Measles, Mumps, im Rubella (MMR)

Bukōt juon jikin wā eo epāāke eok (Ilo Kajin Pālle/Kajin Spanish wōt)

Kelet jabdewōt iaan link ko ilal ñan etal ñan juon wūn eo ejenolok.

• Measles kōmeḷeḷe
• Mumps kōmeḷeḷe
• Rubella kōmeḷeḷe
• MMR wā
• Būrokraaṃ in wā an ajri
• MMR wā aikuj ñan jikuul ko
• Kōmeḷeḷe in wā im jipañ ko
• Eḷoñlok jipañ ko ñan lobwilej, taktō in ājmour ro, jikin ājmour ilo jukjukin pād, jikuul ko, im rijerbal in jikin lale ajri

Measles Kōmeḷeḷe

Ta in measles?

Measles ej juon nañinmej eo elap an kapopo im ej kōmman jen measles baeroj eo. Kakōḷḷe ko ekoba piba kajoor, pokpok, dāndān mej, im mao ko ilo enbwin. Armej ro renañinmej rej kajedeed measles ilo aer pokpok ak ṃaje. Measles baeroj eṃaroñ pād wōt ilo mejatoto ak ion jikin ko iuṃwin 2 awa elikin an juon rinañinmej eṃakūt.

Riit elaplok kōnmeasles.

Ta kakōḷle in measles ko?

Measles ewōr an laajrak in kakōḷḷe kein ilal:

• Piba kajoor
• Pokpok
• Uwur boti
• Būrōrō, dāndān mej
• Mao

Jilu ñan lalem raan elikin an kakōḷle ko jinoe, juon mao ej walok jen mej im ajedeed lal lak ilo enbwin lok ñan ne. Mao eo ej walok āinwot ṃōttan jidik būrōrō ko im reṃaroñ koba ippān doon ilo aer ajedeed.

Wōn ej pād ilo kauwōtata?

Niñniñ ko im ajri jidik ro rej pād ilo elaplok kauwōtata ñan aepokpok ko jen measles.

Kōmman joñan an ajedeed measles

Measles elap an kapopo. Kōjbarok eo eman tata nae measles ej measles, mumps, and rubella (MMR, measles, mumps, im rubella) wā. MMR wā ej lelok kōjbarok eo aitok-an pād nae aolep taib in measles ko.

Mumps Kōmeḷeḷe

Ta in mumps?

Mumps ej juon nañinmej eo elap an kapopo im ej kōmman jen mumps baeroj. Kakōḷḷe ko ekoba jāp bōbōj, juon loñi bōbōj, piba, metak bar, im metal majel ko. Nañinmej in ej ajedeed ilo tōpar kapḷo ak piliñliñ ko jen jikin menono. Juon rinañinmej eṃaroñ kajedeed baeroj eo ilo:

• Pokpok, ṃaje, ak konnaan.
• Kōjerbaḷe men ko ewōr kapilo kio, āinwot bato in aeboj ak kab ko.
• Makūtkūt in epāāke-armej āinwot ikkure ko, tuuj, ak mejenma.

Riit elapḷok kōn mumps, Centers of Disease Control and Prevention (CDC), Jikin Kantūrol Nañinmej im Bōbrae) (ilo Kajin Pālle).

Ta kakōḷle in measles ko?

Mumps ej kōmman bwe iaḷan kapilo ko ren bōbōj iuṃwin lojilñi (parotitis), eo ej tōl ñan laajrak in kakōḷle kein:

• Bōbōj jāp im pidodo, bōbōj loñi
• Piba
• Metak bar
• Metak majeḷ ko
• Ṃok
• Jako an konan mōñā

Wōn ej pād ilo kauwōtata?

Rūtto ro rej pād ilo elapḷok kauwōtata ñan aepokpok ko rellap jen mumps. Aepokpok ko eṃaroñ koba:

• Bōbōj kwōle (orchitis) ak ovary ko (oophoritis)
• Bōbōj ittūt (mastitis)
• Bōbōj pancreas
• Bōbōj kōmalij (encephalitis) ak ijo ej pinej kōmalij im di lep (meningitis)
• Jarroñroñ

Kōmman joñan an ajedeed mumps

Waween eo eman tata ñan kōjbarok jen mumps ej ñan bōk wā in MMR wā eo. Wā eo ej bōbrae eloñ keej im aepokpok ko jen mumps.

Juon rinañinmej eṃaroñ kajedeed mumps jejjo raan ṃōkta jen kakōḷle ko. Armej ro ewōr mumps ippeir rejjab aikuj tōpar ro jōt ilo aer pād wōt ilo kapijuknen im jab etal ñan ien ko armej rej koba ippān doon.

Eḷañe juon armej ej aikuj kepāāke juon rinañinmej, ej aikuj:

• Wā ñan kadiklok an ṃaroñ bōk nañinmej.
• Jab kepāāke.
• Jab jibwe mejan.
• Ekanak māāj.
• Dāpij an eman an kōto diwọj deḷoñ ilo ijo.

Eḷañe kwar bōk kōnno ko rinañinmej eo eaar kōjerbale, nuknuk ak men ko jen juon rinañinmej, kwaḷe peoṃ kōn joop im dān māānan iuṃwin 20 jekkon tokelik.

Rubella Kōmeḷeḷe

Ta in rubella?

Rubella, bar nae etan German measles, ej juon nañinmej eo elap an kapopo im ej kōmman jen juon baeroj. Kakōḷle ko ekoba juon mao būrōrō eo ej jinoe ilo mej im eṃakūt ñan jikin ko jōt ilo enbwin, piba, im metak bar. Nañinmej eo ej ajedeed iien eo juon rinañinmej ej pokpok ak ṃaje. Rubella eaar jako ilo Amedka ilo 2004 ak rinañinmej ro rej itotak reṃaroñ kōmman rubella keej ko jimoor ilo state.

