Ja koo jika ji ja kindasi ja siki COVID-19 :: Ve’e nuu jito tiñu ja satatan ini ñuu Washington (vachi ni nuu yu’u Inglés)
Kunde’e ní nasa kuni nasaa kivi koo jika ní axi kindasi ní. Tágua ni’in ní tu’un siki naguá sa’a ní iini yindasi ní, kunde’e ní nuu Naguá sa’a ní tú ni kee positivo nuu prueba COVID-19 ní (PDF). Tágua ni’in ní tu’un siki naguá sa’a ní tuu kuu ní in ñayiví ja ni iyo ñati nuu kue’e COVID-19, kunde’e ní nuu Naguá sa’a ní tú ni iyo ñati tuni ni nuu in ñayiví ja ndo’o COVID-19 (PDF).
Tú nduu satiñu va’a yiki kuñu ní axi sanaa xeen tuni ni ndo’o ní COVID-19, sanaa tu’un ya’a ma chindeé nuu ní. Kunde’e ní nuu Naguá sa’a ní tú ni kee positivo nuu prueba COVID-19 (PDF) tágua ni’in ka ní tu’un.
Tú satiñu ní axi ndee ní nuu yika tuni iyo, sanaa tu’un ya’a ma chindeé nuu ní. Nda nuu yika tuni iyo kuu: nuu satatan, nda vekaa, nuu kindoo ñayiví ja ni sa’a kuachi nuu kuya’vi, nuu kindoo nda ñayiví ja nduu na ve’e ji nda ñayiví ja ndukú nuu kusun, nda ja satiñu ji nuu ndute mar (tanu kuu, nda barco ja tíin tiaka, nda barco ja ndíso ndatiñu, nda crucero), nda ve’e nuu kindoo nda ñayiví ja satiñu axi nuu nda nuu satñu nuu nduu kuu koo jika siki tiñu ja sa’a, (tanu kuu, nuu tava’a ndatiñu, nda fabrica ji nuu chuva’a kuñu ji ja kaji yo). Kunde’e ní nuu Naguá sa’a ní tú ni kee positivo nuu prueba COVID-19 (PDF) tágua ni’in ka ní tu’un siki nasaa kivi koo jika ní ji Naguá sa’a ní tú ni iyo ñati tuni ni nuu in ñayiví ja ndo’o COVID-19 (PDF) tágua ni’in ka ní tu’un siki nasaa kivi kindasi ní.