WA Notify (កម្មវិធីជូនដំណឹងអំពីការប្រឈមនឹងការឆ្លងជំងឺនៅរដ្ឋវ៉ាស៊ីនតោន ឬហៅម្យ៉ាងទៀតថា Washington Exposure Notifications) គឺជាឧបករណ៍ឥតគិតថ្លៃដែលអ្នកអាចបញ្ចូលក្នុងស្មាតហ្វូនរបស់អ្នក ដើម្បីជូនដំណឹងដល់អ្នកប្រើប្រាស់អំពីការប្រឈមនឹងការឆ្លងជំងឺ COVID-19ដែលអាចកើតមាន។ កម្មវិធីនេះមានលក្ខណៈឯកជនទាំងស្រុង មិនប្រមូលឬចែករំលែកព័ត៌មានផ្ទាល់ខ្លួន និងមិនតាមដានកន្លែងដែលអ្នកទៅនោះទេ។
តើខ្ញុំបន្ថែមកម្មវិធី WA Notify នៅលើទូរសព្ទរបស់ខ្ញុំយ៉ាងដូចម្តេច?
លើទូរសព្ទ iPhone បើកការជូនដំណឹងអំពីការប្រឈមនឹងការឆ្លងជំងឺនៅក្នុងការកំណត់៖
- ចូលទៅកាន់ Setting (ការកំណត់)
- ស្ក្រូលចុះក្រោមទៅកាន់ពាក្យ Exposure Notifications
- ចុចលើពាក្យ “Turn On Exposure Notifications (បើកការជួនដំណឹងអំពីការប្រឈមនឹងការឆ្លងជំងឺ)”
- ជ្រើសរើសពាក្យ United States (សហរដ្ឋអាមេរិក)
- ជ្រើសរើសពាក្យ Washington (វ៉ាស៊ីនតោន)
សម្រាប់ Android ឬ iPhone សូមស្កេនកូដ QR ឬបញ្ចូលកម្មវិធី WA Notify ក្នុងទូរសព្ទរបស់អ្នក ប្រសិនបើអ្នកកំពុងប្រើឧបករណ៍ចល័ត។
តើវាមានដំណើរការដូចម្តេច?
នៅពេលអ្នកដំណើរការកម្មវិធី WA Notify ទូរសព្ទរបស់អ្នកដោះដូរលេខកូដចៃដន្យ ឬលេខកូដអនាមិកជាមួយទូរសព្ទរបស់មនុស្សនៅក្បែរអ្នក ដែលពួកគេក៏ដំណើរការកម្មវិធី WA Notify ដែរ។ ប្រព័ន្ធនេះប្រើប្រាស់បច្ចេកវិទ្យាប៊្លូធូសថាមពលទាបដែលរក្សាឯកជនភាព ដើម្បីដោះដូរលេខកូដទាំងនេះដោយមិនបង្ហាញព័ត៌មានណាមួយអំពីអ្នកឡើយ។ ប្រសិនបើអ្នកប្រើប្រាស់កម្មវិធី WA Notify ផ្សេងទៀតដែលបាននៅជិតអ្នកថ្មីៗនេះ ក្រោយមកធ្វើតេស្តឃើញវិជ្ជមានជំងឺ COVID-19 ហើយអនុវត្តតាមជំហាននានាដើម្បីជូនដំណឹងទៅអ្នកដទៃជាលក្ខណៈអនាមិក នោះអ្នកនឹងទទួលបានការជូនដំណឹង។ ការធ្វើបែបនេះអនុញ្ញាតឲ្យអ្នកទទួលបានការថែទាំដែលអ្នកត្រូវការយ៉ាងឆាប់រហ័ស និងជួយការពារកុំឱ្យអ្នកបង្កការឆ្លងរាលដាលជំងឺ COVID-19 ទៅមនុស្សនៅជុំវិញអ្នក។
ការគណនាមួយនឹងប្រើប្រាស់គណិតវិទ្យាដើម្បីកំណត់ពីហេតុការណ៍ដែលអាចចម្លងជំងឺ COVID-19 ដែលអាចកើតមាន ពីមនុស្សដែលស្ថិតនៅចម្ងាយសុវត្ថិភាព ឬក្នុងចម្ងាយជិតគ្រប់គ្រាន់ដែលអ្នកមិនចាំបាច់ត្រូវការក្រើនរំលឹកនោះទេ។ កម្មវិធីWA Notify នឹងគ្រាន់តែផ្តល់ដំណឹងដល់អ្នកថាតើអ្នកអាចនឹងបានប្រឈមនឹងការឆ្លងជំងឺដែរឬទេ។ ដូច្នេះ ការមិនទទួលបានការជូនដំណឹង ក៏មិនអីដែរ។
កម្មវិធី WA Notify ក៏មានផ្ដល់ជូនលើសពី 30 ភាសាផងដែរ។
តើឯកជនភាពរបស់ខ្ញុំត្រូវបានការពារដែរឬទេ?
កម្មវិធី WA Notify គឺផ្អែកលើបច្ចេកវិទ្យាជូនដំណឹងអំពីការប្រឈមនឹងការឆ្លងជំងឺរបស់ Google Apple ដែលបានបង្កើតឡើងដើម្បីការពារឯកជនភាពរបស់អ្នក។ វាដំណើរការនៅផ្ទៃខាងក្រោយដោយមិនប្រមូល ឬបង្ហាញទីតាំងឬទិន្នន័យផ្ទាល់ខ្លួនឡើយ។ កម្មវិធី WA Notify មិនចាំបាច់ដឹងថាអ្នកជានរណា ឬនៅកន្លែងណា ក៏អាចដំណើរការដោយប្រសិទ្ធភាពបានដែរ។ ដោយគ្រាន់តែប្រើប្រាស់ប៊្លូធូសបន្តិចបន្តួច ថ្មទូរសព្ទរបស់អ្នកមិនរងការប៉ះពាល់ទេ។
ការចូលរួមគឺជាការស្ម័គ្រចិត្តទាំងស្រុង។ អ្នកប្រើប្រាស់អាចជ្រើសរើសចូលរួម ឬចាកចេញបានគ្រប់ពេល។ សម្រាប់ព័ត៌មានបន្ថែមអំពីរបៀបការពារឯកជនភាពរបស់អ្នកប្រើប្រាស់ សូមមើលគោលការណ៍ឯកជនភាពរបស់ WA Notify។
តើការផ្តល់ដំណឹងនេះមានលក្ខណៈដូចម្តេច?
មានការផ្តល់ដំណឹងពីរប្រភេទដែលអ្នកអាចនឹងទទួលបាន។ អ្នកដែលធ្វើតេស្តវិជ្ជមាន នឹងទទួលបានសារជាអក្សរអំពីតំណភ្ជាប់ផ្ទៀងផ្ទាត់ និង/ឬ ការផ្តល់ដំណឹងដែលបង្ហាញលើអេក្រង់។ អ្នកប្រើប្រាស់កម្មវិធី WA Notify ដែលអាចនឹងបានប្រឈមទៅនឹងការឆ្លងជំងឺ នឹងទទួលបានការជូនដំណឹងអំពីការប្រឈមនឹងការឆ្លងជំងឺ។ ស្វែងយល់អំពីការផ្តល់ដំណឹងទាំងនេះ និង មើលឃើញថាតើពួកវាមានលក្ខណៈដូចម្តេច។
តើកម្មវិធី WA Notify ជួយដោយរបៀបណា?