Riit elaplok kōn rubella, CDC (ilo Kajin Pālle).

Ta kakōḷle ko an rubella?

Rubella ewōr an laajrak in kakōḷḷe kein ilal:

• Mao būrōrō eo ej jinoe ilo mej im eṃakūt ñan jikin ko jōt ilo enbwin
• Piba eo-ejjab kajoor
• Metak bar
• Būrōrō ak bōbōb mouj eo ilo mej (billo)
• Aploñloñ
• Bōbōj Lymph node ko
• Pokpok
• Uwur boti

Juon kwota ñan jimetan in armej ro renañinmej in rubella enij ejelok aer kakōḷle.

Wōn ej pād ilo kauwōtata?

Ribōrọro ro rej pād ilo elaplok kauwōtata ñan rubella. Ribōrọro ro rej bōk rubella reṃaroñ kōmman bwe en mej ḷoje, wōr oktak ko ilo ajri eo nejin, ak mej ajri eo.

Lọk ñan 70% in kōrā ro rej bōk rubella reṃaroñ eñjake kūrro.

Kōmman joñan an ajedeed rubella

Armej ro renañinmej in rubella reṃaroñ kajedeed nañinmej eo ñan ro jōt ḷok ñan juon wiik ṃōkta jen an kakōḷle ko waḷok. Ej wūnin an MMR wā ko waween eo ejejjot kutien an jerbal ñan bōbrae rubella nañinmej.

Armej ro renañinmej in rubella rej aikuj pād wōt ilo kapijuknen im jab etal ñan ien ko armej rej koba ippān doon. Kōjjeḷā ki ro ṃōttam, baamle, jikin jerbal, im jikuul ak jikin lale ajri ko eḷañe kwonañinmej in rubella.

Eḷañe juon armej aikuj tōpar juon eo enañinmej in measles, ej aikuj:

• Wā ñan kadiklok an ṃaroñ bōk nañinmej.
• Jab kepāāke.
• Jab jibwe mejan.
• Ekanak māāj.
• Dāpij an eman an kōto diwọj deḷoñ ilo ijo.

MMR Wā

Ñaat eo armej rej bōk measles, mumps, rubella (MMR) wā?

Ajri ro rej aikuj bōk 2 alen wā in MMR wā.

• Wā eo kein kajuon ej etal kōtaan 12 ñan 15 allōñ dettan.
• Wā eo kein karuon ej etal kōtaan 4 ñan 6 yiiō dettan.

Rūtto ro rejañin de wā rej aikuj bōk juon alen wā in MMR wā.

Rijerbal in ājmour ro ejelok aer MMR kajoor rej aikuj bōk ruo alen wā in MMR wā, jepel lok kōn 28 raan ilo diktata.

Jabdewōt armej eo 6 allōñ ak rūttolok rej itotak ñan jikin ko rettolok rej aikuj kōjbarok nae measles. Konnaan ippān taktō eo am eḷañe jekjek in ej kōkar ñan eok ak baamle eo am.

Jōt armej rejjab aikuj bōk MMR wā eo:

• Armej ro emojno enbwinnier rejjab aikuj bōk MMR wā.
• Armej ro ewōr aer tuberculosis rejjab aikuj bōk MMR wā.
• Armej ro ewōr aer jekjek eo ej kōmman an wōr aer kinej ak pidodo an toor aer bōtōktōk rejjab aikuj bōk MMR wā.

Jōt armej rej aikuj kottar ñan bōk MMR wā:

• Ribōrọro ro rej aikuj kottar ñan bōk MMR wā ñan ñe ejeko aer bōrọro.
• Armej ro emōj aer bōk wā ko jōt ilowaan wiik ko 4 eliktata rej aikuj kottar ñan bōk MMR wā.
• Armej ro rekar bōk bōtōktōk jen bar juon jikin ak bōk mennin bōtōktōk ko rej aikuj kottar ilo diktata 3 allōñ ñan MMR wā.

Ta ko rej walok elikin MMR wā?

Eḷoñ armej rej eñjake jidik wōt ak ejelok men ko rej walok tokelik. Ta ko ekkā aer walọk tokelik jen MMR wā ekoba:

• Bōbōj pā ak būrōrō ijo wā eo eaar kōmman
• Piba
• Mao jidik
• Metak ilo jidik wōt iien im āka

TWā eo ej wonṃaanlok ilo anetale ñan kōjbarok. (ilo Kajin Pālle). Jipañ ko im ta ko rej waḷok jen wā in relaplok jen kauwōtata in bōk measles, mumps, ak rubella.

Ejjam aorōk MMR wā?

Bōk ruo wā in MMR wā eo ej 97% jejjet kutien an jerbal ilo bōbrae measles im rubella, im 88% jejjet kutien an jerbal ilo bōbrae nae mumps. Armej ro eṃōj aer wā im rej bōk nañinmej ediklok kakōḷḷe ko aer.

Bōk wā ej kōjbarok eok māke, baamle eo am, im ro jōt ilo jukjukin pād eo. Mennin ej kōjbarok armej ro rejjab ṃaroñ bōk wā, āinwot armej ro eṃojno enbwinnier, ajri ro im ribōrọro ro.

Ṃōkta jen an kar wōr wā, 3 ñan 4 milien armej rekar nañinmej in measles kajojo yiiō ilo Amedka. Mennin ej tōl ñan 48,000 deḷoñ lowaan aujpitōl, 1,000 keej in bōbōj kōmalij (encephalitis), im 400 ñan 500 mej kajojo yiiō.

