Programu ya simu mahiri ya arifa za kuwa katika hatari ya WA Notify

WA Notify (Arifa ya WA) (inayojulikana pia kama Washington Exposure Notifications (Taarifa za Mfiduo wa Washington) ni zana ya bila malipo inayofanya kazi kwenye simu mahiri kuwaarifu watumiaji iwapo huenda waliambukizwa COVID-19 bila kushiriki maelezo yoyote ya kibinafsi. Ni ya kibinafsi kabisa na haijui wewe ni nani au haifuatilii pahali unapoenda.

Ninaweza kuongeza vipi WA Notify kwenye simu yangu?

Image
Apple logo

Kwenye iPhone, wezesha Exposure Notifications katika Mipangilio:

  • Nenda kwenye Mipangilio (Settings)
  • Telezesha chini hadi kwa Exposure Notifications
  • Bofya "Washa Exposure Notifications”
  • Teua United States (Marekani)
  • Teua Washington
Image
Android logo

Kwenye Android phone:

Kwenye Android au iPhone, tambaza msimbo wa QR:

WA Notify QR code

Inafanya kazi vipi?

Unapoamilisha WA Notify, simu yako hubadilisha misimbo nasibu isiyofahamika kwenye simu za watu ulio karibu nao ambao tayari wamewezeshwa WA Notify. Programu hiyo hutumia faragha inayohifadhi taknolojia ya Bluetooth ya Kawi ya Chini kubadilisha misimbo hii nasibu bila kutoa maelezo yoyote kukuhusu. Iwapo mtumiaji mwingine wa WA Notify ambaye umekuwa karibu naye katika wiki mbili baadaye atapatikana na maambukizo ya COVID-19 na anafuata hatua za kuwaarifu wengine bila kujitambulisha, utapata taarifa isiyotambulisha jina kuwa ulikuwa na mfiduo wenye uwezekano. Hatua hii itakusaidia kupata huduma unayohitaji kwa haraka na pia itakusaidia kujikinga na kusambaza COVID-19 kwa watu walio karibu nawe.

Algorathim hufanya hesabu ya kutambua matukio yanayoweza kusambaza COVID-19 kutoka kwa wale walio katika umbali salama au fupi ya kutosha ambayo huhitaji kuonywa. WA Notify itakuarifu tu ikiwa huenda umekuwa karibu na mtu aliyeambukizwa. Hivyo kutopokea arifa ni habari njema.

WA Notify inapatikana katika lugha zaidi ya 30 hivyo wakazi wengi wa Washington kadri inavyowezekana wanaweza kufikia zana hii.

WA Notify Flow Chart in Swahili - Click to Read as PDF

Jinsi ya kuomba msimbo wa uthibitishaji kwa ajili ya matokeo chanya ya kipimo cha nyumbani cha COVID-19

Watumiaji wa WA Notify (Arifu WA) wanaonunua vifaa vya kupima bila maagaizo ya daktari na kupata matokeo chanya ya COVID-19 sasa wanaweza kuomba msimbo wa uthibitishaji kwenye WA Notify.

Kuomba msimbo wa uthibitishaji kwa kifaa:

Android:

  • Fungua WA Notify na uchague “Share your test result to help stop the spread of COVID-19” ("Shiriki matokeo ya kipimo chako ili usaidie katika kukomesha kuenea kwa COVID-19").
  • Chagua “Continue (Endelea)” kisha uchague “I need a code” (“Ninahitaji msimbo”).
  • Ingiza nambari ya simu ya kifaa chako kinachotumia WA Notify na tarehe ya kipimo chako chanya cha COVID-19.
  • Chagua “Send Code” (“Tuma Msimbo”).

iPhone:

  • Nenda kwenye Settings (Mipangillio) na ufungue Exposure Notifications (Taarifa Kuhusu kuwa hatarini mwa Kuambukizwa).
  • Chagua “Share a COVID-19 Diagnosis.” (“Shiriki Utambuzi wa COVID-19.”)
  • Chagua “Continue” (“Endelea”) kisha uchague “Didn’t get a code? ("Je, hukupata msimbo?) Visit WA State Dept. of Health Website.” (Tembelea Tovuti ya Idara ya Afya ya Jimbo la WA.")
  • Ingiza nambari ya simu ya kifaa chako kinachotumia WA Notify na tarehe ya kipimo chako chanya cha COVID-19.
  • Chagua “Continue.” (“Endelea.”)

