کووڈ-19 کی ٹیسٹنگ کے متعلق عمومی سوالات

ٹیسٹنگ کٹس تک رسائی

کووڈ-19 ٹیسٹ کہاں سے کروایا جا سکتا ہے؟

براہ مہربانی درج ذیل اختیارات پر غور کریں:

1. Say Yes! COVID Test (ہاں کہیں! کووڈ ٹیسٹ) سے مفت ٹیسٹ کٹس آرڈر کریں۔ فی گھرانہ، فی ماہ ایک ہی آرڈر کیا جا سکتا ہے۔
2. CovidTests.gov پر وفاقی پروگرام سے مفت ٹیسٹ کٹ آرڈر کریں۔ فی گھرانہ ایک ہی آرڈر کیا جا سکتا ہے۔
3. مقامی دکانداروں اور فارمیسیز سے گھر پر مبنی ٹیسٹ خریدیں۔
4. اگر آپ کے پاس ہیلتھ انشورنس ہے تو اکثر انشورر آپ کے پلان کے ہر شخص کے لئے فی ماہ 8 تک گھر پر مبنی ٹیسٹوں کی رقم آپ کو واپس ادا کریں گے۔ مزید جانیں (صرف انگریزی)۔
5. اپنے نزدیک موجود ٹیسٹ کروانے کے مقام (صرف انگریزی) سے ٹیسٹ کروائیں۔

اگر آپ کو اپنے نزدیک ٹیسٹ کروانے کا مقام تلاش کرنے میں مدد کی ضرورت ہے تو اپنے مقامی محکمۂ صحت یا ڈسٹرکٹ (ویب صفحہ صرف انگریزی میں ہے) سے بات کریں۔ آپ ریاستی کووڈ-19 ہاٹ لائن کو 0127-525-800-1 پر بھی کال کر سکتے ہیں، کال کرنے کے بعد # دبائیں (ہسپانوی زبان کے لئے 7 دبائیں)؛ زبان کی معاونت دستیاب ہے۔

مجھے انٹرنیٹ تک رسائی حاصل نہیں / ویب سائٹ میری زبان میں دستیاب نہیں۔ میں WA میں مفت کٹ کیسے آرڈر کروں؟

براہ مہربانی ریاستی کووڈ-19 ہاٹ لائن کو کال کریں: 1-800-525-0127 پر، پھر # دبائیں (ہسپانوی زبان کے لئے 7 دبائیں)؛ زبان کی معاونت دستیاب ہے۔ کال سنٹر آپ کی طرف سے ریاستی اور وفاقی آن لائن پورٹلز کے ذریعے آرڈر کر سکتا ہے۔

مجھے Say Yes! COVID Test آن لائن پورٹل کے بارے میں کیا جاننے کی ضرورت ہے؟

یہ پروگرام ریاست واشنگٹن، National Institutes of Health (NIH، قومی ادارۂ صحت) اور Centers for Disease Control and Prevention (CDC، مراکز برائے امراض پر قابو اور انسداد) کی مشترکہ کوشش ہے۔ واشنگٹن بھر کے افراد تیز اینٹی جن کووڈ-19 ٹیسٹ آرڈر کر سکتے ہیں جو Amazon کے ذریعے براہ راست ان کے گھر پہنچائے جائیں گے۔

فی گھرانہ/رہائشی پتہ، فی ماہ ایک ہی آرڈر کیا جا سکتا ہے۔ تمام آرڈر اور ترسیلات مفت ہیں۔

ٹیسٹ کے متعلق یا ٹیسٹ کرنے کے طریقے کے متعلق سوالات کے لئے Say Yes! COVID Test ڈیجیٹل اسسٹنٹ (صرف انگریزی) ملاحظہ کریں یا 1-833-784-2588 پر کال کریں۔

کیا آپ Say Yes! COVID Test پروگرام اور وفاقی پروگرام دونوں سے ٹیسٹ آرڈر کر سکتے ہیں؟

