COVID-19

 

Call e nōmba eo n̄an bōk meḷeḷe kōn COVID-19

Elan̄e ewōr am kajjitōk ikijen COVID-19, call e 1-800-525-0127 im jibed 7. N̄e renij uwaak, kwaloke kajin eo am kwōj aikuij ukok n̄an e. Lain in call eo ej pellọk Mande jen 6 awa jibbon̄ n̄an 10 awa jota, im Juje n̄an Jabōt (im raan in holiday ko rej kiļe) 6 awa jibbon̄ n̄an 6 awa jota.

Kwoj bed wōt mweo imōm im aikuiji wā in bōbrae eo an COVID-19?

Wāween kein jilu remāron̄ jibān̄ eok n̄an am bōk wā in bōbrae eo (Kajin Pālle) ak call e lain in COVID-19 eo ilo 1-800-525-0127 im jiped 7.

Wā in Bōbrae Coronavirus (COVID-19)

N̄an meļeļe ko rekāāl ikijen wā in bōbrae eo an COVID-19, jouj im ļale peij e ilo kajin eo am: Meļeļe kōn wā in bōbrae eo an COVID-19

Kakōļļe im wāween in bōbrae ko ikijen nan̄imej in COVID-19

Er kein kakōḷḷe ko reḷap an COVID-19:

  • Piba ak piọ, pọkpọk, ikijelak ak ben am menono, emōkmōk, metak enbwinnim, metak bar, oktak am māron̄ in edjon̄ ak et bwin, metak buruom, bon ak uwir botiim, malōn̄lōn̄ ak emmōj, im bidodo lọjeem.
  • Call e 911 elan̄e kwōj loe kakōḷḷe ko rekauwōtata an COVID-19:
    • Abān̄ am emenono
    • Metak ak aer ob
    • E jidimkij aṃ bōk ilo ḷōmṇak ko aṃ
    • Kwōjab māron̄ in uwaak
    • E piọlōt tieṃ ak itūrin mejām
  • Uwaan ro rej kauwōtata jen nan̄inmej in COVID-19

Ewi wāween eo ao maron̄ kejbarok n̄a māke im baamle eo aō?

  • Bōk wā in bōbrae eo im bar bōke wa in kakujur eo n̄e ekkar n̄an buki.
  • Eḷan̄e kwōj nan̄inmej, bed wōt ṃweo imōm.
  • Kōnak mej in kalibubu im bed jiljino ne (ruo miita) jen armej n̄e etal ñan ijoko loblej im eloñ armij ie.
  • Jab bed ilobwilijin armej im joko rejjab ejjedwawa.
  • Ekutkut aṃ kwọļ peim ak kōjerbal kein aṃwin.
  • Pinej am pọkpọk im māje kōn bukwein peim ak pepa in uwir ko.
  • Jab jibwe itūrin mejām, lọn̄iim, bọọtiim ak mejām.
  • Karreoiki ion men ko ekutkut jebjeb im ijoko elap emakitkit ilo mweo imōm.
  • Kōnaan ibben taktō eo am n̄e ewōr am kakōḷḷe in nan̄inmej in COVID-19.  Elan̄e ejjelọk am tatkō, kenono ibben rijerbal ro ilo mōn tatkō ak jikin ejmour ko repāāk eok. Kenono ibben opiij eo an kiien in ejmour elan̄e ejellọk am injuran in taktō.
Teej nan COVID-19

N̄an meļeļe ko rekāāl ikijen wā in bōbrae eo an COVID-19, jouj im ļale peij e ilo kajin eo am: Meḷeḷe ko ikijen teej in COVID-19.

Bed wōt māke iaam (Quarantine) im Jenolọk (Isolation)

Ñan katak elaplok kake naan kein, im joñan aitok in nej ien am jenolok ako bed wōt māke iaam, lale Jenolọk im Bed wōt māke iaam peij eo anḷain.