Utapokea taarifa ibukizi na ujumbe mfupi wenye kiungo chako cha uthibitishaji. Unahitaji tu kudonoa taarifa au kubofya kiungo kilicho katika ujumbe mfupi ili ufuate hatua zilizo katika WA Notify ili uwajulishe watumiaji wengine bila kujulikana kuhusu ikiwa wako hatarini mwa kuambukizwa. Baada ya kuomba msimbo wako wa uthibitishaji kwenye WA Notify, piga simu ya dharura ya COVID-19 ya jimbo, 1-800-525-0127, kisha ubonyeze #, ili uripoti matokeo yako chanya kwa (DOH, Idara ya Afya).

Ikiwa huwezi kuomba msimbo wa uthibitishaji kwenye WA Notify, unapaswa kupiga simu ya dharura ya COVID-19 ya jimbo, 1-800-525-0127, kisha ubonyeze #, na uwajulishe wafanyikazi wa simu ya dharura kwamba wewe ni mtumiaji wa  WA Notify. Mfanyakazi wa nambari ya simu anaweza kukupatia kiungo cha uthibitisho unachoweza kutumia ili kuwaarifu watumiaji wengine wa WA Notify kuwa huenda wamekuwa na mfiduo.

Jinsi ya kuripoti matokeo yako chanya ya COVID-19 ya kipimo cha nyumbani

Watu wanaonunua vifaa vya kipimo vya kununuliwa dukani na kupokea matokeo yanayoonyesha wana maambukizo wanafaa kupiga nambari ya simu ya COVID-19 ya jimbo, 1-800-525-0127 kisha kubonyeza # (bonyeza 7 kupata Kihispania), mara tu wanapopokea matokeo. Tembelea ukurasa wa Contact Us (Wasiliana Nasi) kwa saa za kupiga simu. Usaidizi wa lugha unapatikana.

Tafadhali kumbuka: WA Notify ni zana ya taarifa ya mfiduo. Haikuundwa ili watumiaji waingize matokeo yao ya kipimo.

Faragha yangu inalindwa vipi?

WA Notify inategemea teknolojia ya Taarifa ya Mfiduo wa Google Apple, ambayo imeundwa ili kulinda faragha yako. Inafanya kazi kwenye mandharinyuma bila kukusanya au kufichua eneo lolote au data ya kibinafsi, na haihitaji kujua wewe ni nani au uko wapi ili kufanya kazi kwa ufanisi. Kwa kutumia vidude hivi vidogo vya Bluetooth, betri yako haiathiriwi.

Ushiriki ni wa kujitolea. Mtumiaji anaweza kuingia au kujitoa wakati wowote. Kwa maelezo zaidi kuhusu jinsi faragha ya mtumiaji inalindwa, tazama sera ya faragha ya WA Exposure Notifications.

Taarifa hukaa vipi?

Kuna aina mbili za taarifa unazoweza kupokea. Wanaopatikana na maambukizo watapokea ujumbe wa matini wenye kiungo cha uthibitishaji na/au taarifa ibukizi. Watumiaji wa WA Notify ambao huenda walikuwa na mfiduo watapokea taarifa ya mfiduo. Jifunze zaidi kuhusu taarifa hizi na uone zinavyokaa.

Itasaidia vipi?

Utafiti wa hivi karibuni wa University of Washington (Kiingereza pekee) ulipata kuwa watu wanavyozidi kutumia taarifa ya mfiduo, ndivyo manufaa yanakuwa makubwa. Matokeo yalionyesha kuwa WA Notify iliokoa karibu maisha 40-115 na huenda ikazuia karibu visa 5,500 vya COVID-19 wakati wa miezi minne ya kwanza ilipotumika. Mifumo ya data inaonyesha kuwa hata idadi ndogo ya watu wanaotumia WA Notify inaweza kupunguza maambukizo na vifo vya COVID-19, ikionyesha kuwa WA Notify ni zana bora ya kuzuia msambao wa COVID-19.