جی ہاں، اگر آپ ریاست واشنگٹن میں رہتے ہیں تو آپ Say Yes! COVID Test ویب سائٹ اور وفاقی ویب سائٹ (صرف انگریزی)دونوں سے گھر پر تیز اینٹی جن کووڈ-19 ٹیسٹ وصول کرنے کے آرڈر کر سکتے ہیں۔

اگر میرے مزید سوالات ہوں تو مجھے کیا کرنا چاہیے؟

اگر آپ کے پاس Department of Health (DOH، محکمۂ صحت) کے Say Yes! COVID Test پروگرام کے بارے میں مزید سوالات ہیں تو عمومی سوالات کا صفحہ (اضافی زبانیں دستیاب ہیں) ملاحظہ کریں یا DOH کی کووڈ-19 ہاٹ لائن کو 0127-525-800-1 پر کال کریں (زبان کی معاونت دستیاب ہے)۔ وفاقی پروگرام کے بارے میں سوالات کے لئے ان کا عمومی سوالات کا صفحہ ملاحظہ کریں۔

مجھے مفت ٹیسٹ کب موصول ہوں گے؟

پروگرام (Say Yes! COVID Test یا وفاقی پروگرام) کے ذریعے درخواست کردہ ٹیسٹ عموماً آرڈر کے 1–2 ہفتوں کے درمیان ترسیل کر دیے جائیں گے۔

میرے گھرانے میں چار سے زائد لوگ ہیں۔ فیملی کے تمام ارکان کے لئے ٹیسٹوں تک رسائی کیسے لی جا سکتی ہے؟

• آپ واشنگٹن کے Say Yes! COVID Test پروگرام کے ذریعے ٹیسٹوں تک رسائی لے سکتے ہیں۔
• آپ COVID.gov/tests (صرف انگریزی) وفاقی پروگرام کے ذریعے مزید ٹیسٹوں تک رسائی لے سکتے ہیں۔
• آپ مقامی یا آن لائن دکانداروں اور فارمیسیوں سے اضافی گھر پر مبنی ٹیسٹ خرید سکتے ہیں۔ اگر آپ کی انشورنس موجود ہے تو ممکن ہے کہ آپ اپنے پلان میں شامل ہر فرد کے لئے فی ماہ 8 تک گھر پر مبنی ٹیسٹوں کی رقم واپس (صرف انگریزی) حاصل کر سکیں۔
• آپ اپنے نزدیک ٹیسٹ کروانے کے مقام (صرف انگریزی) سے PCR ٹیسٹ کروا سکتے ہیں۔

ٹیسٹنگ کٹ کیسے استعمال کی جاتی ہے؟

درست ترین نتائج کے لئے ٹیسٹ کے ساتھ دی گئی ہدایات پر عمل کرنا ضروری ہے۔ مخصوص سوالات کے لئے ٹیسٹ کے صنعت کار سے رابطہ کریں (ان کی معلومات ڈبے یا ہدایات پر موجود ہوں گی)۔

کسی بھی ٹیسٹ کا غلط منفی نتیجہ آ سکتا ہے۔  اگر آپ میں کووڈ-19 کی علامات موجود ہیں یا آپ کا سامنا ہوا تھا اور آپ کے ٹیسٹ کا نتیجہ منفی ہے تو ٹیسٹ دہرانے پر غور کریں۔ مزید تفصیلات کے لئے DOH کووڈ-19 ذاتی ٹیسٹ کی رہنمائی پڑھیں۔

عمومی

کسے ٹیسٹ کروانا چاہیے؟

جب آپ بیمار محسوس کریں تو ٹیسٹ کریں۔ کووڈ-19 کی کئی علامات (صرف انگریزی) ہیں، اس لئے اگر آپ کی طبیعت ٹھیک نہ ہو تو جلد از جلد ٹیسٹ کروانا اچھا رہتا ہے۔

