Teej n̄an COVID-19

Kajitōk ko ekutkut kajitōk

Kappok jikin teej epāāke n̄a (ilo Kajin Pālle)

Kwōjjam Aikuij Teej

Teej kein rej kejbarok elōn̄ armij. Teej kein rej kōtlak an armij bōk kakkōl ko, āinwōt aer māke lak iar, ilo juon ien eo ejimwe n̄an kabōjrak an n̄an̄inmej eo ajeded; armij ro eped n̄an̄inmej eo ippeir ilo an ejjelọk kakọlle rej māron̄̄ in wōt kōmman bwe n̄an̄inmej eo en ajeded. Teej kein rej bar jibān̄ ro rej jerbal ilo jikin ejmour n̄an būkōt im uwaak n̄an ta ko rej walok, im n̄an lale oktak ko rekāāl an n̄an̄inmej eo. Teej kein rej bar aurōk ilo an jibān̄ karọltōk būrokram ko rekar walok mokta lak.

Ro rej būkōt melele ilo University of Washington im Department of Health (DOH, Rā eo an Ejmour) rekar loe ke teej n̄an COVID-19 im bukōt ilo WA Notify (peij in kōjellā eo an kiien in Washington) ekar kabōjrak jon̄an eo 6,000 case ko jen Tiijōmba 2020 lak n̄an Maaj 2021.

N̄āāt kwōj Aikuij Teej

Teej n̄e kwōj en̄jake am n̄an̄inmej. COVID-19 elukkun lōn̄ kain kakōlle (ilo Kajin Pālle), im n̄e kwōjjab en̄jake an eman am mour, eman n̄e kwōj teej ilo ien eo emōkajtata.

Bōk teej n̄e emōj am epāāke juon armij emōj an alikkar teej eo an n̄an COVID-19. Bōk teej ilo ien eo emōkajtata n̄e ewōr am kakōlle ej walok. N̄e ejjelọk am kakōlle ej walok, kōttar lalem raan ko elikin am kār epāāke innem bar teej.

Peejnej im jikin būrookraam ko ilo Washington emāron̄ in wōr aer aikuij ikijen teej im/ak mokta jān am delọn̄ e juon jikin ak būrookraam. Kurlọk mokta ak lale anḷain mokta jān am etal.

Kwōmāron̄ in aikuij in teej mokta im/ak elikin am itotak. Lale Centers for Disease Control and Prevention (CDC, Opiij an Lale Nan̄inmej im Bōbrae) (ilo Kajin Pālle) tōl eo eliktata ikijen itotak.  

N̄e kwōj ittōn kōba ippān bar jet armij, elaptata ro rej pād ilo kauwōtata in n̄an̄inmej elap ak māron̄ in jab jimwe ien ko rekar bōke COVID-19 wā ko (ilo Kajin Pālle).

Ia eo Kwōj Bōk Teej Eo

Website eo an kiien in Washington State Department of Health ej kakwōṇe juon lajraak in jikin teej ko ej bellọk ilo kajojo bukwon, ilo awa in jerbal ko im aikuij ko aer. N̄an melele ko relaplak ikijen jikin teej ko, kūrlọke 2-1-1. Kein teej ko bōk jen ion counter rej bar bellọk n̄an ortar im ilo jikin ebbōk uno ko bwe en māron̄̄ in bidodo am bōk teej ko ilo mweo imōm.

Wōneen

Teej ko ilo mweo imōm ejjelọk wōneeir rej bellọk jen kiien eo an federal, ortar kein jerbal in teej eo ejjelọk wōneen ilo COVIDtests.gov (ilo Kajin Pālle).

Rijerbal ro an injuran renij kiō karoolak jāān n̄an baamle ko n̄an jon̄an in rualitōk teej kajojo allōn̄. Bōk katak ko elaplak kōn an roolwaj jāān jen injuran (ilo Kajin Pālle).

Ejjelọk wōneen kwōj aikuij in kōllā n̄an am teej ilo jikin teej ko an county ak state. Elōn̄ teej ko, n̄an armij ro rej ioon kakōlle in n̄an̄inmej ko, remāron̄̄ etal bill ko aer n̄an injuran ak driklọk wōneeir jen Department of Health.

Kwōmāron̄ bar wia kein teej ilo mweo imōm ilo mwōn wia ko tūrim ak online im jikin ebbōk uno. Kwōjjab aikuij injuran ak jeje jen taktō.

Teej rōt ko

Teej ko rej bed kiō rej koba teej in antigen ko remōkaj, teej in molecular (jimor bedbed ilo jikin teej im mōn taktō ko), im jejjo teej kwōmāron̄̄ māke kōmmane ilo mweo imōm. Jon̄an oran teej eo ekkar n̄an jon̄an aikuij an armij im kab jikin eo ej tok jen e.

Teej n̄an COVID-19:  Ta melelein n̄an n̄a?   (PDF)

Ewi Wāwein am Bok Teej eo Ilo Mweo Imōm

Aurōk in loore kōmmelele ko ilowaan kein teej ko ilo mweo imōm n̄an alikkar ko elap aer jimwe. Elōn̄ jejjo brand rej lewaj wāwein kōmmane ilo video.  N̄an emakitkit ko remmantata, lale naan in jibān̄ ko an CDC n̄an teej ilo mweo imōm  (ilo Kajin Pālle).

Emāron̄ in wōr teej ko ebwōd aer alikkar ilo kein teej mōkaj ko. Jet kein teej emāron̄ in kōba ippān ruo teej (kwōj aikuij in loore kōmmelele ko ilo bọọk eo n̄an n̄āāt kwōj bōke teej eo).

N̄an melele ko relaplak ikijen wāwein an jerbal teej kein, lale peij in kajitōk ko ekutkut kajitōk n̄an teej.

Ewi Wāwein an Jerbal Teej in

Elōn̄ teej ko rej kōmman jen aer karelōn̄ juon kiutip/Q-tip ilowan bọtiim. Elōn̄ teej ko remāron̄̄ in kōmman ilo aer eppōk kabilo. Melele ko relaplak remāron̄̄ walok ilo peij in kajitōk ko ekutkut ikijen teej ko.

N̄āāt kwōn Māke Lak Iam ak Jenolọk

Kwōmāron̄ auikuj in māke lak iam ak jenolọk mokta jen am bōk teej eo am im elikin am bōk tōprak ko am. Men in ej bedbed ion am kar bōk wā ko im n̄e kwōj kwalok kakōlle ko.  Tōlko rekāāl an CDC rej kattiprik men in ilo jekjek ko kajojo (ilo Kajin Pālle). Kwōmāron̄ bar loore tōl eo ad  (ilo Kajin Pālle) n̄an armij ro ewōr aer kakōlle im/ak rekar epāāke COVID-19.  

Bar Lale

Kwōn bed wōt mweo imōm jon̄an wōt am māron̄̄ n̄e ewōr am kakōlle in n̄an̄inmej eo.  N̄e alikkar teej eo am n̄an COVID-19, naan eo eman ej ke ewōr bun̄tan ko kwōmāron̄ bōk n̄an jibān̄ eok im ro jet bwe ren bōbrae. Kwōmāron̄ in būkot melele ko relaplak ije: Ta eo kwōn kōmmane n̄e alikkar teej eo am.