WA Porokalame o telefoni atamai e faailoa ai pe ua e feutaga'i ma se tagata ma'i

O le polokalame o le WA Notify (Polokalame Lapata’i i Uosigitone, lea foi e ta'ua o le Polokalame mo Fa'amatalaga o Fe'au Lapata'i i Uosigitone) o se polokalame e leai se totogi ma e mafai ona e tuuina i lau tele-foni feavea'i mo lapata'iga i le ono fesoota'i ai ma se tasi ua aafia i le COVID-19. E matua fa'alilolilo, e le aoina pe fa'asoaina so'o se fa'amatalaga patino ia te oe, ma e le siakiina foi le mea e te fealua'i ai.

E faapefea ona ou maua le WA Notify i la’u telefoni?

Apple logo

I le iPhone, fa'ataga le Fa'amatalaga o Feau Lapata'i i le Settings:

  • Alu i le Settings (Seti)

  • Faasolo i lalo i le Exposure Notifications
  • Oomi le “Turn On Exposure Notifications”
  • Filifili le United States (Iunaite Setete)
  • Filifili Washington (Uosigitone)
Android logo

I le telefoni Android:

E faapefea ona faaaoga?

A e fa'aolaina le WA Notify, e fesuia'i e lau telefoni soo se numera fa'alilolilo ma fa'apolokalameina ma nu-mera i telefoni a tagata o outou felataa'i o loo ola a latou WA Notify. E fa'aaogaina e le system le polokalame o le Malosi’aga Maualalo o le Bluetooth mo le saogalemu o fa'amatalaga fa'alilolilo ina ia fesuia'i ai numera fa'apolokalame e aunoa ma le fa'ailoaina o fa'amatalaga. Afai o le isi tagata e fa'aaogaina le WA Notify sa e latalata iai i se taimi lata mai ua aafia i le COVID-19 ma ua mulimulitai i laasaga mo le logoina o isi fa'alilolilo, o le a e mauaina se lapata'iga. O lenei auala e te mauaina ai le fesoasoani mana'omia mo au togafitiga i se taimi vave ma puipuia ai oe mai le pepesi atu o le COVID-19 i tagata o e latalata iai.

E iai le polokalame faamatematika e faia le su’esue’ga e saili ai se tulaga e ono pesia ai le COVID-19 mai latou sa felatai, ma latou sa tu mamao ona le manaomia ai lea o le feau taulogologo. E faatoa maua le feau taulogologo mai le WA Notify pe a faapea ua e ono pesia. O le lē maua o se lapataiga o se tala fiafia lena.

E fa'aliliuina foi le WA Notify i gagana e sili atu ma le 30.

WA Notify Flow Chart in Samoan - Click to Read as PDF

E faapefea ona puipuia faamatalaga e patino ia te au i luga o nei auaunaga?

O le WA Notify e fuaina i luga o le polokalame fa'atekonolosi o le Google App Polokalame mo Fa’amatalaga o Feau Lapata’i, lea ua fausiaina mo le puipuia o ou fa'amatalaga patino. E galue i tua o polokalame fa'aaoga e aunoa ma se aoina poo le fa'ailoaina o se nofoaga poo fa'amatalaga patino o se tagata. E le mana'omia e le WA Notify le iloa poo ai poo fea e te faigaluega ai ina ia ola lelei ai. E leai se aafiaga o lau maa i le fa'aaogaina o sina vaega laitiiti o lau Bluetooth.

O lou auai e pule lava oe. O tagata uma e mafai ona filifili i le auai ai ma le toe alu ese i soo se taimi. Mo nisi fa'amatalaga e fa'atatau pe fa'apefea ona puipuia fa'amatalaga patino o tagata, taga'i i le Tulafono o fa'amatalaga patino a le WA Notify.

E faapeī ia faaaliga?

E lua ituaiga faaaliga e mafai ona e mauaina. Mo i latou ua faamaonia ua maua i le faamai, latou te maua se feau tusituisia poo se feau taulogologo i luga o latou telefoni. Mo latou e faaaogaina le WA Notify ma ua masalo ua pesia, latou te maua se feau taulogologo i latou telefoni. Mo nisi faamatalaga i nei feau taulogologo ma se vaaiga i se faaata o nei feau taulogologo.

E fa'apefea ona fesoasoani le WA Notify?

