Centers for Disease Control and Prevention (CDC, មជ្ឈមណ្ឌលគ្រប់គ្រង និងបង្ការជំងឺ) ណែនាំឱ្យគ្រប់គ្នាដែលមានអាយុ 6 ខែឡើងទៅចាក់យ៉ាងតិច 1 ដូសនៃវ៉ាក់សាំងជំងឺ COVID-19 ថ្មីឆ្នាំ 2023-2024។
ក្រោយពេលមានវិធានការតាមបទប្បញ្ញត្តិរបស់ Food and Drug Administration (FDA, រដ្ឋបាលចំណីអាហារ និងឱសថ) មក Centers for Disease Control and Prevention (CDC, មជ្ឈមណ្ឌលគ្រប់គ្រង និងបង្ការជំងឺ) បានណែនាំឱ្យប្រើវ៉ាក់សាំងជំងឺ COVID-19 ស៊េរី mRNA ឆ្នាំ 2023-2024 ថ្មីសម្រាប់អ្នកគ្រប់គ្នាដែលមានអាយុ 6 ខែឡើងទៅដែលកំណត់គោលដៅលើប្រភេទបំប្លែងខ្លួនបន្តពី omicron គឺ XBB.1.5។ វ៉ាក់សាំងជំងឺ COVID-19 ពីរវ៉ាឡង់លែងត្រូវបានអនុញ្ញាត ឬមានសម្រាប់ប្រើនៅសហរដ្ឋអាមេរិកទៀតហើយ។ ការណែនាំវ៉ាក់សាំងជំងឺ COVID-19 ថ្មីមានដូចខាងក្រោម៖
- កុមារអាយុ 6 ខែ – 4 ឆ្នាំដែលមិនបានចាក់វ៉ាក់សាំងត្រូវបានណែនាំឱ្យចាក់ 3 ដូសនៃវ៉ាក់សាំង Pfizer ស៊េរី mRNA ថ្មី ឬ 2 ដូសនៃវ៉ាក់សាំង Moderna ស៊េរី mRNA ថ្មី។
- កុមារអាយុ 6 ខែ – 4 ឆ្នាំដែលបានចាក់វ៉ាក់សាំងពីមុនត្រូវបានណែនាំឱ្យចាក់ 1 ឬ 2 ដូសនៃវ៉ាក់សាំងជំងឺ COVID-19 ស៊េរី mRNA ថ្មី (ពេលវេលា និងចំនួនដូសដែលត្រូវចាក់គឺអាស្រ័យលើវ៉ាក់សាំងជំងឺ COVID-19 ដែលបានចាក់ពីមុន)។
- អ្នកគ្រប់គ្នាដែលមានអាយុ 5 ឆ្នាំឡើងទៅដោយមិនគិតពីការចាក់វ៉ាក់សាំងពីមុនត្រូវបានណែនាំឱ្យចាក់ 1 ដូសនៃវ៉ាក់សាំងជំងឺ COVID-19 ស៊េរី mRNA ថ្មីយ៉ាងតិច 2 ខែ ក្រោយពេលចាក់ដូសចុងក្រោយនៃវ៉ាក់សាំងជំងឺ COVID-19 ណាក៏ដោយ។