ការសិក្សាបានរកឃើញថា កាលណាមានមនុស្សប្រើប្រាស់កម្មវិធីជូនដំណឹងអំពីការប្រឈមនឹងការឆ្លងជំងឺកាន់តែច្រើន អត្ថប្រយោជន៍ក៏កាន់តែទូលំទូលាយដែរ។ គំរូទិន្នន័យពីខោនធីចំនួនបីនៅក្នុងរដ្ឋវ៉ាស៊ីនតោនបង្ហាញថា សូម្បីតែមនុស្សចំនួនតិចតួចនៅទីនោះដែលប្រើប្រាស់កម្មវិធី WA Notify ក៏អាចកាត់បន្ថយការឆ្លងជំងឺ និងការស្លាប់ផងដែរ។ នៅពេលយើងចាក់វ៉ាក់សាំង និងពាក់ម៉ាស់ យើងអាចរក្សាជីវិតបាន។ ខណៈដែលយើងបន្តព្រឹត្តិការណ៍ជួបគ្នាដោយផ្ទាល់ កម្មវិធី WA Notify គឺជារនាំងការពារមួយស្រទាប់បន្ថែម។ វាជាកិច្ចការមួយទៀតដែលអ្នកអាចធ្វើបាន ដើម្បីរក្សាសុវត្ថិភាពអ្នក និងមនុស្សជុំវិញខ្លួនអ្នក។
របៀបជូនដំណឹងទៅអ្នកដទៃ ប្រសិនបើអ្នកធ្វើតេស្តឃើញវិជ្ជមានជំងឺ COVID-19 តាមរយៈស្វ័យតេស្ត
អ្នកប្រើប្រាស់កម្មវិធី WA Notify ដែលប្រើឈុតឧបករណ៍ស្វ័យតេស្ត (ឬហៅម្យ៉ាងទៀតថា ឧបករណ៍ធ្វើតេស្តនៅផ្ទះ) ហើយធ្វើតេស្តឃើញវិជ្ជមានជំងឺ COVID-19 អាចស្នើសុំលេខកូដផ្ទៀងផ្ទាត់ ដើម្បីជូនដំណឹងជាលក្ខណៈអនាមិកទៅអ្នកប្រើប្រាស់កម្មវិធី WA Notify ផ្សេងទៀតថាពួកគេប្រហែលជាប្រឈមនឹងការឆ្លងជំងឺ COVID-19។
លើទូរសព្ទ iPhone៖
- ចូលទៅកាន់ Settings (ការកំណត់) ហើយបើក Exposure Notifications (ប្រព័ន្ធជូនដំណឹងអំពីការប្រឈមនឹងការឆ្លងជំងឺ)។
- ជ្រើសរើស “Share a COVID-19 Diagnosis (ចែករំលែករោគវិនិច្ឆ័យជំងឺ COVID-19)។”
- ជ្រើសរើស “Continue (បន្ត)”។
- ប្រសិនបើអ្នកឃើញជម្រើសឱ្យបញ្ចូលលេខកូដ សូមជ្រើសរើស “Didn’t get a code? Visit WA State Dept. of Health Website (មិនបានទទួលលេខកូដទេឬ? សូមចូលទៅកាន់គេហទំព័ររបស់ក្រសួងសុខាភិបាលនៃរដ្ឋវ៉ាស៊ីនតោន)”។ ប្រសិនបើអ្នកមិនឃើញជម្រើសបញ្ចូលលេខកូដរបស់អ្នកទេ សូមចូលទៅជំហានបន្ទាប់។
- ចូលទៅកាន់គេហទំព័ររបស់ក្រសួងសុខាភិបាលនៃរដ្ឋវ៉ាស៊ីនតោន ។"
- បញ្ចូលលេខទូរសព្ទនៃឧបករណ៍របស់អ្នកដែលប្រើប្រាស់កម្មវិធី WA Notify និងកាលបរិច្ឆេទនៃការធ្វើតេស្តរកឃើញវិជ្ជមានជំងឺ COVID-19 របស់អ្នក។
- ជ្រើសរើស “Continue (បន្ត)។”
លើទូរសព្ទ Android៖
- បើកកម្មវិធី WA Notify ហើយជ្រើសរើស “Share your test result to help stop the spread of COVID-19 (ចែករំលែកលទ្ធផលធ្វើតេស្តរបស់អ្នកដើម្បីជួយបញ្ឈប់ការរីករាលដាលនៃជំងឺ COVID-19)”។
- ជ្រើសរើស “Continue (បន្ត)” បន្ទាប់មកជ្រើសរើស “I need a code (ខ្ញុំត្រូវការលេខកូដ)។”
- បញ្ចូលលេខទូរសព្ទនៃឧបករណ៍របស់អ្នកដែលប្រើប្រាស់កម្មវិធី WA Notify និងកាលបរិច្ឆេទនៃការធ្វើតេស្តរកឃើញវិជ្ជមានជំងឺ COVID-19 របស់អ្នក។
- ជ្រើសរើស “Send Code (ផ្ញើលេខកូដ)”។
សម្រាប់ Android ឬ iPhone សូមស្កេនកូដ QR ឬស្នើសុំលេខកូដផ្ទៀងផ្ទាត់ បើអ្នកកំពុងប្រើឧបករណ៍ចល័ត។
អ្នកនឹងទទួលបានការជូនដំណឹងដែលលោតលើអេក្រង់ និងសារជាអក្សរដែលមានតំណភ្ជាប់សម្រាប់ផ្ទៀងផ្ទាត់របស់អ្នក។ អ្នកគ្រាន់តែចុចលើការជូនដំណឹង ឬចុចតំណភ្ជាប់នៅក្នុងសារជាអក្សរនោះដើម្បីអនុវត្តតាមជំហាននានានៅក្នុងកម្មវិធី WA Notify ដើម្បីជូនដំណឹងជាលក្ខណៈអនាមិកដល់អ្នកប្រើប្រាស់ផ្សេងទៀតអំពីការប្រឈមនឹងការឆ្លងជំងឺដែលអាចកើតមាន។
ប្រសិនបើអ្នកមិនអាចស្នើសុំលេខកូដផ្ទៀងផ្ទាត់នៅក្នុង កម្មវិធី WA Notify បានទេ អ្នក គួរតែទូរសព្ទទៅកាន់ខ្សែទូរសព្ទបន្ទាន់ផ្នែកជំងឺ COVID-19 តាមរយៈលេខ 1-800-525-0127បន្ទាប់មកចុចសញ្ញា # ហើយប្រាប់ឲ្យបុគ្គលិកខ្សែទូរសព្ទបន្ទាន់ដឹងថាអ្នកគឺជាអ្នកប្រើប្រាស់កម្មវិធី WA Notify។ បុគ្គលិកខ្សែទូរសព្ទបន្ទាន់អាចផ្ដល់ជូនអ្នកនូវតំណភ្ជាប់ផ្ទៀងផ្ទាត់មួយដែលអ្នកអាចប្រើប្រាស់ដើម្បីជូនដំណឹងដល់អ្នកប្រើប្រាស់កម្មវិធី WA Notify ផ្សេងទៀតដែលពួកគេអាចបានប្រឈមនឹងការឆ្លងជំងឺ។
របៀបរាយការណ៍លទ្ធផលធ្វើតេស្តឃើញវិជ្ជមានជំងឺ COVID-19 តាមរយៈស្វ័យតេស្ត
បុគ្គលដែលប្រើឈុតឧបករណ៍ស្វ័យតេស្ត (ឬហៅម្យ៉ាងទៀតថា ឧបករណ៍ធ្វើតេស្តនៅផ្ទះ) ហើយធ្វើតេស្តឃើញវិជ្ជមានជំងឺ COVID-19 អាចរាយការណ៍លទ្ធផលវិជ្ជមានទៅ Department of Health (DOH, ក្រសួងសុខាភិបាល) នៅក្រៅកម្មវិធី WA Notify។ សម្រាប់ការណែនាំបច្ចុប្បន្នអំពីរបៀបរាយការណ៍លទ្ធផលធ្វើតេស្តវិជ្ជមាន សូមមើលទំព័រអំពីការធ្វើតេស្តរកមើលជំងឺ COVID-19 របស់ DOH។
ឈុតឧបករណ៍ស្វ័យតេស្តក៏មានផ្ដល់ជូនពី Say Yes! To Covid Test (យល់ព្រមធ្វើតេស្តជំងឺ COVID) ផងដែរ។
ការណែនាំបន្ថែមមាននៅលើឯកសារអំពី អ្វីដែលត្រូវធ្វើ ប្រសិនបើអ្នកធ្វើតេស្តឃើញវិជ្ជមានជំងឺ COVID-19 របស់ DOH។
សូមបញ្ជាក់៖ WA Notify គឺជាកម្មវិធីជូនដំណឹងអំពីការប្រឈមនឹងការឆ្លងជំងឺ។ វាមិនត្រូវបានបង្កើតឡើងសម្រាប់ឱ្យអ្នកប្រើប្រាស់រាយការណ៍លទ្ធផលធ្វើតេស្តរបស់ពួកគេទៅ DOH នោះទេ។ ការរាយការណ៍លទ្ធផលទៅ DOH ធ្វើឡើងនៅក្រៅប្រព័ន្ធកម្មវិធី WA Notify។
ហេតុអ្វីបានជាយើងត្រូវការទាំងការតាមដានការប្រាស្រ័យទាក់ទងគ្នា និងកម្មវិធី WA Notify?
