యువతకు వ్యాక్సినేషన్

కంటెంట్ చివరిగా డిసెంబర్ 9, 2022న నవీకరించబడింది.

వ్యాక్సిన్ భద్రత & సమర్ధత

కొవిడ్-19కు విరుద్ధంగా మీ బిడ్డకు వ్యాక్సిన్ వేయించడం వల్ల:

• వారికి కొవిడ్-19 సంక్రమించే ప్రమాదాన్ని తగ్గించడానికి సాయపడుతుంది
• వారికి కొవిడ్-19 సంక్రమించినప్పటికీ, వారు తీవ్రంగా అస్వస్థతకు గురయ్యే అవకాశాన్ని తగ్గిస్తుంది
• వారు ఆసుపత్రిలో చేరే అవకాశాన్ని మరియు కొవిడ్-19 వల్ల వారు మరణించే ప్రమాదాన్ని తగ్గిస్తుంది
• వారికి కొవిడ్-19 వేరియెంట్ సంక్రమించడం నుంచి సంరక్షించేందుకు సాయపడుతుంది
• కొవిడ్-19 నుంచి రక్షణ పొందిన వ్యక్తులను అధిక సంఖ్యలో కమ్యూనిటీకీ జోడించడం వల్ల- వ్యాధి వ్యాప్తి చెందడాన్ని కష్టతరం చేస్తుంది.
• కొవిడ్-19 కమ్యూనిటీ వ్యాప్తిని నిర్మూలించేందుకు సాయపడటం ద్వారా వ్యక్తిగత అభ్యసన మరియు కార్యకలాపాలకు అంతరాయాన్ని తగ్గిస్తుంది

పాలోప్ చేశారు.

వ్యాక్సిన్ ప్రమాణీకరణ

FDA ద్వారా మంజూరు చేసిన ఏదైనా EUA తదుపరి Centers for Disease Control and Prevention (CDC, సెంటర్స్ ఫర్ డిసీజ్ కంట్రోల్ అండ్ ప్రివెన్షన్) యొక్క Advisory Committee on Immunization Practices (ఇమ్యూనైజేషన్ విధానాలపై సలహా మండలి) (ఇంగ్లిష్ మాత్రమే) మరియు Western States Scientific Safety Review Workgroup (వెస్ట్రన్ స్టేట్స్ సేఫ్టీ రివ్యూ వర్క్​గ్రూపు) లు పరీక్షిస్తాయి.

తల్లిదండ్రులు మరియు సంరక్షకుల కొరకు తరచుగా అడిగే ప్రశ్నలు

నా బిడ్డకు కొవిడ్-19 వస్తుందనే దాని గురించి నేను ఎందుకు ఆందోళన చెందాలి?

మహమ్మారి ప్రారంభమైనప్పటి నుంచి, అమెరికాలో 15 మిలియన్లకు పైగా పిల్లలకు కొవిడ్-19 వచ్చింది. కొత్త కొవిడ్-19 వేరియెంట్లు అత్యంత ప్రమాదకరమైనవి మరియు ఒరిజినల్ స్ట్రెయిన్‌ల కంటే యువతకు మరింత సంక్రామ్యత కలిగినవి, యువతలో పీక్ కొవిడ్-19 వల్ల ఆసుపత్రిలో చేరడానికి దారితీస్తాయి.

పెద్దవారితో పోలిస్తే పిల్లల్లో కొవిడ్-19 చాలా స్వల్పంగా ఉన్నప్పటికీ, పిల్లలు ఇంకా బాగా అస్వస్థతకు గురికావొచ్చు, రోగనిరోధక శక్తి లేని లేదా మరోవిధంగా దుర్భలమైన పరిస్థితుల్లో ఉన్న స్నేహితులు మరియు కుటుంబానికి వ్యాప్తి చేయవచ్చు.

కొవిడ్-19 సంక్రమించిన పిల్లల్లో ‘‘లాంగ్ కొవిడ్-19'' అభివృద్ధి చెందవచ్చు లేదా బ్రెయిన్ ఫాగ్, అలసట, తలనొప్పి, మగత మరియు శ్వాస తీసుకోవడం కష్టంగా ఉండటం వంటి నిరంతర లక్షణాలు ఉంటాయి. వ్యాక్సిన్ పిల్లలను ఆరోగ్యంగా మరియు సురక్షితంగా ఉంచడానికి అత్యుత్తమ మార్గం.

