COVID-19 တၢ်ကူဆါ

ပှၤကညီလၢအဒိးန့ၢ်ဘၣ် COVID-19 တၢ်ဆါဃၢ်ဒီး ပှၤကညီလၢအအိၣ်ဒီးတၢ်ဘၣ်ယိၣ်လၢ ကဆိက့နးနးကျံးကျံးတဖၣ်န့ၣ် ကဒိးန့ၢ်ဘၣ်၀ဲဒၣ် COVID-19 အတၢ်ကူဆါယါဘျါန့ၣ်လီၤ (တၢ်အီၣ်ကသံၣ်ကသီ). တၢ်ကူဆါယါဘျါအံၤကတြီပဒီတၢ်ဆိက့နး, တၢ်ထီၣ်တၢ်ဆါဟံၣ်, ဒီးတၢ်သံတၢ်ပှၢ်လၢခီဖျိလၢ COVID-19 အဃိလီၤ. ကတိၤသကိးတၢ်ဒီးနကသံၣ်သရၣ်တဘျီဃီ ဖဲနမ့ၢ်ဒိးန့ၢ်ဘၣ်တၢ်ဆါဃၢ်ဒီးနအိၣ်လၢတၢ်ဘၣ်ယိၣ်အပူၤ ဒ်သိးတၢ်ကစးထီၣ်ကူဆါယါဘျါဆိအံၤဂ့ၤ၀ဲဒၣ်အဃိန့ၣ်လီၤ. နကသံၣ်သရၣ်န့ၣ်ကဆၢတဲာ်န့ၢ်နၤမ့ၢ် COVID-19 အကသံၣ်ကသီဂ့ၤဒိၣ်လၢနဂီၢ်ဖဲလဲၣ်တခါန့ၣ်လီၤ.

COVID-19 တၢ်ကူဆါဒီး\ကသံၣ်ကသီတဖၣ်န့ၣ် တမ့ၢ်လၢတၢ်ဒီသဒၢအဂီၢ်ဘၣ်. တၢ်အုၣ်ကီၤဒံး၀ဲဒၣ်လၢပှၤလၢအကြၢးဆဲးကသံၣ်ဒီသဒၢတဖၣ်ကဆဲးဘၣ်ကသံဒီသဒၢဒီးကဒီသဒၢစ့ၢ်ကီး COVID-19 တၢ်ရၤလီၤသးလၢကျိၤကျဲအဂၤတဖၣ်န့ၣ်လီၤ.

သွံၣ်ဖျၢၣ်၀ါကွဲးဒိ နီၢ်ခိဂံၢ်တြီဆၢ အတၢ်ကူဆါစံးတၢ်န့ၣ်မ့ၢ်တၢ်မနုၤလဲၣ်?

နီၢ်ခိဂံၢ်တြီဆၢန့ၣ်မ့ၢ်၀ဲဒၣ်ဖရိထ့အိၣ်လၢပမိၢ်ပှၢ်တ့ထီၣ်၀ဲလၢကခီၣ်ဆၢ၀ဲဒၣ်တၢ်ဆါဃၢ်, ဒ်အမ့ၢ်၀ဲဒၣ် တၢ်ဆါဃၢ်လၢအဒုးကဲထီၣ်၀ဲဒၣ် COVID-19 တၢ်ဆါဃၢ်န့ၣ်လီၤ. နီၢ်ခိဂံၢ်တြီဆၢလၢဘၣ်တၢ်တ့အီၤလၢ လဲး(ပ)အပူၤန့ၣ်အမၤတၢ်ဒ်သိးဒီးပနီၢ်ခိဂံၢ်တြီဆၢအန့ၢ်ဆၢၢ်အသိးလၢကြတီဆၢ၀ဲဒၣ် တၢ်ဆါဃၢ်လၢပမိၢ်ပှၢ်အပူၤတဆံးတက့ၢ်န့ၣ်လီၤ. တၢ်၀ဲန့ၣ်ဘၣ်တၢ်ကိးအီၤလၢ နီၢ်ခိဂံၢ်တြီဆၢအိၣ်ဟဲကဲထီၣ်သးလၢသွံၣ်ဖျၢၣ်န့ၣ်လီၤ. နမ့အိၣ်ဒီးတၢ်ဘၣ်ယိၣ်လၢ နကဒိးန့ၢ်ဘၣ် COVID-19 တၢ်ဆါဃၢ်ဒီး နမၤကွၢ်သးမ့ၢ်ဖျါလၢနအိၣ်ဒီး COVID-19 တၢ်ဆါဃၢ် မ့တမ့ၢ်နမ့လဲၤအိၣ်ဘူးဘၣ်ဒီးပှၤတဂၤဂၤလၢအမၤကွၢ်အသးဖျါလၢအဒိးန့ၢ်ဘၣ်တၢ်ဆါဃၢ်န့ၣ် နဒိးကူဆါနသးဒီး သွံၣ်ဖျၢၣ်၀ါကွဲးဒိနီၢ်ခိဂံၢ်တြီဆၢ (mAb) တၢ်ကူဆါသ့၀ဲန့ၣ်လီၤ. နကန့ၢ်ဒိးကူဆါဘၣ်နသးဒီး mAb တၢ်ကူဆါအကျိၤအကျဲ (bebtelovimab)လၢကယါဘျါ၀ဲဒၣ် COVID-19 တၢ်ဆါအဂီၢ်န့ၣ်သန့ၤထီၣ်အသးလၢ နသးနံၣ်, နတၢ်အိၣ်ဆူၣ်အိၣ်ချ့အတၢ်စံၣ်စိၤ, ဒီးနဒိးန့ၢ်ဘၣ်တၢ်ဆါအပနီၣ်စံးယံာ်လံလဲၣ်န့ၣ်လီၤ.

