ការកសាងទំនុកចិត្ត និងការលុបបំបាត់គំនិតយល់ខុស

អ្នកអាចមានទំនុកចិត្តទៅលើវ៉ាក់សាំង COVID-19!

មនុស្សភាគច្រើននៅក្នុងសហរដ្ឋអាមេរិក កំពុងរៀបចំផែនចាក់វ៉ាក់សាំងប្រឆាំងជំងឺ COVID-19 ប៉ុន្តែអ្នកខ្លះទៀតអាចនឹងចង់បានព័ត៌មានបន្ថែមទៀតមុនពេលចាក់វ៉ាក់សាំង។ នេះគឺរឿងធម្មតាទៅហើយ។ យើងគ្រប់រូបសុទ្ធតែចង់មានទំនុកចិត្តក្នុងការធ្វើសេចក្តីសម្រេចចិត្តណាមួយដែលមានឥទ្ធិពលដល់ជីវិតរបស់យើង។

ដើម្បីមានទំនុកចិត្ត យើងត្រូវការព័ត៌មានពីប្រភពដែលអាចទុកចិត្តបាន។ ជួយមិត្តភក្តិនិងគ្រួសាររបស់អ្នកឲ្យបែងចែកភាពខុសគ្នារវាងពាក្យចចាមអារ៉ាម និងព័ត៌មានពិតអំពីវ៉ាក់សាំង COVID-19។

អ្នកអាចជួយឲ្យមនុស្សមានទំនុកចិត្តនៅក្នុងការសម្រេចចិត្តរបស់ពួកគេក្នុងការចាក់វ៉ាក់សាំង។ អ្នកអាចធ្វើរឿងនេះបានតាមរយៈ៖

ចំណាយពេលស្តាប់ក្តីកង្វល់របស់មិត្តភក្តិនិងសមាជិកគ្រួសាររបស់អ្នក។ សូមមើលសៀវភៅស្តីពីការពិភាក្សាអំពីវ៉ាក់សាំង (ជាភាសាអង់គ្លេសប៉ុណ្ណោះ) សម្រាប់គន្លឹះស្តីពីរបៀបសន្ទនាអំពីវ៉ាក់សាំង។
ការឆ្លើយសំណួររបស់ពួកគេ។ ប្រសិនបើអ្នកមិនដឹងចម្លើយ អ្នកអាចស្នើសុំឲ្យពួកគេពិភាក្សាជាមួយអ្នកផ្តល់ការថែទាំសុខភាពរបស់ពួកគេ។
នៅពេលអ្នកសម្រេចចាក់វ៉ាក់សាំង សូមប្រាប់មូលហេតុថាហេតុអ្វីអ្នកសម្រេចចិត្តចាក់វ៉ាក់សាំង។ រឿងផ្ទាល់ខ្លួនរបស់អ្នក អាចមានឥទ្ធិពលខ្លាំងក្លាទៅលើគ្រួសារ និងសហគមន៍របស់អ្នក។

អ្នកមានសមត្ថភាពក្នុងការមានឥទ្ធិពលទៅលើមនុស្សនៅជុំវិញខ្លួនអ្នក តាមរយៈអ្វីដែលអ្នកនិយាយ និងអ្វីដែលអ្នកធ្វើ។ មើលគន្លឹះទាំងនេះ ស្តីពី របៀបពិភាក្សាអំពីវ៉ាក់សាំង COVID-19 ជាមួយមិត្តភក្តិនិងគ្រួសារ (ជាភាសាអង់គ្លេសតែប៉ុណ្ណោះ) (ជាភាសាអង់គ្លេសប៉ុណ្ណោះ)។

មើលព័ត៌មានអំពីវ៉ាក់សាំងខាងក្រោម និងចែករំលែកព័ត៌មាននេះទៅដល់មនុស្សដែលអ្នកស្គាល់។ យើងបានបែងចែកព័ត៌មានទាំងនេះទៅជាផ្នែកនានានៃប្រធានបទពេញនិយម។

សុវត្ថិភាព & ស័ក្តិសិទ្ធភាព
សុខភាពបន្តពូជ
សារធាតុផ្សំ
ក្តីបារម្ភអំពីសុខភាព

សុវត្ថិភាព & ស័ក្តិសិទ្ធភាព

ហេតុអ្វីបានជាមានបញ្ហា ករណីដែលខ្ញុំទទួលវ៉ាក់សាំង COVID-19 ឬអត់នោះ?

វាជាជម្រើសផ្តាច់មុខរបស់អ្នកក្នុងការទទួលវ៉ាក់សាំង COVID-19 ប៉ុន្តែ យើងត្រូវការឲ្យមនុស្សច្រើននាក់តាមដែលអាចធ្វើបាន ទៅទទួលវ៉ាក់សាំង ដើម្បីបញ្ចប់ជំងឺរាតត្បាតនេះ។ វីរុស COVID-19 ពិបាកនឹងឆ្លងរាលដាល នៅពេលមនុស្សជាច្រើននៅក្នុងសហគមន៍មានភាពស៊ាំទៅនឹងជំងឺ – តាមរយៈការចាក់វ៉ាក់សាំង ឬ ការឆ្លងជំងឺនាពេលថ្មីៗ។ អត្រាចាក់វ៉ាក់សាំងរបស់យើងកាន់តែខ្ពស់ អត្រាឆ្លងជំងឺរបស់យើងកាន់តែទាប។

