Wā eo an COVID-19

Centers of Disease Control and Prevention (CDC, Jikin Kantūrol Nañinmej im Bobrae) ej rojāñ (Kajin Pālle wōt) bwe aolep ro 6 alloñ im rūttolak ren bōk 2024-2025 COVID-19 wā eo emōj an kakāāl.

Armij ro emōj aer jella enij diklak aer kauwōtata in nañinmej ko rellap, deḷọñ ọjpitōl, im mej jān COVID-19 jān armij ro rejañin bōk wā ak jañin dedelak aer bōk wā ko ekar rōjañ bwe ren bōk jen CDC.

Eloñ armij 5 yiiō im ruttolak rej aikuj juon 2024-2025 wā emōj an kakāāl im ekar ñan ien.
Ewōr ruo kain COVID-19 wā ilo torrein:

mRNA wā ko
- Moderna 2024-2025 COVID-19 wā - bellok ñan ro 6 alloñ im rūttolak
- Pfizer 2024-2025 COVID-19 wā - bellok ñan ro 6 alloñ im rūttolak.
Wā ko ewōr mōttan kajur ie
- Novavax 2024-2025 COVID-19 wā - bellok ñan ro 12 yiiō im rūttolak

Ejelok rojāñ ñan bōk jabdewōt ian COVID-19 wā ko jen bar juon ñe elaplok jen juon ej rojāñ ekar ñan yiiō im emaroñ jerbal.

Lale jot ian jibañ kein ilal ñan lale elaplok kin COVID-19 rojāñ ko ikijen wā ñan eok im baamle eo am:

Washington State Department of Health (Rā eo an Ejmour) ej kio kakaal peij ko aunḷain im pepa ko rej lain ippān tōl eo eman tata iumin CDC.

Kajitok Ko Ekutkut Kajitok i

Etke ij aikuj bōke Wā eo an COVID-19?

Wā in COVID-19 ej bobrae ki eok ilo elon wāwein ko:

Elukkun lab aer kadiklok am lukkun nañinmij ñe kwonaj bōke COVID-19
Am kadedelok am wã enaj kadiklok am maron delon aujbitol im kadiklok uwota ñan am mij jen COVID-19
Pād wōt ilo am jella kin COVID-19 wā ko ej kadiklok am maroñ in bōk nañinmej in Long COVID (Kajin Pālle im Kajin Spanish wōt).in
Wā ko rej kolablok joñan armij ro ilo jukjukinbed eo remaron bobrae, im ekomman an bin lok an nañinmej eo ajeeded
Ro ewor aer kapeel rej wonmaanlok in katak kin an wā eo maron kejbarok an armij kaajeeded kij in ñaninmij eo ñan ro jet.

Armij ro rejañin wā remaron wōt bōke nañinmij eo im kaajeedede ñan ro jet. Jet armij rebañ bōke wā eo kin nañinmij ko aer, im mennin ekōmman aer lukkun mōjno ñan COVID-19. Ñe kwōjañin wā, ebar lablok uwōta ñan am deloñ aujbitol ak mij jen juon oktak in COVID-19 (Kajin Belle wot). Am bōke wā eo ej kejbarok kwe im baamle eo am, armij ro rej jokwe iturim im jukjukinbed eo.

Ia eo ij bōke wā eo?

Bukot juon wā ilo Vaccines.gov (Kajin Pālle im Kajin Spanish).

Elōñ ke onean ñan COVID-19 wā?

Āinwōt wā ko jōt, COVID-19 wā ko rej bōk eddo jān eloñ būlāān in injuran. COVID-19 wā rej wanṃaanḷọk ilo aer bellọk ilo ejelọk onean ñan aolep ajiri ro ilo Washington ñan ñe raan in lotak eo aer kein 19 lak ñan Wā ñan Ajiri (Kajin Pālle wōt) būrookraaṃ. Ewōr bar būrookraaṃ ko ñan rūtto im rej māroñ in jibāñ kōllā onean bōk wā ñe ejelọk injuran in ejmour ako būlāān eo aer ejjab bōk eddo in wā eo. Lale HHS.gov (Kajin Pālle wōt) ñan elaplọk melele ko ilo būrookraaṃ kein.

