Kein Kōjellā eo an WA ikijen kebaak nañinmij ilo app in smartphone

WA Notify (Kein Kojella eo an WA) (einwot ad bar jela ej Washington Expoure Notifications, Kein Kojella eo an Washington kin Won eo ear Kebaak Naninmij)) ej juon kein jerbal ekāāl ej jerbal ilo smartphone ko bwe en kōjeḷlāik armij eḷañe raar kebaake juon rinañinmij ewōr COVID-19 ibben, im ejab kwaḷọk jabdewot melele ko an armij make. Ej juon men eo ejab kwalok jabdewot melele ko an armij im ejab jeḷā wōn kwe ak ia eo kwoj etal nane.

Ewi wāween bwe in likūt WA Notify ilo talebon eo ao?

Image
Apple logo

Ilo talebon, kwōn komelim ilo Settings: Exposure Notifications

  • Etal ñan Settings
  • Wanlaḷḷọk ñan Kojella ko kin Exposure Notifications
  • Jipede “Kajeo Exposure Notifications”
  • Kelet United States
  • Kelet Washington
Image
Android logo

Ilo talebon Android:

Ilo Android ak iPhone, scane ae kakolle in QR:

WA Notify QR code

Ewi wāween an jerbal?

Ñe kwōj on WA Notify, phone eo nejōṃ enaaj leto-letak jet nōṃba ko rettino ippān armij repaake eok eṃōj aer bar komelim an jerbal WA Notify. App eo ej kajerbal Bluetooth Low Energy (BLE, Ej Bluetooth ak e dik an kañ jarom) ñan leto-letak nōṃba rej jabdetakwōt im re ban kwaḷọk meḷeḷe kōn kwe. Eḷañe bar juon armij ej kojerbal WA Notify ear epaak ñan eok ilo wiik ko ruo rej kab jeṃḷọk, im teej eo an armij ej kwalok ewor COVID-19 im ej loor bunten ko nan an kojellaik ro jet ilo an jab walok won ae, kwonaj loe juon kojella ejab walok won armij eo im ej kojella ke kwomaron kar kebaak naninmij eo. Ilo wāween in emaroñ ṃōkaj aṃ kapok jipañ im kwōban leḷọk COVID-19 ñan armij ro ituriṃ.

Juon kein bonobon eo kommane bonobon eo im kalikar makutkut ko remaron kar komman an ajeeded COVID-19 jen armij ro rar bed ilo jonan ettolok eo ewor kejbarok ak ebwe an kadu ien aer kar kebaak naninmij eo im rejab aikuj bok kojella eo. WA Notify enaj wot kojellaik kwe ne kwomaron kar kebaak naninmij eo. Innem am jab loe kojella eo ej kojella eo emmon.

WA Notify ewor kin elablok jen 30 kajin ko innem elon armij ro rej jokwe Washington remaron mokaj aer loe kein jerbal in.

WA Notify Flow Chart in Marshallese - Click to Read as PDF

Wawein kajitok juon code in kamol ilo positive-ilo-mweo teej nan COVID-19 ta ej walok elikin

WA Notify (Washington Kakol) rikojerbale ro rej wia jen-ion-counter kein teej ko im rej boke juon positive in ta ej walok elikin remaron in kio kajitok juon code in kamol ilo WA Notify.

Nan kajitok juon code in kamol ilo kein jerbal:

Android:

  • Kapellok WA Notify im kelet “Share your test result to help stop the spread of COVID-19” ("Ajeded ta ej walok elikin teej eo am nan jiban kabojrak an ajeded COVID-19”).
  • Kelet“Continue (Wonmanlak)” innem kelet “I need a code.” (“Ij aikuj juon code.”)
  • Likit numba in telephone eo an kein jerbal eo am ej kojerbale WA Notify im raan eo teej positive eo am nan COVID-19 ekar jinoe.
  • Kelet ““Send Code” ("Jilkintok Code").

iPhone:

  • Etal nan Settings (Jikin lale kajimwe ko)im kapellok Exposure Notifications (Kakol ikijen Epaake Naninmej).
  • Kelet “Share a COVID-19 Diagnosis (Kwalok juon maron in COVID-19).”
  • Kelet“Continue (Wonmanlak)” innem kelet “Didn't get a code? Visit WA State Dept. of Health Website. (Ikar jab boke juon code? Etal nan Website eo an WA State Ra eo an Ejmour.)"
  • Likit numba in telephone eo an kein jerbal eo am ej kojerbale WA Notify im raan eo teej positive eo am nan COVID-19 ekar jinoe.
  • Kelet “Continue (Wonmanlak).”

