Tui Faaopoopo

Fa'afouga lata mai o le anotusi, Ianuari 27, 2022

O fautuaga mai le Centers for Disease Control and Prevention (CDC, Nofoaga ‘Autū o le Puleaina ma Puipuiga o Fa’ama’i) ma le Western States Scientific Safety Review Workgroup (Vaega-Galulue Fa’a-Saienisi o Setete i Sisifo e Iloiloina le Saogalemū) mo le fa'afouina o tui fa'aopoopo e fa'amalosia ai tui muamua (booster) e fa'apea:

• O tamaiti e 5-11 tausaga ua tatau ona ma’ea a latou booster i le 5 masina ina ua mae’a le fa’asologa o tui puipui. Mo tamaiti e le atoatoa le malosi o le tino, e tatau ona fai o latou tui o le booster pe tusa o le tuana'i ai o le 3 masina talu ona uma fa'asologa o tui muamua.
• O i latou uma e i luga atu o le 12 tausaga e tatau ona fai o latou tui o le booster pe a mae'a masina e 5 o tui o le Pfizer po'o le Moderna, po'o le 2 masina pe a mae'a le tui e tasi o le Johnson & Johnson (J&J).
• O i latou uma e i luga a'e o le 50 tausaga e tatau ona fai o latou booster lona 2 pe a mae'a masina e 4 o le booster muamua.
• O tagata e i luga atu o le 12 tausaga e vaivai pe matuā ogaoga le aafiaga o ō latou immuse system, e tatau ona fai lo latou booster lona 2 pe a mae'a le 4 masina talu ona fai le booster muamua.
• O i latou e 18 tausaga ma sili atu ua mae’a a latou ulua’i tui puipui ma tui o le booster o le J&J i le tuana’i ai o le 4 masina, ua mafai ona fai o latou tui o le booster lona 2 o le mRNA KOVITI-19.

*E sili atu ona fautuaina tui puipui o le mRNA ae o loo avanoa pea le tui puipui o le Johnson & Johnson mo le KOVITI-19 pe afai e te le i mafai ona maua pe e te le taliaina foi se isi ituaiga tui puipui.

O tui mo i latou ua a'afia o latou immune system.

O ta’iala o le a fesuisuia’i, pe afai e vaivai pe matuā ogaoga aafiaga o lou immune system.

Fesili Maua Soo

Fa'amata e tatau ona tutusa ituaiga tui puipui sa fai ai lo'u tui ma le tui puipui fa'aopoopo e uunaia le malosi?

E mafai ona eseese ituaiga vailaau o le tui puipui e fai ai lou tui puipui faaopoopo e uunaia le malosi ma le ituaiga vailaau o le tui puipui lea sa fai ai lou tui puipui i le fa'asologa autu. Ua faia lea fa'aiuga a le CDC ina ua mae'a ai ona iloiloina ma le fa'aetete ia fa'amatalaga ma fa'amaumauga (Moderna, Johnson & Johnson, fefiloi ma fa'afetaui tui puipui faaopoopo), ma ua mae'a ona fa'atalatalanoaina ni manatu autu e fa'atatau lea i tui puipui fa'aopoopo.

Ua na o tagata e 17 tausaga ma laiti ifo e mafai ona maua le tui puipui o le Pfizer e avea ma a latou tui puipui faaopoopo e uunaia le malosi (booster).

Aisea e fautuaina ai tui puipui faaopoopo e uunaia le malosi mo isi vaega?

O tui puipui faaopoopo e uunaia le malosi (booster doses) e fesoasoani e faaauauina le puipuiga mai i aafiaga matuia mo tagata e maualuluga tulaga lamatia e ono aafia tigaina ai i le KOVITI-19. Sa fautuaina le faia o tui puipui o le booster i le taimi ua mavae mo na'o se vaega o tagata e maualuga le tulaga lamatia o aafiaga ogaoga o le COVID-19, ae peitai, o lenei fautuaga ua fa'alauteleina ina ia aofia ai tagata uma mai tamaiti 5 tausaga ma sili atu le matutua ina ia fesoasoani atili i puipuiga mai le fa'ama'i o le COVID-19.

Ua faasiliina ona taua lenei tulaga ona o le faateleina pea o ituaiga eseese o le vairasi KOVITI-19 e fepisiaigofie, faapea foi le faateleina o gasegase e mafua mai i le KOVITI-19 i totonu o le Iunaite Setete.

