni tamata ka ra vakayagataka na WA Notify ni sa tauvi iko tiko na mate.

Ena vakamacara totolo na noqu batiri se vakayagataka vakalevu noqu data na WA Notify?

Sega. E vakarautaki me vakayagataka ga vakalailai nomu data kei na batiri ni vakayagataki e dua na idusidusi ni porokaramu vakalivaliva na Low Energy Bluetooth.

Na cava e laurai kina ni vaka me sega ni vakayagataka e levu na batiri na WA Notify?

E segai sara. Na vakayagataki ni batiri ena nomu talevoni ena vakaraitaka na levu ni pasede ni batiri e vakayagataki e veisiga ena veimataqali app me vaka na app ni WA Notify. Levu na app kei na tools era sega ni rawa ni cici tu ga me yacova na bogi. Na WA Notify e vuki raica ena veiauwa eso nai sema ni veivakadeitaki me sema donu ki vei dua e tauvimate ka rawa ni veivakananumi vei ira tale eso. Kaya mada, ke sega ni dua na app e cici tiko ena gauna o moce tu kina, ena okati na WA Notify me pasede levu duadua ni batiri e vakayagataki ena gauna qori. E sega ni kenai balebale ni na vakayagataka vakalevu na nomu batiri ni talevoni – ia na levu ga ni pasede ni batiri ea vakayagtaki.

Ena vinakati beka me waqa tu ga noqu Bluetooth ena WA Notify me rawa kina ni cakacaka?

Io. E vakayagataka na WA Notify na Bluetooth Low Energy, ena vinakati kina me waqa tiko ga nomu Bluetooth me rawa ni kila kina o ira tale ga e waqa tiko nodra talevoni e voleka vei iko.

Ena vinakati beka me dola tiko ga ena noqu talevoni na porokaramu ni WA Notify me rawa ni cakacaka?

Sega. Ena waqa tu ga ena nomu talevoni na WA Notify.

E rawa ni cakacaka na WA Notify ena talevoni smartphone makawa?

O ira na vakayagataka na iPhone era rawa ni vakayagataka na WA Notify ke nomu talevoni e tiko kina na:

• iOS na ika 13.7 se dua e ka vou cake (ena iPhone 6s, 6s Plus, SE se vou cake)
• iOS na ika 12.5 (ena iPhone 6, 6 plus, 5s)

O ira na vakayagataka na Android era rawa ni vakayagataka na WA Notify ke nodra Android smartphone e tokona na Bluetooth Low Energy kei na Android na ika 6 (API 23) se dua e levu cake.

E dodonu beka meu yabaki 18 meu vakayagataka na WA Notify?

Sega. Na WA Notify e sega ni kila na nomu yabaki ni bula se via vaqaqa.

Ena cakacaka na porokaramu qo ke keirau vakayagataka vata kei na dua tale e dua na talevoni?

Ena sega ni kila na WA Notify o koya e vakayagataka tiko na talevoni ena gauna e veidewavi kina na mate. Ke o vakayagataka kei na dua tale na taleovni, o ira kece na vakayagataka na talevoni mera muria na veidusimaki ni tabana ni bula ke vakadreti ira na WA Notify ni rairai dewavi ira na COVID-19.

Ke vakau mai vei au e dua na veivakadreti kei na/se itukutuku ena text, ia o koya e dikevi e lewe ni vuvale se keitou tiko vata. Na cava meu cakava?

O koya e vakayagataka na WA Notify e dikevi ni tiko vua na mate me na muria na kalawa eso me vakadreti ira kina e rairai dewavi ira na mate, koya gona mo kua ni leqataka na text se veivakadreti a sega ni vakau yani vei iko.

Ke dua na lewe ni nomu vuvale e vakayagataka tiko na WA Notify e tauvimate, qai se gadreva tiko e dua na kena veivakadeitaki mai na WA Notify, ira rawa ni vamuria nai vakaro ena “Ona vakananumi ira na tani vacava kevaka sa laurai ni tiko vei iko na mate na COVID-19” tabana ni drau ni pepa oqo.