Jen jinoin kwalok kajeen measles wā ilo 1963, measles keej ko eṃōj aer diklok kōn 99%.

Jokdoon ippān an iet lak keej ko, wā ko rej aorōk wōt kinke Amedka ej wōr wōt nañinmej ko rej diwọj ilo jikin ko ewōr armej rejañin wā ie, doulul in ro rej pād ilo elapḷok-kauwōtata, im armej ro rej itotak ñan jikin ko rettolok.

Childhood Vaccine Program

Washington State Childhood Vaccination Program (Washington State Būrokraam in Wā an Ajri) ej leḷok wā ko ñan ajri ro 18 yiiō dettan im diklok ilo ejelok wonāān. MMR wā ekoba ilo būrokraaṃ in.

Lale jikin ājmour ko rej bōk kunaer ilo Department of Health (Rā eo an Ājmour) Maab in Kwalok Jikin Wā ko.

MMR Wā aikuj ñan jikuul ko

MMR wā ej aikuj ñan jikin lale ajri im jikuul deḷoñ ilo state eo an Washington. Ekatak elapḷok kōn jikuuḷ im jikin lale ajri aikuj in wā ko ilo am loelak baamle jikuul wā aikuj ko web peij (pād ilo Kajin Pālle im eloñḷok bar kajin).

Kōmeḷeḷe in Wā im Jipañ ko

Vaccine Information Statement (VIS, Kōmeḷeḷe in Wā) ej etal ñan pārōn ro/rikōjbarok ro ilo ien wā eo. Ej kōmeḷeḷe ki mennin jipañ ko im kauwōtata in kajojo wā.

Riit i MMR Kōmeḷeḷe in Wā eo jen CDC.

Kwoṃaroñ loe VIS Ukok ko ilo immunize.org. 

Eḷoñlok jipañ ko ñan lobwilej

• MMR Wā – Ta eo Aolep Rej Aikuj Jellā, CDC
• Measles, CDC
• Mumps, CDC
• Rubella, CDC
• Measles Meḷeḷe ko (PDF)
  • Kajin Amharic (PDF) | Kajin Arabic (PDF) | Kajin Burmese (PDF) | Kajin Chinese Simplified (PDF) | Kajin Chinese Traditional (PDF) | Kajin Dari (PDF) | Kajin Hindi (PDF) | Kajin Khmer (PDF) | Kajin Korean (PDF) | Kajin Nepali (PDF) | Kajin Pashto (PDF) | Kajin Russian (PDF) | Kajin Somali (PDF) | Kajin Spanish (PDF) | Kajin Swahili (PDF) | Kajin Tigrinya (PDF) | Kajin Ukrainian (PDF) | Kajin Vietnamese (PDF)
• Measles Diwọjlok Meḷeḷe ko ñan Baamle pepa in kadeelel (PDF) 
  • Kajin Chinese Simplified (PDF) | Kajin Chinese Traditional (PDF) | Kajin Russian (PDF) | Kajin Spanish (PDF) | Kajin Ukrainian (PDF) | Kajin Vietnamese (PDF)
• Kwoj ke Pād ilo Kauwōtata ñan Measles? (PDF)
  • ¿Corre riesgo de contraer el sarampión? (PDF)
• Measles Wā: Kōjbarok eo ad Eman Tata kadeelel (PDF)
• Kōjbarok Baamle eo Am im Jukjukin Pād Jen Measles – Watch Me Grow Washington Brochure (PDF)
• Eñin ej joñan pidodo in kajedeed measles bideo, Doulul eo ej Bōk Eddoin Nañinmej Kapopo (NFID, National Foundation for Infectious Diseases)
• Lalem men ko kwoj aikuj jellā kōn measles ilo 30 jekkon bideo, NFID

Eḷoñlok jipañ ko ñan taktō in ājmour ro, jikin ājmour eo an lobwilej, jikuul ko im rijerbal in jikin lale ajri

• Measles Ripoot im Peij in Etale
• Clinic Kōmeḷeḷe kōn Measles, CDC
• Measles Kein Jerbal in Leto Letak Meḷeḷe ñan Washington State Jeṃjera ko (PDF) 
• Rekoot Joñan Kajoor ñan Measles ilo Jerbal in Meḷeḷe in Wā ko (PDF)
• Measles – Wā Nañinmej ko Reṃaroñ Bōbrae Bok in Etaḷe, CDC
• Piiñ Bōk Jebta 13: Measles, CDC
• Bōbrae Nañinmej im Kantūrol Naan in Kapilōk ko ñan Measles ilo Jikin Ājmour ko, CDC
• Eṃaroñ ke Measles?” poster ñan clinic ko (PDF)
• MMR Wā Frequently Asked Questions (FAQ, Kajjitōk ko Rekkūt Kajjitōk) ñan Taktō in Ājmour ko im Local Health Jurisdiction (LHJ, Jikin Ājmour eo ilo Jukjukin Pād) (PDF) 
• MMR Wā Naan in Rojāñ ko (PDF)
• Kein Jiniet ikkijen Wā Uwaak: Measles (PDF)
• Measles Joñan Bojjak ñan Jikin Lale Ajri im Jikin Jeḷalokjen an Ajri (PDF)
• Measles Joñan Bojjak ñan Jikuuḷ ko (PDF)
• Jikin Lale Ajri Rijerbal MMR Aikuj

MMR Wā im Measles FAQ

Ta aikuj in measles wā ko?