- បុគ្គលអាយុ 12 ឆ្នាំឡើងទៅដែលបានចាក់វ៉ាក់សាំងជំងឺ COVID-19 ពីមុន (និងមិនបានចាក់វ៉ាក់សាំងជំងឺ COVID-19 ស៊េរី mRNA ថ្មីនៅពេលថ្មីៗនេះនៅឡើយទេ) អាចពិចារណាចាក់ 1 ដូសនៃវ៉ាក់សាំងជំងឺ COVID-19 ស៊េរី Novavax ឆ្នាំ 2023-2024 ដើម្បីបង្កើនប្រសិទ្ធភាពក្រោយពេលចាក់ដូសចុងក្រោយនៃវ៉ាក់សាំងជំងឺ COVID-19 យ៉ាងតិច 2 ខែ។
- បុគ្គលអាយុ 12 ឆ្នាំឡើងទៅដែលមិនបានចាក់វ៉ាក់សាំងអាចពិចារណាចាក់ 2 ដូសនៃវ៉ាក់សាំងជំងឺ COVID-19 ស៊េរី Novavax ឆ្នាំ 2023-2024 ដើម្បីបង្កើនប្រសិទ្ធភាពដោយចាក់មុនក្រោយគ្នា 3 សប្ដាហ៍។
សូមចូលទៅកាន់ កម្មវិធីស្វែងរកវ៉ាក់សាំង ដើម្បីស្វែងរក និងកំណត់ពេលណាត់ជួបដោយប្រើតម្រងដែលភ្ជាប់មកជាមួយ ដើម្បីបង្ហាញគ្លីនិកដែលផ្តល់វ៉ាក់សាំងដល់កុមារ។
ត្រូវការជំនួយមែនទេ? ហៅទៅលេខ 1-833-VAX-HELP (833-829-4357), បន្ទាប់មកចុច #។ ជំនួយផ្នែកភាសាគឺមានផ្ដល់ជូន។ អ្នកក៏អាចសរសេរសារលេខកូដតំបន់របស់អ្នកទៅលេខ 438-829 (GET VAX) or 822-862 (VACUNA) បានផងដែរសម្រាប់ទីតាំងផ្ដល់វ៉ាក់សាំងដែលនៅជិតអ្នក។
សុវត្ថិភាព & ស័ក្តិសិទ្ធភាពវ៉ាក់សាំង
ការឲ្យកូនរបស់អ្នកទទួលការចាក់វ៉ាក់សាំងប្រឆាំងនឹងជំងឺ COVID-19 អាច៖
- ជួយកាត់បន្ថយហានិភ័យដល់ពួកគេពីការឆ្លងជំងឺ COVID-19
- កាត់បន្ថយឱកាសរបស់ពួកគេក្នុងការមានជំងឺធ្ងន់ធ្ងរ ប្រសិនបើពួកគេពិតជាត្រូវឆ្លងជំងឺ COVID-19 នោះ
- កាត់បន្ថយឱកាសក្នុងការចាំបាច់ត្រូវចូលសម្រាកពេទ្យ និងកាត់បន្ថយហានិភ័យនៃការស្លាប់ដោយសារជំងឺ COVID-19
- បន្ថែមចំនួនមនុស្សនៅក្នុងសហគមន៍ដែលពួកគេទទួលបានការការពារពីជំងឺ COVID-19 ដោយធ្វើឲ្យជំងឺនេះកាន់តែពិបាកក្នុងការរីករាលដាល
សំណួរចោទសួរជាញឹកញាប់សម្រាប់ឪពុកម្តាយនិងអាណាព្យាបាល
- ហេតុអ្វីបានជាខ្ញុំបារម្ភខ្លាចក្រែងកូនរបស់ខ្ញុំកើតជំងឺ COVID-19?