కొవిడ్-19 సోకిన పిల్లల్లో మల్టీ సిస్టమ్ ఇన్​ఫ్లమేటరీ సిండ్రోమ్ (MIS-C) (ఇంగ్లిష్ మాత్రమే) వచ్చే ప్రమాదం ఎక్కువగా ఉండవచ్చు. MIS-C గుండె, ఊపిరితిత్తులు, మూత్రపిండాలు, మెదడు, చర్మం, కళ్లు లేదా జీర్ణాశయాంతర అవయవాలతో సహా వివిధ శరీర భాగాలు వాపుకు దారితీసే పరిస్థితి. MIS-C దేని వల్ల కలుగుతుందనేది ఇంకా తెలియనప్పటికీ, MIS-Cతో ఉన్న చాలామంది పిల్లలకు కొవిడ్-19 ఉంది, లేదా కొవిడ్-19 ఉన్నవారికి దగ్గరల్లో ఉన్నారు. MIS-C తీవ్రమైన, ఇంకా ప్రాణాంతకం కావొచ్చు, కానీ ఈ పరిస్థితితో రోగనిర్ధారణ చేయబడ్డ చాలామంది పిల్లలు వైద్య సంరక్షణతో మెరుగైంది.

K-12 స్కూలు ఎంట్రీ కొరకు వ్యాక్సిన్ అవసరమా?

K-12 స్కూల్స్‌లో Revised Code of Washington (RCW, సవరించిన వాషింగ్టన్ కోడ్) 28A.210.140 , పిల్లల కొరకు ఇమ్యూనైజేషన్ ఆవశ్యకతలను రూపొందించడానికి Department of Health (డిపార్ట్‌మెంట్ ఆఫ్ హెల్త్) కాకుండా, Washington State Board of Health (వాషింగ్టన్ స్టేట్ బోర్డ్ ఆఫ్ హెల్త్) బాధ్యత వహిస్తుంది. ప్రస్తుతం కొవిడ్-19 కొరకు స్కూలు లేదా చైల్డ్‌కేర్‌కు ఎలాంటి ఆవశ్యకత లేదు.

నేను వ్యాక్సిన్ కొరకు చెల్లించాలా?

లేదు, మీ బిడ్డ మీకు ఎలాంటి ఖర్చు లేకుండా వ్యాక్సిన్​ని పొందుతారు. వ్యాక్సిన్ పూర్తి ఖర్చును ఫెడరల్ ప్రభుత్వం చెల్లిస్తుంది.

మీకు ప్రభుత్వ లేదా ప్రైవేటు ఆరోగ్య బీమా ఉన్నట్లయితే, వ్యాక్సిన్ అడ్మినిస్ట్రేషన్ ఫీజు రీఎంబర్స్​మెంట్ పొందడానికి మీ వ్యాక్సిన్ ప్రొవైడర్ వారికి బిల్లు చేయవచ్చు. మీకు బీమా లేనట్లయితే, ఫెడరల్ గవర్నమెంట్ మీకు వ్యాక్సినేషన్ ఇచ్చేవారి ప్రొవైడర్​కు చెల్లించే ప్రోగ్రామ్​ని అందిస్తుంది.

మీరు పాకెట్ ఖర్చుల నుంచి ఛార్జ్ చేయరాదు లేదా కొవిడ్-19 వ్యాక్సిన్ అడ్మినిస్ట్రేషన్ ఫీజు కొరకు మీ ప్రొవైడర్ నుంచి బిల్లును అందుకోరాదు. ప్రైవేట్ బీమా ఉన్నవారికి, Apple Health (Medicaid) ఉన్నవారికి, Medicare ఉన్నవారికి, లేదా బీమా లేని వారికి ఇది వర్తిస్తుంది.

పిల్లల్లో కొవిడ్-19 వ్యాక్సిన్ సాధారణ దుష్ప్రభావాలు ఏమిటి?

వ్యాక్సిన్ దుష్ప్రభావాల కంటే కొవిడ్-19 సోకిన పిల్లలకు ఉండే ఆరోగ్య ప్రమాదాలు చాలా ఎక్కువగా ఉంటాయి.

