Kutengwa na Karantini ya COVID-19: Idara ya Afya katika Jimbo la Washington (Kiingereza pekee)
Tafadhali tazama yanayofuata kuhusu jinsi ya kupiga hesabu ya kipindi chako cha kujitenga au karantini. Kwa maelezo zaidi kuhusu jambo la kufanya wakati wa kujitenga, tazama Jambo la kufanya iwapo utapatikana na maambukizo ya COVID-19 (PDF). Kwa maelezo zaidi kuhusu jambo la kufanya iwapo wewe ni mwasiliani wa karibu wa mtu aliyeambukizwa COVID-19, tafadhali tazama Jambo la kufanya ikiwa huenda ulikuwa na mfiduo na mtu aliye na COVID-19 (PDF).
Iwapo una kingamwiili dhaifu au ulikuwa umeugua COVID-19 sana, hesabu hizi huenda hazitumiki katika hali yako. Tafadhali tazama Jambo la kufanya iwapo utapatikana na maambukizo ya COVID-19 (PDF) kwa maelezo zaidi.
Iwapo unaishi au kufanya kazi katika mazingira yenye hatari ya juu hesabu hizi huenda hazitumiki katika hali yako. Mazingira yenye hatari ya juu yanajumuisha: vituo vya afya, vituo vya marekebisho, vituo vya wafungwa, makao ya wasio na numba, nyumba ya mpito, mazingira ya kibiashara ya bandarini (mfano, chombo cha kibiashara cha samaki, meli ya mzigo, meli ya usafiri), nyumba ya muda ya mfanyakazi, au vituo vya kazi vyenye umati mkubwa ambapo kukaa mbali na wengine hakuwezekani kwa sababu ya hali ya kazi (k.m, katika maghala, viwanda, na vituo vya uwekaji chakula kwenye mikebe na usindikaji wa nyama). Tafadhali tazama Jambo la kufanya iwapo utapatikana na maambukizo ya COVID-19 (PDF) kwa maelezo zaidi kuhusu kipindi chako cha kujitenga na Jambo la kufanya ikiwa huenda ulikuwa na mfiduo na mtu aliye na COVID-19 (PDF) kwa maelezo zaidi kuhusu kipindi cha karantini.