တၢ်ဒီသဒၢဆိ COVID-19 ဘၣ်ဂာ်ဆိဒီးတၢ်ဆါစံးတၢ်န့ၣ် မ့ၢ်တၢ်မနုၤလဲၣ်?

တၢ်ဒီတဒၢဆိတၢ်ဆါအတၢ်ဘၣ်ဂာ် (PrEP)မ့ၢ်ကသံၣ်ကသီလၢတၢ်ထုးထီၣ်ဃာ်အီၤလၢအကဒၢသဒီ၀ဲဒၣ်တၢ်ဆါဃၢ်သ့ၣ်တဖၣ်သုအတနုၤလီၤလၢပမိၢ်ပှၢ်အစဲ(လ)ပူၤန့ၣ်လီၤ. Evusheld န့ၣ်မ့ၢ်နီၢ်ခိဂံၢ်တြီဆၢကသံၣ်ကတီၢ်ယံာ်လၢ တၢ်ဟ့ၣ်အခွဲးလၢတၢ်ကသူအီၤလၢကဒီသဒၢ၀ဲဒၣ်ပှၤတဂၤဂၤတချုးအ၀ဲသ့ၣ်ဘၣ်ဂာ်ဒီး COVID-19. တၢ်ဆါဘၣ်န့ၣ်လီၤ. ကသံၣ်၀ဲအံၤအတလီၤဂာ်ဒီး သွံၣ်ဖျၢၣ်၀ဲကွဲးဒိနီၢ်ခိဂံၢ်တြီဆၢလၢခဲခဲအံၤအံးတဖၣ်ဘၣ်န့ၣ်လီၤ. Evusheld န့ၣ်တမ့ၢ်တၢ်ကူဆါလၢ COVID-19 တၢ်ဆါက့ၢ်ပနီၣ်တဖၣ်အဂီၢ်ဘၣ်ဒီး တၢ်ဆဲးန့ၢ်၀ဲဒၣ် ပှၤလၢအဘၣ်ဂာ်ဒီး COVID-19ဘၣ်ဒီး အ၀ဲန့ၣ်ဘၣ်တၢ်ဆဲးအီၤတချုးဒံးလၢအဘၣ်ဂာ်ဒီးတၢ်ဆါဃၢ်န့ၣ်လီၤ.

တၢ်အီကသံၣ်ဒီသဒၢတၢ်ဆါဃၢ်န့ၣ်မ့ၢ်တၢ်မနုၤလဲၣ်?

