COVID-19

Fa'atino, Fa'aeteete

Tausisia le fa'afouina pea o tui puipui o le COVID-19 

O le fa'afouina o tui puipui 2024-2025 o le COVID-19 o se tulaga ua numera tasi mo puipuiga e tetee atu ai i siama pepesi ma ma'i tigaina. 

A'oa'o Atili

Iloa Taimi e Fai ai Siaki

Tuuitiitia aafiaga o le pepesi o le COVID-19 e ala i le faia o siaki pe a lagona le fa'ama'ima'i, iai i totonu o se fa'apotopotoga, pe sa latalata i nisi ua aafia i le COVID-19.

A'oa'o Atili

Fai se Talifofoga

O le faia o se talifofoga ua fa'amaoniaina o se auala ua mafai ona tuuitiitia ai le pepesi o le COVID-19 ma o loo fautuaina pea i nisi o nofoaga. 

A'oa'o Atili

 

Pe Afai ua e Aafia i le COVID-19 i le Taimi Nei

Fa'amatalaga Fa'aopoopo

O āuga, fa’ailoilo ma puipuiga o le COVID-19

O āuga masani nei o le COVID-19 o loo i lalo:

• Tale, lē lava le manava pe faigata ona mānava, fiva, ma'alili, tigā maso o le tino, tigā le fa'ai, fou le lē manogi o se meaai poo le lagona o se fiaai. O isi āuga e le taatele e iai le fa'afaufau, fa'asuati poo le tātā o le manava.
• Valaau le 911 pe afai ua e vaaia āuga muamua ia o le COVID-19:
  • Faigata ona mānava
  • Tigā fa'alausosoo le fatafata pe fufusi
  • Fa'afuase'i ona le mautonu le mafaufau
  • Le mafai ona ala i luga pe ala umi fo’i
  • Sesega, efuefu, pe lanu moana le tino, laugutu, poo totonu o atigilima, fuafua i le lanu o le tino
• O ā vaega o loo i se tulaga lamatia?
  • Tagata matutua, tagata o soo se tausaga e iai fa'afitauli o le soifua maloloina, ma tinā ma’itaga e mafai ona maualuga tulaga fa'apopoleina i ma’i tigaina mai le COVID-19.

E fa'apefea ona ou puipui ia te a’u ma lo’u aiga?

• Fai sou tui ma tausisia le fa'afouina pea o tui puipui.Nofo i le fale pe a ma’i.
• Ia fai se talifofoga. ‘Alo 'ese mai mea e tumutumu ma nofoaga e lē lelei le ’ea.
• Toaga e fufulu ou lima i se fasimole ma le vai pe fa’aaoga vailaau fufulu lima.Kava lou fofoga pe a e tale ma mafatua i lou tulilima poo se pepa solosolo.
• 'Aua e te tago i ou foliga, gutu, isu, poo mata pe afai e le'i fufuluina ou lima.Afai ua e maua i āuga o le COVID-19, fa'afesootai lau tausi soifua masani. Afai e le'o iai sau tausi soifua poo se inisiua, o loo iai fa'atulagana faia fua mo le kilivaina o fualaau mo togafitiga (na'o le Igilisi ma le Fa'aSipaniolo) e ala atu i le Department of Health (DOH, Matagaluega o le Soifua Maloloina).
   

Asiasi i faleoloa ma nofoaga faitele ma le fa'aeteete

E tele mea e tatau ona e manatua ina ia puipuia ai oe ma isi ae ete le'i alu ma e toe foi mai fa'atasi ai ma le taimi ua e to'esea ai mai le aiga.

Ae e te le'i alu ese atu:

• Taumafai malosi ina ia 'aua e te alu i se faleoloa poo se nofoaga faitele pe afai o loo e ma’i. Vaai se tagata o lou aiga poo se uo ina ia piki atu mea mana'omia mo oe.
• Mafaufau pe talafeagai le faia o fa'atauga o meaai, fualaau ma vai mo togafitiga ma isi oloa i luga o 'upega tafa'ilagi e mafai ona kilivaina atu i lou fale.

A'o e iai i totonu o nofoaga tumutumu:

• Fai se talifofoga e kava ai lou isu ma le gutu.
• la tausisia le vāvāmamao pe tusa ma le ono futu (lua mita) i le va o oe ma isi, tusa poo laina mo le totogiina o fa'atau.Kava lou fofoga pe a tale pe mafatua.
• Aua ete tago i ou foliga i lima e le’i fufuluina.A fa'atau, fa’aaoga vailaau fufulu lima poo pepa solo lima e fa'amamā ai 'au o lau kololi fa'atau poo le ‘ato fai fa'atau.