ఇతర చాలా వ్యాక్సిన్​లవలే, చేతి నొప్పి, అలసట, తలనొప్పి, మరియు కండరాలు నొప్పి వంటివి అత్యంత సాధారణ దుష్ప్రభావాలు ఈ లక్షణాలు సాధారణంగా తేలికపాటివిగా ఉంటాయి.

వైద్య అధ్యయనాల్లో (ఇంగ్లిష్ మాత్రమే) ఎక్కువ మంది పిల్లలు మొదటి మోతాదు తరువాత కంటే రెండో మోతాదు తరువాతే దుష్ప్రభావాలను నివేదించారు. దుష్ప్రభావాలు తీవ్రతలో తేలిక నుంచి ఒక మాదిరిగా ఉంటాయి, వ్యాక్సినేషన్ తరువాత రెండురోజుల్లోపు చోటు చేసుకుంటాయి, మరియు చాలావరకు ఒకట్రెండు రోజుల్లో అదృశ్యమవుతాయి.

MRNA వ్యాక్సిన్‌లో ఎలాంటి పదార్ధాలుంటాయి?

MRNA లోని పదార్ధాలు వ్యాక్సిన్ కొరకు విలక్షణమైనవి. వ్యాక్సిన్​లో mRNA యొక్క క్రియాత్మక పదార్ధంతోపాటుగా, క్రియాత్మక పదార్ధాన్ని సంరక్షించేందుకు, శరీరంలో మరింత మెరుగ్గా పనిచేసేందుకు సాయపడేందుకు, మరియు నిల్వ చేసేటప్పుడు మరియు రవాణా చేసే సమయంలో వ్యాక్సిన్​ని సంరక్షించడానికి కొవ్వులు, లవణాలు, మరియు చక్కెరలు వంటి ఇతర పదార్ధాలున్నాయి.

MRNA వ్యాక్సిన్​లో మానవకణాలు (పిండ కణాలతో సహా), కొవిడ్-19 వైరస్, ల్యాటెక్స్, ప్రిజర్వేటివ్​లు, లేదా పంది ఉత్పత్తులు లేదా జెలిటిన్​తో సహా జంతువుల ఉప ఉత్పన్నకాలు లేవు . వ్యాక్సిన్​లు అండాల్లో పెరగవు మరియు అండ ఉత్పత్తులు లేవు

పదార్ధాల గురించి మరింత సమాచారం కొరకు Children's Hospital of Philadelphia (చిల్డ్రన్ హాస్పిటల్ ఆఫ్ ఫిలడెల్ఫియా) నుంచి ఈ Q&A వెబ్​పేజీ; (ఇంగ్లిష్ మాత్రమే) ను చూడండి.

నా బిడ్డ ఏ బ్రాండ్ వ్యాక్సిన్ని పొందవచ్చు?

ప్రస్తుతానికి, 6 నెలలు లేదా అంతకన్నా ఎక్కువ వయసున్న పిల్లలకు ఇవ్వడానికి Pfizer-BioNTech (Pfizer) వ్యాక్సిన్, Moderna COVID-19 వ్యాక్సిన్ బ్రాంఢ్లకు అనుమతి ఉంది. 12 ఏళ్లు ఆపై వయసువాళ్ల కోసం Emergency Use Authorization (EUA, అత్యవసర వినియోగం కోసం ఆమోదించబడినది) కింద Novavax వ్యాక్సిన్ అందుబాటులో ఉంది.

నా బిడ్డ బూస్టర్ డోస్ వేయించుకోవాల్సిన అవసరం ఉ:దా?

అవును, 6 నెలలు ఆపైబడినవాళ్లు అప్-టూ-డేట్‌గా ఉండడం కోసం, చివరి డోసు తీసుకున్న 2 నెలల తర్వాత, కొత్త బైవాలెంట్ mRNA బూస్టర్ తీసుకోవాలని సిఫార్సు చేస్తున్నారు. 6 నెలలు-4 ఏళ్ల పిల్లల కోసం Pfizer COVID-19 వ్యాక్సిన్‌లో ఇప్పుడు 2 మోనోవాలెంట్ Pfizer డోసులు, ఒక బైవాలెంట్ Pfizer డోసు ఉంటాయి. ఇప్పటికింకా 3-డోసుల Pfizer ప్రైమరీ సిరీస్ మొదలుపెట్టని లేదా వారి ప్రైమరీ సిరీస్‌లో 3వ డోసు తీసుకోని 6 నెలలు-4 ఏళ్ల పిల్లలకు ఇప్పుడు కొత్త Pfizer సిరీస్ ఇస్తారు ఇప్పటికే 3-డోసుల Pfizer ప్రైమరీ సిరీస్ పూర్తి చేసుకున్న 6 నెలలు-4 ఏళ్ల పిల్లలకు ప్రస్తుతం అదనపు డోసులు లేదా బూస్టర్‌లు తీసుకునే అర్హత లేదు

