Kabojrak an Wōr Ej Bōk Māke Mour ko Aer

Ilo peij in ewōr laajrak in melele ko (ilo Kajin Pālle).

Ḷōmnak in bōk māke mour eo Am | Būlāān in Kōjbarok im Mwon Jokwe ko Rekajur | Bukot juon Takto | Naan in Rojāñ im Kein Jibañ ko jen Ro Rekar Mour wōt Elikin Aer Kajeoñ Bōk Māke Mour ko Aer

Ḷōmṇak in bōk māke mour eo am

Ñe kwoj ḷōmnak in bōk māke mour eo am, ak emōj am ḷōmnak in bōk māke mour eo am mōkta lak, ak kwoj inebata ñe kwejella kajeen juon eo emaroñ bōk māke mour eo an, jella ke ewōr jibañ ko ñan eok.

Department of Health (Rā eo an Ejmour) ejjab lewaj jerbal in kauwōtata kein, ak komaroñ bōk jibañ ñan eok māke ak ñan jibañ bar juon armej ilo am kall ak taakij 988 ak bwebwenato aunḷain.

988 Lifeline eo ejelok wonaan, eban duojlak melele ko ie, im ej bellok 24/7, 365 raan ilowaan juon yiiō. Jabdewōt armej emaroñ kōjerbale 988 Lifeline ñan bōk jibañ.

Ñe kwoj tobar 988 Lifeline, enij bar wōr am kelet in bōk jibañ jen lain in jibañ aurok ko:

• Ñan tobar Veterans Crisis Line (Lain in Kall ñan ro rekar Tarinae), jiped 1 ñe kwoj kall ak taakij ak bwebwenato aunḷain.
• Ñan tobar Spanish Line eo, jiped 2 ñe kwoj kall ak taakij ak bwebwenato aunḷain.

Ñan tobar LGBTQI+ doulol in Jibañ Jodikdik, jiped 3 ñe kwoj kall ak taakij. Ñe kwoj bwebwenato aunḷain, kelet bọọk eo ej ba "Ñan LGBTQI+ armej iumin 25 yiiō dettan…” ilo laajrak in kajitok ko mōkta jen am jinoe bwebwenato.

• Ñan tobar Native & Strong Lifeline, jiped 4 ñe kwoj kall jen juon Washington area code. Ḷain eo ej lale jen Native kaunjelor ro rej jibañ kin ien kauwōtata im jerbal ippen aolep armej ro rej jokwe ilo Washington state.

Ekatak elaplok kin kobajrak bōk māke mour Tribal jukjukin pād ko ilo Washington ilo am etal ñan Native & Strong (ilo Kajin Pālle). Washington state campaign eo ear kōmman ñan armej ro ilo Washington. Ilo webjait eo, konij loe melele ko ikijen kobajrak bōk māke mour im elaplok jibañ ko, koba kein jerbal, rojāñ ko ñan bōk jibañ, im tōl im jibañ ro kwoj iakwe er im rej pād ilo kauwōtata.

Waween ko jot ñan bōk jibāñ

Komaroñ bar bōk jibañ ilo am:

• Taakij "HEAL" ñan Crisis Text Line (bellok ilo Kajin Pālle im Kajin Spanish) ilo 741741.
• Kurlok Teen Link ilo 866-TEENLINK (866-833-6546) im kajitok am kōnaan ippen juon rijibaṇ. Lain in ej ñan armej ro iumin 21 yiiō ilo Washington state.
• Kurlok Trans Lifeline (bellok ilo Kajin Pālle im Kajin Spanish) ilo 877-565-8860. Lain eo ej jibañ armej ro emōj aer ukōt er māke im rej ion kauwōtata.
• Kurlok Washington Poison Center (Jikin Jerbal in Lale Baijen ko ilo Washington) (ilo Kajin Pālle) ilo 800-222-1222. Lain in ej lewaj jibañ ko ejelok wonaan, im melele ko reban duojlok ie 24/7/365 ñan kadiklak jōrrāān ko rej walok jen baijen.

