Ta melelein histoplasmosis?
Hiptoplasmosis ej juon nañinmej eo ej kōmman jen kito eoHistoplasma. Ilo jōt jikin ko, Histoplasma ej mour ilo bwidej ko ak ilo meḷan ko jōt, ekkā ilo ijjo ewōr kibwe in bao ak pāt ko. Ilo jōt jikin ko, Histoplasma ej mour ilo bwidej ko ak ilo meḷan ko jōt, ekkā ilo ijjo ewōr kibwe in bao ak pāt ko. Armej im menin mour ko remaroñ bōk nañinmej in histoplasmosis elikin aer menonoki kij eo jen mejatoto.
Ia in menin ej walok jen e?
Histoplasma ej mour ilo bwidej ak ilo melan ko jōt ewor ak kibwe in bao ak pāt ko. Histoplasma kwomaroñ loe ilo bukon ko ibelakin lalin. Ilo US, Histoplasma ekkā an pād state ko iolap im ilo, elaptata ijjo ekkā an pād ie ej ilo turin Ohio im Mississippi River koṃlal, ak emaroñ bar mour ilo ijoko jōt ilo bukon eo barāinwōt. Centers for Disease Control and Prevention (CDC, Jikin Kantūrol Nañinmej im Bobrae) ej kōmman juon mab in ijoko emōj an ajedeed in nañinmej in Histoplasma. Ijjo kito in ej itok jen e ejab kanuj in alikar im ejelak ejelā kake. Ewor kein kamool ko ke Histoplasma emaroñ mour ilo jikin ko rālik in joko rej kōnono kake ilo US. Jen abnonon in an maroñ wor Histoplasma ilo Department of Health (DOH, Rā eo an Ejmour) Washington ej etaale ñan ripoot e keej in armej ro ak melan eo ñe reloe. Ñan kio, Histoplasma ejañin walok ilo bwidej ko ilo Washington. Bōtaab, bwidej ko turin bukon eo rejab kajur teej e ñan lale ñe ewor Histoplasma.
Ewi wāween an ajeeded?
Armej ro im menin mour ko remaroñ bōk histoplasmosis elikin aer menonoki kij eo jen mejatoto. Kauwōtata in Histoplasmosis ej laplok ñe ewor emakūt ko rej kabnōnō bwidej eo, enij bwidej ko ewor kibwe in bao ak pāt ie. Emakūt ko enwōt ekkal, karreo mon kako ko, deloñe roñ ko, kakāāl em mor ko, ak emakutkūt ko jōt remaroñ kabnōnō bwidej eo im ej kalaplok kauwōtata ñan histoplasmosis. Histoplasmosis ejab ajedeed jen armej-ñan-armej ak armej-ñan-menin mour.
Ewi wāween aō maroñ bōbrae an ajedeed histoplasmosis?
- Bōbrae an wor kibwe in bao ak pat ko iloan im turin mweo imōm, ilo am kilōke mweo ñan bōbrae jen bao im pāt ko.
- Jab jibwe menko ewōr kibwe in bao ak pat ie.
- Kopej ilo joñan eo elap in kibwe in bao ak pat rej aikuj in karreo jen mon jerbal ko ewor aer tijemlok ikijen jolak kopej kein.
- Ñe kwoj aikuj in karreo ki kibwe in bao ak pat, kwon būtōk e mōkta ñan jolak buñal in, im ekōnak kilob im N95 māj ko ilo am karreo.
- Armej ro rej pād ilo kauwōtata, ekoba armej ro emajno enbwinin, rej aikuj in jab elak ñan menkein ikijen kistoplasmosis, enwōt kakure ijjo jikin kibwe in bao ak pat, karreo mon kako ko, deloñe roñ ko, ak kakāāl em mor ko.
Ta eo jemaroñ kōmmane ñan jumae?
Wūno ko ñan jumar kito in ej jipañ bōbrae jen histoplasmosis ilo rinañinmej ro rebōk nañinmej in im rej aikuj taktō.
Ewi joñan makaj an ad jinoe eñjake nañinmej in?
Eloñ ian nañinmej ko ejab kwalok kakōlle ko ak ebwe aer dik. Eitan aolepān armej ro rej nañinmej rej mour make iaer ilo aer jab kōjerbal wūno. Kakōlle eo rj walok 3 lak ñan 17 raan ālikin am menonoki kij eo. Kakōlle ko an histoplasmosis ekoba:
- Pipa
- Pokpok
- Lab mōk
- Piọ
- Metak bar
- Metak ob
- Metak ānbwin
Armej ro emajno enbwinin, niñniñ ko, im rūtto ro (yiiō 55 im laplak), rej kauwōtata ñan bōke nañinmej in. Nañinmej ko ekauwōtata emaroñ aitok in an kakure ār eo, ak nañinmej in emaroñ ajedeed ñan ijoko jōt ilo enbwinin āinwōt kōmālij im di in enbwin (ajedeed in histoplasmosis).
Ia eo imaroñ bōke melele ko relaplok?
Ñan melele ko relaplok kūrlok Communicable Disease Epidemiology (Mon Etaale Nañinmej eo), 206-418-5500 ak ilo ejelok onean 877-539-4344.