E cakacaka na WA Notify ena misini me vaka na iPad se kaloko na smart watch?

Sega. Na Exposure Notification system ea buli vakatabakidua ga me baleta na smartphones ka sega ni baleta na Iphone se tablets.

Na cava sa vakayacora tiko na vanua o Washington me vakarawarawataka vei ira na lewenivanua era sega ni vaka talevoni na smartphone na porokaramu qo?

E sega ni yaragi duadua ga me tarova na dewa ni COVID-19 na WA Notify. Na maroroi ni itukutuku ni veitaratara kei na so tale na gaunisala ena yaga vakalevu vei ira na lewenivanua e Washington, ke sega mada ga ni dua na nodra talevoni na smartphone. Na icula ni wainimate e sala vinaka duadua me tarovi kina na dewa ni mate na COVID-19, okati kina na daramaki ni iubi ni ucu kei na gusu, tiko veiyawaki, kena vakalailaitaki o ira na tiko ena dua na soqo kei na so tale na sala eda rawa ni veivuke kina ena kena tarovi na veidewavi ni COVID-19.

Na porokaramu ni veivuke e vakarautaka na matanitu e sauma na bili ni talevoni me dua na vula vei ira na yacova na kena ivakatagedegede. Eso era vakarautaka na veiqaravi vakawalesi era na rawa ni vakarautaka tale ga e dua na talevoni sega ni saumi na smartphone. Vulica e levu tale na ka me baleta na porokaramu, o ira na yacova na kena ivakatagedegede, na sala mo rawa ni vakalewe fomu kina kei ira na vakarautaka na walesi era vakaitavi (Volai ga Vakavalagi).

A sevutaki e Washington na WA Notify ena sivia e 30 na vosa, ia na cava au raica ga kina ena vosa Vakavalagi kei na vosa vakaSipeni ena Google Play store?

Na WA Notify e cakacaka ga mai na veivosa ka ra tiko ena nomu talevoni. E dua ga na kena mataqali na WA Notify oqo, ke dua na veivakananumi e yaco mai, kenai vakaraitaki, ena laurai ga mai ena vosa e vakayagataka tiko o taukei ni talevoni, ka sivia ni 30 na veimataqali vosa e vakayagataka.

Ena vakacava na levu ni gauna e soli vei au meu tabaka na veivakadreti se dolava na isema ni veivakadreti?

Ena soli vei iko e 24 na aua mai na gauna o ciqoma kina na veivakadreti se itukutuku ena text mo muria na kalawa eso mo vadreti ira kina eso tale ena WA Notify. Kevaka o sega ni rawa ni tabaka na I sema ni veivakadeitaki ena gauna lavaki, o na rawa tale ni kerea e dua tale na I sema ni veivakadeitaki ena I tuvatuva oqo “Ona vakananumi ira na tani vacava kevaka sa laurai ni tiko vei iko na mate na COVID-19” tabana ni drau ni pepa oqo. Ona rawa talega ni kerea e dua nai sema ni veivakadeitaki mai vua e dua nai vakalesilesi ni DOH se dua nai vakalesilesi ena tabana ni bula e tarai iko yani me baleta na macala ni kena tiko vei iko na mate na COVID-19 se sega.

Na cava e digia kina na iwali qo na vanua o Washington?

O Washington e buli a e so na I soqosoqo vakai ira na dauyadra, soqosoqo baleti ira na kena dau kei ira na lewe ni vanua me ra soli tukutukutaka main a vinaka kei na can i kena vakayagataki na app oqo. Na matai lawalawa oqo era sa vakatura me vakayagataki na app qo main a kena laurai ni yaga vakalevu, maroroya na nomu data ka rawa ni vakayagataki raraba talega.