E mafai ona talitonuina le tuipuipui KOVITI-19!
O le toatele o tagata i totonu o Amerika ua fuafua e faia o a latou tui e puipuia ai i latou mai le KOVITI-19, ao isi o loo manaomia pea ni faamatalaga faamaonia ao lei faia tui puipui. E leai se afaina o lea tulaga. Tatou te mananao uma ia talitonuina ni faaiuga e ono aafia ai o tatou ola.
Ina ia talitonuina, tatou te manaomia faamatalaga sao mai faamaumauga faamaonia. Fesoasoani i au uo ma aiga ina ia iloa le eseesega o tala-faatupu ma faamatalaga sao e uiga i le vailaau tui o le KOVITI-19.
E mafai ona e fesoasoani i tagata ina ia talitonuina o a latou faaiuga ina ia fai tui puipui. E mafai ona e faia lenei mea ile:
- Faaaoga le taimi e faalogo ai i faafitauli a au uo ma aiga. Silasila i le tusi taiala o le Talatalanoa i Tuipuipui (e nao le Gagana Faaperetania e maua ai) mo fesoasoani pe faʻafefea ona faia se talanoaga e uiga i vailaau tui.
- Taliina o a latou fesili. A e leiloa le tali, e mafai ona e fautua i ai e talanoa ma a latou fomai masani.
- A e filifili loa e fai lau tui puipui, faasoa le mafuaga na faia ai. O lau faamatalaga e mafai ai ona i ai faatosina ai lou aiga ma le alalafaga.
E ia te oe le agavaʻa e faʻatosina ai i latou o loo siomia oe i au faamatalaga ma mea e te faia. Vaʻai i nei fesoasoani i luga o le masini faaneionapo o le auala e talanoa i le tuipuipui o le KOVITI-19 i uo ma aiga (e nao le Gagana Faaperetania e maua ai).
Silasila I faamatalaga moni e uiga i vailaau tui o loo i lalo ma faʻasoa ia i latou e te iloa. Ua matou faʻavasegaina nei taiala i vaega o mataupu lauiloa.
Saogalēmū & Malosiaga
Aisea e taua ai le faatinoina o lou tui puipui o le KOVITI-19 pe leai?
E matuai ia te oe lou lava filifiliga e faia lau vailaau tui o le KOVITI-19, ae e manaʻomia le toʻatele o tagata e mafai ona faia o a latou tuipuipui e faʻamuta ai lenei faʻamaʻi. E faigata tele ona pepesi le siama o le COVID-19 pe a toʻatele tagata i totonu o se alalafaga e puipuia – ala i tui puipui poʻo faamai pepesi talu ai. O le maualuga o numera o le tatou tui puipui, o le maualalo foi lea o le numera o a tatou faamai pepesi.
O tagata e le o faia tui puipui e mafai lava ona maua i le vairusi ma aafia ai isi. O nisi tagata e le mafai ona fai tui puipui ona o tulaga o a latou soifua maloloina, ma o le mea lea e aafia gofie ai i le KOVITI-19. Afai e lei faia lau tui puipui, e sili atu ona faigofie ona e oo i le falema'i pe maliu foi i isi ituaiga KOVITI-19 (e nao le Gagana Faaperetania e maua ai). O le faia o le tui puipui e le gata ona puipuia ai oe, ae puipuia ai ma lou aiga, tuaoi ma alalafaga.
Pe aisea e manaomia ai le tuipuipui mo le KOVITI-19 a faapea o le toatele o tagata e maua ai e soifua pea?
O le toatele o tagata e maua i le KOVITI-19 e nao o ni auga vaivai. Ae peitai, o le vairusi e matua le mautonu, ma ua matou iloa o isi ituaiga o le KOVITI-19 e te ono ma'i tigaina ai. O isi tagata e ma'i tigaina pe maliu ai foi mai le KOVITI-19, e oo tupulaga talavou e leai ni ma'i masani. O isi, ua faigoaina o “COVID long-haulers” (o i latou ua umi o feagai ma le KOVITI) e maua i auga e oo atu i le umi o le masina o maua ai ma e aafia ai le lelei o a latou olaga. Matou te le o iloa foi aafiaga etulai mai i le lumanai o le KOVITI-19 ona o se vairusi fou. O le faia o tui puipui o le tatou puipuiga sili lea mai le vairusi.
E moi lava e saogalemu ma aoga lelei le tuipuipui?