មនុស្សដែលមិនបានចាក់វ៉ាក់សាំងទេ នៅតែអាចឆ្លងវីរុស និងចម្លងវីវុសនេះទៅអ្នកដទៃ។ មនុស្សមួយចំនួនមិនអាចទទួលវ៉ាក់សាំងបានទេ ដោយសារហេតុផលវេជ្ជសាស្ត្រមួយចំនួន ហើយនេះអាចឲ្យពួកគេងាយរងគ្រោះយ៉ាងខ្លាំងទៅនឹងជំងឺ COVID-19។ ប្រសិនបើអ្នកមិនបានចាក់វ៉ាក់សាំងទេ អ្នកក៏មានហានិភ័យកាន់តែខ្ពស់ប្រឈមទៅនឹងការចូលសម្រាកពេទ្យ ឬការស្លាប់ដោយសារ វ៉ារ្យង់ COVID-19 (ជាភាសាអង់គ្លេសតែប៉ុណ្ណោះ)។ ការចាក់វ៉ាក់សាំងមិនត្រឹមតែការពារអ្នកប៉ុណ្ណោះទេ តែថែមទាំងការពារគ្រួសារ អ្នកជិតខាង និងសហគមន៍របស់អ្នកផងដែរ។

ហេតុអ្វីខ្ញុំគួរទទួលវ៉ាក់សាំង COVID-19 ប្រសិនបើមនុស្សភាគច្រើនអាចរួចផុតពីជំងឺនេះ?

មនុស្សភាគច្រើនដែលមានជំងឺ COVID-19 មានរោគសញ្ញាស្រាលតែប៉ុណ្ណោះ។ ប៉ុន្តែ វីរុសនេះពិតជាមិនអាចព្យាករណ៍បានឡើយ ហើយយើងដឹងថា វ៉ារ្យ៉ង់ COVID-19 មួយចំនួនអាចធ្វើឲ្យអ្នកឈឺកាន់តែខ្លាំង។ មនុស្សមួយចំនួនអាចធ្លាក់ខ្លួនឈឺខ្លាំង ឬស្លាប់ដោយសារ COVID-19 សូម្បីតែមនុស្សវ័យក្មេងដែលមិនមានស្ថានភាពជំងឺរ៉ាំរ៉ៃក៏ដោយ។ មនុស្សមួយចំនួនទៀត ត្រូវបានស្គាល់ថាជា “ក្រុមអ្នកធ្លាប់កើតជំងឺ COVID” អាចនឹងមានរោគសញ្ញាដែលកើតមានរយៈពេលច្រើនខែ និងប៉ះពាល់ដល់គុណភាពជីវិតរស់នៅរបស់ពួកគេ។ យើងក៏មិនដឹងដែរអំពីការប៉ះពាល់រយៈពេលវែងទាំងអស់នៃជំងឺ COVID-19 ដោយសារតែវាជាមេរោគថ្មី។ ការចាក់វ៉ាក់សាំង គឺជាការបង្ការដ៏ល្អបំផុតរបស់យើងប្រឆាំងទៅនឹងវីរុសនេះ។

តើវ៉ាក់សាំងទាំងនេះពិតជាមានសុវត្ថិភាព ឬប្រសិទ្ធភាពដែរឬទេ?

បាទ/ចាស វ៉ាក់សាំងជំងឺ COVID-19 គឺមានសុវត្ថិភាព និងប្រសិទ្ធភាព។ អ្នកវិទ្យាសាស្ត្របានធ្វើតេស្តវ៉ាក់សាំងនានាទៅលើអ្នកចូលរួមជាច្រើនពាន់នាក់ នៅក្នុងការសាកល្បងតាមបែបវេជ្ជសាស្ត្រ។ វ៉ាក់សាំងទាំងនោះគឺបំពេញទៅតាមស្ដង់ដារបស់ U.S. Food and Drug Administration (FDA, រដ្ឋបាលចំណីអាហារនិងឱសថរបស់សហរដ្ឋអាមេរិក) សម្រាប់សុវត្ថិភាព ប្រសិទ្ធភាព និងគុណភាពផលិតកម្មដែលចាំបាច់ដើម្បីគាំទ្រការអនុញ្ញាតឲ្យប្រើប្រាស់ក្នុងគ្រាមានអាសន្ន។ វ៉ាក់សាំងទាំងនោះត្រូវបានគេបញ្ជាក់ថាល្អខ្លាំងណាស់ក្នុងការបង្ការកុំឲ្យមនុស្សធ្លាក់ខ្លួនឈឺជំងឺ COVID-19។ ចាប់ពីពេលនោះមក វ៉ាក់សាំងទាំងនេះត្រូវបានផ្តល់ជូនយ៉ាងមានសុត្ថិភាពទៅដល់មនុស្សរាប់លាននាក់។

ទស្សនា វីដេអូទាំងនេះ ដើម្បីស្វែងយល់បន្ថែមអំពីរបៀបផលិតវ៉ាក់សាំង COVID-19៖

តើវ៉ាក់សាំងមានសុវត្ថិភាពសម្រាប់កូនខ្ញុំដែរឬទេ?

បាទ/ចាស។ វ៉ាក់សាំង Pfizer ត្រូវបានធ្វើតេស្តលើយុវជនរាប់ពាន់នាក់ និងបង្ហាញថាមានសុវត្ថិភាព។ វាក៏មានប្រសិទ្ធភាពខ្លាំងផងដែរ – គ្មានយុវជនឬអ្នកស្ម័គ្រចិត្តណាម្នាក់ដែលទទួលវ៉ាក់សាំងនេះរួច បានកើតជំងឺ COVID-19 ទេ។ Centers for Disease Control and Prevention (CDC, មជ្ឈមណ្ឌលគ្រប់គ្រងនិងបង្ការជំងឺ) បានណែនាំវ៉ាក់សាំង COVID-19 ទៅដល់ មនុស្សគ្រប់រូបដែលមានអាយុ 6 ខែឆ្នាំឡើងទៅ (ជាភាសាអង់គ្លេសប៉ុណ្ណោះ)

តើខ្ញុំអាចជឿទុកចិត្តថាវ៉ាក់សាំងមានសុវត្ថិភាពដែរឬទេ?