Unataka kusaidia kutangaza habari kuhusu WA Notify (Taarifa za WA)?

Angalia chombo cha zana WA Notify kwa ajili ya utumaji ujumbe kwenye mtandao wa kijamii, mabango, sampuli ya matangao ya redio na televisheni, na zaidi.

Maswali mengine yanayoulizwa mara kwa mara

Nilipokea taarifa na/au matini kutoka kwa Washington State Department of Health (DOH, Idara ya Afya ya Jimbo la Washington). Kwa nini?

DOH hutuma ujumbe wa matini na/au taarifa ibukizi kwa kila mtu ambao hivi karibuni walipatikana na maambukizo ya COVID-19 ili watumiaji wa WA Notify waweze kuwaarifu watumiaji wengine kwa haraka na bila kujulikana kuhusu mfiduo. Jifunze zaidi kuhusu taarifa hizi na uone zinavyokaa.

Ukipokea zote mbili, unahitaji tu kudonoa taarifa au kubofya kwenye kiungo katika ujumbe wa matini na kufuata hatua katika WA Notify ili kuwaarifu watumiaji wengine bila kujulikana kuhusu mfiduo ambao huenda ulitokea.

Je, nahitaji WA Notify ikiwa nimepokea chanjo?

Ndiyo. Hata baada ya kupokea chanjo kamili dhidi ya COVID-19, bado unahitaji kutekeleza tahadhari za kawaida za janga hili. Chanjo ni njia faafu ya kujilinda, lakini bado kuna hatari kidogo kuwa unaweza kuambukizwa au kuwaambukiza wengine ambao hawajapewa chanjo.

Nilipata arifa kuhusu kuchangia data yangu ya WA Notify kwa afya ya umma. Kwa nini?

Washington State Department of Health (DOH) inataka kujua jinsi WA Notify inafanya kazi vizuri ili tuweze kufanya uboreshaji wowote unaohitajika kwenye zana hiyo. Ukikubali kushiriki data yako ya WA Notify, faragha yako bado inalindwa kamili. Hakuna maelezo ya kibinafsi yatakayokusanywa au kushirikiwa na hakuna njia ya kukutambua. DOH pekee ndiyo inaweza kufikia data hii na katika kiwango cha jimbo pekee.

Ikiwa watumiaji wa WA Notify watakubali kushiriki data yao, ni nini itakusanywa?

Ukikubali kushiriki data yako, faragha yako bado inalindwa kamili. Hakuna maelezo ya kibinafsi yatakayokusanywa au kushirikiwa hivyo hakuna njia ya kukutambua. Washington State Department of Health pekee ndiyo inaweza kuona data hii ya kiwango cha jimbo, itakayojumuisha:

  • Idadi ya watu wanaokubali kushiriki data yao kutoka WA Notify. Hii hutusaidia kujua jinsi sampuli yetu inawakilisha.
  • Idadi ya Exposure Notifications zilizopokelewa na watumiaji wa WA Notify. Hii hutusaidia kuona mwelekeo katika msambao wa COVID-19.
  • Idadi ya watu wanaobofya kwenye taarifa ya mfiduo. Hii hutusaidia kuchunguza jinsi watu wako tayari ili kuzingatia mapendekezo ya afya ya umma.

Idadi ya watu waliokuwa karibu na mtu aliyepatikana na maambukizo ya COVID-19, lakini si karibu ya kutosha au kwa muda wa kutosha kuarifiwa kuhusu mfiduo. Hii hutusaidia kuzingatia kama kanuni ambayo huamua mfiduo katika WA Notify inafaa kurekebishwa.

Nikiwezesha WA Notify kwenye iPhone yangu, nafaa kuwasha au kuzima togoa ya "Availability Alerts (Arifa za Upatikanaji)"?