O fa'amaumauga mai i su'esu'ega na maua ai o le to'atele o tagata e fa'aaogaina exposure notifications, o le maualuga foi lena o le penefiti. O fa'ata'ita'iga sa fua i itumalo e tolu o le setete o Uosigitone na iloa ai e oo lava i se tama'i numera o tagata e fa'aaogaina le WA Notify e mafai ona fa'aitiitia le pepesi o le fa'ama'i ma le maliu. A faia a tatou tui puipui ma fai talifofoga, e mafai ona tatou sefeina ola. I lo tatou toe foi ai ia tatou galuega masani, e mafai e le WA Notify ona fa'aopoopoina le isi tulaga i luga atu mo puipuiga. O le mea lea e tasi e te faia e puipuia ai oe ma isi ina ia saogalemu.

E fa'apefea ona logoina isi tagata pe a fa'amaonia ua e maua i le COVID-19 mai sa oe lava siaki

O i latou e fa'aaogaina le WA Notify o loo faia lava a latou siaki (lea foi e taua o siaki e faia i le fale) ma iloa ai ua aafia i le COVID-19 e mafai ona talosagaina se numera fa'amaonia ina ia logoina fa'alilolilo ai isi tagata e fa'aaogaina le WA Notify pe latou te le o a'afia i le COVID-19.

Apple logo

I le iPhone:

  • Alu i le Settings (Polokalame faatonutonu o le telefoni) ma tatala le Exposure Notifications (Faaaliga mo le Faalauiloa).
  • Filifili le “Share a COVID-19 Diagnosis” (Faasoa atu faaiuga o suesuega mo le KOVITI-19).
  • Filifili le “Continue” (Fa'aauau).
  • Afai ete vaai i se vaega filifilia e tuuina ai se numera fa'apolokalame, filifili le "Didn't get a code? Visit WA State Dept. of Health Website (E te le'i mauaina se numera fa'apolokalame? Asiasi i le 'upega tafailagi a le Vaega o Soifua Maloloina o le Setete o Uosigitone)”. Afai e te le'i vaai i se vaega filifilia e tuuina iai lau numera fa'apolokalame, alu i le isi laasaga.
  • Ta i totonu le numera o le telefoni e faaaoga ail au WA Notify ma le aso sa faamaonia ai lau suesuega mo le COVID-19.
  • Filifili le “Continue” (Faaauau).
Android logo

I le Telefoni Android:

  • Tatala le WA Notify ma filifili le “Share your test result to help stop the spread of COVID-19” (Faasoa atu iuga o au suesuega ina ia taofi le pepesi o le KOVITI-19).
  • Filifili le “Continue” (Faaauau) ona filifili ai loa le “I need a code” (Ou te manaomia se faailoga faamaonia).
  • Ta i totonu le numera o le telefoni e faaaoga ail au WA Notify ma le aso sa faamaonia ai lau suesuega mo le COVID-19.
  • Filifili le “Send Code” (Lafo mai le numera faalilolilo).

Mo telefoni Android poo le iPhone, scan le QR code pe talosaga se numera fa'apolokalame fa'amaoniaina pe afai o e fa'aaogaina se telefoni feavea'i.

Image
For Android or iPhone, scan the QR code to notify others if you test positive for COVID-19 with a self-test

O le a e mauaina se fa'amatalaga fa'alauiloa i luga o lau telefoni ma se feau tusitusia o loo i ai lau sootaga fa'amaonia i le 'upega tafa'ilagi. Pau le mea e mana'omia e te faia o le oomiina o le fa'amatalaga fa'alauiloa pe oomi le sootaga i le 'upega tafa'ilagi o loo i le feau tusitusia ma e mulimuli i laasaga i le WA Notify ina ia fa'ailoa atu i isi tagata e fa’aaogaina lenei polokalame ua ono pesia i latou i le fa'ama'i.

Afai e le mafai ona e talosagaina se faailoga faamaonia i totonu o le WA Notify, e tatau ona e vili i le numera telefoni faapitoa a le setete mo le COVID-19, 1-800-525-0127, ma oomi le #, ma faailoa atu ai i le aufaigaluega o loo e faaaogaina le WA Notify. E mafai ona tuuina atu e le aufaigaluega a le laina le fesootaiga faatekonolosi o faamaoniga e mafai ai ona e faaaoga e lapatai ai i isi tagata o faaaogaina le WA Notify ua ono pesia latou i le faamai.

Fa'apefea ona lipoti le i'uga fa'amaonia o lau siaki o le COVID-19 sa faia lava e oe?

O i latou o loo faia lava a latou siaki (lea foi e ta'ua o siaki e faia i le fale) ma iloa ai ua aafia i le COVID-19 e mafai ona latou lipotia a latou i'uga fa'amaonia i le Department of Health (DOH, Vaega o Soifua Maloloina), i fafo atu o pepa talosaga o le WA Notify. Mo ta'iala i le taimi nei e fa'atatau pe fa'apefea ona lipotia se i'uga fa'amaonia o se siaki, taga'i i le Itulau o le DOH mo Siaki o le COVID-19.