Centers for Disease Control and Prevention (CDC, មជ្ឈមណ្ឌលគ្រប់គ្រងនិងបង្ការជំងឺ) បានពង្រីក និងពង្រឹងសមត្ថភាពរបស់ប្រទេសក្នុងការតាមដានសុវត្ថិភាពវ៉ាក់សាំង ដើម្បីឱ្យប្រាកដថាវ៉ាក់សាំងជំងឺ COVID-19 មានសុវត្ថិភាព។ ជាលទ្ធផល អ្នកជំនាញផ្នែកសុវត្ថិភាពវ៉ាក់សាំងអាចតាមដាន និងរកឃើញបញ្ហាដែលប្រហែលជាមិនបានរកឃើញអំឡុងពេលពិសោធសាកល្បងវេជ្ជសាស្ត្រលើវ៉ាក់សាំងជំងឺ COVID-19។

តើខ្ញុំអាចមានជំងឺ COVID-19 ដោយសារវ៉ាក់សាំង COVID-19 ដែរឬទេ?

ទេ អ្នកមិនអាចមានជំងឺ COVID-19 ដោយសារតែវ៉ាក់សាំងនោះទេ។ វ៉ាក់សាំង COVID-19 មិនផ្ទុកវីរុសដែលបង្កឲ្យកើតជំងឺ COVID-19 នោះទេ។

តើខ្ញុំចាំបាច់ត្រូវទទួលវ៉ាក់សាំងនេះដែរឬទេ ប្រសិនបើខ្ញុំបានកើតជំងឺ COVID-19 រួចហើយ?

បាទ/ចាស អ្នកនៅតែគប្បីត្រូវចាក់វ៉ាក់សាំង ប្រសិនបើអ្នកបានកើតជំងឺ COVID-19 រួចហើយ។ ទិន្នន័យបង្ហាញថា ការឆ្លងជំងឺ COVID-19 សាជាថ្មីគឺកម្រកើតមានណាស់ ក្នុងរយៈពេល 90ថ្ងៃបន្ទាប់ពីអ្នកបានឆ្លងជំងឺ។ នោះមានន័យថា អ្នកអាចនឹងមានការការពារពីជំងឺ COVID-19 ខ្លះៗហើយ (ដែលហៅថាភាពស៊ាំធម្មជាតិ) សម្រាប់រយៈពេលខ្លី។ ប៉ុន្តែ យើងមិនដឹងថាតើភាពស៊ាំពីធម្មជាតិមានរយៈពេលយូរប៉ុណ្ណានោះទេ។ ស្វែងយល់បន្ថែមអំពីមូលហេតុដែលអ្នកគួរតែបន្ត ចាក់វ៉ាក់សាំងជាមួយនឹងវ៉ាក់សាំង COVID-19 (ជាភាសាអង់គ្លេសតែប៉ុណ្ណោះ) (ជាភាសាអង់គ្លេសប៉ុណ្ណោះ)។

តើការចាក់វ៉ាក់សាំង និងភាពស៊ាំមានភាពខុសគ្នាដូចម្តេចខ្លះ?

ភាពស៊ាំពីធម្មជាតិដែលការពារការឆ្លងរោគពិតជាផ្ដល់ភាពស៊ាំទល់នឹងការឆ្លងរោគឡើងវិញបានមួយកម្រិតមែន ប៉ុន្តែប្រការសំខាន់គឺត្រូវសង្កត់ធ្ងន់ថា ការឆ្លងរោគដំបូងក្នុងចំណោមបុគ្គលដែលមិនបានចាក់វ៉ាក់សាំង មានហានិភ័យកាន់តែខ្ពស់ដល់ថ្នាក់ឈឺធ្ងន់ ចូលសម្រាកព្យាបាលក្នុងមន្ទីរពេទ្យ និងស្លាប់បាន។ មនុស្សមួយចំនួនអាចបង្កើតអង់ទីករបន្ទាប់ពីឆ្លងជំងឺ COVID-19 ប៉ុន្តែមនុស្សមួយចំនួនទៀតមិនអាចនោះទេ។ សម្រាប់បុគ្គលដែលបង្កើតភាពស៊ាំបានខ្លះបន្ទាប់ពីឆ្លងជំងឺ គេមិនអាចដឹងថាវាការពារបានខ្លាំងកម្រិតណា ការពារបានយូរប៉ុនណា ឬមានភាពស៊ាំទល់នឹងរវីរុសបំប្លែងខ្លួនមួយណាឡើយ។

ដោយសារយើងមិនអាចពឹងផ្អែកលើភាពស៊ាំពីធម្មជាតិដើម្បីបង្ការការឆ្លងជំងឺឡើងវិញ ឬឈឺធ្ងន់ដោយសារជំងឺ COVID-19 ទើបការចាក់វ៉ាក់សាំងទាន់ពេលវេលានៅតែជាវិធីការពារដ៏ល្អបំផុត និងជាយុទ្ធសាស្ត្រចម្បងក្នុងការបង្ការកុំឱ្យឆ្លងវីរុស SARS-COV-2 ជំងឺពាក់ព័ន្ធ និងការចម្លងបន្តទៀត។

សុខភាពបន្តពូជ

តើខ្ញុំនឹងអាចមានកូនដែរឬទេ ប្រសិនបើខ្ញុំទទួលវ៉ាក់សាំង COVID-19?

