Togafitiga mo le KOVITI-19

E ono aoga togafiti (fualaau) o loo avanoa nei mo le KOVITI-19 mo tagata ua faamaonia mai siaki ua aafia i le KOVITI-19 ma ua maualuga le tulaga lamatia e ono ma’i tigaina ai. O nei togafitiga e mafai ona fesoasoani e puipuia ai mai le ma’i tigaina, taofia i falema’i, ma le maliu ai ona o le KOVITI-19. Talanoa nei loa i lau fai auaunaga faasoifua maloloina pe afai ua faamaonia mai siaki ua e aafia ma ua maualuga le tulaga lamatia mo oe aua o le a manaomia ai ona amata vave togafitiga ina ia galue lelei ai. O le a fesoasoani lau fai auaunaga faasoifua maloloina e faamautinoa pe o le a le ituaiga fualaau e aupito lelei mo oe.

O togafitiga/fualaau mo le KOVITI-19 e le sui tulagaina le faatinoina o gaioiga mo le puipuiaga. O loo fautuaina pea tagata agavaa uma e fai tui puipui ma fai isi faatinoga e taofia ai le pepesi o le KOVITI-19.

O A Mea e Ta’u o Togafitiga tau Monoclonal Antibody?

O polotini tetee o ni polotini e gaosia e tino o tagata e fo’iaina ai vairasi, e pei o le vairasi le afua ai le KOVITI-19. O polotini tetee ua gaosia i totonu o fale suesue e gaioi e pei lava o polotini tetee natura ia e faatapulaaina le aofaiga o vairasi i totonu o lou tino. Ua faaigoaina i latou o monoclonal antibodies (polotini e tetee atu i faamai pepesi ua gaosia i totonu o fale suesue). Afai ua e i ai i se tulaga lamatia e ono ma’i tigaina ai ona o le KOVITI-19 ma ua faamaonia mai siaki ua e aafia i le KOVITI-19, pe sa e felata'i ma se tasi ua faamaonia mai siaki ua aafia, atonu ua tatau ona e mafaufau i se togafitiga tau monoclonal antibody (mAb, polotini e tetee atu i faamai pepesi ua gaosia i totonu o fale suesue). E ono mafai ona e agavaa mo se togafitiga mAb (bebtelovimab) e togafitiina ai le KOVITI-19 e fua i lou matua, talaaga faasoifua maloloina, ma le umi ua e faalogoina ai auga.

O Le A le mea e ta’u o le Pre-Exposure Prophylaxis mo le KOVITI-19?

O le Pre-Exposure Prophylaxis (PrEP, Togafitiga mo le puipuiga a o lei aafia) o fualaau ua mamanuina e poloka ai se vairasi mai le pipii ma ulu atu i sela o le tagata. E le pei ai o isi monoclonal antibodies (polotini e tetee atu i faamai pepesi ua gaosia i totonu o fale suesue), o le Evusheld o se polotini tetee e umi lona aoga ua faamaonia e faaaogaina mo na o le puipuia ai o se isi a o lei aafia i le KOVITI-19. E le faaaogaina le Evusheld mo le togafitiina o auga o le KOVITI-19 ma e le tuuina atu ina ua e ono aafia mai se tagata ua maua i le KOVITI-19; e tuuina atu e puipuia ai mai le inifeti ai a o lei aafia.

O A Mea e ta’u o Fualaau e Taumafa e Tetee Atu Ai i Vairasi?

