COVID-19

Bōk Konaam, Bōk Kejbarōk eo

Pād wōt ilo am jimwe ñan ien ikijen COVID-19 wā

2024-2025 COVID-19 wā ko emōj aer kakaal ej nōmba juon ñan bobrae jān nañinmej ko rellap. 

Katak Elaplak

Jellā n̄āāt n̄an Bōke Teej eo

Kadiklak an ajeded COVID-19 ilo am bōk teej eo n̄e kwōj enjake am nan̄inmej, kwōj bed ilọblej, ak kwar epāāke COVID-19.

Katak Elaplak

Ekanak Māāj

Ekanak māāj ej kamol ñan kabōjrak an ajeeded COVID-19 im ej rōjañ wōt in kōjerbale ilo eloñ jikin ko.

Katak Elaplak

 

N̄e Ewōr am COVID-19 Kiō

Melele ko Relaplak

Kakōlle, kakōlkōl im wāween kabōjrak COVID-19

Er kein rej kakōlle ko relap an COVID-19:

• Pokpọk, ikijelak ak ben am menono, piba, piọ, metak majal, metak buruom, oktak am māron̄ in edjon̄ ak etton̄ bwin. Kakōlle ko jet ediklak aer ekkā rej koba addeboulul, emmōj, ak bidodo lọjeem.
• Kir 911 n̄e kwōj loe kakōlle kein rekawatata an COVID-19:
  • Ben am menono
  • Metak ak aer ubōm
  • E jidimkij am bōk lōmnak ko am
  • Kwōjjab māron̄ ruj ak ruj wōt
  • Mouj, ekūre, ak bulu kilim, tiem, ak akkiin beim, ekkār n̄an kalōr in kilim
• Wōn uwaan ro remāron̄ joreen?
  • Lellap im lōllap ro, armij ro ilo jabdewōt yiiō ewōr bar jet aer nan̄inmej, im kōrā ro rebararo remāron̄ laplak aer joreen jen nan̄inmej eo ekawatata an COVID-19.

Ewi wāween eo ao māron̄ kejbarōk n̄a māke im baamle eo aō?

• Bōk wā im pād wōt ilo am jimwe ñan raan.
• Bed wōt mweo imōm n̄e kwōnan̄inmej.
• Ḷōmṇak in ekanak māāj.
• Kwale peim eloñ alen kin joop im aiboj ak kōjerbale hand sanitizer.
• Pinej am pọkpọk im maje kin bukwein peim ak juōn pepa in uwir.
• Jab jimwe ijoko āinwot, loñim, botiim, ak mejam kin pā ko rejañin kwalkwol.
• N̄e ewōr am kakōlle in COVID-19, etal n̄an jikin taktō eo am.Ñe ejelok am jikin takto ak injuran, appoinmen in telemedicine eo ejelok onean (Kajin Pālle im Kajin Spanish wōt) ej bellok ippān Department of Health (DOH, Rā eo an Ejmour).

Kejbarōk am etal n̄an mōn wia ko im im jikin ko ilọblej

Elōn̄ jet kein lomnak n̄an am kejbarōk eok māke im ro jet mokta im elikin am itotak im ilo ien eo kwōj duōjlak jen mweo imōm.

Mokta jen am etal:

• Ilo jon̄an eo kwōmāron̄, jab etal n̄an mōn wia ko ak joko ilọblej elan̄e kwōnan̄inmej. En wōr juōn uwaan baamle eo am ak ro mōttam bwe en bōke men ko kwōj aikuji n̄an eok.
• Lōmnak in ortare men ko kijōm, uno ko limōm, im bar aolep mweik ko anlain n̄an aer bōkwaj n̄an mweo imōm.

Ilo ien eo kwōj bed ilowaan em elap armij ie:

• Ekanak juōn māāj ej kalibubuki bootiim im lọn̄iim.
• Kōmman kota kotaam im ro jōt, kōba lain in kolla eo.
• Pinej am ajji im am pọkpọk.
• Jab jibwe mejam ñe kwojañin kwollã peium.
• N̄e kwōj kaikuijkuij, kajberbal kein amwin peim ak pepa in karreo n̄an am iri jikin jebjeb eo an wa ak bajket eo am.