నా బిడ్డకు ఎన్ని మోతాదులు అవసరం?

పిల్లలందరూ కనీసం రెండు మోతాదులు తీసుకోవాలని సిఫారసు చేస్తున్నారు.

• 6 నెలలు - 4 ఏళ్ల వయస్సు పిల్లలు 3 డోసుల Pfizer ప్రాథమిక శ్రేణి లేదా 2 డోసుల Moderna ప్రాథమిక శ్రేణి వ్యాక్సిన్లు పొందవచ్చు
• 5-11 ఏళ్ల వయస్సు పిల్లలకు 2 డోసుల ప్రాథమిక శ్రేణి పొందవచ్చు
• 12-17 ఏళ్ల వయస్సు పిల్లలకు 2 డోసుల ప్రాథమిక శ్రేణి పొందవచ్చు

2-డోసుల శ్రేణి స్వీకరించినప్పటికీ, ఒక మాదిరిగా లేదా తీవ్ర స్థాయిలో రోగనిరోధక శక్తి తక్కువగా ఉన్న పిల్లలు వారి రెండవ డోసు తీసుకున్న 28 రోజుల తర్వాత, అదనపు ప్రాథమిక డోసు తీసుకోవాలి మరియు 6 నెలల వయస్సు కన్నా ఎక్కువ వయసున్న పిల్లలందరూ బూస్టర్ డోసు తీసుకోవాలి.

దయచేసి రోగనిరోధక శక్తి తక్కువగా ఉండే వ్యక్తుల కొరకు Centers for Disease Control and Prevention (CDC, సెంటర్స్ ఫర్ డిసీజ్ కంట్రోల్ అండ్ ప్రివెన్షన్)మార్గదర్శకాలను సమీక్షించండి లేదా DOH వెబ్​సైట్​ని సందర్శించండి.

వ్యాక్సిన్ గురించి నాకు ఏవైనా ప్రశ్నలు ఉన్నట్లయితే నేను ఎవరితో మాట్లాడాలి?

మీ బిడ్డ పీడియాట్రీషియన్​లేదా ఇతర నమ్మకమైన వైద్య ప్రొవైడర్​లేదా కమ్యూనిటీ హెల్త్ వర్కర్​తో మాట్లాడండి, లేదా www.CovidVaccineWA.org వద్ద సమాచారాన్ని చదవండి.

వ్యాక్సిన్ పొందడానికి నా బిడ్డను ఎక్కడకు తీసుకెళ్లగలను?

18 సంవత్సరాల వరకు వయస్సు ఉన్న పిల్లలకు సిఫారసు చేసిన అన్ని వ్యాక్సిన్‌లను వాషింగ్టన్ స్టేట్ ఉచితంగా అందిస్తుంది. మీ బిడ్డ శిశు వైద్యుడు లేదా రెగ్యులర్ క్లినిక్ వద్ద కొవిడ్-19 వ్యాక్సిన్ ఉన్నదా అని అడగండి.

ఇప్పటికే హెల్త్ కేర్ ప్రొవైడర్ లేని కుటుంబాలు హెల్త్ కేర్ ప్రొవైడర్, క్లినిక్, లేదా ఇతర ఆరోగ్య వనరులను కనుగొనడానికి 1-800-322-2588 వద్ద Help Me Grow WA హాట్‌లైన్‌కు కాల్ చేయవచ్చు లేదా ParentHelp123.org కు వెళ్లవచ్చు. ఈ సర్వీస్ ఉచితం మరియు భాషా సాయం లభ్యమవుతుంది.

మీరు VaccineLocator.doh.wa.gov ని సందర్శించి, మీకు దగ్గరల్లో ఉన్న పీడ్రియాటిక్ వ్యాక్సిన్ ప్రదేశాల జాబితా చూడటానికి ఫిల్టర్ని ఉపయోగించవచ్చు.