Ioe, e saogalemu ma aoga tuipuipui KOVITI-19. Na faata'ita'i le tuipuipui i le faitau sefulu afe o tagata i faataitaiga faafomai. Ua latou ausia alafua faasaienisi a le U.S Food and Drug Administration (FDA, Ofisa mo le Vaaiga o Meataumafa ma Fualaau) mo le saogalemu, aoga, ma gaosia lelei e moomia mo le le faatagaina e faaaoga i tulaga faafuase'i. Na iloa ai e lelei tele tuipuipui uma i le puipuia o tagata mai le mama'i i le KOVITI-19. Talu mai lena taimi, o vailaau tui nei ua auina atu ma le saogalemu i le miliona o tagata.
Matamata i ata nei e a'oa'o atili e uiga i le fausiaina o tuipuipui KOVITI-19:
E saogalemu le vailaau tui mo lau fanau?
Ioe. O le vailaau tui o le Pfizer sa faataitai i le fia afe o tupulaga talavou ma ua faamaonia le saogalemu. Sa maitauina le aoga tele – e leai se tasi o tupulaga talavou na faia o a latou tui puipui na maua i le KOVITI-19. O le fautuaga a le Centers for Disease Control and Prevention (CDC, Ofisa Tutotonu mo le Vaaiga o le Pepesi o Faamaʻi ma le Puipuia mai Faamaʻi) o le faia o le tuipuipui o le KOVITI-19 mo tagata uma ua atoa le 6 masina tausaga ma le matua (e nao le Gagana Faaperetania e maua ai).
E faafefea ona ou talitonuina le saogalemu o tuipuipui?
Ina ia mautinoa e saogalemu tui puipui mo le KOVITI-19, ua faalauteleina ma faamalosiina e le Centers for Disease Control and Prevention (CDC, Ofisa Tutotonu mo le Puipuiga mai Faamai Pepesi) le agavaa o le atunuu e mataituina le saogalemu o tui puipui. O lea la ua mafai ai e tagata e popoto i mataupu e faatatau i le saogalemu o tui puipui ona mataituina ma iloa ni faafitauli sa ono le vaaia i taimi o suesuega faafomai mo tui puipui mo le KOVITI-19.
E mafai ona ou maua i le KOVITI-19 pea fai lou tuipuipui mo le KOVITI-19?
Leai, e le mafai ona maua oe i le KOVITI-19 ona o le tuipuipui. E le maua i le tuipuipui KOVITI-19 le vairusi e mafua ai le KOVITI-19.
E mana'omia sou tuipuipui pe a fai na ou maua i le KOVITI-19?
Ioe, e mana'omia lava le tuipuipui pe afai ua uma ona maua oe i le KOVITI-19. Ua iloa i faamaumauga e le masani ona toe inifeti i le KOVITI-19 i le 90 aso talu ona e inifeti. O lona uiga atonu ua iai sou puipuiga mai le KOVITI-19 (e ta'u o le tetee faamai faanatura) mo sina taimi. Ae peita'i, tatou te lē iloa le umi o le tetee faamai faanatura. Aoao atili pe aisea e tatau ona faia pea lau tuipuipui mo le KOVITI-19 (e nao le Gagana Faaperetania e maua ai).
O le a le eseesega o tuiga ma puipuiga?
O puipuiga fa'alenatura mai le aafia ai i siama e ofoina nisi o tulaga maualuga i puipuiga i le toe aafia ai peita'i e tāua le fa'amamafaina o le fa'atuputupula'ia o lamatiaga i fa'ama'i ogaoga, taofia i falema'i, ma maliu ai mo i latou fa'ato'ā aafia ae le'i faia tui puipui. I le ono fa'atupuina ai o puipuiga fa'alenatura o le tino mo isi tagata ina ua mae'a pesia i siama o le COVID-19, o isi e leai. Mo i latou ua iai puipuiga fa'alenatura o le tino ina ua mae'a pesia, e leai se auala e mafai ona iloa ai le malosi o ia puipuiga, o le a le umi poo le a foi le ituaiga o siama e mafai ona teteeina.
Talu ai e le mafai ona tatou fa'alagolago i puipuiga fa'alenatura o le tino e tetee atu i le toe aafia ai, poo fa'ama'i ogaoga o le COVID-19, o le fa'afouina o tui puipui o le auala pito sili lea ona malupuipuia ma o le ulua'i ta'iala foi lea e puipuia ai mai siama o le SARS-COV-2, o tigā o fa'ama'i, ma fa'ama'i pepesi fa'aauauina.
Soifua Maloloina Fuafuaina
E mafai ona ou fanau pe a ou maua i le tuipuipui KOVITI-19?
