Tqanil tz'ib'inmaj tu'n WA Notify

¿Ope tzaj tk’amo’ne jun tqanil tz’ib’inmaj toj tyolb’ila tu’n Washington state Department of Health (DOH, K’loj xjal Ke’yil Chwinqlal toj tnam Washington)?

At kab’e wiq tqanil jaku pon toj tyolb’ila.

Tqanil ti’jju qa o tz’etz q’ama’n toj prueba qa at COVID-19 ti’ja

In tzaj tsama’n DOH jun tqanil tz’ib’inmaj ex qa jun tqanil tu’n tok ke’yit ex qa jun tb’eyil tqanil kye kykyaqil xjal otoq xi kyq’o’n tajlal kyyolb’il te DOH tu’ntzun tzaj q’o’n tqanil ti’j prueba ti’j COVID-19. In tzaj tq’ama’n tqanil lu tze’n jaku txi tsama’ne jun tqanil tu’ntzun tel kynik’ txqantl xjal at WA Notify toj kyyolb’il qa olo tz’el kyiqen COVID-19 ti’ja, mixti’ tb’iya toj tqanil lu.

Qa at WA Notify toj tyolb’ila, o’kx yaq’onkuxa tqanil ex qa aju tqanil tz’ib’inmaj ex lepe’ka qe tqanil tzul yek’in tu’ntzun pon samet tqanil kye txqantl xjal at WA Notify toj kyyolb’il qa olo che ten ttxlaj jun yab’, mixti’ tb’iya toj tqanil lu.

Qa minti’ WA Notify toj tyolb’ila, mi’n tz’ok tq’o’n twi’ya ti’jju tqanil. Qa taja tu’n tel tnik’a ti’j ti’ aju WA Notify, ex tze’n jaku ku’tz ti’na toj tyolb’ila, tz’okxa toj WANotify.org

Aqeju at WA Notify toj kyyolb’il ex o b’ant jun prueba kyu’nx atx kyja ex qa ma tz’etz q’ama’n qa at COVID-19 kyi’j, jaku txi kyqanin jun tajlal tu’n tok ke’yit tu’ntzun pon samet tqanil kye txqantl xjal at WA Notify toj kyyolb’il ti’jju qa jakulo che yab’te tu’n COVID-19. U’jinktza xnaq’tzb’il «Tze’n jaku tz’etz tqanil ti’jju qa ma tz’etz q’ama’n toj prueba b’ant atx toj ja qa at COVID-19 ti’ja» at tku’x WANotify.org.

Tqanil ti’jju qa o tena ttxlaj jun xjal at COVID-19 ti’j

Aqeju at WA Notify toj kyyolb’il in tzaj kyk’amo’n jun tqanil ti’jju qa o che ten ttxlaj jun yab’.

¿Tze'n che ke'yin qeju tqanil tz'ib'inmaj ex qeju tqanil noq in che jatz yek'in?

Techel tqanil in jatz yek’in

pop up notification screenshot

 

Ti’ in netz tq’ama’n jun tqanil in jatz yek’in

Share Your COVID-19 Diagnosis

Tap here to anonymously let others know they may have been exposed to COVID-19. Follow the steps to help keep your community safe. Your personal info will not be shared.

Yek’inxa ti’ ma tz’etz Q’ama’n toj Prueba ti’j COVID-19 ti’ja

Yaq’onku’xa tzalu tu’ntzun tpon samet tqanil kye txqantl qa olo che ten ttxlaj jun xjal at COVID-19 ti’j, miti’ tb’iya toj tqanil lu. B’inchama aju tzul q’ama’n teya tu’n kyok t-xq’uqina txqantl. Mlay tz’el kynik’ xjal alkye aya.

Techel tqanil tz’ib’inmaj

text message screenshot

 

Ti’ in netz tq’ama’n jun tqanil tz’ib’inmaj

Message from (Mensaje del) WA Dept. of Health:

This number was given for a recent COVID-19 test. If this phone uses WANotify AND belongs to the person tested, please click the link within 24 hours. Follow the steps to anonymously alert others who may have been exposed.

https://us-wa.en.expressly/v?c=8w5io5c38ipo24fc

Se dio este numéro para una prueba reciente de COVID-19. Si este teléfono usa WANotify Y es de quien se hizo la prueba, haga clic en el enlace en las próximas 24 horas. Siga los pasos para alertar anónimamente a quienes tal vez hayan sido expuestos.

NOT the person tested? Need more information? Visit wanotify.org/text

¿NO es quien se hizo la prueba? ¿Desea más información? Visite notificawa.org/texto

Techel tqanil tz’ib’inmaj

text message screenshot

 

Ti’ in netz tq’ama’n jun tqanil tz’ib’inmaj

Message from WA Dept. of Health:

If this phone uses WANotify AND belongs to the person tested, please click the link within 24 hours. Follow the steps to anonymously alert others who may have been exposed.

https://us-wa.en.expressly/v?c=5b56h13n80q9onll

NOT the person tested? Need more information? Visit wanotify.org/text.