-
តាំងពីចាប់ផ្ដើមមានការឆ្លងជំងឺរាតត្បាតមក កុមារជាង 15 លាននាក់នៅសហរដ្ឋអាមេរិកបានឆ្លងជំងឺ COVID-19។វីរុសបំប្លែងខ្លួនថ្មីនៃជំងឺ COVID-19 បច្ចុប្បន្នបង្កឱ្យមានការចម្លង និងការសម្រាកព្យាបាលក្នុងមន្ទីរពេទ្យច្រើនបំផុតនៅសហរដ្ឋអាមេរិក។
ពិតមែនតែជំងឺ COVID-19 ជារឿយៗមានសភាពស្រាលលើខ្លួនកុមារជាងមនុស្សពេញវ័យ ប៉ុន្តែកុមារនៅតែអាចឈឺធ្ងន់ និងចម្លងជំងឺទៅមិត្តភក្តិនិងគ្រួសារដែលមានប្រព័ន្ធភាពស៊ាំអន់ខ្សោយ ឬងាយរងគ្រោះដោយប្រការផ្សេងទៀត។ ពាក់កណ្ដាលនៃចំនួនកុមារស្លាប់ដោយសារជំងឺ COVID-19 ដែលបានរាយការណ៍នៅសហរដ្ឋអាមេរិកគឺជាកុមារដែលមិនមានបញ្ហាសុខភាពស្រាប់ទេ។
កុមារដែលបានឆ្លងជំងឺ COVID-19 អាចកើតមាន “ជំងឺ COVID-19 រយៈពេលវែង” ឬរោគសញ្ញាកើតមានឥតស្រាកស្រាន ដែលជារឿយៗមានដូចជាការពិបាកផ្ចង់អារម្មណ៍ អស់កម្លាំង ឈឺក្បាល វិលមុខ និងថប់ដង្ហើម។ ការចាក់វ៉ាក់សាំងគឺជាវិធីដ៏ល្អបំផុតក្នុងការបន្តឲ្យកុមារមានសុខភាពល្អ និងមានសុវត្ថិភាព។កុមារដែលឆ្លងជំងឺ COVID-19 អាចនឹងមានហានិភ័យកាន់តែខ្ពស់ ប្រឈមទៅនឹង ប្រជុំរោគសញ្ញារលាកចម្រុះលើប្រព័ន្ធរាងកាយ (MIS-C) (ជាភាសាអង់គ្លេសតែប៉ុណ្ណោះ) ។ MIS-C គឺជាស្ថានភាពជំងឺមួយដែលផ្នែកផ្សេងៗនៃរាងកាយអាចមានការហើមរលាក រួមទាំងបេះដូង សួត ក្រលៀន ខួរក្បាល ស្បែក ភ្នែក ឬសរីរាង្គក្រពះពោះវៀន។ ពិតមែនតែគេនៅមិនទាន់ដឹងនៅឡើយអំពីបុព្វហេតុអ្វីខ្លះដែលបង្កជំងឺ MIS-C ប៉ុន្តែកុមារជាច្រើនដែលមានជំងឺ MIS-C បានកើតជំងឺ COVID-19 ឬបានស្ថិតនៅក្បែរអ្នកដែលមានជំងឺ COVID-19។ MIS-C អាចមានភាពធ្ងន់ធ្ងរ ថែមទាំងគ្រោះថ្នាក់ដល់ជីវិតទៀតផង ប៉ុន្តែកុមារភាគច្រើនដែលបានធ្វើរោគវិនិច្ឆ័យឃើញមានអាការជំងឺនេះ បានជាសះស្បើយដោយការថែទាំវេជ្ជសាស្ត្រ។
- តើធ្វើម៉េចទើបយើងដឹងថា វ៉ាក់សាំងទាំងនេះមានសុវត្ថិភាព និងប្រសិទ្ធភាពសម្រាប់កុមារ?
-
Centers for Disease Control and Prevention (CDC, មជ្ឈមណ្ឌលគ្រប់គ្រងនិងបង្ការជំងឺ) បានពង្រីក និងពង្រឹងសមត្ថភាពរបស់ប្រទេសក្នុងការតាមដានសុវត្ថិភាពវ៉ាក់សាំង ដើម្បីឱ្យប្រាកដថាវ៉ាក់សាំងជំងឺ COVID-19 មានសុវត្ថិភាព។ ជាលទ្ធផល អ្នកជំនាញផ្នែកសុវត្ថិភាពវ៉ាក់សាំងអាចតាមដាន និងរកឃើញបញ្ហាដែលប្រហែលជាមិនបានរកឃើញអំឡុងពេលពិសោធសាកល្បងវេជ្ជសាស្ត្រលើវ៉ាក់សាំងជំងឺ COVID-19 ។
- តើវ៉ាក់សាំងនេះតម្រូវចាំបាច់សម្រាប់ការចូលរៀននៅសាលាថ្នាក់មត្តេយ្យដល់ថ្នាក់ទី12 ដែរឬទេ?