నా బిడ్డ ప్లూ వంటి ఇతర వ్యాక్సిన్లను పొందేటప్పుడు కొవిడ్-19 వ్యాక్సిన్ తీసుకోవచ్చా?

అవును. మీ బిడ్డ ఇతర వ్యాక్సిన్​లను పొందే అదే సమయంలో కొవిడ్-19 వ్యాక్సిన్​ని కూడా పొందవచ్చు.

మీరు మీ బిడ్డ కొరకు అవసరమైన స్కూలు వ్యాక్సినేషన్​లు (ఇంగ్లిష్ మాత్రమే) లేదా ఇతర సిఫారసు చేసిన వ్యాక్సిన్​లు కొవిడ్-19 వ్యాక్సినేషన్ నుంచి విడిగా షెడ్యూల్ చేయాల్సిన అవసరం లేదు. కొవిడ్-19 వ్యాక్సిన్ అపాయింట్​మెంట్ మీ బిడ్డకు సిఫారసు చేసిన అన్ని వ్యాక్సిన్​లను వేయించడానికి మరో అవకాశం.

చైల్డ్ లేదా డే క్యాంప్లకు హాజరు కావడానికి నా బిడ్డకు కొవిడ్-19 వ్యాక్సిన్ అవసరమా?

స్కూలు మరియు చైల్డ్ కేర్ కొరకు ఎలాంటి వ్యాక్సిన్​లు అవసరం అనేది Washington State Board of Health (ఇంగ్లిష్ మాత్రమే) నిర్ధారిస్తుంది. ప్రస్తుతానికి ఏ స్కూలు లేదా చైల్డ్ కేర్ కొరకు కొవిడ్-19 వ్యాక్సిన్ ఆవశ్యకత లేదు.

డే క్యాంప్​ల కొరకు, వారి ఆవశ్యకతలు ఏమిటి అని తెలుసుకోవడానికి క్యాంప్ నిర్వహించే సంస్థను సంప్రదించండి.

వ్యాక్సిన్​లు పిల్లలకు సురక్షితమైనవని మరియు అవి ప్రభావవంతమైనవని మనకు ఎలా తెలుస్తుంది?

కొవిడ్-19 వ్యాక్సిన్​లు సురక్షితమైనవని ధృవీకరించడం కోసం, వ్యాక్సిన్ భద్రతను పర్యవేక్షించే దేశ సామర్థ్యాన్ని CDC (Centers for Disease Control and Prevention, రోగ నిరోధక నివారణా కేంద్రాలు) విస్తరించింది మరియు బలోపేతం చేసింది. దీని ఫలితంగా, కొవిడ్-19 వ్యాక్సిన్ పనీతీరును పరీక్షించిన సమయంలో కనిపించని సమస్యలను వ్యాక్సిన్ భద్రతా నిపుణులు పరిశీలించగలరు మరియు గుర్తించగలరు:

Pfizer

6 నెలలు - 4 ఏళ్ల వయస్సు కలిగిన పిల్లలు

• 6 నెలల నుంచి 4 ఏళ్ల మధ్య వయస్సు కలిగిన సుమారు 4,500 మంది పిల్లలు Pfizer COVID-19 వ్యాక్సిన్​ పనితీరు పరీక్షల్లో భాగం వహించారు. 3 డోసుల శ్రేణి తీసుకున్న ఈ వయస్సు పిల్లల్లో కనిపించిన రోగనిరోధక స్పందన అనేది పెద్దవాళ్లలో కనిపించిన రోగనిరోధక స్పందనను పోలి ఉంది. ప్రస్తుతం కొనసాగుతున్న అధ్యయనంలో, ఎలాంటి తీవ్రమైన దుష్ప్రభావాలు కనిపించలేదు

5-11 వయస్సు పిల్లలు

• 5 నుంచి 11 సంవత్సరాల వయస్సు ఉన్న సుమారు 3,100 మంది పిల్లలు Pfizer వ్యాక్సిన్ని పొందారు. ప్రస్తుతం కొనసాగుతున్న అధ్యయనంలో, ఎలాంటి తీవ్రమైన దుష్ప్రభావాలు గుర్తించలేదు.
• 5 నుంచి 11 ఏళ్ల వయస్సు ఉన్న పిల్లల రోగనిరోధక ప్రతిస్పందనలు 16 నుంచి 25 ఏళ్ల వయస్సు ఉన్న వ్యక్తులతో పోల్చదగినవి.
• 5 నుంచి 11 వరకు వయస్సు ఉన్న పిల్లల్లో కొవిడ్-19ని నిరోధించడంలో వ్యాక్సిన్ దాదాపు 91% సమర్థవంతంగా పనిచేసింది.