Kuzima ni sawa. Ijapokuwa kuwasha kumependekezwa ikiwa unasafiri nje ya jimbo la Washington kwa kipindi kirefu cha muda. Arifa za Upatikanaji zikiwa zimewashwa, unaweza kupokea taarifa ukisafiri kwenda kwa eneo lenye teknolojia ya taarifa ya mfiduo tofauti na WA Notify. watumiaji wa iPhone wanaweza kuongeza maeneo kadhaa lakini kuteua eneo moja pekee kama amilifu kila mara. Huhitaji kuondoa eneo ili kuwezesha mpya. Watumiaji wa Android wanaweza kusakinisha programu za taarifa ya mfiduo kama WA Notify kutoka majimbo kadhaa lakini programu inayotumia teknolojia inayoendana na WA Notify ndiyo inawekwa amilifu kwa wakati.

Je, ni lazima niingie ili kutumia WA Notify?

Ndiyo. WA Notify ni ya bure na ya kujitolea. Unaweza kujiondoa wakati wowote. Zima tu kipengele hicho au futa programu hiyo. Misimbo yote nasibu ambayo simu imehifadhi kutoka kwa watumiaji wa karibu itafutwa na haiwezi kupatikana tena.

Je, WA Notify ni programu ya kufuatilia mwasilani?

La. WA Notify haifuatilii maelezo kuhusu watu ambao umekuwa karibu nao, hivyo "haifuatilii waasilani". Ufuatiliaji wa mwasilani hutambua mtu yeyote ambaye mtu aliyepatikana na maambukizo ya COVID-19 huenda amekuwa karibu naye. Programu hiyo haikusanyi au kubadilisha maelezo yoyote ya kibinafsi, hivyo haiwezekani kwa mtu yeyote kujua mwasilani wako.

"Mfiduo" ni nini?

Mfiduo hufanyika wakati umechukua muda wa kutosha karibu na mtumiaji mwingine wa WA Notify ambaye baadaye hupatikana na ugonjwa wa COVID-19. Hii hufuata mwongozo wa sasa kutoka Centers for Disease Control and Prevention (CDC, Kituo cha Udhibiti na Uzuiaji wa Magonjwa) (Kiingereza pekee) kuhusu kukaa mbali na mwingine na kupitishwa kwa COVID-19. Ili kuamua mfiduo, WA Notify hutumia kanuni ambayo hulandanisha na ufafanuzi wa CDC wa mwasilani wa karibu - ndani ya karibu futi 6 (mita 2) kwa dakika 15 au zaidi wakati wa kipindi cha maambukizo - na unaweza kubadilishwa na maafisa wa afya ya umma.

Nini hufanyika iwapo WA Notify inaniambia kuwa huenda nimeambukizwa?

Iwapo WA Notify itagundua kuwa huenda umeambukizwa, taarifa kwenye simu yako itakupeleka kwenye wavuti ulio na maelezo kuhusu unachofaa kufanya. Hii inajumuisha jinsi na pahali pa kupimwa, maelezo kuhusu kujiweka salama na kuweka walio karibu nawe salama, na rasilimali za kujibu maswali yako. Ni muhimu kusoma na kufuata maelekezo kwenye wavuti kwa uangalifu.

Je, watu watajua iwapo nitapatikana na COVID-19?

La. WA Notify haishiriki maelezo yoyote kukuhusu na mtu yeyote mwingine. Mtu akipokea taarifa kuhusu mfiduo unaowezekana, wanajua tu kuwa mtu ambaye walikuwa karibu naye katika siku 14 zilizopita ameambukizwa COVID-19. Hawatajua mtu huyo au mahali aliambukizwa.

Je, nastahili kulipi WA Notify?

La. WA Notify ni ya bure.

Je, WA Notify itasaidia vipi jimbo la Washington?