Ioe. Matou te malamalama i ou popolega i lou soifua maloloina tau fanau tama. O tulaga nei ua matou iloa: e leai se faamaoniga faasaienisi e tupu se le fanau pe le toe mafai ona faiusuga i tuipuipui. A ulufale le tuipuipui i lou tino, e galulue ma lou malosi tetee faamai e fausia sela faasagatau e tetee le vairusi korona. E le faalavelave lea faagasologa i ou totoga fanau.
Ua fautuaina e le American College of Obstetricians and Gynecologists (ACOG, Kolisi Suesue mo Toala Fanau ma Totoga sa a Tamaitai a Amerika) le faaogaina o vailaau tui o le KOVITI-19 mo soo se tina ma'itaga o loo fuafuaina poo se tina o loo faasusu lana tama. Toatele lava tina maitaga poo ua fai tuipuipui o le KOVITI-19 ma o loo soifuamaloloina o a latou fanau.
Mo nisi punaoa e uiga i le faia o tui puipui mo le KOVITI-19 a o maitaga pe faasusu se pepe, faamolemole vaai i faamatalaga e masani ona faafouina i le upega tafailagi o le Tasi le Tui, Lua Ola.
E saogalemu le tuipuipui mo tagata o loo ma'itaga?
Ioe, e mafai ona fai lou tui puipui pe a faapea o loo e maitaga, ma ua fatuaina e le American College of Obstetricians and Gynecologists (ACOG) (e nao le Gagana Faaperetania e maua ai) le faia o tui puipui o latou ua ma'itaga. E leai ni faamaoniga faasaeanisi e ono iai ni faafitauli mo tina maitaga, le tuputupuae o lau pepe, le fanau mai, ma le fuafuaina o lau aiga i le lumanai ona o tuipuipui o le KOVITI-19.
Mo nisi punaoa e uiga i le faia o tui puipui mo le KOVITI-19 a o maitaga pe faasusu se pepe, faamolemole vaai i faamatalaga e masani ona faafouina i le upega tafailagi o le Tasi le Tui, Lua Ola.
E saogalemu vailaau tui mo tina o faasusu o a latou pepe?
Ioe, afai o faasusu se tamaitiiti, e mafai ona tuipuipuia oe. E le tatau ona taofi le faasusu o le tamaitiiti pe afai e fia tuipuipuia oe. O le mea moni, ua fautua mai ulua'i ripoti e ono fesoasoani le tuipuipui e faaoo sela faasagatau i lau pepe e ala i le suasusu o le tina. E mana'omia nisi suesuega, ae afai e faamaonia, o le a fesoasoani lea e puipui lau pepe mai le KOVITI-19.
Faitau atili pe faapefea ona puipuia o tina ma o latou fanau pepe i le tuipuipui o le KOVITI-19 (e nao le Gagana Faaperetania e maua ai).
E ono suia e le tuipuipui lo'u palapala masina?
E iai isi tagata ua ripotia mai ua suia a latou palapala masina ina ua maea on faia a latou tui puipui, peitai e leai ni faamaumauga e fautuaina ai o iai ni aafiaga umi. E tele lava isi mafuaaga o le suia o le palapala masina, pei o le popole.
Vaega e Fausia Ai
O a vaega e fausia ai le tuipuipui?
E ono e vaai i ni talafatu ma tala le faamaonia i vaega e fausia ai le vailaau tui i luga o upega tafailagi poo luga o ala faasalalau lautele. O nei faamatalaga o talafatu. O vaega e fausia ai le vailaau tui mo le KOVITI-19 (e nao le Gagana Faaperetania e maua ai) e taatele i le tele o tuipuipui. O loo i totonu o le vailaau tui le mRNA poo le vairusi ua maea ona suia ona tulaga e aua ai nei faateleina pea iai i totonu o lou tino faatasi ma isi vaega e pei o ga'o, masima, ma suka e puipui ai le mRNA, ma fesoasoani i lona aoga i le tino, ma puipuia le Vailaau tui pea feaveaiina.
O le tui o le Novavax COVID-19 o se vailaau fausiaina i se vaega itiiti o le polotini lea e iai mea fa'aopoopo, fa'atasi ai ma ga'o ma suka e fesoasoani i le tui ina ia aogā lelei i le tino. O lenei vailaau e le fa'aaogaina ai le mRNA.
Silasila i le lisi o vaega e fausia ai le Pfizer (e nao le Gagana Faaperetania e maua ai), Moderna (e nao le Gagana Faaperetania e maua ai), Novavax (e nao le Gagana Faaperetania e maua ai) ma le Johnson & Johnson (e nao le Gagana Faaperetania e maua ai) i le pepa o faamatalaga faamaonia.