တၢ်အီၣ်ကသံၣ်ဒီသဒၢခီၣ်ဆၢတၢ်ဆါဃၢ် တၢ်ကူဆါယါဘျါအံၤအကမၤစၢၤ၀ဲဒၣ်နမိၢ်ပှၢ်ဒ်သိးကခီဆၢ်၀ဲဒၣ် COVID-19 ခီဖျိ မၤပတုာ်ကွံာ်၀ဲဒၣ် SARS-CoV-2 တၢ်ဆါဃါ (တၢ်ဆါဃၢ်လၢအဒုးကဲထီၣ် COVID-19) လၢအကအါထီၣ်၀ဲဒၣ်လၢနမိၢ်ပှၢ်အပူၤဒီး အမၤစှၤလီၤ၀ဲဒၣ်တၢ်ဆါဃၢ်လၢနမိၢ်ပှၢ်အပူၤ, မ့တမ့ၢ် ကမၤဂ့ၤထီၣ်၀ဲဒၣ်နနီၢ်ခိၣ်ဂံၢ်တြီဆၢအဂီၢ်န့ၣ်လီၤ. ခီဖျိနဒိးကူဆါသးအဃိသတာ်ဒီး နကဒိးန့ၢ်ဘၣ်တၢ်ဆါပနီၣ်တဖၣ်လၢတၢ်ဘၣ်ယိၣ်စှၤ ဒီးနကဆိက့နးနးကျံးကျံးစ့ၢ်ကီးတအိၣ်ဘၣ်ဒီး ကဘၣ်ထီၣ်၀ဲဒၣ်တၢ်ဆါဟံၣ်စ့ၢ်ကီးအမျၤကယၤစှၤ၀ဲန့ၣ်လီၤ. တၢ်ခီၣ်ဆၢတၢ်ဆါဃၢ်အတၢ်ကူဆါလၢ COVID-19 န့ၣ်အိၣ်၀ဲဒၣ်လၢပှၤဆါလၢအဒိးန့ၢ်ဘၣ်တၢ်ဆါပနီၣ်လၢအစၢ်ဒီးအကြၢးတဖၣ်, ပှၤလၢတဘၣ်ထီၣ်တၢ်ဆါဟံၣ်တဖၣ်, ပှၤလၢအိၣ်ဒီးတၢ်ဆါပနီၣ် အါန့ၢ်ဒံး မ့တမ့ၢ် စှၤန့ၢ်ဒံးယဲၢ်သီ, ဒီးပှၤလၢအိၣ်ဒီးတၢ်ဘၣ်ယိၣ်လၢကဆိက့နးနးကျံးကျံးတဖၣ်န့ၣ်လီၤ.

တၢ်ဆဲးကသံၣ်လၢသွံၣ်ကျိၤ (IV) ပူၤတၢ်တြီဆၢတၢ်ဆါဃၢ်န့ၣ် မ့ၢ်တၢ်မနုၤလဲၣ်?

Remdesivir (အိၣ်ထဲကိးလး၀ါကျိာ်) န့ၣ်မ့ၢ်ကသံၣ်ဒီသဒၢတၢ်ဆါဃလီၢ်တခါလၢ Food and Drug Administration (FDA, တၢ်အီၣ်တၢ်အီဒီးကသံၣ်ကသီ တၢ်ပၢဆှၢရဲၣ်ကျဲၤတၢ်) ပာ်ပနီၣ်၀ဲဒီး မ့ၢ်ကသံၣ်လၢ Washington State Department of Health (WADOH, ၀ီၤၡ့ၣ်ကီၢ်စဲၣ်ထၢၣ်ဆူၣ်ချ့၀ဲၤကျိၤ) တဆဲးန့ၣ်၀ဲဒၣ်ကမျၢၢ်ဒံးဘၣ်န့ၣ်လီၤ. ကသံၣ်၀ဲအံၤအြတီ၀ဲဒၣ် တၢ်ဆါဃၢ်ဒ်သိးကတ့ထီၣ်က့ၤအသးလၢပမိၢ်ပှၢ်အပူၤ (တ့ထီၣ်သး) လၢအနီၢ်ကစၢ်န့ၣ်လီၤ. Remdesivir န့ၣ်ဘၣ်တၢ်ဆဲးလီၤအီၤလၢသွံၣ်ကျိၤပူူၤ (တၢ်ဆဲးကသံၣ်လၢသွံၣ်ကျိၤ) တဘိယူၢ်ဃီ, လၢဘၣ်တၢ်ကိးအီၤလၢ IV တၢ်သွီနုာ်လီၤကသံၣ်ထံလၢသွံၣ်ကျိၤပူၤန့ၣ်လီၤ.

Remdesivir န့ၣ်ဘၣ်တၢ်ပာ်ဂၢၢ်ပာ်ကျၢၤ၀ဲလၢ တၢ်ကူဆါ၀ဲဒၣ်ပှၤသးပှၢ်လၢအတဘၣ်ထီၣ်တၢ်ဆါဟံၣ်ဒီး ဖိသၣ်လၢအအိၣ်ဒီးတၢ်ဘၣ်ယိၣ်ဒိၣ်လၢကဆိက့လၢ COVID-19 တၢ်ဆါအဃိန့ၣ်လီ ဖဲလါအ့ြဖ့ၣ် 25, 2022 န့ၣ် FDA န့ၣ်အုၣ်ကီၤစ့ၢ်ကီး၀ဲလၢ ကထၢနုာ်ဃုာ်၀ဲဒၣ်ဖိသၣ်သးနံၣ်အိၣ်အစှၤကတၢၢ် 28 သီဒီးပှၤလၢအ​နီၢ်ဃၢ၀ဲဒၣ်အစှၤကတၢၢ် 3 kg (6.6 pounds ဃာ်ဃာ်) ဒီးပှၤလၢအိၣ်ဒီးတၢ်ဘၣ်ယိၣ်လၢကဆိက့၀ဲဒၣ်နးနးကျံးကျံး, ဒီး Rmdesivir အံၤကဲထီၣ်၀ဲကသံၣ်လၢ FDA-ပာ်ဂၢၢ်ပာ်ကျၢၤအတၢ်ကူဆါယါဘျါအဆိကတၢၢ်လၢပှၤဖိသၣ်သးနံၣ်လၢ 12 နံၣ်ဆူဖီလာ်တဖၣ်န့ၣ်လီၤ.

