Measles

Jerbal in etale ko kio

Measles Jerbal in etale ko ilo Washington State (ilo Kajin Pālle) 

Measles Maab in Kwalok ia ko Measles Ej Pād Ie

Lobwilej Measles Jikin ko ilo Washington State Maab (ilo Kajin Pālle) 

Visit the Public Measles Exposure Location mapping tool to see if you might have been exposed to measles at a public location in Washington State.

Measles, bar nae etan rubeola, ej juon baeroj nañinmej eo elap an kapopo eo ej kōmman jen measles baeroj. Ṃōkta eaar juon nañinmej eo ekkā an waḷọk ñan ajri, ak kio ej ṃaroñ bōbrae kōn juon wā (ilo Kajin Pālle). 

Kakōḷḷe in Measles ko

  • Piba eo elukkuun ḷap
  • Pokpok
  • Tọọr bọti
  • Būroro, dāndān mej
  • Juon lennab eo ekkā an waḷok elikin 3 – 5 raan tokelik, eo ej jinoe ilo bar innem ajedeed lal lak ñan enbwin

Aepokpok in Measles

Eḷoñ armej rej mour jen measles, ak jōt eṃaroñ wōr aepokpok kauwōtata ko. Measles eṃaroñ kōmman nañinmej ilo lojilñi, pneumonia, ak bōbōj kōmālij. Ajiri jidik ro im armej ro emojno enbwinnier elapḷok an ṃaroñ wōr aer būrooblem jen measles.

Wōn ej pād ilo Kauwōtata

Jabdewōt armej eo ejañin bōk measles ej pād ilo kauwōtata in bōk measles eḷañe enij epāāke. Jōt armej elapḷok aer kauwōtata in measles aepokpok ko, ekoba:

  • Niñniñ ko iuṃwin 12 allōñ im ajri jidik ro rejañin de wā.
  • Armej ro rebōrọro rejañin wā im niñniñ ko nejier rejañin lōta.
  • Armej ro emojno enbwinnier, jokdoon jen nañinmej ak kōṃadmōd in ājmour. 

Wāween an Measles Ajedeed

Measles ej juon baeroj eo elap an kapopo. Ej ajedeed jen armej ñan armej ñe juon rinañinmej ej pokpok, ṃaje, ak kōṇōṇō turin. Baeroj eo eṃaroñ pād wōt ilo mejatoto ak ion jikin ak ṃweiuk ko lọk ñan 2 awa elikin an rinañinmej eo emakūt jen jikin eo. Ej meḷeḷein kwoṃaroñ epāāke measles ilo am deḷoñ e juon ruum eo juon armej enañinmej in measles ej kab eṃakūt jen e.

Lale Jikin Epāāke Measles ko

Lobwilej Measles Jikin Epāāke ko ilo Washington Maab (ilo Kajin Pālle) ej kwalok lobwilej jikin ko ijo armej ro rekar nañinmej in measlese rekar pād ie ilo an kar kapopo wōt nañinmej eo aer. Jikin epāāke nañinmej ko eṃōj aer kakōlle ilo juon state maab ippān oran tiltil ko ilo kajojo jikin ko rej waḷok ilo jait eo-anbwijṃaroñ. Maab eo ej kwalok raan, awa, im atōrej in kajojo jikin epāāke nañinmej eo. Leḷok etam ñan bōk email kōllejar ko (ilo Kajin Pālle)  ñan epāāke ko rej ripoot.

Eḷañe Emōj am Epāāke Measles

Eḷañe kwar pād ilo juon jikin epāāke nañinmej eo im raan eo ej pād ilo maab eo, ak juon armej ilo mour eo am emōj am epāāke emōj an alikkar an nañinmej in measles, bōk buñtōn in bōbrae ko ñan kōjbarok ājmour eo am im kadikḷok an ajedeed measles.

  • Kūrḷok jikin taktō eo am ak opiij in ājmour eo ilo jukjukin pād eo am (ilo Kajin Pālle) ilo ien eo emokaj tata ñan lale rekoot in wā ko am. Wā nae measles ej waween eo eman tata ñan kōjbarok eok māke, baamle eo am, im jukjukin pād eo am.
  • Eḷañe kwojañin wā ak kwojjab jellā kōn jekjek in wā eo am, kwonij aikuj pād wōt mweo imōm iuṃwin 21 raan elikin am kar epāāke nañinmej eo im jab kepāāke ro jōt ilo am lale ñan measles kakōḷḷe ko.

Eḷañe Enij Wōr am Measles Kakōḷḷe ko

Eḷañe kwe ak baamle eo am enij nañinmej ippān measles kakōḷle ko, ekoba juon piba kajoor, pokpok, uwir boti, im būroro mej, im tokelik ej walok juon lennab 21 raan elikin am kar epāāke nañinmej eo, kūrḷok taktō eo am ak jikin taktō eo am ilo ien eo emokaj tata. Jab etal ñan juon opiij in ajmour ñe kwojjab kall lak ṃōkta. Kall ṃōkta ej jipañ bwe ro jōt ren jab epāāke nañinmej eo.

Eḷañe ej alikkar measles, enij wōr kōmeḷeḷe bwe kwon pād wōt mweo imōn, jab jerbal, jikuul, etal ñan jikin lale ajri, iien aen doon ko, im iaḷ ko rej bellok ñan lobwilej ñan 4 raan elikin an lennab eo walok, ijeḷakin ñe kwoj aikuj jipañ in ājmour.

