ຄົນທີ່ກວດພົບວ່າເປັນບວກສໍາລັບພະຍາດ ໂຄວິດ-19 ແລະ ມີຄວາມສ່ຽງສູງທີ່ຈະເປັນພະຍາດ ຮຸນແຮງອາດຈະໄດ້ຮັບຜົນປະໂຫຍດຈາກການປິ່ນປົວພະຍາດ ໂຄວິດ-19 (ຢາ) ທີ່ມີຢູ່. ການສັກຢາວັກຊີນເປັນເຄື່ອງມືທີ່ມີປະສິດທິພາບສູງທີ່ສຸດໃນການປ້ອງກັນພະຍາດຮ້າຍແຮງ, ການເຂົ້າຮັກສາຕົວໃນໂຮງໝໍ ແລະ ການເສຍຊີວິດຈາກພະຍາດ ໂຄວິດ-19. ປຶກສາກັບຜູ້ໃຫ້ບໍລິການດ້ານສຸຂະພາບຂອງທ່ານທັນທີຖ້າທ່ານກວດພົບວ່າເປັນບວກ ແລະ ມີຄວາມສ່ຽງສູງຍ້ອນການປິ່ນປົວຈໍາເປັນຕ້ອງເລີ່ມກ່ອນເພື່ອໃຫ້ໄດ້ຜົນດີທີ່ສຸດ. ຜູ້ໃຫ້ບໍລິການສຸຂະພາບຂອງທ່ານຈະຊ່ວຍຕັດສິນວ່າທາງເລືອກການໃຊ້ຢາປີ່ນປົວພະຍາດ ໂຄວິດ-19 ໃດດີທີ່ສຸດສຳລັບທ່ານ.
- COVID-19 Therapies Quick Guide (PDF) ຂອງພວກເຮົາ | ມີເປັນຫຼາຍພາສາ ສະຫນອງຂໍ້ມູນພາບລວມຂອງການປິ່ນປົວທີ່ມີຢູ່.
ການປິ່ນປົວ/ຢາ ພະຍາດໂຄວິດ-19 ບໍ່ແມ່ນໃຊ້ທົດແທນການປ້ອງກັນ. ຍັງຢາກແນະນຳໃຫ້ທຸກຄົນທີ່ມີສິດໄດ້ຮັບການສັກຢາວັກຊີນປ້ອງກັນ ແລະ ໃຫ້ດຳເນີນຂັ້ນຕອນອື່ນໆເພື່ອປ້ອງກັນການແຜ່ລະບາດຂອງ ພະຍາດໂຄວິດ-19.
ການປິ່ນປົວຮັກສາດ້ວຍຢາໂມໂນໂຄລນັລແອນຕິບໍດິແມ່ນຫຍັງ?
ແອນຕິບໍດິຄືໂປຣຕີນທີ່ຮ່າງກາຍຂອງຄົນເຮົາທີ່ສ້າງຂຶ້ນເພື່ອຕໍ່ສູ້ກັບໄວຣັສ, ເຊັ່ນ: ໄວຣັສທີ່ກໍ່ໃຫ້ເກີີດພະຍາດໂຄວິດ-19. ແອນຕິບໍດິທີ່ຜະລິດຢູ່ໃນຫ້ອງທົດລອງເຮັດຫນ້າທີ່ຄ້າຍຄືກັບແອນຕິບໍດິແບບທໍາມະຊາດເພື່ອຈໍາກັດຈໍານວນເຊື້ອໄວຣັສໃນຮ່າງກາຍຂອງທ່ານ. ສານເຫຼົ່ານີ້ເອີ້ນວ່າໂມໂນໂຄຣນນອລແອນຕີບໍດິ. ຖ້າທ່ານມີຄວາມສ່ຽງທີ່ຈະເຈັບປ່ວຍຂັ້ນຮຸນແຮງຈາກພະຍາດໂຄວິດ-19 ແລະ ຜົນກວດຫາເຊື້ອໂຄວິດ-19ເປັນບວກ ຫຼືທ່ານສຳຜັດໃກ້ຊິດກັບບຸກຄົນທີ່ຕິດເຊື້ອແລ້ວ, ທ່ານອາດຕ້ອງພິຈາລະນາວິທີການຮັກສາປິ່ນປົວດ້ວຍຢາໂມໂນໂຄລນັລ ແອນຕິບໍດິ (mAb). ທ່ານອາດມີເງື່ອນໄຂໄດ້ຮັບການປິ່ນປົວຮັກສາ (bebtelovimab) ດ້ວຍຢາ mAb ເພື່ອປິ່ນປົວຮັກສາພະຍາດໂຄວິດ-19ໂດຍຂຶ້ນກັບອາຍຸ, ປະຫວັດສຸຂະພາບຂອງທ່ານ ແລະ ໄລຍະເວລາທີ່ທ່ານມີອາການ.