ការតាមដានការប្រាស្រ័យទាក់ទងគ្នាគឺជាអន្តរាគមន៍ផ្នែកសុខភាពសាធារណៈដ៏មានប្រសិទ្ធភាពរាប់ទសវត្សរ៍មកហើយ។ កម្មវិធី WA Notify គាំទ្រដល់ការងារនេះជាសម្ងាត់។ នេះគឺជាឧទាហរណ៍៖ ប្រសិនបើអ្នកធ្វើតេស្តឃើញវិជ្ជមានជំងឺ COVID-19 មន្ត្រីសុខភាពសាធារណៈអាចនឹងទូរសព្ទ និងស្នើសុំឲ្យអ្នកប្រាប់អំពីការប្រាស្រ័យទាក់ទងគ្នាជិតស្និទ្ធនាពេលថ្មីៗរបស់អ្នក។ អ្នកមិនអាចប្រាប់ឈ្មោះមនុស្សមិនស្គាល់គ្នាដែលអ្នកបានអង្គុយក្បែរលើរថយន្តក្រុងបានទេ។ បើអ្នកទាំងពីរប្រើកម្មវិធី WA Notify មនុស្សមិនស្គាល់គ្នាលើរថយន្តក្រុងនោះអាចទទួលបានការជូនដំណឹងជាលក្ខណៈអនាមិកអំពីការប្រឈមនឹងការឆ្លងជំងឺដែលអាចកើតមាន និងចាត់វិធានការដើម្បីបង្ការការរីករាលដាលនៃជំងឺ COVID-19 ទៅមិត្តភក្តិ និងគ្រួសាររបស់ពួកគេ។ ដូចគ្នាទៅនឹងវ៉ាក់សាំង និងការពាក់ម៉ាស់ដែរ វាជួយបញ្ឈប់ការរីករាលដាលនៃជំងឺ COVID-19 បើអនុវត្តរួមគ្នានឹងមានប្រសិទ្ធភាពកាន់តែខ្ពស់។
តើខ្ញុំត្រូវបន្តប្រើកម្មវិធី WA Notify ឬខ្ញុំអាចបិទនៅពេលនេះបានទេ?
យើងលើកទឹកចិត្តឱ្យអ្នកគ្រប់គ្នាបើកដំណើរការកម្មវិធី WA Notify លើទូរសព្ទរបស់ខ្លួន ដោយមិនបិទនោះទេ។ ខណៈពេលដែលមានការបន្ធូរបន្ថយលើការរឹតត្បិត ហើយសកម្មភាពនានាត្រូវបានបន្តឡើងវិញ កម្មវិធី WA Notify គឺជាវិធីដ៏ងាយស្រួលក្នុងការការពារខ្លួនអ្នកមួយស្រទាប់បន្ថែម។
តើខ្ញុំត្រូវការកម្មវិធី WA Notify ដែរទេ បើខ្ញុំបានចាក់វ៉ាក់សាំងរួចហើយ?
បាទ/ចាស! រដ្ឋវ៉ាស៊ីនតោននឹងត្រូវដោះស្រាយបញ្ហាជំងឺ COVID-19 មួយរយៈទៀត។ យើងកំពុងសិក្សាលើចំណុចជាច្រើនអំពីវីរុសនេះនៅឡើយ ដូចជាថាតើវ៉ាក់សាំងមានប្រសិទ្ធភាពយូរប៉ុនណា និងថាតើការចាក់វ៉ាក់សាំងអាចការពារវីរុសបំប្លែងខ្លួនថ្មីនៃជំងឺ COVID-19 បានល្អកម្រិតណា។ ទោះបីជាបុគ្គលដែលបានចាក់វ៉ាក់សាំងមានហានិភ័យទាបជាងក៏ដោយ ក៏យើងដឹងហើយថាបុគ្គលដែលបានចាក់វ៉ាក់សាំងគ្រប់ចំនួននៅតែអាចឆ្លង និងចម្លងជំងឺ COVID-19 បានដែរ។ យើងក៏ដឹងថាមានបុគ្គលដែលមិនទាន់ចាក់វ៉ាក់សាំងនៅឡើយផងដែរ។ ដោយសារហេតុផលទាំងអស់នេះ យើងលើកទឹកចិត្តឱ្យប្រជាជនក្នុងរដ្ឋវ៉ាស៊ីនតោនទាំងអស់បើកដំណើរការកម្មវិធី WA Notify លើទូរសព្ទរបស់ខ្លួន ដើម្បីជួយបញ្ឈប់ការឆ្លងរាលដាលជំងឺ COVID-19។
ចង់ជួយផ្សព្វផ្សាយពាក្យអំពី កម្មវិធី WA Notify (ការជូនដំណឹងនៅក្នុងរដ្ឋវ៉ាស៊ីនតោន) ដែរឬទេ?
សូមមើលបណ្ដុំព័ត៌មានអំពីកម្មវិធី WA Notify សម្រាប់ការផ្ញើសារលើបណ្ដាញសង្គម ផ្ទាំងផ្សព្វផ្សាយ គំរូផ្សាយពាណិជ្ជកម្មតាមវិទ្យុនិងទូរទស្សន៍ និងច្រើនទៀត។ កុំភ្លេចប្រាប់មិត្តភក្តិ និងគ្រួសាររបស់អ្នកផងដែរ។ មានមនុស្សប្រើកម្មវិធី WA Notify កាន់តែច្រើន វាអាចជួយការពារអ្នក និងសហគមន៍របស់អ្នកបានកាន់តែប្រសើរ។
សំណួរចោទសួរជាញឹកញាប់ផ្សេងៗ
- តើធ្វើម៉េចខ្ញុំអាចរកឃើញកាលបរិច្ឆេទប្រឈមនឹងការឆ្លងជំងឺរបស់ខ្ញុំនៅក្នុងកម្មវិធី WA Notify?
-
លើទូរសព្ទ iPhone៖
- ចូលទៅកាន់ "Settings" (ការកំណត់)
- ជ្រើសរើស "Exposure Notifications" (ការជូនដំណឹងអំពីការប្រឈមនឹងការឆ្លងជំងឺ) ឬវាយបញ្ចូល "Exposure Notifications" (ការជូនដំណឹងអំពីការប្រឈមនឹងការឆ្លងជំងឺ) នៅក្នុងរបារស្វែងរក
- កាលបរិច្ឆេទប្រហាក់ប្រហែលដែលអាចប្រឈមនឹងការឆ្លងជំងឺរបស់អ្នកនឹងបង្ហាញនៅក្រោមផ្នែក “You may have been exposed to COVID-19 (អ្នកប្រហែលជាបានប្រឈមនឹងការឆ្លងជំងឺ COVID-19)”
លើប្រព័ន្ធ Android៖
- បើកកម្មវិធី WA Notify
- ជ្រើសរើស "See Details" (មើលព័ត៌មានលម្អិត) នៅក្រោមផ្នែក “Possible exposure reported (លទ្ធភាពអាចប្រឈមនឹងការឆ្លងជំងឺដែលបានរាយការណ៍)”
- កាលបរិច្ឆេទប្រហាក់ប្រហែលនៃការប្រឈមនឹងការឆ្លងជំងឺរបស់អ្នកនឹងបង្ហាញនៅក្រោមផ្នែក “Possible Exposure Date (កាលបរិច្ឆេទនៃលទ្ធភាពអាចប្រឈមនឹងការឆ្លងជំងឺ)”
- ញុំបានទទួលការផ្តល់ដំណឹង និង/ឬ សារជាអក្សរពី Washington State Department of Health (DOH, ក្រសួងសុខាភិបាលរដ្ឋវ៉ាស៊ីនតោន)។ ហេតុអ្វី?