Remdesivir ကသံၣ်အံၤတၢ်ကဘၣ်စးထီၣ်ဟ့ၣ်အီၤလၢအဆိအချ့ လၢနွံသီအတီၢ်ပူၤဖဲတၢ်ဆါပနီၣ်စးထီၣ်အသး လၢတၢ်န့ၣ်အဃိအကါဒိၣ်လၢပှၤလၢအိၣ်ဒီးတၢ်ဘၣ်ယိၣ်ဒိၣ်ဒိၣ်မုၢ်မုၢ်တဖၣ်လၢအကဆဲးကျိးဒီးအ၀ဲသ့ၣ်ကသံၣ်သရၣ်တဖၣ် ဖဲအ၀ဲသ့ၣ်မ့ၢ်ဒိးန့ၢ်ဘၣ်တၢ်ဆါအပနီၣ်တဖၣ် ဒီးမ့ၢ်ဒိးန့ၢ်ဘၣ် COVID-19 တၢ်ဆါဃၢ်န့ၣ်လီၤ. လၢတၢ်ကူဆါတဘျီအံၤတၢ်ကဆဲးသွီနုာ်လီၤန့ၢ်နုၤကသံၣ်လၢနသွံၣ်ကျိၤ (IV) ပူၤသၢဘျီဒီး သၢသီတဘျီန့ၣ်လီၤ.

တမ့ၢ်ဆူၣ်ချ့ကရၢခဲလၢာ်ဟ့ၣ်၀ဲဒၣ် Rmdesivir တၢ်ကူဆါဆူပှၤဆါဟဲဒုးနဲၣ်သးလၢတၢ်ဆါဟံၣ်သ့ဘၣ်-ပှၤဆါတဖၣ်ကြၢးကတိၤတၢ်ဒီးအကသံၣ်သရၣ်မ့ၢ်ပှၤဆါ၀ဲန့ၢ်အကြၢးဒိးန့ၢ်ဘၣ်တၢ်ကူဆါ၀ဲန့ၣ်ဧါန့ၣ်လီၤ.

Remdesivir အံၤတၢ်သူစ့ၢ်ကီးအီၤလၢကကူဆါ၀ဲဒၣ်ပှၤဆါလၢအထီၣ်တၢ်ဆါဟံၣ်ခီဖျိဆိက့နးနးကျံးကျံးလၢ COVID-19 တၢ်ဆါအဃိန့ၣ်လီၤ. နမ့ၢ်ဘၣ်ထီၣ်တၢ်ဆါဟံၣ်လၢနဒိးန့ၢ်ဘၣ် COVID-19 အဃိန့ၣ်, နကသံၣ်သရၣ်ကဆၢတဲာ်၀ဲမ့ၢ်နလိဘၣ် Rmdesivir မ့တမ့ၢ် တၢ်ကူဆါအဂုၤဂၤတဖၣ်န့ၣ်လီၤ.

တၢ်သံကွၢ်တဖၣ်လၢတၢ်သံကွၢ်အီၤခဲအံၤခဲအံၤ

mAb အံၤအမၤစၢၤ၀ဲဒၣ်ပှၤလၢအဒိးန့ၢ်ဘၣ် COVID-19 တဖၣ်ဒ်လဲၣ်?

MAb တၢ်ကူဆါအံၤဘၣ်တၢ်ဟ့ၣ်အခွဲးလၢ U.S. Food and Drug Administration (FDA, တၢ်ပၢဆှၢရဲၣ်ကျဲၤတၢ်အီၣ်တၢ်အီဒီးကသံၣ်ကသီ) လၢဂ့ၢ်ဂီၤအူတၢ်သူအဂီၢ်မၤစၢၤ၀ဲဒၣ်ပှၤလၢအိၣ်ဒီး တၢ်ဘၣ်ယိၣ်ဒိၣ် (အိၣ်ထဲလၢကိးလၤ၀ါကျိာ်) သ့၀ဲဒၣ် ပှၤလၢအိၣ်ဒီးတၢ်ဆါအတၢ်ပ​နီၣ်လၢအနးလၢ-

  • မၤစၢၤနၤဒ်သိးနတဘၣ်ထီၣ်တၢ်ဆါဟံၣ်အဂီၢ်
  • က့ၤအိၣ်ဆူၣ်ထီၣ်ကဒါက့ၤချ့ဒိၣ်ဖဲဒိးန့ၢ်ဘၣ် COVID-19 တၢ်ဆါ၀ံၤ
မၤတၤသ့ၣ်တဖၣ်လၢဒိးန့ၢ်ဘၣ် mAb တၢ်ကူဆါသ့လဲၣ်?