O togafitiga tau fualaau e taumafa e tetee atu ai i vairasi e mafai ona fesoasoani i lou tino e fo'iaina ai le KOVITI-19 e ala i le taofia o le vairasi o le SARS-CoV-2 (le vairasi le afua ai le KOVITI-19) mai le faateleina i lou tino, faaitiitia o le aofiaga o le vairasi o i totonu o lou tino, pe fesoasoani i le puipuiga faalenatura o lou tino. O le faia o togafitiga e ono faaitiitia ai le tuga o auga ma faaitiitia ai avanoa e tigaina atili ai lou ma'i ma manaomia ai le tausiga i le falema'i. O loo avanoa togafitiga tau fualaau e taumafa e tetee atu ai i vairasi mo le KOVITI-19 mo tagata mama’i o loo faalogoina auga e itiiti i le feololo, e le o taofia i falema’i, ma ua faalogoina auga mo le lima aso pe itiiti atu, ma ua maualuga le tulaga lamatia e ono ma’i tigaina ai.

O A Mea e Ta’u o Vailaau e Tui i le IV e Tetee Atu Ai i Vairasi?

O le Remdesivir (Na O le Gagana Peretania) o se vailaau ua faamautuina e tetee atu i vairasi ma ua faamaonia e le Food and Drug Administration (FDA, Pulega o Meaai ma Fualaau) ma e le o tufaina e le Washington State Department of Health (WADOH, Matagaluega o le Soifua Maloloina i le Setete o Uosigitone) i le taimi nei. E galue e taofi le vairasi mai le faia o ni kopi o ia lava (faafoliga). O le Remdesivir e faagasolo se taimi e tuuina atu ai e ala i se nila i totonu o uaua (tui toto), e ta’u o le tui IV.

Ua faamaonia le Remdesivir mo le togafitiina o tagata matutua ma tamaiti e le o taofia i falema’i ma o loo maualuga tulaga lamatia e ono tigaina ai i le KOVITI-19. I le aso 25 Aperila, 2022, na faalauteleina e le FDA lenei faamaoniga ia aofia ai tamaiti e 28 aso ma sili atu le matutua e 3 kg pe sili atu (e tali tutusa ma le 6.6 pauna) le mamafa ma o loo i ai tulaga lamatia e ono aafia ai i le ma’i tigaina, ma ua avea ai loa le remdesivir ma le muai togafitiga ua faamaonia e le FDA mo tamaiti e i lalo o le 12 tausaga le matutua.

E tatau ona amatalia le Remdesivir i le vave lave e mafai ai, ma i totonu o le fitu aso talu ona amata faalogoina auga, ma e taua ai la mo tagata e maualuga tulaga lamatia e ono aafia ai ona fesootai i a latou fai auaunaga faasoifua maloloina pe afai ua i ai ni auga ma ua faamaonia mai siaki ua aafia i le KOVITI-19. E tuuina atu lea togafitiga i ni faagasologa tui IV e tolu, e faatasi ona fai i le aso mo aso e tolu sosoo.

E le ofoina atu e fale faasoifua maloloina uma le togafitiga o le remdesivir mo tagata mama’i tausavali – e tatau ona talanoa tagata mama’i i a latou fai auaunaga faasoifua maloloina e vaai ai pe ono mafai ona avea ma togafitiga e mafai ona fai.

E faaaogaina foi le Remdesivir e togafiti ai tagata ua taofia i falema’i ma aafia i ma’i e sili ona tigaina atu ona o le KOVITI-19. Afai e taofia oe i le falema’i ona o le KOVITI-19, o le a fai e au fai auaunaga faasoifua maloloina le faaiuga pe manaomia le remdesivir po o isi togafitiga.

Fesili Masani

E faapefea ona fesoasoani mAb i tagata ua maua i le KOVITI-19?

O togafitiga mAb ua faamaonia e le U.S. Food and Drug Administration (FDA, Pulega o Meaai ma Fualaau) e faaaoga i taimi o faalavelave tutupu faafuasei, e mafai ona fesoasoani i tagata o loo maualuga le tulaga lamatia e ono aafia ai (Na o le Gagana Peretania ma le Gagana Sipaniolo) i auga ogaoga o le faama’i ina ia:

  • Faaitiitia le avanoa e taofia ai i falema’i
  • Toe manuia vave mai le KOVITI-19
O ai e mafai ona mauaina togafitiga mAb?