12-15 వయస్సు పిల్లలు

• ప్రస్తుతం అమెరికాలోని యాదృచ్ఛీకరించిన, ప్లెసిబో నియంత్రిత వైద్య అధ్యయనంలో 12 నుంచి 15 ఏళ్ల వయస్సు ఉన్న2,260 మంది పాల్గొనేవారు నమోదు చేసుకున్నారు.
• వీరిలో 1,131 కౌమారులైన పాల్గొనేవారు వ్యాక్సిన్‌ని పొందారు, 1,129 మంది సెలైన్ ప్లెసిబోని పొందారు. పాల్గొనేవారిలో సగానికి కంటే ఎక్కువమందిని రెండో మోతాదు తరువాత కనీసం రెండు నెలలపాటు భద్రత కొరకు పాలోప్ చేశారు.

Moderna

6 నెలలు - 5 ఏళ్ల వయస్సు కలిగిన పిల్లలు

• 6 నెలల నుంచి 6 ఏళ్ల మధ్య వయస్సు కలిగిన సుమారు 6,300 మంది పిల్లలు Moderna COVID-19 వ్యాక్సిన్​ పనితీరు పరీక్షల్లో భాగం వహించారు. ఈ వయస్సు పిల్లల్లో కొవిడ్-19ను నిరోధించడంలో ఈ వ్యాక్సిన్ దాదాపు 50% సమర్థవంతంగా పనిచేసింది. ప్రస్తుతం కొనసాగుతున్న అధ్యయనంలో, ఎలాంటి తీవ్రమైన దుష్ప్రభావాలు కనిపించలేదు.

6-11 ఏళ్ల వయస్సు కలిగిన పిల్లలు

• 6-11 ఏళ్ల మధ్య వయస్సు కలిగిన సుమారు 4,000 మంది పిల్లలు Moderna COVID-19 వ్యాక్సిన్​ పనితీరు పరీక్షల్లో భాగం వహించారు. ఈ పరీక్షల్లో భాగం వహించిన పెద్దవాళ్లలో కనిపించిన రోగనిరోధక స్పందన లాంటిదే ఈ వయస్సు పిల్లల్లో కూడా కనిపించింది. ప్రస్తుతం కొనసాగుతున్న అధ్యయనంలో, ఎలాంటి తీవ్రమైన దుష్ప్రభావాలు కనిపించలేదు.

12-17 ఏళ్ల వయస్సు కలిగిన పిల్లలు

• 12-17 ఏళ్ల వయస్సు కలిగిన సుమారు 3,700 మంది పిల్లలు Moderna COVID-19 వ్యాక్సిన్​ పనితీరు పరీక్షలో భాగం వహించారు. ఈ వయస్సు పిల్లల్లో కొవిడ్-19ను నిరోధించడంలో ఈ వ్యాక్సిన్ 93% సమర్థవంతంగా పనిచేసింది. ప్రస్తుతం కొనసాగుతున్న అధ్యయనంలో, ఎలాంటి తీవ్రమైన దుష్ప్రభావాలు కనిపించలేదు.

Novavax

12-17 ఏళ్ల వయస్సు కలిగిన పిల్లలు

• 12-17 ఏళ్ల వయస్సు కలిగిన సుమారు 2,200 మంది పిల్లలు Novavax COVID-19 వ్యాక్సిన్ పనితీరు పరీక్షలో భాగం వహించారు. ఈ వయస్సు పిల్లల్లో కొవిడ్-19ను నిరోధించడంలో ఈ వ్యాక్సిన్ 78% సమర్థవంతంగా పనిచేసింది. ప్రస్తుతం కొనసాగుతున్న అధ్యయనంలో, ఎలాంటి తీవ్రమైన దుష్ప్రభావాలు కనిపించలేదు.