Veiqaravi ni COVID-19

O ira e tauvi ira na COVID-19 qai rivarivabitaki nira rawa ni tauvimate bibi ena rawa ni yaga vei ira na wainimate veivuke ni COVID-19. Na veiqaravi qo ena rawa ni tarova na tauvimate bibi, curu bibi e valenibula kei na mate mai na COVID-19. Mo veitalanoa kei na nomu vuniwai ena kena gauna totolo duadua ke tauvi iko se rivarivabitaki na kemu ituvaki, ni na veivuke sara vakalevu ke totolo na veiqaravi e vakayacori. O nomu vuniwai ena vakadeitaka na wainimate cava ni COVID-19 ena vinaka vei iko.

Na veiqaravi/wainimate ni COVID-19 e sega ni isosomi ni itataqomaki mo vakayacora. E se vinakati tiko ga mera cula ena itatarovi ni mate o ira era rawa ni cula ra qai muria na ikalawa mera tarova na dewa ni COVID-19.

Na cava na veiqaravi ni Monoclonal Antibody (Sotia ni yago e buli)?

Na sotia ni yago e wainimate e bulia na yago me valuta na matetaka, me vaka na manumanu ni mate e vakavuna na COVID-19. Na sotia ni yago e buli ena vale ni buli wainimate e vaka ga na sotia ni yago sa tiko rawa e yagoda me tarova na levu ni manumanu ni mate e tiko e yagomu. Era vakatokai mera kopi ni sela ni sotia ni yago. Ke rivarivabitaki ni rawa ni o tauvimate bibi ena COVID-19 qai dikevi ni tiko vei iko na COVID-19 se o mani veitaratara voleka kei na dua e tauvi koya na mate qori, de dua o na vinakata na veiqaravi na monoclonal antibody (mAb, vakacurumi na sala ni dra na sotia ni yago e buli). Ena rawa ni vakayacori vei iko na veiqaravi na mAb (bebtelovimab) me valuti kina na COVID-19, ia ena vakatau ena yabaki ni nomu bula, kemu ituvaki, kei na balavu ni gauna e tarai iko kina na ivakatakilakila ni mate.

Na cava na Pre-Exposure Prophylaxis (Veiqaravi ni bera ni Veitauvi) ni COVID-19?

Na Pre-Exposure Prophylaxis (PrEP, Veiqaravi ni bera ni Veitauvi) e dua na wainimate e buli me tarova na manumanu ni mate me kua ni kabi se curu ina sela na yago ni tamata. Na Evusheld e sega ni vakataki ira na vo ni sotia ni yago buli, na sotia ni yago qo e dau vakayagataki me itataqomaki se itatarovi ni bera ni dua e tauvi COVID-19. Na Evusheld e dau soli ga me tarova na mate ni bera ni curu ina yago, e sega ni dau vakayagataki me tarova na ivakatakilakila ni matetaka ena vuku ni COVID-19 qai sega ni soli ke mani dewa vua e dua na COVID-19.

Na cava na Oral Antivirals (Wainimate e Gunuvi)?

Na wainimate e gunuvi ena rawa ni vukea na yagomu me valuta na COVID-19 ena kena tarova me kua ni vakalevutaki koya e yagomu na manumanu ni mate ni SARS-CoV-2 (na manumanu ni mate e vakavuna na COVID-19), vakalailaitaka na levu ni manumanu ni mate e yagomu, se vukea na isasabai ni yagomu. Ni o qaravi totolo, ena sega ni veivakaleqai sara na ivakatakilakila ni mate e tarai iko qai dredre tale ga mo lai tauvimate bibi sara se gadreva na veiqaravi vakavuniwai e valenibula. Na Wainimate gunuvi ni COVID-19 e baleti ira ga e se qai tekivu se lailai na ivakatakilakila ni mate e tarai ira, era sega ni se curu e valenibula, e sega ni se sivia e lima na siga na kena tarai ira na ivakatakilakila ni mate, e rivarivabitaki tale ga ni rawa ni rawa nira tauvimate bibi.

Na cava na Intravenous (IV) Antivirals (Wainimate e Vakacurumi ina Ua ni Yago)?

Remdesivir (Volai ga Vakavalagi) e dua na wainimate e vakadonuya na Food and Drug Administration (FDA, Tabana e Vakatulewataka na Kakana kei na Wainimate e Vakayagataki e Merika) ia e se sega ni se veisoliyaka tiko na Washington State Department of Health (WADOH, Tabana ni Bula e Washington). E inaki ni wainimate qo me tarova me kua ni buli ira vakataki ira na manumanu ni mate (tokaruataki). Na remdesivir ena dau cula ina ua ni yago ena loma ni dua na gauna, qo e vakatokai tiko me IV infusion.