O loo maua foi mea e fai ai siaki ave fua mai le Say Yes! COVID Test (Tali Ioe! Siaki o le COVID-19).

O ta'iala fa'aopoopo e mafai ona maua i puna'oa O le a le mea e fai pe a fa'amaonia lau siaki o le COVID-19 o fa'amatalaga a le DOH.

Mo le silafia fa'amolemole: O le WA Notify o se polokalame mo fa'amatalaga o feau lapata'i. E le’i fausiaina ina ia lipoti ai i'uga o siaki a tagata i le DOH. O le lipotia o i'uga i le DOH e i fafo atu o le system o pepa talosaga o le WA Notify.

Aisea tatou te mana'omia ai le tulituliloaina o tagata masalomia ua aafia ma le WA Notify?

O le tulituliloaina o tagata masalomia ua aafia o se auala aoga lelei fa'ale-soifua maloloina mo le tele o tausaga. E lagolagoina fa'alilolilo e le WA Notify lenei auala. O le fa'ata'ita'iga lenei: A fa'amaonia i'uga o lau siaki mo le COVID-19, e ono fesoota'i atu le aufaigaluega o le soifua maloloina lautele ma fesiligia oe e fa'ailoa tagata sa e latalata iai i se taimi lata mai. E le mafai ona e iloa le igoa o se tagata ese sa e nofo latalata ai i luga o se pasi. Afai o oulua uma e fa'aaogaina le WA Notify, e mafai ona lapata'iina fa'alilolilo le tagata ese mai le pasi i le ono aafia ai ma fa'atino ai laasaga e puipuia ai le pepesi o le COVID-19 i a latou uo ma aiga. E pei lava o tui puipui ma le faia o se talifofoga, e fesoasoani ia vaega ta'itasi i le taofia ai o le pepesi o le COVID-19, a tuufa'atasi e sili ona puipuiga lelei.

Fa'amata e mana'omia le fa'aauauina ai pea o lo'u fa'aaogaina o le WA Notify pe tapē loa i le taimi nei?

O loo matou fa'amalosi'au i tagata uma e fa'aauauina pea le fa'aaogaina o le WA Notify ma fa'aola pea ia latou telefoni ae aua le tapēina. I le fa'aitiitia ai o tulafono fa'amalosia ma le toe fa'aauauina o gaioiga masani, e faigofie tele ona avea le WA Notify ma tulaga fa'aopoopo o puipuiga mo oe.

Fa'amata oute mana'omia le WA Notify pe afai ua atoa uma o'u tui puipui?

Ioe! O le a tumau pea le feagai ai o le setete o Uosigitone ma le COVID-19 mo se taimi umi. O loo tatou a'oa'oina pea le tele o mea e fa'atatau i le vairasi, e pei o le umi o le aoga o tui puipui ma le puipuia lelei ai o tatou mai i siama fou eseese o le COVID-19. E tusa lava pe laititi le aafiaga i tagata ua faia tui puipui, ua tatou iloa, o i latou ua atoatoa uma tui puipui e mafai lava ona maua ma feavea'ia le COVID-19. Ua tatou iloa foi o loo iai tagata e le'i faia lava tui puipui. O nei mafuaaga uma, matou te fa'amalosia'au atu ai tagatanuu uma o Uosigitone ina ia fa'aola le WA Notify ia latou telefoni- ina ia fesoasoani e taofia le pepesi o le COVID-19.

E te fia fesoasoani e faasalalau tala e uiga i le WA Notify (Faaaliga WA)?

Siaki la matou Ta'iala fesoasoani i le WA Notify mo feau tusitusia i 'upega tafa'ilagi fa'a-agafesoota'i, o pepa ata o fa'alauiloa, leitilo fa'ata'ita'i ma fa'asalalauga i le TV, ma le tele o isi mea. Fa'ailoa foi i au uo ma aiga. O le tele o tagata e fa'aaogaina le WA Notify, o le lelei foi lena i le fesoasoani ai e puipuia oe ma ou tagatanuu.

Fesili Masani

E fa'apefea ona ou maua le aso sa ou ono pesia ai i le fa'ama'i i luga o le WA Notify?

