Kev Cais Tus Kheej thiab Kev Ceev Tus Kheej Cia rau Kab Mob COVID-19: Washington State Department of Health (Ua Lus Askiv xwb)
Thov mus saib hauv qab no rau kev suav xam koj ncua sij hawm kev cais tus kheej los sis ceev tus kheej cia. Txhawm rau muab kev paub ntxiv hais txog yam yuav tau ua nyob rau ncua cais tus kheej, thov mus saib Yam yuav ua yog tias koj kuaj tau muaj kab mob COVID-19 lawm (PDF). Txhawm rau muab kev paub ntxiv hais txog yam yuav tau ua yog tias koj tau nyob ze rau qee tus neeg uas muaj kab mob COVID-19 lawm, thov mus saib Yam yuav tau ua yog tias ntxim li koj tau nphav raug qee tus neeg uas muaj kab mob COVID-19 lawm (PDF).
Yog tias koj qhov kev tiv thaiv kab mob hauv lub cev tsis muaj zog los sis tau mob nyhav los ntawm kab mob COVID-19, cov cuab yeej suav xam sij hawm no tej zaum yuav siv tsis tau rau koj qhov txheej xwm. Thov mus saib Yam yuav ua yog tias koj kuaj tau muaj kab mob COVID-19 lawm (PDF) txhawm rau muab kev paub ntxiv.
Yog koj sam sim nyob los sis ua hauj lwm rau hauv ib qho chaw muaj feem yuav kis tau kab mob zoo cov cuab yeej suav xam sij hawm no tej zaum yuav siv tsis tau rau koj qhov txheej xwm. Cov chaw uas muaj feem yuav kis tau kab mob zoo muaj xws li: cov chaw muab kev saib xyuas kev kho mob, cov chaw ceev neeg, cov chaw kaw neeg, cov chaw nyob rau cov neeg tsis muaj vaj tse nyob, cov chaw nyob sib pauv mus los, cov chaw rau kev khiav lag luam hauv hiav txwv (xws li, nkoj thauj khoom noj hiav txwv rau kev lag luam, nkoj thauj khoom, nkauj xa khoom), vaj tse so rau neeg ua hauj lwm, cov chaw muaj neeg ua hauj lwm coob uas tsis muaj chaw txaus rau kev nyob sib nrug deb yeeb vim yuav tsum tau siv ua hauj lwm (xws li, nyob rau hauv tsev khaws khoom, khw muag khoom, thiab cov chaw qhwv khoom noj khoom haus thiab nqaij). Thov mus saib Yam yuav tau ua yog tias koj kuaj tau kab mob COVID-19 lawm (PDF) txhawm rau muab lus qhia paub ntxiv hais txog koj ncua sij hawm rau kev cais tus kheej thiab Yam yuav tau ua yog tias ntxim li koj tau nphav raug qee tus neeg uas muaj kab mob COVID-19 lawm (PDF) txhawm rau muab lus qhia paub ntxiv hais txog ncua sij hawm ceev tus kheej cia.