WA Notify Tu’un ja tatuni nasa satiñu

Tu’un ya’a ja tatuni nasa satiñu kachi ji nasa kuu satiñu WA Notify (Tu’un ja kachi WA), ja kuu in ndatiñu ndichi ja jatiñu ñuu Washington tágua kachi tu’un ja ni iyo ní nuu kue’e. WA Notify ni jakoo ji de ni sa’a ji tanu ni tetiñu Department of Health (DOH, Ve’e nuu jito ja Sa’a tátan) ja iyo ini ñuu Washington.

Na tu'un kuu ja náxtutu sa ji nasa jatiñu sa

Kuu nastutu nda tu’un ya’a nuu WA Notify nuu nda tiñu ya’a:

  • Ta xnuu axi ta naxtiin WA Notify.
  • Tu'un ja kenda nuu ní ja kachi ja ni iyo ñati ní nuu kue'e.
  • Ta tetiñu in código ja kachi tu'un axi in link ja kachi nasa iyo.
  • Ta tetiñu nda Código ja nasama ta'an nda ñayiví ja ni kee ja ndo'o ji kue'e tágua kachi nuu inka ñayiví ja ni iyo ñati ji nuu.
  • Ndani’in nagua sa’a ja nduu satiñu va’a aplicación ya’a (nda tu’un ja kachi nasa satiñu, ji suni tu’un siki nú satiñu va’a).

DOH ja iyo ñuu Washington jatiñu ji nda tu’un ya’a tágua kuni ji nasa satiñu WA Notify. Nda tu’un ya’a kuu kuu kuatiñu DOH, nda ve’e nuu satatan axi nda ñayiví ja ni jani ñuu ja satatan. Suni kuu kuatiñu nda científico axi nda ñayiví ja skua’a nasa jitenuu kue’e tágua kuni de nasa iyo. Tu’un ya’a nduu ndíso tu’un siki maa ní axi ndenu ndee ní ni ma kuatiñu tu’un ya’a tágua kachi ndekuu ndaká ñayiví ja jatiñu WA Notify.

WA Notify ni kuva’a ji tágua koto ji tu’un siki ñayiví de ya’a kuu ja kánuu ka nuu ji, tágua kita’an jín ja jikan Google ji Apple. WA Notify naxtutu ji nda tu’un ya’a siki tú ni iyo ñati ní nuu kue’e, ma sú tu’un siki na ñayiví kuu ní tágua kachi ji nuu inka ñayíví ndekuu ní:

Código ja nasama ta'an

  • Nda código ja nasama ta'an satiñu ji jín Bluetooth nda yokaa ja satiñu jín of WA Notify tiñu ya'a sa'a ji tá iyo ñati ji nuu inka yokaa.
  • Nda código ja nasama ta'an ya'a ji ja tava'a nuu yokaa ní, ma sú WA Notify kuu ja sa'a.
  • Nda código ja nasama ta'an ya'a jatiñu WA Notify ji yokaa ní tágua kuni ji tú ni iyo ñati ní nuu COVID-19.
  • Nda código ja nasama ta'an ya'a ndoo ji nuu yokaa ro nuu 14 kivi.

Nda código ja kachi tu'un ji nda link

  • Tágua kachi tu’un ñama ní nuu nda ñayiví ja jatiñu WA Notify ja ni iyo ñati ji nuu COVID-19, DOH tatiñu ji in tu’un ji/axi in mensaje nuu yoso link ja yitan ji jín ndi’i nda número yokaa ja ni jikuta’an jín ñayiví ja ni kee positivo nuu prueba COVID-19 ja ni kenda nuu DOH.
    • Tú ni jaxin ní axi ni sa’a ní clik nuu link ja kachi nasa iyo, kuu tetiñu ji nda código ja nasama ta’an ja kachi nuu inka ñayiví ja jatiñu WA Notify ja ni iyo ñati ji nuu kue’e.
    • DOH tetiñu ji in mensaje nuu ndiso in link ja kachi nasa iyo nuu ndi’i nda ja ni kee ja ndo’o ji COVID-19 chi nduu na jini ji na ndekuu ja jatiñu WA Notify. Kuu chi’in-ní WA Notify nuu yokaa-ní axi ma sa’a-ní nú nduu kúni-ní.
    • Ja kachi maa ní kuu tú kuaxin ní nuu tu'un kenda nuu ní axi nuu link ja kachi nasa iyo tágua sukua kachi tu'un ní nuu inka ñayiví ja jatiñu ji WA Notify.
  • Nú ni kee positivo nuu prueba-ní Covid-19 ní, in ñayiví ja satiñu nuu ve’e ja satatan nuu ñuu ka’an de nuu ní de katu’un de nú jatiñu ni WA Notify, Nú ja ni kenda axi ncha’a kenda in link ja kachi nasa iyo nuu ní, tetiñu de in link ja kachi nasa iyo axi in código ja kachi tu’un tágua chi’in ní nuu WA Notify.

Nuu tava'a nasa jatiñu

  • Tanu satiñu inka aplicación axi internet, WA Notify tava'a ji tu'un tú ni jatiñu ní ji. Nda tu'un ja tava'a ji kuu tu'un siki yokaa ní. Jatiñu sa nda tu'un ya'a tágua kuni sa tú satiñu va'a WA Notify.
  • Nuu nda tu'un ya'a nduu yi'i nda código ja nasama ta'an axi nda link ja kachi nasa iyo de nduu jatiñu ni in código ya'a tágua kachi ji nde kuu ní axi nde kuu yokaa ní.
  • Nda tu'un ya'a ndoo ji tú ja ni ya'a 14 kivi ja ni jakoo ji.

