ယုံကြည်မှု တည်ဆောက်ခြင်း နှင့် သံသယများကို ချေဖျက်ခြင်း

သင်သည် ကိုဗစ်-19 ကာကွယ်ဆေးကို ယုံကြည်နိုင်ပါသည်

အမေရိကန်ပြည်ထောင်စုရှိ လူအများစုသည် ကိုဗစ်-19 ကာကွယ်ဆေးထိုးရန် စီစဉ်နေကြသော်လည်း အချို့မှာ ကာကွယ်ဆေးအထိုးမခံမီ ပိုများသော အချက်အလက်ကို သိရှိလိုကြပါသည်။ ယင်းမှာလည်း လုံးဝ ပုံမှန် ဖြစ်ပါသည်။ ကျွန်ုပ်တို့၏ ဘဝအပေါ် သက်ရောက်မှုရှိသော ဆုံးဖြတ်ချက်များကို မချမီ ယုံကြည်မှု ရှိလိုကြသည်ချည်းသာ ဖြစ်ပါသည်။

ယုံကြည်မှုရှိရန်အတွက် ယုံကြည်ရသော အရင်းအမြစ်မှ အချက်အလက်များကို ကျွန်ုပ်တို့ လိုအပ်ပါသည်။ ကိုဗစ်-19 ကာကွယ်ဆေးနှင့်ပတ်သက်သည့် ကောလဟာလများ နှင့် အချက်အလက်များကြား ခွဲခြားတတ်အောင် သင့်မိတ်ဆွေများ နှင့် မိသားစုများကို ကူညီပါ။

သင်သည် အခြားသူများကို ကာကွယ်ဆေးထိုးခံရန် ယုံကြည်မှုရှိလာအောင် တည်ဆောက်ရာတွင် ကူညီနိုင်ပါသည်။ အောက်ပါတို့ကို ပြုလုပ်နိုင်ပါသည်-

• သင့် မိတ်ဆွေ သို့မဟုတ် မိသားစုဝင်များ၏ စိုးရိမ်ပူပန်မှုများကို အချိန်ပေး နားထောင်ပါ။ ကာကွယ်ဆေးအကြောင်း မည်သို့ စကားပြောဆိုရမလဲနှင့်ပတ်သက်သည့် အကြံပြုချက်များအတွက် ဤ ကာကွယ်ဆေးများအကြောင်းပြောဆိုခြင်း လမ်းညွှန် (အင်္ဂလိပ်လိုသာ)ကို ဝင်ကြည့်ပါ။
• သူတို့၏ မေးခွန်းများကို ဖြေဆိုပါ။ အဖြေကို သင်မသိပါက သူတို့၏ ကျန်းမာရေး စောင့်ရှောက်မှုပေးသူများနှင့် ပြောဆိုကြည့်သင့်ကြောင်း အကြံပြုနိုင်ပါသည်။
• သင်သည် ကာကွယ်ဆေးထိုးခံရန် ဆုံးဖြတ်ပြီးလျှင် သင်ဘာကြောင့် ထိုသို့လုပ်ရသလဲ အကြောင်းရင်းကို မျှဝေပါ။ သင့်ကိုယ်ပိုင်အတွေ့အကြုံသည် သင့်မိသားစု နှင့် အသိုင်းအဝိုင်းအပေါ်တွင် ခွန်အားကြီးသော လွှမ်းမိုးမှုတစ်ခု ရှိနိုင်ပါသည်။

သင်ပြောတာဆိုတာ နှင့် သင်လုပ်တာကိုင်တာကိုကြည့်ပြီး သင့်ဘေးနားရှိလူများကို သင်လွှမ်းမိုးနိုင်စွမ်း ရှိပါသည်။ ကိုဗစ်-19 ကာကွယ်ဆေးအကြောင်းကို သင့်မိတ်ဆွေ နှင့် မိသားစုများနဲ့ ပြောဆိုနည်း အကြောင်း အကြံပြုချက်များကို ကြည့်ပါ။ (အင်္ဂလိပ်လိုသာ)

အောက်ပါ ကာကွယ်ဆေးဆိုင်ရာ အချက်အလက်ကို ကြည့်ပြီး ၎င်းတို့ကို သင်သိသောသူများအား မျှဝေပါ။ ကျွန်ုပ်တို့က ၎င်းတို့ကို လူသိများသော အကြောင်းအရာ ကဏ္ဍများအနေဖြင့် အုပ်စုခွဲပေးထားပါသည်။

• ဘေးကင်းလုံခြုံမှု နှင့် အကျိုးရှိမှု
• မျိုးဆက်ပွား ကျန်းမာရေး
• ပါဝင်ပစ္စည်းများ
• ကျန်းမာရေးဆိုင်ရာ ပူပန်မှုများ

ဘေးကင်းလုံခြုံမှု နှင့် အကျိုးရှိမှု

ကိုဗစ်-19 ကာကွယ်ဆေးထိုးတာ နဲ့ မထိုးတာ ဘာကွာလို့လဲ။

ကိုဗစ်-19 ကာကွယ်ဆေးထိုးမထိုးမှာ သင်၏ ဆန္ဒအတိုင်းသာဖြစ်သော်လည်း ဤကပ်ရောဂါကို အဆုံးသတ်ရန်အတွက် တတ်နိုင်သမျှ လူများများ ကာကွယ်ဆေးထိုးပြီး ဖြစ်ရန် လိုအပ်ပါသည်။ အသိုင်းအဝိုင်းအတွင်းရှိလူများ ကိုယ်ခံအားရှိနေလျှင် - ကာကွယ်ဆေးထိုးခြင်း သို့မဟုတ် လတ်တလော ကူးစက်ခံခဲ့ရခြင်းကြောင့် ကိုဗစ်-19 ဗိုင်းရပ်စ်သည် ပျံ့နှံ့ရန် ပိုခက်ခဲလာပါသည်။ ကျွန်ုပ်တို့၏ ကာကွယ်ဆေးထိုးပြီးနှုန်းများလေလေ ကျွန်ုပ်တို့၏ ကူးစက်ခံရသည့် နှုန်းနည်းလေလေ ဖြစ်ပါသည်။