- ສຳລັບຂໍ້ມູນເພີ່ມເຕີມ: What Are Monoclonal Antibody Treatments information sheet (PDF) | ມີເປັນຫຼາຍພາສາ
ຢາປ້ອງກັນກ່ອນການສຳຜັດສຳລັບພະຍາດໂຄວິດ-19 ແມ່ນຫຍັງ?
ຢາປ້ອງກັນກ່ອນການສຳຜັດ (PrEP) ແມ່ນຢາທີ່ອອກແບບມາເພື່ອປ້ອງກັນໄວຣັດຈາກການເກາະຕິດ ແລະ ເຂົ້າສູ່ຈຸລັງຂອງມະນຸດ. ການນຳໃຊ້ບໍ່ເໝືອນກັບໂມໂນໂຄຣນນອລແອນຕີບໍດີຊະນິດອື່ນ, Evusheld ເປັນແອນທີບໍດິທີ່ປ້ອງກັນໄດ້ຍາວນານທີ່ໄດ້ຮັບອານຸຍາດນຳໃຊ້ເພື່ອປ້ອງກັນ ແລະ ປົກປ້ອງຄົນໃດໜຶ່ງກ່ອນມີການສຳພັດກັບພະຍາດໂຄວິດ-19 ເທົ່ານັ້ນ. Evusheld ບໍ່ແມ່ນໃຊ້ປີ່ນປົວຄົນທີ່ມີອາການເນື່ອງຈາກພະຍາດໂຄວິດ-19 ແລະ ຈະບໍ່ໃຊ້ຫຼັງມີການສຳພັດກັບຄົນທີ່ມີພະຍາດໂຄວິດ-19; ພຽງແຕ່ໃຫ້ເພື່ອປ້ອງກັນການຕິດເຊື້ອກ່ອນການສຳພັດ.
- ສຳລັບຂໍ້ມູນເພີ່ມເຕີມ: ເອກະສານກ່ຽວກັບຢາປ້ອງກັນກ່ອນການສຳຜັດ (PDF) | ມີເປັນຫຼາຍພາສາ
ຢາຕ້ານໄວຣັດທີ່ໃຊ້ກິນແມ່ນຫຍັງ?