O tui puipui mo le KOVITI-19 na faamaonia pe taliaina mo le faaaogaina i totonu o le Iunaite Setete o loo galue lelei pea i le faaitiitiaina o le avanoa e lamatia ai i aafiaga tuga, le taofia i le falemai, ma le maliu ona o le vairasi KOVITI-19 faapea foi i aafiaga mai ona ituaiga eseese (variants). E ui i lea, e ono gasolosolo lava ina faaitiitia le puipuiga e maua mai i tui puipui o loo i ai i le taimi nei. E fesoasoani tui puipui faaopoopo e uunaia le malosi (booster) ina ia faamalosia atili le puipuiga mai le KOVITI-19 ma umi ai ona tumau lea puipuiga i totonu o lou tino.

O e fa’atautaiaina pea le faia o tui puipui o ni tagata i le ulua'i fa'asologa o tui puipui?

Ioe. O le taumafai lea e faia tui puipui o i latou e agava'a i le fa'asologa autu (1 le tui muamua o Johnson & Johnson tui puipui o le COVID poo le 2 tui o le Pfizer poo le Moderna) o loo avea pea ma mea e tatau ona ave iai le fa'amuamua. E tusa ma le 10 i le 22 le maualuga o le fua e ono taofia ai i le falema'i tagata matutua e le'i faia ni tui puipui nai lo tagata matutua ua uma ona faia tui puipui. E matuai faaititia le avanoa e ono ma'i tigainga (pe ono mama'i) ai i latou ua maea ona faia tui puipui mai le COVID-19, nai lo latou e le'i faia ni tui puipui. O le faia o tui puipui e mafai ai lea ona puipuia pe fa'asaoina maia le tagata mai le ma'i ma le atia'e ai o le o isi a'afiaga tumau e pei ona ripotia maia i le agai atu i le 50% o i latou ua mama'i mai le COVID-19.

Afai tatou te mana'omia tui faaopoopo, o lona uiga e le o aoga tuipuipui?

Leai. O tuipuipui o le COVID-19 o loo iai nei i le U.S. o loo aoga lelei e foia ai ma'i tigaina, taofia i falemai, ma le uma ai o soifua, e oo i le tetee atu i se isi ituaiga o faamai pipisi. Ae ui i lea, o tagata tomai o le soifua maloloina o loo vaaivaai ua faaitiitia puipuiga e tetee atu ai i tulaga laiti ma feoloolo o ma'i COVID-19, aemaise ai lava le toatele e maualuga tulaga lamatia e maua ai.

Afai e le faia so'u tui puipui faaopoopo e uunaina le malosi e faitau pea a'u ua atoatoa ona fai tui puipui?

• Ua atoatoa ona tui puipuia se tagata pe a uma le lua vaiaso talu ona maua uma tui fautuaina i le faagasologa muamua o le faiga o latou tui puipui mo le KOVITI-19.
• O se tagata ua atoa ma fa'afouina ona tui puipui o le COVID-19 o se tasi o i latou ua faia uma tui fautuaina i le ulua'i fa'agasologa o tui puipui ma tui uma o le booster pe afai e agavaa ai.

E faapefea ona ou faailoa ou te agavaa mo se tui faaopoopo?

E mafai ona e ripotia lava e oe e te agavaa mo se tui faaopoopo. E te le mana'omia se faamaoniga o se fautuaga mai se foma'i.

Faamolemole ave lau pepa tuipuipui i lau feiloa'iga mo lou tui faaopoopo e faamaonia ai e le fai tuiga ua mae'a ou tuiga e lua o le faasologa a le Pfizer. Afai e le o iai lau pepa tui, e mafai ona su'e e le fai tuiga ou faamaumauga.

O le a le eseesega o le tui puipui faaopoopo (additional vaccine dose) ma le tui puipui faaopoopo e uunaia le malosi (booster vaccine dose)?

• O le tui faaopoopo e mo i latou ua mae'a ona faia tui puipui e 2- fa'atulagaina o le mRNA i le fa'asologa o tui puipui o le (Pfizer poo le Moderna) ae e le'i loga na malosi le puipuiga.
• O le tui puipui faaopoopo e uunaia le malosi e mo i latou ua fai si umi o le taimi talu ona mae'a o latou tui puipui faatulagaina i le faagasologa o tui puipui ma ua tauau ai na fa'aititia le malosiaga o le puipuiga.

O i latou la ia ua fautuaina e tatau ona toe faia ni a latou tui puipui faaopoopo e uunaia le malosi o le tui puipui o le COVID-19.