ကာကွယ်ဆေးမထိုးထားရသေးသည့်သူများသည် ဗိုင်းရပ်စ်ပိုးကူးခံရနိုင်ပြီး အခြားသူများထံကို ပျံ့နှံ့စေနိုင်ပါသေးသည်။ အချို့သောသူများသည် ကျန်းမာရေး အခြေအနေကြောင့် ကာကွယ်ဆေးမထိုးနိုင်ကြသဖြင့် ယင်းအကြောင့်လည်း အထူးသဖြင့် ကိုဗစ်-19 ကူးခံရရန် ပိုများစေနိုင်ပါသည်။ သင်ကာကွယ်ဆေးမထိုးထားရသေးလျှင် သင်သည် ကိုဗစ်-19 ပိုးမျိုးကွဲ (အင်္ဂလိပ်လိုသာ) ကြောင့် ဆေးရုံတက်ရခြင်း သို့မဟုတ် သေဆုံးခြင်း ဖြစ်ရန် အလားအလာပိုများပါသည်။ ကာကွယ်ဆေးထိုးခြင်းဖြင့် သင့်ကိုသာ ကာကွယ်ပေးရုံမကပဲ သင့်မိသားစု၊ သင့်အိမ်နီးနားချင်း နှင့် အသိုင်းအဝိုင်းကိုပါ ကာကွယ်ပေးနိုင်ပါသည်။

လူအများစု အသက်ရှင်တယ်ဆိုရင် ဘာလို့ ကိုဗစ်-19 ကာကွယ်ဆေးကို ကျွန်ုပ်ထိုးရမှာလဲ။

ကိုဗစ်-19 ကူးစက်ခံရသော လူအများစုမှာ အလွန်ပျော့သော လက္ခဏာများကိုသာ ခံစားရပါသည်။ သို့ရတွင် ဗိုင်းရပ်စ်မှာ အလွန်အမင်း ခန့်မှန်းရခက်ပြီး တစ်ချို့သော ကိုဗစ်-19 ပိုးမျိုးကွဲများ သည် သင့်ကို အမှန်တကယ် အလွန်အမင်း နေထိုင်မကောင်း ဖြစ်စေနိုင်ပါသည်။ အချို့သောသူများသည် ကိုဗစ်-19 ကြောင့် အလွန်အမင်း နေထိုင်မကောင်းဖြစ်ခြင်း သို့မဟုတ် သေဆုံးခြင်းများ ဖြစ်နိုင်ပြီး အချို့လူငယ်များတွင်လည်း နာတာရှည် ကျန်းမာရေးပြဿနာများ ခံစားရတတ်ပါသည်။ အခြား၊ “ကိုဗစ် နာတာရှည်ခံရသူများ”ဟုသိကြသူများတွင် လပေါင်းများစွာ ရောဂါလက္ခဏာများကို ခံစားရပြီး ဘဝအရည်အသွေးကို ထိခိုက်စေပါသည်။ ကိုဗစ်-19 ဗိုင်းရပ်စ်သည် ဗိုင်းရပ်စ်အသစ်ဖြစ်သောကြောင့် ၎င်း၏ ရေရှည် သက်ရောက်မှုများကို ကျွန်ုပ်တို့ မသိရှိသေးပါ။ ဗိုင်းရပ်စ်ပိုးကို ကာကွယ်ရန် အကောင်းဆုံး အကာအကွယ်မှာ ကာကွယ်ဆေးထိုးခံခြင်း ဖြစ်ပါသည်။

ကာကွယ်ဆေးများသည် အမှန်တကယ် ဘေးကင်းရဲ့လား သို့မဟုတ် ထိရောက်မှုရှိရဲ့လား။

ဟုတ်၊ ကိုဗစ်-19 ကာကွယ်ဆေးများသည် ဘေးကင်းပြီး ထိရောက်မှုရှိပါသည်။ သိပ္ပံပညာရှင်များက ကာကွယ်ဆေးများကို ဆေးစမ်းသပ်မှုတွင် သောင်းနှင့်ချီသောလူများပေါ်တွင် စမ်းသပ်မှုပြုလုပ်ခဲ့ပြီး ဖြစ်ပါသည်။ အရေးပေါ်အသုံးပြုခွင့် အာဏာကို ရရန် ကာကွယ်ဆေးများသည် U.S. Food and Drug Administration's (FDA, အမေရိက အစားအသောက် နှင့် ဆေးဝါး စီမံခန့်ခွဲရေးဌာန) (အက်ဖ်ဒီအေ) ၏ ဘေးကင်းလုံခြုံမှု၊ ထိရောက်မှု နှင့် ထုတ်လုပ်မှုဆိုင်ရာ အရည်အသွေးများဆိုင်ရာ စံနှုန်းများ ကို ကိုက်ညီရပါသည်။ ၎င်းတို့အားလုံးသည် လူများကို ကိုဗစ်-19 ကြောင့် နေထိုင်မကောင်း ဖြစ်ခြင်းမှ ကာကွယ်ရာတွင် အလွန် ကောင်းမွန်ကြောင်း တွေ့ခဲ့ရပါသည်။ ထို့နောက်တွင်မှ အဆိုပါ ကာကွယ်ဆေးများကို သန်းနှင့်ချီသောသူများကို ထိုးပေးခြင်း ဖြစ်ပါသည်။