Washington state ej aikuj an ajri ro rej deḷọñ ilo jikin lale ajri, kindergarten, ak kilaaj ko loñlok ñan aer wā nae measles. Kwomaroñ riit elaplok kōn aikuj in ilojikuul im jikin lale ajri wā kōmeḷeḷe web peij (ej pād ilo Kajin Pālle im eloñḷok kajin ko). 

Rijerbal ro im ro rej bōk kunaer ilo juon jikin lale ajri, Early Childhood Education and Assistance Program (ECEAP, Jikin Jeḷalokjen an Ajri im Būrokraaṃ in Jipañ), ak head start preschool rej aikuj leḷok pepa in kwalok ke eṃōj aer bōk MMR wā ak rej kōjbarok jen measles. Kwoṃaroñ riit elapḷok kōn aikuj in iloMMR Aikuj FAQ eo ad (ilo Kajin Pālle).

Ewi waween ao jellā jekjek in wā eo ao?

Kwoṃaroñ lale ñan kalikkar ñe eṃōj am wā ṃōkta lak kōn MMR wā eo ilo am bōk rekoot in wā ko jen opiij eo an taktō eo am, jikin ebbok wūno, ak taktō eo eaar wā ki eok. Kwoṃaroñ bar kajeoñ lale ippān juon jikuul ñan lale eḷañe epād ippeir rekoot in wā ko kwar leḷok iloien am kanne ñan jikuuḷ. Eliktata, kwoṃaroñ kanne ñan MyIR ñan bōk juon rekoot in wā jen Washington State wā jikin kanne ak kepāāke Department of Health.

Kain wā rot ej MMR wā eo?

Ilo Measles, mumps, im rubella (MMR) wā ewōr emourur ak mojno ṃōttan in measles, mumps, im rubella baeroj ko. Elikin wā, enbwin ej kōmman antibodies ko rej ire-ippān baeroj nae baeroj in wā eo emojno lok. Measles wā ej kōjbarok nae measles kinke ñe eṃōj am wā innem kwoj epāāke juon armej eo enañinmej in measles, enbwinnim ej kememej kilen ire ippān baeroj eo. Ej kinke wā eo eaar kōmmalmel enbwinnim. Wā eo ejjab kōmman nañinmej ak ej jerbal ñan kōmman juon waween an enbwin uwaak ilo an kajoor im aitok-an pād.

Ejjam lap an aorōk wā ko ñan bōbrae measles?

MMR wā eo elap an jejjōt kutien an jerbal ilo bōbrae measles. Eḷañe ewōr ad joñan MMR wā ko rellap ilo juon jukjukin pād, jeṃaroñ bōbrae iin ko rej aikuj ad bōk ien jen jikin jerbal im jikuuḷ. Jeṃaroñ kōjbarok ro rejjab ṃaroñ in wā, āinwot ro emojno enbwinnier ak ajri ro relukkun dik ñan bōk wā.

Wōn ej rojāñ ñan bōk MMR Wā eo?

Centers for Disease Control and Prevention (CDC), American Academy of Pediatrics (AAP), American Academy of Family Physicians (AAFP), American College of Obstetricians and Gynecologists, American College of Physicians (ACP), im Washington State Department of Health rej aolep rojāñ ñan bōk wā in.

Ewi joñan jejjet kutien in an MMR wā in jerbal?

MMR wā eo elukkun jejjet kutien an jerbal. Juon wā in MMR wā eo ej 93% jejjet kutien an jerbal ilo bōbrae measles. Wā eo kein karuo ej kalaplok an jejjet kutien an jerbal ñan 97%.

Wōn ej aikuj bōk MMR wā eo?

Aolep ajri ro rej aikuj bōk 2 alen wā in MMR wā eo ilo 12-15 allōñ dettan, im bar juon alen ilo 4-6 yiiō dettan.

Rūtto ro rej ḷōtak elikin 1957 im rejañin de kar wā rej aikuj bōk ilo diktata 1 wā in MMR wā eo, ijeḷakin ñe rej pād ilo elap kauwōtata.

Armej ro rej pād ilo elaplok kauwōtata ekoba rijerbal in ājmour, jikuul-yiiō ajri ro, armej ro rej itotak ñan jikin ko rettolok, im rijikuuḷ ro rej pād ilo kolāj ak būrokraaṃ in jerbal ko. Eḷañe rejañin de kar wā ak rejjab kōjbarok, rej aikuj bōk 2 wā in MMR wā eo, ej kōmman ilo diktata 28 raan etolak jen doon.

Ewi joñan aitok in an bōk ñan an juon armej kōjbarok jen measles elikin wā?

Enbwin ej aikuj iien ñan kōmman antibodies ko rej kōjbarok ñan an measles wā eo jerbal. Ej bōk wōt 2-3 wiik ko ñan armej bwe ren lukkun kōjbarok. Eḷañe kwoj itotak naboj in US, kwoj aikuj bulāān in bōk aolep wā ko ilo diktata 2 wiik ṃōkta jen am emakūt.

Ewōr ke bar jabdewōt eo ejjab aikuj bōk MMR wā?

Kōrā bōrọro ro, jabdewōt armej ro rej kadek e jabdewōt wūno ilo MMR wā eo, armej ro ewōr aer tuberculosis emourur, im jabdewōt eo eṃojno enbwinnin, rejjab aikuj bōk MMR wā eo.

Ta ko rej walok elikin MMR wā?

Ta ko ekkā aer waḷok tokelik ekoba būrōrō ak bōbōj ilo jikin wā eo, metak ko ilo enbwin ak majel, mao jidik ko, ak piba. Kakōḷḷe kein ekkā aer dik im pād iuṃwin 24 ñan 48 awa ko.

Armej ro eṃōj aer bōk wā reṃaroñ ke bōk wōt measles?