I luga o se iPhone:

  1. Alu i le Settings (Polokalame fa'atonutonu o le telefoni)
  2. Filifili le Exposure Notifications (Fa'amatalaga o Feau Lapata'i) pe ta le upu Exposure Notifications (Fa'amatalaga o Feau Lapata'i) i luga o le Avanoa e Su’e ai polokalame i le telefoni
  3. O le a fa'aalia le aso sa e ono pesia ai i le faama’i i lalo o le fuaitau “You may have been exposed to COVID-19 (E ono e pesia ona o sau fesoota'iga ma se tasi ua aafia i le COVID-19)”

I le telefoni Android:

  1. Tatala le polokalame WA Notify
  2. Filifili le See Details (Silasila i Fa'amatalaga Auiliili) i lalo o le fuaitau “Possible exposure reported (Lipoti o le ono pesia ai i le fa'ama'i)”
  3. O le a fa'aalia le aso sa e ono pesia ai i le fa'ama'i i lalo o le fuaitau “Possible Exposure Date (Aso sa Ono pesia ai i le Fa'ama'i)”
Sa ou mauaina se feau taulogologo ma/poo se feau tusitusia i lau telefoni mai le Washington State Department of Health (DOH, Matagaluega o Soifua Maloloina o le Setete o Uosigitone). Aisea?

O le DOH na te lafoina feau tusitusia ma/poo feau taulogologo i telefoni o latou sa faamaonia ua maua i le faamai COVID-19 ina ia faaaogaina le WA Notify e vave logo atu i isi tagata e faaaogaina lenei polokalame i le ono pesia i le faamai. Mo nisi faamatalaga i nei feau taulogologo ma se vaaiga i se faaata o nei feau taulogologo.

Afai sa e maua se feau tusitusia ma se fa'amatalaga fa'alauiloa, pau le mea e mana'omia e te faia o le oomiina o le fa'amatalaga fa'alauiloa pe oomi le sootaga i le 'upega tafa'ilagi o loo i le feau tusitusia ma e mulimuli i laasaga i le WA Notify ina ia logoina fa'alilolilo isi tagata i le ono pesia ai i le fa'ama'i.

Ua ou maua se faaaliga e uiga i le fai faaopoopoina atu faamatalaga sa mauaina o sou faamatalaga e uiga i loue WA Notify ma faamaumauga mo galuega o le soifua maloloinai faamaumauga tau soifua maloloina a tagata lautele. Aisea?

E fia iloa e le DOH poo le a le lelei o le WA Notify ina ia mafai ona matou faia vaega fa'alelei e mana'omia mo lenei polokalame. Afai e te malie e fa'asoa mai fa'amatalaga o lau WA Notify, e tumau pea le malupuipuia o ou fa'amatalaga patino. E leai se fa'amatalaga patino ia te oe e aoina pe fa'asoa ma e matua leai se mea e ono fa'ailoa ai oe. Na'o le DOH e mafai ona iloa ia fa'amatalaga ma na'o le tulaga i luga i le setete.

Afai e malilie i latou e faaaogaina le WA Notify e faasoa o latou faamaumauga, o a faamatalaga e tuuina atu?

Afai e te malie e fa'asoa mai fa'amatalaga o lau WA Notify, e tumau pea le malupuipuia o ou fa'amatalaga patino. E leai se fa'amatalaga patino ia te oe e aoina pe fa'asoa ma e matua leai se mea e ono fa'ailoa ai oe. Na'o le DOH e mafai ona iloa ia fa'amatalaga i luga o tulaga i le setete:

  • Aofaiga o tagata ua malilie e faasoa a latou faamatalaga mai le WA Notify. O nei tulaga e fesoasoani ia matou iloa fuafua le tele o le vaega e matou te vaeeseina mo faamatalaga tau faaata.
  • Aofaiga o Exposure Notifications sa maua e tagata e faaaogaina le WA Notify. O nei tulaga e fesoasoani ia matou iloa le pepesi o le COVID-19.
  • Aofaiga o tagata na oomi le feau taulogologo. O nei tulaga e fesoasoani ia matou iloa ai i le manao o tagata e mulimuli i fautuaga mo le soifua maloloina o tagata lautele.
  • Aofaiga o tagata na latalata i se isi ua faamaonia o latou suega COVID-19, ae le’i lalata tele pe umi se taimi sa latou faatasi e ono lafo atu ai se feau taulogologo o le ono pesia. O nei tulaga e fesoasoani ia matou fuafuaina pe tatau ona toe fetuuna’i le alafua e faaaogaina e le WA Notify.
A oo ina faaola le WA Notify i la’u iPhone, e tatau ona ou faatulagaina le ki mo le "Availability Alerts (Mauaina o Taulogologo)” i le ‘on’ poo le ‘off’?

