Keej ko Kio
Measles Keej ko ilo Washington State (ilo Kajin Pālle)
Measles Maab in Kwalok ia ko Measles Ej Pād Ie
Lobwilej Measles Jikin ko ilo Washington State Maab (ilo Kajin Pālle)
Measles, bar nae etan rubeola, ej juon baeroj nañinmej eo elap an kapopo im ej waḷok jen measles baeroj. Eaar juon alen juon nañinmej eo ekkā an waḷok ñan ajri, ak kio ej ṃaroñ bōbrae jen juon wā.
Measles Kakōlḷe ko
- Lukkun piba utiej
- Pokpok
- Uwir boti
- Būroro, dāndān mej
- Juon lennab ekkā an waḷok 3 – 5 raan tokelik, eo ej jinoe ilo bar innem ajedeed lal lak ilo enbwin
Aepokpok ko Jen Measles
Eloñ armej rej mour tak jen measles, ak jōt reṃaroñ ion aepokpok ko rellap. Būrooblem ko ekoba tōrañ lojilñi, pneumonia, ak ebboj kōmalij. Ajri ro redik im armej ro elap an mojno enbwinnier elapḷok an ṃaroñ wōr aer būrooblem jen measles.
Waween an Measles Ajeeded
Measles ej juon baeroj eo elap an kapopo. Ej ajedeed jen armej ñan armej ñe juon armej eo enañinmej ej pokpok, ṃaje, ak kōṇōnō ilo an epāāk. Baeroj eo eṃaroñ pād wōt mejatoto ak ilo jikin ko lak ñan 2 awa elikin an armej eo enañinmej emakūt jen ie. Ej meḷeḷein kwoṃaroñ epāāke measles ilo am deḷoñ e juon ruum eo juon armej eo enañinmej in measles ej kab emakūt jen e.
Wōn ej pād ilo Kauwōtata
Jabdewōt armej eo ejañin bōk measles wā ej pād ilo uwota in bōk measles elañe enij epāāke. Jōt armej elapḷok aer uwōta in measles aepokpok ko, ekoba:
- Niñniñ ko iuṃwin 12 allōñ im ajri ro redik rejañin de wā.
- Armej ro rebōrọro rejañin wā im niñniñ ko rejañin ḷōtak.
- Armej ro emojno enbwinnier, jokdoon jen nañinmej ak kōṃadmōd in wūno.
Wā ej Bōbrae eo Eman Tata
MMR wā ej bōbrae jen 3 nañinmej ko: measles, mump, im rubella. Juon bar wā āinwot, MMRV, ej bar bōbrae varicella (chicken pox). Wā eo ej waween bōbrae eo ekajoor tata nae measles. Juon alen wā ej bōbrae enañin 93 jen 100 armej, im ruo alen wā ej bōbrae enañin 97 jen 100 armej. Armej ro emōj aer wā rej jipañ kōmman bwe en rumij lak im kabojrak an ajedeed measles, eo ej bōbrae ro rej pād ilo elapḷok kauwōtata. Jej nae etan mennin "jukjukin pād pojak."
Elañe ewōr jabdewōt am kajjitōk kake measles wā, jouj kūrḷok taktō eo am, jikin ebbok wūno, ak jikin ājmour. Ajri ro 18 yiiō ak diklok reṃaroñ bōk wā ko rej kōmman aolep iien ilo ejelok wonāān ilo aer loelak juon jikin ājmour eo ej bōk kunaer ilo state Childhood Vaccine Program (Būrokraaṃ in Wā an Ajri). Lale juon maab in jikin ājmour ko rej kōkar ijin (Kajin-Pālle wōt link).
Kajjitōk ko Ekkūt Kajjitōk
Ewi Waween ao Lale Jikin ko Measles ej Pād Ie?
Ilo Lobwilej Measles Jikin ko ilo Washington State Maab (Kajin-Pālle wōt link) ej kwalok jikin ko lobwilej ilo state eo ijo armej ro rekkar nañinmej in measles rekar loelak ilo aer kar kapopo. Jikin epaak ko rej kakōḷle ilo juon state maab ippān oran tiltil ko, ippān tipdikin meḷeḷe ko ilo kajojo jikin ko rej pād ilo anbwijṃaroñ-jait. Maab eo ej kwalok raan, awa, im atōrej in ien epāāk ko ilo kajojo jikin. Subscribe ñan bōk email kōllejar ko ñan ripoot in epāāke nañinmej eo.
Ta eo Ij Aikuj Kōmmane Elañe Emōj ao Epāāke Measles?
Elañe kwar pād ilo juon jikin epāāke ilo awa im raan eo ej pād ilo maab eo, ak juon armej ilo mour eo am emōj am pād turin emōj an alikkar an nañinmej in measles, bōk buñtōn in bōbrae ko ñan kōjbarok ājmour eo am im kōmman joñan an ajedeed measles.
- Kūrḷok jikin ājmour eo am ak opiij in ājmour eo ilo jukjukin pād eo am ilo ien eo emokaj tata ñan lale rekoot in wā ko am. Wā nae measles ej waween eo eman tata ñan bōbrae eok māke, baamle eo am, im jukjukin pād eo am.
- Elañe kwojjab jellā kake jekjek in wā eo am, kwonij aikuj pād wōt mweo imōm iuṃwin 21 raan elikin am kar epāāke im jab epāāke ro jōt ilo am lale wōt eloñ ke am measles kakōḷḷe ko.
Ewi waween ao jāāk elañe emōj ao wā ñan measles?
Kwoṃaroñ lale elañe emōj am wā kon MMR wā eo ilo am bōk rekoot in wā ko jen opiij eo an taktō eo am, jikin ebbok wūno, ak jikin ājmour eo eaar wā ki eok.
Kwoṃaroñ kanne ñan myirmobile.com ñan lale im buriin i rekoot in wā ko an baamle eo am aunḷain jen Washington state wā registry.
Kwoṃaroñ bar kepāāke Office of Immunization (Opiij in Wā) ñan bōk rekoot ko am ilo am kūrḷok 360-236-3595 ak 1-866-397-0337. Elañe kwojjab Kajin Pālle, kūrḷok 1-800-525-0127 ñan jipañ ikkijen kajin.
Ta eo ij aikuj kōmmane elañe enij wōr ao measles kakōḷle ko?
- Elañe kwe ak baamle eo am renij nañinmej kake measles kakōḷle ko, ekoba juon pija utiej, pokpok, uwir boti, im būroro mej, im ej waḷok juon lennab ilowaan 21 raan jen ien eo kwar epāāke, kūrḷok taktō eo am ak jikin ājmour eo am ilo ien eo emokaj tata. Jab etal ñan juon opiij in ājmour ilo am jab kall lak ṃōkta. Kall ṃōkta lak ej kōmman bwe en pidodo an ro jōt jab epāāke nañinmej eo.
- Elañe ej alikkar measles, renij ba kwoj aikuj pād wōt mweo imōm, jab etal ñan jikin jerbal, jikuul, jikin lale ajri, jikin aen doon ko an armej, im waween itotak ko rebellok ñan lobwilej ñan 4 raan elikin an lennab eo kar jinion waḷok, ijeḷakin ñe kwoj aikuj jerbal in ājmour.