ການຮັກສາປິ່ນປົວດ້ວຍຢາຕ້ານໄວຣັດຊະນິດກິນອາດຈະຊ່ວຍໃຫ້ຮ່າງກາຍຂອງທ່ານຕ້ານກັບ ໂຄວິດ-19 ໄດ້ໂດຍການຢຸດໄວຣັດ SARS-CoV-2 (ໄວຣັດທີ່ກໍ່ໃຫ້ເກີດໂຄວິດ-19) ຈາກການເພີ່ມຈຳນວນໃນຮ່າງກາຍ ຫຼຸດປະລິມານໄວຣັດພາຍໃນຮ່າງກາຍຫຼືຊ່ວຍລະບົບພຸູມຄຸ້ມກັນ. ເມື່ອເຂົ້າຮັບການຮັກສາປິ່ນປົວ ທ່ານອາດມີອາການຮຸນແຮງໜ້ອຍລົງ ແລະ ມີໂອກາດເຮັດໃຫ້ຄວາມເຈັບປວດຂອງທ່ານນັ້ນເບົາບາງໄດ້ ແລະ ຈຳເປັນຕ້ອງໄດ້ຮັບການຮັກສາປິ່ນປົວໃນໂຮງໝໍ. ການຮັກສາປິ່ນປົວດ້ວຍຢາຕ້ານໄວຣັດສຳລັບພະຍາດ ໂຄວິດ-19 ມີໃຫ້ສຳລັບຄົນເຈັບທີ່ມີອາການເບົາບາງ ຫາ ປານກາງ, ຄົນທີ່ບໍ່ໄດ້ເຂົ້ານອນໂຮງໝໍ, ຄົນທີ່ມີອາການເປັນເວລາ ຫ້າວັນ ຫຼື ນ້ອຍກວ່ານັ້ນ, ຫຼື ຄົນທີ່ມີຄວາມສ່ຽງສູງທີ່ຈະເຈັບເປັນໜັກ.
- ສຳລັບຂໍ້ມູນເພີ່ມເຕີມ: ເອກະສານຂໍ້ມູນກ່ຽວກັບຢາຕ້ານໄວຣັດແບບກິນ (PDF) | ມີເປັນຫຼາຍພາສາ
ຢາຕ້ານໄວຣັດແບບສີດເຂົ້າຫຼອດເລືອດດຳ (IV) ແມ່ນຫຍັງ?
Remdesivir (ເປັນພາສາອັງກິດເທົ່ານັ້ນ) ເປັນຢາຕ້ານໄວຣັດສ້າງຂື້ນມາທີ່ໄດ້ຮັບອານຸຍາດຈາກ Food and Drug Administration (FDA, ອົງການອາຫານ ແລະ ຢາ) ແລະ ປະຈຸບັນບໍ່ໄດ້ຈັດຈຳໜ່າຍໂດຍ Washington State Department of Health (WADOH, ພະແນກສາທາລະນະສຸກ ລັດວໍຊິງຕັນ). ມັນເຮັດວຽກປ້ອງກັນບໍ່ໃຫ້ເຊື້ອໄວຣັດເພີ່ມຈຳນວນດ້ວຍຕົວມັນເອງ (ຂະຫຍາຍຈຳນວນ). ຈະໃຫ້ຢາ Remdesivir ຜ່ານເຂັມເຂົ້າສູ່ເສັ້ນເລືອດດຳ (ສີດເຂົ້າລອດເລືອດດຳ) ເປັນໄລຍະເວລາໜື່ງ, ຊຶ່ງເອີ້ນວ່າການສີດເຂົ້າລອດເລືອດດຳ IV.
Remdesivir ໄດ້ຮັບອານຸຍາດປີ່ນປົວຜູ້ໃຫຍ່ ແລະ ເດັກທີ່ບໍ່ໄດ້ນອນໂຮງໝໍທີ່ມີຄວາມສ່ຽງສູງຈະເປັນພະຍາດໂຄວິດ-19 ຮຸນແຮງ. ເມື່ອວັນທີ່ 25 ເມສາ 2022 ທາງ FDA ໄດ້ຂະຫຍາຍຂອບອານຸຍາດການນຳໃຊ້ນີ້ໃຫ້ຄຸມທັງເດັກທີ່ມີອາຍຸຢ່າງໜ້ອຍ 28 ວັນທີ່ມີນ້ຳໜັກຢ່າງໜ້ອຍ 3 ກິໂລກຣາມ (ປະມານ 6.6 ປອນ) ແລະ ຄົນທີ່ມີຄວາມສ່ຽງຈະເປັນພະຍາດຮ້າຍແຮງຂື້ນ, ເຮັດໃຫ້ Remdesivir ເປັນວິທີຮັກສາສຳລັບເດັກທີ່ມີອາຍຸໜ້ອຍກວ່າ 12 ປີ ທີ່ໄດ້ຮັບອານຸຍາດຈາກ FDA ເປັນຄັ້ງທຳອິດ.