ကိုဗစ်-19 ကာကွယ်ဆေးများ ဘယ်လိုလုပ်ထားသလဲ လေ့လာရန်အတွက် ၎င်းဗီဒီယိုများ ကို ကြည့်ပါ။

ကာကွယ်ဆေးသည် ကျွန်ုပ်၏ ကလေးအတွက် ဘေးကင်းလုံခြုံပါသလား။

လိုအပ်ပါသည်။ Pfizer ကာကွယ်ဆေးသည် လူငယ် ထောင်ပေါင်းများစွာနှင့် စမ်းသပ်ပြီးနောက် ဘေးကင်းလုံခြုံကြောင်း ပြသနိုင်ခဲ့ပြီး ဖြစ်ပါသည်။ ၎င်းသည် အလွန်ထိရောက်မှုရှိပါသည် - ကာကွယ်ဆေးထိုးခံသော လူငယ် လုပ်အားပေးတစ်ယောက်မှ ကိုဗစ်-19 ကူးစက်မခံခဲ့ရပါ။ Centers for Disease Control and Prevention (CDC, ရောဂါထိန်းချုပ်ရေး နှင့် ကာကွယ်ရေး စင်တာများ (စီဒီစီ)) က အသက် 6 လ နှစ်နှင့်အထက်လူတိုင်း(အင်္ဂလိပ်လိုသာ ) ကို ကိုဗစ်-19 ကာကွယ်ဆေးထိုးခံရန် တိုက်တွန်းအကြံပြုထားပါသည်။

ကာကွယ်ဆေးများသည် ဘေးကင်းလုံခြုံကြောင်း ကျွန်ုပ်ဘယ်လိုယုံရမှာလဲ။

COVID-19 ကာကွယ်ဆေးများ ဘေးကင်းကြောင်း သေချာစေရန် Centers for Disease Control and Prevention (CDC, ရောဂါထိန်းချုပ်ရေးနှင့် ကာကွယ်ရေးဌာနများ) သည် ကာကွယ်ဆေး ဘေးကင်းမှုက စောင့်ကြည့်လေ့လာရန် အတွက နိုင်ငံ၏ စွမ်းရည်ကို တိုးချဲ့ပြီး မြှင့်တင်ထားပါသည်။ ရလဒ်အနေဖြင့် ကာကွယ်ဆေး ဘေးကင်းရေး ကျွမ်းကျင်ပညာရှင်များသည် COVID-19 ကာကွယ်ဆေး လက်တွေ့ စမ်းသပ်မှုများအတွင်း မတွေ့ခဲ့ရသည့်ပြဿနာများကို စောင့်ကြည့်သိရှိနိုင်မည်ဖြစ်သည်။

ကိုဗစ်-19 ကာကွယ်ဆေးမှ ကိုဗစ်-19 ပိုး ကူးစက်ခံရနိုင်ပါသလား။

မရနိုင်ပါ။ ကာကွယ်ဆေးမှ ကိုဗစ်-19 ပိုး မကူးစက်ခံရနိုင်ပါ။ ကိုဗစ်-19 ကာကွယ်ဆေးတွင် ကိုဗစ်-19 ရောဂါဖြစ်စေနိုင်သည့် ဗိုင်းရပ်စ်မပါဝင်ပါ။

ကျွန်ုပ်တွင် ကိုဗစ်-19 ပိုးကူးစက်ခံရပြီးပါက ကာကွယ်ဆေးထိုးရန် လိုပါသလား။

လိုပါသည်။ သင့်တွင် ကိုဗစ်-19 ဖြစ်ထားဖူးလျှင်လည်း ကာကွယ်ဆေးထိုးခံသင့်ပါသည်။ အချက်အလက်များအရ သင်ရောဂါပိုး ကူးစက်ခံရပြီးနောက် ရက် 90 တွင် ကိုဗစ်-19 ပိုးကို ထပ်မံကူးစက်ခံရခြင်းများ တွေ့ရတတ်ပါသည်။ ဆိုလိုသည်မှာ သင်သည် ကိုဗစ်-19 ပိုးမှ အကာအကွယ် အတန်ငယ် (သဘာဝ ကိုယ်ခံအား ဟုခေါ်သည့်)ကို အချိန်ခဏတာမျှရနိုင်သည်ဟု ဆိုလိုပါသည်။ သို့ရာတွင် ၎င်းသဘာဝ ကိုယ်ခံအားသည် အချိန်မည်မျှခံမှန်း ကျွန်ုပ်တို့ မသိရှိပါ။ သင်ဘာကြောင့် ကိုဗစ်-19 ကာကွယ်ဆေး ဖြင့် ကာကွယ်ဆေးထိုးခံ (အင်္ဂလိပ်လိုသာ) သင့်သလဲအကြောင်း ပိုမိုလေ့လာပါ။

ကာကွယ်ဆေးထိုးခြင်းနှင့် ခံနိုင်ရည်ကြား ခြားနားချက်က ဘာလဲ?

 ကူးစက်ရောဂါမှ သဘာဝ ခံနိုင်ရည်သည် ပြန်လည်ကူးစက်မှုရန်မှ ခံနိုင်ရည်ပမာဏအချို့ ပေးစွမ်းသော်လည်း ကာကွယ်ဆေးထိုးမထားသူများကြား အဆိုပါ ကနဦး ကူးစက်မှုသည် ပြင်းထန်သော ဖျားနာမှု၊ ဆေးရုံတက်ရမှုနှင့် အသက်ဆုံးရှုံးမှု တိုးမြင့်စေနိုင်သည်ဖြစ်၍ ၎င်းကို အလေးထားရန်မှာ အရေးကြီးပါသည်။ လူအချို့တွင် COVID-19 ကူးစက်မှုဖြစ်ပြီးနောက် ပဋိပစ္စည်းများ ဖြစ်ပေါ်လာသော်လည်း အခြားလူများတွင် မဖြစ်ပေါ်ပါ။ ကူးစက်မှုဖြစ်ပြီးနောက် ခံနိုင်ရည်အချို့ ရှိလာသူများအတွက် အဆိုပါ ကာကွယ်မှုက မည်မျှ ကြံ့ခိုင်ကြောင်း၊ ယင်းက မည်မျှ တာရှည်ခံကြောင်း သို့မဟုတ် ခံနိုင်ရည်က မည်သည့်မျိုးကွဲအတွက် ဖြစ်ကြောင်း မပြောနိုင်ပါ။

