Jabdewōt eo ej tōmak ke emōj aer ion kalikjeklok ak ideṇ-one jen wōt jerbal ko an Department of Health (DOH, Rā eo an Ājmour), ak rijerbal ak taktō ro an, emaroñ bael abṇōṇō ippān Civil Rights & ADA Program (Jepel Jiṃwe & Amedka Kakien ikkijen Ro Ewōr Aer Utaṃwe Būrokraaṃ) ilowaan 180 raan jen ien eo jiriḷok eo eaar waḷok. Elañe abṇōṇo eo ej pād naboj in iien in emōj karōk, armej eo emaroñ tōpar wōt Javier Ruiz Civil Rights & ADA Program ñan jipañ.
Lelok Abṇōṇō
Abṇōṇō ko rej aikuj in etal ilo jeje ilo aer kōjerbale pepa in kwalok abṇōṇō (PDF), ilo email, mael, ilo armej, ak ilo talboon. DOH enij kōmman jerbal ko ñan jipañ armej ro ewōr aer utaṃwe, armej ro rejjab kōjerbale Kajin-Pālle, im ro jōt rej ion apañ ilo bael abṇōṇō.
Ñe kwoj jeje abṇōṇō, ej jipañ ñan kobaiki laajrak in meḷeḷe kein:
- Et, atōrej, talboon nōmba, im email
- Kōmeḷeḷe in makūtkūt ak jiriḷok eo eaar waḷok im raan eo eaar waḷok
- Juon kōmeḷeḷe in wūnin am tōmak eaar wōr kalikjeklok, ekoba wūnin am tōmak jerbal ak jiriḷok eo eaar epāāke juon kilaaj eo ej kōjbarok
- Juon kōmeḷeḷe in jerbal ko DOH emaroñ kar kōmmane ñan an uwaak kajjitōk
Kwomaroñ kōjerbale DOH pepa in kanne abṇōṇō (PDF), eo ej karōk ñan jipañ eok lelok meḷeḷe ko DOH ej aikuj ñan etaaḷe abṇōṇō eo am.
Washington State Department of Health Civil Rights & ADA Program
PO Box 47890 | Olympia, WA 98504-47890
(833) 428-3703 | Civil.Rights@doh.wa.gov
Jerbal in Kwalok Abṇōṇō
Ien eo abṇōṇō eo ej tōpar, juon uwaan rijerbal jen Civil Rights & ADA Program enij tōpar armej eo ej kwalok abṇōṇō ilowaan 15 raan ilo kōḷanta ñan kōṇōṇō kake jekjek eo. Mōkta jen an jinoe juon keij, Civil Rights & ADA Program enij etaale abṇōṇō eo ñan kalikkar ñe ej pād iuṃwin jerbal im maroñ ko an. Elañe Civil Rights & ADA Program enij kapellok juon keij, enij etaaḷe aolep kein kamooḷ ko rekkar, kajjitōkin ri kamooḷ ro, im jerbal ippān tijeṃlok ro rej aikuj ñan kalikkar jerbal eo ekkar im uwaak ko. Jemḷokin keij eo enij pād ilo jeje, ekoba kōmeḷeḷe in ta ko emōj loe, alikkar in an kalikjeklok waḷok, im jabdewōt waween ṃadmōd, elañe ekkar.
Kelet eo Ejañin Kijñeñe
Ilo jabdewōt iien, Civil Rights & ADA Program emaroñ kajeoñ uwaak e abṇōṇō eo ilo medak im juon uwaak eo rej jiṃoor rōrā kake. Jerbal in kelet eo ejañin kijñeṇe ejjab kōmman joñan ak jolok jiṃwe eo an juon armej eo ej kwalok abṇōṇō ñan wonṃaanlok kōn abṇōṇō kijñeñe eo an ippān DOH Civil Rights & ADA Program ak jabdewōt agency in jerbal naboj.
Joñan Iien Jerbale Abṇōṇō
Kalikjeklok im ideñ oṇe abṇōṇō ko ekkā aer uwaak ilowaan 90 raan jen ien rej bael. Elañe elapḷok iien ej aikuj, Civil Rights & ADA Program rijerbal renij kōjjeḷā ki armej eo ej kwalok abṇōṇō ilo jeje.
Eloñḷok Abṇōṇō Kelet ko
Elañe uwaak eo an dipaatment eo ejjab uwaak e abṇōṇō eo ñan joñan an armej eo ej kanne abṇōṇō ṃōṇoṇō, renij kōjjeḷā kon jiṃwe eo aer ñan bael juon abṇōṇō ippān agency ro rekkar, āinwot U.S. Department of Justice (DOH, Rā eo an Jiṃwe), Department of Health and Human Services (HHS, Rā eo an Ājmour im Jerbal ko ilo Jukjukin Pād), U.S. Environmental Protection Agency (EPA, Opiij eo ej Bōk Eddoin Kōjbarok Ṃelan) ak Washington State Human Rights Commission (WSHRC, Washington Kamijen in Jiṃwe ko an Armej).
Iden-oṇe
Civil Rights & ADA Program enij bar etaaḷe abṇōṇō ko rej kleim idenoṇe, eo juon armej eo eaar ioon ajāllik eo ejjab emman ak jerbal ālikinjepjep jen DOH, ak rijerbal ro an ak taktō ro, āinwot juon alikkar in pād ilo juon jerbal bobrae. Juon jerbal bobrae emaroñ koba, ilo waanjoñak, bael juon abṇōṇō in kalikjeklok, pād ilo juon etaaḷe, ak likūt jiṃwe ko an juon iuṃwin jepel jiṃwe kakien.
Uwaak Abṇōṇō
Eliktata, Civil Rights & ADA Program enij lale jerbal in uwaak ñan lale bwe jabdewōt jerbal ko rej jiṃoor errā kaki rej kōmman ilowaan iien ko emōj aer karōk.