E maua i le tuipuipui Johnson & Johnson tisu o pepe afuafua?
O le tuipuipui mo le KOVITI-19 a le Johnson & Johnson na fausia i le faaaogaina o tekinolosi e pei ona faaaogaina i isi ituaiga tuipuipui e tele. E le iai i le tuipuipui ni vaega o pepe laiti mai manava o latou tina poo sela o tama tau afuafua. E tasi le vaega o le tuipuipui na fausia i kopi o sela na fofoa i fale su'etoto na aumai i filifiliga o tama fafano i le 35 tausaga ua tuana'i. Talu mai lea taimi, na teuina i le fale su'etoto ‘afu'afu o sela ua faaaoga nei i tuipuipui. E le'i toe faaaogaina nisi sela o tama fafano e fausia ai tuipuipui nei. Atonu o se faamatalaga fou lenei mo nisi tagata. Ae peita'i, o tuipuipui mo tanesusu, rupela, ma le atefefete A, e fausia uma i le ala e tasi.
O iai ni microchips i totonu o tuipuipui?
Leai, o le tui puipui e le'o iai se microchip po'o se masini e suesue ai se isi. Na'o vaega ola e fesoasoani i lou tino e fausia sela faasagatau e tetee i le KOVITI-19, ma ga'o, masima ma le suka.
E ono ou maneta i le tuipuipui KOVITI-19?
Leai e le avea oe ma maneta pe a fai lou tuipuipui o le KOVITI-19. E le o iai ni vaega e fausia ai le vailaau tui po ni mea e faaaogaina e mafai ona fai ai se eletise maneta, ma e leai ni a latou uamea. E mafai ona e silasila i le lisi o mea e fausia ai le Pfizer (e nao le Gagana Faaperetania e maua ai), Moderna (e nao le Gagana Faaperetania e maua ai), ma le Johnson & Johnson (e nao le Gagana Faaperetania e maua ai) pepa o faamatalaga faamaonia
mo nisi faamatalaga.
Popolega ole Soifua Maloloina
E mafai ona puni ou ala toto mai le vailaau tui?
E maulalo tele le avanoa e lamatia ai i se to'a o le toto. O le aofa'i o tagata na to'a toto ina ua tuipuipuia o le Johnson & Johnson e maulalo pe a faatusa i le faitau miliona o tagata na tuipuipuia ae le'i to'a le toto. Pea faatusatusa, e maulalo tele le lamatia nai lo le faaaoga o faiga o aiga fuafuaina lea e faaaoga e le faitau miliona o tama'itai i aso uma. Saili tali o au fesili e uiga i le aiga fuafuaina ma le tuipuipui o le Johnson & Johnson le tuipuipui o le KOVITI-19 ma isi lava mea (e nao le Gagana Faaperetania e maua ai).
Afai e iai se tulaga faaletonu o lou soifua maloloina, talanoa i lau fai tausiga faafoma'i. O le tele o ripoti o le pupuni o ala toto ina ua maea ona faaaogaina le tui o le Johnson & Johnson sa maitauina i tamaitai matutua e lalo mai le 50 tausaga le matua. Afai o oe o se tamaitai e 18 agai le 50 tausaga le matua, e tatau ona e iloa e maualuga atu le tulaga o lou ono aafia i le pupuni o ala toto, e mafai ona e oti ai. O le popolega i le pupuni o ala toto na fa'atatau i le tuipuipui o le KOVITI-19 o le Johnson & Johnson, ae le o le tui o le Pfizer poo le Moderna. Afai o e popole i le tuipuipui Johnson & Johnson, fesili i lou fomai mo le tuipuipui a Moderna poo Pfizer.
E tatau ona ou popole i le myocarditis poo pericarditis?
O mataupu o myocarditis (fulafula o maso o le fatu) ma pericarditis (fulafula ala toto o le fatu) pea uma le tuipuipui o le KOVITI-19 e seasea tupu. Na o se vaega toaititi o tagata e aafia i lea tulaga pe a maea le tuipuipui. Mo tagata e tupu ai, e tele na tulai mai i tupulaga talavou ma talavou matutua, e vaivai lava faailoga o aafiaga, ma e masani ona toe manuia i togafitiga laiti. O le myocarditis ma le pericarditis e tele atu le avanoa e mauaai pe a fai e te ma'i i le KOVITI-19.
E oo mai i le 30 Iulai, 2021, ua itiiti ifo o le 1500 o ripoti i le Vaccine Adverse Event Reporting System (VAERS, auala faaneionapo mo le ripoti ina o tulaga matuia ua tulai mai ona o le tuipuipui), e nao le 699 tulaga faamaonia i Amerika (e nao le Gagana Faaperetania e maua ai), ae ova atu mai le 177 miliona tagata ua maea o latou tuipuipui muamua o le KOVITI-19.