MAbတၢ်ထုးထီၣ်အီၤလၢပှၤတဖၣ်လၢ-

  • တၢ်မၤကွၢ်လၢအဆၢဖျါလၢအိၣ်ဒီး COVID-19 တၢ်ဆါဃၢ်
  • အိၣ်ဒီးတၢ်ဆါပနီၣ်လၢအစၢ်ဒီး နးဖဲအကြၢးလၢအသီ 10 မ့တမ့ၢ် စှၤန့ၢ်ဒံး
  • အိၣ်ဒီးတၢ်ဘၣ်ယိၣ်ဒိၣ်ဒိၣ်မုၢ်မုၢ်လၢနကဆိက့နးနး
ယမၤန့ၢ်၀ဲဒၣ် ကသံၣ်ဆဲးဒီသဒၢ COVID ဖဲယဆဲး၀ဲဒၣ်သွံၣ်ဖျၢၣ်၀ါကဲးဒိနီၢ်ခိဂံၢ်တြီဆၢတၢ်ကူဆါ၀ံၤအလီၢ်ခံသ့ဧါ?

နမ့ၢ်ဆဲးကသံၣ်နီၢ်ခိဂံၢ်တြီဆၢ (သွံၣ်ဖျၢၣ်၀ါကဲးဒိနီၢ်ခိဂံၢ်တြီဆၢတၢ်ကူဆါ မ့တမ့ၢ် သွံၣ်ဖျၢၣ်၀ါလၢအမၤစၢ်လီၤတၢ်ဆါ) ဖဲနဘၣ်ဂာ်ဒီး COVID-19 တၢ်ဆါဃၢ်၀ံၤအလီၢ်ခံ, နဆဲး၀ဲဒၣ်ကသံၣ်ဒီသဒၢ COVID-19 တၢ်ဆါသ့၀ဲဒၣ်တဘျီဂ့ၤတဘျီဖဲနကူဆါသး၀ံၤအလီၢ်ခံန့ၣ်လီၤ. ပှၤတဂၤလၢ်လၢ်လၢအဆဲးဘၣ်ကသံၣ်နီၢ်ခိဂံၢ်တြီဆၢမ့ၢ်၀ံၤန့ၣ်တလိၣ်ခိး၀ဲဒၣ်အသီ 90 လၢၤဘၣ်န့ၣ်လီၤ.

တၢ်သံကွၢ်ဘၣ်လၢအဘၣ်ဃာ်ဒီးမ့ၢ်နကြၢးဒိးန့ၢ်ဘၣ်ကသံၣ်နီၢ်ခိဂံၢ်တြီဆၢအတၢ်ကူဆါန့ၣ်အဂီၢ်န့ၣ် တၢၢ်ပီၢ်သကိးဒီးနကသံၣ်သရၣ်တက့ၢ်.

ယဒိးန့ၢ်ဘၣ်သွံၣ်ဖျၢၣ်၀ါကွဲးဒိနီၢ်ခိဂံၢ်တြီဆၢတၢ်ကူဆါ၀ံၤလံန့ၣ် ယကဘၣ်ဒုးနဲၣ်ဖျါထီၣ်အီၤဒ်လဲၣ်?

ကသံၣ်သရၣ်လၢအရဲၣ်ကျဲၤ၀ဲဒၣ် mAb တၢ်ကူဆါတဂၤန့ၣ်ဟ့ၣ်လီၤ၀ဲဒၣ်နတၢ်ကွဲးနီၢ်ကွဲးဃာ်လၢအဘၣ်ဃာ်နတၢ်ဒိးန့ၢ်ဘၣ်တၢ်ကူဆါတဖၣ်သ့၀ဲဒၣ်န့ၣ်လီၤ.

မၤတဂၤလၢအကြၢးဒိးန့ၢ်ဘၣ် ကသံၣ်အီၣ်ဒီသဒၢတၢ်ဆါဃၢ်လဲၣ်?

Paxlovid: တၢ်ကူဆါလီၤဆီပှၤဆါလၢအမ့ၢ်၀ဲဒၣ်သးပှၢ်ဒီးဖိသၣ်လၢအသးနံၣ်အိ၀ဲဒၣ် (အစှၤကတၢၢ် 12နံၣ်ဒီးဆူဖီခိၣ်အနီၢ်ခိတယၢၢ်အိၣ်အစှၤကတၢၢ် 88 pounds/40 kg) လၢအိၣ်ဒီးတၢ်ဘၣ်ယိၣ်လၢအဒိးန့ၢ်ဘၣ် COVID-19 တၢ်ဆါ, ဃုာ်ဒီးတၢ်ထီၣ်တၢ်ဆါဟံၣ် မ့တမ့ၢ်တၢ်သံတၢ်ပှၢ်.