បាទ/ចាស។ ការព្រួយបារម្ភរបស់អ្នកជុំវិញសុខភាពបន្តពូជ និងវ៉ាក់សាំង គឺអាចយល់បាន។ នេះជាអ្វីដែលយើងដឹង៖ មិនមានភ័ស្តុតាងវិទ្យាសាស្ត្រដែលបង្ហាញថាវ៉ាក់សាំងបណ្ដាលឲ្យមិនអាចមានកូនបាន ឬអសមត្ថភាពផ្លូវភេទនោះទេ។ នៅពេលដែលវ៉ាក់សាំងចូលដល់ក្នុងរាងកាយរបស់អ្នក វានឹងធ្វើការជាមួយប្រព័ន្ធភាពស៊ាំរបស់អ្នកដើម្បីបង្កើតអង្គបដិបក្ខប្រាណ ដើម្បីប្រយុទ្ធប្រឆាំងនឹងវីរុសកូរ៉ូណា។ ដំណើរការនេះមិនពាក់ព័ន្ធនឹងសរីរាង្គបន្តពូជរបស់អ្នកទេ។

American College of Obstetricians and Gynecologists (ACOG, មហាវិទ្យាល័យអាមេរិកាំងឯកទេសសម្ពពនិងរោគស្រ្តី) ណែនាំវ៉ាក់សាំង COVID-19 ដល់មនុស្សគ្រប់គ្នាដែលអាចចង់មានផ្ទៃពោះនៅពេលអនាគត ឬកំពុងមានផ្ទៃពោះ ឬកំពុងបំបៅដោះកូន។ មនុស្សជាច្រើនដែលបានចាក់វ៉ាក់សាំងប្រឆាំងនឹងជំងឺ COVID-19 ចាប់តាំងពីពេលនោះមក បានមានផ្ទៃពោះ ឬសម្រាលកូនដែលមានសុខភាពល្អ។

ដើម្បីមើលធនធានច្រើនទៀតអំពីការចាក់វ៉ាក់សាំងជំងឺ COVID-19 ខណៈពេលមានផ្ទៃពោះ និងកំពុងបំបៅដោះកូន សូមមើលព័ត៌មានថ្មីៗនៅលើគេហទំព័រ One Vax, Two Lives។

តើវ៉ាក់សាំងមានសុវត្ថិភាពសម្រាប់មនុស្សដែលមានផ្ទៃពោះដែរឬទេ?

បាទ/ចាស អ្នកអាចចាក់វ៉ាក់សាំង ប្រសិនបើមានផ្ទៃពោះ ហើយ American College of Obstetricians and Gynecologists (ACOG) (ជាភាសាអង់គ្លេសតែប៉ុណ្ណោះ) (ជាភាសាអង់គ្លេសប៉ុណ្ណោះ) ណែនាំវ៉ាក់សាំងនេះទៅដល់អ្នកដែលមានផ្ទៃពោះ។ មិនមានភ័ស្តុតាងបង្ហាញថា វ៉ាក់សាំងជំងឺ COVID-19 បង្កឲ្យមានបញ្ហាណាមួយជាមួយនឹងការមានផ្ទៃពោះ ការលូតលាស់របស់កូន កំណើត ឬលទ្ធភាពអាចមានកូនបាននោះទេ។

តើវ៉ាក់សាំងមានសុវត្ថិភាពសម្រាប់មនុស្សដែលបំបៅដោះកូនដែរឬទេ?

បាទ/ចាស អ្នកអាចទទួលការចាក់វ៉ាក់សាំងបាន ប្រសិនបើអ្នកកំពុងបំបៅដោះកូន។ អ្នកមិនចាំបាច់បញ្ឈប់ការបំបៅដោះកូននោះទេ ប្រសិនបើអ្នកចង់ចាក់វ៉ាក់សាំង។ តាមពិតទៅ របាយការណ៍មុនៗណែនាំថា វ៉ាក់សាំងអាចជួយឲ្យរាងកាយរបស់អ្នកឲ្យបញ្ជូនអង្គបដិបក្ខប្រាណទៅកាន់កូនរបស់អ្នកបានតាមរយៈទឹកដោះម្ដាយ។ ចាំបាច់ត្រូវមានការសិក្សាបន្ថែម ប៉ុន្តែប្រសិនបើករណីនេះត្រូវបានបញ្ជាក់ គឺវានឹងជួយការពារកូនរបស់អ្នកពីជំងឺ COVID-19។

អានបន្ថែមទៀតអំពីរបៀប ដែលវ៉ាក់សាំង COVID-19 ការពារម្តាយនិងកូនទើបកើតរបស់ពួកគេ (ជាភាសាអង់គ្លេសតែប៉ុណ្ណោះ (ជាភាសាអង់គ្លេសប៉ុណ្ណោះ)។

តើវ៉ាក់សាំងនេះនឹងផ្លាស់ប្តូរវដ្តរដូវរបស់ខ្ញុំដែរឬទេ?

មនុស្សមួយចំនួនបានរាយការណ៍អំពីការប្រែប្រួលវដ្តរដូវរបស់ពួកគេ ក្រោយពេលចាក់វ៉ាក់សាំង ប៉ុន្តែគ្មានទិន្នន័យបច្ចុប្បន្នណាមួយបង្ហាញថាការប្រែប្រួលទាំងនេះជាផលប៉ះពាល់រយៈពេលវែងនោះទេ។ វដ្តរដូវអាចប្រែប្រួលដោយសារអ្វីៗផ្សេងៗជាច្រើន ដូចជាជំងឺស្ត្រេសជាដើម។

សារធាតុផ្សំ

តើមានសារធាតុផ្សំអ្វីខ្លះនៅក្នុងវ៉ាក់សាំង?