Āinwōt wā ko jōt, COVID-19 wā ko rej bōk eddo jen eloñ ian būlāān in injuran ko. COVID-19 wā ko renij wanṃaanḷọk wōt ilo aer bellok ilo ejelok onean ñan aolep ajiri ro ilo Washington ñan raan in lotak eo aer kein 19 ippān Childhood Vaccine Program (Būrokraam in Wā an Ajiri) (Kajin Pālle wōt). Ewōr bar būrookraaṃ ko ñan rūtto im rej māroñ in jibāñ kōllā onean bōk wā ñe ejelọk injuran in ejmour ako būlāān eo aer ejjab bōk eddo in wā eo. Ñe kwoj juon eo ejelok an injuran ak juon rūtto eo ejelok an injuran loñ in 19 yiiō, kwoj maroñ in tōbrak ñan juon 2024-2025 COVID-19 wā eo edik wonaan jen juon jikin injuran eo ej pād ilo Washington State Adult Vaccine Program (AVP, Būrokraam in Wā an Rūtto ilo Washington) (Kajin Pālle wōt). AVP jikin eo emaroñ jaaj wōnaan lelok wām ak komaroñ kajitok bwe en ejelok jaaj ñe kwojjab maroñ in kōlla. Ejelok emaroñ jab jibañ eok jen bōk COVID-19 wā jen juon AVP jikin ñe kwojjab maroñ in kōlla. Komaroñ loe jikin ko rej bōk kunaer ilo am kōjerbale AVP maab in lale (Kajin Pālle wōt). Komaroñ kurlok AVP jikin eo turim ñan melele ko relablok ikijen an wōr kein jerbal im jikeduul.

Wōn eo ej aikuj bōk wā in COVID-19 eo elablok?

Centers of Disease Control and Prevention (CDC, Jikin Kantūrol Nañinmej im Bōbrae) ej rōjañ aolep ro 6 allōñ im ruttolak in bōk juon 1 ñan 2024-2025 COVID-19 wā.

Ajiri 6 allōñ-4 yiiō remaroñ in aikuj eloñ wā pedped ion joñan wā eo ekar etal ñan ir mokta lak.
Ro emojno enbwinnier remaroñ bōk bar eloñ lak wā. Jouj im lale CDC unin tōl (Kajin Pālle im Kajin Spanish wōt).

Ta eo ej wālok ne inaj ñaninmij alikin ao bōke wā eo an COVID-19?

Einwot wā ko ekkā ad bōki, wā eo an COVID-19 ekka an wālok abnono ko, einwot metak beim, biba, metak boram, ak mok ālikin am bōke wā eo. Men kein rej kõkakle ke wā eo ej jerbal. Katak Elaplak kin ta emāroñ walok elikin am bōk wā in COVID-19.

Ne kwonaj ñaninmij alikin am bōke wā eo, kwoj aikuj kōjella kin ñaninmij eo ear wālok ñan Vaccine Adverse Event Reporting System (VAERS, Kein jerbal eo kin kōjella in ñaninmij ko rej wālok jen wā) (Kajin Belle wot) Juon "ñaninmij" ej jabdewot jorraan in ejmour ak abnono im ej wālok alikin wā. Ñan melele ko relaplak kake Vaccine Adverse Event Reporting System (VAERS, Jerbal in Riboot Wā) im kōjbarok ikijen wā, loelak Department of Health (DOH, Rā eo an Ejmour) Kōjbarok ikijen Wā (Kajin Pālle im Kajin Spanish wōt) peij anḷain.

NeImaroñ ke bōk wā in COVID-19 ilo ien ao bōke wā ko jet ewor ien ao bōki?

Aet. Advisory Committee on Immunization Practices (ACIP, Kamiti in rōjañ ikijen wā) emoj an janiji rōjañ ko aer ilo Mae 12, 2021. Kwomaron kio bōke wā eo an COVID-19 ilo ejja ien eo kwoj bōke wā ko jet.
Kwojab aikuj kojenolok ien am karoke wā ko an jikuul rej mennin aikuj an ajiri eo nejum (Kajin Belle wot) ak wā ko jet emoj rōjañ an bōki jen wā eo an COVID-19. Karoke ien bōke wā eo an COVID-19 ej bar juon ien ñan kadedelok an ajiri eo nejum bōke aoleben wā ko emoj rōjañ an bōki.

Imaroñ ke bōk wā in COVID-19 eḷañe ibororo, ij kaninnin, ak bebe in naj bororo?