Na remdesivir e vakadonui ena nodra qaravi o ira na uabula kei na gone era sega ni curu e valenibula, e ririkotaki ni na vakaleqai ira vakaca na COVID-19. Ena Epereli 25, 2022, a vakarabailevutaka na FDA na veivakadonui mera okati kina na gone e rauta ni 28 na siga nodra se qai sucu qai rauta ni 3 na kilo (rauta ni 6.6 na paodi) na kedra bi, e rivarivabitaki tale ga ni rawa nira tauvimate bibi. E mai imatai kina ni veiqaravi e vakadonuya na FDA na remdesiviri mera vukei kina o ira na gone e lailai mai na 12 na yabaki ni nodra bula.

Na remdesivir me tekivutaki ena kena gauna totolo duadua, ena loma ni vitu na siga ni se qai tekivu vakilai ga na ivakatakilakila ni mate, qori na vuna ena vinakati mera na veitaratara totolo kei na nodra vuniwai o ira na rivarivabitaki na kedra ituvaki ke laurai vei ira na kena ivakatakilakila ra qai tauvi COVID-19. Ena soli tiko vakatolu na wainimate, ena soli vakadua ena loma ni tolu na siga veitaravi.

E sega ni o ira kece na vanua ni veiqaravi era na vakarautaka vei ira na gole yani valenibula na remdesivir – o ira na lai laurai e valenibula mera veitalanoa kei nodra vuniwai ke ra nanuma ni ganiti ira na veiqaravi qori.

Na remdesivir e vakayagataki tale ga mera qaravi kina o ira era curu bibi e valenibula nira vakaleqai vakaca ena vuku ni COVID-19. Ke o mani curu e valenibula ena vuku ni COVID-19, ena vakatulewataki ena vanua o dau laurai kina ke gadrevi me vakayacori vei iko na veiqaravi ni remdesivir se dua tale na kena mataqali.

Taro e Tarogi Wasoma

E vukei ira vakacava era tauvi COVID-19 na mAbs?

Na veiqaravi na MAb a vakadonuya na U.S. Food and Drug Administration (FDA, Tabana e Vakatulewataka na Kakana kei na Wainimate e Vakayagataki e Merika) ena kena vakayagataki ena vuku ni leqa tubukoso, ena rawa ni vukei ira e rivarivabitaki na kedra ituvaki (Volai ga Vakavalagi kei na Vosa Vakasipeni) ni na vakaleqai ira vakaca na tauvimate me:

  • Veivuke mera kua ni curu bibi e valenibula
  • Bula totolo mai na COVID-19
Ena vakayacori vei cei na veiqaravi na mAb?

Na Mabs e baleti ira e:

  • Dikevi ni tauvi ira na COVID-19
  • Lailai mai na 10 na siga na kena vakaleqai ira vakalailai se vakaca sara na ivakatakilakila ni matetaka
  • Ke rivarivabitaki ni o na tauvimate bibi
Au na rawa ni cula ena itatarovi ni COVID ni sa vakayacori oti vei au na veiqaravi ni kopi ni sela ni yago?

Ke mani soli vei iko na icula ni wainimate ni itatarovi (veiqaravi ni kopi ni sela ni yago se na tikitiki ni dra vei ira na sa bula mai na mate qo) ni oti na kena tauvi iko na COVID-19, ena rawa ni soli vei iko na wainimate ni COVID-19 ena dua ga na gauna ni sa vakayacori oti na veiqaravi. E sega ni gadrevi mera wawa tale me 90 na siga ni oti na veiqaravi ni kena soli vei ira na sotia ni yago buli.

Ena taro eso me baleta na kena rawati na veiqaravi ni kena soli na sotia ni yago buli, mo veivosaki kei koya ena rawa ni vakarautaka vei iko. 

Au na vakaraitaka vakacava ni sa vakarautaki vei au na veiqaravi ni kena soli vei au na sotia ni yago e buli?

O ira na vakarautaka na veiqaravi ni mAB era rawa ni vakarautaka vei iko na ivola e vakaraitaka ni sa vakayacori vei iko na veiqaravi qo.

O cei e rawa ni vakayagataka na wainimate gunuvi?

Paxlovid: O ira na uabula kei ira na gone (yabak 12 se sivia e 88 na paodi se 40 na kilo na kedra bi) e ririkotaki ni na lai ca sara na kena tarai ira na COVID-19, wili kina na nodra curu bibi e valenibula se tini mate sara.

Molnupiravir: O ira na uabula e ririkotaki na kena rawa ni vakaleqai ira na COVID-19, wili kina na curu bibi e valenibula se tini mate sara, vei ira tale ga e sega ni rawa nira rawata na veiqaravi e vakadonuya na Food and Drug Administration (FDA, Tabana e Vakatulewataka na Kakana kei na Wainimate e Vakayagataki e Merika) se sega ni ganita na kedra ituvaki.

E rawa ni sauma na veiqaravi na Medicaid/Children's Health Insurance Program (CHIP)?