တစ်ဖန်ပြန်လည်ကူးစက်မှု သို့မဟုတ် COVID-19 မှ ပြင်းထန်သော ဖျားနာမှု မဖြစ်စေရန် သဘာဝ ခံနိုင်ရည်အပေါ် အားမကိုးနိုင်သောကြောင့် ကာကွယ်ဆေးကို နောက်ဆုံးအနေအထားအထိ ထိုးထားခြင်းသည် SARS-COV-2 ကူးစက်မှုများ၊ ဆက်စပ် ထပ်တိုးရောဂါသစ်များနှင့် နောက်ဆက်တွဲ ကူးစက်မှုကို ကြိုတင်ကာကွယ်ရန် အကောင်းဆုံး ကာကွယ်မှုနှင့် အခြေခံ နည်းဗျူဟာ ဖြစ်ပါသည်။

မျိုးဆက်ပွား ကျန်းမာရေး

ထို ကိုဗစ်-19 ကာကွယ်ဆေး ထိုးခံပြီးလျှင် ကျွန်ုပ် ကလေးယူလို့ရအုန်းမလား။

လိုအပ်ပါသည်။ သင်သည် မျိုးဆက်ပွား ကျန်းမာရေး နှင့် ကာကွယ်ဆေးများနှင့်ပတ်သက်ပြီး ပူပန်လိမ့်မည်ဖြစ်ကြောင်း ကျွန်ုပ်တို့ နားလည်ပါသည်။ အောက်ပါတို့မှာ ကျွန်ုပ်တို့ သိထားသည်များ ဖြစ်ပါသည်။ ။ ကာကွယ်ဆေးသည် မျိုးမအောင်ခြင်း သို့မဟုတ် သုတ်သေခြင်းများကို ဖြစ်စေသည်ဟု သိပ္ပံနည်းကျ သက်သေများ မရှိပါ။ ကာကွယ်ဆေးသည် သင့်ကိုယ်ထဲဝင်သွားပြီးနောက် ၎င်းသည် ကိုရိုနာ ဗိုင်းရပ်စ်ကို တိုက်ခိုက်ရန် ပဋိပစ္စည်းများကို ထုတ်ပေးခြင်းဖြင့် သင့် ကိုယ်ခံအားစနစ်နှင့်အလုပ်လုပ်ပါသည်။ ယင်း ဖြစ်စဉ်သည် သင့် မျိုးဆက်ပွား အင်္ဂါများကို စွက်ဖက်ခြင်းမရှိပါ။

American College of Obstetricians and Gynecologists (ACOG, အမေရိကန် သားဖွား နှင့် မီးယပ်ဆရာဝန်များ ကောလိပ် (အေစီအိုဂျီ) က နောင်တွင် ကိုယ်ဝန်ဆောင်ရန် ဆန္ဒရှီသူ သို့မဟုတ် လက်ရှိတွင် ကိုယ်ဝန်ရှီသူ သို့မဟုတ် နို့တိုက်မိခင်များအားလုံးကို ကိုဗစ်-19 ကာကွယ်ဆေးထိုးရန် တိုက်တွန်း အကြံပြုထားပါသည်။ ကိုဗစ်-19 ကာကွယ်ဆေးထိုးထားသူများစွာသည် ဆေးထိုးထားပြီးနောက် ကိုယ်ဝန်များရကြပြီး ကျန်းမာသော ကလေးများကို မွေးဖွားနေနေကြပါသည်။

ကိုယ်ဝန်ဆောင်နှင့် နို့တိုက်နေစဉ်အတွင်း COVID-19 ကာကွယ်ဆေးရရှိခြင်းဆိုင်ရာ နောက်ထပ်အရင်းအမြစ်များအတွက် ကျေးဇူးပြု၍ One Vax၊ Two Lives (အသက်နှစ်ခုအတွက် ကာကွယ်ဆေးတစ်ခု) ဝက်ဘ်ဆိုက်တွင် နောက်ဆုံးပေါ်အချက်အလက်များကို ကြည့်ပါ။

ကိုယ်ဝန်ဆောင် အမျိုးသမီးများအတွက် ကာကွယ်ဆေးသည် ဘေးကင်းပါသလား။

ဟုတ် သင်ကိုယ်ဝန်ဆောင်နေလျှင်လည်း ကာကွယ်ဆေးထိုးခံနိုင်ပြီး American College of Obstetricians and Gynecologists (ACOG) (အင်္ဂလိပ်လိုသာ) က ကိုယ်ဝန်ဆောင်များကို ကာကွယ်ဆေးထိုးရန် တိုက်တွန်းအကြံပြုထားပါသည်။ ကိုဗစ်-19 ကာကွယ်ဆေးများသည် ကိုယ်ဝန်ဆောင်ခြင်း၊ သင့်ကလေး၏ ဖွံ့ဖြိုးတိုးတက်မှု၊ မွေးဖွားသန့်စင်မှု သို့မဟုတ် မျိုးပွားနိုင်စွမ်းနှင့် ပတ်သက်ပြီး ပြဿနာတစ်ခုခုဖြစ်စေနိုင်သည်ဟုသော သက်သေမရှိပါ။