Melele ko rej kwālok ke wā ko an COVID-19 rej letōk kejbarok ilo ien bororo. Center for Disease Control and Prevention (Obij eo ej bōk eddon kejbarok im bobrae jen ñaninmij, CDC) (Kajin Belle wot), American College of Obstetricians and Gynecologists (Doulul in Kaloj eo an Taktō ro an Kora im Kirae ilo Amedka, ACOG), im Society for Maternal-Fetal Medicine (Doulul eo an Wuno ñan Kirae im Ko in Ninnin, SMFM) (Kajin Belle wot) rej rōjañ an ro rebōroro, ro rej kaninnin, ak ro rej bebe ñan aer bōroro jeklaj bwe ren bōke wā eo an COVID-19. Jet kakta ko rej kwālok ke ne emoj am wā, ninin eo nejum emaron bar bōke antibody ko rej bobrae jen COVID-19 jen ien bororo ak kin kaninnin. Ribororo ro rejab wā im renaj bōke COVID-19 elablok aer bed ilo uwota ñan aban ko rekauwotata einwot mokta aer kolotak ak mij nininin ilo ien an lotak. Im bareinwot, armij ro rej bōke COVID-19 ilo ien aer bororo elablok ruo ñan jilu alen in aer maron aikuj jibañ ko relab ñan aer mour im tube in emenono.

Ñan jibāñ ko jōt kin wāwein ebbōk COVID-19 wā ilo am bōrọro ak ka ninnin, jouj im lale melele ko rekāāl ikijen One Vax, Two Lives website eo.

Armij ro rediklok jen 18 Aer Yiō remaron ke bōke wā eo?

Ilo ien in, Pfizer-BioNTech (Pfizer) wā im Moderna COVID-19 wā ko rej melim ñan ajiri ro 6 allōñ im rittolak. Novavax wā ej bellọk ñan 12+ yiiō iumin juōn Emergency Use Authorization (EUA, Doulul in Lolorjak Kōjerbale Kein Kōjbarok ko ilo Ien Idiñ).

Jodikdik ro jonan yio ko aer ej diiklak jen 17 remaron aikuj beba in komelim jen jinen im jemen ak rikejbarok (Kajin Belle wot) nan boke wa eo, ijellokun ne ewor aer beba in kakien ej kwalok ejellok ej bok eddoier.

Lale ibben jikin wa eo kin mennin aikuj ko nan kwalok kamool kin komelim eo an jinen im jemen ak beba in kakien ej kwalok jodikdik eo ej make ian.

Ijjam aikuj in inepata kin an ajiri eo nejū bōke COVID-19?

Jān jinion ien in an ajeded nañinmej eo, elōñlak jān 15 million ajiri ilo United States (Amedka) emōj aer bōke nañinmej in COVID-19. COVID-19 variant ko rej aer eddo ñan nañinmej ko elap aer kapopo im kōmman bwe ren deḷọñ lowaan ọjpito ilo Amedka.
Ien eo COVID-19 ekar diiklak ilo ajiri jen ritto, ajiri ro remāroñ in bar lukkun ñaninmej im ajeded ñan mottaer im baamle edrik an kajur enbwinnier im abang ilo elōñ wāwein. Jimetan in aolep mej ko jān COVID-19 an ajiri ilo Amedka ej ajiri ro im ejelok aer kār joraan ikijen ejmour.

Ajiri ro emōj aer ñaninmej in COVID-19 remāroñ bōk "aitok COVID-19" ak kakōlle ko emōj aer likit ilo kemlij, emōkmōk, metak bar, adiboulul, im ikijelak. Wa ej waween eo emmon tata ñan kejbarōk kwe, armij ro aurōk ippām, im jukjukinbed eo am.

Ajiri ro emoj aer naninmej in COVID-19 emaron in laplak an kuawatata nan Naninmej in Ebboj (MIS-C) (Kajin Palle wot). MIS-C ej juon naninmej im kwalok elon part in enbwinnim emaron in ebboj, koba ippen menono, arim, kidney, kemlij, kilim, mejam, ak organ ko jot ilo lojjem. Ke ejanin lukkun alikkar ta eo ej komman MIS-C, elon ajiri ro kin MIS-C emoj aer naninmej in COVID-19, ak emoj aer bed turin juon eo ej COVID-19. MIS-C emaron in lap, emaron lukkun kamijak, ak elon ajiri eo emoj aer kwalok ke rej naninmej in emoj an eman lak aer bed kin aer bok jiban jen jikin ejmour.

Ewi wāwein ad jelā ke aolep wā rej letok kōjbarok im bōbrae ñan ajiri?

Ñan lukkun lale bwe wā ko an COVID-19 rej kōjbarok, Centers for Disease Control and Prevention (CDC, Jikin Kantūrol Nañinmej im Bōbrae) emōj an kaḷapḷọk im kakajur lak an aelōñ eo māroñ in lale joñan eman an jerbal wā eo. Kin tōprak in, rijerbal ro relukkun jellā kake wā ko māroñ lale im loe bwōd ko me rejjab māroñ in walok ilo ien etale wā in COVID-19 ko.