-
DOH ផ្ញើសារជាអក្សរ និង/ឬ ការផ្តល់ដំណឹងដល់នរណាម្នាក់ដែលបានធ្វើតេស្តវិជ្ជមានឃើញមានជំងឺ COVID-19 នាពេលថ្មីៗនេះ ដើម្បីឲ្យអ្នកប្រើប្រាស់កម្មវិធី WA Notify អាចផ្តល់ដំណឹងយ៉ាងឆាប់រហ័សនិងជាអនាមិក ទៅដល់អ្នកប្រើប្រាស់ផ្សេងទៀតអំពីលទ្ធភាពអាចប្រឈមទៅនឹងការឆ្លងជំងឺ។ ស្វែងយល់អំពីការផ្តល់ដំណឹងទាំងនេះ និង មើលឃើញថាតើពួកវាមានលក្ខណៈដូចម្តេច។
ប្រសិនបើអ្នកទទួលបានទាំងការជូនដំណឹង និងសារជាអក្សរ អ្នកគ្រាន់តែចុចលើការជូនដំណឹង ឬចុចតំណភ្ជាប់នៅក្នុងសារជាអក្សរនោះ និងអនុវត្តតាមជំហាននានានៅក្នុងកម្មវិធី WA Notify ដើម្បីជូនដំណឹងជាអនាមិកដល់អ្នកប្រើប្រាស់ផ្សេងទៀតអំពីការប្រឈមនឹងការឆ្លងជំងឺដែលអាចកើតមាន។
- ខ្ញុំបានទទួលការជូនដំណឹងមួយអំពីការចែកចាយទិន្នន័យកម្មវិធី WA Notify របស់ខ្ញុំទៅដល់ផ្នែកសុខភាពសាធារណៈ។ ហេតុអ្វី?
-
DOH ចង់ដឹងថាតើកម្មវិធី WA Notify កំពុងដំណើរការល្អកម្រិតណា ដើម្បីឲ្យយើងអាចធ្វើការកែលម្អតាមការចាំបាច់ចំពោះកម្មវិធីនេះ។ ប្រសិនបើអ្នកយល់ព្រមចែករំលែកទិន្នន័យកម្មវិធី WA Notify របស់អ្នក ឯកជនភាពរបស់អ្នកនៅតែទទួលបានការការពារយ៉ាងពេញលេញ។ គ្មានព័ត៌មានផ្ទាល់ខ្លួនណាមួយត្រូវបានប្រមូលឬចែករំលែកនោះទេ ហើយក៏គ្មានវិធីក្នុងការកំណត់អត្តសញ្ញាណរបស់អ្នកដែរ។ មានតែ DOH ប៉ុណ្ណោះដែលអាចចូលប្រើប្រាស់ទិន្នន័យនេះបាន ហើយមានតែនៅកម្រិតថ្នាក់រដ្ឋប៉ុណ្ណោះ។
- ប្រសិនបើអ្នកប្រើកម្មវិធី WA Notify យល់ព្រមចែករំលែកទិន្នន័យរបស់ពូកគេ តើមានអ្វីខ្លះត្រូវបានប្រមូល?
-
ប្រសិនបើអ្នកយល់ព្រមចែករំលែកទិន្នន័យ ឯកជនភាពរបស់អ្នកនៅតែទទួលបានការការពារយ៉ាងពេញលេញ។ គ្មានព័ត៌មានផ្ទាល់ខ្លួនណាមួយត្រូវបានប្រមូលឬចែករំលែកនោះទេ ដូច្នេះគ្មានវិធីក្នុងការកំណត់អត្តសញ្ញាណរបស់អ្នកនោះទេ។ មានតែ DOH ប៉ុណ្ណោះដែលអាចមើលឃើញទិន្នន័យនៅថ្នាក់រដ្ឋនេះបាន ដែលនឹងរួមមាន៖
- មនុស្សជាច្រើនដែលយល់ព្រមចែករំលែកទិន្នន័យរបស់ពួកគេពីកម្មវិធី WA Notify។ នេះជួយយើងឲ្យដឹងថាតើគំរូសំណាករបស់យើងបង្ហាញជាតំណាងដូចម្តេចខ្លះ។
- Exposure Notifications ជាច្រើន បានទទួលដោយអ្នកប្រើកម្មវិធី WA Notify។ នេះជួយយើងឲ្យមើលឃើញទំនោរនៅក្នុងការឆ្លងរីករាលដាលនៃជំងឺ COVID-19។
- មនុស្សជាច្រើនដែលចុចលើការជូនដំណឹងអំពីការប្រឈមទៅនឹងការឆ្លងជំងឺ។ នេះជួយឲ្យយើងស្វែងយល់ថាតើមនុស្សមានឆន្ទៈកម្រិតណានៅក្នុងការពិចារណាលើការណែនាំផ្នែកសុខភាពសាធារណៈ។
- មនុស្សជាច្រើនដែលបាននៅជិតបុគ្គលដែលបានធ្វើតេស្តវេជ្ជមានរកឃើញជំងឺ COVID-19 ប៉ុន្តែមិនបានស្ថិតនៅជិតគ្រប់គ្រាន់ឬក្នុងរយៈពេលវែងគ្រប់គ្រាន់រហូតដល់ទទួលបានការជូនដំណឹងអំពីការប្រឈមនឹងជំងឺនោះទេ។ នេះជួយយើងឲ្យពិចារណាថាតើកម្រិតអាហ្គារីតដែលកំណត់អំពីការប្រឈមនឹងជំងឹនៅក្នុងកម្មវិធី WA Notify គួរតែកែសម្រួលដែរឬអត់។
- នៅពេលខ្ញុំបើកដំណើរការកម្មវិធី WA Notify លើទូរសព្ទអាយហ្វូនរបស់ខ្ញុំ តើខ្ញុំគួរបើកឬបិទប៊ូតុងបង្ហាញ“Availability Alerts (ការក្រើនរំលឹកអំពីតំបន់ដែលមានប្រើកម្មវិធីជូនដំណឹង)” ដែរឬទេ?
-
បិទប៊ូតុងក៏បានដែរ។ ទោះបីមានការណែនាំឲ្យអ្នកបើកប៊ូតុង ប្រសិនបើអ្នកធ្វើដំណើរនៅក្រៅរដ្ឋវ៉ាស៊ីនតោនរយៈពេលវែងក៏ដោយ។ នៅពេលបើកប៊ូតុងបង្ហាញ Availability Alerts (ការជូនដំណឹងអំពីតំបន់ដែលអាចប្រើបាន) អ្នកគួរតែទទួលបានការជូនដំណឹងនៅពេលអ្នកធ្វើដំណើរទៅកាន់ទីតាំងផ្សេងទៀតដែលផ្ដល់បច្ចេកវិទ្យាជូនដំណឹងអំពីការប្រឈមនឹងការឆ្លងជំងឺដូចជាកម្មវិធី WA Notify។ ប្រសិនបើអ្នកប្រើទូរសព្ទ iPhone អ្នកអាចបញ្ចូលតំបន់ជាច្រើន ប៉ុន្តែអាចដំណើរការបានតែតំបន់មួយប៉ុណ្ណោះក្នុងមួយលើក។ អ្នកមិនចាំបាច់លុបចោលតំបន់មួយដើម្បីបើកដំណើរការនៅតំបន់ថ្មីនោះទេ។ ប្រសិនបើអ្នកប្រើទូរសព្ទ Android អ្នកក៏អាចដំឡើងកម្មវិធីជូនដំណឹងអំពីការប្រឈមនឹងការឆ្លងជំងឺដូចគ្នាទៅនឹងកម្មវិធី WA Notify ពីពហុរដ្ឋបានដែរ ប៉ុន្តែអាចបើកដំណើរការកម្មវិធីតែមួយប៉ុណ្ណោះដែលប្រើបច្ចេកវិទ្យាត្រូវគ្នាជាមួយកម្មវិធី WA Notify ក្នុងមួយលើក។
- តើខ្ញុំចាំបាច់ត្រូវជ្រើសរើសចូលរួមដើម្បីប្រើប្រាស់កម្មវិធី WA Notify ដែរឬទេ?
-
បាទ/ចាស។ ការប្រើកម្មវិធី WA Notify ពុំមានការគិតប្រាក់ ហើយជាការស្ម័គ្រចិត្ត។ អ្នកអាចចាកចេញពីកម្មវិធីនេះបានគ្រប់ពេល។ ដើម្បីចាកចេញ គ្រាន់តែបិទមុខងារនេះលើ iPhone ឬលុបកម្មវិធីនេះចេញពីទូរសព្ទ Android ជាការស្រេច។ រាល់លេខកូដចៃដន្យទាំងអស់ដែលទូរសព្ទបានរក្សាទុកពីអ្នកប្រើប្រាស់ផ្សេងទៀតដែលនៅក្បែរអ្នកនឹងត្រូវលុបចោល និងមិនអាចយកមកវិញបានឡើយ បន្ទាប់ពីអ្នកចាកចេញ។
- តើកម្មវិធី WA Notify គឺជាកម្មវិធីតាមដានការប្រាស្រ័យទាក់ទងគ្នាមែនឬទេ?