Tu'un ja jitotuni

  • Tú kaji ní ja naxtiin ní nda tu'un ya'a, nda tu'un ya'a kuu kuatiñu DOH tagua nasa'a va'a de aplicación ya'a.
  • Nuu nda tu'un ya'a yi'i tu'un siki nasa jatiñu ní aplicación ya'a. Nduu yi'i tu'un ja kachi na nayiví kuu ní.
  • Axi tú nduu kúni ní kuu xnda'va ní nda tu'un ya'a nuu aplicación yokaa ní.
  • WA Notify nduu naxtutu ji tu'un siki ndenu ni iyo ní jín yokaa ní, nduu naxtutu ji de nduu skuite nuu ji nda tu'un ya'a tágua kuni ñayiví na ñayiví kuu ní axi tú kuenta ní kuu nda código ja kachi tu'un axi nda código ja nasama ta'an.

Tu’un siki naku kuu sukua

  • Tanu kuu jín naani aplicación axi internet, WA Notify ndane’e ji tu’un siki nasa satiñu ji.
  • Google ni tava ji aplicación WA Notify nuu Android, de tanu kuu jín ndaká ka aplicación ja kachi tu’un ji nú ni iyo ñati ní nuu kue’e suni jatiñu ji tecnología Apple/Google.
  • Google jatiñu ji tu’un ya’a tágua kachi ji nú nduu satiñu va’a WA Notify de suni sukua sa’a jín ndaká ka aplicación ja kachi tú ni iyo ñati ní nuu kue’e ja jatiñu ji tecnología Apple/Google.
  • Tu’un ya’a ja kachi nasa iyo nduu yoso nuu ji ni in tu’un siki maa ní axi siki ndenu ni iyo ní de ma muu ja kachi ndekuu ñayiví ja jatiñu WA Notify.

Naguá kuu tú jikan ní in código ja kachi tu'un:

Nda ja jatiñu WA Notify ja ni kee positivo nuu prueba COVID-19 ji ja jatiñu ini ve’e kuu kakan ji in código ja kachi tu’un nuu WA Notify tágua sukua tetiñu ji tu’un nuu nda ka ñayiví ja jatiñu WA Notify ja ni iyo ñati ji nuu kue’e. Tágua kenda in código ja kachi nasa iyo, nuu nda ñayiví ja jatiñu WA Notify jiniñu’un ja chu’un ji kivi ja ni kee nuu prueba ji ja ndo’o ji kue’e ji número yokaa ji. Yokaa ja jetiñu ji tágua kakan ji in código ja kachi nasa iyo kuu ja kuatiñu ji tágua chi’in ji código ya’a axi suni kuu sa’a ji clik nuu link ja kachi tu’un tágua sukua tetiñu ji tu’un nuu nda ka ñayiví ja jatiñu WA Notify ja sanaa ni iyo ñati ji nuu kue’e.

Tágua ma kee uu tu’un siki in ni prueba, WA Notify tava’a tu’un ja iyo yu’u siki número yokaa ja ni jatiñu tágua kakan in código ja kachi nasa iyo nuu ñati 30 kivi. Nuu tu’un ya’a nduu yi’i ki’i tu’un siki maa ní axi ndenu ni iyo ní ni ma kuatiñu tágua kuni na ñayiví kuu ja jatiñu WA Notify.

Na tiempo kuu ja skute nuu tu'un siki ní

Ma naxtutu sa ni ma skutenuu sa tu'un siki in ñayiví, vachi ni tú ni jaxin ji nuu código ja kachi nasa iyo axi sa'a ji clik nuu link ja kachi tu'un. Vachi ni tú jatiñu ní, WA Notify kuu ja kuatiñu nda código ja nasama ta'an ja iyo nuu yokaa ní tágua kachi ji nuu inka yokaa ja ni iyo ñati ji nuu yokaa ní. Código ja kachi nasa iyo axi link ma kuu kachi na ñayiví kuu ní ni ma kuni ñayiví siki ja ya'a tú nduu ke'en ji yokaa ní. Kunde'e ní nuu kachi “Na tu'un kuu ja náxtutu sa ji nasa jatiñu sa” ichi siki página ya'a tágua ni'in ka ní tu'un siki nasa jatiñu ji nastutu tu'un nuu WA Notify.

Nasa jito sa tu'un siki ní a tu'un kuu ja náxtutu sa ji nasa jatiñu sa

WA Notify jito ji nda código ja nasama ta'an de nuu tiñu ya'a jatiñu ji Google ji Apple Tu'un ja kachi tú ni iyo ñati ní nuu kue'e, nda ja ndíso tu'un siki nasa koto ji nasa skutenuu. WA Notify nduu tava'a ji tava nda código ja nasama ta'an — yokaa ní kuu ja sa'a tiñu ya'a.

Tu'un ja jiniñu'un kuni ní siki maa ní

Siki ja nda código ja kachi nasa iyo ji tu'un siki aplicación ya'a ma kuu sa'a ja kachi nde kuu ní tú ma kivi sa nuu yokaa ní, DOH ma kuu ja ni'in ji nda tu'un ya'a. Ja siki ya'a, DOH ma kuu xndoo ji axi ja tetiñu ji tu'un ya'a nuu ní tú jikan ní. Maa ni kuu ja jini nasa jatiñu ní WA Notify. Yokaa maa ní kuu ja kuu xnda'va nda tu'un ya'a axi xndoo ji ndi'i nda tu'un ya'a naa ni hora kuni maa ní. Suni, kuu xndoo ní WA Notify naani hora kúni ní. Tú sa'a ní sukua ndi'i nda código ja nasama ta'an ja iyo nuu yokaa ní naa ji.