COVID-19 Uno ko

Armij ro ej alikkar teej ko aer ñan COVID-19 im rej pād ilo kauwōtata elaplak in bōk nañinmej remāroñ in bōk jibāñ jān COVID-19 kein jibāñ (uno ko). Uno kein remāroñ in bōbrae nañinmej, deḷọñ ọjpitōl, im mij jān COVID-19. Kōnnaan ippān jikin taktō eo am ilo ien eo emōkaj tata ñe enij alikkar teej eo am im kwōj pād ilo kauwōtata elap āinwōt uno ko rej aikuj in jino ilo ien eo emōkaj tata bwe en eman an jerbal. Jikin taktō eo am enij jibāñ kwalok ewi kelet in uno in COVID-19 ej eman ñan eok.

COVID-19 uno/kein jibāñ ko rejjab bōk jikin kein bōbrae. Ej rōjañ wōt bwe aolep ro rej māroñ in tōprak ñan bōk wā im bōk buñtōn ko jōt ñan kabōjrak an ajeeded COVID-19.

Ta in Uno ñan Monoclonal Antibody?

Antibody ko rej pād ilo enbwinnin armij ñan aer irre ippān baerōj ko, āinwōt baerōj eo ej kōmman COVID-19. Antibody ko rej kōmman ilo juōn jikin jerbal ej āinwōt antibody ko ñan lale joñan baerōj ko ilo enbwinnim. Ej etaer in monocolonal antibody. Ñe kwōj pād ilo kauwōtata ñan nañinmej in COVID-19 im emōj an alikkar teej eo am ñan COVID-19 ak ñe emōj am epāāke juōn armij emōj an alikkar teej eo an, kwe māroñ in aikuj in bōk uno in monoclonal antibody (mAb). Kwe māroñ in tōprak ñan mAb uno (bebtelovimab) ñan jolọk COVID-19 ekkar ñan joñan yiiō eo am, ejmour, im joñan to in an pād kakōḷḷe ko ippām.

Ta in Epāāke Prophylaxis ñan COVID-19?

Epāāke Prophylaxis (PrEP) uno emōj kōmmane bwe en kabōjrak baerōj jen an māroñ in pād ippān im deḷọñ ilo cell ko an armij. Ejjab āinwōt monoclonal antibody ko jōt rej bellọk kiō, Evusheld ej juōn antibody eto an jerbal im emōj lelak melim ñan kōjerbale wōt ñan kabōjrak ak bōbrae juōn armij mokta jān aer epāāke COVID-19. Evusheld ejjab ñan uno in kakōḷḷe ko jān COVID-19 im ejjab lelak elikin an epāāke juōn armij ej nañinmej in COVID-19; ej lelak ñan kabōjrak nañinmej mokta jān an epāāke.

Ta in Uno ko kwōj idāāk ñan jolọk baerōj?

Uno eo kwōj idāāk ñan jolọk baerōj ej jibāñ enbwinnim irre COVID-19 ilo an kabōjrak SARS-CoV-2 baerōj (baerōj eo ej kōmman COVID-19) jen an laplak ilo enbwinnim, kadiklak joñan baerōj eo ilowaan enbwinnim, ak jibāñ ejmour eo am. Ilo am ebbōk uno, kwe māroñ kadiklak kakōḷḷe ko relap im emāroñ kadiklak an nañinmej eo laplak im jen am nej aikuj jibāñ ilowaan ọjpitōl. Uno in jolọk baerōj ko ñan COVID-19 rej bellọk ñan rinañinmej ro edik ñan lap kakōḷḷe ko ippeir, im rejjab pād ilo ọjpitōl, emōj an wōr aer kakōḷḷe iumin lalem raan ak ediklak, im rej pād ilo kauwōtata elap ñan nañinmej ko rellap.

Ta are Intravenous (IV) Kein Jolọk Baerōj?

Remdesivir (Kajin Pālle wōt) ej juōn uno eo emōj an tōprak jān Food and Drug Administration (FDA, Rā eo ej Bōk Eddo in Ṃōñā im Uno) im ejjab kiō ajej jān Washington State Department of Health (WADOH, Rā eo an Ejmour an Washington). Ej jerbal ilo an kabōjrak baerōj jān an kōmman kape in e māke (elōñ kōttan). Remdesiver ej lelak ilo juōn nitōḷ ilowaan eke eo (deḷọñ ilo eke) jān ien ñan ien, im emōj kūri juōn IV uno ej deḷọñ ilo bōtōktōk.