ကိုယ်ဝန်ဆောင်နှင့် နို့တိုက်နေစဉ်အတွင်း COVID-19 ကာကွယ်ဆေးရရှိခြင်းဆိုင်ရာ နောက်ထပ်အရင်းအမြစ်များအတွက် ကျေးဇူးပြု၍ One Vax၊ Two Lives (အသက်နှစ်ခုအတွက် ကာကွယ်ဆေးတစ်ခု) ဝက်ဘ်ဆိုက်တွင် နောက်ဆုံးပေါ်အချက်အလက်များကို ကြည့်ပါ။

ကာကွယ်ဆေးသည် မိခင်နို့တိုက်နေရသူများအတွက် ဘေးကင်ပါသလား။

ဟုတ် သင်သည် မိခင်နို့တိုက်နေရသူဖြစ်လျှင်လည်း ကာကွယ်ဆေးထိုးခံနိုင်ပါသည်။ သင်ကာကွယ်ဆေးထိုးခံလိုလျှင် မိခင်နို့တိုက်ခြင်းကိုလည်း ရပ်တန့်လိုက်ရန် မလိုအပ်ပါ။ တကယ်ဆိုလျှင် ကနဉီး အစီရင်ခံစာများအရ ကာကွယ်ဆေးသည် သင့်ကိုယ်ထဲမှ ပဋိပစ္စည်းများကို မိခင်နို့မှတစ်ဆင့် သင့်ကလေးထံသို့ ရောက်စေပါသည်။ လေ့လာမှုများ ထပ်မံပြုလုပ်ရန် လိုအပ်ပါသည် သို့သော် အကယ်၍ ၎င်းသာအတည်ပြုနိုင်ခဲ့လျှင် ယင်းက သင့်ကလေးကို ကိုဗစ်-19 ပိုးဘေးမှ ကာကွယ်ပေးနိုင်ပါလိမ့်မည်။

ကိုဗစ်-19 ကာကွယ်ဆေးသည် မိခင် နှင့် ၎င်းတို့၏မွေးကင်းစများကို ဘယ်လိုကာကွယ်ပေးသလဲ (အင်္ဂလိပ်လိုသာ)အကြောင်းကို ဖတ်ပါ။

ကာကွယ်ဆေးသည် ကျွန်ုပ်၏ ရာသီချိန်ကို ပြောင်းလိမ့်မလား။

အချို့သောသူများတွင် ကာကွယ်ဆေးထိုးပြီးနောက် ၎င်းတို့၏ ရာသီချိန် ပြောင်းလဲသွားကြောင်း အစီရင်ခံခဲ့ဖူးသော်လည်း ၎င်းတို့သည် ရေရှည်သက်ရောက်မှုများဖြစ်ကြောင်း ထင်မြင်ရန် လက်ရှိတွင် အချက်အလက်များ မရှိပါ။ ရာသီချိန်သည် စိတ်ဖိစီးမှု အပါအဝင် အကြောင်းအရာများစွာကြောင့် ပြောင်းနိုင်ပါသည်။

ပါဝင်ပစ္စည်းများ

ကာကွယ်ဆေးများထဲတွင် ဘာတွေပါသလဲ။

သင်သည် အွန်လိုင်း သို့မဟုတ် လူမှုကွန်ယက်များတွင် ကောလဟာလများ နှင့် မမှန်ကန်သော ပါဝင်ပစ္စည်းများအကြောင်းကို မြင်ကောင်းမြင်ပါလိမ့်မည်။ သာမန်အားဖြင့် ၎င်းတို့မှာ အမှားများသာ ဖြစ်ပါသည်။ ကိုဗစ်-19 ကာကွယ်ဆေးထဲရှိ ပါဝင်ပစ္စည်းများ (အင်္ဂလိပ်လိုသာ) သည် ကာကွယ်ဆေးများအတွက် ပုံမှန်ပါဝင်နေကျပစ္စည်းများသာ ဖြစ်ပါသည်။ ၎င်းတို့တွင် အမ်အာအန်အေ ၏ အာနိသင်ရှိသော ပါဝင်ပစ္စည်များ သို့မဟုတ် မွမ်းမံထားသော အဒီနိုဗိုင်းရပ်စ် တိုအပြင် အခြား အဆီ၊ ဆား နှင့် သကြားကဲ့သို့သော အာနိသင်ရှိသော ပါဝင်ပစ္စည်းများကို ကာကွယ်ပေးသည့်၊ ခန္ဓာကိုယ်အတွင်း ပိုမိုကောင်းမွန်စွာ အလုပ်လုပ်စေသည့်၊ ကာကွယ်ဆေးကို သိုလှောင်ချိန် နှင့် သယ်ယူပို့ဆောင်ရာတွင် အကာအကွယ်ပေးသည့် အခြားပါဝင်ပစ္စည်းများပါဝင်ပါသည်။

Novavax COVID-19 ကာကွယ်ဆေးသည် ပရိုတိန်း ဓာတ်ခွဲအခြေပြု ကာကွယ်ဆေးတစ်မျိုးဖြစ်ပြီး ခန္ဓာကိုယ်အတွင်း ကာကွယ်ဆေး ပိုမိုကောင်းမွန်စွာ လုပ်ဆောင်နိုင်စေရန်အတွက် ယင်းတွင် ထပ်တိုးပစ္စည်း တစ်ခုနှင့်အတူ အဆီများနှင့် သကြားဓာတ်များ ပါဝင်ပါသည်။ ဤကာကွယ်ဆေးသည် mRNA ကို အသုံးမပြုပါ။

Pfizer Moderna Novavax နှင့် Johnson & Johnson တို့တွင် ပါဝင်သော ပါဝင်ပစ္စည်များ၏ အချက်အလက် စာရင်းကို ကြည့်ပါ။