Techel tqanil tz’ib’inmaj

text message screenshot

 

Ti’ in netz tq’ama’n jun tqanil tz’ib’inmaj

Mensaje del Departamento de Salud del Estado de Washington:

Si este teléfono usa WANotify Y es de quien se hizo la prueba, haga clic en el enlace en las próximas 24 horas. Siga los pasos alertar anónimamente a quienes tal vez hayan sido expuestos.

https://us-wa.en.expressly/v?c=dvo8iije3v33saoj

¿NO es quien se hizo la prueba? ¿Desea más información? Visite notificawa.org/texto.

Techel tqanil ti’jju qa o tena ttxlaj jun yab’

exposure notification screenshot

Ti’ in netz q’ama’n toj jun tqanil ti’jju qa o tena ttxlaj jun yab’

You may have been exposed to COVID-19

You have been near someone recently who tested positive for COVID-19. What you do next matters and we’re here to help. Tap to learn more.

Jakulo yab’ta tu’nju o tena ttxlaj jun xjal at COVID-19 ti’j

O tena ttxlaj jun xjal o tz’etz q’ama’n toj tprueba qa at COVID-19 ti’j. Nimxix toklen aju kb’antel tu’ne ja’le ex qaje tu’n qonine ti’ja. Yaq’onkuxa tzalu tu’n tel tnik’a ch’intl.

¿Ti' il ti'j tu'n tb'ant wu'ne qa ma tzaj nk'amo'ne jun tqanil?

Aqeju xjal at WA Notify toj kyyolb’il, il ti’j tu’n tku’x kyyaq’o’n toj tb’eyil atku’x toj tqanil tz’ib’inmaj ex qa toj tqanil in jatz yek’un ex tu’n kyok lepe’ ti’j tqanil, tu’ntzun tku’x kyq’on ti’ etz q’ama’n toj kyprueba toj aplicacion, miti’ kyb’i xjal kyoj tqanil lu. Tu’n jlu, kpol samet tqanil kye txqantl xjal at WA Notify toj kyyolb’il ti’jju qa o che ten ttxlaj jun xjal at COVID-19 ti’j. Qa ma kux kyq’o’n xjal tqanil lu toj WA Notify toj kyyolb’il, in che onin tu’n mi’n tel sputjtl naj COVID-19, miti’ kyb’i xjal kyoj tqanil lu. Jaku tzaj q’ajte ti’jajun kyxol ajq’anel at kyoklen tu’n ttzaj tq’o’n jun tb’eyil mo jun tajlal tu’n tok ke’yit akux in che jyon alkyeqe jaku che yab’te.

Yolina tuk'il ajq'anel mo tuk'il aju k'eletz q'onte prueba qa:

  • O tzaj tk'amo'na jun tqanil, noq tu'nj na'mx tetz toj prueba qa o yab'tiya mo mi'n
  • At t-xjela ti'jju prueba etz ti'je

Junjun xjel

Qa miti' ojtzqi'n tu'n WA Notify alkye qine, ¿tze'n oktz jun tqanil toj nyolb'ila?

Aqeju tqanil tz'ib'inmaj ex qe tqanil noq in che jatz yek'in in che'x sam'an tu'n Department of Health (DOH, K'loj xjal Ke'yil Chwinqlal), nya tu'n WA Notify. In xi t-sama'n DOH jun tqanil kye kykyaqil qeju o tz'etz toj kyprueba qa at COVID-19 kyi'j tu'nju miti' ojtzqi'n tu'n alkyeqe at WA Notify toj kyyolb'il. Qa miti' WA Notify toj tyolb'ila, mi'n tz'ok tq'o'n twi'ya ti'j tqanil tzaj tk'amo'ne.

¿Tze’n ojtzqi’n tu’n DOH toj alkye tajlal yolb’il kpol sama’n tqanil?

In tzaj tq’ama’n Aj Kawil qa il ti’j tu’n t-xi q’amet te alkye kyb’i ex tajlal kyyolb’il xjal o tz’etz q’ama’n toj kyprueba qa at jun yab’il kyi’j, aju jaku tze’l iqet kyu’n txqantl. In najb’en tqanil lu tu’n DOH tu’ntzun tjyo’n alkyeqe xjal olo tz’el kyiqen yab’il tu’nju o che ten ttxlaj jun yab’ (o’kx toj yol inglés) ex tu’ntzun mi’n tel sputjtl yab’il. In nonin jlu kyi’j xjal at WA Notify toj kyyolb’il, tu’n tok tilil kyu’n tu’n tpon samet tqanil kyuk’il qeju jakulo che yab’te tu’nju o che ten ttxlaj jun yab’.

Miti' WA Notify toj nyolb'ila. ¿Tiqu'n ma tzaj sama'n jun tqanil we'ye?

In xi tsama'n DOH jun tqanil tz'ib'inmaj ex qa jun tqanil noq in jatz yek'in toj kyyolb'il qeju etz q'ama'n toj kyprueba qa at COVID-19 kyi'j.