Molnupiravir: ပှၤလၢအိၣ်ဒီးတၢ်ဘၣ်ယိၣ်ဒိၣ်လၢကဆိက့နးနး လၢအဒိးန့ၢ်ဘၣ် COVID-19 တၢ်ဆါအဃိ တုၤလၢဘၣ်ထီၣ်တၢ်ဆါဟံၣ် မ့တမ့ၢ်တၢ်သံတၢ်ပှၢ်, ဒီးပှၤလၢအဒိးန့ၢ်ဘၣ် COVID-19 တၢ်ကူဆါအကျိၤအကျဲလၢဘၣ်တၢ်ဟ့ၣ်အခွဲးလၢ Food and Drug Administration (FDA, တၢ်အီၣ်တၢ်အီဒီးကသံၣ်ကသီ တၢ်ပၢဆှၢရဲၣ်ကျဲၤတၢ်) တဖၣ်န့ၣ် တကြၢးဒိးန့ၢ်ဘၣ်၀ဲဘၣ်ဒီး တကြၢးလဲၤစ့ၢ်ကီးလၢကသံၣ်ဒၢးဘၣ်န့ၣ်လီၤ.

တၢ်ကူဆါအတၢ်လၢာ်ဘူးလၢာ်စ့တဖၣ်န့ၣ် ဘၣ်တၢ်ဟ့ၣ်အီၤလၢ Medicaid/Children's Health Insurance Program (CHIP)?

မ့ၢ် Medicaid/Children's Health Insurance Program (CHIP, ဖိသၣ်အတၢ်အိၣ်ဆူၣ်အိၣ်ချ့အလံာ်အုၣ်ကီၤတၢ်ရဲၣ်တၢ်ကျဲၤ) န့ၣ်မ့ၢ်၀ဲဒၣ် ဟ့ၣ်န့ၢ်၀ဲဒၣ်တၢ်ပၢဆၢရဲၣ်ကျဲၤတၢ်အဘူးအလဲ (အိၣ်ထဲကိးလး၀ါကျိာ်) လၢ mAb တၢ်ကူဆါတဖၣ်အဂီၢ်န့ၣ်လီၤ. တၢ်ပၢဆၢရဲၣ်တၢ်အလဲန့ၣ်မ့ၢ်တၢ်အဘူးအလဲလၢဆူၣ်ချ့အပှၤမၤတၢ်ဖိတဖၣ်ဃ့၀ဲဒၣ်လၢအကဟ့ၣ်နၤတၢ်ကူဆါန့ၣ်လီၤ. လၢ mAb အဂီၢ်အါဒၣ်တက့ၢ်န့ၣ်, တၢ်ပီးတၢ်လီတၢ်လၢာ်ဘူၣ်လၢာ်စ့တဖၣ်န့ၣ်ဘၣ်တၢ်ဟ့ၣ်န့ၢ်အီၤလၢ ကီၢ်စၢဖှိၣ်ပဒိၣ်န့ၣ်လီၤ.

ယမ့ၢ်တမ့ၢ်ပှၤလၢအိၣ်ဒီးအလံာ်အုၣ်ကီးဘၣ်န့ၣ် ယဒိးန့ၢ်ၣ်ဘၣ်ဒံး COVID-19 အတၢ်ကူဆါသ့ဒံးဧါ?

COVID-19 တၢ်ကူဆါအကျိၤကွၤတဖၣ်လၢဘၣ်တၢ်ပှ့ၤအီၤလၢကီၢ်စၢဖှိၣ်ပဒိၣ်န့ၣ် ပှၤဆါတဖၣ်တလိၣ်ဟ့ၣ်အပှ့ၤလၢာ်ဘၣ်န့ၣ်လီၤ. သနာ်က့, ပှၤရဲၣ်ကျဲၤမၤစၢၤတၢ်တဖၣ်က့ၤဟ့ၣ်လီၤကဒါက့ၤ၀ဲဒၣ် တၢ်ကူဆါဒီးတၢ်ပၢဆၢရဲၣ်ကျဲၤတၢ်အဘူးအလဲတဖၣ်လၢဘၣ်တၢ်ဟ့ၣ်န့ၢ်အီၤလၢ လံာ်အုၣ်ကီး, ပှၤဆါတဖၣ်မ့တမ့ၢ် ကီၢ်စၢဖှိၣ်တၢ်ရဲၣ်တၢ်ကျဲၤတဖၣ်န့ၣ်သ့လီၤ. လၢနကသ့ၣ်ညါဘၣ်တၢ်ဟ့ၣ်အဘူးအလဲအကျိၤအကျဲအိၣ်၀ဲဒၣ်ပှဲၤကလုာ်ဖဲနဃုထံၣ်န့ၢ်တၢ်ကူဆါဆိတၢ်အဂီၢ်, ၀ံသးစူၤကတိၤသကိးတၢ်ဒီးကသံၣ်သရၣ်လၢအကွၢ်ထွဲနၤတဂၤန့ၣ်တက့ၢ်.

