Go'doominta iyo Karantiilka loogu talagalay COVID-19 :: Waaxda Caafimaadka ee Gobolka Washington (kaliya ah Ingiriis)
Fadlan hoos ka fiiiri sida loo xisaabiyo muddada isgo'doomintaada ama karantiilkaaga. Wixii macluumaad dheeraad ah oo ku saabsan waxa la sameeyo inta lagu guda jiro isgo'doominta, fadlan ka eeg Waxa aad sameyneyso haddii lagaa helo cudurka COVID-19 (PDF). Wixii macluumaad dheeraad ah ee ku saabsan waxaa la sameeyo haddii aad ka ag dhawaato qof qaba COVID-19, fadlan eeg Waxa la sameeyo haddii aad si suurtagal ah ugu bayla noqotay qof qaba COVID-19 (PDF).
Haddii aad tahay qof difaaca jirkiisa uu aad u liita ama uu si xun ula xanuunsaday COVID-19, xisaabiyeyaashan/kalkulaytaradaan waxay u badan yihiin in aysan khusayn xaaladaada. Fadlan ka eeg Waxa la sameeyo haddii lagaa helo cudurka COVID-19 (PDF) si aad u hesho wixii macluumaad dheerad ah.
Haddii aad joogto ama aad ka shaqaynayso goob khatarteeda aad uu sarrayso xisaabiyayaashan/kalkulaytaradaan looma adeegsan karo xaaladaada. Goobaha khatarta sare leh waxaa ka mid ah: xarumaha daryeelka caafimaadka, xarumaha dhaqancelinta, xarumaha xabsiga, gabaadyada hoylaawayaasha, gur-siinta ku meel gaarka ah, goobaha ganacsiga ee badda (tusaale, markabka ganacsiga, markabka xamuulka, markabka dalxiiska), guri-siinta shaqaalaha ku meel gaarka ah, ama goobaha shaqada ee dadka badan leh halkaas oo aysan suurtagal ahayn kala fogaanshaha jireed sabab la xiriirta nooca shaqada (tusaale ahaan, bakhaarrada, warshadaha, baakadeynta cuntada iyo warshadaha habeynta hilibka). Fadlan eeg Waxa la sameeyo haddii lagaa helo cudurka COVID-19 (PDF) si aad u hesho wixii macluumaad ah ee ku saabsan muddada isgo'doomintaada iyo Waxa la sameeyo haddii aad si suurtagal ah ugu bayla noqotay qof qaba COVID-19 (PDF) si aad u hesho wixii macluumaad ee ku saabsan muddada karantiilka.