ဂျွန်ဆင် အန် ဂျွန်ဆင် ကာကွယ်ဆေးတွင် သန္ဓေသားစများ ပါဝင်ပါသလား။

Johnson & Johnson ကိုဗစ်-19 ကာကွယ်ဆေးသည် အခြားသော ကာကွယ်ဆေးများအတိုင်း တူညီသော နည်းပညာကို အသုံးပြုပြီး ဖန်တီးထားပါသည်။ ၎င်းတွင် သန္ဓေသားစ သို့မဟုတ် သန္ဓေသားဆဲလ်များ မပါဝင်ပါ။ ကာကွယ်ဆေး၏ အစိတ်အပိုင်းတစ်ခုကို လွန်ခဲ့သော 35 နှစ်က ပြုလုပ်ခဲ့သော မိမိဆန္ဒအလျောက် ပြုလုပ်သည့် ကိုယ်ဝန်ဖျက်ချခြင်းမှ မူရင်းဖြစ်သော ဆဲလ်၏ ဓာတ်ခွဲခန်းအတွင်း မွေးသော မိတ္တူဆဲလ်ထဲတွင် ပြုလုပ်ထားပါသည်။ ထို့နောက်တွင် ၎င်းကာကွယ်ဆေးများအတွက် ဆဲလ်လိုင်းများကို ဓာတ်ခွဲခန်းအတွင်းတွင် ထိန်းသိမ်းထားပါသည်။ ၎င်းကာကွယ်ဆေးများကို ပြုလုပ်ရန်အတွက် သန္ဓေသားဆဲလ် အရင်းအမြစ်များကို ထပ်မံအသုံးပြုခြင်း မရှိပါ။ ၎င်းမှာ တစ်ချို့သောသူများအတွက် အချက်အလက်အသစ်ဖြစ်နေနိုင်ပါသည်။ သို့ရာတွင် ရေကျောက်၊ ဂျိုက်သိုး နှင့် အသည်းရောင်အသားဝါ အေ တို့အတွက် ကာကွယ်ဆေးများကိုလည်း ၎င်းအတိုင်းနည်းတူ ပြုလုပ်ထားခြင်း ဖြစ်ပါသည်။

ကာကွယ်ဆေးများတွင် မိုက်ခရိုချစ်ပ် များ ပါဝင်ပါသလား။

မပါပါ၊ ကာကွယ်ဆေးများတွင် မိုက်ခရိုချစ်ပ် သို့မဟုတ် ခြေရာခံ ကိရိယာများ မပါဝင်ပါ။ ၎င်းတို့တွင် ကိုဗစ်-19 ကို တိုက်ခိုက်ရန် သင့်ခန္ဓာကိုယ်က ပဋိပစ္စည်းများကို ထုတ်လုပ်ရာတွင် ကူညီမည့် အာနိသင်ရှိသော ပါဝင်ပစ္စည်းများ နှင့် အဆီ၊ ဆား နှင့် သကြားတို့သာ ပါဝင်ပါသည်။

ကိုဗစ်-19 ကာကွယ်ဆေးက ကျွန်ုပ်ကို သံလိုက်ဓာတ်ရှိစေမည်လား။

မဖြစ်စေနိုင်ပါ၊ သင်ကိုဗစ်-19 ကာကွယ်ဆေးထိုးပြီးနောက် သံလိုက်ဓာတ်ရှိစေနိုင်လိမ့်မည် မဟုတ်ပါ။ ကာကွယ်ဆေးများတွင် အီလက်ထရိုမက်ဂနက်တစ် ကွင်းများ ဖြစ်စေနိုင်သည့် ပါဝင်ပစ္စည်းများ မပါဝင်သလို သတ္ထုများလည်း မပါဝင်ပါ။ Pfizer Moderna နှင့် Johnson & Johnson တို့တွင် ပါဝင်သော ပါဝင်ပစ္စည်များ၏ အချက်အလက် စာရင်းကို သင်ကြည့်ပါ။ ပိုမိုသိရှိလိုပါက

အခြား ကျန်းမာရေးဆိုင်ရာ ပူပန်မှုများ

ကာကွယ်ဆေးကြောင်း သွေးခဲတစ်ခု ဖြစ်သွားနိုင်ပါသလား။

သွေးခဲသွားနိုင်သည့် အန္တရာယ်ဖြစ်နိုင်ခြေမှာ အလွန်အမင်း နည်းပါသည်။ Johnson & Johnson ကာကွယ်ဆေးထိုးပြီးနောက် သွေးခဲသွားနိုင်သည့် လူအရေအတွက်မှာ ကာကွယ်ဆေးထိုးပြီး သွေးခဲခြင်းမဖြစ်သည့် လူသန်းပေါင်းများစွာနှင့် နှိုင်းယှဉ်လျှင် အလွန်အမင်းနည်းပါးပါသည်။ ဥပမာ၊ အန္တရာယ်မှာ နေ့စဉ် အမျိုးသမီး သန်းပေါင်းများစွာ သောက်သုံးနေကြသည့် ကိုယ်ဝန်တားဆေးထက်ပင် အလွန်အမင်းနည်းပါးပါသည်။ မျိုးဆက်ခြားခြင်း နှင့် ဂျွန်ဆန် အန် ဂျွန်ဆင် ကိုဗစ်-19 ကာကွယ်ဆေး နှင့် အခြား (အင်္ဂလိပ်လိုသာ) အကြောင့် သင့်မေးခွန်းများအတွက် အဖြေကို ရှာဖွေပါ။