Ma'itaga, pepe ma le COVID-19

O mea e tatau ona e iloa pe afai o e ma'itaga

• O tinā ma'itaga pe sa ma'itaga lata mai nei, o i latou ia e tulaga maualuga aafiaga o ma'i tigaina e ono maua ai ona o le COVID-19 fa'atusa ia i latou e le'o ma'itaga.
• O i latou ua pesia i le COVID-19 i le taimi o ma'itaga o loo fa'apea foi ona fa'atupulaia fa'afitauli i le fananau lē au (vave fanau e le'i atoa le 37 vaiaso) ma le fanau mai ua maliu, ma e ono iai foi tulaga fa'atuputupulaia o nisi faigata i ma'itaga.
• O tinā o loo ma'itaga pe sa ma'itaga lata mai nei ma i latou o loo latou fesoota'i pea e tatau ona faia laasaga nei ina ia puipuia ai i latou mai le maua i le COVID-19:
  • Fai sou tui ma tausisia le fa'afouina pea o tui puipui.Ia faia se talifofoga i nofoaga tumutumu.'Alo ese mai nofoaga tumutumu ma nofoaga e lē lelei ala’ea.Fai siaki ina ia taofia ai le pepesi o le COVID-19 i isi tagata.Toaga e fufulu ou lima ma kava le fofoga pe a tale ma mafatua i lou tulilima poo se pepa solosolo.
  • Toaga e fa'amāmā ma fa'availaau lou fale.
  • Fai ma siaki lou soifua maloloina i aso uma.

Vala’au lau tausi soifua i se taimi vave lava pe a fai o iai sou popolega e uiga i lou ma'itaga, pe afai ua e ma’i, po ua e manatu ua e maua i le COVID-19.

Ma'itaga ma le tui puipui o le COVID-19

• O tui puipui o le COVID-19 o loo fautuaina nei mo tinā ma'itaga, tinā o fa'asusu pepe, tinā o loo taumafai ia ma'itaga, pe atonu e ma'itaga i le lumanai.
• O fa'amaoniga o le saogalemū ma le malosiaga o tui puipui e tetee atu ai le COVID-19 i le taimi o ma'itaga o loo fa'atuputupulaia pea. I fa'amaumauga o loo iloa ai penefiti o le faia o tui puipui o le COVID-19 ua sili atu ona fo'ia ai fa'afitauli masani ua iloa fa'apea ma tulaga lamatia e ono tula'i mai i tui puipui i le taimi o ma'itaga.
• O tui puipui o le COVID-19 e le mafua ai le pepesi o siama o le COVID-19, e aofia ai tina ma'itaga poo a latou pepe.
• I le taimi nei e le’o iai se fa'amaoniga fa'apea o soo se tui puipui, e aofia ai tui puipui o le COVID-19, ua mafua ai fa'aletonu o totoga fanau o tama'ita'i poo alii.
• O e ma’itaga ma iai nisi au fesili e uiga i tui puipui o le COVID-19? Talanoa i lau tausi soifua pe fa'afesoota'i MotherToBaby, o loo iai o latou tagata tomai o loo avanoa e tali fesili i luga o telefoni poo talanoaga. O lenei auaunaga fa'alilolilo e le totogia ma o loo maua i Aso Gafua i Aso Faraile, 8 a.m. i le 5 p.m. Asiasi i le MotherToBaby (na'o le Igilisi ma le Fa'aSipaniolo) e talanoa ai pe lafo se imeli, poo le vala’au i le 1-866-626-6847 (na'o le Igilisi ma le Fa'aSipaniolo).

E fa'apefea ona tausia se pepe fou pe afai ua maua i le COVID-19

• O le tele o pepe fou a tinā sa aafia i le COVID-19 i taimi o ma'itaga e le'i maua i le COVID-19 ina ua fananau mai.
• O le tele o pepe fou sa fa'amaonia ua maua i le COVID-19 e feololo āuga na maua ai poo le leai foi o ni āuga ma ua toe malolosi. O lipoti ua fa'amauina ai nisi o pepe fou sa maua i ma'i tigaina ona o le COVID-19.
• Afai o e fa'anofo'esea mo le COVID-19 ma o loo iai sau pepe fa'atoa fanau mai, ia usitaia lapata'iga nei se'iloga ua mae’a lou taimi fa'anofo'esea:
  • Nofo i le fale ina ia e taumamao mai tagata tou te lē nonofo fa'atasi.
  • Fa'anofoesea (nofo mamao) mai isi tagata o lou aiga e le'o pesia ma fai se punifofoga pe afai o e i nofoaga nonofo fa'atasi.
  • Sa'ili se tausi soifua ua mae’a uma ona tui puipui ma e le'o i se tulaga maualuga o aafiaga tugā o fa'ama'i e mafai ona tausia lau pepe fou. Afai e mafai, tatau lou suāsusu ina ia faigofie e se isi tausi tama ona fa'asusu lau pepe. Afai o ia te oe fa'atonuga, talanoa i lau tausi tama ina ia ona fuaina le susu.
  • Mulimulita'i i lapata'iga o loo fautuaina pe afai e tatau ona e tausia lau pepe fou ae le'i mae'a lou taimi fa'anofo'esea, e aofia ai le faia o se punifofoga a'o e fa'asusu pe sii lau pepe.
  • Mata'itu lau pepe mo āuga o le COVID-19.
• O fa'amaoniga lata mai ua fa'aalia ai o le suāsusu e le mafai ona pasia le vairasi i pepe. O su'esu'ega lata mai ua fa'aalia ai o tinā sa faia tui puipui e tetee atu ai le COVID-19 e mafai ona pasiina atu vaega o puipuiga o le tino i a latou pepe e ala i le suāsusu. Afai o loo e maua i le COVID-19 ma ua filifili e fa'asusu lau pepe:
  • Fufulu ou lima ae le'i fafagaina lau pepe.
  • Fai se talifofoga pe a fafaga pe fa'asusu lau pepe ma soo se taimi ua e iai i le va o le ono futu (lua mita) mai lau pepe.