O'kx ojtzqi'n tu'n DOH alkyeqe o tz'etz q'ama'n toj kyprueba qa ma che yab'te, miti' ojtzqi'n tu'n alkyeqe at WA Notify toj kyyolb'il. Tu'nju in xi sama'n tqanil kye kykyaqil, in nonin jlu kyi'j qeju at WA Notify toj kyyolb'il tu'n tpon sama'n naj jun tqanil miti' kyb'i toj kye txqantl tu'n mi'n kykyim tu'n yab'il.

Qa miti' WA Notify toj tyolb'ila, nya il ti'j tu'n tb'ant jun ti' tu'ne. Qa taja tu'n tok tojtzqi'na ch'intl ti'j WA Notify, ex tze'n jaku kutz ti'na toj tyolb'ila, tz'okxa toj WANotify.org

¿Alkye tajlal yolb'il tzul sama'nte tqanil we'ye?

Aju tajlal yolb'il in najb'en tu'n DOH tu'n ttzaj tsama'n tqanil aju 1-844-986-3040.

Ma tzaj nk'amo'ne jun tqanil in yolin ti'j jun toj njaye mo jun in najan wuk'ile o tz'etz prueba tu'n. ¿Ti' tu'n tb'ant wu'ne?

Aju xjal at WA Notify toj tyolb’il ex o tz’etz q’ama’n toj tprueba qa at yab’il ti’j, il ti’j tu’n tok lepe’ ti’ju tu’n tpon samet tqanil kye txqantl xjal o che ten ttxlaj, miti’ tb’i yab’ kyoj tqanil lu; tu’ntzun aju, mi’n tz’ok tq’o’n twi’ya ti’j jun tqanil qa nya te teya.

Atzun qa jun toj tjaya at WA Notify toj tyolb’il ex o tz’etz q’ama’an toj tprueba qa ma yab’te ex taj tu’n tku’x tq’o’n tqanil toj WA Notify, b’a’n tu’n tok lepe’ aju in tq’ama’n u’j «Tze’n tu’n t-xi q’amet kye txqantl qa ma tz’etz q’ama’n toj npruebaye xb’ant atx toj ja qa ma tzaj COVID-19 wi’je» toj temb’il te internet WANotify.org.

¿Jni' amb'il at tu'n tku'x nyaq'o'na enlace tu'n tok ke'yin aju at toj tqanil ma tzaj nk'amo'na?

At 24 or tejxi ttzaj tk’amo’ne jun tqanil tz’ib’inmaj toj tyolb’ila tu’n tkux tyaq’ona tu’ntzun tpon samet tqanil kye txqantl xjal at WA Notify toj kyyolb’il. Qa mlay b’ant tu’na tu’n tkux tyaq’ona tb’eyil tqanil toj amb’il lu, jaku txi tqanina te WA Notify jun tajlal tu’n tok ke’yit ex tu’n tok lepe’ya ti’jju «Tze’n tu’n t-xi q’amet kye txqantl qa ma tz’etz q’ama’n toj npruebaye xb’ant atx toj ja qa ma tzaj COVID-19 wi’je» aju at toj temb’il te internet WANotify.org

¿Jakupe tz'ajb'en tqanil o tzul toj nyolb'ila tu'n juntl xjal tu'n tok tke'yin enlace etz tu'n WA Notify?

Mlay. Qa jun toj tjaya at WA Notify toj tyolb’il ex o tz’etz q’ama’n toj tprueba qa ma yab’te ex taj tu’n tku’x tq’o’n tqanil toj WA Notify, b’a’n tu’n tok lepe’ aju in tq’ama’n u’j «Tze’n tu’n t-xi q’amet kye txqantl qa ma tz’etz q’ama’n toj npruebaye xb’ant atx toj ja qa ma tzaj COVID-19 wi’je» toj temb’il te internet WANotify.org.

¿Tze'n jaku tz'el nnik'e ti'j toj alkye q'ij o chin tena tuk'il jun yab' tu'n WA Notify?

Toj jun iPhone:

  1. Yaq'onkuxa toj Settings (Configuración)
  2. Yaq'onkuxa Exposure Notifications (Tqanil kye qeju o che Ten tuk'il jun yab') mo tz'ib'inkuxa jatumel in ku'x jyet toj tyolb'ila Exposure Notifications (Tqanil kye qeju o che Ten tuk'il jun yab')
  3. Aju q’ij ten ttena ttxlaj jun yab’ k’eletz yek’un toj «You may have been exposed to COVID-19 (Olo tena ttxlaj jun xjal at COVID-19 ti’j)»

Toj jun Android:

  1. Jaqo'nkuxa aplicación WA Notify
  2. Yaq'onkuxa toj See Details (Tu'n tke'yit Tqanil) at tku'x toj “Possible exposure reported (Tqanil ti'jju qa b'alo o tena tuk'il jun yab')”
  3. Aju q’ij ten ttena ttxlaj jun yab’ k’eletz yek’un toj «Possible Exposure Date (Q’ij tej b’alo ttena ttxlaj jun yab’)»