អ្នកអាចនឹងមើលឃើញពាក្យចរចាមអារ៉ាម និងសារធាតុផ្សំមិនពិតដែលមានរៀបរាប់តាមអនឡាញ ឬនៅលើបណ្តាញព័ត៌មានសង្គម។ ជាទូទៅ ទាំងនេះជាការយល់ឃើញមិនត្រូវទេ។ សារធាតុផ្សំនៅក្នុងវ៉ាក់សាំង COVID-19 (ជាភាសាអង់គ្លេសតែប៉ុណ្ណោះ) គឺធម្មតាបំផុតសម្រាប់វ៉ាក់សាំង។ វ៉ាក់សាំងផ្ទុកនូវសារធាតុផ្សំសកម្ម mRNA ឬ អាដេណូវីរុសដែលបានកែប្រែជាមួយនឹងសារធាតុផ្សេងទៀតដូចជាខ្លាញ់ អំបិល និងស្ករ ដើម្បីការពារសារធាតុផ្សំសកម្ម ជួយឲ្យវាមានប្រសិទ្ធភាពល្អនៅក្នុងរាងកាយ និងការពារវ៉ាក់សាំងនៅអំឡុងពេលរក្សាទុកនិងការដឹកជញ្ជូន។

វ៉ាក់សាំង Novavax សម្រាប់ជំងឺ COVID-19 គឺជាវ៉ាក់សាំងផ្សំឡើងពីប្រភេទរងនៃប្រូតេអ៊ីនដែលមានសារធាតុបន្ថែម រួមជាមួយជាតិខ្លាញ់និងស្ករ ដើម្បីជួយឱ្យវ៉ាក់សាំងមានប្រសិទ្ធភាពកាន់តែខ្ពស់នៅក្នុងរាងកាយ។ វ៉ាក់សាំងនេះមិនប្រើ mRNA ទេ។

មើលតារាងសារធាតុផ្សំទាំងស្រុងនៅក្នុងតារាងព័ត៌មានវ៉ាក់សាំងប្រភេទ Pfizer, Moderna (ជាភាសាអង់គ្លេសប៉ុណ្ណោះ), Novavax និង Johnson & Johnson។

តើវ៉ាក់សាំង Johnson & Johnson មានផ្ទុកជាលិការបស់ទារកនៅក្នុងគភ៌ដែរឬទេ?

វ៉ាក់សាំង COVID-19 ប្រភេទ Johnson & Johnson ត្រូវបានផលិតឡើងដោយប្រើប្រាស់បច្ចេកវិទ្យាដូចគ្នានឹងបច្ចេកវិទ្យាផលិតវ៉ាក់សាំងជាច្រើនផ្សេងទៀតដែរ។ វ៉ាក់សាំងមិនផ្ទុកនូវផ្នែកនៃទារកក្នុងគភ៌ ឬកោសិកាទារកក្នុងគភ៌នោះទេ។ ចំណែកមួយនៃវ៉ាក់សាំងនេះ ត្រូវបានបង្កើតឡើងនៅក្នុងការចម្លងកោសិកាដែលបណ្តុះនៅក្នុងមន្ទីរពិសោធន៍ដែលមានប្រភពដើមមកពីការរំលូតកោសិកាតាមការជ្រើសរើស ដែលបានកើតឡើងជាង 35ឆ្នាំមុន។ បន្ទាប់ពីពេលនោះមក ការបណ្ដុះកោសិកាសម្រាប់វ៉ាក់សាំងទាំងនេះត្រូវបានរក្សាទុកនៅក្នុងមន្ទីរពិសោធន៍។ មិនមានប្រភពកោសិកាទារកនៅក្នុងគភ៌បន្ថែមទៀតត្រូវបានប្រើប្រាស់ដើម្បីបង្កើតវ៉ាក់សាំងទាំងនេះទេ។ ព័ត៌មាននេះអាចនឹងជាព័ត៌មានថ្មីសម្រាប់មនុស្សមួយចំនួន។ ប៉ុន្តែ វ៉ាក់សាំងជំងឺអុតស្វាយ រូបេឡា និងជំងឹថ្លើមប្រភេទ A ក៏ត្រូវបានបង្កើតឡើងក្នុងរបៀបដូចគ្នានេះផងដែរ។

តើវ៉ាក់សាំងនេះមានផ្ទុកមីក្រូឈីបដែរឬទេ?

ទេ វ៉ាក់សាំងមិនមានផ្ទុកមីក្រូឈីប ឬឧបករណ៍តាមដាននោះទេ។ ពួកវាមានផ្ទុកតែសារធាតុផ្សំសកម្មមួយដែលជួយរាងកាយរបស់អ្នកឲ្យបង្កកើតអង្គបដិបក្ខប្រាណដើម្បីប្រយុទ្ធប្រឆាំងនឹងជំងឺ COVID-19 បូកជាមួយនឹងខ្លាញ់ អំបិល និងស្ករ។

តើវ៉ាក់សាំង COVID-19 ធ្វើឲ្យខ្ញុំមានកម្លាំងម៉ាញេទិចដែរឬទេ?