Joun jiron eo edeo kin an meram kilin im tilingling kool in boran ej babu ion uojoj turin joun likao eo ebar wulio im eman an bar jab lukkin kilmej kilin ej bar jijot lal ilo aerro jiron eo lale ledrrik eo edrik ebar tllingling brown boran im ej konak nuknuk ka ruo motan ilo an jutak im makitkit - kwalok pija in joun bamle eo ej bed ilo naboj iumin wojke ko ak ilo melaj ko. Pija eo ej ba: Eṃōj am ke roñ kōn bōbrae baamle eo am jen measles?

Wā ej Kōjbarok eo Eman Tata

Measles, Mumps, and Rubella (MMR, Measles, Mumps, im Rubella) wā (ilo Kajin Pālle) ej kōjbarok nae 3 nañinmej ko: measles, mumps, im rubella. Juon bar wā āinwot, MMRV, ej bar kōjbarok nae varicella (chicken pox). Wā eo ej kōjbarok eo ekajoor tata im eman an jerbal nae measles. Juon alen wā ej kōjbarok enañin 93 jen 100 armej ro, im ruo alen wā ej kōjbarok enañin 97 jen 100 armej. Armej ro emōj aer wā rej jipañ kōmman bwe en rumij lak im kabojrak an ajedeed measles, eo ej kōjbarok ro rej pād ilo elapḷok kauwōtata. Jej nae etan mennin "kōjbarok jukjukin pād."

Eḷañe ewōr jabdewōt am kajjitōk kake measles wā, konnaan ippān taktō eo am, rijerbal in jikin ebbok wūno, ak jikin taktō eo am. Ajri ro 18 yiiō dettan ak dikḷok reṃaroñ bōk wā ko rej kōmman aolep iien ilo ejelok wonāān ilo aer loelak juon jikin taktō eo ej ṃōttan Childhood Vaccine Program (Būrokraaṃ in Wā eo an Ajri) ilo state eo. Kōjerbaḷe Wā Maab eo (ilo Kajin Pālle) ñan bukōt jikin taktō ko rej kōkar. 

Lale ñe Emōj am Wā ñan Measles

  • Bōk rekoot in wā ko am jen opiij eo an taktō eo am, jikin ebbok wūno, ak jikin taktō eo eaar wā ki eok.
  • Kanne ñan MyIR Mobile (ilo Kajin Pālle) ñan etale meḷeḷe in wā ko am im an baamle eo am im bōk kein kakememej ko ñan wā ko ilju jeklaj.
  • Kepāāke Office of Immunization (Opiij eo an Wā) ñan bōk rekoot ko am ilo am kūrḷok 360-236-3595 ak 1-866-397-0337. Ñan jipañ ikkijen kajin, kūrḷok 1-800-525-0127.

Jipañ ko ñan Lobwilej

Pepa ko

Ekatak Kōn Measles pepa in kōmeḷeḷe (PDF) (ilo Kajin Pālle)

Measles Duojlak Meḷeḷe ko ñan Baamle pepa in kōmeḷeḷe (PDF) (ilo Kajin Pālle)

Kwoj ke Pād ilo Kauwōtata ñan Measles? pepa in kōmeḷeḷe (PDF) (ilo Kajin Pālle)

Kōjbarok Baamle eo Am im Jukjukin Pād jen Measles brochure (PDF) (ilo Kajin Pālle)

Measles Wā: Kōjbarok eo Ad Eman Tata pepa in kadeelel (PDF) (ilo Kajin Pālle)

Measles Ejjab Juon Lennab Jidik, Centers of Disease Control and Prevention (CDC, Jikin Kantūrol Nañinmej im Bōbrae) pepa in kōmeḷeḷe (PDF) (ilo Kajin Pālle)

Ewi Joñan Kapopo in Measles? Comic strip, King County (PDF)

Jikuul

Jikuul im Jikin Lale Ajri Aikuj in Wā ko (ilo Kajin Pālle) - Aikuj in wā ko rej pād ilo eloñ kajin.

Jikuul Wā Meḷeḷe ko (ilo Kajin Pālle)

Wā

MMR Wā Meḷeḷe ko, CDC (PDF)

Measles, Mumps, and Rubella (MMR) Wā (ilo Kajin Pālle)

MMR Wā Kajjitōk ko Ekkūt Kajjitōk (PDF) (ilo Kajin Pālle)

Wā Kōjbarok (ilo Kajin Pālle)

Bulāān ñan Itotak - Measles, CDC (ilo Kajin Pālle)

Jeṃjera Kein Jipañ ko

Measles - Jekjek in Ripoot (ilo Kajin Pālle) - Jikin taktō, laboratory, im jikin ājmour eo ilo jukjukin pād aikuj in ripoot im ta ko rej rojāñ in ḷoori.

Kōmeḷeḷe in Jipañ ikkijen Kantūrol Nañinmej Kapopo ñan Jikuul Rijerbal ro (PDF) (ilo Kajin Pālle)

Measles Maanjāppopo ñan Jikuul ko (PDF) (ilo Kajin Pālle)

Measles Ṃaanjāppopo ñan Lale Ajri im Jeḷalokjen an Ajri ro Redik (PDF) (ilo Kajin Pālle)