	I Latou e Tatau ona Fai Tui Nei	Taimi e Tatau ai ona Fai Tui Nei
Tui Puipui Faaopoopo	Mo i latou o loo vaivai puipuiga o le tino ma ua mae’a ona faia tui puipui e 2 o le mRNA COVID-19 e tatau ona faia se ulua'i tui fa'aopoopo.	Le itiiti ifo ile 28 aso talu ona mae'a lau tui lona lua ole tui mRNA COVID-19 po'o lau tui muamua ole tui ole Johnson & Johnson. O le tui fa'aopoopo pe a uma le tui o le J&J e tatau ona se tui mRNA.
Tui Faopoopo e Uunaia le Malosi	Mo i latou e 18 tausaga ma sili atu sa faia o latou tui puipui i le vailaau o le Johnson & Johnson mo le COVID-19 i le faasologa o tui puipui autu.	Pe à ma le lua masina talu ona maea le faiga o lou tui puipui muamua. Mo tagata mama'i e feololo fa'asolo atu i le matuā aafia gofie, ia lē itiiti ifo i le 2 masina talu ona mae'a lou tui fa'aopoopo (lona 2).
	Mo i latou e 5 tausaga ma sili atu sa faia o latou tui puipui i le vailaau o le Pfizer-BioNTech mo le COVID-19 i le faasologa o tui puipui autu.	Ia sili atu ma le 5 masina talu ona maea le tui lona lua o le tui puipui mRNA. Mo tagata mama'i e feololo fa'asolo atu i le matuā aafia gofie, ia lē itiiti ifo i le 3 masina pe a mae'a lou tui fa'aopoopo (lona 3).
	Mo i latou e 18 tausaga ma sili atu sa faia o latou tui puipui i le vailaau o le Moderna mo le COVID-19 i le faasologa o tui puipui autu.	Ia sili atu ma le 5 masina talu ona maea le tui lona lua o le tui puipui mRNA. Mo tagata mama'i e feololo fa'asolo atu i le matuā aafia gofie, ia lē itiiti ifo i le 3 masina pe a mae'a lou tui fa'aopoopo (lona 3).

O tagata i luga atu o le 50 tausaga, ma nisi tagata e le atoatoa puipuiga, ua ono mafai nei ona maua se tui fa'aopoopo o le mRNA KOVITI-19 pe a mae'a le 4 masina poo le sili atu talu mai le latou tui fa'aopoopo muamua. O le mulimuli ai i gaioiga fa'atonutonu a le Food and drug administration (FDA, Puleaina o Mea'ai ma Vailaau) (Na'o le Igilisi), ua galulue ai le Western States Scientific Safety Review Workgroup (Vaega Galulue o Setete i Sisifo e Toe Iloiloina le Saogalemū) ina ia ōgatusa ma fautuaga faʻafouina mai le Centers for Disease Control (CDC, Nofoaga ‘Autū e Puleaina ma Puipuia Fa’ama’i) ma Puipuia Fa'ama'i i tui vailaau fa'aopoopo (na'o le Igilisi).

O le a le uiga pe a faapea e vaivai puipuiga faalenatura o le tino?

Mo i latou o loo vaivai puipuiga o le tino ma ua mae’a ona faia tui puipui e 2 o le mRNA COVID-19 e tatau ona faia se ulua'i tui fa'aopoopo.

Afai e maua oe nisi o tulaga gasegase nei, e faitauina oe o se tagata e feololo ma agai ona ogaoga le vaivaiga o le puipuiga faalenatura o le tino ma e ono aoga mo oe le faia o se tui puipui faaopoopo mo le COVID-19. E aofia ai tagata o loo:

• Feagai ma togafitiga kanesa mo tuma po o kanesa o le toto
• Mauaina se totoga mai se isi tagata e ala i taotoga faapitoa ma o loo inumia fualaau e taofi ai le malosiaga o le puipuiga faalenatura o le tino
• Mauaina se sela autu mai se isi tagata e ala i taotoga faapitoa i totonu o le 2 tausaga talu ai ma o loo inumia fualaau e taofi ai le malosiaga o le puipuiga faalenatura o le tino
• Feololo ma agai ona ogaoga faaletonuga i le puipuiga faalenatura o le tino (e pei o le faamai DiGeorge, faamai Wiskott-Aldrich)
• Feagai ma aafiaga inifeti o le HIV ua leva pe e lei togafitiina
• Feagai ma togafitiga o loo faaaogaina ai high-dose corticosteroids (fualaau mea tiga malolosi) po o nisi fualaau e ono taofia ai se tali mai le puipuiga faalenatura o le tino.