جب آپ کا کسی ایسے شخص سے سامنا ہو جس کا کووڈ-19 ٹیسٹ مثبت آیا ہو تو ٹیسٹ کروائیں۔ اگر آپ میں علامات ظاہر ہوں تو فوراً ٹیسٹ کروائیں۔ اگر آپ میں علامات ظاہر نہ ہوں تو سامنا ہونے کے بعد 3–5 انتظار کریں اور پھر ٹیسٹ کروائیں۔

مزید معلومات کے لئے عام عوام کے لئے کووڈ-19 کے فیصلے کے شجر دیکھیں۔

واشنگٹن میں کاروباروں اور ایونٹ کے مقامات میں کسی ادارے یا ایونٹ میں داخلے سے پہلے ٹیسٹ اور/یا ویکسینیشن کا تقاضا موجود ہو سکتا ہے۔ جانے سے پہلے کال کریں یا ان کی ویب سائٹ چیک کریں۔

آپ کو سفر کرنے سے پہلے اور/یا بعد میں ٹیسٹ کروانے کی ضرورت ہو سکتی ہے۔  CDCکی تازہ ترین سفری رہنمائی (صرف انگریزی) دیکھیں۔

جب آپ افراد کے گروہ کے ساتھ اکٹھے ہونے والے ہوں تو آپ کو ٹیسٹ کروانا چاہیے، خاص کر ان لوگوں کے ساتھ جنہیں شدید بیماری کا خطرہ ہو یا جنہوں نے تمام کووڈ-19 ویکسینز نہ لگوائی ہوں.

اگر میرا ٹیسٹ مثبت آئے تو کیا ہو گا؟

 کووڈ-19 کا ٹیسٹ مثبت آنے (صرف انگریزی) کے بعد DOH کے مجوزہ اقدامات پر عمل کریں اور اپنے گھر پر اور دوسروں سے دور رہیں۔ مزید معلومات کے لئے کووڈ-19 کا ٹیسٹ مثبت آنے پر کیا کرنا چاہیے میں DOH کی مکمل رہنمائی دیکھیں۔ تمام قریبی روابط کو کووڈ-19 سے ممکنہ سامنا ہونے پر کیا کرنا چاہیے (صرف انگریزی) میں دی گئی رہنمائی پر عمل کرنا چاہیے۔ گھر پر کیے جانے والے کووڈ-19 ٹیسٹ کے مثبت نتیجے کی اطلاع دینے اور نگہداشت کی خدمات کے حصول کے لئے براہ مہربانی ریاست واشنگٹن کی کووڈ-19 ہاٹ لائن کو 0127-525-800-1 پر کال کریں۔ زبان کی معاونت دستیاب ہے۔ آپ صرف Say Yes! COVID Test ڈیجیٹل اسسٹنٹ استعمال کرتے ہوئے بھی اپنا مثبت نتیجہ آن لائن ریکارڈ کر سکتے ہیں۔

WA Notify (WA اطلاع) کے جو صارفین کووڈ-19 کا گھر پر مبنی ٹیسٹ استعمال کرتے ہیں، وہ مثبت نتیجہ آنے پر تصدیقی کوڈ کی درخواست کر سکتے ہیں جو WA Notify کے دیگر صارفین کو گمنام اطلاع دے گا کہ ان کا کووڈ-19 سے ممکنہ سامنا ہوا ہے۔ WANotify.org میں اگر کووڈ-19 کے ذاتی ٹیسٹ میں نتیجہ مثبت آئے تو دوسروں کو کیسے اطلاع دی جائے کا سیکشن (صرف انگریزی) ملاحظہ کریں۔