-
ទេ។ កម្មវិធី WA Notify មិនតាមដាន ឬអង្កេតមើលព័ត៌មានអំពីមនុស្សដែលអ្នកបាននៅក្បែរនោះទេ ដូច្នេះវាមិន "តាមដានការប្រាស្រ័យទាក់ទងគ្នា" នោះទេ។ ការតាមដានការប្រាស្រ័យទាក់ទងគ្នាជួយប្រាប់អ្នកគ្រប់គ្នាថា បុគ្គលដែលបានធ្វើតេស្តឃើញវិជ្ជមានជំងឺ COVID-19 ប្រហែលជាបានប្រឈមនឹងការចម្លងជំងឺ។ កម្មវិធីនេះមិនប្រមូល ឬដោះដូរព័ត៌មានផ្ទាល់ខ្លួនណាមួយនោះទេ ដូច្នេះវាមិនអាចឲ្យនរណាម្នាក់ដឹងថាតើអ្នកបានប្រាស្រ័យទាក់ទងជាមួយនរណាម្នាក់នោះទេ។
- "ការប្រឈមទៅនឹងជំងឺ" ជាអ្វី?
-
ការប្រឈមនឹងការឆ្លងជំងឺកើតមាននៅពេលអ្នកបានចំណាយពេលនៅក្បែរអ្នកប្រើប្រាស់កម្មវិធី WA Notify ដទៃទៀត ដែលក្រោយមក ពួកគេធ្វើតេស្តឃើញវិជ្ជមានជំងឺ COVID-19។ និយមន័យនេះអនុវត្តតាមការណែនាំពី Centers for Disease Control and Prevention (CDC, មជ្ឈមណ្ឌលគ្រប់គ្រងនិងបង្ការជំងឺ) បច្ចុប្បន្ន អំពីការរក្សាគម្លាត និងការឆ្លងជំងឺ COVID-19។ ដើម្បីកំណត់ពីការប្រឈមនឹងការឆ្លងជំងឺ កម្មវិធី WA Notify ប្រើប្រាស់វិធីគណនាដែលស្របតាមនិយមន័យរបស់ CDC អំពីការប្រាស្រ័យទាក់ទងជិតស្និទ្ធ – ក្នុងចម្ងាយ 6 ហ្វ៊ីត (2 ម៉ែត្រ) ក្នុងរយៈពេលសរុបប្រហែល 15 នាទីឡើងទៅ ក្នុងអំឡុងពេល 24 ម៉ោង ខណៈពេលដែលពួកគេអាចចម្លងជំងឺ។ វិធីគណនានេះអាចកែសម្រួលដោយមន្ត្រីផ្នែកសុខភាពសាធារណៈបាន។
- តើមានអ្វីកើតឡើង បើសិនជាកម្មវិធី WA Notify ប្រាប់ខ្ញុំថាខ្ញុំអាចនឹងរងការប្រឈមទៅនឹងការឆ្លងជំងឺ?
-
ប្រសិនបើកម្មវិធី WA Notify ចាប់បានថា អ្នកអាចនឹងរងការប្រឈមទៅនឹងការឆ្លងជំងឺ ការជូនដំណឹងនៅលើទូរសព្ទរបស់អ្នក នឹងនាំអ្នកទៅកាន់គេហទំព័រដែលមានព័ត៌មានស្តីពីប្រការដែលអ្នកត្រូវអនុវត្តបន្ទាប់។ នេះរួមបញ្ចូលនូវរបៀប និងទីកន្លែងដែលត្រូវទទួលការធ្វើតេស្ត ព័ត៌មានអំពីការថែទាំខ្លួនអ្នក និងអ្នកដែលនៅក្បែរអ្នកឲ្យមានសុវត្ថិភាព និងធនធាននានាក្នុងការឆ្លើយទៅនឹងសំណួររបស់អ្នក។ សំខាន់បំផុតត្រូវអាន និងអនុវត្តតាមការណែនាំទៅលើគេហទំព័រដោយប្រុងប្រយ័ត្ន។
- តើមនុស្សនឹងដឹងថាតើខ្ញុំធ្វើតេស្តវិជ្ជមានរកឃើញជំងឺ COVID-19 ដែរឬទេ?
-
ទេ។ កម្មវិធី WA Notify មិនចែករំលែកព័ត៌មានណាមួយអំពីអ្នកជាមួយនរណាម្នាក់ផ្សេងទៀតទេ។ នៅពេលបុគ្គលម្នាក់ទទួលបានការជូនដំណឹងអំពីការប្រឈមទៅនឹងការឆ្លងជំងឺដែលអាចកើតមាន ពួកគេគ្រាន់តែដឹងថាអ្នកដែលពួកគេបាននៅក្បែរក្នុងរយៈពេលថ្មីៗនេះបានធ្វើតេស្ដវិជ្ជមានរកឃើញជំងឺ COVID-19 តែប៉ុណ្ណោះ។ ពួកគេនឹងមិនដឹងថាបុគ្គលនោះជានរណា ឬការប្រឈមទៅនឹងការឆ្លងជំងឺនោះបានកើតឡើងនៅកន្លែងណាទេ។
- តើខ្ញុំចាំបាច់ត្រូវបង់ប្រាក់សម្រាប់កម្មវិធី WA Notify ដែរឬទេ?
-
ទេ។ កម្មវិធី WA Notify គឺពុំមានគិតប្រាក់ទេ។
- តើកម្មវិធី WA Notify នឹងជួយដល់រដ្ឋវ៉ាស៊ីនតោនយ៉ាងដូចម្តេច?
-
ការសិក្សាថ្មីៗដោយ University of Washington (ជាភាសាអង់គ្លេសប៉ុណ្ណោះ) បានរកឃើញថា កាលណាមនុស្សដែលប្រើប្រាស់កម្មវិធីផ្តល់ដំណឹងអំពីការប្រឈមនឹងការឆ្លងជំងឺកាន់តែច្រើន អត្ថប្រយោជន៍មានកាន់តែទូលំទូលាយ។ លទ្ធផលបង្ហាញថាកម្មវិធី WA Notify បានជួយសង្គ្រោះអាយុជីវិតមនុស្សប្រមាណ 40 ទៅ 115នាក់ ហើយអាចនឹងបានបង្ការករណីឆ្លងជំងឺ COVID-19 ប្រមាណ 5,500ករណី នៅអំឡុងពេលបួនខែដំបូងដែលកម្មវិធីនេះបានដាក់ឲ្យដំណើរការ។ គំរូទិន្នន័យបង្ហាញថា សូម្បីតែមនុស្សចំនួនតិចតួចដែលប្រើប្រាស់កម្មវិធី WA Notify ក៏អាចនឹងកាត់បន្ថយការឆ្លងជំងឺ COVID-19 និងការស្លាប់បាត់បង់ជីវិតផងដែរ ដែលបង្ហាញឲ្យឃើញច្បាស់ថាកម្មវិធី WA Notify គឺជាឧបករណ៍សក្តិសមឥតខ្ចោះក្នុងការបង្ការការឆ្លងរាលដាលនៃជំងឺ COVID-19។
- តើកម្មវិធី WA Notify មានដំណើរការដែរទេ ប្រសិនបើខ្ញុំធ្វើដំណើរចេញក្រៅរដ្ឋ?