E le afaina pe a tapē. E ui lava ina fautuaina le fa'aola pea pe a e malaga i fafo atu o le setete o Uosigitone mo se taimi umi. A fa'aola le Availability Alert (Fa'amatalaga Fa'alauiloa o Polokalame), e mafai ona e mauaina se fa'amatalaga fa'alauiloa pe a e malaga i se isi nofoaga e maua ai polokalame WA Notify mo fa'amatalaga o feau lapata'i. Afai e iai sau iPhone, e mafai ona e fa'aopoopoina le tele o itulagi ae na'o le tasi le itulagi e mafai ona ola i le taimi. E le mana'omia lou aveeseina o se itulagi ina ia fa'aolaina ai se itulagi fou. Afai e iai sau telefoni Android, e mafai ona e tuuina polokalame mo fa'amatalaga o feau lapata'i e pei o le WA Notify mai le tele o setete, peita'i e tasi lava le polokalame e iai vaega fa'atekonolosi talafeagai ma le WA Notify e mafai ona ola i le taimi e tasi.

E tatau ona ou faaolaina lenei polokalame ina ia ola lou WA Notify?

Ioe. O le fa'aaogaina o le WA Notify e leai se totogi ma e pule lava oe. E mafai ona aveese le WA Notify mai lau telefoni i soo se taimi. Mo le aveeseina, tapē le polokalame i luga o le iPhone pe aveese mai i se telefoni Android. O le taimi lava e aveese ai, o numera eseese uma fa'apolokalame mai isi telefoni e fa'aoaogaina le polokalame sa teu i lau telefoni o le a tapēina uma ma le toe maua.

E sa’o o le WA Notify o se polokalame mo le contact tracing?

Leai. E le tulituliloaina e le WA Notify pe sa'iliina fa'amatalaga e fa'atatau i tagata sa e latalata iai, o lona uiga e le faia e le polokalame le "tulituliloaina o tagata masalomia ua aafia”. O le tulituliloaina o tagata masalomia a aafia e fa'ailoa ai pe fa'aali ai soo se tasi sa maua i le COVID-19. E le aoina pe fa'afesuia'i e le polokalame ni fa'amatalaga patino, o lea e le mafai ai e se tasi ona iloa po'o ai na e latalata iai.

O le a le “ono pesia”?

O le latalata iai e tupu pe a fa'apea sa lua vavalalata ma se isi tagata e fa'aogaina le WA Notify, mulimuli ane aafia i le COVID-19. E mulimulita'i i ta'iala mai le Centers for Disease Control and Prevention (CDC, Nofoaga 'Autū o le Puleaina ma Puipuiga o Fa'ama'i) (na'o le Igilisi) lata mai e fa'atatau i le mamao fa'aletino ma le feavea'iina o le COVID-19. Mo le fa'ailoaina o sē na e latalata iai, e fa'aaoga e le WA Notify se fa'asologa o auala fa'amatematika e laina tutusa ma le fa'auigana a le CDC o se feso'ota'iga vavalalata - i totonu pe a ma le 6 futu mo le tusa ai ma le 15 minute tuufa'atasi pe sili atu i totonu o le piliota 24-itula a'o pepesi ai. O lenei fa'asologa o auala fa'amatematika e mafai ona fetuuna'i e le aufaigaluega a le vaega o le soifua maloloina lautele.

O le a se mea e tupu pe a ta’u mai e le WA Notify ua ono pesia a’u?

Afai e faailoa atu e le WA Notify ua ono pesia oe, e lafo atu i lau telefoni se feau taulogologo e iai le fesootaiga faaneionapo e auina atu oe i se upega tafailagi mo faamatalaga i lau gaoioiga e sosoo ai E aofia ai le taimi ma le nofoaga e fai ai sau suega, o faamatalaga e uiga puipuia ai o nisi tou te felata’i, faatasi ma punaoa e tali ai au fesili. E taua le faitau lelei ma mulimuli i faatonuga oloo maua i nei upega tafailagi.

E iloa e nisi pe afai e faamaonia lou suega COVID-19?

Leai. O soo se fa'amatalaga patino ia te oe e le fa'ailoaina e le WA Notify i soo se isi. A maua e se tasi se faʻamatalaga fa'alauiloa e fa'atatau i le latalata ai i se tagata aafia, pau le mea latou te iloa o se tasi na latou latalata talu ai nei ua faʻamaonia ua maua i le COVID-19. Latou te le iloa poo ai le tagata poo fea na tupu ai

E iai se tupe totogi mo le WA Notify?

Leai. E maua fua le WA Notify.

E faapefea ona fesoasoani le WA Notify i le setete o Uosigitone?

