Ta melelein leptospirosis?
Leptospirosis ej juon nañinmej eo ej walok jen kij eo jōkjōk in naip relak kur rej ba leptospires. Emaroñ jelōt armej ro ekoba bar menin mour ko jen likin im iloan em, ekoba kidu. Kij in ej mour ilo melan ko retutu im ilo dān. Emaroñ ajedeed iloan raut in menin mour ko ewor aer kij.
Elmen an kidu ko bōke leptospirosis?
Kidu ko remaroñ bōk kij in ilo aer eitaak ilo raut in menin mour ko ewor kij in. Menin mour ko jen nabōj ewor an kij in remaroñ kepojak e kij in ilo melan ko. Bwijin kain melan ko ilo moko mon armej in ial ko jōt remaroñ kattoon e lā ko, ial in dān ko, bedkat ko, menin ekkat ko, im ilo bok ettoon ko. Bar bōrooj ko remaroñ ettoon jen menin mour jidik ko, menin mour mālij eo, ak rakun ko.
Menin mour ta en ej kajedeed leptospirosis?
Bwijin kain menin mour jen likin rej itotak kin nañinmej in ilo aer jab nañinmej. Menin mour kein ej menin mour jidik ko āinwōt kijdik, jatin kijdik, mālij, ekoba rakunm jikañ, pajem, kidu bok, im tia.
Ta menin kakōlle ko ke leptospirosis rej pād ilo kidu?
Menin lale kakōlle ko an lepotspirosis ekārere. Menko ekkā rej loe ilo kidu ej piba, emōj, metak enbwin, bidodo, ejab mōñā, emajno im enana an mour, eben an emakūtkūt, ak ematak majel ko an.
Ta eo ij aikuij in kōmmane ñe kidu eo nejū ewor an nañinmej in brucellosis?
Kwōn kajjitōk ippān taktō in menin mour eo am kio wōt. Taktō in menin mour eo emaroñ kōmmane teej ko ñan būkote leptospiral wūno ko ak kij ko ñan menin mour eo nejim.
Kidu eo nejū emaroñ ko etaale ñan leptospirosis?
Leptospirosis ej marōñ aḷok. Kamadmōd ilo ien eo emōkaj kin wūno ko jen taktō eo am ekōmman menin an menin mour eo nejim maroñ mour jen e.
Menin mour ko nejū jōt remaroñ ke bōke leptospirosis?
Meñne bwijin kain menin remaroñ bōk kij in, jōt menin mour ko nejin armej, kuuj ekkā, rejab maroñ in bōke kij in leptospirosis.
Imaroñ ke bōke leptospirosis jen kidu eo nejū?
Aet. Kij eo ej kōmman leptospirosis emaroñ ajedeed jen kidu ko ñan armej. Menin, bōtaab ejab ekkā an walok. Armej ro rej jinoe nañinmej kin kij ilo an ejelak oktak jen kidu ko - pād turin melan ko ettoon kin raut in menin mour ko ewor kij in. Menin ekajur walok ñe armej ro rej emakutkūt namōj, enwōt au ak itotak turin dān ko, im menin ej kōmman menin an eitaak ippān dān eo ettoon ilo lā, ial in dān ko, im jikin turañ ko.
Ta kakōlle ko an leptospirosis ñan armej ro?
Ien eo ikatan torre eo armej eo ekar pād turin men ettoon eo im jinoe nañinmej jejjo raan tokelik lak ñan wiik jima. Kakōlle nañinmej ko ekoba piba, metak bar, pio, im metak enbwin, ekkā an walok ilo neen. Ne kwonij eñjake kakōlle kein, loelak rijerbal in mon ājmour eo. Kōjjelāki rijerbal ro kin kij in kidu eo nejūm im am bar maroñ kar eitaak ilo melan ko elap ettoon ie.
Ewi wāween eo ao maron̄ kejbarok n̄a māke im armej ro jōt ñe kidu eo nejū ewor an leptospirosis?
- Karreo jikin ko ettoon jen raut in kidu eo ewor an kij - ekōnak kilob im kōjerbal kein karreo ko ak kein karreo eo 1 mōttan jerajko im 10 mōttan dān ñan pepa tọọl ko kwomaroñ jokpej ñan karreo kake.
- Binej joko ej kwalok namōj ñe kidu eo nejūm ej raut ilo jikin eo ejenolak jen ijoko baamle eo am ej ikkure, mōñā, ak ekkat ie.
- Beddo kwōlle peim ālikin am kamadmōd kidu eo nejūm ak menko emaroñ wor raut in kidu eo nejūm ie.
Ewi wāween aō maroñ bōbrae leptospirosis ñan kidu eo nejū?
- Lale bwe kwon kamadmōd e menin mour jidik abañ ko. Menin mour jidik ko im jōt bar menin mour jen namōj remaroñ itotak kake ak kajedeed kij in.
- Jab lōmnak in najdik menin mour ko jen nabōj turin mweomōm.
- Jab elak ñan menin mour ko namōj.
- Kakwone mōñā ko kijen menin mour ilo nien ko ewor mejen.
- Jolak aolepān bwe in mōñā ko an kidu eo, im men bwe en erreo mōñā im dān eo an kidu eo.
- Wāiki kidu eo bwe en jumar leptospirosis. Meññe wā eo ejab bōbrae kij eo jen leptospires, emaroñ bōbrae ñan kij ko ekkā an walok. Ñe kidu eo nejūm ekar bōke kij in leptospirosis, elukun aurōk bwe en wā. Kidu eo nejim emaroñ bōk kij in bar jen ijoko jōt.
Ekatak elaplok kin bōbrae leptospirosis ñan menin mour ko jen CDC.