Un in ko n̄an ekōnak mej

Mej nuknuk ko rej kadrikḷọk an nan̄inmej eo peḷọk ilo mejatoto n̄e juon armij me ewōr an COVID-19 ej kenono, pọkpọk, ak ṃaje. Kwōmaron̄ bōk nan̄inmej in COVID-19, jōkdron edrik ak ejjolọk am kakōḷḷe in nan̄inmej in. Ekōnak mej bwe kwōn kabōjrak an ajeded nan̄inmej in COVID-19 n̄an armij ro jet. Nan̄ijmej eo emaron̄ majno ikijiem, ak kauwōtata n̄an ro jet.

Ḷaḷe naan in rojan̄ kein kōn ekōnak mej:

  • Mej eo am ej aikuijin kalibubu lọn̄iim im bọọttim, im en kwōn ilo tōrerein mejām.
  • N̄an ekōnak im wutki mej eo am, kōjberal to ko n̄an lojlin̄ūm im jab jibwe imaan mej eo am ak itūrin mejām.
  • Jolọk mej nuknuk ko ak kwọl mejām iien otemjej ko kwōj ekōnak mej, im en ekutkut am kwọl peim.
  • Ajri iumin ruo aer iiō im driklọk rejjab aikuijin ñan jirik ekōnak mej im ajiri jen 2 n̄an 4 aer iiō ej aikuj ewōr ritto ippeir ilo aer ekōnak mej.
  • Laajrak eo kin mej ejjab jelet ro uwōta ejmour ko aer. N̄e ewōr am kajjitōk, kōnaan bben taktō eo am n̄an ta emmōn n̄an kwe.
Kejbārok am ḷo lọk mōn wia ko im moko lọbwilej

Elōn̄ wāween ko n̄an kejbarok ejmour eo am in ro jet n̄e kwōj lōmnak in etal jen mweo imōm.

  • Mokta jen am etal jen mweo imōm:
  • N̄e kwōmaron̄, jab etal n̄an mōn wia ko ak joko lọbwilej elan̄e kwe nan̄inmej. Kajjitōk ippen juon uwaan baamle eo am ak ro mōttam bwe ren bōktōk men ko mweiōm.
  • Ortare men ko kijōm, uno ko limōm, im bar aolep mweik ilo online n̄an aer ān̄inlọk n̄an mweo imōm.
  • Ḷaḷe awa in jerbal ko aurōk. Elōn̄ mōn wia remāron̄ lelok aer jiban̄ ilo awa in jerbal ko aurōk n̄an armij rittolọk jen 65 aer iiō im ro uwōta ejmour ko aer. N̄e kwōmāron̄, etal n̄an mōn wia ko ilo iien ko ejjab lap boub.
  • Kwọl peiṃ mokta jen am etal jen mweo imōm.

N̄e kwōj etal jen mweo imōm:

  • Ekōnak mej n̄an kalibubuik bọọtiiṃ im lọn̄iiṃ.
  • Bed tarin jiljino ne (ruo miita) jen armij, im bar ilo lain n̄an kōllā.
  • Pinej am ajji im am pọkpọk.
  • Jab jibwe itūrin mejām.
  • N̄e kwōj itōn kaikuijkuij, kōjberbal kein amwin peim ak pepa in karreo n̄an am iri jikin jebjeb eo an wa ak basket eo am.

N̄e kwōj rọọltok n̄an ṃweo imōm:

  • Ñe kwar ekanak māj, lale bwe kwon kwọle im kakwōne, ako jolok ñe ekar juon māj rot eo kwoj maroñ jolok.
  • Kwọle peim.
  • Loor e laarjrak ko ikijen jebjeb mōn̄a. Jab kōjerbal kein karreo ion kein kamōn̄a. Kwọle fuit im vegetable ko kijom.
  • Rojan̄ ko n̄an kaikuijuij ilo iumwin COVID-19.
Armij ro uwōta ejmour ko aer n̄an nan̄ijmej eo ekauwōtata

Armij ro uwōta ejmour ko aer n̄an nan̄ijmej eo ekauwōtata ren loor e wāween in kejbarok kein:

  • Kenono ibben jikin taktō eo am n̄e kwōj aikuij jibān̄. Jejjo mōn taktō rej kōjerbal "patient portals" (jikin kenono online), im elōn̄ rijerbal remāron̄ bōk call ko am im jibān̄ eok. Bōtab, kaelmenlọkjen ke remāron̄ lukkun boub.
  • Kōllājrake uno ko limōm kwōj aikuiji im kenono ippen mōn uno ak mōn taktō eo am kōn aer māron̄ in kakobaiki uno ko kwōn bōk ilju im jeklāj. Jeki uno ko jet limōm kwōj bōke im ḷaḷe jekjek in ejmour eo am ak enbwinim.
  • Loor e rojan̄ ko rekāāl ikijen aolep wā in bōbrae ko. Bōke wā in bōbrae eo an COVID-19 in bar wā in kakajur eo n̄e ekkar n̄an am buki. Jibed ije n̄an būkot jikin wā in bōbrae ko itūrim.
  • Kwōn kakōnkōn kijōm mōn̄ā im kein kappojak ko am elān̄e kwōj aikuijin bed māke iaam ak jenolọk.
  • Būkot juon eo emāron̄ jibān̄ eok im kajjitōk ippeir bwe ren call eok im ḷaḷe ejjet am bed. Kōjjela lọk n̄an armij in n̄e ejjab emmōn aer mour bwe ren jab ḷo lọk eok.
  • Waje ejmour ne am im būkot jibān ippān mōn taktō n̄e kwōj aikuiij.
Bōrọrọ, nin̄nin̄ im COVID-19

Ta kwōn jelā elan̄e kwōbōrọrọ

  • Armij ro rebōrọrọ elaplọk aer uwōta jen nan̄inmej eo ekauwōtata an COVID-19 jen armij ro rejjab bōrọrọ.
  • Ribōrọrọ ro raar bōk nan̄inmej in COVID-19 elap aer kauwōtata n̄an kōmmour (kallōtake nin̄nin̄ eo mokta jen 37 wiik) im jibūn̄, bareinwōt bar jorāān ko jet n̄an ribōrọrọ.
  • Ribōrọrọ im ro rej epāāke er aikuijin loor e laarjrak kein n̄an aer kejbarok ejmour ko aer jen nan̄inmej in COVID-19:
    • Bōk wā ko im wā bōbrae ko.
    • Ekōnak mej.
    • Bed iumwin 6 ṇe (2 mita) jen ro jet im jab bed ilọbwilijin armij im joko rejjab ejjedwawa.
    • Bōk teej ko n̄an kapōjrak an ajedjed nan̄inmej eo n̄an ro jet.
    • En ekutkut am kwọl peim im pinej am pọkpọk im maje kōn bukwein peim ak pepa in uwir.
    • En ekutkut am karreoki im kōjerbal men in maṇmaṇ kij ilo mweo imōm.
    • Waje ejmour ṇe am iien otemjej.
    • Kenono ippen taktō eo am kiō ne ewōr am kajjitōk kōn am bōrọrọ, ne kwō nan̄inimej, ak ne kwōj lōmnak ewōr am nan̄inmej in COVID-19.

Bōrọrọ im wā in bōbrae ikijen COVID-19

  • Wā in bōbrae eo an COVID-19 ej rōjan n̄an armij ro rebōrọrọ, rej kanninnin, rej kajjeon̄ in wōr nijier kiō, ak remāron̄ bōrọrọ ilju im jeklaj.
  • Kein kamooḷ ko kōn an wa in bōbrae ko an COVID-19 kejbarok im jerbal n̄an ribōrọrọ rej laplọk wōt. Meḷeḷe ko rej kwaḷok an laplọk an wā in bōbrae ko an COVID-19 kejbarok ribōrọrọ jen jorāān ko remāron̄ waḷok jen wā kein.
  • Ribōrọrọ rej aikuijin bōk wā in kakujur eo an COVID-19 iien eo remāron̄.
  • Wā in bōbrae ko rejjab kōmman nan̄inmej in COVID-19, bar n̄an ribōrọrọ im nin̄nin̄ ko nejier.
  • Ilo tōrre in, ejellọk kein kamool ej kwalok ke jabdewōt wā ko, ekoba wā ko an COVID-19, rej kōmman jorāān ilo an kōra im emmaan warōne.
  • Kwōbōrọrọ im ewōr ke bar jet kajitōk kōn wā eo an COVID-19? Kenono ippen tatkō eo am bōtab ro ewōr aer kapeel ilo būrokraam eo an MotherToBaby (Mama nan ninnin), rebojak in uwaake kajjitōk ko am ilo talebon ak ilo online. Būrokraam eo an MotherToBaby (Mama nan ninnin) ejjelok wōneen im kenono ko ippeir rej ettino. Ej pellọk Mande nan Bōlaide, 8 awa ilo jibbon̄ n̄an 5 awa jota. Ḷaḷe peij eo aer online ilo MotherToBaby (Mama nan ninnin) im kōnaan ippeir ilo computer ak jilkin lọk juon email, n̄e jab call e 1-866-626-6847 (ilo kajin Paḷḷe im Spanish wōt).