Kwonij boke juon kakol ilo walontak-kakol im juon jeje ippen link in kamol. Kwonij aikuj in jiped kakol eo ako kelet link in jikin jeje nan loore buntan kein ilo WA Notify nan kwalok nan ro jot ilo aer jaje won eok kin an kar maron in epaake naninmej eo. Elikin am kajitok code in kamol ilo WA Notify, call e line in COVID-19 an state ilo, , 1-800-525-0127, innem jiped #, nan repoot ta en ej walok elikin teej Department of Health (DOH, Ra eo an Ejmour).

Ne kwojjab maron in kajitok juon code in kamol ilo WA Notify, kwoj aikuj in call e line in COVID-19 an state eo, 1-800-525-0127, innem jiped #, im ba nan rijerbal in line eo kwe kwoj juon WA Notify rikojerbale. Rijerbal ro an lain in kall eo renaj lewaj juon link nan kein kamool kwomaron kojerbal nan kojellaik ro jet rej kojerbal WA Notify ke remaron kar kebaak naninmij eo.

Wawein am repoot positive ilo-mweo COVID-19 teej ta ej walok elikin

Armij ro rej wia kein teej ko ilo imon wia im loe juon jemlok ej kwalok ewor naninmij eo rej aikuj kurlok lain in kall eo an COVID-19 an state, 1-800-525-0127 innem jibed # (jibed 7 nan Kajin Spanish), ilo ien eo wot renaj loe jemlokin teej ko aer. Etal nan Contact Us (Kokkeitaak koj) page nan awa in call tok. Jibañ ikijen kajin ej bar bed.

Jouj im kememej:WA Notify ej juon kein jerbal in kojella kwar kebaak naninmij. Ear jab kōmman ñan an ro rej kōjerbale kadeloñ jemlokin teej ko aer.

Ewi wāween aer kejbarok im kojerbal meḷeḷe ko aō?

WA Notify ej kojerbal kein jerbal kapeel in Kojella eo an Google Apple, im ear kōṃṃan ñan kōjparok meḷeḷe ko an armij. Ej jerbal itulok ilo an jab aen ak kwalok jabdewot jikin ak melele ko an armij make, im ejab aikuj jela won kwe ak ia eo kwoj bed ie bwe en jejjet an jerbal. Ilo an kojerbal jidik Bluetooth, ejab kakkure battore eo am.

Aṃ make pepe eḷañe kwōj bōk kwonaaṃ ilo men in. Ro rej kojerbal remaron kelet in delon ak diwoj jabdewōt ien. Ñan meḷeḷe ko reḷapḷọk kōn wāween aer jab kaajeeded meḷeḷe ko aṃ jouj im lale WA _Exposure Notifications kakien eo kin waween aer kojerbal melele ko am.

Endeit text im kojella ko?

Ewōr ruo kain kōjella ko kwōmaron loi. Ro teej ko aer renaj kamool ewōr nañinmij eo ibbeir renaj loe juon link ilo text majej ñan kamool im/ak juon kōjella ej walok. Ro rej kojerbalWA Notify im remaron kar kebaak nañinmij eo renaj loe juon kōjella kin aer kar kebaak nañinmij eo. Bok melele ko relablok kin kojella kein im lale ewi waween am naj loi.

Ewi wāween an jipañ?

Juon katak jen University of Washington (ajin Pālle wōt) eṃōj kar loe ke elok lonlok armij ro rej kojerbal kein kōjeḷlā eo kin won eo ear kebaak naninmij eo, elablok jiban eo. Jemlok ko rar kwalok ke WA Notify ej kejbarok tarrin 40-115 mour ko im emaron kar bobrae tarrin 5,500 keij in COVID-19 ko ilo allon ko emen jinointata in an kar jerbal. Melele ko ilo laajrak ko rar kwalok ke jekdon edik jonan armij ro rej kojerbal WA Notify enaj kadiklok nañinmij iin COVID-19 ko im armij ro rej mij, im ej kamool ke WA Notify ej juon kein jerbal eo elab an emmon nan bobrae an ajeeded COVID-19.