-
បាទ/ចាស។ ប្រសិនបើអ្នកធ្វើដំណើរទៅកាន់រដ្ឋមួយជាមួយនឹងកម្មវិធីដែលប្រើប្រាស់បច្ចេកវិទ្យា Google/Apple ដូចគ្នា នោះទូរសព្ទរបស់អ្នកនឹងបន្តដោះដូរលេខកូដចៃដន្យជាមួយអ្នកប្រើប្រាស់កម្មវិធីនៅក្នុងរដ្ឋនោះ។ គ្មានការចាំបាច់ត្រូវផ្លាស់ប្តូរអ្វីមួយនៅក្នុងការកំណត់ស្មាតហ្វូនរបស់អ្នកឡើយ។ ប្រសិនបើអ្នកផ្លាស់ទីលំនៅទៅក្រៅរដ្ឋវ៉ាស៊ីនតោនសម្រាប់រយៈពេលវែង អ្នកគួរតែពិនិត្យមើលជម្រើសនៅក្នុងរដ្ឋថ្មីរបស់អ្នក ដើម្បីទទួលបានការគាំទ្រតាមមូលដ្ឋាន និងការក្រើនរំលឹកនានា។
- តើកម្មវិធី WA Notify ចំណាយពេលច្រើនប៉ុណ្ណាក្នុងការផ្តល់ដំណឹងដល់អ្នកប្រើប្រាស់កម្មវិធីផ្សេងទៀត?
-
អ្នកប្រើប្រាស់កម្មវិធីដែលអាចនឹងរងការប្រឈមទៅនឹងការឆ្លងជំងឺ COVID-19 ដោយអ្នកប្រើប្រាស់កម្មវិធីផ្សេងទៀត នឹងទទួលបានការផ្តល់ដំណឹងក្នុងរយៈពេល 24ម៉ោង ក្រោយពេលដែលអ្នកប្រើប្រាស់កម្មវិធីដែលមានវិជ្ជមានជំងឺ COVID និងអនុវត្តតាមជំហាននៅក្នុងកម្មវិធី WA Notify ដើម្បីផ្តល់ដំណឹងជាអនាមិកទៅដល់អ្នកប្រើប្រាស់កម្មវិធី WA Notify ផ្សេងទៀត។
- តើវាអាចទទួលបានការក្រើនរំលឹកចម្រុះពីកម្មវិធី WA Notify ដែរឬទេ?
-
អ្នកប្រើប្រាស់ដែលធ្វើតេស្តឃើញវិជ្ជមានអាចទទួលបានទាំងការជូនដំណឹងដែលលោតបង្ហាញ និងសារជាអក្សរ។ អ្នកប្រើប្រាស់ដែលអាចទទួលរងការប្រឈមទៅនឹងការឆ្លងជំងឺច្រើនលើក នឹងទទួលបានការផ្តល់ដំណឹងអំពីការប្រឈមនឹងការឆ្លងថ្មីៗ។
- តើខ្ញុំបង្ហាញប្រាប់ដល់កម្មវិធី WA Notify យ៉ាងដូចម្តេច ប្រសិនបើខ្ញុំធ្វើតេស្តវិជ្ជមានរកឃើញជំងឺ COVID?
-
ប្រសិនបើអ្នកធ្វើតេស្តវិជ្ជមានរកឃើញជំងឺ COVID-19 ហើយមាននរណាម្នាក់មកពី DOH ឬអាជ្ញាធរសុខភាពសាធារណៈក្នុងមូលដ្ឋានរបស់អ្នកទាក់ទងទៅអ្នក នោះពួកគេនឹងសាកសួរថាតើអ្នកកំពុងប្រើប្រាស់កម្មវិធី WA Notify ឬអត់។ ប្រសិនបើអ្នកកំពុងប្រើប្រាស់ ពួកគេនឹងផ្ញើតំណភ្ជាប់ផ្ទៀងផ្ទាត់ និង/ឬការជូនដំណឹងមួយ ហើយជួយអ្នកឲ្យអនុវត្តតាមជំហានក្នុងការបញ្ចូលវាទៅក្នុងកម្មវិធី WA Notify ។ តំណភ្ជាប់ ឬការជូនដំណឹងនេះមិនជាប់ពាក់ព័ន្ធនឹងព័ត៌មានផ្ទាល់ខ្លួនរបស់អ្នកទេ។ DOH ក៏ផ្ញើសារជាអក្សរ និង/ឬការផ្តល់ដំណឹងទៅលេខទូរសព្ទដែលបានប្រើប្រាស់ដោយអ្នកដែលបានធ្វើតេស្តវិជ្ជមានឃើញមានជំងឺ COVID-19 នាពេលថ្មីៗផងដែរ។
DOH គ្មានវិធីអាចដឹងបានទេថានរណាខ្លះនឹងទទួលបានការជូនដំណឹងអំពីការប្រឈមនឹងការឆ្លងជំងឺពីកម្មវិធី WA Notify នៅពេលអ្នកអនុវត្តតាមជំហាននានា។ ការជូនដំណឹងអំពីការប្រឈមនឹងការឆ្លងជំងឺនឹងមិនរួមបញ្ចូលព័ត៌មានអំពីអ្នកនោះទេ។ កាលណាមនុស្សកាន់តែច្រើនធ្វើការបញ្ជាក់ជាអនាមិកនូវលទ្ធផលរបស់ពួកគេនៅក្នុងកម្មវិធី WA Notify នោះយើងអាចបង្ការការឆ្លងរីករាលដាលនៃជំងឺ COVID-19 បានកាន់តែល្អប្រសើរ។
ប្រសិនបើអ្នកបានធ្វើតេស្តឃើញវិជ្ជមាន ហើយនៅតែបន្តត្រូវការបញ្ជាក់ លទ្ធផលរបស់អ្នកជាអនាមិកនៅក្នុងកម្មវិធី WA Notify សូមមើលផ្នែក “របៀបជូនដំណឹងទៅអ្នកដទៃ ប្រសិនបើអ្នកធ្វើតេស្តឃើញវិជ្ជមានជំងឺ COVID-19 តាមរយៈស្វ័យតេស្ត” ខាងលើក្នុងទំព័រនេះ ដើម្បីដឹងពីជំហាននានាក្នុងការស្នើសុំលេខកូដផ្ទៀងផ្ទាត់ ដើម្បីជូនដំណឹងជាអនាមិកដល់អ្នកប្រើប្រាស់កម្មវិធី WA Notify ផ្សេងទៀតអំពីការប្រឈមទៅនឹងការឆ្លងជំងឺដែលអាចកើតមាន។
- តើមានអ្វីដែលខ្ញុំចាំបាច់ត្រូវអនុវត្តដែរឬទេ បន្ទាប់ពីបន្ថែមកម្មវិធី WA Notify ទៅក្នុងទូរសព្ទរបស់ខ្ញុំ?
-
វិធានការបន្ថែម មានភាពចាំបាច់តែនៅពេលដែល៖
- អ្នកធ្វើតេស្តវិជ្ជមានរកឃើញជំងឺ COVID-19 ឬ
- អ្នកទទួលបានការជូនដំណឹងថាអ្នកអាចនឹងរងការប្រឈមនឹងការឆ្លងជំងឺ។
ប្រសិនបើអ្នកធ្វើតេស្តឃើញវិជ្ជមាន ហើយមាននរណាម្នាក់មកពី DOH ឬអាជ្ញាធរសុខភាពសាធារណៈក្នុងមូលដ្ឋានរបស់អ្នកទាក់ទងទៅអ្នក នោះពួកគេនឹងសាកសួរថាតើអ្នកកំពុងប្រើប្រាស់កម្មវិធី WA Notify ឬអត់។ ប្រសិនបើអ្នកកំពុងប្រើប្រាស់ ពួកគេនឹងផ្ញើតំណភ្ជាប់ផ្ទៀងផ្ទាត់ និង/ឬការជូនដំណឹងមួយ ហើយជួយអ្នកឲ្យអនុវត្តតាមជំហានក្នុងការបញ្ចូលវាទៅក្នុងកម្មវិធី WA Notify ។ តំណភ្ជាប់ ឬការជូនដំណឹងនេះ មិនជាប់ពាក់ព័ន្ធនឹងព័ត៌មានផ្ទាល់ខ្លួនរបស់អ្នកទេ។ DOH គ្មានវិធីអាចដឹងបានទេថានរណាខ្លះនឹងទទួលបានការជូនដំណឹងតាមកម្មវិធីអំពីការប្រឈមនឹងការឆ្លងជំងឺនោះ។ ការជូនដំណឹងអំពីការប្រឈមនឹងការឆ្លងជំងឺនឹងមិនរួមបញ្ចូលព័ត៌មានអំពីអ្នកនោះទេ។ កាលណាមនុស្សកាន់តែច្រើនធ្វើការបញ្ជាក់ជាអនាមិកនូវលទ្ធផលរបស់ពួកគេនៅក្នុងកម្មវិធី WA Notify នោះយើងអាចបង្ការការឆ្លងរីករាលដាលនៃជំងឺ COVID-19 បានកាន់តែល្អប្រសើរ។
ប្រសិនបើអ្នកបានធ្វើតេស្តឃើញវិជ្ជមាន ហើយត្រូវការលេខកូដផ្ទៀងផ្ទាត់ សូមមើលផ្នែក “របៀបជូនដំណឹងទៅអ្នកដទៃ ប្រសិនបើអ្នកធ្វើតេស្តឃើញវិជ្ជមានជំងឺ COVID-19 តាមរយៈស្វ័យតេស្ត” ខាងលើក្នុងទំព័រនេះ ដើម្បីដឹងពីជំហាននានាក្នុងការស្នើសុំលេខកូដផ្ទៀងផ្ទាត់ ដើម្បីជូនដំណឹងជាអនាមិកដល់អ្នកប្រើប្រាស់កម្មវិធី WA Notify ផ្សេងទៀតអំពីការប្រឈមទៅនឹងការឆ្លងជំងឺដែលអាចកើតមាន។
- តើការប្រើប្រាស់កម្មវិធី WA Notify នឹងស៊ីថ្មខ្លាំង ឬប្រើទិន្នន័យច្រើនដែរឬទេ?