Kejabarok nin̄nin̄ eo nijiim n̄e ewōr am nan̄inmej in COVID-19

  • Nin̄nin̄ ko nijin armij ro raar nan̄inmej in COVID-19 ilo iien bōrọrọ rejjab bōk nan̄inmej in n̄e rej lōtak tōk.
  • Kakōḷḷe ko an nan̄inmej in raar jab walok ippen nin̄nin̄ ko alikar teej ko aer n̄an COVID-19. Elōn̄ ripoot rej ba jejjo nin̄nin̄ ewōr aer nan̄inmej eo ekauwōtata an COVID-19.
  • Elan̄e kwōj jenolọk n̄an COVID-19 im ewōr nijim nin̄nin̄, loor e laajrak kein mae iien eo ejemlọk an jenolọk:
    • Bed wōt mweo imōm im kattolọk eok māke jen armij ro jet.
    • Jenolọk (kattolọk eok māke) jen uwaan kabijuknen eo am n̄e ejjelọk aer nan̄inmej, im ekōnak mej ilo jo jikin koba ko.
    • Kappok juon rijibān̄ eo ear bok aolepen wā in bōbrae ko im ejjab uwōta ejmour eo aer n̄an nan̄inmej eo ekauwōtata bwe en kejbāroke nin̄nin̄ eo nijiim. N̄e kwōmāron̄, kapooj ak paṃ milik n̄an an rijibān̄ eo keidrāāke nin̄nin̄ eo nijiim. N̄e kwōj kōjerbal boota in milik, kōtlọke an rijibān̄ eo kapooje n̄an nin̄nin̄ eo nijiim.
    • Loor e laajrak ko raar rōjan̄e ne kwōj aikuijin kejbāroke nin̄nin̄ eo nijiim mokta jen am mōj jenolọk, im bareinwōt ekōnak mej n̄e kwōj kaninnini ak kajajaki nin̄nin̄ eo nijiim.
    • Waje nin̄nin̄ eo nijiim n̄an kakōḷḷe ko an COVID-19.
    • Bōrọrọ, kōmmour im kejbāroke nin̄nin̄ eo nijim n̄e kwar bōk nan̄inmej in COVID-19.
  • Kein kamool ko rej kwalok ke milik in ittūt ejjab ajeded nan̄inmej eo n̄an nin̄nin̄. Katak ko rekāāl rej kwalok ke armij ro raar bōk wā in bōbrae ko an COVID-19 rej lelok anitbodies (menin maṇmaṇ kij ilo bōtōktōk) n̄an nin̄nin̄ ko nejier jen milik in ittūt. N̄e ewōr am nan̄inmej in COVID-19 im kōnaan kaninnin/najidni:
    • Kwoḷe peiṃ mokta jen am kaninnin/najidni
    • Kōnak mej n̄e kwōj kaninnin/najidni im n̄e kwōj bed iumin 6 ṇe (2 mita) jen nin̄nin̄ eo nijiim.

Būrokraam eo an Parent Support Warm Line (Line in Jiban Jinen im Jemen) ej pellọk n̄an ribōrọrọ, jinen im jemen nin̄nin̄ ko, im bar aolep ilo baamle ko rej aikuij jiban̄ im meḷeḷe ko ikijen nan̄ijmej in kōmelij. Call e 1-888-404-7763, Mande ñan Bōlaide 9 awa jibbon̄ n̄an 4:30 jota (kajin Pāḷḷe im Spanish wōt). Rijerbal ro an lain e rej koba rijibān̄ eo an baamle, taktō in kōmelij ak armij ro remāron̄ jibān̄ eok kōn nan̄ijmej in kōmelij einwōt buroomej im inepata. Renaj call eok n̄e kwar jab māron̄ in tōprak eir ālikin awa in jerbal ko aer. Kol, jeje ak email tok koj ilo warmline@perinatalsupport.org.