Kwokonaan ke jiban kaajeeded enaan kin WA Notify (Jikin Bok Kojella ilo WA)?

Lale kein jerbal inWA Notify nan kojella ko rej walok ilo social media, bija poster ko, jaambol in kareelel ko ilo retio im TV, im bar jet.

Kajitok ko rekut

Kwar ke loe juon text im/ak kojella jenWashington State Department of Health (Ra in Ejmour eo an State eo an Washington, DOH)?. Bwe?

DOH ej jilkinlok juon text majej im/ak kōjella ej walok ñan nōmba in talebon ko an armij ro teej ko aer rar kwalok ewōr COVID-19 ibbeir bwe ro rej kojerbal WA Notify en mokaj im jab walok won er ilo aer kojellaik ro jet remaron kar kebaak naninmij eo. Bok melele ko relablok kin kojella kein im lale ewi waween am naj loi.

Ne kwe juon eo ej kojerbal WA Notify, , kwōj aikuj wōt jibed kōjella eo ak jibed link eo ilo text majej eo im loor buñten ko ilo WA Notify ko ilo ñan am lelok kōjellā ilo an jab walok woñ kwe ñan armij ro jet remaron kar kebaak nañinmij eo.

Ij ke aikuji WA Notifyelane emoj aer wa?

Aet. Jekdon alikin an lukkun dedelok am wa nan bobrae jen COVID-19, kwoj aikuj wot kommane kultien kejbarok ko rekka kin jorraan eo elab im ear jelote aoleben lal in. Wa ko rej waween eo ejejjet an jerbal nan kejbarok kwe make, botab ej wor wot uwota eo edik kwomaron naj bok naninmij eo ak lelok naninmij eo nan ro jet rejanin wa.

Iar loe juon kojella bwe in lelok melele ko ao ilo WA Notifynan public health. Bwe?

Washington State Department of Health (DOH) ekonaan bwe kwon jela jonan emmon in an jerbal WA Notify bwe jen maron komman jabdewot kokmanmanlok ko nan kein jerbal eo. Eļañe kwōj errā in kwalok melele ko am jen WA Notify, kejbarok in meļeļe ko am renaj wot lukkun kejbarok. Ejeļlọk meļeļe ko am make renaj aen ak kwalok im ejellok waween kalikar ej am melele ko. DOH wot emaron loe melele in im jonan eo wot ilo state emaron bar loe.

Eļañe ro rej kojerbale WA Notify rej errā in kwalok melele ko aer, ta ko renaj bōki?

Ne kwōnaj errā in kwalok melele ko am, enaj kejbarok waween aer kojerbal melele ko am. Ejellok melele ko am make renaj aen ak kwalok, innem ejellok waween aer maron kalikar kwe. Washington State Department of Health wot emaron loe melele in jen jonan eo an state, im emaron koba:

  • Jonan armij ro rej erra in kwalok melele ko aer ilo WA Notify. Mennin ej jiban kim jela waween an walok kein jerbal in lale eo amim.
  • Jonan Exposure Notifications emoj loe jen ro rej kojerbal WA Notify. Men in ej jibañ amim lale ṃakutkut ko ilo an ajeeded in COVID-19.
  • Jonan armij ro im rej jibede kojella kin kebaak naninmij eo. Men in ej jipañ amim pikot jonan an armij monono in bok rojan ko jen public health.

Joan armij ro rar kebaak juon eo emoj an teej kwalok ewor COVID-19 ibben, botab ear jab lukkun kebaake ak ejab kar aitok ien an bed iturin nan an loe juon kojella ke ear kebaak naninmij eo. Mennin ej jiban amim watoke elane kein bonobon eo ej loe ke juon ear kebaak naninmij eo ilo WA Notify aikuj komman oktak.

Ñe ij kōmaroñ e WA Notify ilo IPhone eo ao, Ij ke aikuj bwe ijo ej ba “Availability Alerts (Ewor kojella ko)” en jo ke kun?