-
Washington State Board of Health (ក្រុមប្រឹក្សាសុខាភិបាលនៃរដ្ឋវ៉ាស៊ីនតោន) (ជាភាសាអង់គ្លេស) ពោលគឺមិនមែន Department of Health (ក្រសួងសុខាភិបាល) ទេដែលមានសិទ្ធិអំណាចក្នុងការបង្កើតលក្ខខណ្ឌតម្រូវចំពោះការចាក់វ៉ាក់សាំងសម្រាប់កុមារនៅសាលារៀនថ្នាក់មត្តេយ្យដល់ថ្នាក់ទី 12 តាម Revised Code of Washington (RCW, ច្បាប់រដ្ឋវ៉ាស៊ីនតោនដែលបានកែប្រែ) 28A.210.140 ។ មិនមានលក្ខខណ្ឌតម្រូវអំពីវ៉ាក់សាំងជំងឺ COVID-19 ចំពោះសាលារៀន ឬមណ្ឌលថែទាំកុមារនៅពេលនេះទេ។
- តើខ្ញុំចាំបាច់ត្រូវបង់ប្រាក់សម្រាប់វ៉ាក់សាំងនេះដែរឬទេ?
-
ទេ។ កុមារទាំងអស់ដែលមានអាយុ 18 ឆ្នាំចុះក្រោមមានសិទ្ធិចាក់វ៉ាក់សាំងជំងឺ COVID-19 តាមរយៈ Childhood Vaccine Program (កម្មវិធីវ៉ាក់សាំងកុមារ) ដោយមិនគិតថ្លៃសម្រាប់អ្នកជំងឺ។
ប្រសិនបើអ្នកមានការធានារ៉ាប់រងសាធារណៈឬឯកជន អ្នកផ្តល់សេវាវ៉ាក់សាំងរបស់អ្នកអាចនឹងចេញវិក្កយបត្រទូទាត់ទៅដល់ពួកគេ ដើម្បីទទួលបានសំណងទូទាត់មកវិញសម្រាប់ថ្លៃផ្តល់វ៉ាក់សាំង។
- តើផលរំខានទូទៅនៃវ៉ាក់សាំង COVID-19 លើកុមារមានអ្វីខ្លះ?
-
ហានិភ័យសុខភាពក្នុងករណីកុមារឆ្លងជំងឺ COVID-19 គឺខ្ពស់ខ្លាំងជាងហានិភ័យនៃផលរំខានរបស់វ៉ាក់សាំង។
ដូចគ្នាទៅនឹងវ៉ាក់សាំងធម្មតាផ្សេងទៀតដែរ ផលរំខានទូទៅបំផុតរួមមានការឈឺដៃ អស់កម្លាំង ឈឺក្បាល និងឈឺចុកចាប់សាច់ដុំ។ រោគសញ្ញាទាំងនេះគឺស្រាលជាធម្មតា។
នៅក្នុងការពិសោធន៍សាកល្បងបែបគ្លីនិក (ជាភាសាអង់គ្លេសតែប៉ុណ្ណោះ) កុមារភាគច្រើនបានរាយការណ៍អំពីផលរំខាននានាក្រោយដូសទីពីរ ជាជាងដូសទីមួយ។ ផលរំខានជាទូទៅមានកម្រិតធ្ងន់ធ្ងរពីស្រាលទៅមធ្យម និងបានកើតមានក្នុងរយៈពេលពីរថ្ងៃក្រោយការចាក់វ៉ាក់សាំង និងភាគច្រើនបាត់ទៅវិញក្នុងរយៈពេលមួយថ្ងៃទៅពីរថ្ងៃ។
- តើមានសារធាតុផ្សំអ្វីខ្លះនៅក្នុងវ៉ាក់សាំង mRNA?