Kejbārok n̄a im baamle eo aō

Washington Listens (Washington Ronjake): N̄e kwōj aikuijin kōnaan kōn abnōnō ko ikijen COVID-19, call e būrokraam eo an Washington Listens ilo 1-833-681-0211. Enaaj wōr wōt juon eo kwōmāron̄ kenono ippen Mande n̄an Bōlaide jen 9 awa jibbon̄ n̄an 9 awa jota im ilo wiiken jen 9 awa jibbon̄ n̄an 6 awa jota. TTY (kein kenono ak jeje n̄an rijaron̄ron̄ im ro rejjab māron̄ konaan) im būrokraam ko nan ukok naan renaaj pellọk n̄an ro rej aikuiji. Kwōmāron bar kappok wāween ko n̄an am kejbārok ejmour in kōmelij ilo peij e (kajin Pāḷḷe).

  • Bōk meḷeḷe ko rekāāl kōn nan̄ijmej in im loor e rōjan̄ ak keaan̄ ko jen būrokraam ko an kiien im mōn tatkō ko, im bar ilo peij ko an public health online.
  • Ḷaḷe kein jibān̄ ko ilo kabijuknen ne am, einwōt nōmba ko n̄an call, peij ko online, im būrokraam ko rej kōjellā kōn nan̄inmej in. Kwōmāron̄ koba mōn jikuul, jikin taktō, būrokraam ko n̄an jibān̄ baamle, opiij in public health, jikin ejmour n̄an nan̄inmej in kōmelij im nōmba ko n̄an jorāān laplap.
  • Kwōn kenono ippen uwaan baamle im ro mottam ilo telebon ak online.
  • Kappoje men ko kwōmāron̄ aikuiji n̄e kwe ioon nan̄inmej eo (einwōt joob, kein amwin pā, peba in iuwur, kein bōk jōnan am bwil, uno in piba, im teej ko an COVID-19 kwōmāron̄ bōke ilo mweo imōm).
  • Kappoje uno ko nimemim im nimen uwaan baamle eo am.

Jibān̄ n̄an ro ajri ak jodrikdik ilo baamle eo am

  • Būkot wāween n̄an am kenono ippen ro mottaer im baamle ko aer ilo telebon, email, ak jeje ilo online.
  • N̄e rej aiblọt kōn enaan eo, jab meloklok in kakkije. Kōnaan ippen ajri ro nejiim im kōmeleleik ier kōn enaan ko raar eron̄ online ak jen ro jet.
  • Jibān̄e ajri ro nejiim ilo am uwaake kajiitōk ko aer im kōmeleleik lọk er kōn jekjek in bed eo an lal in.
  • Kōnaan kōn ta rej en̄jake im kautiej er.
  • Jibān̄ kwalok ta rej en̄jake ilo aer jin̄a ak makitkit ko jet ekkar n̄an er.
  • Kaineman er im kijen mij ak jab illu lọk.

Makitkit ko n̄an baamle ko

Men̄e baamle eo am ej jenolọk ak bed wot ilowaan iem, meḷeḷe ke wāween kein rejjab to aer bed.

Kawawa ki iien ko n̄an kiki, mōn̄ā, im emakitkit n̄an baamle eo am.

Ñe ajiri ro nejim rej bōk kunaer ilo ekatak ko rej etōlak emōj lelak jān jikuul im doulol ko, bukot bellok ko ñan an ajiri ro nejim ippen doon ippen ro jōt.

Kile lōmnak ko ainwot make lak, ejelok men ej kōmmane, mijak in bōk nañinmej eo, ikumkum, inepata, im uwata kin wawen ko rej walōk ainwot ien in ebin.

Jibān̄e baamle eo am kōmman kōl ko re limo and emakitkit ko rekkar n̄an baamle eo am im manit ko am.

Mennin Jibān̄ ko Relaplọk