Utafiti wa hivi karibuni wa University of Washington (Kiingereza pekee) ulipata kuwa watu wanavyozidi kutumia taarifa ya mfiduo, ndivyo manufaa yanakuwa makubwa. Matokeo yalionyesha kuwa WA Notify iliokoa karibu maisha 40 hadi 115 na huenda ikazuia karibu visa 5,500 vya COVID-19 wakati wa miezi minne ya kwanza ilipotumika. Mifumo ya data inaonyesha kuwa hata idadi ndogo ya watu wanaotumia WA Notify inaweza kupunguza maambukizo na vifo vya COVID-19, ikionyesha kuwa WA Notify ni zana bora ya kuzuia msambao wa COVID-19.

Je, WA Notify hufanya kazi nikisafiri nje ya jimbo?

Ndiyo. Ukisafiri kwenda jimbo lenye programu inayotumia teknolojia ya Apple/Google, simu yako itaendelea kubadilishana misimbo nasibu na watumiaji katika jimbo hilo. Hakuna haja ya kubadilisha chochote katika mipangilio ya programu yako. Ukitoja nje ya Washington kwa kipindi kirefu, unafaa kukagua chaguo katika jimbo lako jipya ili kupata usaidizi na arifa za ndani.

Kwa nini tunahitaji kufuatilia mwasilani na WA Notify?

Kufuatilia mwasilani kumekuwa uingiliaji faafu wa afya ya umma kwa miongo. WA Notify huauni kazi hii bila kujulikana. Huu ni mfano: Ukipatikana na COVID-19, maafisa wa afya ya umma wanaweza kukupigia na kukuomba kusambaza waasilani wako wa karibu wa hivi karibuni. Huwezi kumtaja mtu ambaye humjui lakini uliketi karibu naye kwenye basi. Iwapo nyinyi nyote wawili mna WA Notify, mtu huyo asiyejulikana kwenye basi anaweza kuarifiwa kuhusu mfiduo unaowezekana na kuchukua hatua za kuzuia msambao wa COVID-19 kwa marafiki na familia. Sawa tu na kunawa mikono na kuvaa barakoa husaidia kumaliza msambao wa COVID-19, pamoja ni faafu zaidi.

WA Notify huchukua muda upi kuwaarifu watumiaji wengine?

Watumiaji ambao huenda wameambukizwa COVID-19 na mtumiaji mwingine watapokea taarifa ndani ya saa 24 baada ya mtumiaji aliyeambikizwa COVID atafuata hatua katika WA Notify ili kuwaarifu watumiaji wengine wa WA Notify bila kujulikana.

Je, inawezekana kupokea arifa anuwai kutoka kwa WA Notify?

Watumiaji ambao huenda wameambukizwa COVID-19 na mtumiaji mwingine watapokea taarifa ndani ya saa 24 baada ya mtumiaji aliyeambikizwa COVID atafuata hatua katika WA Notify ili kuwaarifu watumiaji wengine wa WA Notify bila kujulikana.

Ni vipi naweza kuambia WA Notify iwapo nimeambukizwa COVID?

Ukipatikana kwamba una maambukizo, na mtu kutoka Washington State Department of Health (DOH) au mamlaka ya afya ya umma ya eneo lako akiwasiliana na wewe, atakuuliza ikiwa unatumia WA Notify. Iwapo unatumia, watakutumia kiungo na/au taarifa ya uthibitishaji na kukusaidia kufuata hatua za kuiingiza kwenye WA Notify. Kiungo/taarifa hazijafunganishwa na maelezo yako ya kibinafsi. DOH haina njia ya kujua ni nani atakayearifiwa na programu kuhusu kuwa hatarini mwa kuambukizwa unapofuata hatua. Taarifa hiyo ya mfiduo haitakuwa na maelezo yoyote kukuhusu. Watu wanaothibitisha matokeo yao bila kujulikana katika WA Notify wanavyozidi kushiriki misimbo yao, ndivyo tunaweza kuzuia bora msambao wa COVID-19. 

Ikiwa umepatikana kwamba una maambukizo na bado unahitaji kuthibithisha matokeo yako bila kujulikana kwenye WA Notify, rejelea sehemu ya “How to request a verification code for positive at-home COVID-19 test results (Jinsi ya kuomba msimbo wa uthibitishaji kwa ajili ya matokeo chanya ya kipimo cha nyumbani cha COVID-19)” ya ukurasa huu kwa hatua za kuomba msimbo wa uthibitishaji ili uwajulishe watumiaji wengine wa WA Notify bila kujulikana kwamba huenda wako hatarini mwa kuambukizwa.