Ua mamanuina mAb mo tagata ua:

  • Faamaonia mai siaki ua aafia i le KOVITI-19
  • Faalogoina auga itiiti i le feololo o le faama’i mo le 10 aso pe itiiti atu
  • Maualuga le tulaga lamatia e ono ma’i tigaina ai
E mafai ona ou faia tui puipui mo le KOVITI ina ua maea togafitiga tau monoclonal antibody (polotini e tetee atu i faamai pepesi ua gaosia i totonu o fale suesue)?

Afai na tuuina atu se togafitiga tau polotini tetee (monoclonal antibody (polotini e tetee atu i faamai pepesi ua gaosia i totonu o fale suesue) po o le convalescent plasma (toto mai tagata mama’i ua toe manuia)) ina ua e maea inifeti i le KOVITI-19, e mafai ona e mauaina le tui puipui mo le KOVITI-19 i soo se taimi ina ua maea na togafitiga. Ua le toe manaomia ona faatalitali tagata mo le 90 aso ina ua maea togafitiga tau polotini tetee.

Mo fesili e faatatau i le agavaa ai mo togafitiga tau polotini tetee, talanoa i lau fai auaunaga faasoifua maloloina.

E faapefea ona ou faaalia ua uma ona ou mauaina togafitiga tau monoclonal antibody (polotini e tetee atu i faamai pepesi ua gaosia i totonu o fale suesue)?

E mafai ona saunia e le fai auaunaga faafomai na tuuina atu le togafitiga mAb se pepa faamaonia e faailoa ai ua e mauaina le togafitiga.

O ai e agavaa e mauaina fualaau e taumafa e tetee atu ai i vairasi?

Paxlovid: O tagata matutua ma tamaiti mama’i (12 tausaga pe sili atu le matutua ma e 88 pauna/40 kg pe sili atu le mamafa) o loo maualuga le tulaga lamatia e ono ma’i faateteleina agai i le tigaina i le KOVITI-19, e aofia ai le taofia i falema’i po o le maliu.

Molnupiravir: Tagata matutua o loo maualuga le tulaga lamatia e ono ma’i faateteleina agai i le tigaina i le KOVITI-19, e aofia ai le taofia i falema’i po o le maliu, ma o e le mafai ona mauaina pe e le talafeagai faafomai ai isi ituaiga togafitiga ua faamaonia e le Food and Drug Administration (FDA, Pulega o Meaai ma Fualaau).

E totogi e le Medicaid/Children's Health Insurance Program (CHIP) ia togafitiga?

Ioe. O loo totogiina le totogifuapau tau pulega (Na o le Gagana Peretania) e le Medicaid/Children’s Health Insurance Program (CHIP, Polokalame Inisiua Faasoifua Maloloina mo Tamaiti) mo togafitiga mAb. O le totogifuapau tau pulega o le totogifuapau e piliina ai oe e se fai auaunaga faasoifua maloloina ina ia tuuina atu le togafitiga. Mo le tele o mAb, o le tau o le oloa lava ia e totogiina e le malo feterale.

Afai e leai sa’u inisiua, e mafai pea ona ou mauaina le togafitiga mo le KOVITI-19?

O togafiti mo le KOVITI-19 ua faatauina e le malo feterale e tuuina atu e aunoa ma se tau e totogi mo tagata mama’i. Ae peitai, e ono i ai ni totogifuapau a fai auaunaga mo le tuuina atu o fualaau talavai, faatinoina o togafitiga, ma mo mataupu tau pulega o loo totogiina e le inisiua, tagata mama’i po o polokalame a le malo feterale. Ina ia iloa pe o le a le ituaiga inisiua o loo mauaina a o sailiina togafiti, faamolemole talanoa i lau fai auaunaga.

E mafai e tagata malaga mai e lei faamaonia ona mauaina togafitiga mo le KOVITI-19?