Emmon ne ekun. Jekdon emoj rojan bwe kwon kajoe ilo ien am ito tak inabojin state eo an Washington nan juon ien ebwe an aitok. Ien eo ejo Ewor Kojella, kwomaroñ naj loe kōjjeļā ko ilo ien am ito tak nan jikin eo ewor an bar kein jerbal kabeel in kojella kin kebaak naninmij im ejab WA Notify. ro rej kōjerbal iPhone remaroñ kadeļọñ eloñ jikin ko ak naaj maroñ wōt kōjerbale juōn jikin iuṃin juōn tōre. Kwejjab aikuj in joļọk juōn jikin ñan kajerbale bar juōn eo ekāāļ. Ro rej kojerbal Android remaron likut app in kojella kin kebaak naninmij einwot WA Notify jen elon state ko botab juon app wot im ej kojerbal kein jerbal kapeel ko einwot WA Notify emoj kalikar an jerbal ilo ien eo.

Ij aikuj kadelon etta bwe in kojerbal WA Notify?

Aet. Ejjeḷọk oṇean WA Notify, im aṃ wōt pepe ñan kajerbale. Jabdewōt ien kwōmaroñ joḷọk etam. Men eo wōt ñan joḷọk e, kwōn off e ak jolok app eo. Aoleb kakolle ko rejabdetak emoj an talebon eo kakwone jen armij ro iturim im rej kojerbale renaj ejeer im kwoban maron bar loi.

WA Notifyej kejuon app eo ej anoke armij ro rar kebaak naninmij eo?

WA Notify e jab bōk meḷeḷe ko kōn armej ro me kwar epaak ñan er, im kōn men in e jab “contact tracing.” Kebaak won ro rar kebaak naninmij eo ej kalikar jabdewot armij eo emoj an teej kwalok ewor an COVID-19 im emaron walok. App eo e jab bōk ak leḷọk meḷeḷe ko kōn kwe, im kōn men in ejjeḷọk armej e maroñ jeḷā wōn ro kwar epaak ñan e.

Ta meḷeḷein "epaake juon eo ewor nañinmij ibben"?

Men in meḷeḷein kwar pād iturin juon armej me ej bar kajerbal WA Notify, im tokālik teej eo an armij eo ej kwalok ewor COVID-19 ibben. Men in ej ḷoor melele in kajinet eo an torre in jen CDC (Center for Disease Control, Obij eo ej bōk eddon kejbarok im bobrae jen nañinmij) (ajin Pālle wōt) kin jonan kattolok doon im an ajeeded COVID-19. Nan lale ne juon ear kebaak naninmij eo, Wa Notify ej kojerbal juon kein bonobon ej einwot melele eo an CDC kin juon armij ear lukkun kebaak naninmij eo im bed diklok jen 6 ne (2 meter) nan 15 minit ak lablok ilo ien eo rar kabobo - im emaron oktak jen ibben ritel ro an public health.

Ta eo ej waḷọk ñe WA Notify ej kōjeḷāik eō bwe iar bōlen iturin juon eo e nañinmij?

Eḷañe WA Nofity ej lo bwe bōlen kwar epaak ñan juon ri nañinmej, enaaj wor juon kōjeḷā ilo phone eo nejōṃ me ej kwaḷọk juon website ijo ewor meḷeḷe ie, im enaaj ba ta eo kwōn kōṃṃane. Enaaj ba ia eo im wāween aṃ maroñ teej, enaaj lewōj meḷeḷe kōn wāween kwe im ro repaake eok koṃij maroñ safe wōt, im enaaj kwaḷọk ia eo im kwō maroñ bōk uwaak ñan kajjitōk ko aṃ. E aorōk bwe en eṃṃan aṃ read im ḷoor meḷeḷe ko ilo website eo.

Armij renaj ke jeḷā eḷañe teej eo ao enaj kalikar ewor COVID-19 ibba?

Jab. WA Notify ejab kwaḷọk meḷeḷe kōn kwe ñan jabdewōt armej. Ñe juon armij ej bōk juon kōjeḷlā bwe bōlen ear epaak ñan juon ri nañinmej, enaaj jeḷā wōt bwe iuṃwin 14 raan ko remootḷọk ear iturin juon armij ear teej eo an ej kwalok ewor COVID-19. Reban jeḷā wōn armij eo ak ia eo ear pād ie ke ear epaak ñan juon ri nañinmij.

Ij ke aikuj kolla wonnen WA Notify?