ຄວນເລີ່ມໃຊ້ຢາ Remdesivir ໂດຍໄວເທົ່າທີ່ເປັນໄປໄດ້ພາຍໃນເວລາ ເຈັດ ວັນນັບຈາກວັນເລີ່ມມີອາການ, ສະນັ້ນມັນສຳຄັນສຳລັບຄົນທີ່ມີຄວາມສ່ຽງສູງຕ້ອງພົວພັນກັບຜູ້ໃຫ້ການດູແລສຸຂະພາບຖ້າມີອາການ ແລະ ກວດພົບເປັນບວກສຳລັບພະຍາດໂຄວິດ-19. ວິທີການຮັກສານີ້ເປັນການສີດຢາເຂົ້າຫຼອດເລືອດດຳ IV ສາມຄັ້ງ, ໂດຍໃຫ້ວັນລະຄັ້ງເປັນເວລາສາມວັນຕິດຕໍ່ກັນ.
ບໍ່ແມ່ນທຸກສະຖານທີ່ໃຫ້ການຮັກສາສຸຂະພາບສາມາດໃຫ້ການຮັກສາປີ່ນປົວໂດຍໃຊ້ຢາ Remdesivir ໃຫ້ກັບຜູ້ປ່ວຍພາຍນອກ – ຜູ້ປ່ວຍຄວນປຶກສາກັບຜູ້ໃຫ້ບໍລິການສຸຂະພາບຂອງຕົນເອງເພື່ອຫາວ່າມີທາງເລືອກການປີ່ນປົວໃດທີ່ຄວນໃຊ້.
ຍັງມີການນຳໃຊ້ຢາ Remdesivir ຮັກສາປີ່ນປົວຄົນເຈັບທີ່ນອນໂຮງໝໍທີ່ມີການເຈັບເປັນໜັກເນື່ອງຈາກພະຍາດໂຄວິດ-19. ຖ້າທ່ານໄດ້ເຂົ້ານອນຮັກສາປີ່ນປົວຢູ່ໂຮງໝໍເນື່ອງຈາກພະຍາດໂຄວິດ-19, ຜູ້ໃຫ້ບໍລິການດູແລສຸຂະພາບຂອງທ່ານຈະຕັດສິນວ່າຈຳເປັນທີ່ຕ້ອງໃຊ້ຢາ Remdesivir ຫຼື ການຮັກສາປີ່ນປົວອື່ນບໍ.
ຄໍາຖາມທີ່ຖືກຖາມເລື້ອຍໆ
- ຢາຊະນິດ mAb ຊ່ວຍຄົນທີ່ເປັນພະຍາດໂຄວິດ-19 ແນວໃດ?
-
ການຮັກສາປີ່ນປົວດ້ວຍ mAb ໄດ້ຮັບການອະນຸມັດໂດຍ Food and Drug Administration (FDA, ອົງການ ອາຫານ ແລະ ຢາ) ຂອງສະຫະລັດສຳລັບການນຳໃຊ້ສຸກເສີນທີ່ອາດຊ່ວຍ ໄດ້ຄົນທີ່ ມີຄວາມສ່ຽງສູງ (ເປັນພາສາອັງກິດ ແລະ ພາສາເອັດສະປາຍ ເທົ່ານັ້ນ) ຕໍ່ກັບການມີອາການໜັກຈາກເຊື້ອພະຍາດເພື່ອ:
- ຫຼຸດຜ່ອນໂອກາດໄດ້ເຂົ້ານອນຮັກສາຢູ່ໂຮງໝໍ
- ໃຫ້ຫາຍຈາກພະະຍາດໂຄວິດ-19 ໄດ້ໄວຂື້ນ
- ໃຜສາມາດໄດ້ຮັບການຮັກສາປີ່ນປົວດ້ວຍຢາ mAb?