Etal ñan Lain in kall, taakij, im bwebwenato (ilo Kajin Pālle) ñan elaplok melele.

Būlāān in Kōjbarok im Mwon Jokwe ko Elap Kōjbarok im Diklak Bōk Māke Mour Ie

Ñe kwe ak juon armej ilo mweo imōm ej ḷōmnak in bōk māke mour eo am ak eaar wōr am ḷōmnak rot in mōkta lak, komaroñ kōmmane juon būlāān in kōjbarok im kadiklak maroñ in kōjerbale lethal melelein ñan kōjbarok wōt. Lethan ej melelein men ko ak uno ko armej remaroñ kōjerbale ñan kakure ir māke.

• Now Matters Now (ilo Kajin Pālle): Webjait eo ej koba bwebwenato jen armej ro rekar ḷōmnak in bōk māke mour ko aer im waween ko rej pedped ion katak ko ikijen kauwōtata in ejmour in kalmenlakjen. Ebar wōr anjibañ ñan kōmmane juon būlāān in kōjbarok (ilo Kajin Pālle).  Komaroñ jerbal e būlāān in kōjbarok mōkta jen an juon kauwōtata walok, im komaroñ kobaiki ro mottam im am baamle. Eloñ būlāān in kōjbarok rej 1-2 peij. Jinoe kin menin būlāān in kōjbarok ko ejelok kobban (ilo Kajin Pālle) jen Vibrant Emotional Health ak komaroñ bar loe jot kwoj kōjerbale aunḷain. Komaroñ bar kajitok ippen juon takto ñan juon waanjoñak in būlāān in kōjbarok.
• Safer Homes Coalition (ilo Kajin Pālle): Kumin in jerbal eo ilo Washington elap aer niknik in kwalok kin jikin kōjbarok uno ko im bu ñan kabojrak an wōr ej bōk māke mour ko aer.
• King County Lock E (ilo Kajin Pālle): Webjait in ej kwalok melele ko im nōmba ko ikijen jikin kakwon im kōjbarok bu, koba ippen jot naan in ekatak ko ikijen kakwon im kōjbarok bu ko ilo mweo imōm. 
• Ortar in Kōjbarok ilo ien Emojonji (ilo Kajin Pālle): Ortar in kōjbarok in ej kabojrak an armej ro elap kauwōtata in er kōmman bwe ren māke jōrrāān ak bwe ro jot ren jōrrāān jen aer ebok bu. Ñe baamle, ro ilo mwon jokwe eo, ak bwilajmaan ewōr aer kein kamol ke juon armej emaroñ kametak e māke ak ro jot, remaroñ bōk juon ortar jen jikin ekkajet ñan kabojrak an armej eo maroñ kōjerbale jabdewōt kein bu. 
• Means Matter (ilo Kajin Pālle): Webjait in jen Harvard School of Public Health ej kwalok kin ta ko ekkā an armej kōmmani ñe rej kajeoñ bōk māke mour ko aer im mej ko. Kadiklak maroñ ñan lethal ej melelein emaroñ etal ilo juon ial eo aitok ñan jibañ kabojrak an juon bōk māke mour eo an.
• Kabojrak Bōk Māke Mour jen kein Bu ko (ilo Kajin Pālle): Webjait in jen Jāān in Jibañ ñan Jelalakjen ñan Kabojrak an Wōr Jōrrāān jen Bu ej kwalok kin melele, ien kenono ko, im kein jibañ ko ikijen bōk māke mour ilo kōjerbale bu.
• Bar-Lale Jekjek ko Rekar Walok (ilo Kajin Pālle): Jibañ ikijen bar-lale jekjek ko rekar walok elikin kauwōtata in ejmour in kalmenlakjen emaroñ jibañ armej wanmaanlok wōt ilo aer kōjbarok im maroñ kadiklak kauwōtata in ejmour in kalmenlakjen ilju jeklaj. 988 Suicide & Crisis Lifeline ej kōmman jerbal in bar-lale jekjek ko rekar walok ñan aolep armej ro rej lelok aer melim elikin aer tobar 988, koba ro rej mour wōt elikin aer kajeoñ bōk mour ko aer māke im armej ro rekar etal jen bade ko jot.  Armej ro rekar loe juon kall in bar-lale jen 988 Lifeline rej riboot ke ediklak aer inebata im ediklak aer konan bōk māke mour ko aer.