E ui o vailaau tui lea e iai i le taimi nei e 90% le aoga e fòia ai le tele o ituaiga vairasi, ua atagia mai i iuga o sailiiliga a o i latou efeololo ma agai ona ogaoga le vaivai o le puipuiga faalenatura o le tino e tele ona lē mafai ona fausiaina faalenatura ni puipuiaga malosi mo le tino. O le tui lona tolu e le faitauina o se tui puipui faaopoopo e uunaia le malosi, ae o se tui faaopoopo mo i latou e lei atiinaeina se puipuiga faalenatura talafeagai o le tino ina ua maea le faia o tui e lua.

O a tulaga o ma'i tumau?

O soo se tagata e tusa lava poo le a vaitausaga e maua i tulaga gasegase o loo lisi atu i lalo (Ua na o le Gagana Peretania e maua ai) e ono mafai ona tuga ma ogaoga le tulaga o le gasegase mai le COVID-19. O gasegase tugà ma ogaoga o lona uiga o le tagata e aafia i le COVID-19 e ono:

• Taofia i le falemai
• Manaomia le tausiga tigaina faapitoa
• Manaomia le (ventilator, masini faamanava) e fesoasoani i tau faamanavaina o i latou
• Maliu

O tui puipui o le COVID-19 (tui puipui autu ma tui puipui faaopoopo e uunaia le malosi) ma isi ala fua puipuia faapitoa mo le COVID-19 e taua tele, aemaise mo i latou ua matua le soifua pe e tele foi ni o latou gasegase pe iai ni o latou gasegase tugà ma ogaoga e aofia ai ma i latou o i luga o le lisi lea. O lenei lisi e lè aofia ai ma isi tulaga talafeagai e ono tuua ai oe i se tulaga e maualuga le lamatiaina mai le COVID-19. A faapea e iai se tulaga o loo aafia ai oe e le'o tauaina atu, talanoa i lau tausi soifua maloloina poo sau foma'i i ni auala e mafai ai ona mataituina ma puipuia mai oe mai le COVID-19.

• Kanesa
• Fa'ama'i fatuga'o tumau
• Fa'ama'i o le ate tumau
• Fa'ama'i o le màmà tumau
• (Dementia, Valevalematua) ma isi aafiaga tumau o le faiai
• Ma'i suka (ituaiga 1 & 2)
• Down Syndrome
• Ma'i fatu
• Faama'i o le HIV
• Vaivai le puipuiga faalenatura o le tino (vaivai le puipuiga faalenatura)
• Aafiaga o le mafaufau
• Mamafa ma le tino puta
• Ma'itaga fafine
• Fa'ama'i sela poo le thalassemia
• Ulaula, i le taimi nei poo le taimi ua tuana'i
• Totoga malò poo le taotoga o le fesuiaiga o le sela o le tino
• Stroke poo le cerebrovascular disease, gasegase e aafia ai alatoto o le faiai
• Substance use disorders, Tulaga o le soona faaogaina lè tatau o ni fualaau poo ni vailaau i ona tulaga lè talafeagai
• Fatafata vaivai

E fia tui o le Pfizer-BioNTech po'o le Moderna (mRNA) e mana'omia mo tagata e feololo pe matuā aafia gofie, ma o a latou fa'asologa muamua o tui o le KOVITI-19 o se tui o le mRNA?

• Mo le tui o le KOVITI-19 o le Pfizer-BioNTech, o le tui lona lua mo tagata e feololo pe matuā aafia gofie e tuʻuina iai le 21 aso (3 vaiaso) pe a maeʻa le tui muamua, o le tui lona tolu e tuʻuina iai le pe tusa ma le 28 aso (4 vaiaso) pe a uma le tui lona lua, ma le tui lona fa (tui fa'aopoopo e fa'amalosia ai le tui muamua) lea ua fautuaina nei ina ia faia pe tusa ma le 3 masina pe a uma le tui lona tolu.
• Mo le tui o le KOVITI-19 o le Moderna, o le tui lona lua mo tagata e feololo pe matuā aafia gofie e tuʻuina iai le 28 aso talu ona maeʻa le tui muamua, o le tui lona tolu e tuʻuina iai le tusa ma le 28 aso pe a maeʻa le tui lona lua, ma le tui lona fa (tui fa'aopoopo e fa'amalosia ai le tui muamua) ua fautuaina nei e tu'uina atu iai le lē itiiti ifo i le 3 masina pe a mae'a le tui lona tolu.
• E ono mafai fo'i ona e mauaina se tui fa'aopoopo lona lua o le Pfizer-BioNTech KOVITI-19 pe afai e 12 ou tausaga ma matua atu ma nisi ituaiga o ē vaivai puipuiga (immunocompromise) pe tusa ma le 4 masina talu ona mae'a le tui fa'aopoopo muamua o so'o se tui fa'atagaina poo se tui KOVITI-19 aloa'ia. E ono mafai fo'i ona e maua se tui fa'aopoopo lona lua o le tui Moderna KOVITI-19 pe afai e 18 ou tausaga ma matua atu ma nisi ituaiga o ē vaivai puipuiga (immunocompromised) pe tusa ma le 4 masina talu ona mae'a le tui fa'aopoopo muamua o soo se tui fa'atagaina poo se tui KOVITI-19 aloa'ia.