ပှၤလၢအတအိၣ်ဒီးအလံာ်အလဲၢ်တဖၣ်ဒိးန့ၢ်ဘၣ်တၢ်ကူဆါ COVID-19 သ့ဧါ?

ပှၤလၢအတအိၣ်ဒီးအလံာ်အလဲၢ်တဖၣ်န့ၣ်ဒိးန့ၢ်ဘၣ်တၢ်ကူဆါအကျိၤအကျဲခီဖျိ Alien Emergency Medical Program (AEM, ပှၤတခီဘီမုၢ်ဂ့ၢ်ဂီၤအူဆူၣ်ချ့အတၢ်ရဲၣ်တၢ်ကျဲၤ) (အိၣ်ထဲကိးလး၀ါကျိာ်) အဂီၢ်-

  • ဂ့ၢ်ဂီၤအူလၢအကြၢးတဖၣ်န့ၣ်ကပာ်ဃုာ်၀ဲဒၣ်တၢ်သမံသမိးဒီးတၢ်ကူဆါ၀ဲဒၣ် COVID-19. 
  • တၢ်မၤကွၢ်သးဒီးတၢ်ကူဆါတၢ်အလီၢ်အကျဲတဖၣ်န့ၣ် ကပာ်ဃုာ်၀ဲဒၣ် ရူတ့, ကသံၣ်ဒၢး, မ့တမ့ၢ် လၢဆူၣ်ချ့လီကျိၤပူၤ.
  • တၢ်ဖံးစၢၤမၤစၢၤလၢတၢ်ပာ်ဂၢၢ်ပာ်ကျၢၤတ့ၢ်အီၤ. ပှၤလၢအဒိးန့ၢ်ဘၣ် COVID-19 တၢ်ဆါဃၢ်တဖၣ်န့ၣ် အကသံၣ်ကသီဒီးတၢ်ကသါအတၢ်မၤစၢၤအပှ့ၤတဖၣ်ကဘၣ်တၢ်ဟ့ၣ်န့ၢ်အီၤန့ၣ်လီၤ. ပှၤလၢအကဒိးန့ၢ်ဘၣ် COVID-19 တၢ်ဆါဃၢ်တဖၣ်န့ၣ် ကဘၣ်လဲၤမၤကွၢ်အသးဒံးဒီး ကသံၣ်ကသီအဘူးအလဲတဖၣ်န့ၣ်ကဘၣ်တၢ်ဟ့ၣ်န့ၢ်အီၤ.

နကပတံထီၣ်၀ဲဒၣ် AEM ဒ်လဲၣ်

ပှၤသးပှၢ်သးနံၣ်စးထီၣ်လၢ 19 တုၤလၢ 64 နံၣ်-

ပှၤသးပှၢ်သးနံၣ်စးထီၣ် 65 မ့တမ့ၢ် သးပှၢ်န့ၢ်အန့ၣ်, မဲာ်တထံၣ်တၢ်, က့ၢ်ကွဲၤ, မ့တမ့ၢ် လိၣ်ဘၣ်၀ဲဒၣ်ကတီၢ်ယံာ်တၢ်မၤစၢၤ-

  • အီၤလဲ- Washington Connection (အိၣ်ထဲကိးလၤ၀ါကျိာ် ဒီးစပဲနံးကျိာ်)
  • လီတဲစိနီၣ်ဂံၢ်- 1-877-501-2233

လဲၤမၤကွၢ်သးတၢ်ကူဆါ COVID-19 တၢ်ဆါအဂီၢ်

Test to Treat (မၤကွၢ်သးလၢကကူစါ)  (အိၣ်ထဲကိးလး၀ါကျိာ်) တၢ်ရဲၣ်တၢ်ကျဲၤအံၤန့ၣ်မၤစၢၤနၤသ့ချ့ဒိၣ်, ညီဒိၣ်လၢနကန့ၢ်ဘၣ် တၢ်မၤပူၤဖျဲးသးသမူ COVID-19 အတၢ်ကူဆါတဖၣ်. နတၢ်မၤကွၢ်သးအစၢ မ့ၢ်ဖျါ ဝဲလၢနအိၣ်ဒီးတၢ်ဆါအဃၢ်န့ၣ် နလဲၤထံၣ်လိာ်သးဒီးကသံၣ်သရၣ် (လၢတၢ်ဆါဟံၣ်မ့ၢ်ဂ့ၤ ခီဖျိလီၢ်ယံၤခီတုၤ ကျိၤကျဲမ့ၢ်ဂ့ၤ), ဒီးမ့ၢ်ကြၢးန့ၢ်, လဲၤပှ့ၤအီကသံၣ်မၤသံတၢ်ဃၢ် လၢကသံၣ်သရၣ်ဟ့ၣ်လီၤနၤ ဒီးမၤန့ၢ်ပှဲၤက့ၤအီၤ ဖဲလၢာ်ကွံာ် - လၢတၢ်လီၢ်တတီၤဃီတက့ၢ်.