Wā eo ej 97% jejjet kutien an jerbal elikin 2 wa ko, innem ej likūt 3 jen 100 armej ro rejañin kōmman antibodies ñan wā eo im reṃaroñ bōk measles. Wā ko, āinwot wūno ko, rejjab 100% jejjet kutien aer jerbal. Enbwinnin jōt armej reṃaroñ kar jab eman aer uwaak ñan wā eo. Ak armej ro ededelok aer wā im rej bōk measles elaplọk an ṃaroñ dikḷok aer nañinmej im dikḷok aer ṃaroñ kajedeed nañinmej eo ñan armej ro jōt, elaptata ro rejjab ṃaroñ bōk wā.

Ta eo ij aikuj kōmmane eḷañe ijjab jellā ñe ij kōjbarok jen measles?

Eḷañe kwojjab jellā ñe kwoj kōjbarok jen measles, jinoe ilo am lale rekoot in wā ko am ñan lale eḷañe kwar bōk MMR (measles, mumps, im rubella) wā eo. Eḷañe kwar teej ñan measles ṃōkta lak, kajeoñ bukot lab alikkar ko. Eḷañe ejelok am rekoot in jabdewōt wā ak juon bōtōktōk teej eo ej kalikkar kōjbarok, ej rojāñ bwe kwon bōk wā kōn MMR wā eo. Ejelok kauwōtata in bōk bar juon wā, jokdooñ ñe kwar wā ṃōkta lak ak ejelok am rekoot.

Iaar jab wā kōn MMR ak iaar epāāke juon armej eo enañinmej in measles. Ij ke aikuj bōk juon wā?

Aet. Juon MMR wā eṃaroñ jejjet kutien an jerbal eḷañe ej etal ilowaan 3 raan jen ien epāāke nañinmej eo.

Eḷañe ij epāāke juon armej eo enañinmej in measles im ijjab ṃaroñ bōk MMR wā, iṃaroñ ke bōk immune globulin?

Aet, measles immune globulin eṃaroñ etal ñan ribōrọro ro im armej ro emojno enbwinnier im rejjab ṃaroñ bōk MMR wā. Konnaan ippān taktō eo am kōn kelet in.

Ta in MMR titer?

Juon titej ej juon bōtōktōk teej eo ej lale ñan antibodies (kōjbarok) nae nañinmej ko rejenolok. Juon MMR titer ej lale ñan kōjbarok ñan measles, mumps, im rubella.

Ij ke aikuj bōk juon bōtōktōk teej ñan lale ñan measles kōjbarok?

CDC ejjab rojāñ measles antibody teej ṃōkta ak elikin MMR wā ñan lale an enbwin uwaak. 97% in armej ro rej kōjbarok nae measles ñe rej bōk 2 MMR wā ko, bwe antibody teej en jab aikuj. Rinañinmej ro rejañin de wā ak ejelok rekoot in aer kōjbarok rej aikuj bōk 1 ak eloñlọk wā in MMR wā eo.

MMR wā eo ej ke kōmman autism?

Jab. Ejelok kein kamooḷ ilo science ke jabdewōt wā ej kōmman autism. Eṃōj an loñ katak ko rej kōmman im aoleper rekar jab loe an wōr koneek ikōtaan wā ko im autism.
MMR wā eo ej bōbrae nañinmej in measles kauwōtata ko im ḷomoor mour ko. Ej wonṃaanlok ñan an etale ñan kōjbarok im ej pād wōt āinwot jojomar eo ad eman tata nae measles, mumps, im rubella.
Ñan elapḷok meḷeḷe, lale Wā ko im Autism, Children's Hospital of Philadelphia (ilo Kajin Pālle). 

Baamle eo ao ejjab lukkun jellā ñe wā ko relukkun eman. Ta eo iṃaroñ ba ñan er ñan ukōt ḷōmnak ko aer kōn bōk MMR wā eo?

Konnaan ñan ro uwaan baamle im rejjab lukkun jellā kōn wā ko ej bōk iien ñan roñjake abṇōṇō ko aer rejenolok. Kwoṃaroñ lelok meḷeḷe ko ñan ro uwaan baamle kōn wūnin am bōk wā im wūn ko ñan bōk wā. Ñan waanjoñak, kwoṃaroñ ba ñan er ke measles elap an kapopo im ṃaroñ bar kōmman bwe ajri ro ren lukkun nañinmej, āinwot bōk pneumonia, bōbōj kōmalij, jarroñroñ im ṃaroñ bar mej. Enañin 1 ilo 5 armej ro rejañin de wā renij aikuj deḷoñ aujpitōl.

• MMR wā eo eṃōj an laijen jen 1970s ko. Eṃōj an etale ñan kōjbarok iuṃwin eloñ yiiō ko ippān an dik men ko rej walok tokelik.
• Eḷoñ katak ko rellap rejjab kwalok an koneek MMR wā im autism. Wūnin autism spectrum disorder ejjab waḷok, ak kij ej juon iaan wūn ko relap. Autism ej waḷok ṃōkta jen ḷōtak ak yiiō ko jinion mour.
• MMR wā ej waween eo eman tata ñan kōjbarok nae measles, mumps, im rubella. Juon wā ej 93% jejjet kutien an jerbal, im 2 wā ko rej 97% jejjet kutien an jerbal ilo bōbrae measles nañinmej.
• Wā ej jojomar eo eman tata ñan dāpij kajoor eo an enbwinnim im kōjbarok jen kauwōtata in ājmour kein rellap.
• Juon jikin bōk jipañ: lale bōk in Kōṇōṇō Kake Wā eo ad.