-
ການຮັກສາ mAb ສ້າງຂື້ນມາເພື່ອປີ່ນປົວຄົນທີ່:
- ກວດພະຍາດ ໂຄວິດ-19 ພົບເປັນຜົນບວກ:
- ມີອາການເບົາບາງ ຫາ ລະດັບປານກາງຈາກພະຍາດເປັນເວລາ 10 ມື້ ຫຼື ນ້ອຍກວ່ານັ້ນ
- ມີຄວາມສ່ຽງຈະເຈັບເປັນໜັກ
- ຂ້າພະເຈົ້າສາມາດໄດ້ຮັບຢາວັກຊີນປ້ອງກັນພະຍາດໂຄວິດ ຫຼັງ ໄດ້ຮັບການຮັກສາປີ່ນປົວດ້ວຍຢາ ໂມໂນໂຄຣນນອລແອນຕີບໍດິ ບໍ?
-
ຖ້າທ່ານໄດ້ຮັບການຮັກສາປີ່ນປົວດ້ວຍຢາແອນຕີບໍດິແບບໄດ້ຮັບມາ (ການປົວດ້ວຍຢາໂມໂນໂຄຣນນອລແອນຕີບໍດິ ຫຼື ພລາສມາທີ່ມີໂປຣຕິນຄຸ້ມກັນ) ຫຼັງມີການຕິດເຊື້ອພະຍາດໂຄວິດ-19, ທ່ານສາມາດຮັບວັກຊິນປ້ອງກັນໂຄວິດ-19 ເມື່ອໃດກໍ່ໄດ້ ຫຼັງສຳເລັດການປີ່ນປົວ. ຈະບໍ່ໃຫ້ຄົນເຈັບລໍຖ້າ 90 ວັນຫຼັງສິ້ນສຸດການຮັກສາປີ່ນປົວດ້ວຍຢາແອນຕີບໍດິແບບໄດ້ຮັບມາອີກຕໍ່ໄປ.
ຫາກມີຄຳຖາມກ່ຽວກັບການມີສິດໄດ້ຮັບການຮັກສາປີ່ນປົວດ້ວຍຢາແອນຕີບໍດິແບບໄດ້ຮັບມາ, ໃຫ້ປຶກສາກັບຜູ້ດູແລສຸຂະພາບຂອງທ່ານ.
- ຂ້າພະເຈົ້າຈະສະແດງແນວໃດໃຫ້ຮູ້ວ່າຂ້າພະເຈົ້າໄດ້ຮັບການຮັກສາປີ່ນປົວດ້ວຍຢາແອນຕີບໍດິ?
-
ຜູ້ໃຫ້ການດູແລປີ່ນປົວທີ່ໃຫ້ການຮັກສາປີ່ນປົວດ້ວຍຢາ mAb ສາມາດສະໜໜອງເອກະສານສະແດງວ່າທ່ານໄດ້ຮັບການປີ່ນປົວນັ້ນເມື່ອໃດແລ້ວ.
- ໃຜທີ່ມີສິດໄດ້ຮັບຢາຕ້ານໄວຣັດຊະນິດກິນ?
-
Paxlovid: ຜູ້ປ່ວຍທີ່ເປັນຜູ້ໃຫຍ່ ແລະ ເດັກນ້ອຍ (ມີອາຍຸ 12 ປີຂື້ນໄປທີ່ມີນ້ຳໜັກຢ່າງນ້ອຍ 88 ປອນ/40 ກີໂລກຣາມ) ທີ່ມີຄວາມສ່ຽງຈະເປັນພະຍາດໂຄວິດ-19 ຮຸນແຮງ, ເຊັ່ນ ການເຂົ້ານອນໂຮງໝໍ ຫຼື ເສຍຊີວິດ.
Molnupiravir: ຜູ້ໃຫຍ່ທີ່ມີຄວາມສ່ຽງຈະເປັນພະຍາດໂຄວິດ-19 ຮຸນແຮງ, ເຊັ່ນ ການເຂົ້ານອນໂຮງໝໍ ຫຼື ເສຍຊີວິດ, ແລະ ສຳລັບຄົນທີ່ບໍ່ສາມາດເຂົ້າເຖິງທາງເລືອກການຮັກສາປີ່ນປົວພະຍາດໂຄວິດ-19 ທີ່ໄດ້ຮັບອານຸຍາດຈາກ Food and Drug Administration (FDA, ອົງການ ອາຫານ ແລະ ຢາ) ຫຼື ການປີ່ນປົວທີ່ເໝາະສົມ.