Remdesivir emōj an tōprak ñan an uno ñan rittto ro im ajiri ro rejjab pād ilo ọjpitōl me rej pād ilo kauwōtata elap ñan COVID-19. Ilo Eprōl 25, 2022, FDA emōj an kaḷapḷọk tōprak in ñan kobaki ajiri ro emōj an 28 raan in aer mour rej joñan eddo eo 3 kg (emāroñ 6.6 bọun) im rej pād ilo kauwōtata ñan kōmman nañinmej ko relap, ej kōmman Remdesivir uno eo emōj an FDA kamelim ñan ajiri ro rej pād iumin 12 yiiō.

Remdesivir ej aikuj in jino ilo ien eo emōkaj tata, im iumin jilimjuōn raan jān ien eo kakōḷḷe ko rekar jinoe, im elap an aurōk ñan armij ro rej pād ilo kauwōtata elap ñan aer tōbar jikin taktō eo aer ñe ewōr aer kakōḷḷe im alikkar teej eo aer ñan COVID-19. Uno eo emōj lelak āinwōt jilu IV uno in bōtōktōk ko, emōj lelak juōn kōttan juōn raan iumin jilu raan kajojo.

Ejjab aolep jikin taktō ko remāroñ in lelak uno ñan Remdesivir – rinañinmej ro rekar jab kōnnaan ñan jikin taktō eo ñan lale ñe emāroñ in juōn uno remāroñ bōke.

Remdesivir ej bar jerbal ñan jibāñ rinañinmej ro rej pād ilowaan ọjpitōl ippān nañinmej eo elaplak an kauwōtata jān COVID-19. Ñe kwōj deḷọñ ọjpitōl jān COVID-19, jikin taktō eo am enij kelet ñe Remdesivir ak uno ko jōt rej aikuj.

Kajitōk ko Ekutkut Kajitōk

Elmen an mAbs jibāñ armij ippān COVID-19?

MAb uno ko emōj lelak an melim jān U.S Food an Drug Administration (FDA, Rā eo ej Bōk Eddo in Ṃōñā im Uno) ñan kōjerable ilo ien jidimkij emāroñ in jibāñ armij ro rej pād ilo kauwōtata eo elap (Kajin Pālle im Kajin Spanish) ñan kakōlle ko rekauwōtata kin nañinmej eo ñan:

  • Kadiklak an māroñ in deḷọñ ọjpitōl
  • Ṃōkajḷọk am mour jān COVID-19
Wōn emāroñ in bōk mAb uno eo?

MAb ko emōj karōk ñan armij ro rej:

  • Alikkar teej eo aer ñan COVID-19
  • Ediik ñan lap kakōḷḷe ko aer an nañinmej eo iumin 10 raan ak ediklak
  • Ej pād ilo kauwōtata in bōk nañinmej eo elap
Imāroñ in ke bōk COVID wā elikin aō bōk uno in monoclonal antibody ko?

Ñe emōj am bōk uno in antibody (monoclonal antibody kein jibāñ ak convalescent plasma) elikin nañinmej in COVID-19, kwe māroñ in bōk COVID-19 wā ilo jābdewōt ien elikin an dedelak am bōk uno ko. Kajojo armij rejjab aikuj in kōttar 90 raan elikin an jemlọk uno in antibody ko aer.

Ñan kajitōk ko ikijen am māroñ in tōprak ñan uno in antibody, kōnnaan ippān jikin taktō eo am.

Elmen aō māroñ in kwalok ke emōj aō bōk uno in monoclonal antibody?

Jikin taktō eo emōj an lelak uno in mAb emāroñ in lewaj pepa me ej kwalok ñāāt eo kwar bōk uno eo.

Wōn emāroñ in tōprak ñan bōk uno in idāāk ñan jolọk baerōj?

Paxlovid: Ritto im ajiri ro rej nañinmej (12 yiiō im rittolak joñan eddo eo aer 88 bọun/40 kg) ilo kuawōtata elap ñan laplak aer nañinmej in COVID-19, koba ippān deḷọñ ọjpitōl ak mij.

Molnupiravir: Ritto ro rej pād ilo kauwōtata elap ñan COVID-19, koba ippān deḷọñ ọjpitōl ak mij, im ñan ro ej oktak kelet in COVID-19 uno emōj lelak melim jān Food and Drug Administration (FDA, Rā eo ej Bōk Eddo in Ṃōñā im Uno) rejjab bellọk ak ekkar ñan jikin taktō.

Uno eo ej ke kōllā jān Medicaid/Children's Health Insurance Program (CHIP)?