O se su'esu'ega a le University of Washinton(na'o le Igilisi) na maua ai o le to'atele o tagata e fa'aaogaina le exposure notifications, o le maualuga foi lena o le penefiti. O i'uga na fa'aalia ai pe tusa ma le 40 i le 115 soifua sa fa'asaoina e le WA Notify ma e foliga mai e mafai ona puipuia le tusa ma le 5,500 tagata aafia i le COVID-19 i totonu o le fa masina muamua sa fa'aaogaina. O fa'ata'ita'iga na iloa ai e oo lava i se tama'i numera o tagata e fa'aaogaina le WA Notify e mafai lava ona fa'aitiitia ai tagata aafia i le fa'ama'i o le COVID-19 ma tagata maliliu, e fa'ailoa ai o le WA Notify o se polokalame lelei tele mo le puipuia o le pepesi atu o le COVID-19.

E aoga le WA Notify pe afai ou te malaga ese ma le setete?

Ioe. Afai e te malaga i se setete ma se polokalame o loʻo faʻaogaina le Google/Apple, e faʻaauau pea ona fesuiaʻi e lau telefoni numera eseese fa'apolokalameina ma tagata faʻaogaina le polokalame i lena setete. E le mana'omia le suia o se mea i luga o le polokalame fa'atonutonu o lau telefoni feavea'i. Afai e te alu ese ma Uosigitone mo se taimi umi atu, e tatau ona e toe iloiloina vaega e filifili ai i lau setete fou ina ia e maua le lagolago ma lapata'iga mai le lotoifale.

O le a le umi e faatali ona logo atu lea o le WA Notify isi tagata?

O tagata sa ono pesia i le COVID-19 mai se isi tagata o iai le polokalame e maua o latou feau taulogologo i totonu o le 24 itula mai le taimi ua maea ona faatino e le tagata sa maua i le COVID laasaga uma i totonu o le WA Notify mo le faailoaina faalilolilo o isi tagata e faaaogaina le WA Notify.

E mafai ona maua ni lapata’iga se tele mai le WA Notify?

O tagata fa'aaogaina le polokalame o le a latou mauaina se fa'amatalaga fa'alauiloa ma se feau tusitusia. O i latou ua masalomia le latalata i tagata aafia i le tele o taimi o le a logoina i taimi uma e latalata ai.

E faapefea ona ou faailoa i le WA Notify ua maua a’u i se suega COVID?

Afai ua fa'amaonia lau siaki ma ua fa'afesoota'i atu oe e se tasi mai le DOH poo le vaegs o le soifua maloloina lautele i lou lotoifale, o le a latou fesili atu poo e fa’aaogaina le WA Notify. Afai o e fa'aaogaina, o le a latou lafoina atu se sootaga fa'amaonia i le 'upega tafa'ilagi poo se fa'amatalaga fa'alauiloa ma fesoasoani ia te oe e mulimuli i laasaga e tuuina i totonu o le WA Notify. O le sootaga i le 'upega tafa'ilagi poo fa'amatalaga fa'alauiloa e leai se sootaga i fa'amatalaga patino ia te oe. E lafoina e le DOH se feau tusitusia poo se fa'amatalaga fa'alauiloa i le telefoni sa fa'aaogaina e tagata na aafia i le COVID-19 talu ai nei.

E leai se auala e mafai ai e le DOH ona iloa poo ai o le a mauaina fa'amatalaga o feau lapata'i mai le WA Notify i le ono pesia ai i le fa'ama'i pe a e mulimuli i laasaga. O fa'amatalaga o feau lapata'i e le aofia ai se faamatalaga e uiga ia te oe. O le toatele o tagata e fa'amaonia fa'alilolilo a latou siaki i le WA Notify, o le a lelei atili ai foi lo tatou taofia o le pepesi o le COVID-19.

Afai ua fa'amaonia lau siaki ma e mana'omiaina pea le fa'amaonia fa'alilolilo o le i'uga o lau siaki i le WA Notify, tagai i le vaega i luga o lenei itulau “Fa'apefea ona logoina isi tagata pe afai ua fa'amaonia lau siaki o le COVID-19 sa faia lava e oe” mo laasaga e talosagaina ai se numera fa'apolokalame fa'amaonia e logoina fa'alilolilo ai isi tagata o le WA Notify i le ono aafia ai i se tagata sa latalata iai.

E iai se isi mea e tatau ona ou faia pe a uma ona tuu i la’u telefoni le WA Notify?