Jab. Ejjeḷọk wonnen WA Notify.

Ewi wāween an WA Notify jipañ Washington State?

Juon katak jen University of Washington (ajin Pālle wōt) eṃōj kar loe ke elok lonlok armij ro rej kojerbal kein kōjeḷlā eo kin aer kebaak naninmij, elablok jiban eo. Jemlok ko rar kwalok ke WA Notify ej kejbarok tarrin 40-115 mour ko im emaron kar bobrae tarrin 5,500 keij in COVID-19 ko ilo allon ko emen jinointata in an kar jerbal. Melele ko ilo laajrak ko rar kwalok ke jekdon edik jonan armij ro rej kojerbal WA Notify enaj kadiklok nañinmij iin COVID-19 ko im armij ro rej mij, im ej kamool ke WA Notify ej juon kein jerbal eo elab an emmon nan bobrae an ajeeded COVID-19.

Ej ke jerbal WA Notify eḷañe ij jambo ñan jikin ko inabojin state eo?

Aet. Eḷañe kwōnaj ito tak ñan bar juon state ej kojerbal juon kein jerbal kapeel app an Apple/Google, talebon eo am enaj wonṃaanḷọk an leto-letak nōṃba ko rejabdetakwōt ippān ro jet ilo state eo im rej kojerbal app rot ko. Kwōban aikuj ukōt jabdewōt men ilo setting ko an app eo aṃ. Eḷañe kwonaj emakut jen Washington, kwōn etale ta ko ilo state eo am ekāāl bwe kwon maron bok jipañ im kōjeḷā ko ilo jukjukinbed eo.

Etke jej aikuj jimor kein anoke won ro rar kebaak naninmij im WA Notify?

Ioṃwin elōñ yiō, eḷab an jejjet an jerbal kein anoke eo an public health nan lale won ro rej kebaak naninmij. WA Notify ej jiban madmod in ilo an jab walok won armij. Eñin ej juon waanjoñak: Eḷañe teej eo am enaj kwalok ewor COVID-19 ibbam, ritel ro an public health remaron kall im kajitok ibbam bwe kwon kwalok won armij ro rar kebaak ilo raan ko rej kab jemlok. Kwōjab maroñ kwaḷọk etan juon armij eo kwojaje kajeen im kwar jijjet iturin ilo juon baj. Eḷañe komiro armij in ej jiṃor kojerbal WA Notify, earmij eo kwojaje kajeen enaj loe kojella eo ilo an ejellok melele jen won ke emaron kar kebaak naninmij eo im bok kultien kejbarok ko nan bobrae an jab ajeeded COVID-19 nan ro mottan im baamle ko an. Einwot kwalkwol ba im ekonak kein kalbubu iturin maj kajojo jiban kein rej kabojak an ajeeded COVID-19, ibben doon enaj lablok an jejjet aer jerbal.

Ewi toon an WA Notify kōjeḷāik ro rej jet rej kojerbale?

Ro rej kojerbale im remaron kar kebaak COVID-19 jen ibben bar juon amij eo ej kojerbal enaj loe juon kojella iloan 24 awa alikin an wor kamool ewor COVID im loor bunten ko ilo WA Notify nan bar kojellaik ilo an jab walok melele ko an armij nan ro jet rej kojerbal WA Notify.

Emaroñ ke lōñ jen juon kōjeḷlā jen WA Notify?

Ro rej kojerbale im remaron kar kebaak COVID-19 jen ibben bar juon amij eo ej kojerbal enaj loe juon kojella iloan 24 awa alikin an wor kamool ewor COVID im loor bunten ko ilo WA Notify nan bar kojellaik ilo an jab walok melele ko an armij nan ro jet rej kojerbal WA Notify.

Ewi wāween aō ba ñan WA Notify eḷa ñe teej eo ao enaj kwalok ewōr COVID?

Ne emoj am teej positive im juon armij jen Washington State Department of Health (DOH, Washington State Ra eo an Ejmour) ak tobar eok, renij kajitok ne kwoj kojerbale WA Notify. Eḷañe aet, renaj jilkinwaj juon link in kamool im/ak kōjella im jiban am loor bunten ko nan kadelone ilo WA Notify. Link ak kojella ko rejab koba nan melele ko am make. DOH ejelok an wawein jella won enij kajella jen app eo kin epaake naninmej ne kwonij loore buntan kein. Kōjeḷlā eo eban kwaḷọk jabdewōt meḷeḷe kin kwe. Ñe elōñ armij rej kwaḷọk kaṃool jemlok ko aer ilo WA Notify, enaj emmonlok an kejbarok an jab ajeeded COVID-19.