Baada ya kuomba msimbo wako wa uthibitishaji kwenye WA Notify, pigasimu ya dharura ya COVID-19 ya jimbo, 1-800-525-0127, kisha ubonyeze #, ili uripoti matokeo yako chanya kwa DOH.

Je, kuna kitu nahitaji kufanya baada ya kuongeza WA Notify kwenye simu yangu?

Kitendo cha ziada kinahitajika tu iwapo:

  1. Utapatikana na COVID-19, au
  2. Utapokea taarifa kuwa huenda umeambukizwa.

Ukipatikana kwamba una maambukizo, na mtu kutoka Washington State Department of Health (DOH) au mamlaka ya afya ya umma ya eneo lako akiwasiliana na wewe, atakuuliza ikiwa unatumia WA Notify. Iwapo unatumia, watakutumia kiungo na/au taarifa ya uthibitishaji na kukusaidia kufuata hatua za kuiingiza kwenye WA Notify. Kiungo/taarifa hazijafunganishwa na maelezo yako ya kibinafsi. DOH haina njia ya kujua ni nani atakayearifiwa na programu kuhusu kuwa hatarini mwa kuambukizwa. Taarifa hiyo ya mfiduo haitakuwa na maelezo yoyote kukuhusu. Watu wanaothibitisha matokeo yao bila kujulikana katika WA Notify wanavyozidi kushiriki misimbo yao, ndivyo tunaweza kuzuia bora msambao wa COVID-19.

Ikiwa umepatikana kwamba una maambukizo na unahitaji msimbo wa uthibitishaji, rejelea sehemu ya “How to request a verification code for positive at-home COVID-19 test results (Jinsi ya kuomba msimbo wa uthibitishaji kwa ajili ya matokeo chanya ya kipimo cha nyumbani cha COVID-19)” ya ukurasa huu kwa hatua za kuomba msimbo wa uthibitishaji ili uwajulishe watumiaji wengine wa WA Notify bila kujulikana kwamba huenda wako hatarini mwa kuambukizwa.

Baada ya kuomba msimbo wako wa uthibitishaji kwenye WA Notify, pigia nambari ya simu ya jimbo ya COVID-19, 1-800-525-0127, kisha ubonyeze #, ili uripoti matokeo yako chanya kwa DOH.

Iwapo WA Notify itagundua kuwa huenda umeambukizwa, taarifa kwenye simu yako itakupeleka kwenye wavuti ulio na maelezo kuhusu unachofaa kufanya. Hii inajumuisha jinsi na pahali pa kupimwa, maelezo kuhusu kujiweka salama na kuweka walio karibu nawe salama, na rasilimali za kujibu maswali yako. Ni muhimu kusoma na kufuata maelekezo kwenye wavuti kwa uangalifu. Taarifa haitakuwa na maelezo kuhusu mtu ambaye huenda amekuambukiza au ni wapi. Haijulikani kabisa.

Je, kutumia WA Notify kutamaliza betri yangu au kutumia data nyingi zaidi?

La. Imeundwa ili kuwa na athari ya chini kabisa kwenye data yako na maisha ya betri yako kwa kutumia teknolojia ya Bluetooth Low Energy technology.

Je, nahitaji kuwasha Bluetooth kila mara ili WA Notify iweze kufanya kazi?

Ndiyo. WA Notify inatumia Bluetooth Low Energy, hivyo lazima Bluetooth iwe amilifu ili mfumo uweze kuwagundua watumiaji wengine wa karibu.

Je, nahitaji kufungua WA Notify kwenye simu yangu ili iweze kufanya kazi?

La. WA Notify itafanya kazi katika mandhari nyuma.

Je, WA Notify inaauniwa kwenye simu janja mzee?