သင့် အန္တရာယ်အကြောင်းကို သင်၏ ကျန်းမာရေး စောင့်ရှောက်သူနှင့် ဆွေးနွေးနိုင်ပါသည်။ သွေးခဲပြဿနာမှာ Johnson & Johnson ကိုဗစ်-19 ကာကွယ်ဆေး နှင့်သာဆိုင်ပြီး Pfizer သို့မဟုတ် Moderna ကာကွယ်ဆေးများနှင့် သက်ဆိုင်မှု မရှိပါ။ သင်သည် ဂျွန်ဆင် အန် ဂျွန်ဆင် ကာကွယ်ဆေး ထိုးခံရန် ပူပန်မှုများရှိလျှင် သင့်စောင့်ရှောက်သူ ကို ၎င်းဆေးအစား Moderna နှင့် ဖိုင်ဇာ ကာကွယ်ဆေးများကို ထိုးပေးရန် တောင်းဆိုနိုင်ပါသည်။

နှလုံးကြွက်သားရောင်ခြင်း သို့မဟုတ် နှလုံးအကာရောင်ခြင်း တို့ကို စိုးရိမ်ပူပန်သင့်ပါသလား။

ကိုဗစ်-19 ကာကွယ်ဆေးထိုးပြီးနောက် နှလုံးကြွက်သားရောင်ခြင်း (နှလုံးကြွက်သားရောင်ရမ်းခြင်း) နှင့် နှလုံးအကာရောင်ခြင်း (နှလုံးအကာရောင်ရမ်းခြင်း) ကို ခံစားရသူများမှာ အလွန်အမင်းနည်းပါးပါသည်။ ကာကွယ်ဆေးထိုးပြီးနောက် အနည်းငယ်သော လူအချို့သာ ၎င်းတို့ကို ခံစားရနိုင်ပါသည်။ ခံစားရသောသူများတွင် အများစုမှာ ဆယ်ကျော်သက်များ နှင့် လူငယ်များသာဖြစ်ပြီး ရောဂါလက္ခဏာအများစုမှာ ခပ်ပျော့ပျော့သာဖြစ်ပြီး ဘာမှမလုပ်ဘဲ ပြန်ကောင်းသွား သို့မဟုတ် ကုသမှုအနည်းငယ်ဖြင့်သာ ပြန်ကောင်းသွားကြလေ့ရှိပါသည်။ နှလုံးကြွက်သားရောင်ခြင်း နှင့် နှလုံးအကာရောင်ခြင်းတို့သည် ကိုဗစ်-19 ပိုးကူးခံရလျှင် များစွာ ပိုအဖြစ်များပါသည်။

ဇူလိုင်လ 30 ရက်၊ 2021 အထိ Vaccine Adverse Event Reporting System (VAERS, ကာကွယ်ဆေး ဆိုးကျိုးဖြစ်ရပ် အစီရင်ခံ စနစ် (ဗီအေအီးအာအက်စ်) တွင် ကိုဗစ်-19 ကာကွယ်ဆေးအနည်းဆုံး တစ်ကြိမ်ထိုးပြီးသောသူ 177 သန်းကျော်တွင် အစီရင်ခံစာ 1500 ထက်နည်းပြီး အမေရိကတွင် 699 ယောက်သာ အတည်ပြုထားနိုင်ခဲ့ပါသည်။ (အင်္ဂလိပ်လိုသာ)

သင့် အန္တရာယ်အကြောင်းကို သင်၏ ဆရာဝန် နှင့် ဆွေးနွေးနိုင်ပါသည်။ ကာကွယ်ဆေးထိုးခံပြီးနောက် ရောဂါလက္ခဏာတစ်ခုခု ခံစားလာရလျှင် VAERS ထံသို့ (အင်္ဂလိပ်လိုသာ) အစီရင်ခံနိုင်ပါသည်။

ကိုဗစ်-19 ကာကွယ်ဆေးထိုးပြီးနောက် နှလုံးကြွက်သားရောင်ခြင်း နှင့် နှလုံးအကာရောင်ခြင်း (အင်္ဂလိပ်လိုသာ)အကြောင်းပိုမိုလေ့လာရန်။

ကျွန်ုပ်သည် ကျန်းမာရေးအခံ မကောင်းပါက ကာကွယ်ဆေးထိုးနိုင်ပါသလား။

ကျန်းမာရေးအခံမကောင်းသော သို့မဟုတ် ရောဂါအခံရှိသောသူအများစုသည် ကိုဗစ်-19 ကာကွယ်ဆေးကို ထိုးခံနိုင်ပါသည်။ သင်၏ ဓာတ်မတည့်မှုများ နှင့် ကျန်းမာရေး အခြေအနေအားလုံးကို သင့် ကျန်းမာရေး စောင့်ရှောက်သူအားအသိပေးပါ။ တကယ်ဆိုလျှင် ကျန်းမာရေးအခံမကောင်းလျှင် ကိုဗစ်-19 ရောဂါ၏ နောက်ဆက်တွဲဆိုးကျိုးများ ကို ခံစားရနိုင်ခြေပိုများနိုင်သဖြင့် သင်နေထိုင်မကောင်းဖြစ်ခြင်းမှ ကာကွယ်ရန်အတွက် ကာကွယ်ဆေးသည် ပိုမိုအရေးကြီးပါသည်။

၎င်းသီးခြား လူအုပ်စုများသည် ကိုဗစ်-19 ကာကွယ်ဆေးကို အထိုးခံနိုင်ပါသည်။

• အိတ်ချ်အိုင်ဗီ ရှိသောသူများ နှင့် ကိုယ်ခံအားနည်းသော သူများ။
• ကိုယ်ခံပြဿနာရောဂါအခံရှိသောသူများ။
• ယခင်က Guillain-Barré syndrome (GBS, ဂူလီယန်-ဘားလီ ရောဂါစု (ဂျီဘီအက်စ်) ရှိဖူးသောသူများ။
• ယခင်က ဘဲလ်ပေါ်ဆီ ဖြစ်ဖူးသူများ။