Ne emoj am teej positive im aikuj wot kwalok ilo an ejelok jella won kwe kwalok ta ej walok ilo WA Notify, lale “How to request a verification code for positive at-home COVID-19 test results (Wawein kajitok juon code nan kamol ilo positive-bed-ilo mweo COVID-19 teej ta ej walok elikin)” section ilo page in ñan buntan ko ñan kajitok juon code in kamol ilo an ejelok ejella ñan kajella ko rot rej kojerbale WA Notify ñan maroñ in epaake nañinmej eo.

Elikin am kajitok code in kamol ilo WA Notify, call e line in COVID-19 an state ilo,1-800-525-0127, innem jiped #, nan repoot ta en ej walok elikin teej DOH.

Ewor ke jabdewōt men ij aikuj kōṃṃane ālikin aō likūt WA Notify ilo phone eo nejū?

Kwōj aikuj kōṃṃan juon men eo elablok eḷañe:

  1. Teej eo am enaj kamool ewor COVID-19 ibbam, ak
  2. Rej lewōj juon kōjeḷlā ke kwar kepaak ñan juon rinañinmij.

Ne emoj am teej positive, im juon armij jen Washington State Department of Health (DOH) ak tobar eok, renij kajitok ne kwoj kojerbale WA Notify.Eḷañe aet, renaj jilkinwaj juon link in kamool im/ak kōjella im jiban am loor bunten ko nan kadelone ilo WA Notify. Link ak kojella ko rejab koba nan melele ko am make. DOH ejelok an wawein jella won enij kajella ilo app eo kake an epaake naninmej eo. Kōjeḷlā eo eban kwaḷọk jabdewōt meḷeḷe kin kwe. Ñe elōñ armij rej kwaḷọk kaṃool jemlok ko aer ilo WA Notify, enaj emmonlok an kejbarok an jab ajeeded COVID-19.

Ne emoj am teej positive im aikuj kein kamol, lale “How to request a verification code for positive at-home COVID-19 test results (Wawein kajitok juon code nan kamol ilo positive-bed-ilo mweo COVID-19 teej ta ej walok elikin)” section ilo page in ñan buntan ko ñan kajitok juon code in kamol ñan kwalok ilo an ejelok ejella ro jot rej kojerbale WA Notify in maroñ in epaake nañinmej eo.

Elikin am kajitok code in kamol ilo WA Notify, call e line in COVID-19 an state ilo, 1-800-525-0127, innem jiped #, nan repoot ta en ej walok elikin teej positive eo am ñan DOH.

Eḷañe WA Notify ej ba ñan eok bwe kwar epaak ñan juon ri nañinmej, enaj wor juon kōjeḷlā ilo talebon eo nejōṃ me ej kwaḷọk juon website ijo ewor meḷeḷe ie, im enaaj ba ta eo kwōn kōṃṃane. Enaaj ba ia eo im wāween aṃ maroñ teej, enaaj lewōj meḷeḷe kōn wāween kwe im ro repaake eok koṃij maroñ safe wōt, im enaaj kwaḷọk ia eo im kwō maroñ bōk uwaak ñan kajjitōk ko aṃ. E aorōk bwe en eṃṃan aṃ read im ḷoor meḷeḷe ko ilo website eo. Ilo kōjeḷlā eo e ban wor meḷeḷe kōn wōn eo ear nañinmij iturōṃ ak ia eo kwar pād ie. E jab kwaḷọk etan armej.

Eḷañe ij kojerbal WA Notify, enaj ḷap an kañ battery ak data ko?

Jab. Raar kōṃṃane bwe jidik wōt an kajerbal battery eo im data kōnke ej kojerbal kein jerbal kapeel in Bluetooth edik an kojerbal kajur.

Ij aikuj kajo Bluetooth bwe WA Notify en jerbal?

Aet. WA Notify ej kojerbal Bluetooth eo edik an kojerbal kajur, innem Bluettoh ej aikuj jerbal aoleb ien nan an bok melele jen ro jet iturim.