Io. Na Medicaid/Children's Health Insurance Program (CHIP, Porokaramu ni Inisiua ni Bula vei ira na Gone) e sauma na isau ni veiqaravi se administration fee (Volai ga Vakavalagi) ni veiqaravi ni mAbs. Qo na ilavo e dodonu me saumi vei koya e vakarautaka na veicula ena vuku ni veiqaravi e vakayacora. E levu na veiqaravi ni mAbs, na isau ni wainimate vakataki koya e rawa ni sauma na matanitu.

Keu sega ni vakainisua, e se rawa tiko ga ni vakayacori vei au na veiqaravi ni COVID-19?

Na iyaya ni veiqaravi se wainimate ni COVID-19 e volia na matanitu ena soli wale vei ira na tauvimate. Ia o ira na vakayacora na veiqaravi e tiko na isau era lavaka ena kena soli na wainimate kei na veiqaravi e vakayacori e rawa ni kovuta na inisua, porokaramu vei ira na tauvimate se matanitu. Mo kila na veika kece e kovuti ena nomu goleva na veiqaravi ni wainimate, mo veitalanoa kei koya e vakarautaka vei iko na veiqaravi.

E rawa tale ga ni vakarautaki na veiqaravi ni COVID-19 vei ira na sega ni vakaivolatara ni tiko?

O ira na sega ni vakaivolatara ni tiko e rawa ni vakarautaki vei ira na veiqaravi mai na Alien Emergency Medical Program (Porokaramu ni Veivuke ni Leqa Tubukoso vei ira na Tiko Vulagi) (Volai ga Vakavalagi) me baleta na:

  • Leqa tubukoso e vauci eke e wili kina na kena dikevi kei na qaravi ni COVID-19. 
  • iTuvaki ni veidikevi kei na veiqaravi e vakayacori e rawa ni vakayacori ena valenivolavola, valenibula, se vakayacori ena talevoni.
  • Veiqaravi e vakadonui. O ira e laurai vei ira na COVID-19, e rawa ni okati tiko kina na wainimate kei na veiqaravi e vauca na icegu. O ira na rairai tauvi ira na COVID-19, ena rawa ni kovuti kina na nodra sikovi tale kei na wainimate e soli

Sala mo Okati kina ena AEM

Uabula yabaki 19 ina 64:

Uabula yabaki 65 se sivia, mataboko, ira na vakaleqai na ituvaki ni yagodra, se o ira na gadreva na veiqaravi vakadede:

Me Vakayacori vei iko na Veiqaravi ni COVID-19

Na porokaramu ni Test to Treat (Dikevi mo Qaravi) (Volai ga Vakavalagi) e rawa ni vakarautaka na veiqaravi ni veivakabulai mai na COVID-19 e totolo qai rawarawa sara. Kevaka e dikevi ni tiko vei iko na mate, o rawa ni rai ena vanua me lai qaravi kina (ena vanua e dikevi kina se ena sala ni mona livaliva), ke o yacova na kena ivakatagedegede, o rawa ni kerea me soli vei iko na wainimate gunuvi ni itatarovi ni COVID-19 qai vakarautaki vei iko na ivola ni memu wainimate—ena dua kece ga na vanua.

Rai ena Vaqara na Test to Treat se qirta na 1-800-232-0233 (TTY 1-888-720-7489) mo kere veivuke ena vosa Vakavalagi, Vakasipeni, kei na sivia e 150 tale na vosa. E dola tu laini ni veitaratara qori mai na 8 na mataka ina bogilevu, 7 na siga ena dua na macawa, o na dusimaki mo raica e dua ena vanua e voleka vei iko.

Veidusimaki vei ira na Sega ni Vakainisua

O ira na sega ni vakainisua era vinakata na veivuke ni wainimate kei na veiqaravi ni COVID-19 se veivuke tale eso ena tabana ni bula e rawa ni soli vei ira na:

O ira na sega ni vakainisua era rawa ni kerea tale ga na veiqaravi ena levu na valenibula era tiki tiko ni Federally Qualified Health Centers (FQHCs, Valenivolavola ni Tabana ni Bula Vakadonui Vakamatanitu): 

O gadreva beka eso na veivuke mo kila kina na veivanua e vakayacori kina na veicula? Qirita na 1-800-232-0233 (TTY 888-720-7489) mo raica e dua na Test to Treat (Volai ga Vakavalagi) site.

Eso tale na Veidusimaki

Na laini ni veitaratara e vauca na COVID-19 e tu vakarau me sauma eso tale na taro. Na itukutuku ni laini ni veitaratara qori e tiko ena tabana ni Contact Us (Veitaratara mai vei Keitou).

Mo kila eso tale na itukutuku e vauca na COVID-19 mo gole ena nodratou tabana ena Veiqaravi kei Wainimate ni COVID-19 na Centers for Disease Control and Prevention (Tabana ni Tatarovi kei na Veitaqomaki mai na Mate).