-
សារធាតុផ្សំនៅក្នុងវ៉ាក់សាំង mRNA គឺធម្មតាបំផុតសម្រាប់វ៉ាក់សាំង។ វ៉ាក់សាំងផ្ទុកនូវសារធាតុផ្សំសកម្ម mRNA ជាមួយនឹងសារធាតុផ្សេងទៀតដូចជាខ្លាញ់ អំបិល និងស្ករ ដែលការពារសារធាតុផ្សំសកម្ម ជួយឲ្យវាមានប្រសិទ្ធភាពល្អនៅក្នុងរាងកាយ និងការពារវ៉ាក់សាំងនៅអំឡុងពេលរក្សាទុកនិងដឹកជញ្ជូន។
វ៉ាក់សាំង mRNA មិន មានផ្ទុកកោសិកាមនុស្ស (រួមទាំងកោសិកាគភ៌) វីរុស COVID-19 ជាតិជ័រ សារធាតុរក្សាទុកបានយូរ ឬអនុផលផលិតចេញពីសត្វមួយចំនួន រួមទាំងផលិតផលសាច់ជ្រូក ឬ ជេឡាធីនផងដែរ។ វ៉ាក់សាំងនេះមិនត្រូវបានបណ្តុះនៅក្នុងស៊ុត និងមិនមានផ្ទុកផលិតផលស៊ុតទេ។
មើលសំណួរចម្លើយនេះ, ទំព័រគេហទំព័រពី Children's Hospital of Philadelphia (មន្ទីរពេទ្យកុមារហ្វ៊ីឡាដែលហ្វ្យា៉) (ជាភាសាអង់គ្លេសប៉ុណ្ណោះ) សម្រាប់ព័ត៌មានបន្ថែមអំពីសារធាតុផ្សំ។
- តើយីហោផលិតផលវ៉ាក់សាំងមួយណាដែលកូនរបស់ខ្ញុំអាចទទួលបាន?
-
នៅពេលនេះ យីហោវ៉ាក់សាំង Pfizer-BioNTech (Pfizer) និងវ៉ាក់សាំង Moderna សម្រាប់ជំងឺ COVID-19 ត្រូវបានអនុញ្ញាតសម្រាប់កុមារអាយុ 6 ខែឡើងទៅ។ វ៉ាក់សាំង Novavax មានផ្ដល់ជូនសម្រាប់បុគ្គលអាយុ 12 ឆ្នាំឡើងទៅតាម Emergency Use Authorization (EUA, ការផ្ដល់សិទ្ធិអនុញ្ញាតឱ្យប្រើប្រាស់ក្នុងពេលមានអាសន្ន)។ កុមារអាយុ 6 ខែដល់ 4 ឆ្នាំត្រូវតែចាក់វ៉ាក់សាំងពីក្រុមហ៊ុនផលិតតែមួយសម្រាប់ដូសទាំងអស់។ កុមារអាយុ 5 ឆ្នាំឡើងទៅអាចចាក់វ៉ាក់សាំងពីក្រុមហ៊ុនផលិត ឬម៉ាកណាក៏បានដែលមានផ្ដល់ជូនបច្ចុប្បន្ន ដោយមិនគិតពីចំនួនដូសដែលបានចាក់ពីមុន។
- តើកូនរបស់ខ្ញុំនឹងត្រូវការចាក់ដូសថ្មី ក្រោយពេលចាក់វ៉ាក់សាំងស៊េរីដំបូងរបស់គាត់ដែរទេ?
-
Centers for Disease Control and Prevention (CDC, មជ្ឈមណ្ឌលគ្រប់គ្រង និងបង្ការជំងឺ) ណែនាំឱ្យគ្រប់គ្នាដែលមានអាយុ 6 ខែឡើងទៅចាក់យ៉ាងតិច 1 ដូសនៃវ៉ាក់សាំងជំងឺ COVID-19 ថ្មីឆ្នាំ 2023-2024។ វ៉ាក់សាំងថ្មីគួរតែចាក់នៅយ៉ាងតិច 2 ខែក្រោយពីដូសចុងក្រោយ ប្រសិនបើបានចាក់វ៉ាក់សាំងពីមុន។ កុមារអាយុ 6 ខែដល់ 4 ឆ្នាំអាចនឹងត្រូវការច្រើនដូស អាស្រ័យលើចំនួនដូសដែលបានចាក់ពីមុន។
- តើកូនរបស់ខ្ញុំនឹងត្រូវការដូសជំរុញដែរទេ?
