COVID-19

 

COVID-19 Laina Tuusa’o Faamatalaga

Afai e iai sau fesili e uiga i le COVID-19,  vala’au le 1-800-525-0127 ma oomi le 7.  A tali mai i latou, fai iai i lau gagana ina ia maua ai auaunaga faaliliu-upu O le numera tuusa’o faapitoa o loo avanoa i Aso Gafua mai le 6 a.am i le 10 p.m., ma le Aso Lua i Aso Sa (ma so malolo aloaia) 6 a.m. i le 6 p.m..

O agai atu i aiga ma ua manaomia tui puipui o le COVID-19?

E tolu auala e lesitala ai. (na o le faa-Peretania) pe vala'au le covid-19 hotline ile 1-800-525-0127 ma oomi le 7.

Koronavairusi (COVID-19)  Tui Puipui

Mo faamatalaga i le taimi nei ma le auiliiliga o tui puipui o le COVID-19 faamolemole asiasi ane i le upega-tafai-lagi i lau gagana: Faamatalaga o Tui Puipui o le COVID-19

O āuga, faailoilo ma le foia o le COVID-19

O āuga masani nei o le COVID-19 o loo i lalo:

  • Fiva po o le faa-maalili, tale, lḕ tau le mānava po o le faigata ona mānava, vaivai tino, tiga maso po o le tino, ulu-tiga, fou le lḕ manogi po o le tofotofo, tiga le fa’aī’i pe tafe le isu, faafaufau pe pua’i, ma le manava tatā.
  • Vala’au le 911 pe afai ua e iloa mea nei o le COVID-19 faailoilo o lapataiga faafuasei:
    • Faigata pe faaletonu le manava
    • Faaumiumi ona tiga le fatafata pe pei e omia le fatafata
    • Faafuasei ona faaletonu le mafaufau
    • Ua le mafai ona tali mai
    • Uli laugutu po o foliga
  • O ā vaega o loo popole iai?

E faapefea ona ou puipui ia te a’u faapea lo’u aiga?

  • Fai lou tui puipui ma fai le tui puipui lona tolu (booster) pe a e agavaa.
  • Nofo i le fale pe a e ma’i?
  • Fa'aaoga se puni fofoga ma faa-mamao ese mai isi i le ono futu (lua mita) pe a e alu i nofoaga faitele tumutumu ‘Alo ese mai mea e tumutumu ma nofoaga e lḕ lelei ala’ea.
  • Toaga e fufulu ou lima pe fa’aaoga fagu fulu-lima.
  • Kava lou fofoga pe a e tale ma mafatua i lou tulilima po o se pepa solosolo.
  • ‘Aua e te tago i ou foliga, gutu, isu po o mata.
  • Faamamā mea o lou fale.
  • Afai ua iai ni auga o le COVID-19, talanoa i lau tausi soifua. Afai e leai sau tausi soifua, faatalanoa i se ofisa tutotonu o ma’i faafuasei po o le ofisa tutotonu o soifua maloloina i le mamalu lautele e lata ane ia oe. Afai e leai sau in inisiua, faafesootai lau matagaluega o soifua maloloina faa-lotoifale. 
Faia o siaki mo le COVID-19

Mo faamatalaga i taimi nei ma le auiliiliga i le faiga o tui puipui mo le COVID-19, faamolemole asiasi ane i le upega-tafai-lagi i lau gagana: COVID-19 Faamatalaga I le faia o Siaki .

Nofo vaava'aia ma le faa-nofoesea

Ina ia iloa atili po o le a le uiga o nei faaupuga, ma po o le a le umi e faa-nofoesea ai ma nofo vaava'aia, asiasi ane i le itulau upega-tafai-lagi e vaevae ai mo le Faa-nofoesea ma le Nofo Vaava'aia.