سامنا ہونے کے بعد اس شخص کا ٹیسٹ کب مثبت آئے گا؟

جب کوئی شخص کووڈ-19 سے متاثر ہوتا ہے تو امکان ہوتا ہے کہ سامنا ہونے کے پانچ دن بعد تک ٹیسٹ میں وائرس کی موجودگی ظاہر نہ ہو۔ تو ممکن ہے کہ آپ کو کووڈ-19 ہو لیکن کچھ وقت تک ٹیسٹ میں یہ ظاہر نہ ہو۔ درست نتیجہ لینے کے لئے وقت اہم ہے۔ اگر آپ کا کووڈ-19 سے ممکنہ سامنا ہوا ہے لیکن علامات موجود نہیں تو آخری مرتبہ ممکنہ سامنا ہونے کے 3–5 دن بعد ٹیسٹ کروانا بہترین طریقہ ہے۔ اگر آپ کا سامنا ہوا تھا اور علامات پیدا ہو گئیں تو گھر پر اور دوسروں سے دور رہیں اور ٹیسٹ کروائیں۔ مزید معلومات کے لئے کووڈ-19 میں مبتلا شخص سے ممکنہ سامنا ہونے پر کیا کرنا چاہیے (صرف انگریزی) کے بارے میں DOH کی رہنمائی پڑھیں۔

نتائج آنے میں کتنا وقت لگتا ہے؟

یہ اس بات پر منحصر ہے کہ ٹیسٹ کی قسم کیا ہے اور ٹیسٹ کے لئے کہاں نمونہ بھیجا گیا ہے۔ اینٹی جن ٹیسٹوں کے نتائج 15 منٹ میں بھی آ سکتے ہیں۔ PCR ٹیسٹوں میں کئی دن لگ سکتے ہیں۔

کون سا ٹیسٹ کروانا بہترین ہے؟

اگر گزشتہ 90 دنوں میں آپ کو کووڈ-19 نہیں ہوا یا مثبت نتیجہ نہیں آیا تو آپ NAAT ٹیسٹ (جیسا کہ PCR) یا اینٹی جن ٹیسٹ (جیسا کہ گھر پر مبنی ٹیسٹ کٹس) منتخب کر سکتے ہیں۔ جو بھی ٹیسٹ آپ کے لئے آسانی اور تیزی سے دستیاب ہو، اسے استعمال کریں۔ اگر آپ اینٹی جن ٹیسٹ استعمال کریں اور آپ کا نتیجہ منفی آئے تو کئی ٹیسٹوں کی ضرورت ہو سکتی ہے۔ ٹیسٹ کٹ کے ساتھ دی گئی ہدایات پر عمل کریں۔

اگر گزشتہ 30 دنوں میں آپ کا کووڈ-19 کا ٹیسٹ مثبت آیا ہے تو نئے انفیکشن کے تعین کے لئے ٹیسٹ کی تجویز نہیں دی جاتی۔ اگر گزشتہ 31–90 دنوں میں آپ کا کووڈ-19 ٹیسٹ مثبت آیا ہے تو موجودہ انفیکشن یا دوبارہ انفیکشن کے تعین کے لئے اینٹی جن ٹیسٹ بہترین ہوتا ہے۔ اس متعلق مزید معلومات کے لئے، کہ آپ کے حالات میں کون سا ٹیسٹ استعمال کرنا ہے، CDC کووڈ-19 ٹیسٹنگ گائیڈ (صرف انگریزی) دیکھیں۔

کیا میں ایکسپائرڈ کووڈ-19 ٹیسٹ استعمال کر سکتا/سکتی ہوں؟

جی ہاں۔ آپ ایکسپائرڈ کووڈ-19 تیز اینٹی جن ٹیسٹ، بشمول ٹرائی پلیکس ٹیسٹ (کووڈ-19 اور فلو A+B) استعمال کر سکتے ہیں، لیکن مالیکیولر ٹیسٹ نہیں۔ مزید معلومات کے لئے ایکسپائرڈ کووڈ-19 ٹیسٹوں کے عمومی سوالات دیکھیں۔

ریاست واشنگٹن کے Department of Health (DOH، محکمۂ صحت) نے ایکسپائرڈ تیز اینٹی جن ٹیسٹوں کے استعمال کی سرکاری منظوری (صرف انگریزی) جاری کی ہے، بشرطیکہ ٹیسٹ کوالٹی کنٹرول میں کامیاب ہو۔