လဲၤအိၣ်သကိး Test to Treat အတၢ်ဃုကွၢ်တၢ် မ့တမ့ၢ်ကိးလီတဲစိ 1-800-232-0233 (TTY 1-888-720-7489) လၢနကမၤန့ၢ်ဘၣ်တၢ်မၤစၢၤလၢ ကိးလၤ၀ါကျိာ်, စပဲနံးကျိာ် ဒီးအါန့ၢ်ဒံးကျိာ်အဂၤ 150 ကျိာ်တက့ၢ်. လီတဲစိအ၀ဲၤလီၢ်န့ၢ်အိးထီၣ်၀ဲဒၣ်ဖဲဂီၤခီ 8 နၣ်ရံၣ်တုၤမုၢ်နၤခီၣ် မုၢ်ထီၣ်တၢ်ဆၢကတီၢ်, တနွံ 7 သီ, ဒီးအကမၤစၢၤနၤလၢနကဃုထံၣ်န့ၢ်ကသံၣ်လီၢ်လၢအဘူးဒီးနၤန့ၣ်လီၤ.

တၢ်မၤစၢၤအဂံၢ်ထံးလၢပှၤလၢတအိၣ်ဒီးလံာ်အုၣ်ကီၤတဖၣ်အဂီၢ်

ပှၤတဂၤလၢ်လၢ်လၢတအိၣ်ဒီးလံာ်အုၣ်ကီၤတဖၣ်လၢအလိၣ်ဘၣ် COVID-19 တၢ်ကူဆါအကျိၤကွၤတဖၣ် မ့တမ့ၢ် ဆူၣ်ချ့တၢ်ကွၢ်ထွဲအတၢ်ဟ့ၣ်အဘူးအလဲအဂုၤအဂၤတဖၣ်န့ၣ်လဲၤမၤန့ၢ်ဘၣ်-

ပှၤတဂၤလၢ်လၢ်လၢအတအိၣ်ဒီးလံာ်အုၣ်ကီၤတဖၣ်ဃုမၤန့ၢ်တၢ်မၤစၢၤလၢကသံၣ်ဒၢးတဖၣ်လၢအပာ်ဃုာ်လၢ Federally Qualified Health Centers (FQHC, ဆူၣ်ချ့၀ဲၤလီၢ်လၢကီၢ်စၢဖှိၣ်ပာ်ပနီၣ်၀ဲ) တဖၣ်- 

နလိၣ်တၢ်မၤစၢၤလၢတၢ်ဃုန့ၢ်ကသံၣ်ကသီအဂီၢ်ဧါ? ကိးလီတဲစိဆူ 1-800-232-0233 (TTY 888-720-7489) လဲၤကဃုန့ၢ် Test to Treat (နဖးသ့ထဲဒၣ်လၢအဲကလံာ်ကျိာ်) တၢ်လီၢ်.

တၢ်မၤစၢၤအဂံၢ်ထံး အဂာ်

ကီၢ်စဲၣ်အ COVID-19 အဂ့ၢ်ဂီၤအူအလီတဲစိန့ၣ်အိၣ်၀ဲဒၣ်လၢကစံးဆၢအါထီၣ်၀ဲဒၣ်တၢ်သံကွၢ်တဖၣ်လီၤ. ကွၢ်ဖဲ ဆဲးကျၢပှၤပှာ်ယဲၤကဘျံး လၢဂ့ၢ်ဂီၢ်အူလီတဲစိနၣ်ရံၣ်တၢ်ဆၢကတီၢ်တဖၣ်အဂီၢ်တက့ၢ်.

ဘၣ်ဃာ်ဒီး COVID-19 တၢ်ကူဆါအကျိၤကွၤတဖၣ်အဂ့ၢ်န့ၣ်, လဲၤအိၣ်သကိးဘၣ် Centers for Disease Control and Prevention (တၢ်ပၢဆၢဒီးတၢ်ဒီသဒၢတၢ်ဆါအ၀ဲၤလီၢ်) အ COVID-19 တၢ်ကူဆါအကျိၤကွၤတဖၣ်အပှာ်ယဲာ်ကဘျံး.