O le fa’aaogaina o puni fofoga

O puni fofoga e faaitiitia ai le sao atu o mea ninii o le vairusi i le ea pe a tale pe mafatua se tagata o loo maua i le COVID-19. E mafai ona maua i le COVID-19 ma iai ni auga vaivai pe leai ni auga. Fa’aaogaina o le puni fofoga e foia ai oe mai le pipisi atu ai o le COVID-19 i isi e aunoa ma lou iloaina.  Atonu o sina siama laititi mo oe, e mafai ona maliu ai le isi.

O i lalo ane o loo iai ni nai fautuaga pupuu i le fa’aaogaina o puni fofoga:

  • O puni fofoga e tatau ona kava ai lou gutu ma le isu ma ia mau lelei i pito o ou foliga.
  • Fai lau puni fofoga ma aveese e ala i le fa’aaogaina o lave i luga o taliga po o nonoa, ma ‘aua le tago i luma o le puni fofoga po o ou foliga.
  • Lafoa’iina o le puni fofoga e fa’aaoga i taotoga pe faamamā lau puni fofoga e gaosi i le ie i aso uma e fa’aaoga ai, ma toaga e fufulu lima.
  • O tamaiti e i lalo o le lua tausaga e le tatau lava ona faia puni fofoga, ma tamaiti mai le 2 i le 4 tausaga e tatau ona iai se tagata matua e vaava'aia ao faia se puni fofoga.
  • O le faamatuu o faatonuga mo puni fofoga mo tagata e iai tulaga faale-soifua maloloina. Afai e iai sou popolega, siaki ma lau fomai ina iloa ai po o le a se mea e sili atu mo oe.
Asiasi atu i faleoloa ma nofoaga faitele ma le sili atu ona saogalemu

E iai ni nai mea e te mafaufau iai ae e te lei, i le taimi, ma pe a mae’a ona e tu’ua le fale mo lou puipuiga  faapea ma isi.

Ae e te lei alu ese atu:

  • ‘Aua e te alu i se faleoloa po o se nofoaga faitele pe afai o loo e ma’i, pe a mafai. Fesili i se tagata o lou aiga po o se uo ina ia piki atu mea ia mo oe.
  • Mafaufau e oka faatau mea’ai, fualaau, ma isi mea i luga o upega-tafai-lagi ina ia kiliva atu i lou fale.
  • Siaki faatulagaina o faapitoa.  Atonu e ofoina atu e faleoloa itula faapitoa e tatala ai mo tagata e 65 pe matutua atu ma e iai tulaga faapitoa o soifua maloloina. Mafaufau e te agai atu i le faleoloa i taimi e tau lḕ pisi ai, pe a mafai.
  • Fufulu ou lima ae e te lei tu’ua lou fale.

Pe a e alu ese ma le fale.

  • Fa’aaoga se puni fofoga e kava ai lou isu ma le gutu.
  • Ia tausisia se va a itiiti a pe 6 futu (2 mita) i le va o oe ma isi, tusa po o laina e totogi ai.
  • Kava lou tale po o le mafatua.
  • ‘Aua le tago i ou foliga.
  • A faatau, fa’aaoga fagu fulu lima po o pepa solo lima e faamamā ai le tololi faatau po o le ‘ato fai ai faatau.

A e oo i le fale.

  • Afai sa e faia se puni fofoga, ia mautinoa e ta lelei ma teu malu, pe lafoa'i pe afai o se puni fofoga e fa'aaoga ma tia'i.
  • Fufulu ou lima.
  • Ia fa’aaoga auala saogalemu i tulaga tau mea’ai. ‘Aua le fufuluina mea’ai i vailaau. Fufulu fualaau aina mata ma fualaau fai sua i tulaga masani.
  • Fautuaga Pupuu i Faatau Mea’ai_ Faasamoa_Maualalo COVID-19 (wa.gov).
Tagata o loo maualuga tulaga e ono maua ai i faamai ogaoga

Tagata o loo faatupulaia tulaga e ona maua ai i ni faamai ogaoga e mafai ona faia lapataiga faaopopo nei:

  • Faafesootai lau tausi soifua pe a manaomia se fuafuaga. O nisi ofisa falemai e iai “patient portals” e siaki i luga o upega-tafai-lagi e talanoa ai, a o isi e iai le aufaigaluega e taliina telefoni ma tuuina atu ai fautuaga. Ae ui i lea, ia teu i le mafaufau e tele ina pisi.
  • Fai se lisi o fualaau e masani ona inu ma siaki lau fale-talavai po o lau tausi soifua e iloa ai pe afai e mafai ona latou tuuina atu se sapalai faaopopo o au fualaau. Fai se lisi o isi au fualaau po o fualaau faa-natura e te inua ma mata’itū tulaga o loo e maua ai e pei ona faatonuina.
  • Ia tausisi ia uma ou tui puipui o loo faatonuina mai. Ia mautinoa ia fai le tui puipui o le COVID-19 ma le tui lona tolu (booster) pe a e agavaa. Kiliki i le vaega lea ina ia saili ai se auaunaga o faia tuiga e lata ane ia oe.
  • Ia mautinoa ia lava mea’ai ma mea totino mamā ina ia umi ona aogā a o faa-nofoesea ai pe faasa ona feoai.
  • Ia manino se isi e mafai ona fesoasoani ia oe ma fesili iai e vala’au atu oe i le telefopni ia mautinoa o loo manuia mai oe. Ia mautinoa o le tagata lea e malamalama e le tatau ona asiasi atu ia oe pe afai o e lagona e le o malosi.
  • Mata’itū lou soifua maloloina ma saili fomai pe a tatau ai.
Maitaga, pepe ma le COVID-19

O e fia iloa po o e maitaga i le taimi nei

  • O tina o loo maitaga pe sa maitaga lata mai nei o loo maualuga avanoa e pisia ai i se faamai ogaoga mai le COVID-19 pe a faatusatusa atu i ai latou e le o maitaga.
  • O i latou ua pisia i le COVID-19 i le taimi o maitaga o loo faapea foi ona faatupulaia mo le fanau lḕ au (ua vave fanau mai le pepe i le 37 vaiaso) ma le fanau mai ua maliu, ma atonu e faatupulaia faaletonu o maitaga.
  • Tina o loo maitaga pe sa maitaga lata mai nei ma i latou na latou feiloai atu iai e tatau ona faia laasaga nei ina ia puipuia ai i latou mai le maua i le COVID-19:
    • Ia faia tui puipui ma le tui puipui lona tolu o le boosterFai se puni fofoga.
    • Ia 6 futu le lua va mai isi, ma aloese mai mea tumutumu ma nofoaga e lḕ lelei ala’ea.
    • Fai se siaki ina ia foia ai le pipisi atu i isi.
    • Toaga e fufulu ou lima ma kava pe a e tale ma mafatua i lou tulilima po o se pepa solosolo.
    • Toaga e faamama ma faavailaau lou fale.
    • Fai ma siaki lou soifua maloloina i aso uma.
    • Vala’au lau tausi soifua i se taimi vave lava pe a fai o iai sou popolega e uiga i lou maitaga, pe afai ua e ma’i, po ua mafaufau atu atonu o loo e maua i le COVID-19.

Maitaga ma le tui puipui o le COVID-19

  • O tui puipui o le COVID-19 o loo fautuaina nei mo tina maitaga, tina o faasusu/faataoto pepe i le fatafata,  o loo taumafai ia maitaga i le taimi nei, pe atonu e maitaga i le lumanai.
  • Faamaoniga e uiga i le saogalemu ma le aoga o tui puipui o le COVID-19 i taimi o maitaga ua faatupu teleina. I faamaumauga o loo iloa ai penefiti i le faia o tui puipui o le COVID-19 e tele atu nai lo ni mea ua iloa po o mea e tulai mai i le faiga o tuiga a o maitaga.
  • O tina o loo maitaga e tatau ona faia tui puipui o le COVID-19 o le booster pe a agavaa ai.
  • O tui puipui o le COVID-19 e le mafua ai se faamai pipisi COVID-19, e aofia ai tina maitaga po o a latou pepe.
  • I le taimi nei e le o iai  se faamaoniga faapea o soo se tui puipui, e aofia ai tui puipui o le COVID-19, ua mafua ai faaletonu o maitaga o tinā po o tamā.
  • Ma’itaga ma iai nisi au fesili e uiga i le tui puipui o le COVID-19? Talanoa i lau tausi soifua pe faafesootai MotherToBaby, o a latou tagata tomai o loo avanoa e tali fesili i luga o telefoni pe talanoa. O auaunaga faalilolilo e le totogia o loo maua i Aso Gafua i Aso Faraile, 8 a.m. i le 5 p.m. Asiasi ane i le MotherToBaby (TinaLePepe) e talanoa ai pe lafo se imeli, pe vala’au le 1-866-626-6847 (na o le faa-Peretania).