အကယ်၍ သင့်တွင် ပြင်းထန်သော ဓာတ်မတည့်မှု ရာဇဝင်ရှိဖူးလျှင် သို့မဟုတ် ကာကွယ်ဆေးတွင်ပါသော ပါဝင်ပစ္စည်းတစ်မျိုးမျိုးကို ဓာတ်မတည့်နိုင်ဟု သင်ထင်နေလျှင် ဓာတ်မတည့်သောသူများအတွက် ကိုဗစ်-19 ကာကွယ်ဆေးများ အကြောင်းကို ဖတ်ပါ။(အင်္ဂလိပ်လိုသာ) ကိုဗစ်-19 ကာကွယ်ဆေးထိုးပြီးနောက် ရှောခ်ရခြင်း (အင်္ဂလိပ်လိုသာ) သည် အလွန်ရှားပြီး အမေရိကပြည်ထောင်စုတွင် ကာကွယ်ဆေးထိုးသူ တစ်သန်းတွင် 2 ယောက်မှ 5 ယောက်တွင် ဖြစ်ပွားခဲ့ပါသည်။

ဤအချက်အလက် (အင်္ဂလိပ်လိုသာ) သည် အထက်ပါအုပ်စုများတွင် ပါသောသူများအား ကိုဗစ်-19 ကာကွယ်ဆေး အထိုးခံရာတွင် နားလည်သဘောပေါက်ပြီး ဆုံးဖြတ်ချက်ချရာတွင် ကူညီနိုင်ရန် ဖြစ်ပါသည်။

ကာကွယ်ဆေးများသည် ကျွန်ုပ်၏ ဒီအန်အေ ကို ပြောင်းလဲလိမ့်မည်လား။

မဟုတ်ပါ၊ ကိုဗစ်-19 ကာကွယ်ဆေးများသည့် သင့် ဒီအန်အေ ကို ပြောင်းလဲလိမ့်မည် မဟုတ်ပါ။ ကာကွယ်ဆေးများသည် ကျွန်ုပ်တို့၏ ဆဲလ်များအား ကိုဗစ်-19 ဖြစ်စေသည့် ဗိုင်းရပ်စ်ပိုးအတွက် အကာအကွယ်များကို စတင်တည်ဆောက်ရန် လမ်းညွှန်ချက်များကိုသာ သယ်ဆောင်ပေးပါသည်။ ကာကွယ်ဆေးသည် ကျွန်ုပ်တို့၏ ဒီအန်အေများကို သိမ်းဆည်းထားသည့် ဆဲလ်၏ အစိတ်အပိုင်းထဲသို့ ဝင်ရောက်မှုမရှိပါ။ ယင်းအစား ကာကွယ်ဆေးများသည် ကျွန်ုပ်တို့၏ သဘာဝ ခုခံအားကို ကိုယ်ခံအား တည်ဆောက်ရန် လုပ်ဆောင်ပါသည်။ အမ်အာအန်အေ (အင်္ဂလိပ်လိုသာ) နှင့် ကြားဗိုင်းရပ်စ် (အင်္ဂလိပ်လိုသာ) ကိုဗစ်-19 ကာကွယ်ဆေးများအကြောင်း ပိုမိုလေ့လာပါ။

ကာကွယ်ဆေးများသည် ရေရှည် ဘေးထွက်အကျိုးများကို ဖြစ်စေနိုင်ပါသလား။

ကိုဗစ်-19 အတွက် ကာကွယ်ဆေးများ နှင့် အခြားရောဂါများအတွက် သိပ္ပံနည်းကျအချက်အလက်များ ကျွန်ုပ်တို့တွင် များစွာ ရှိပါသည်။ ယင်းအချက်အလက်များအပေါ်အခြေခံပြီး ကျွမ်းကျင်သူများက ကာကွယ်ဆေးများသည် အလွန်ဘေးကင်းသည်ဟု ယုံကြည်မှုရှိပါသည်။ ကိုဗစ်-19 ကာကွယ်ဆေးအားလုံးကို တုံ့ပြန်မှုများအားလုံးနီးပါးမှာ အလွန်နုပြီး ပင်ပန်းနွမ်းလျခြင်း သို့မဟုတ် လက်မောင်းနာခြင်းတို့ကို ရက်အနည်းငယ်သာ ခံစားရပါသည်။ ပြင်းထန်သော သို့မဟုတ် ရေရှည် တုံ့ပြန်မှုများမှာ အလွန်အမင်းနည်းပါးပါသည်။

ရေရှည် ဘေးထွက်အကျိုးများသည် သာမန်အားဖြင့် ကာကွယ်ဆေးထိုးပြီး ရှစ်ပတ်အကြာတွင် ဖြစ်ပွားတတ်ပါသည်။ ယင်းမှာလည်း ကာကွယ်ဆေးထုတ်လုပ်သူများသည် ဆေးစမ်းသပ်မှုများပြီးဆုံးပြီးနောက် Food and Drug Administration (FDA, အမေရိက အစားအသောက် နှင့် ဆေးဝါး စီမံခန့်ခွဲရေးဌာန (အက်ဖ်ဒီအေ) ထံမှ အရေးပေါ်အသုံးပြုခွင့် လျှောက်ထားနိုင်ရန် အနည်းဆုံးအချိန် ရှစ်ပတ်စောင့်ဆိုင်းရန် လိုအပ်ရခြင်းအကြောင်းလည်း ဖြစ်ပါသည်။ ကျွမ်းကျင်သူများက ဘေးကင်းစိတ်ချရမှုနှင့်ပတ်သက်ပြီး ကိုဗစ်-19 ကာကွယ်ဆေးများကို စောင့်ကြည့်မှုများကို ဆက်လက်လုပ်ဆောင်နေပါသည်။ FDA က ပြင်းထန်သော ဘေးထက်အကျိုးများ သို့မဟုတ် တုံ့ပြန်မှုများကို စုံစမ်းစစ်ဆေးပါသည်။