O loo avanoa le Laina Telefoni mo le Perinatal Support Washington mo matua fou uma ma matua fa'atalitali, poo e latou te alolofa iai, i soo se taimi latou te mana'omia ai se fesoasoani i fa'amatalaga tau le soifua maloloina o le mafaufau. Valaau le Laina Telefoni mo le Perinatal Support Washington o le 1-888-404-7763 pe asiasi i le 'upega tafa'ilagi a le Perinatal Support (na'o le Igilisi). Lafo se fe'au tusitusia pe imeli i le warmline@perinatalsupport.org.

E tāua le sa'iliina o se fesoasoani. O le laina telefoni e avanoa soo se taimi ma e taliina mai le Aso Gafua i le Aso Faraile, 9 a.m. i le 4:30 p.m. (na'o le Igilisi ma le Fa'aSipaniolo). I afiafi ma fa'ai'uga o vaiaso fa'amolemole tuu se fe'au ina ia mafai ona toe fa'afoiina atu le valaau i totonu o le 1-12 itula. O le matou laina fesoasoani o loo fa'atautaia e i latou e galulue mo le mamalu lautele poo matua na maua i fa'afitauli poo popolega ina ua tuueseesea ma le pepe fou.

Tausi lelei oe ma lou aiga

• Ia lava lou silafia i tulaga o iai nei fautuaga ma fa'amatalaga mai ala fa'asalalau talitonuina, fa'alapotopotoga o soifua maloloina mo le mamalu lautele ma le lotoifale, ma fa'amatalaga fa'afou mai 'upega tafa'ilagi o le soifua maloloina mo le lautele.Fai se lisi o alaga'oa a komiunitī, e pei o numera o telefoni, 'upega-tafa'ilagi, ma ala o fa'asalalauga lautele fa'aagafesoota'i. E mafai ona e fa'aopopoina iai a'oga, foma'i, fa'alapotopotoga o soifua maloloina mo le mamalu lautele, auaunaga mo le manuia o tagata, ofisa 'autū o le soifua maloloina fa'apea ma laina fesoasoani.
• Toaga e mafuta i tagata o aiga ma uo e ala i telefoni pe ala i auaunaga i luga o 'upega tafa'ilagi.
• Ia iai sau sapalai o mea faigofie mo le soifua maloloina (e pei o fasimoli, vailaau fufululima, pepa solosolo, o se fua fiva, fualaau e fa'aitiitia ai le fiva, ma mea e fai ai siaki o le COVID-19 i aiga).
• Taumafai ia iai se sapalai o fualaau e mafai ona fa’aaoga e oe ma lou aiga i soo se taimi.

Fesoasoani i fanau laiti o lou aiga

• Sa'ili fesoasoani ma fesoota'iga mai au uo m aiga e ala i le talanoa iai i telefoni, fe'au tusitusia, imeli poo ala o fa'asalalauga fa'aagafesoota'i.
• Afai o tala e maua e tupu ai le fa'anoanoa i lau fanau, 'aua ne'i galo le faia o se malologa. Talanoa iai e fa'amanino soo se fa'amatalaga latou te ono maua mai le Initaneti poo isi auala o fa'amatalaga.
• Taula'i i le lagolagoina o fanau e ala i le fa'amalosi'au iai ina ia fesili ma fesoasoani iai ia malamalama i tulaga o loo iai nei.
• Talanoa e uiga i ni o latou lagona o loo iai ma tali atu iai.
• Fesoasoani ia i latou ina ia fa’aalia o latou lagona e ala i tusigā ata poo isi gaioiga fa'atino.
• Fa'anofo filemū ma ia fa'asiliina lou onosa'i nai lo lau masani.