Tausiga mo pepe fou pe afai ua e maua i le COVID-19

  • O le tele o pepe fou a tina sa maua i le COVID-19 i taimi o maitaga e le maua i le COVID-19 ina ua fanau mai pepe.
  • O le tele o pepe fou ua fananau mai sa mautinoa o maua i le COVID-19 na maua i auga feololo po ua leai ni auga ma ua toe manuia. O nisi lipoti na faapea mai o nisi pepe na matuia auga o le faamai o le COVID-19 na maua ai.
  • Afai o e faa-nofoesea mo le COVID-19 ma o loo iai sau pepe faatoa fanau mai, ia fai lapataiga nei seiloga ua mae’a lou faanofoesea:
    • Nofo i le fale e faanofoesea ai oe mai isi o lou aiga i tua atu o lou aiga.
    • Faanofoesea (alu ese) mai isi tagata o lou aiga e le o pisia ai ma fai se puni fofoga pe afai o nofoaga faasoa.
    • Ia iai se tausi soifua ua mae’a uma ona tui puipui ae le o se isi e maualuga faamai o maua ai faapea e tausia lau pepe faatoa fanau mai. Afai e mafai, tatau lou susu ina ia faigofie e se isi tausi tama ona fafaga le pepe. Afai o susu apa, fai i le tausi soifua na te faia o lea.
    • Mulimulitai i lapataiga o loo fautuaina pe afai e tatau ona e tausia lau pepe ae lei uma le taimi sa faa-nofoesea ai oe, e aofia ai le faia o le puni fofoga a o e faasusu pe sii lau pepe.
    • Tulimatai lau pepe mo auga o le COVID-19.
    • Ma'itaga, fanau ma tausia lau pepe ua masalomia pe fa'amaonia le COVID-19.
  • Faamaoniaga lata mai nei o loo fautuaina ai faapea e le sosolo atu le vairusi i le suasusu O suesuega lata mai nei faapea o tagata e lei faia tui puipui e puipuia ai mai le COVID-19 e mafai ona pipisi atu ai vaega o le faamai i a latou pepe e ala i le suasusu o tina. Afai o loo e maua i le COVID-19 ma ua filifili e bfaasusu/faataoto pepe i lou fatafata:
    • Fufulu ou lima ae lei faasusuina/ fataoto pepe i lou fatafata
    • Fai se puni fofoga pe a faasusu pepe/faataoto i le fatafata  ma soo se taimi ua e i totonu o le 6 futu  mai lau pepe.

O le Laina Fsoasoani a Matua (The Parent Support Warm Line) o loo avanoa i soo se tina maitaga po o ni matua o se pepe fou, po o a latou fanau e alolofa iai o loo manaomia fesoasoani ma faamatalaga e uiga i gasegase o mafaufau. Vala’au le 1-888-404-7763, Aso Gafua – Aso Faraile 9 a.m.- 4: 30 p.m. (na o le Faa-Peretania ma le faa-Sipaniolo). O le matou Laina Fesoasoani o loo faatautaia e i latou e galulue mo le mamalu lautele (socialWorker) po o matua na maua i faanoanoaga/popolega. O vala’au pe a manava o le a toe vili atu i se taimi vave lava. Vala’au, text pe imeli mai matou i le warmline@perinatalsupport.org.