- Medicaid/Children's Health Insurance Program (CHIP) ຄວບຄຸມການປີ່ນປົວຮັກສາບໍ?
-
ຄວບຄຸມ. Medicaid/ Children's Health Insurance Program (CHIP, ໂຄງການປະກັນສຸຂະພາບສຳລັບເດັກ) ຈະຄວບຄຸມຄ່າດຳເນີນການ (ພາສາອັງກິດເທົ່ານັ້ນ) ສຳລັບການຮັກສາປີ່ນປົວດ້ວຍ mAb. ຄ່າບໍລິຫານວັກຊີນແມ່ນຄ່າທໍານຽມທີ່ຜູ້ໃຫ້ບໍລິການດູແລສຸຂະພາບຄິດຄ່າເພື່ອໃຫ້ການຮັກສາປີ່ນປົວແກ່ທ່ານ. ຢາ mAb ສ່ວນໃຫຍ່, ລັດຖະບານກາງຈະເປັນຄົນຮັບພິຊອບຄ່າຢານີ້.
- ຖ້າຫາກຂ້າພະເຈົ້າບໍ່ມີປະກັນໄພ, ຂ້າພະເຈົ້າສາມາດໄດ້ຮັບການຮັກສາປີ່ນປົວພະຍາດໂຄວິດ-19 ບໍ?
-
ຜູ້ປ່ວຍບໍ່ມີຄ່າໃຊ້ຈ່າຍໃດໆສຳລັບການຮັກສາພະຍາດໂຄວິດ-19 ທີ່ຈັດຊື້ໂດຍລັດຖະບານກາງ. ແນວໃດກໍ່ຕາມ, ຜູ້ດູແລສຸຂະພາບອາດມີຄ່າທຳນຽງການຈ່າຍຢາ, ການຮັກສາປີ່ນປົວ ແລະ ການດຳເນີນການທີ່ຕ້ອງຈ່າຍໂດຍປະກັນໄພ, ຜູ້ປ່ວຍ ຫຼື ໂຄງການລັດຖະບານກາງ. ເພື່ອໃຫ້ຮັບຮູ້ປະເພດການຊ່ວຍຈ່າຍທີ່ມີເມື່ອຫາການຮັກສາ, ກະລຸນາປຶກສາກັບຜູ້ໃຫ້ບໍລິການດູແລສຸຂະພາບຂອງທ່ານ.
- ບຸກຄົນທີ່ບໍ່ມີເອກະສານສາມາດໄດ້ຮັບການຮັກສາປີ່ນປົວພະຍາດໂຄວິດ-19 ບໍ?
-
ບຸກຄົນທີ່ບໍ່ມີເອກະສານສາມາດຮັບການຄຸ້ມຄອງຈາກ Alien Emergency Medical Program (ໂຄງການຊ່ວຍເຫຼືອການປີ່ນປົວສຸກເສີນ (AEM Program) ສຳລັບ Alien (ຄົນຕ່າງດ້າວ) (ພາສາອັງກິດເທົ່ານັ້ນ) ສຳລັບ:
- ເຫດສຸກເສີນທີ່ຕົງຕາມເງື່ອນໄຂເຊັ່ນ ການປະເມີນ ແລະ ການຮັກສາປີ່ນປົວພະຍາດໂຄວິດ-19.
- ສະຖານທີ່ໃຫ້ການກວດຫາເຊື້ອ ແລະ ການຮັກສາປີ່ນປົວເຊັ່ນ ສຳນັກງານໃຫ້ການປີ່ນປົວ, ຄລີນິກ, ຫຼື ການໂທປີ່ນປົວທາງໄກ.
