O soo se tasi lava e manatu sa aafia i faiga faailogalanu poo le taui atu e ala i galuega faatino a le Department of Health (DOH, Ofisa o le Soifua Maloloina), poo lana aufaigaluega poo i latou e iai auaunaga faafoma'i, e mafai ona ia faauluina sana faaseā i le Civil Rights & ADA Program (Aiā Tatau a soo se Tagata ma Polokalame o le Tagata Amerika e iai Ma'i Tumau o le Tino) i totonu o le 180 aso na aafia ai. Afai o le faaseā o tua atu o le taimi faatulagaina lenei, e mafai lava ona e faafesoota'iina Javier Ruiz (Pule sili o le Civil Rights & ADA Program) mo se ta'iala.
Faauluina o se Fa'aseā
O faaseā e ono mafai ona faatumu ma tuuina mai e ala i le faatumuina o se pepa faatumu mo faaseā (PDF), imeli, meli, poo lou susū mai ile ofisa e aumai, pe valaau mai foi ile telefoni. O le a iai galuega e faatinoina e le DOH e fesoasoani ai i tagata ta'ito'atasi e iai ma'i tumau, o i latou e le malamalama i le gagana Igilisi, ma isi e faigata ona latou faauluina se faaseā.
Afai e tusi sau faaseā, e tāua le iai o faamatalaga nei:
- Igoa, tuātusi, numera telefoni, ma le imeli
- O le faamatalaga o se mea na tupu poo se gaioiga le manuia faapea ma le aso na tupu ai
- O se faamatalaga pe aiseā ua e manatu ai o se gaioiga faasolitulafono ma faailogalanu sa faatino, e aofia ai lou faamanino pe aiseā ua e talitonu ai o se tulaga le manuia poo se mea sa tupu e fesoota'i ma se vaega e iai puipuiaga.
- O se faamatalaga o gaioiga ua e talitonu e tatau ile DOH ona latou iloiloina ma fo'ia lea faafitauli.
E mafai ona e faatumuina le pepa faatumu mo faaseā (PDF) a le DOH, ua faia ina ia fesoasoani ia te oe e tuuina mai ai faamatalaga e mana'omia e le DOH mo le iloiloina o lau tagi.
Washington State Department of Health Civil Rights & ADA Program
PO Box 47890 | Olympia, WA 98504-47890
(833) 428-3703 | Civil.Rights@doh.wa.gov
Faamatalaga o Faaseā
O le taimi lava e maua ai e le ofisa se faaseā, o le a fesoota'i atu ai loa se tasi mai le Civil Rights & ADA Program i lē sa faaulu mai lana faaseā i totonu o le 15 aso faalekalena ina ia faatalatalanoaina le mataupu. Ae le'i amataina se su'esu'ega, o le a iloiloina muamua e le ofisa o le Civil Rights & ADA Program le tagi pe faamata e i totonu o ana ālafua faapea ma ta'ita'iga faatonutonu. Afai e amataina e le Civil Rights & ADA Program se su'esu'ega, o le a iloiloina uma pepa o faamatalaga o faamaoniga o se mea sa tupu, faatalatalanoa tagata molimau, ma fefaasoaa'i ma tagata ua loa le tomai i ia galuega ina ia sa'ili'ili ai le mafua'aga tonu o le faalavelave ma se auala talafeagai e mafai ona fo'ia ai. O le i'uga o le su'esu'ega o le a saunia e ala i se tusitusiga, e aofia ai le aotelega o sa'ili'iliga, o se faa'i'uga pe sa iai ni faiga faailogalanu sa faatinoina, ma soo se auala e fo'ia ai, pe a talafeagai.
Faa'i'uga le Aloa'ia
I soo se taimi lava, e ono mafai e le Civil Rights & ADA Program ona taumafai e tali le tagi e ala i se faaleleiga ma se maliega e faamalieina ai le mataupu. O lenei auala mo se faa'i'uga le aloa'ia, e leai se tua'oi pe faamutaina ai le aiā tatau a le tagata e faauluina sana tagi ina ia faaauau pea le faauluga aloa'ia o lana faaseā i le DOH Civil Rights & ADA Program poo soo se ofisa i fafo atu e faamalosia tulafono.
Taimi Faatulagaina o Galuega Faatino mo se Faaseā
O faaseā e faatatau i faiga faailogalanu ma le tauimasui e tele ina faatinoina galuega uma i totonu o le 90 aso e failaina ai. Afai e mana'omia se taimi faaopoopo, o le a logoina e le aufaigaluega a le Civil Rights & ADA Program le tagata sa faaulu lana tagi e ala i se tusi.
Isi Auala e Filifili mai ai mo Faaseā
Afai e le faamalieina se tagata sa faauluina lana tagi i se tali mai a le ofisa, o le a logoina i latou e uiga i a latou aiā tatau e faauluina ai se tagi i isi ofisa talafeagai, e pei o le U.S. Department of Justice (Ofisa o Faamasinoga US), U.S. Environmental Protection Agency (Ofisa o Puipuiga o le Si'osi'omaga ile US), o le Department of Health and Human Services (Ofisa o le Soifua Maloloina ma Auaunaga Lautele, poo Le Washington State Human Rights Commission (Komisi o Aiā Tatau ile Setete o Uosigitone).
Taui atu
O le a iloilloina foi e le Civil Rights & ADA Program tagi faaseā i faiga tauimasui e aafia ai se tagata ini faasologa o mea e tutupu, poo ni gaioiga sili ona le manuia e faatinoina e le DOH, poo lana aufaigaluega poo auaunaga faafoma'i, e tusa ai ma se i'uga o le auai atu i gaioiga puipuia. O se gaioiga puipuia e ono iai, mo se faata'ita'iga, o le failaina o se faaseā ini faiga faailogalanu, auai i se su'esu'ega, poo le faailoaina o le aiā tatau i lalo o tulafono o aiā tatau a tagata.
Faamalieina o Tagi Faaseā
O le vaega mulimuli, o le a vaaia e le Civil Rights & ADA Program le faagasologa o tali o faafitauli ina ia faamaonia le faatinoga o soo se maliega 'autasi i totonu o le taimi faatulagaina ua mae'a faataatia.