Ej ke aikuj peḷḷọk WA Notify ilo talebon eo nejū bwe en jerbal?

Jab. WA Notify enaj jerbal ilo itulik wot.

WA Notify ej ke jerbal ilo smartphone ko reṃor?

ro rej kojerbal iPhone remaroñ kojerbale WA Notify ñe kein komadmod eo aṃ ej:

  • iOS version 13.7 ak kaal lok (nan iPhone 6s, 6s Plus, SE ak kaal ļọk)
  • iOS version 12.5 (ñan iPhone 6, 6 plus, 5s)

Ro rej kojerbal Android remaron kojerbal WA Notify elane Android in talebon smartphone eo aer emaron kojerbal Bluetooth eo edik jonan an kojerbal kajur im Android Version 6 (API 23) ak ļonlok.

Ej aikuj 18 aō yiō bwe in kojerbal WA Notify?

Jab. WA Notify e ab jeḷā ak lale jete aṃ yiō.

Enaj jerbal kein jerbal kapeel in eḷañe inaj kojerbal talebon eo ibben bar juon?

WA Notify ejab maroñ jeḷā wōn ear kajerbal juon phone ilo iien eo ke phone eo ear epaak ñan juon riañinmij. Eḷañe kwōj kojerbal juon talebon ibben bar juon, aolep ro rej kojerbale rej aikuj ḷoor meḷeḷe ko jen public health eḷañe WA Notify ej ba bwe talebon eo ear epaak ñan juon rinañinmij.

WA Notify ej jerbal ilo iPad im smart watch ko?

Jab. Rar kōṃṃan kein kojella won ro rar kebaak naninmij bwe en jerbal wōt ilo smartphone ko im jab ilo iPad ak tablet ko.

Ta eo Washington state ej kōṃṃane bwe en lelok kein jerbal kapeel in nan armij ro ejjeḷọk aer smartphone?

WA Notify ejab kein jerbal eo wot nan jiban kejbarok an jab ajeeded COVID-19. Anoke won ro rar kebaak nainmij im bar jet madmod ko rej jiban aolep ro rej jokwe ilo Washington, jekdọn ñe ejjeḷọk aer smartphone. Ñe jej kajerbal mej, ettoḷọk jān doon, im jab pād ilo kweilọk ko reḷap, ej jipañ kadikḷọk an COVID-19 ajeeded.

Lifeline program (burokaam in jiban nan am kurlok ro jet) an kien eo an federal ej lewaj jiban kin wonnen talebon aoleb allon nan ro remaron tobrak. Jet kombani ko rej bok kwonaer in lewaj kein am konnek kin ejellok to remaron lewaj juon talebon smartphone ejellok wonnen. Bok melele ko relablok kin burokraam eo, won ro remaron tobrak, waween am kateruru im jikin ko rej bok kwonaer ilo burokraam in (ajin Pālle wōt).

Kememej, am boke wa eo an COVID-19 ej waween eo emmontata nan kabojak an ajeeded naninmij eo.

Etke einwōt elap an WA Notify kojerbale kajoor in pātōre eo?

Ilo mool eo, jonane ejab. Jerbal in pātore eo ilo men eo nejūṃ ej kwaļok jete pōjāān in pātōre ej jerbal ilo kajojo raan ekooba apps ko einwot WA Notify. Enañin aolep apps ko rejjamin jerbal ilo juōn ien eo eaitok in boñ. WA Notify ejjamin bar, ak ej wōt lali code (kōkaļļe) ko jabdewōt ilo aolep jejjo awa ko ñan lale rikajerbale ro im rej baajitip bwe en maroñ karoñ eok ñe koj maroñ ejerwawa ñan nañinmej eo. Ilo waan jeñọk, eļaññe ejelok iaan apps ko rej jerbal ilo ien aṃ kiki, ilo tōre ne WA Notify enaj mour wot jen kajoor in pātōre eo. Ejab meļeļe in WA Notify elab an kojerbal pātōre eo – ej meļeļe in eļap bōjāān eo ej bōke jen ijo edrik im ej kajerbal e jen pātōre eo.

Washington eṃōj an kadiwōj WA Notify ilo 30 kajin ko, ak etke ij loe wōt ilo Kajin Belle im Spanish ilo jikin wia eo an Google Play?