E mafai ona e talanoa i lau foma'i e uiga i aafiaga. A iai ni auga pe a maea lou vailaau tui e mafai ona e ripoti atu i le VAERS (e nao le Gagana Faaperetania e maua ai).
Aoao atili e uiga i le myocarditis ma le pericarditis pea maea lou tuipuipui mo le KOVITI-19 (e nao le Gagana Faaperetania e maua ai).
E mafai ona fai lou tui puipui pe iai ni o'u ma'i tumau?
E toatele o tagata e maua i ma'i tumau poo tulaga fa'afomai e mafai ona fai tuipuipui o le KOVITI-19. Faailoa i lau tausi soifua o tulaga uma o meaai, Vailaau ma isi mea e tetee iai lou tino faapea o ou mai tumau. O le mea moni, afai e iai ni ou mai tumau e faateleina ai le avanoa e lamatia ai oe pea e maua i le KOVITI-19, ona o lea, e tele atu le taua o le fai o le tuipuipui e puipuia ai oe mai le ma'i.
O tagata nei e ono faia le tuipuipui o le KOVITI-19:
- Tagata e maua i le faamai oti o le HIV ma vaivai o latou puipuiga faalenatura.
- Tagata o loo lepetia e puipuiga faalenatura sela malolosi o le tino.
- Tagata na muamua maua i le Guillain-Barré syndrome (GBS, o se faamai e toe osofai e le malosi faalenatura a lou tino lou lava tino).
- Tagata na muamua maua i le ma'i supa.
Afai e iai sou talaaga i ni faafitauli faalesoifuamaloloina, poo lou silafia o le a alia'e ni faafitauli ona o vaega e fausia ai le vailaau tui, faitau i faamatalaga o le tuipuipui o le KOVITI-19 mo tagata e iai allergies poo tulaga e tetee ai o latou tino i mea eseese (e nao le Gagana Faaperetania e maua ai). O le pupuni o ala ea pea fai o lou tuipuipui mo le KOVITI-19 (e nao le Gagana Faaperetania e maua ai) e seasea tupu pe tusa ma le 2 i le 5 tagata mai le miliona tagata ua fai tuipuipuia i Amerika.
O faamatalaga nei (e nao le Gagana Faaperetania e maua ai) e faamoemoe e fesoasoani i tagata i vaega ua taua i luga, mo le faia se filifiliga sao o se tuipuipui o le KOVITI-19.
E ono suia e le tuipuipui la'u tupu'aga faalenatura (DNA)?
E le sui ape aafia ou DNA i tuipuipui o le KOVITI-19. O tuipuipui uma ua iai nei e faaooina faatonuga i o tatou sela e amata fausia le puipuiga mai le vairusi e maua ai le KOVITI-19. E le ulufale le tuipuipui i vaega o le sela e teu ai le DNA. E galulue tuipuipui faatasi ma puipuiga faanatura o lou tino e fausia lou malosi e tetee ma'i. A'oa'o atili e uiga i le mRNA (e nao le Gagana Faaperetania e maua ai) ma le viral vector (e nao le Gagana Faaperetania e maua ai) o loo maua i tuipuipui o le KOVITI-19.
E iai ni aafiaga tumau o le vailaau tui?
E tele a matou faamaumauga faasaeanisi i vailaau tui o le KOVITI-19 ma isi faamai. O loo faavae i luga o nei faamaumauga, o loo iai le talitonuga a le au atamamai, o nei vailaau tui e matua saogalemu lava. O le tele o auga o le vailaau tui o le KOVITI-19 e vaivai o latou aafiaga e pei o le lelava, tiga le oga lima, ma na o le lua aso le umi. E seasea maua ni auga poo ni aafiaga mo se taimi umi.
So'o se aafiaga mo se taimi umi e masani ona tupu i totonu o le valu vaiaso o tui puipui. O le mafuaga lea sa faatali ai le au gaosi vailaau tui mo le valu vaiaso ina ua maea faataitaiga faalefomai ona faatoa talosaga lea mo se faamaoniga mo le faaogaina ona o tulaga faanatinati mai le Food and Drug Administration (FDA, Ofisa mo le Vaaiga o Meataumafa ma Fualaau). Olo'o fa'aauau foi ona mataituina e le au atamamai le tuipuipui o le KOVITI-19 mo popolega i le saogalemu. E suesue e le FDA soo se ripoti o ni aafiaga ogaoga poo ni auga e oo atu.