Watumiaji wa iPhone wanaweza kutumia WA Notify iwapo mfumo wako wa uendeshaji ni:

  • iOS toleo la 13.7 au la hivi karibuni (kwa iPhone 6s, 6s Plus, SE au mpya)
  • iOS toleo la 12.5 (kwa iPhone 6, 6 plus, 5s)

Watumiaji wa Android wanaweza kutumia WA Notify iwapo simu yako ya Android inatumia Nishati ya Chini ya Bluetooth na Android Toleo la 6 (API 23) au zaidi.

Je, ni lazima niwe na umri wa miaka 18 ili kutumia WA Notify?

La. WA Notify haijui wala kuangalia umri wako.

Je, teknolojia hii itafanya kazi nikishiriki simu na mtu mwingine?

WA Notify haiwezi kujua aliyekuwa akitumia simu wakati wa mfiduo. Iwapo mnashiriki simu, kila mtu anayetumia simu hiyo anahitaji kufuata maelekezo ya afya ya umma iwapo WA Notify itaonyesha kuwa huenda umeambukizwa COVID-19.

Je, WA Notify hufanya kazi katika vifaa kama iPad au saa janja?

La. Mfumo wa Taarifa ya Mfiduo ulisanidiwa hasa kwa simu janja na haifanyi kazi kwenye iPad.

Jimbo la Washington linafanya nini kutoa ufikiaji kwa teknolojia hii kwa watu ambao hawana simu janja?

WA Notify si zana pekee ya kusaidia kuzuia msambao wa COVID-19. Ufuatiliaji wa mwasilani na juhudi nyingine zinasaidia kila mkaaji wa Washington, hata kama hawana simu janja. Chanjo ni njia bora ya kukomesha msambao wa COVID-19, na kuvaa barakoa, kukaa mbali na wengine, na kupunguza ukubwa wa mikutano ni njia nyingine kila mtu anaweza kusaidia kukomesha msambao wa COVID-19.

Lifeline program (Mpango muhimu) wa serikali ya muungano unatoa mkopo wa bili ya simu kila mwezi kwa wanaofuzu. Baadhi ya watoaji huduma wa pasi waya wanaoshiriki wanaweza pia kutoa simu mahiri ya bila malipo. Jifunze mengi kuhusu mpango huo, anayefuzu, jinsi ya kutuma ombi na watoaji huduma wa pasi waya wanaoshiriki (Kiingereza pekee).

Kumbuka, kupata chanjo ya COVID-19 ndiyo njia bora ya kukomesha msambao wake.

Kwa nini inaonekana kama WA Notify inatumia betri zaidi?

Kwa kweli, haitumii. Utumiaji wa betri kwenye kifaa chako unaonyesha asilimia ya betri inayotumika kila siku inajumuisha programu kama WA Notify. Programu nyingi huwa haziendeshwi usiku. WA Notify pia haiendeshwi usiku, lakini HUWA inaangalia misimbo ya nasibu baada ya kila saa mbili kwa milingano ya mtumiaji mwenye maambukizo ili iweze kukuarifu kuhusu mfiduo wowote. Hivyo, kwa mfano, ikiwa hakuna programu nyingine ambazo zinaendeshwa wakati umelala, WA Notify itawakilisha asilimia ya juu ya betri iliyotumika wakati huo. Hiyo haimaanishi kuwa WA Notify inatumia betri nyingi - asilimia ya juu tu ya kiwango cha chini cha betri iliyotumika.

Washington ilitoa WA Notify katika zaidi ya lugha 30, kwa hivyo ni kwa nini naiona tu katika Kiingereza na Kihispania pekee kwenye duka la Google Play?

WA Notify hufanya kazi kutegemea lugha iliyowekwa kama chaguo msingi kwenye simu ya mtumiaji. Kuna toleo moja tu la WA Notify, lakini mizuko yoyote - taarifa ya mfiduo, kwa mfano - itaonekana kwa lugha ambayo mtumiaji anapendelea kati ya lugha zaidi ya 30 ambazo jimbo la Washington lilitekeleza.

Nilipokea taarifa na/au ujumbe wa matini lakini mtu aliyepimwa alikuwa mwanafamilia au mtu wa kaya. Nafaa kufanya nini?