- ການບໍລິການທີ່ອານຸມັດ. ບຸກຄົນທີ່ກວດພະຍາດໂຄວິດ-19 ເປັນບວກອາດໄດ້ຮັບການຄຸ້ມຄອງການໃຊ້ຢາ ແລະ ການໃຫ້ບໍລິການຜູ້ປ່ວຍລະບົບທາງເດີນຫາຍໃຈ. ຜົນກວດພະຍາດໂຄວິດ-19 ທີ່ອາດເປັນບວກອາດໄດ້ຮັບການຄຸ້ມຄອງຄ່າໃຊ້ຈ່າຍການເຂົ້າປີ່ນປົວ ແລະ ຢາ
ວິທີສະໝັກໃຊ້ AEM
ຜູ້ໃຫຍ່ທີ່ມີອາຍຸ 19 ຫາ 64 ປີ:
- ທາງອອນໄລນ໌: ເຂົ້າເບີ່ງທີ່ Washington Healthplanfinder
- ແອັບໃຊ້ທາງໂທລະສັບມືຖື: ດາວໂຫຼດ ແອັບ WAPlanfinder
- ໂທລະສັບ: 1-855-923-4633
ຜູ້ໃຫຍ່ອາຍຸ 65 ປີຂື້ນໄປ, ຕາບອດ, ພິການ, ຫຼື ຕ້ອງໃຫ້ບໍລິການໄລຍະຍາວ:
- ອອນໄລນ໌: Washington Connection (ເປັນພາສາອັງກິດ ແລະ ພາສາເອັດສະປາຍ ເທົ່ານັ້ນ)
- ໂທລະສັບ: 1-877-501-2233
ເຂົ້າຮັກສາປີ່ນປົວພະຍາດໂຄວິດ-19
ໂຄງການ Test to Treat (ກວດເພື່ອປີ່ນປົວ) (ພາສາອັງກິດເທົ່ານັ້ນ) ສາມາດໃຫ້ການເຂົ້າເຖິງການປີ່ນປົວໄດ້ງ່າຍ ແລະ ໄວຂື້ນ ເພື່ອຮັກສາປີ່ນປົວພະຍາດໂຄວິດ-19 ຊ່ວຍຊີວິດ. ຖ້າທ່ານກວດພົບເປັນບວກ, ທ່ານສາມາດເຂົ້າພົບຜູ້ໃຫ້ບໍລິການສຸຂະພາບ (ບໍ່ວ່າຈະຢູ່ໃນສະຖານທີ່ໃຫ້ການດູແລ ຫຼື ຜ່ານການໂທທາງໄກ), ແລະ ຖ້າຫາມີສິດໄດ້ຮັບ, ໃຫ້ຮັບຢາຮັກສາປີ່ນປົວຕ້ານພະຍາດໄວຣັດຊະນິດກິນ ແລະ ຊື້ຢາເພີ່ມໄດ້—ທຸກຢ່າງໃນສະຖານທີ່ດຽວ ຖ້າມີສິດໄດ້ຮັບ.
ເຂົ້າເບີ່ງໄດ້ທີ່ ຕົວລະບຸຕຳແໜ່ງ Test to Treat ຫຼື ໂທຫາ 1-800-232-0233 (TTY 1-888-720-7489) ເພື່ອຫາຄວາມຊ່ວຍເຫຼືອດ້ານພາສາອັງກິດ, ເອດສະປາຍ, ແລະ ອີກ 150 ພາສາ. ສູນດູແລການໂທເປີດ 8 ໂມງເຊົ້າ ເຖິງທ່ຽງຄືນ ເວລາທ້ອງຖີ່ນພາກຕາເວັນອອກ, 7 ວັນຕໍ່ ອາທິດ, ແລະ ຈະຊ່ວຍທ່ານຫາສະຖານທີ່ໃກ້ກັບທ່ານ.