E mafai ona mauaina e tagata malaga mai e lei faamaonia le inisiua mai le Alien Emergency Medical Program (Polokalame Faafomai mo Tagata Ese i taimi o Faalavelave Tutupu Faafuasei) (Na o le Gagana Peretania) mo:

  • Faaagavaaina o faalavelave tutupu faafuasei ia aofia ai le suesueina ma le togafitiina o le KOVITI-19. 
  • Faaaofiaina i nofoaga mo suesuega ma togafitiga ia ofisa, fale foma’i, po o le faaaogaina o ala o fesootaiga eseese mo le tausiga o le soifua maloloina (telehealth).
  • Auaunaga faamaonia. E ono i ai fualaau ma auaunaga faamanava ua inisiuaina mo tagata ua faamaonia mai siaki ua aafia i le KOVITI-19. E ono inisiuaina asiasiga tulitatao ma fualaau mo faaiuga ua ono faamaonia ai ua aafia i le KOVITI-19

Auala e Apalai ai i le AEM

Tagata matutua e 19 i le 64 tausaga le matutua:

Tagata matutua e 65 tausaga pe sili atu le matutua, tauaso, i ai aafiaga tumau, pe manaomia auaunaga mo se taimi umi:

  • I luga o upega tafailagi: Washington Connection (Na o le Gagana Peretania ma le Gagana Sipaniolo)
  • Telefoni: 1-877-501-2233

Fai Togafitiga mo le KOVITI-19

O le polokalame o le Test to Treat (Siaki ia Togafiti) (Na o le Gagana Peretania) e mafai ona maua ai le auala vave ma faigofie mo togafitiga faasao ola mo le KOVITI-19. Afai ua faamaonia mai siaki ua e aafia, e mafai ona e asia se fai auaunaga faasoifua maloloina (i le fale foma’i pe i le faaaogaina o isi ala o fesootaiga eseese mo le tausiga o le soifua maloloina (telehealth), ma afai e agavaa, maua ai se pepa talavai mo fualaau e taumafaina e tetee atu i faama'i pepesi ma faatumuina ai lena pepa talavai—e fai uma lava i le nofoaga e tasi.

Asiasi i le saili nofoaga mo le Test to Treat pe vili le 1-800-232-0233 (TTY 1-888-720-7489) e maua ai le fesoasoani i le Gagana Peretania, Gagana Sipaniolo, ma le ova ma le 150 o isi gagana. E matala le ofisa tali telefoni mai le 8 i le taeao e tau i le vaeluaga o le po ET, 7 aso o le vaiaso, ma o le a fesoasoani e sue se nofoaga o lata ia te oe.

Punaoa mo Tagata e Leai Se Inisiua

E mafai ona mauaina e tagata e leai se inisiua o loo manaomia togafiti mo le KOVITI-19 po o ni isi inisiua faasoifua maloloina le:

E mafai foi ona sailiina e tagata e leai se inisiua ia auaunaga mai le tele o fale foma’i o loo aofia i Ofisa Tutotonu Faasoifua Maloloina ua Faamaonia e le Malo Feterale (FHQC) nei: 

O e manaomia se fesoasoani e sue ai se nofoaga e maua ai fualaau? Vili le 1-800-232-0233 (TTY 888-720-7489) e sue ai se nofoaga mo le Test to Treat (na o le Gagana Peretania).

Punaoa Faaopoopo

O loo avanoa le laina telefoni a le setete mo le KOVITI-19 e tali ai ni isi fesili. O loo maua faamatalaga e uiga i le laina telefoni i le itulau o le Faafesootai Mai.

Mo ni isi faamatalaga e uiga i togafiti mo le KOVITI-19, asiasi i le itulau mo Togafiti mo le KOVITI-19 a le Ofisa Tutotonu mo le Puipuiga mai Faamai Pepesi.