ទេ អ្នកមិនមានកម្លាំងម៉ាញេទិចទេ ប្រសិនបើអ្នកទទួលវ៉ាក់សាំងជំងឺ COVID-19។ វ៉ាក់សាំងមិនមានផ្ទុកសារធាតុផ្សំដែលអាចធ្វើឲ្យមានដែនអេឡិចត្រូម៉ាញេទិចទេ ហើយពួកវាគ្មានសារធាតុលោហៈនោះទេ។ អ្នកអាចមើលតារាងសារធាតុផ្សំទាំងស្រុងនៅក្នុងប័ណ្ណព័ត៌មានវ៉ាក់សាំងប្រភេទ Pfizer, Moderna (ជាភាសាអង់គ្លេសប៉ុណ្ណោះ), និង Johnson & Johnson។ សម្រាប់ព័ត៌មានបន្ថែម។

ក្តីបារម្ភអំពីសុខភាពផ្សេងៗ

តើខ្ញុំអាចមានបញ្ហាឈាមកកដែលបណ្តាលមកពីវ៉ាក់សាំងនេះដែរឬទេ?

ហានិភ័យបញ្ហាឈាមកក គឺមានអត្រាទាបខ្លាំងណាស់។ ចំនួនមនុស្សដែលមានអាការៈឈាមកកបន្ទាប់ពីចាក់វ៉ាក់សាំង Johnson & Jonhson គឺមានអត្រាទាបខ្លាំងណាស់ បើប្រៀបធៀបទៅនឹងមនុស្សរាប់លាននាក់ដែលបានចាក់វ៉ាក់សាំង ហើយមិនមានបញ្ហាឈាមកកទេ។ ឧទាហរណ៍៖ ហានិភ័យគឺទាបជាងការប្រើប្រាស់មធ្យោបាយពន្យារកំណើតដែលស្ត្រីរាប់លាននាក់បានប្រើប្រាស់រាល់ថ្ងៃនេះឆ្ងាយណាស់។ ស្វែងរកចម្លើយទៅនឹងសំណួរអំពី ការពន្យារកំណើត និងវ៉ាក់សាំង COVID-19 ប្រភេទ Johnson & Johnson និងចម្លើយជាច្រើនផ្សេងទៀត (ជាភាសាអង់គ្លេសប៉ុណ្ណោះ)។

អ្នកអាចពិភាក្សាជាមួយអ្នកផ្តល់ការថែទាំសុខរបស់អ្នក អំពីហានិភ័យរបស់អ្នក។ របាយការណ៍ភាគច្រើនពីបញ្ហាឈាមកកក្រោយពេលទទួលវ៉ាក់សាំង Johnson & Johnson គឺមានទៅលើស្ដ្រីពេញវ័យដែលមានអាយុតិចជាង50ឆ្នាំ។ ប្រសិនបើអ្នកជាស្ដ្រីដែលមានអាយុពី18ទៅ50ឆ្នាំ អ្នកគួរតែប្រុងប្រយ័ត្នព្រោះអ្នកអាចមានហានីភ័យខ្ពស់ក្នុងការជួបបញ្ហាឈាមកកដែលអាចបណ្ដាលឱ្យអ្នកបាត់បង់ជីវិត។ ក្តីបារម្ភអំពីបញ្ហាឈាមកក មានជាប់ពាក់ព័ន្ធតែជាមួយនឹងវ៉ាក់សាំង COVID-19 ប្រភេទ Johnson & Johnson តែប៉ុណ្ណោះ មិនពាក់ព័ន្ធនឹងវ៉ាក់សាំងប្រភេទ Pfizer ឬ Moderna នោះទេ។ ប្រសិនបើអ្នកមានការព្រួយបារម្ភអំពីការចាក់វ៉ាក់សាំង Jonhson & Jonhson នោះសុំស្នើសុំអ្នកផ្តល់សេវានូវវ៉ាក់សាំងប្រភេទ Moderna ឬ Pfizer ជាជំនួស។

តើខ្ញុំគួរតែមានក្តីបារម្ភអំពីជំងឺរលាកសាច់ដុំបេះដូង ឬជំងឺរលាកស្រោមបេះដូងដែរឬទេ?

ករណីជំងឺរលាកសាច់ដុំបេះដូង (ការហើមនៃសាច់ដុំបេះដូង) និងជំងឺរលាកស្រោមបេះដូង (ការហើមស្រទាប់ភ្នាសបេះដូង) ក្រោយពេលចាក់វ៉ាក់សាំង COVID-19 គឺកម្រកើតមានណាស់។ មនុស្សមួយចំនួនតូចតែប៉ុណ្ណោះ អាចនឹងមានបញ្ហានេះក្រោយការចាក់វ៉ាក់សាំង។ សម្រាប់អ្នកដែលមានរោគសញ្ញាស្រាលនៅក្នុងករណីភាគច្រើន ដែលច្រើនតែកើតលើមនុស្សជំទង់និងមនុស្សវ័យក្មេង និងមនុស្សដែលជាសះស្បើយជាធម្មតាដោយខ្លួនឯង ឬដោយមានការព្យាបាលតិចតួច។ ជំងឺរាកសាច់ដុំបេះដូង និងជំងឺហើមស្រោមបេះដូង កើតមានជាទូទៅភាគច្រើន ប្រសិនបើអ្នកធ្លាក់ខ្លួនឈឺដោយសារជំងឺ COVID-19។