ແຫຼ່ງໃຫ້ການຊ່ວຍເຫຼືອສຳລັບບຸກຄົນທີ່ບໍ່ມີປະກັນໄພ
ບຸກຄົນທີ່ບໍ່ມີປະກັນໄພທີ່ຕ້ອງການການຮັກສາພະຍາດໂຄວິດ-19 ຫຼື ການຄຸ້ມຄອງດູແລສຸຂະພາບທີ່ສາມາດເຂົ້າເຖິງ:
- ການລົງທະບຽນໃຊ້ Medicaid (ເປັນພາສາອັງກິດເທົ່ານັ້ນ)
- ການລົງທະບຽນຕະລາດໃຫ້ການດູແລສຸຂະພາບ
- ເຂົ້າເບີ່ງການກວດຫາເຊື້ອພະຍາດໂຄວິດ-19 ຟຣີໄດ້ທີ່ COVIDtests.gov
- ເຂົ້າເບີ່ງການກວດຫາເຊື້ອພະຍາດໂຄວິດ-19 ຟຣີໄດ້ທີ່ Say Yes! COVID TEST
ນອກຈາກນີ້ບຸກຄົນທີ່ບໍ່ມີປະກັນໄພຍັງສາມາດຊອກຫາການໃຫ້ບໍລິການໄດ້ທີ່ຄລີນິກຫຼາຍແຫ່ງທີ່ເປັນສ່ວນໜຶ່ງຂອງ Federally Qualified Health Centers (FQHC, ສູນບໍລິການດ້ານສຸຂະພາບທີ່ມີການຮັບຮອງຂອງລັດຖະບານກາງ):
- Community Health Association of Spokane, Spokane
- Sea Mar Community Health Center (ເປັນພາສາອັງກິດ ແລະ ພາສາເອັດສະປາຍ ເທົ່ານັ້ນ), Seattle
- Columbia Basin Health Association (ເປັນພາສາອັງກິດ ແລະ ພາສາເອັດສະປາຍ ເທົ່ານັ້ນ), Othello
- International Community Health Services, Seattle
- Moses Lake Community Health Center, Moses Lake
- Neighborcare Health, Seattle
- Family Health Centers (ເປັນພາສາອັງກິດ ແລະ ພາສາເອັດສະປາຍ ເທົ່ານັ້ນ), Okanogan
- Downtown Public Health Center (ເປັນພາສາອັງກິດ ແລະ ພາສາເອັດສະປາຍ ເທົ່ານັ້ນ), Seattle
- Yakima Neighborhood Health Services (ເປັນພາສາອັງກິດ ແລະ ພາສາເອັດສະປາຍ ເທົ່ານັ້ນ), Yakima
- Yakima Valley Farm Workers Clinic, Toppenish
- Healthpoint, Auburn
ຕ້ອງການການຊ່ວຍເຫຼືອຊອກສະຖານທີ່ຮັບຢາປີ່ນປົວບໍ? ໂທຫາ 1-800-232-0233 (TTY 888-720-7489) ເພື່ອຊອກຫາພື້ນທີ່ໃຫ້ການກວດຫາເຊື້ອຂອງ Test to Treat (ພາສາອັງກີດເທົ່ານັ້ນ).
ແຫຼ່ງຂໍ້ມູນ ເພີ່ມເຕີມ
ມີສາຍດ່ວນໃຫ້ການຊ່ວຍເຫຼືອພະຍາດໂຄວິດ-19 ຂອງລັດລໍໃຫ້ຄຳຕອບແກ່ຄຳຖາມເພີ່ມເຕີມ. ຂໍ້ມູນສາຍດ່ວນມີຢູ່ ໜ້າເວັບ ຕິດຕໍ່ພວກເຮົາ.
ສຳລັບການຮັກສາພະຍາດໂຄວິດ-19 ເພີ່ມເຕີມ, ເຂົ້າເບີ່ງທີ່ ໜ້າເວັບໃຫ້ຂໍ້ມູນກ່ຽວກັບການຮັກສາພະຍາດໂຄວິດ-19 ຂອງ Centers for Disease Control and Prevention (ສູນຄວບຄຸມ ແລະ ປ້ອງກັນພະຍາດ)