Aju tu’n Tel Tpa’n tib’ jun xjal ex aju tu’n Tokx Tjupun tib’ tu’nju at COVID-19 :: K’loj xjal Ke’yil Chwinqlal toj Tnam Washington (O’kx to yol inglés)
Najsama ke’yinka tqanil tzul tu’n tel tnik’a ti’j jte’ q’ij k’elel tpa’n tib’a ex k’okex tjupun tib’a. Ojtzqinka ch’intl ti’j ti’ tu’n tb’ant tu’na aj tel tpa’n tib’e toj u’j Ti’ tu’n tb’ant qa ma tz’etz q’ama’n toj prueba qa at COVID-19 ti’ja (PDF) (O’kx to yol inglés). Ojtzqinka ch’intl ti’j ti’ tu’n tb’an tu’na qa o tena ttxlaj jun xjal at COVID-19 ti’j toj u’j Ti’ tu’n tb’ant qa b’alo o tena tuk’il jun xjal at COVID-19 ti’j (PDF) (O’kx to yol inglés).
Qa miti’xix tipumal t-xmilala ex qa o yab’tiya kyuw tu’n COVID-19, b’alo qe tqanil lu miti’ toklen tuk’ila. Najsama ke’yinka ch’intl tqanil toj u’j Ti’ tu’n tb’ant qa ma tz’etz q’ama’n toj prueba qa at COVID-19 ti’ja (PDF) (O’kx to yol inglés).
Qa in kyaj jtana ex qa in naq’unana kyoj temb’il jatumel jaku che yab’te xjal kyuw b’alo aju tqanil lu miti’ toklen tuk’ila. Junjun kyxol temb’il jatumel jaku che yab’texix xjal: tja ajq’anel, jatumel in nokx kylamo’n xjal pres, qe t-xe’ tze’, qe posad ex jatumel ate’ qe xjal miti’ kyja, jatumel in che k’ajitz ti’chaq in che jatz toj txuylal a’ (ik tze’n te bark tzyul kyiẍ, bark te iqel ti’chaq, ex junjuntl bark), jatumel in che kyaj ten aq’unal jun amb’il mo jatumel in che aq’unan xjal ex mlayxix b’ant tu’n tel kypa’n kyib’ jun ti’j juntl tu’nju in che aq’unan junx (ik tze’n qe ja k’ubel ti’chaq, b’inche ti’chaq, sipel wab’j ex b’inchel ti’j chib’j). Najsama ke’yinka u’j Ti’ tu’n tb’ant qa ma tz’etz q’ama’n toj prueba qa at COVID-19 ti’ja (PDF) (O’kx to yol inglés) tu’n tel tnik’a ch’intl ti’jju tu’n tel tpa’n tib’ jun xjal ax ik ke’yinka u’j ti’jju jte’ q’ij tu’n tokx tjupun tib’ jun xjal Ti’ tu’n tb’ant qa b’alo o tena ttxlaj jun xjal at COVID-19 ti’j (PDF) (O’kx to yol inglés).