គិតមកត្រឹមថ្ងៃទី30 ខែកក្កដា ឆ្នាំ2021 ក្នុងចំណោមរបាយការណ៍តិចជាង1500 ក្នុង Vaccine Adverse Event Reporting System (VAERS, ប្រព័ន្ធរាយការណ៍អំពីហេតុការណ៍គ្រោះថ្នាក់អវិជ្ជមាននៃវ៉ាក់សាំង), មាន តែករណីឆ្លងចំនួន 699 ករណីប៉ុណ្ណោះនៅក្នុងសហរដ្ឋអាមេរិក (ជាភាសាអង់គ្លេសប៉ុណ្ណោះ)ខណៈពេលដែលមនុស្សជាង 177លាននាក់បានទទួលវ៉ាក់សាំង COVID-19 យ៉ាងតិចចំនួនមួយដូស។

អ្នកអាចពិភាក្សាជាមួយវេជ្ជបណ្ឌិតរបស់អ្នក អំពីហានិភ័យរបស់អ្នក។ ប្រសិនបើអ្នកមានរោគសញ្ញាណាមួយក្រោយចាក់វ៉ាក់សាំង អ្នកអាចរាយការណ៍អំពីពួកវាទៅកាន់ VAERS (ជាភាសាអង់គ្លេសតែប៉ុណ្ណោះ)។

ស្វែងយល់បន្ថែមអំពី ជំងឺរលាកសាច់ដុំបេះដូង និងជំងឺរលាកស្រោមបេះដូង ក្រោយពេលចាក់វ៉ាក់សាំង COVID-19 (ជាភាសាអង់គ្លេសតែប៉ុណ្ណោះ)។

តើខ្ញុំអាចទទួលវ៉ាក់សាំងបានទេ ប្រសិនបើខ្ញុំមានស្ថានភាពសុខភាពពីមុនមកស្រាប់?

មនុស្សភាគច្រើនដែលមានស្ថានភាពសុខភាព ឬស្ថានភាពវេជ្ជសាស្រ្តពីមុនមកស្រាប់ អាចទទួលវ៉ាក់សាំង COVID-19 បាន។ សូមអនុញ្ញាតឲ្យអ្នកផ្តល់ការថែទាំសុខភាពរបស់អ្នកដឹងអំពីរាល់ស្ថានភាពប្រតិកម្មអាឡាក់ស៊ី និងស្ថានភាពសុខភាពផ្សេងទៀតរបស់អ្នក។ តាមពិត ស្ថានភាពសុខភាពដែលមានស្រាប់ជាច្រើន ធ្វើឲ្យអ្នកប្រឈមទៅនឹងស្ថានភាពកាន់តែធ្ងន់ធ្ងរឡើងបណ្តាលមកពីជំងឺ COVID-19 ដូច្នេះ វ៉ាក់សាំងនេះរឹតតែមានសារៈសំខាន់ក្នុងការការពារអ្នកពីការធ្លាក់ខ្លួនឈឺ។

ក្រុមមនុស្សជាក់លាក់ទាំងនេះ អាចនឹងទទួលបានវ៉ាក់សាំង COVID-19៖

មនុស្សដែលមានវីរុសហ៊ីវ និងអ្នកដែលមានប្រព័ន្ធភាពស៊ាំខ្សោយ។
មនុស្សដែលមានស្ថានភាពប្រព័ន្ធភាពស៊ាំប្រឆាំងនឹងខ្លួនឯង។
មនុស្សដែលធ្លាប់មាន Guillain-Barré syndrome (GBS, បញ្ហាប្រព័ន្ធសរសៃប្រសាទ)។
មនុស្សដែលធ្លាប់មានជំងឺវៀចមុខមាត់។

ប្រសិនបើអ្នកមានប្រវត្តិធ្លាប់កើតមានប្រតិកម្មអាឡាក់ស៊ីធ្ងន់ធ្ងរ ឬគិតថាអ្នកអាចនឹងមានប្រតិតកម្មអាឡាក់ស៊ីទៅនឹងសារធាតុផ្សំវ៉ាក់សាំង សូមអានអំពី វ៉ាក់សាំង COVID-19 សម្រាប់អ្នកដែលមានប្រតិកម្មអាឡាក់ស៊ី (ជាភាសាអង់គ្លេសតែប៉ុណ្ណោះ)។ ប្រតិកម្មថ្នាំក្រោយចាក់វ៉ាក់សាំង COVID-19 (ជាភាសាអង់គ្លេសតែប៉ុណ្ណោះ) គឺកម្រកើតមានណាស់ ហើយបានកើតមានលើមនុស្សប្រមាណតែ 2 ទៅ 5នាក់ប៉ុណ្ណោះ ក្នុងចំណោមមនុស្សរាប់លាន់អ្នកដែលបានចាក់វ៉ាក់សាំងនៅក្នុងសហរដ្ឋអាមេរិក។

ព័ត៌មាននេះ(ជាភាសាអង់គ្លេសតែប៉ុណ្ណោះ) មានបំណងជួយមនុស្សនៅក្នុងក្រុមខាងលើ ឲ្យធ្វើការសម្រេចចិត្តដោយមានព័ត៌មានពេញលេញអំពីការទទួលបានវ៉ាក់សាំង COVID-19។

តើវ៉ាក់សាំងនេះនឹងផ្លាស់ប្តូរ DNA របស់ខ្ញុំដែរឬទេ?