- តើកូនរបស់ខ្ញុំត្រូវការប៉ុន្មានដូស?
-
- កុមារអាយុ 6 ខែដល់ 4 ឆ្នាំចាក់វ៉ាក់សាំងស៊េរី Pfizer ដែលមាន 3 ដូស ឬវ៉ាក់សាំងស៊េរី Moderna ដែលមាន 2 ដូស។
- កុមារអាយុ 5 ឆ្នាំឡើងទៅចាក់តែ 1 ដូសនៃវ៉ាក់សាំង Pfizer ឬ Moderna។
កុមារអាយុ 6 ខែឡើងទៅដែលមានប្រព័ន្ធភាពស៊ាំចុះខ្សោយកម្រិតមធ្យម ឬធ្ងន់ធ្ងរគួរតែចាក់ស៊េរីដែលមាន 3 ដូស និងអាចចាក់ដូសបន្ថែមក្រោយពេលចាក់ដូសចុងក្រោយយ៉ាងតិច 2 ខែ។ សូមពិនិត្យមើលគោលការណ៍ណែនាំរបស់ Centers for Disease Control and Prevention (CDC, មជ្ឈមណ្ឌលគ្រប់គ្រងនិងបង្ការជំងឺ) (ជាភាសាអង់គ្លេស និងអេស្ប៉ាញប៉ុណ្ណោះ) សម្រាប់មនុស្សមានប្រព័ន្ធភាពស៊ាំចុះខ្សោយ។
- តើខ្ញុំគួរតែពិភាក្សាជាមួយនរណា ប្រសិនបើខ្ញុំមានសំណួរអំពីវ៉ាក់សាំងនេះ?
-
ពិភាក្សាជាមួយគ្រូពេទ្យកុមាររបស់កូនអ្នក ឬអ្នកផ្តល់សេវាវេជ្ជសាស្ត្រដែលទុកចិត្តបានផ្សេងទៀត ពិភាក្សាជាមួយបុគ្គលិកសុខភាពតាមសហគមន៍ ឬអានព័ត៌មាននៅលើ www.CovidVaccineWA.org។
- តើខ្ញុំអាចយកកូនខ្ញុំទៅចាក់វ៉ាក់សាំងនៅកន្លែងណា?
-
រដ្ឋ Washington ផ្ដល់វ៉ាក់សាំងដែលបានណែនាំទាំងអស់ដោយឥតគិតថ្លៃសម្រាប់កុមារដែលមានអាយុរហូតដល់ 18 ឆ្នាំ។ សូមសាកសួរគ្រូពេទ្យកុមារ ឬគ្លីនិកជាប្រចាំរបស់កូនអ្នកថាតើពួកគេផ្តល់វ៉ាក់សាំងជំងឺ COVID-19 ឬអត់។
គ្រួសារដែលមិនមានអ្នកផ្ដល់សេវាថែទាំសុខភាពអាចហៅទៅខ្សែទូរសព្ទបន្ទាន់របស់ Help Me Grow WA តាមរយៈលេខ 1-800-322-2588 ឬចូលទៅកាន់គេហទំព័រ ParentHelp123.org ដើម្បីស្វែងរកអ្នកផ្ដល់សេវាថែទាំសុខភាព គ្លីនិក ឬធនធានផ្នែកសុខភាពផ្សេងទៀត។ សេវាកម្មនេះពុំមានការគិតថ្លៃទេ ហើយយើងមានផ្ដល់ជូនជំនួយផ្នែកភាសា។