-
ទេ។ វាត្រូវបានបង្កើតឡើងដើម្បីឲ្យមានផលប៉ះពាល់តិចតួចបំផុតទៅលើទិន្នន័យ និងអាយុកាលប្រើប្រាស់ថ្មរបស់អ្នក ដោយប្រើប្រាស់បច្ចេកវិទ្យាប៊្លូធូសថាមពលទាប។
- ហេតុអ្វីបានជាកម្មវិធី WA Notify មើលទៅហាក់ដូចជាកំពុងតែស៊ីថ្មខ្លាំងយ៉ាងដូច្នេះ?
-
តាមពិត វាប្រហែលជាមិនដូច្នោះទេ។ ការប្រើប្រាស់ថ្មនៅលើឧបករណ៍របស់អ្នក បង្ហាញអំពីភាគរយនៃថ្មដែលប្រើប្រាស់រៀងរាល់ថ្ងៃ រួមទាំងកម្មវិធីនានាដូចជាកម្មវិធី WA Notify ជាដើម។ កម្មវិធី និងឧបករណ៍ភាគច្រើនមិនដំណើរការពេញមួយយប់ទេ។ កម្មវិធី WA Notify ក៏មិនដំណើរការដូច្នោះដែរ ប៉ុន្តែវាពិតជាពិនិត្យមើលលេខកូដចៃដន្យប៉ុន្មានម៉ោងម្តង សម្រាប់ការផ្ទៀងផ្ទាត់ជាមួយនឹងអ្នកប្រើប្រាស់ដែលមានរោគសញ្ញាវិជ្ជមាន ដើម្បីឲ្យវាអាចក្រើនរំលឹកអ្នកចំពោះការប្រឈមនឹងការឆ្លងជំងឺណាមួយដែលអាចកើតមាន។ ដូច្នេះ ឧបមាថាបើសិនជាគ្មានកម្មវិធីផ្សេងទៀតកំពុងដំណើរការនៅពេលអ្នកកំពុងគេងនោះទេ កម្មវិធី WA Notify អាចនឹងបង្ហាញភាគរយខ្ពស់នៃថ្មដែលប្រើប្រាស់នៅអំឡុងពេលនោះ។ នេះមិនមានន័យថាកម្មវិធី WA Notify កំពុងស៊ីថ្មខ្លាំងនោះទេ – គ្រាន់តែជាភាគរយនៃបរិមាណថ្មតិចតួចដែលបានស៊ីតែប៉ុណ្ណោះ។
- តើខ្ញុំចាំបាច់ត្រូវបន្តបើកប៊្លូធូសដើម្បីឲ្យកម្មវិធី WA Notify មានដំណើរការដែរឬទេ?
-
បាទ/ចាស។ កម្មវិធី WA Notify ប្រើប្រាស់ប្ល៊ូធូសថាមពលទាប ដូច្នេះ ប៊្លូធូសត្រូវតែបន្តមានដំណើរការជានិច្ចដើម្បីឲ្យប្រព័ន្ធចាប់បានអ្នកប្រើប្រាស់ផ្សេងទៀតដែលនៅក្បែរនោះ។
- តើខ្ញុំចាំបាច់ត្រូវបើកកម្មវិធី WA Notify នៅលើទូរសព្ទរបស់ខ្ញុំដើម្បីឲ្យវាមានដំណើរការដែរឬទេ?
-
ទេ។ កម្មវិធី WA Notify នឹងដំណើរការស្របគ្នាជាមួយកម្មវិធីផ្សេងទៀត។
- តើកម្មវិធី WA Notify ដំណើរការលើទូរសព្ទស្មាតហ្វូនចាស់ៗដែរឬទេ?
-
អ្នកប្រើទូរសព្ទអាយហ្វូន អាចប្រើកម្មវិធី WA Notify បាន ប្រសិនបើប្រព័ន្ធប្រតិបត្តិការរបស់អ្នកគឺជា៖
- ប្រព័ន្ធប្រតិបត្តិការ iOS វឺសិន 13.7 ឬថ្មីជាងនេះ (សម្រាប់ទូរសព្ទអាយហ្វូន 6s, 6s Plus, SE ឬថ្មីជាងនេះ)
- ប្រព័ន្ធប្រតិបត្តិការ iOS វឺសិន 12.5 (សម្រាប់ទូរសព្ទអាយហ្វូន 6, 6 plus, 5s)
អ្នកប្រើប្រាស់ប្រព័ន្ធប្រតិបត្តិការអ៊ែនដ្រយ អាចប្រើប្រាស់កម្មវិធី WA Notify ប្រសិនបើទូរសព្ទស្មាតហ្វូនប្រព័ន្ធកម្មវិធីអ៊ែនដ្រយរបស់អ្នកដំណើរការកម្មវិធីប៊្លូធូសថាមពលទាប និងប្រព័ន្ធប្រតិបត្តិការអ៊ែនដ្រយ វឺសិន 6 (API 23) ឬខ្ពស់ជាងនេះ។
- តើខ្ញុំចាំបាច់ត្រូវមានអាយុ 18 ឆ្នាំដែរឬទេ ដើម្បីប្រើប្រាស់កម្មវិធី WA Notify?
-
ទេ។ កម្មវិធី WA Notify មិនដឹងឬពិនិត្យលើអាយុរបស់អ្នកនោះទេ។
- តើបច្ចេកវិទ្យានេះនឹងមានដំណើរការដែរឬទេ ប្រសិនបើខ្ញុំឲ្យទូរសព្ទរបស់ខ្ញុំទៅនរណាម្នាក់ប្រើប្រាស់?
-
កម្មវិធី WA Notify មិនអាចប្រាប់ថានរណាបាននិងកំពុងប្រើប្រាស់ទូរសព្ទនោះទេ នៅពេលប្រឈមទៅនឹងការឆ្លងជំងឺដែលអាចកើតមាន។ ប្រសិនបើអ្នកឲ្យទូរសព្ទរបស់អ្នកទៅគេប្រើប្រាស់ អ្នកដែលប្រើប្រាស់ទូរសព្ទនោះចាំបាច់ត្រូវអនុវត្តតាមការណែនាំផ្នែកសុខភាពសាធារណៈ ប្រសិនបើកម្មវិធី WA Notify បង្កាញអំពីការប្រឈមដែលអាចកើតមានទៅនឹងជំងឺ COVID-19។
- ខ្ញុំបានទទួលការជូនដំណឹង និង/ឬសារជាអក្សរ ប៉ុន្តែបុគ្គលដែលបានធ្វើតេស្តគឺជាសមាជិកគ្រួសារ ឬសមាជិកក្នុងផ្ទះ។ តើខ្ញុំគួរធ្វើដូចម្តេច?