ទេ វ៉ាក់សាំងជំងឺ COVID-19 មិនកែប្រែ ឬប៉ះពាល់ដល់ DNA របស់អ្នកទេ។ វ៉ាក់សាំងបញ្ជូនការណែនាំទៅកាន់កោសិការបស់យើងឲ្យចាប់ផ្ដើមបង្កើតការការពារប្រឆាំងនឹងវីរុសដែលបង្កឲ្យកើតជំងឺ COVID-19។ វ៉ាក់សាំងមិនចូលទៅក្នុងផ្នែកនៃកោសិកាដែលជាកន្លែងផ្ទុក DNA របស់យើងនោះទេ។ ផ្ទុយមកវិញ វ៉ាក់សាំងធ្វើការជាមួយប្រព័ន្ធការពារពីធម្មជាតិនៃរាងកាយរបស់យើង ដើម្បីបង្កើតប្រព័ន្ធភាពស៊ាំ។ ស្វែងយល់អំពីវ៉ាក់សាំង COVID-19 ដែលមាន mRNA(ជាភាសាអង់គ្លេសតែប៉ុណ្ណោះ) និង វុិចទ័រវីរុស (ជាភាសាអង់គ្លេសតែប៉ុណ្ណោះ)។

តើវ៉ាក់សាំងនេះបណ្តាលឲ្យផលរំខានរយៈពេលវែងដែរឬទេ?

យើងមានទិន្នន័យវិទ្យាសាស្ត្រជាច្រើនស្តីពីវ៉ាក់សាំងសម្រាប់ COVID-19 និងជំងឺផ្សេងទៀត។ ផ្អែកលើទិន្នន័យទាំងនោះ អ្នកឯកទេសមានទំនុកចិត្តថា វ៉ាក់សាំងទាំងនេះមានប្រសិទ្ធភាពខ្លាំង។ ស្ទើរតែគ្រប់ប្រតិកម្មទាំងអស់ទៅនឹងវ៉ាក់សាំងជំងឺ COVID-19 មានកម្រិតស្រាល ដូចជាអស់កម្លាំង ឬឈឺដៃជាដើម ហើយកើតមានតែប៉ុន្មានថ្ងៃតែប៉ុណ្ណោះ។ ប្រតិកម្មធ្ងន់ធ្ងរឬរយៈពេលវែង គឺកម្រកើតមានបំផុត។

ផលរំខានរយៈពេលវែងណាមួយ ជាធម្មតាតែងកើតមានក្នុងរយៈពេលប្រាំបីសប្តាហ៍ក្រោយពេលចាក់វ៉ាក់សាំង។ នេះជាមូលហេតុដែលក្រុមហ៊ុនផលិតវ៉ាក់សាំង ចាំបាច់ត្រូវរង់ចាំយ៉ាងតិចប្រាំបីសប្តាហ៍បន្ទាប់ពីការពិសោធន៍បែបគ្លីនិក មុនពេលពួកគេអាចដាក់ពាក្យសុំការអនុញ្ញាតប្រើប្រាស់សម្រាប់គ្រាមានអាសន្នពី Food and Drug Administration (FDA, រដ្ឋបាលចំណីអាហារនិងឱសថ) របស់សហរដ្ឋអាមេរិក។ អ្នកជំនាញក៏កំពុងបន្តពិនិត្យតាមដានវ៉ាក់សាំង COVID-19 សម្រាប់ក្តីបារម្ភអំពីសុវត្ថិភាព។ FDA បានអង្កេតតាមដានរបាយការណ៍នានាអំពីផលរំខានធ្ងន់ធ្ងរ ឬប្រតិកម្ម។

ការកសាង​ទំនុកចិត្ត​ និង​ការលុបបំបាត់គំនិតយល់ខុស

សុវត្ថិភាព & ស័ក្តិសិទ្ធភាព

ហេតុអ្វីបានជា​មានបញ្ហា ករណីដែល​ខ្ញុំ​ទទួលវ៉ាក់សាំង COVID-19 ឬអត់នោះ?

ហេតុអ្វី​ខ្ញុំគួរទទួល​វ៉ាក់សាំង COVID-19 ប្រសិនបើមនុស្សភាគច្រើនអាច​រួចផុត​ពីជំងឺនេះ​?

តើ​វ៉ាក់សាំងទាំងនេះពិតជា​មានសុវត្ថិភាព ឬប្រសិទ្ធភាព​ដែរឬទេ​?

តើវ៉ាក់សាំងមានសុវត្ថិភាព​សម្រាប់កូនខ្ញុំដែរឬទេ​?

តើខ្ញុំ​អាច​ជឿទុកចិត្ត​ថា​​វ៉ាក់សាំងមានសុវត្ថិភាពដែរឬទេ​?

តើខ្ញុំអាចមានជំងឺ​ COVID-19 ដោយសារ​វ៉ាក់សាំង​ COVID-19 ដែរឬទេ​?

តើការចាក់វ៉ាក់សាំង និងភាពស៊ាំមានភាពខុសគ្នាដូចម្តេចខ្លះ?

សុខភាព​បន្តពូជ

តើ​ខ្ញុំនឹង​អាច​មានកូនដែរឬទេ​ ប្រសិនបើ​ខ្ញុំ​ទទួល​វ៉ាក់សាំង​ COVID-19?

តើវ៉ាក់សាំងមានសុវត្ថិភាព​សម្រាប់មនុស្ស​ដែលមានផ្ទៃពោះ​ដែរឬទេ​?

តើវ៉ាក់សាំងមានសុវត្ថិភាព​សម្រាប់មនុស្ស​ដែលបំបៅដោះកូន​​ដែរឬទេ​?

តើវ៉ាក់សាំងនេះ​នឹង​ផ្លាស់ប្តូរ​វដ្ត​រដូវ​របស់​ខ្ញុំដែរឬទេ​?

សារធាតុ​ផ្សំ

តើមាន​សារធាតុផ្សំ​អ្វីខ្លះ​​នៅក្នុងវ៉ាក់សាំង?​