Bukot juon Takto

• Ñe ewōr am injuran in ejmour, lale ippen injuran kōmbani eo kain jerbal in jibañ ko im takto ko rej bōk eddoin.
• Ñe kwoj maroñ in tobrak ñan Medicaid, etal ñan Apple Health (ilo Kajin Pālle) ñan melele ko ikijen waween kōjerbale jerbal in jibañ kein.
• Ñe ewōr an jikin jerbal eo am būrokraaṃ in jibañ rijerbal, komaroñ in kōjerbale kaunjelor ro ie.
• Ñe kwoj jikuul ak pād ilo juon kolaj eo ewōr jikin kaunjel ir ak kaunjelor in jikuul, remaroñ jibañ eok bukot juon kaunjelor.
• Komaroñ tobar lain in kauwōtata eo turim aklain in jibañ kin ejmour in kalmenlakjen (ekar ñan bukwōn) (ilo Kajin Pālle) ñan aer lewaj juon jikin am bōk jibañ.
• Komaroñ loe elaplok jibañ ko turim ippem 211 jerbal ko aunḷain (ilo Kajin Pālle).
• Komaroñ kall e Washington Recovery Help Line (Lain in Jibañ ikijen Mour) (ilo Kajin Pālle) ñan 24-awa jibañ ikijen eñjake im lelok ñan jikin jerbal in bōk jibañ im kajur lak jabdewōt jikin ilo state eo.
• Ñe kwoj aikuj bukot juon takto im jab jella ia eo ñan jinoe ie, komaroñ etal ñan 988 Lifeline peij eo ilo link ko ñan tobar takto (ilo Kajin Pālle im Kajin Spanish).

Naan in Rojāñ im Jibañ ko jen Ro Rej Mour Wōt Elikin Aer Kajeoñ Bōk Māke Mour ko Aer

Ilo an laplok wōt, armej ro rekar pād ilo kauwōtata in bōk māke mour ko aer rej bōk tōl ilo kōjbarok ilo bōk māke mour. Kein jibañ kein remaroñ jibañ eok lale eok māke im koneek eok ippen armej ro rekar ion ejja waween kein wōt.

• Now Matters Now (ilo Kajin Pālle) ej juon doulol in jibañ ñan armej ro emōj an wōr aer ḷōmnak in bōk māke mour ko aer ak eñjake ak burooblem ko rellap im āinwot ke ekar ejelok uak ñan er. Komaroñ lale peij in ñan riit bwebwenato ko aer, bukot waween keatak ko ñan aer kar ion ien ko rekametak tata ilo mour, im ekatak kin waween ko ikijen Mwil.
• A Journey Toward Health and Hope (PDF) (ilo Kajin Pālle) ej juon bọọk eo ej lewaj jibañ ko kwoj maroñ ekatak kaki ñan am kajur lak im remaanlok wōt elikin kar kajeoñ bōk māke mour eo am.
• 988 Lifeline peij eo aunḷain ej bar lewaj jibañ im waween lale eok-māke (bellok ilo Kajin Pālle im Kajin Spanish) jen ro jot rekar kajeoñ bōk māke mour ko aer.
• American Foundation for Suicide Prevention ewōr aer bideo ko (ilo Kajin Pālle) im ej kwlaok bideo jen armej ro rekar ion an armej bōk māke mour ko aer.

Melele ko relaplak

Būrokraaṃ ko ilo | Jukjukin Pād | Jibañ Juon Bar Armej | Lain in kall, taakij, im bwebwenato | 988 Lain in jibāñ kin Mour & Kauwōtata