E fia tui e fautuaina mo tagata e feololo pe matuā aafia gofie ia na mauaina le tui o le J&J/Janssen e fai ma latou tui muamua o le KOVITI-19?

• O le tui fa'aopoopo (lona lua) e tu'uina iai le lē itiiti ifo i le 28 aso (4 vaiaso) pe a mae'a le tui o le J&J/Janssen. O le tui fa'aopoopo e fa'amalosia ai le tui muamua (tui lona tolu) e tu'uina iai le tusa ma le 2 masina pe'a mae'a le tui fa'aopoopo o le mRNA.
• O le tui fa'aopoopo e tatau ona se tui o le mRNA KOVITI-19, ma o le tui o le KOVITI-19 o le mRNA e sili atu mo le tui fa'aopoopo e fa'amalosia ai le tui muamua ona o atugaluga i le fa'atuputeleina o a'afiaga o le thrombosis i le thrombocytopenia syndrome (TTS) pe a fa'aogaina le tui o le J&J/Janssen. O le TTS o se ma'i e seasea tupu ae o se aafiaga ogaoga e mafua ai potopotoi toto (blood clots) po'o ni fa'afitauli i le potopotoi o le toto.
• O tagata matutua sa maua le tui muamua ma le tui fa'aopoopo o le KOVITI-19 o le Johnson & Johnson's Janssen i le tuana'i ai o le 4 masina ua ono mafai nei ona maua se tui lona lua e fa'aaoga ai se tui mRNA KOVITI-19.

O le a le mafuaaga mo le faʻaitiitia ai o le va o tui fa'aopoopo e faʻamalosia ai tui muamua-mai le 5 masina i le 3 masina-mo tagata e feololo pe matuā aafia gofie?

O tagata e feololo pe matuā aafia gofie e ono lē mafai ona atia'e se puipuiga o ō latou tino pe a mae'a se fa'asologa muamua, tusa lava pe fautuaina le fa'aaoga o le fa'asologa muamua o tui puipui mRNA e 3. E ono sili atu fo'i ona fa'aitiitia o latou puipuiga i le aluga o taimi ma e ono mana'omia le vave maua o se tui e fa'amalosia ai o latou tui muamua. O ulua'i fa'amaumauga mai le tele o su'esu'ega laiti e fa'aalia ai, o tagata e feololo po'o tagata e matuā aafia gofie e masani ona fa'atupula'ia le maualuga o le vaega e puipuia le tino (antibody) pe a mae'a le tui fa'aopoopo e fa'amalosia ai le tui muamua lea e tu'uina atu i se vaitaimi pupuu nai lo le 5 masina. E leai se fa'amaoniga o le fa'atupula'ia o popolega mo le saogalemu. I le taimi nei, o loʻo televave le pepesi o le KOVITI-19 i le Iunaite Setete, ma o le latalata ai i tagata mamaʻi e faigata ona 'alofia. O le mea lea, o le tuʻuina atu o se tui fa'aopoopo e faʻamalosia ai tui muamua i se taimi vave uantalafeagai mo'i latou e sili ona lamatia mo faʻalavelave matuiā.

Fa'amata e mana'omia e tagata e feololo pe matuā aafia gofie se tusi mai le foma'i/talavai po'o isi pepa e maua ai nei tui?

Leai, e mafai e tagata ta'ito'atasi ona fa'ailoa mai lava e ia ma faia uma ai tui i so'o se mea o lo'o fa'atinoina ai. O lenei mea o le a fesoasoani lea e fa'amautinoa ai e leai ni pa pupuni mo le maua ai e tagata lautele. Afai ei ai ni fesili a tagata e matuā aafia gofie e uiga i tulaga ma'oti o ō latou soifua malōlōina, e mafai ona latou fa'atalanoaina pe talafeagai le mauaina o se tui fa'aopoopo mo i latou ma latou tausi soifua malōlōina.