MMR Wā ñan Ajri

Ñaat eo ajri eo neju ej aikuj bōk MMR wā ko?

Ajri ro rej aikuj bōk 2 wā ñan an wōr kōjbarok ñan joñan aitok in-mour. Wā eo kein kajuon ej aikuj etal ilo 12-15 allōñ dettan im wā eo kein karuo ilo 4-6 yiiō dettan.

Niñniñ eo neju ej ke aikuj bōk MMR wā eo ṃōkta jen 12 allōñ?

Aet, ilo jekjek ko rejenolok – niñniñ ko 6-11 allōñ dettan reṃaroñ bōk 1 alen wā ilo juon iien an measles ajedeed, ṃōkta jen itotak ñan jikin ko rettolak, ak itotak ñan juon jikin ilo Amedka eo ej ion an ajedeed nañinmej eo. Eḷañe niñniñ eo nejum ej bōk MMR wā ṃōkta jen 12 allōñ, lale bwe niñniñ eo en bar bōk 2 wā bwe en lukkun kōjbarok nae measles.

Measles ej ajedeed ilo jukjukin pād eo ao. Ajri eo neju eṃaroñ ke wā ña ej diklok jen 12 an allōñ?

Ajri ro ilo joñan dik in 6 allōñ reṃaroñ bōk MMR wā eo. Kajjitōk ippān taktō eo am ñan lale eḷañe rej rojāñ MMR wā eo ṃōkta jen 12 allōñ eḷañe ej ajedeed ilo jukjukin pād eo am. Ajri rein renij aikuj wōt bōk 2 bar MMR wā ko jinoe ilo 12 allōñ dettan ñan aer lukkun kōjbarok jen measles.

Ewi joñan mokaj elikin an ajri eo neju bōk MMR wā eo kein kajuon im eṃaroñ bōk wā eo kein karuo?

Wā eo kein karuo in MMR wā ekkā an etal ilo 4-6 yiiō dettan. Botaab, ej eman ñan bōk wā eo kein karuo elikin ilo diktata 28 raan jen ien bōk wā eo kein kajuon eḷañe kwoj itotak naboj in US ak eḷañe ajri eo nejum ej epāāke juon armej eo enañinmej in measles.

Ej ke eman lak ñan an ajri eo neju bōk nañinmej eo ijeḷakin wā eo?

MMR wā eo ej jojomar eo ad eman tata nae measles, mumps, im rubella. Ej beddo etale ñan kōjbarok im joñan jejjet kutien in an jerbal, im jipañ ko relaplok jen jadbewōt kauwōtata ko reṃaroñ walok. Bukwi milien in wā in MMR wā eṃōj aer kōmman ilo U.S. jen ien eo eaar kōmman, ippān an lukkun eman rekoot in kōjbarok eo an.

Measles eṃaroñ juon nañinmej kauwōtata, ippān an 1 ilo 3 armej eñjake 1 ak elaplok aepokpok ko. Aepokpok ko jen measles elaplok aer walok ibwiljin eloñ ajri jidik ro (diklok jen 5 yiiō dettan), armej ro loñin 20 yiiō, ak ro eṃojno enbwinnier. Mej jen measles ej walok ilo 1 ñan 3 kajojo 1,000 armej ro rej nañinmej in measles ilo Amedka.

Aepokpok eo ekkā tata an waḷok ej tōrañ lojilñi (1 ilo 10 ajri) im pidodo lọje (diklok jen 1 ilo 10 armej). Pneumonia (1 ilo 20 ajri ro) ej wūn eo ekkā tata ilo measles mej ko. Enañin 1 ilo 1,000 armej ro rej bōk nañinmej eo renij ion acute encephalitis, juon bōbōj in kōmalij eo eṃaroñ tōl ñan jorrāān in kōmalij ñan indeo.

Ajri eo neju ej kadek lep: ej ke eman ñan leḷok MMR wā eo ñan e?

Aet, ej eman ñan lelok MMR wā ko ñan ajri ro rej kadek lep. Eloñ katak ko rej kwalok ke MMR wā ko rej eman er jerbal ilo ajri ro elap aer kadek lep ko. Jimoor American Academy of Pediatrics im federal Advisory Committee on Immunization Practices (ACIP, Kamiti in Rojāñ ikkijen Jerbal ko an Wā) rej jimor rojāñ ñan lelok MMR wā ñan ajri ro, jokdoon rej kadek lep.

Ajri eo neju eaar bōk MMR wā im kio ewōr an mao. Wā eo eaar ke leḷok nan ajri eo neju measles?

Enañin 5 bojjāān in armej ro rej bōk MMR wā ej waḷok aer mao jidik. Ien eo ej waḷok, mao eo ekkā an walok 7 ñan 12 raan elikin wā. Mao eo ejjab juon tōrañ im ejjab ṃaroñ ajedeed ñan ro jōt. Wā baeroj ko rejjab ajedeed jen juon armej eo eṃōj an wā, jokdoon ñe ewōr aer mao. Ejelok buñtōn ko rej aikuj bōk, āinwot kajenolok jen jikuuḷ, rej aikuj.

MMR Wā ñan Rūtto ro

Rūtto ro eṃōj aer ok MMR wā ṃōkta lak rej ke aikuj wā in kokajoor?

Eloñ rūtto ro eṃōj aer wā im rej kōjbarok jen measles im rejjab aikuj juon wā in kokajoor. Lale MMR wā ilo rekoot in wā eo am. Eḷañe kwar ḷōtak ṃōkta jen 1957, kwoṃaroñ kar measles nañinmej im wōr am kōjbarok ilo joñan aitokin-mour im kwojjab aikuj MMR wā ko. Eḷañe kwojjab jellā kōn jekjek in kōjbarok ak wā eo am, ej eman ñan bōk juon MMR wā.