Aet. Medicaid/Children's Health Insurance Program (CHIP, Būrookraaṃ in Onean Ejmour an Ajiri) ej bōk eddo in onean wā ko (Kajin Pālle wōt) ñan mAb uno ko. Onean jān obiij eo ej onean eo jikin ejmour eo ej kamuri eok ñan lewaj uno eo ñan kwe. Ñan elōñ mAb onean kein jerbal eo māke lak ej bōk eddo jān kien in federal.

Ñe ijanin de bōk injurān, imāroñ in ke bōk wōt uno ñan COVID-19?

COVID-19 kein jibāñ ko me rej bōk jān kien in federal rej etal ilo ejelọk onean ñan rinañinmej ro. Bōtaab, jikin taktō ko emāroñ in lōñ onean aer lelak, uno, im kōmman wā im rej bōk eddo jān injurān, rinañinmej ak būrookraaṃ ko an kien in federal. Ñan jellā kain rōt rej bellọk ñan eok ilo am bōk jibāñ, jouj im kōnnaan ippān jikin taktō eo am.

Armij ro ejelọk aer pepa in jokwe remāroñ in ke bōk uno ñan COVID-19?

Armij ro ejelok aer pepa in jokwe remāroñ in bōk jibāñ jān Alien Emergency Medical Program (AEM, Būrookraaṃ in Jibāñ Rilikin ilo Jidimkij an Ejmour) (Kajin Pālle wōt) ñan:

  • Ien jidimkij ko rej māroñ in tōprak ej koba ippān teej im uno in COVID-19. 
  • Jikin teej im uno ej koba ippān obiij, jikin taktō, ak ilo telebon.
  • Jerbal ko emōj aer tōprak. Armij ro rej alikkar teej ko aer ñan COVID-19 māroñ in wōr aer uno im jerbal in menono ko emōj bōk eddo in. Ro remāroñ in alikkar ñan COVID-19 māroñ in wōr ien aer bar loe lak taktō im uno ko emōj bōk eddo in

Wawen Kajeoñ ñan AEM

Ritto ro 19 yiiō ñan 64:

Ritto ro rej 65 yiiō ak rittolak, billo, ak rej aikuj jerbal ilo ien aitok:

Bōk Uno ñan COVID-19

Test to Treat (Teej ñan Uno)  (Kajin Pālle wōt) būrookraaṃ emāroñ in lelak mōkajlak, bidodo lak jerbal ñan uno in kōjbarok ko an COVID-19. Ñe alikkar teej eo am, kwe māroñ in loe lak juon jikin taktō (ilo jikin taktō eo ak ilo telebon), im ñe kwe māroñ in tōprak, bōk juōn pepa jān taktō ñan an kōtlak am idāāk uno in COVID-19 im kanne pepa in uno eo—ilo juōn wōt jikin.

Lale Test to Treat jikin kabbōk ak kūrlọk 1-800-232-0233 (TTY 1-888-720-7489) ñan bōk jibāñ ilo Kajin Pālle, Spanish, im elaplak ilo bar 150 kajin ko jōt. Jikin kūr eo ej bellọk jān 8 awa jibon ñan lukwōn boñ Eastern Time (ET, Awa in Aelon ko Reaar ilo Amedka), 7 raan ilo juōn wiik, im enij jibāñ eok bukōt juōn jikin itūrim.

Kein jibāñ ko ñan Armij ro ejañin Wōr Aer Injurān

Armij ro ejañin wōr aer injurān im rej aikuj COVID-19 kein jibāñ ak bar jōt onean ejmour remāroñ in kapellọk:

Armij ro ejañin wōr aer injurān remāroñ in bar bukōt jerbal ilo elōñ ian jikin taktō ko rej mōttan Federally Qualified Health Centers (FQHC Jikin Ejmour ko Rej Tōprak jān Kien in Federal): 

Kwōj ke aikuj jibāñ kabbōk jikin am ebbōk im uno? Kūrlọk 1-800-232-0233 (TTY 888-720-7489) ñan bukōt juōn Test to Treat (Kajin Pālle wōt) jikin.

Mennin Jibāñ ko Relablak

Lain in jibāñ an aelōñ eo ikijen COVID-19 ej bellọk ñan uwaak e kajitōk ko relaplak. Melele ko ikijen Lain in Jibāñ eo ej pād ilo Peij in Tōbar Kij.

Ñan Kein Jibāñ ko jōt an COVID-19, etal ñan Centers for Disease Control and Prevention (Jikin Kantūrol Nañinmej im Bōbrae) Kein Jibāñ COVID-19 peij.