អ្នកក៏អាចចូលទៅកាន់គេហទំព័រ VaccineLocator.doh.wa.gov ហើយប្រើតម្រងដើម្បីមើលបញ្ជីទីតាំងនៅជិតអ្នកដែលមានវ៉ាក់សាំងសម្រាប់កុមារបានផងដែរ។ អ្នកក៏អាចប្រើផែនទីអ្នកផ្ដល់សេវាបានផងដែរ ដើម្បីដឹងពីអ្នកផ្ដល់សេវាដែលបានទទួលវ៉ាក់សាំងសម្រាប់ផ្គត់ផ្គង់ជាសាធារណៈតាមរយៈ Childhood Vaccine Program (កម្មវិធីវ៉ាក់សាំងកុមារ) និង Adult Vaccine Program (កម្មវិធីវ៉ាក់សាំងមនុស្សពេញវ័យ)។ សូមទាក់ទងទៅអ្នកផ្ដល់សេវាជាមុន ដើម្បីដឹងថាមានវ៉ាក់សាំងក្នុងស្តុកឬអត់ និងសួរព័ត៌មានបន្ថែម ដើម្បីដឹងពីគោលការណ៍ពាក់ព័ន្ធនឹងការអនុវត្ត។
- តើកូនរបស់ខ្ញុំអាចទទួលវ៉ាក់សាំង COVID-19 ដែរឬទេ នៅពេលពួកគេទទួលវ៉ាក់សាំងផ្សេងទៀតដូជជាវ៉ាក់សាំងសម្រាប់គ្រុនផ្តាសាយធំជាដើម?
-
បាទ/ចាស។ នៅពេលនេះ កូនរបស់អ្នកអាចទទួលបានវ៉ាក់សាំងជំងឺ COVID-19 ក្នុងពេលតែមួយដែលពួកគេចាក់វ៉ាក់សាំងផ្សេងទៀតដែរ។
អ្នកមិនចាំបាច់ត្រូវកំណត់ពេល ចាក់វ៉ាក់សាំងតាមសាលាដែលបានតម្រូវ (ជាភាសាអង់គ្លេសតែប៉ុណ្ណោះ) ឬវ៉ាក់សាំងដែលបានណែនាំផ្សេងទៀត ដាច់ដោយឡែកពីការចាក់វ៉ាក់សាំង COVID-19 ទេ។ ការណាត់ជួបចាក់វ៉ាក់សាំងជំងឺ COVID-19 គឺជាឱកាសមួយទៀតដែលអ្នកឲ្យកូនរបស់អ្នកទទួលបានវ៉ាក់សាំងតាមការណែនាំដែលអ្នកមិនទាន់បានទទួលកន្លងមក។
- តើវ៉ាក់សាំងជំងឺ COVID-19 ត្រូវបានតម្រូវចាំបាច់សម្រាប់កូនរបស់ខ្ញុំដើម្បីបានចូលទៅកាន់មណ្ឌលថែទាំកុមារ ឬកម្មវិធីបោះជំរុំកុមារពេលថ្ងៃដែរឬទេ?
-
Washington State Board of Health (ជាភាសាអង់គ្លេសតែប៉ុណ្ណោះ) សម្រេចថាតើវ៉ាក់សាំងមួយណាដែលតម្រូវចាំបាច់សម្រាប់សាលារៀននិងមណ្ឌលថែទាំកុមារ។ គ្មានលក្ខខណ្ឌតម្រូវសម្រាប់សាលារៀនឬមណ្ឌលថែទាំកុមារសម្រាប់វ៉ាក់សាំងជំងឺ COVID-19 នៅពេលនេះទេ។
សម្រាប់ជំរុំថែទាំកុមារពេលថ្ងៃ សូមសាកសួរទៅកាន់ស្ថាប័នដែលដំណើរការជំរុំថែទាំកុមារ ដើម្បីស្វែងយល់ថាលក្ខខណ្ឌតម្រូវរបស់ពួកគេមានអ្វីខ្លះ។