Tausiga mo oe ma lou aiga

Washington Listens(Uosigitone Faalogo): Afai e manaomia lou talanoa i se isi e uiga i atugaluga ua mafua ona o le COVID-19, vala’au le Washington Listens i le 1-833-681-0211. E iai le tagata e te talanoa iai i Aso Gafua i le Aso Faraile mai le 9:00 a.m. i le 9:00 p.m. ma o faaiuga o vaiaso mai le 9:00 a.m. i le 6: 00 p.m. TTY ma auala e maua ai ia auaunaga o le a maua. E mafai foi ona e maua alagaoa faaopopo mo le ola maloloina ma ma’i o mafaufau i le vaega lea  (na o le faa-Peretania).

  • Ia lava lou silafia i tulaga o iai nei le faamai ma fautuaga faaopopo ma faamatalaga mai le au tusitala faamoemoeina, faalapotopotoga o soifua maloloina mo le mamalu lautele ma lotoifale, ma talafou mai upega-tafai-lagi o soifua maloloina mo le lautele.
  • Fai se lisi o alagaoa i le mamalu lautele, e pei o numera o telefoni, upega-tafai-lagi, ma ala o faasalalauga lautele. E mafai ona e faaopopoina iai aoga, fomai, faalapotopotoga o soifua maloloina mo le mamalu lautele, auaunaga mo le lelei o tagata, laina tuusa’o mo le mamalu lautele mo soifua maloloina o ma’i o mafaufau ma tulaga faaletonu.
  • Toaga e mafuta i tagata o aiga ma uo e ala i telefoni pe ala i auaunaga i luga o upega-tafai-lagi.
  • Ia iai sau sapalai o mea faigofie o soifua maloloina, (e pei o fasimoli, fagu fululima, pepa solosolo, o se fua fiva, fualaau e faaitiitia ai le fiva, ma mea e fai ai siaki o le COVID-19 i aiga.
  • Taumafai ia iai se sapalai o fualaau e mafai ona fa’aaoga e oe ma lau fanau i soo se taimi.

Fesoasoani mo fanau iti a lou aiga

  • Saili fesoasoani ma fesootaiga tuliloaina o a latou uo ma aiga e ala i le talanoa iai i telefoni, text, imeli po o ala o faasalalauga.
  • Afai ua faanoanoa i le tala fou, ‘aua ne’i galo e fai se malologa. Talanoa i lau fanau ina ia faamanino ai faamatalaga latou te ono maua mai itaneti po o isi auala o faamatalaga.
  • Mata’itū le lagolagoina o fanau e ala i le faamalosia ia fai fesili ma fesoasoani iai ia malamalama i tulaga o loo iai nei.
  • Talanoa e uiga i ni o latou lagona o loo iai ma tali atu iai.
  • Fesoasoani ia i latou ia fa’aali o latou lagona e ala i tusigā ata po o isi gaioiga faatino.
  • Ia tuuina atu iai le nofo lelei ma ia tuuina iai se onosai faaopopo nai lo mea na masani ai.

Gaioiga faatino a le aiga

Tusa lava po o faa-nofoesea lou aiga pe faasa ona feoai, ia teu i lou mafaufau e na o se taimi e lḕ umi.

Ia tausisia tulaga masani o le aiga pe a oo i taimi moe, mea’ai, ma faamalosi-tino.

Afai e auai lau fanau i avanoa o le aoaoina mai aiga o loo ofoina atu e latou aoga po o isi faalapotopotoga, saili avanoa mo lau fanauina ina ia faifaimea faatasi ma le saogalemu ma o latou ta'ita'i.

Iloa lelei lagona e pei o le nofo toatasi, leiloa po o le a le mea a fai, fefe ne’i maua i le faamai, popole, lḕ nofo lelei, ma le popole vale, o nisi ia o uiga masani e oo iai ona o tulaga faaletonu o faamai.

Fesoasoani i lou aiga e fai mea fiafia ma gaioiga faatino e talafeagai ma le tulaga o loo iai lou aiga aemaise tulaga faataua o le aganuu.

Faaopopo alagaoa