اس کے علاوہ ٹیسٹ کے کئی صنعت کاروں کو FDA سے استعمال کی مدت میں توسیع (صرف انگریزی) موصول ہوئی ہے۔ اگرچہ صنعت کار Food and Drug Administration (FDA، انتظامیہ برائے خوراک و منشیات) سے موصول ہونے والی توسیع سے زائد کی تجویز نہیں دے سکتے، پھر بھی اگر ایکسپائرڈ ٹیسٹ ان میں بنے کوالٹی کنٹرول چیک میں کامیاب ہوں تو DOH ان کی اجازت دیتا ہے۔

آپ کے ٹیسٹ کے ساتھ ملنے والے ٹیسٹ کی ہدایات کے صفحے میں بتایا جاتا ہے کہ کوالٹی کنٹرول چیک کیسے کرنا ہے۔ اگر ٹیسٹ کوالٹی کنٹرول میں کامیاب ہو تو آپ اسے استعمال کر سکتے ہیں۔ اگر ایسا نہ ہو تو آپ کو اسے ضائع کر دینا چاہیے۔

کیا تیز اینٹی جن ٹیسٹ کووڈ-19 کے متغیرات کی تشخیص کرتے ہیں؟

جی ہاں۔ تحقیق سے ظاہر ہوا ہے کہ تجارتی سطح پر دستیاب تیز اینٹی جن ٹیسٹوں سے بھی SARS-CoV-2 کے متغیرات کا تعین کیا جا سکتا ہے۔

مزید براں FDA تعین کرتی ہے کہ آیا یہ ٹیسٹ ابھی بھی ان متغیرات کا تعین کر سکتے ہیں یا نہیں۔ (صرف انگریزی) آج تک FDA کو ایسے کوئی تجارتی سطح پر دستیاب ٹیسٹ نہیں ملے جو SARS-CoV-2 متغیرات کے تعین میں ناکام رہے ہوں۔ آپ بھروسہ کر سکتے ہیں کہ مختلف متغیرات کے باوجود آپ کا ٹیسٹ کووڈ-19 کا تعین کر لے گا۔

اگر آپ میں کووڈ-19 کی علامات موجود ہیں اور کووڈ-19 تیز اینٹی جن ٹیسٹ کا نتیجہ منفی آئے تو DOH اور ٹیسٹ کے صنعت کاروں کی تجویز ہے کہ دوبارہ ٹیسٹ کر کے غلط منفی نتیجے کے امکانات کو کم کیا جائے کیوں کہ ٹیسٹ ہمیشہ ابتدائی مراحل میں وائرس کی تشخیص نہیں کرتا۔ مزید تفصیلات کے لئے DOH کی کووڈ-19 ذاتی ٹیسٹ کی رہنمائی دیکھیں۔

کیا مجھے ٹیسٹ جمع کر کے رکھنے چاہئیں؟

کچھ ٹیسٹ اپنے پاس رکھنا اچھی بات ہے۔ اگر آپ کو مزید ٹیسٹوں کی ضرورت ہو تو دستیاب ہونے پر Say Yes! COVID Test، وفاقی پروگرام (صرف انگریزی) یا اسٹورز کے ذریعے انہیں آرڈر کریں۔  اپنی فیصلہ سازی کی صلاحیت استعمال کریں لیکن ذہن کے رکھیں کہ ضرورت سے زیادہ ٹیسٹ جمع کرنے سے آپ دیگر ایسے لوگوں کو محروم کر سکتے ہیں جنہیں ان کی ضرورت ہو۔  اور ایکسپائر ہونے کی تاریخوں پر بھی غور کریں۔ اگر آپ کے پاس ضرورت سے زیادہ ٹیسٹ ہوں گے تو زیادہ خطرہ ہو گا کہ آپ کے استعمال کرنے سے پہلے ہی وہ ایکسپائر ہو کر ناقابل استعمال ہو جائیں۔