Wōn ej ḷōmnak juon rūtto eo ej pād ilo "elapḷok kauwōtata" im aikuj 2 MMR wā ko?

Armej ro rej pād ilo kōlaj ak elikin-high school jikin jeḷalokjen ko, rijerbal in jikin ājmour ro, im armej ro rej itotak ñan jikin ko rettolok.

Ij juon kōlaj rijikuul eo ejelok an rekoot in wā ko. Titer alikkar ko ao rej kwalok ke ij kōjbarok jen rubella im mumps, ak ejjab measles. Taib in wā rot eo ij aikuj bōk?

Wā ko an armej ñan measles, ñan mumps, ak ñan rubella ejako aer pād ilo U.S. Kwonij aikuj bōk MMR wā eo ekoba. Kwoj aikuj bōk 2 wā in MMR jen wōt am pād ilo elaplok kauwōtata in measles nañinmej āinwot juon rijikuul in kōlaj.

Iaar ḷōtak ṃōkta jen 1957, ij ke aikuj wōt MMR wā?

Jab. Eḷañe kwar ḷōtak ṃōkta jen 1957, kwoj kōjbarok jen measles. Mennin ej kinke kwar mour ilo eloñ yiiō im measles ṃōkta jen an wā ko jiniion kar kōmman im kwoṃaroñ kar bōk nañinmej eo.

Iaar ḷōtak ṃōkta jen 1957 im bōtōktōk teej eo ao ej negative ñan measles. Ij ke aikuj bōk MMR wā eo kio?

Armej ro rekar ḷōtak ṃōkta jen 1957 rej ḷōmnak kōjbarok jen measles. Botaab, eḷañe bōtōktōk teej eo am ej kwalok ke kwojjab kōjbarok jen measles, kwoṃaroñ bōk 1 ak eloñlok MMR wā ko.

Ij juon rijerbal in ājmour im iaar ḷōtak ṃōkta jen 1957. Jōte MMR wā ko ij aikuji?

Jokdoon armej ro rekar ḷōtak ṃōkta jen 1957 rej ḷōmnak kōjbarok jen measles, rijerbal in ājmour ro rej pād ilo elaplok kauwōtata kilaj. Eḷañe ejjab ajedeed measles ilo jukjukin pād eo am, kwoṃaroñ ḷōmnak in bōk 2 wā in MMR wā eo. Ilo iien an ajedeed nañinmej eo, ej rojāñ bwe aolep rijerbal in ājmour ro, ekoba ro rekar ḷōtak ṃōkta jen 1957, ren bōk 2 wā in MMR wā eo.

Rekar ba ñan io ke iaar nañinmej in measles ke ij dik. Ij ke kōjbarok jen nañinmej eo ke ij aikuj bōk wā?

Eḷañe ewōr am alikkar in teej eo ej kwalok ke kwar bōk measles nañinmej, kwojjab aikuj in bōk wā. Eḷañe ejelok am rekot in measles wā, measles antibodies ko ilo juon bōtōktōk teej, ak MMR wā, kwoj aikuj bōk MMR wā eo.

Ejako rekoot in wā eo ao ak ij ḷōmnak eṃōj ao bōk MMR wā ṃōkta lak. Jōte MMR wā ko ij aikuji?

Eḷañe ejelok am rekoot in MMR wā ko ṃōkta lak ak rekoot in am kōjbarok, ḷoore naan in rojāñ kein ilal.

Rūtto ro rekar ḷōtak ilo 1957 ak tokelik im rej pād ilo jidik wōt kauwōtata (ejjab ro rej itotak ñan jikin ko rettolok, rijerbal in ājmour, ak pād ilo kōlaj/būrokraaṃ in jerbal ko) rej aikuj bōk 1 alen wā in MMR wā.

Rūtto ro rej pād ilo elaplok kauwōtata āinwot rijerbal in ājmour, armej ro rej itotak ñan jikin ko rettolok im rekar ḷōtak ilo 1957 ak tokelik, im armej ro rej pād ilo kōlaj/būrokraaṃ in jerbal ko, rej aikuj bōk 2 alen wā in MMR wā.

Iaar bōk measles wā eo aō ikōtaan 1963-1967, ak ijjab jellā taib in wā ta eo iaar bōk. Ij ke aikuj bōk juon bōtōktōk teej ñan lale ñan measles kōjbarok?

Jab, kwojjab aikuj bōk juon bōtōktōk teej ñan lale ñan kōjbarok. Ruo taib in measles wā ko rekar jerbal ilo 1960s: baeroj emourur, im baeroj ko rekar jab jerbal (eṃōj aer mej). Taib eo eaar jab jerbal eaar waḷok tokelik ke ejjab jejjet kutien an jerbal ilo kōjbarok. Eḷañe kwojjab jellā taib ta eo kwar bōk, ak ejelok jabdewōt am rekoot, kwoj aikuj bōk ilo diktata 1 wā in MMR wā eo. Eḷañe kwoj pād ilo elaplok kauwōtata, 2 wā rej rojāñ.

Iaar teej e bōtōktōk eo aō ñan measles kōjbarok im eaar negative. Ta eo ij aikuj kōṃṃane?

Eḷañe ewōr juon am rekoot in wā eo ej kwalok ke kwar bōk 2 MMR wā ko, kwoj ḷōmnak pād ilo kōjbarok jokdoon ewōr am negative titer im kwojjab aikuj juon bar wā. Eḷañe ejeleok am rekoot in wā eo ej kwalok ke kwar bk MMR wā, kwoṃaroñ bōk wā. Ejelok kauwōtata ilo bōk eloñḷok MMR wā ko jokdoon ñe kwar bōk wā ṃōkta lak ak ejjab pād wōt ippām rekoot ko am.