E faatoa manaomia isi gaioiga faaopoopo pe a:

  1. Faamaonia lau suesuega mo le KOVITI-19, poo le
  2. E mauaina se faaaliga e masalo ua e pesia i le faamai.

Afai ua fa'amaonia lau siaki, ma ua fa'afesoota'i atu oe e se tasi mai le DOH poo le vaega o le soifua maloloina lautele i lou lotoifale, o le a latou fesili atu poo e fa’aaogaina le WA Notify. Afai o e fa'aaogaina, o le a latou lafoina atu se sootaga fa'amaonia i le 'upega tafa'ilagi poo se fa'amatalaga fa'alauiloa ma fesoasoani ia te oe e mulimuli i laasaga e tuuina i totonu o le WA Notify. O le sootaga i le 'upega tafa'ilagi poo fa'amatalaga fa'alauiloa e leai se sootaga i fa'amatalaga patino ia te oe. E leai se auala e mafai ai e le DOH ona iloa poo ai o le a mauaina fa'amatalaga o feau lapata'i mai le WA Notify i le ono pesia ai i le fa'ama'i pe a e mulimuli i laasaga. O fa'amatalaga o feau lapata'i e le aofia ai se faamatalaga e uiga ia te oe. O le toatele o tagata e fa'amaonia fa'alilolilo a latou siaki i le WA Notify, o le a lelei atili ai foi lo tatou taofia o le pepesi o le COVID-19.

Afai ua fa'amaonia lau siaki ma e mana'omiaina se numera fa'apolokalame fa'amaoniaina, tagai i le vaega i luga o lenei itulau “Fa'apefea ona logoina isi tagata pe afai ua fa'amaonia lau siaki o le COVID-19 sa faia lava e oe” mo laasaga e talosagaina ai se numera fa'apolokalame fa'amaoniaina e logoina fa'alilolilo ai isi tagata o le WA Notify i le ono aafia ai i se tagata sa latalata iai.

E uma la’u maa pe tele se data e faaalu i le faaaogaina o le WA Notify?

Leai. Ua fausia ia laitiiti le aafia ai o lau data ma le maa i le tekonolosi Bluetooth Low Energy.

Aisea e foliga ai o loo fa'aaoga e le WA Notify le tele o le malosi o le maa?

O le mea moni, ailoga e sa'o. O le fa'aaogaina o le maa o lau masini e fa'ailoa mai ai le pasene o le maa e fa'aaogaina i aso ta'itasi e aofia ai polokalame e pei o le WA Notify. O le tele o polokalame ma meafaigaluega e le ola i le po atoa. O le WA Notify e leai foi, ae na te siakiina soo se numera fa'apolokalameina i nai itula uma mo fa'amatalaga fetaui i se tagata ua aafia ina ia mafai ona logoina oe i le ono pesia ai i le fa'ama'i. Mo se fa'ata'ita'iga, afai e leai nisi polokalame o ola a'o e moe, o le a fa'ailoa mai e le WA Notify se pasene maualuga o le maa fa'aaoga i lena taimi. E le'o le uiga o lena mea ua tele le fa'aaoga a le WA Notify i le maa - ua na'o se pasene maualuga o le vaega itiiti o le aofa'i o le maa sa fa'aaoga.

E tatau ona faaola pea le Bluetooth ina ia ola ai le WA Notify?

Ioe. E faaaoga e le WA Notify le Bluetooth Low Energy, e tatau ona ola pea le Bluetooth e pu’e ai tagata faaaoga e lata ane.

E tatau ona tatala e le WA Notify la’u telefoni e mafai ai ona faaaoga?

Leai. E gaoioi pea le WA Notify e tusa pe leo matala.

E mafai ona maua i telefoni tuai le WA Notify?

E mafai i le iPhone ona faaaoga le WA Notify pe afai o lau porokalama o le:

  • iOS ituaiga 13.7 poo se isi (mo iPhone 6s, 6s Plus, SE pe fou foi)
  • iOS ituaiga 12.5 (mo iPhone 6, 6 plus, 5s)

E mafai e tagata i le Android ona faaaoga le WA Notify pe afai e lagolago e lau smartphone Android le Bluetooth Low Energy ma le Android Version 6 (API 23) poo luga a’e.

E tatau ona atoa le 18 o o’u tausaga e faaaoga ai le WA Notify?

Leai. E le iloa ma e le siakiina lou matua i le WA Notify.

E ola le polokalame lea pe afai ou te faasoa se telefoni ma se isi?

E le iloa e le WA Notify poo ai o faaaogaina se telefoni i le taimi e ono pesia ai. Afai e te faasoaina se telefoni, e tatau i tagata uma e faaaogaina le telefoni ona usita’ia faatonuga a le soifua maloloina pe afai ua iloa mai le WA Notify se ono pesia i le COVID-19.

Sa ou mauaina se fa'amatalaga fa'alauiloa poo se feau tusitusia, ae o le tagata na siakiina o se tagata o lo'u aiga poo se isi o le aiga. O le a sa’u mea e fai?

