Ñan an diwọj ilo ien eo emokaj tata: Maaj 9, 2026 (26-032-Marshallese)
Kepaake: DOH Leto Letak Meḷeḷe
MMR wā ej pād wōt ilo an kein jerbal eo eman tata an jerbal ñan bobrae jen an laplok an ajedeed
OLYMPIA – Bok aidik ej wonṃaanlok ilo an juon abṇōṇō eo ej kauwōtata ñan ājmour ilo Washington im ilo peḷaakin aeloñ eo. Washington State Department of Health (DOH, Rā eo an Ajmour) (ilo Kajin Pālle) emōj an kalikkar 26 keej in bōk aidik (ilo Kajin Pālle) ipeḷaakin emān bukwōn ilo yiiō in, eo ej kwalok an lapḷok jen keej ko jilu rekar ripoot jen juon wōt bukwōn Jānwōde 16 (ilo Kajin Pālle im Kajin Spanish).
26 keej in bok aidik ko rekar ripoot ilo allōñ ko ruo jinoin 2026 emōj aer laplok jen ruo alen in keej ko 12 rekar ripoot jen aolepen state eo ilo 2025. Elaplọk jen jimetan in keej in bok aidik ko rekar ripoot ilo Washington ilo 2026 rej epāāke an kar ajedeed nañinmej jen jilu ak eloñlọk keej. Ilo an oktak, eaar jab ripoot an ajedeed nañinmej in bok aidik ilo 2025.
Ilo laḷ eo, Amedka emōj an ḷā jen 1,100 keej in bok aidik ie (ilo Kajin Pālle) ilo 2026. Lapḷok eo ej kōḷmānḷokjen in juon nañinmej eo eaar kowaḷok an jako jen Amedka ilo 2000.
Epāāke 80% in keej ko rekar ripoot ilo Washington yiiō in ej ilo ajri, ekoba 16 keej ibwiljin ajri ro 5-17 yiiō dettan im emān keej in ajri ro rediklok jen 5 yiiō. Keej kein rekar kamooḷ rej pād ilo Bukwōn in Snohomish (14 keej), Bukwōn in Clark (8 keej), Bukwōn in Stevens (3 keej), im Bukwōn in Kittitas (1 keej). Aolep bok aidik keej kein rekar waḷọk ilo armej ro rejañin bōk wā (24 keej) ak jekjek in wā ko aer rejjab alikkar (2 keej).
"MMR wā rej bobrae mour im ej kein jojomar eo ad eman tata nae bok aidik," Dr. Tao Sheng Kwan-Gett, State Opija in Ājmour, DOH eaar ba. "Jokdoon bok aidik eaar jako ilo Amedka 26 yiiō emootḷok, jej loe an laplok im bar laplok keej in an ajedeed ilo state ko jōt, elaptata ilo baamle ko rejañin wā. Kwojjab lukkun jellā ñaat ak ia baamle eo am emaroñ ioon bok aidik, im lale bwe aolep ren bōk MMR wā ko rekāāl tata, juon ian wā ko emōj an teej im eman an jerbal."
Kake Bok Aidik
Bok aidik (ej pād ilo eloñ kajin) elap an kapopo im ej ajedeed ilo mejatoto ñe juon rinañinmej ej pokpok, ṃaje, menono ki, ak kōnnaan. Baeroj eo emaroñ pād ilo mejatoto lak ñan ruo awa aitokin, meḷeḷein armej emaroñ bōk nañinmej jokdoon elikin an juon rinañinmej emakūt jen jikin eo.
Kakōḷḷe ko ekkā aer waḷok 7-21 raan elikin epāāke im ekoba:
- Piba, pokpok, im uwir boti
- Būroro, dāndān mej
- Juon lennab eo ej jinoe ilo mej innem ajedeed ñan tulalin enbwin
Bok aidik emaroñ kōmman bwe en wōr kauwōtata ko ñan ājmour ekoba pneumonia im anilen kōmalij, elaptata ñan niñniñ im ajri ro redik. Ilo 2025 eaar wōr jilu mej jen bok aidik rekar ripoot ilo Amedka.
Ej Wonṃaanlok Etale im Uwaak
DOH ej wonṃaanlok ilo an jerbal ippān ro jeṃjeran ilo Bwij im jikin ājmour ko ilo jukjukin pād ñan jipañ etale keej ko, kōmman teej ilo jikin jerbal, lelok MMR wā, im kōmman ien kobalak ilo jukjukin pād ko ñan lelok jeḷalokjen ikkijen bobrae bok aidik im jipañ ilo jikin ko rejenoḷok, āinwot jikuul ko, ilo bojjak ñan uwaak an maroñ wōr keej in bok aidik.
Yiiō in DOH eaar jinoe kōmman jerbal in etale kij ko ilo keej in bok aidik ko emōj aer alikkar. Etaale kij ej kwalok "jenok" in baeroj eo, eo ej jipañ taktō im jaintij ro kalikkar ñe keej ko rej epāāke doon ak ñe rej itok jen jikin ko rej oktak jen doon. Katak eo kio ej kwalok ke Washington 2026 keej in bōk aidik eaar itok jen eloñ jikin ko naboj in state.
Bobrae: MMR Wā
Measles, mumps, and rubella (MMR) vaccine (ilo Kajin Pālle im Kajin Spanish) ej kōjbarok im lap an jejjet kūtien an jerbal. Juon alen wā ej 93% jejjet kūtien an jerbal;, im ruo alen wā ej 97% jejjet kūtien an jerbal. Bōk MMR wā elapḷok an kōjbarok jen bōk nañinmej in bok aidik, im ej kōjbarok baamle eo am im jukjukin pād eo am. Ajri ekkā aer bōk MMR wā ilo 1 yiiō dettan im bar juon alen ilo 4 yiiō dettan, ak ewōr jipañ eo ejenolok (ilo Kajin Pālle) ñan armej ro rej mour ilo ak itotak ñan jikin ko ej ajedeed nañinmej eo, ekoba ajri ro iuṃwin 1 yiiō dettan. Rūtto ro rejañin wā reṃaroñ bar bōk MMR wā eo bar āinwot. Eloñ armej ro rej bōk nañinmej in bok aidik rejañin bōk wā.
Ikkijen Wā
Ewōr wā ko ejelok wonāān ak edik-wonāān ilo:
- Childhood Vaccine Program (Būrokraaṃ in Wā eo an Ajri) (ilo Kajin Pālle), ej lelok wā ñan ajri ro lalin joñoul ralitōk yiiō ilo ejelok wonāān, jokdoon jekjek in injuron.
- Adult Vaccine Program (Būrokraaṃ in Wā eo an Rūtto) (ilo Kajin Pālle), eo ej lelok wā ñan rūtto ro 19 yiiō ak rūttoḷok im ejelok aer injuron ak edik injuron eo aer.
- Washington Apple Health (Medicaid) (ilo Kajin Pālle im Kajin Spanish), eo ej bōk eddoin wā ko rej rojāñ in bōk ilo ejelok wonāān ñan armej ro rej mour ilo Washington im rej kōkar.
Ñan bōnbōn in keej ko ilo kio, jikin ko nañinmej eo ej ajedeed ie, im meḷeḷe ko ikkijen waween bobrae, loelak DOH bok aidik meḷeḷe webpeij (ilo Kajin Pālle).
Webjait eo ad (ilo Kajin Pālle) ej juon jikin bōk meḷeḷe. Kwomaroñ loe meḷeḷe ko rekāāl ilo am ḷoore kōj ilo intonet (ilo Kajin Pālle im Kajin Spanish).
###