-
អ្នកប្រើប្រាស់កម្មវិធី WA Notify ដែលធ្វើតេស្តវិជ្ជមាន គួរតែអនុវត្តតាមជំហានទាំងឡាយដើម្បីជូនដំណឹងជាអនាមិកដល់អ្នកផ្សេងដែលពួកគេអាចនឹងមានការប្រឈម ដូច្នេះអ្នកគួរតែកុំអើពើជាមួយនឹងសារជាអក្សរ ឬការជូនដំណឹងដែលមិនផ្តោតចំពោះអ្នក។
ប្រសិនបើសមាជិកគ្រួសារឬសមាជិកក្នុងផ្ទះរបស់អ្នកគឺជាអ្នកប្រើប្រាស់កម្មវិធី WA Notify បានធ្វើតេស្តវិជ្ជមាន និងនៅតែចាំបាច់ត្រូវបញ្ជាក់អំពីលទ្ធផលរបស់ពួកគេនៅក្នុងកម្មវិធី WA Notify ពួកគេអាចធ្វើតាមជំហាននៅក្នុងផ្នែក “របៀបជូនដំណឹងទៅអ្នកដទៃ ប្រសិនបើអ្នកធ្វើតេស្តឃើញវិជ្ជមានជំងឺ COVID-19 តាមរយៈស្វ័យតេស្ត” ក្នុងទំព័រនេះ។
- តើកម្មវិធី WA Notify ដំណើរការលើឧបករណ៍ផ្សេងៗដូចជា iPads ឬនាឡិកាដៃឆ្លាតវៃដែរឬទេ?
-
ទេ។ ប្រព័ន្ធជូនដំណឹងអំពីការប្រឈមនឹងការឆ្លងជំងឺត្រូវបានបង្កើតឡើងយ៉ាងជាក់លាក់សម្រាប់ស្មាតហ្វូន និងមិនដំណើរការលើឧបករណ៍ iPad ឬថេប្លេតនោះទេ។
- តើរដ្ឋវ៉ាស៊ីនតោនកំពុងធ្វើអ្វីខ្លះដើម្បីផ្តល់លទ្ធភាពឲ្យទទួលបានបច្ចេកវិទ្យានេះទៅដល់អ្នកដែលមិនមានទូរសព្ទស្មាតហ្វូន?
-
កម្មវិធី WA Notify មិនមែនជាវិធីតែមួយគត់ក្នុងការជួយបង្ការការឆ្លងរីករាលដាលនៃជំងឺ COVID-19 នោះទេ។ ការតាមដានការប្រាស្រ័យទាក់ទង និងការខិតខំប្រឹងប្រែងផ្សេងទៀត ផ្តល់អត្ថប្រយោជន៍ដល់ពលរដ្ឋនៅក្នុងរដ្ឋវ៉ាស៊ីនតោនគ្រប់រូប បើទោះបីជាពួកគេមិនមានទូរសព្ទស្មាតហ្វូនក៏ដោយ។ វ៉ាក់សាំងគឺជាមធ្យោបាយដ៏ល្អបំផុតក្នុងការបញ្ឈប់ការឆ្លងរាលដាលនៃជំងឺ COVID-19 ហើយការពាក់ម៉ាស់ ការក្សាគម្លាតឆ្ងាយពីគ្នា និងការកំណត់ទំហំនៃការជួបជុំគ្នា គឺជាវិធីផ្សេងទៀតដែលមនុស្សគ្រប់រូបអាចជួយបញ្ឈប់ការឆ្លងរីករាលដាលនៃជំងឺ COVID-19។
Lifeline program (កម្មវិធីបញ្ចុះតម្លៃការប្រើប្រាស់ទូរសព្ទ) របស់រដ្ឋាភិបាលសហព័ន្ធផ្តល់ឥណទានថ្លៃសេវាទូរសព្ទប្រចាំខែសម្រាប់អ្នកដែលមានលក្ខណៈសម្បត្តិគ្រប់គ្រាន់។ មនុស្សមួយចំនួនដែលចូលរួមជាមួយនឹងអ្នកផ្តល់សេវាបណ្តាញឥតខ្សែ ក៏អាចនឹងទទួលបានទូរសព្ទស្មាតហ្វូនមួយគ្រឿងឥតគិតថ្លៃផងដែរ។ ស្វែងយល់បន្ថែមអំពីកម្មវិធី អ្នកដែលមានលក្ខណៈសម្បត្តិគ្រប់គ្រាន់ របៀបដាក់ពាក្យសុំ និងការចូលរួមជាមួយអ្នកផ្តល់សេវាបណ្តាញឥតខ្សែ (ជាភាសាអង់គ្លេសតែប៉ុណ្ណោះ)។
- រដ្ឋវ៉ាស៊ីនតោនបានបញ្ចេញកម្មវិធី WA Notify ច្រើនជាង 30ភាសា ដូច្នេះតើហេតុអ្វីបានជាខ្ញុំមើលឃើញវាតែជាភាសាអង់គ្លេសនិងភាសាអេស្ប៉ាញនៅក្នុងកម្មវិធី Google Play Store យ៉ាងដូច្នោះ?
-
កម្មវិធី WA Notify ដំណើរការផ្អែកលើភាសាដែលបានកំណត់តាមលំនាំដើមនៅលើទូរសព្ទរបស់អ្នកប្រើប្រាស់។ មានកំណែកម្មវិធី WA Notify តែមួយគត់ ប៉ុន្តែជាឧទាហរណ៍ ផ្ទាំងលោតផ្តល់ដំណឹងអំពីការប្រឈមនឹងការឆ្លងជំងឺ នឹងបង្ហាញជាភាសាតាមការចង់បានរបស់អ្នកប្រើប្រាស់ សម្រាប់ភាសានៅក្នុងរដ្ឋវ៉ាស៊ីនតោនច្រើនជាង 30 ភាសា។
- តើខ្ញុំមានពេលប៉ុន្មានដើម្បីចុចថេបផ្តល់ដំណឹង ឬដំណើរការតំណភ្ជាប់ផ្ទៀងផ្ទាត់នេះ?
-
អ្នកមានពេល 24ម៉ោង ក្រោយទទួលបានការជូនដំណឹង ឬសារជាអក្សរដើម្បីអនុវត្តតាមជំហាន ដើម្បីជូនដំណឹងដល់អ្នកផ្សេងទៀតនៅក្នុងកម្មវិធី WA Notify។ ប្រសិនបើអ្នកមិនអាចចុចលើការជូនដំណឹង ឬចុចលើតំណផ្ទៀងផ្ទាត់ក្នុងរយៈពេលនោះបានទេ អ្នកអាចស្នើសុំលេខកូដផ្ទៀងផ្ទាត់នៅក្នងកម្មវិធី WA Notify ដោយធ្វើតាមជំហាននានានៅក្នុងផ្នែក “របៀបជូនដំណឹងទៅអ្នកដទៃ ប្រសិនបើអ្នកធ្វើតេស្តឃើញវិជ្ជមានជំងឺ COVID-19 តាមរយៈស្វ័យតេស្ត” ខាងលើក្នុងទំព័រនេះ។ អ្នកក៏អាចស្នើសុំតំណភ្ជាប់សម្រាប់ផ្ទៀងផ្ទាត់បានផងដែរ នៅពេលមាននរណាម្នាក់មកពី DOH ឬអាជ្ញាធរផ្នែកសុខភាពក្នុងមូលដ្ឋានទាក់ទងមកកាន់អ្នកពាក់ព័ន្ធនឹងលទ្ធផលតេស្តជំងឺ COVID-19 របស់អ្នក។
- ហេតុអ្វីបានជារដ្ឋវ៉ាស៊ីនតោនជ្រើសរើសយកដំណោះស្រាយនេះ?
-
រដ្ឋវ៉ាស៊ីនតោន បានបង្កើតក្រុមត្រួតពិនិត្យប្រចាំរដ្ឋ រួមមានអ្នកជំនាញផ្នែកសន្តិសុខ អ្នកជំនាញផ្នែកសេរីភាពពលរដ្ឋ និងសមាជិកសហគមន៍មួយចំនួន ដើម្បីពិនិត្យមើលប្រព័ន្ធជូនដំណឹងអំពីការប្រឈមនឹងការឆ្លងជំងឺរបស់ Google/Apple។ ក្រុមនេះបានណែនាំការប្រើប្រាស់ផ្អែកលើភាពអាចទុកចិត្តបានដែលមានការបញ្ជាក់ច្បាស់លាស់របស់ប្រព័ន្ធកម្មវិធី ការការពារទិន្នន័យយ៉ាងហ្មត់ចត់ និងការប្រើប្រាស់ដោយរដ្ឋផ្សេងទៀត។