O le tagata e fa'aaogaina le WA Notify sa fa'amaonia lana siaki e tatau ona mulimulita'i i laasaga mo le fa'ailoa fa'alilolilo atu i isi ua masalomia lo latou ono pesia, ona o lea, e le tatau ona e faitau i feau tusitusia poo fa'amatalaga fa'alauiloa e le'o fa'atatau ia te oe.

Afai o se tasi o lou aiga poo se tasi o lou fale e fa'aaogaina le WA Notify, ua fa'amaonia lana siaki, ma mana'omia pea ona fa'amaonia i'uga o su'esu'ega i le WA Notify, e mafai ona latou mulimuli i laasaga i le “Fa'apefea ona logoina isi tagata pe afai ua fa'amaonia lau siaki o le COVID-19 sa faia lava e oe” vaega o lenei itulau.

E ola le WA Notify i masini e pei o le iPad poo uati popoto (smart watches)?

Leai. Sa faia fa'apitoa le system o le Fa'amatalaga o Feau Lapata'i mo smartphone ma e le ola i iPad poo tablet.

O le a se faiga a le setete o Uosigitone e maua ai lea tekinolosi e tagata e leai ni o latou smart phones?

E le na’o le WA Notify le mea faigaluega fesoasoani i le puipuiga mai le pepesi o le COVID-19. O le tulituliloa o fesoota’iga ma isi taumafaiga ua manuia ai tagata taitoatasi o Uosigitone, e ui ina leai ni a latou smartphone. O le fai o le tui puipui o le auala pito sili lea e taofia ai le pepesi o le COVID-19, o le faaaogaina o ufi fofoga, faavalavala ma isi, ma le faatoaitiiti o faatasiga o nisi o auala e mafai ona taofia ai e tagata uma le pepesi o le COVID-19.

O le polokalame o le Malo e faaigoaina o le Lifeline program (le fesoasoani a le Malo mo le totogiina o lau pili telefoni) poo le fesoasoani mai le Malo mo le totogiina o lau pili telefoni e maua ai i masina taitasi se fesoasoani i le totogiina o le pili lau telefoni mo e agavaa mo lenei fesoasoani. E iai foi isi kamupani e latou te foaiina mai se telefoni feaveai o le smart phone. Mo se faamalamalamaaga atili i lenei polokalame, latou e agavaa, pe faapefea ona apalai ma kamupani o loo galue iai (e nao le Gagana Faaperetania e maua ai).

Ua faasalalau atu e Uosigitone le WA Notify i gagana e 30, aisea la ua na’o le Faaigilisi ma le Faasipaniolo ou te vaaia i le Google Play?

E ola le WA Notify i le gagana o loo setiina ai le telefoni. E na'o le tasi le lomiga o le WA Notify, ae o soo se fa'amatalaga e oso ane i luga - o se feau lapata'i, mo le fa'ata'ita'iga - o le a fa'ailo ane i le gagana setiina a lē e ona le telefoni mo gagana e sili atu ma le 30.

O le a le umi o le taimi e mafai ona ou kiliki ai le faaliga mo le verification link mo upega tafailagi?

E 24 itula e tuuina atu mai le taimi e te maua ai le fa'amatalaga fa'alauiloa poo le feau tusitusia e mulimulita'ia ai laasaga mo le logoina o isi i le WA Notify. Afai e le'o mafai ona e oomiina le itulau o fa'amatalaga fa'alauiloa pe kiliki i le sootaga fa'amaonia i le 'upega tafa'ilagi i lena taimi, e mafai ona e talosagaina se numera fa'apolokalame fa'amaoniaina i le WA Notify e ala i le mulimuli i laasaga o loo i le “Pe fa'apefea ona logoina isi tagata pe a fa'amaonia ua e maua i le COVID-19 ina ua uma lau siaki i le fale” i luga o le itulau. E mafai foi ona e talosagaina se sootaga fa'amaonia i le 'upega tafa'ilagi pea fa'afesoota'i atu oe e se tasi mai le DOH poo le vaega o le soifua maloloina lautele i lou lotoifale e uiga i i'uga o au siaki o le COVID-19.

Aisea ua filifilia ai e Uosigitone lea polokalame?

Na fausia e Uosigitone se vaega e vaavaaia le setete, e aofia ai tagata tomai fa'apitoa i le puipuiga ma le sao-lotoga o tagata lautele ma sui o le tele o nuu, e toe iloilo le Google/Apple. Na fautuaina e le vaega le fa'aaogaina e fua i luga o le tulaga faʻamaonia o le fa'atuatuaina o le polokalame, puipuiga malosi o faʻamaumauga ma le faʻaaogaina e isi setete.