Armej ta ko rejjab aikuj eloñlok MMR wā?

Preschool-yiiō ajri ro ewōr aer 1 MMR wā ilo ak elikin keemem eo aer kein kajuon.

Rūtto ro rej pād ilo edik-kauwōtata im ewōr 1 aer MMR wā ilo diktata.

Jikuul-yiiō ajri ro, riṃanded ro, im rūtto ro rej pād ilo elaplok-kauwōtata, ippān 2 MMR wā ko.

Armej ro rekar ḷōtak ṃōkta jen 1957.

Ij ke juon rūtto eo ej pād ilo "elap kauwōtata" im ej aikuj 2 MMR wā ko?

Eḷañe kwoj juon kōlaj rijikuuḷ, rijerbal in ājmour, ak juon eo ej itotak ñan jikin ko rettolok kwoj ḷōmnak juon eo ej pād ilo elap kauwōtata im aikuj bōk 2 MMR wā ko.

Ewōr ao nañinmej in HIV. Iṃaroñ ke bōk MMR wā eo?

Aet. MMR wā eo eṃaroñ eman an etal ñan armej ro renañinmej in HIV im ejjab ṃōjno enbwinnier, āinwot an kōmeḷeḷe jen lab ko aer.

Iaar bōk 2 wā in MMR wā eo āinwot juon ajri. Ilo ien bōrọro, lab ko ao rekar kwalok ke ijjab kōjbarok nae rubella. Ij ke aikuj bōk bar juon wā?

Eḷañe lab ko am rej kwalok ke kwojjab kōjbarok jen rubella jokdoon kwar bōk 2 MMR wā ko, kwoj aikuj bar bōk juon wā elikin bōrọro. MMR wā eo ejjab rojāñ ilo ien bōrọrō āinwot ke ej juon wā emourur.

Rubella wā ko rej māke rejjb pād ilo U.S., ak ej eman ñan bōk im jejjet kutien an jerbal ñan bōk kein kajilu MMR wā ilo keej in. Rubella eo elap an kauwōtata ilo ien bōrọro im ej likūt armej eo ebōrọro ilo kauwōtata ñan an wotlok lojjen ak ḷōtak niñniñ eo ilo an mej. Niñniñ eo ej dedek wōt ej pād ilo kauwōtata ñan men ko reṃaroñ walok ñan e im reṃaroñ jelōt an mour.

Ij kaninnin. MMR wā eo ej ke eman ñan bōk?

Aet. Kaninnin ejjab jelōt an jejjet kutien an MMR wā jerbal im ejjab jelōt ājmour eo an niñniñ eo. Ej eman wōt ñan wonṃaanlok ilo kaninnin elikin bōk wā eo.

MMR Wā im Itotak

Iaar ḷōtak ṃōkta jen 1957, ijjab juon rijerbal in ājmour, im konan bōk MMR wā eo ṃōkta jen itotak ñan jikin ko rettolok. Iṃaroñ ke bōk wōt MMR wā ko?

Ejjab aikuj, āinwot an armej ro rekar ḷōtak ṃōkta jen 1957 ḷōmnak kōjbarok jen nañinmej eo. Bōtaab, MMR wā eo eṃaroñ etal ñan jabdewōt armej eo eaar ḷōtak ṃōkta jen 1957 eḷañe rekonan. Jerbal in bōtōktōk ejjab aikuj ṃōkta jen MMR wā.

Ij bulāān in itotak ñan jikin ko rettolok im eṃōj ao bōk 2 MMR wā ko elikin 12 allōñ detta. Ij ke aikuj juon wā in kokajoor?

Jab. Eḷañe eṃōj am bōk 2 MMR wā ko ilo 12 allōñ ak tokelik, kwoj ḷōmnak kōjbarok im jab aikuj juon bar wā ṃōkta jen itotak.

Ij bulāān in itotak ilowaan U.S. Ta naan in kapilōk ko ñan MMR wā?

Aolep rej aikuj ḷoore MMR wā jikejuul eo ej rojāñ jen CDC. Konnaan ippān jikin ājmouro eo am ak lale state rā eo an ājmour webjait ñan naan in rojāñ ko rejenolok eḷañe ewōr ajedeed in nañinmej eo ilo jukjukin pād eo kwoj etal ñan e. Eḷañe kwojañin de bōk jabdewōt MMR wā im kwoj etal ñan juon jukjukin pād eo measles ej ajedeed ie, bōk MMR wā eo ilo diktata 2 wiik ṃōkta jen am itotak.

Jej etal ñan jikin ko rettolok, im niñniñ eo nejid ej pād iuṃwin 12 allōñ dettan. Ej ke aikuj bōk MMR wā jokdoon emokaj?

Aet. Ajri ro 6-11 allōñ dettan rej aikuj bōk 1 wā in MMR wā ṃōkta jen itotak ñan jikin ko rettolok. Ajri eo nejum ej aikuj bōk bar 2 wā ilo 12 allōñ dettan im ilo 4 yiiō dettan.

Ij itotak ñan juon jikin etolak, im tureep eo ao ediklok jen 2 wiik joñan epāāk in. Ij ke aikuj bōk MMR wā eo?

Aet. MMR wā eo ej rojāñ ilo diktata 2 wiik ṃōkta jen itotak ñan jikin ko rettolak. Botaab, eḷañe tureep eo am emokaj lak, bōk wā ṃōkta jen itotak ej rojāñ wōt.