Jerbal ko an WA Notify rej bedbed wōt ioon kajin ko rej karōki ilo talpoon ko an ro rej kajerbali. Juōn wōt mottan eo an WA Notify, ak ewōr men ko rej kaju walok – waanjonok juon kein kojella kin kebaak naninmij – enaj waļok ilo kajin eo kelet e jen armij eo ej kojerbale ñan 30 kajin ko Wahington state emōj an koweepen e ñan kojerbali.

Iar loe juon kojella im/ak juon text botab armij eo ear teej ejab baamle ak juon uwaan rimweo imo. In kōṃṃan ta?

Armij eo ej kojerbal WA Notify im teej eo an ear kwalok ewor naninmij eo ibben ej aikuj loor bunten ko nan an kojellaik ro jet ilo an jab walok won ie ke remaron kar kebaak naninmij eo, innem kwoj aikuj kojekdon jabdewot text ak kojella ko rejab am.

Ne kwe ako juon uwaan bamle eo am ej juon WA Notify rikojerbale, im emoj an teej positive, im aikuj in kamol an rol lak teej eo ilo WA Notify, remaron in loore buntan kein ilo“How to request a verification code for positive at-home COVID-19 test results (Wawein kajitok juon code nan kamol ilo positive-bed-ilo mweo COVID-19 teej ta ej walok elikin)” section ilo page in.

Armij ro rej wia kein teej ko ilo imon wia im loe juon jemlok ej kwalok ewor naninmij eo rej aikuj kurlok lain in kall eo an COVID-19 an state, 1-800-525-0127 innem jibed # (jibed 7 nan Kajin Spanish), ilo ien eo wot renaj loe jemlokin teej ko aer. Etal nan Contact Us (Kokkeitaak koj) page nan awa in call tok. Jibañ ikijen kajin ej bar bed.

Jete jonan ien nan ao jibed kojella eo ak kojerbal link in kamool eo?

Ewor am 24 awa alikin am loe kojella ak text majej eo nan loor bunten eo nan kojellaik ro jet ilo WA Notify. Ne kwojjab maron in jiped jikin kakol eo ako jiped link in kamol eo ilo ien eo WA Notify ilo am loore buntan ko ilo “How to request a verification code for positive at-home COVID-19 test results"(Wawein kajitok juon code nan kamol ilo positive-bed-ilo mweo COVID-19 teej ta ej walok elikin) section eo ilo page in. Elikin am kajitok code in kamol ilo WA Notify, call e line in COVID-19 an state ilo, 1-800-525-0127, innem jiped #, nan repoot ta en ej walok elikin teej DOH. Kwomaron bar kajitok juon link ilo ien juon armij jen DOH ro ewor aer maron ilo jikin ejmour ej tobar eok kake ta eo ej walok elikin teej in COVID-19.

Etke Washington ear pepe in kōṃṃan kain in?

Washington ear bōk elōñ armej, jet rej mōkade ilo security im jet kōn jiṃwe im maroñ ko an armej kab armej ro jet, im raar kweilọk im lale men in jān Apple/Google. Kumi in raar ba eṃṃan men in kōnke re ḷak lale, enaaj eṃṃan an jerbal, ej kōjparok meḷeḷe ko, im state ko jet rej kajerbale.

Elmen ao loe raan in raan eo aliktata kwar kebaake armij eo teej ear kamool ewor an naninmej ilo WA Notify?

Ilo juon iPhone:

  1. Etal nan Settings (Jikin lale kajimwe ko)
  2. Kelet Exposure Notifications (Naan in Kakol ikijen Epaake) ak likit Exposure Notifications (Naan in Kakol ikijen Epaake) ilo jikin Kabbok Eo
  3. Raan in am kar maron in epaake naninmej eo enij walok ilo "You may have been exposed to COVID-19 (Kwōmaron kar kebaak COVID-19)"

Ilo juon Android:

  1. Kapellok app eo WA Notify
  2. Lale See Details (Lale Kamelele ko) iumin “Possible exposure reported (Maron in kar epaake emoj an repoot)”
  3. Raan in am kar maron in epaake naninmej eo enij walok ilo "Possible Exposure Date (Kwōmaron kar kebaak Naninmej)"