Mtumiaji wa WA Notify aliyepatikana na maambukizo anafaa kuruhusu hatua za kuwaarifu wengine bila kujulikana ambao huenda wakaambukizwa, hivyo unafaa kupuuza ujumbe wowote au taarifa ambazo si zako. 

Ikiwa familia yako au mwanafamilia wako mi mtumiaji wa WA Notify, amepatikana kwamba ana maambukizo, na bado anahitaji kuthibitisha matokeo yake kwenye WA Notify, anaweza kufuata hatua zilizo katika sehemu ya “How to request a verification code for positive at-home COVID-19 test results (Jinsi ya kuomba msimbo wa uthibitishaji kwa ajili ya matokeo chanya ya kipimo cha nyumbani cha COVID-19)” ya ukurasa huu.

Watu wanaonunua vifaa vya kipimo vya kununuliwa dukani na kupokea matokeo yanayoonyesha wana maambukizo wanafaa kupiga nambari ya simu ya COVID-19 ya jimbo, 1-800-525-0127 kisha kubonyeza # (bonyeza 7 kupata Kihispania), mara tu wanapopokea matokeo. Tembelea ukurasa wa Contact Us (Wasiliana Nasi) kwa saa za kupiga simu. Usaidizi wa lugha unapatikana.

Nina muda upi wa kudonoa taarifa au kuwezesha kiungo cha uthibitishaji?

Una saa 24 baada ya kupokea taarifa au ujumbe wa matini ili kufuata hatua za kuwaarifu wengine katika WA Notify. Ikiwa huwezi kudonoa taarifa au kubofya kiungo cha uthibitishaji ndani ya muda huo, unaweza kuomba msimbo wa uthibitishaji kwenye WA Notify kwa kufuata hatua zilizo katika sehemu ya “How to request a verification code for positive at-home COVID-19 test results (Jinsi ya kuomba msimbo wa uthibitishaji kwa ajili ya matokeo chanya ya kipimo cha nyumbani cha COVID-19)” ya ukurasa huu. Baada ya kuomba msimbo wako wa uthibitishaji kwenye WA Notify, piga simu ya dharura ya COVID-19 ya jimbo, 1-800-525-0127, kisha ubonyeze #, ili uripoti matokeo yako chanya kwa DOH. Unaweza pia kuomba kiungo wakati mtu kutoka DOH au mamlaka ya afya ya eneo lako atawasiliana na wewe kuhusu matokeo ya kipimo chako cha COVID-19.

Kwa nini Washington ilichagua suluhisho hili?

Washington iliunda kikundi cha jimbo cha uangalizi, ikijumuisha wataalamu wa usalama na uhuru wa kiraia na wanachama wa jumuiya nyingi, ili kukagua suluhisho la Apple/Google. Kikundi hicho kilipendekeza ukubalifu utakaozingatia uaminifu wa jukwaa hilo, ulinzi wa data wa kiwango cha juu na matumizi ya majimbo mengine.

Nitapataje tarehe yangu ya mfiduo katika WA Notify?

Kwenye iPhone:

  1. Nenda kwenye Settings (Mipangilio)
  2. Chagua Exposure Notifications (Taarifa Kuhusu Kuwa hatarini mwa Kuambukizwa) au ingiza Exposure Notifications (Taarifa Kuhusu Kuwa hatarini mwa Kuambukizwa) kwenye Upau wa Utafutaji
  3. Tarehe ambayo huenda ulikiwa hatarini mwa kuambukizwa itaonyeshwa chini ya “You may have been exposed to COVID-19 (Huenda umeambukizwa COVID-19)”

Kwenye Android:

  1. Fungua programu ya WA Notify
  2. cHAGUA See Details (Tazama Maelezo) chini ya “Possible exposure reported (Kuwepo Hatarini mwa kuambukizwa ambako kumeripotiwa)”
  3. Tarehe yako ya mfiduo unaowezekana itaonyeshwa chini ya “Possible Exposure Date (Tarehe ya Mfiduo Inayowezekana)”