 

Ien Bararo, nin̄nin̄ im COVID-19

Ta eo kwōj aikuj in jellā n̄e kwōbararo

• Ribararo ak armij ro rej kab bararo emāron̄ laplak aer joreen jen nan̄inmej eo ekawatata an COVID-19 jen armij ro rejjab bararo.
• Armij ro rekar bōk nan̄inmej in COVID-19 ilo ien eo rej bararo elap emāron̄ laplak aer joreen jen aer mokaj aer kōmmour (kallōtake nin̄nin̄ eo mokta jen 37 wiik) im jibūn̄, bareinwōt bar joreen ko jet an ribaroro.
• Ribaroro ak armij ro rej kab bararo im ro rej epāāke er rej aikuj in loore laarjrak kein n̄an aer kejbarōk er māke jen an ajeded nan̄inmej in COVID-19:
  • Bōk wā im pād wōt ilo am jimwe ñan raan.
  • Ḷōmṇak in ekanak māāj jikin ko eloñ armij ie.
  • Jab bed ilọbwilijin armej im joko ejjab duōj delọn̄ kōto.
  • Bōke teej bwe kwon kabōjrak an ajeeded COVID-19 ñan armij ro jōt.
  • En ekutkut am karreoki im kajerbal men in manman kij ilo mweo imōm.
  • Lale ejmour eo am aoleb raan.
  • Kurlok jikin takto eo am ilo ien eo emōkajtata ñe ewōr am inepata kin bōrọro eo am, ñe kwonij nañinmej, ak ñe kwoj ḷōmṇak ewōr am nañinmej in COVID-19.

Ien Bararo im wā eo an COVID-19

• Wā eo an COVID-19 ej rōjan n̄an armij ro rebararo, rej kannin̄nin̄, rej kajjeon̄ bararo, ak remāron̄ bararo ilju im jeklaj.
• Kein kamool eo ilo an kejbarōk im emman an jerbal wā eo jen COVID-19 ilo ien bararo ej laplak. Melele ko rej kwalok ke laplak an wā eo an COVID-19 kejbarōk jen jabdewōt jorāān ko remāron̄ walok jen wā kein ilo ien bararo.
• Armij ro rebaroro rej aikuj bōk juon wā in COVID-19 eo emōj kakaal ñe emaroñ toprak.
• Wā ko an COVID-19 rejjab kōmman nan̄inmej in COVID-19, bar ilo ribararo ak nin̄nin̄ ko nejier.
• Ejjelak kein kamool ilo tōrre in ej kwalok ke jabdewōt wā, ekoba wā ko an COVID-19, rej kōmman joreen ilo an kōra im emmaan wōr nejier nin̄nin̄.
• Kwōj ke bararo im ewōr ke bar jet kajjitōk kin wā eo an COVID-19? Konaan ippen jikin tatkō eo am ak topare MotherToBaby, ewōr rijerbal rebojak in uwaake kajjitōk ko am ilo telebon ak ilo anlain. Jerbal in ejjelok wōneen, im ettino ej bellak Mande n̄an Balaide, 8 awa ilo jibbon̄ n̄an 5 awa jota. Etal n̄an MotherToBaby (ilo Kajin Belle im Spanish wōt) im konaan anlain ak jilkin lak juōn email, n̄e jab kir 1-866-626-6847 (ej bellak wōt ilo Kajin Belle im Spanish wōt).

Ewi wāween lale juōn nin̄nin̄ n̄e ewōr an COVID-19

• Nin̄nin̄ ko nijin armij ro rekar nan̄inmej in COVID-19 ilo iien baroro rejjab bōk nan̄COVID-19 n̄e rej lōtak tok.
• Nin̄nin̄ ko alikar teej ko aer n̄an COVID-19 ekar wōr kakōlle ko redik ak ejjelak aer kakōlle im rekar ejmourlak. Ripoot ko rej kwalok ke jet nin̄nin̄ rej kwalok nan̄inmej eo ekawatata jen COVID-19.
• Elan̄e kwōj jenolak n̄an COVID-19 im ewōr nejim nin̄nin̄, loore laajrak kein mae ien eo ejemlak ien eo kwōj jenolak:
  • Bed wōt mweo imōm im kattolak eok māke jen armij ro jet rejjab jokwe ippām.
  • Jenolak (kattolak eok māke) jen uwaan kabijuknen eo am n̄e ejjelak aer nan̄inmej im ekanak māāj ilo jo jikin koba ko.
  • Bukot juon rilale eo eman ejmour eo am im ej pād ñan jimwe in raan im ejelok an kauwōtata in bōk nañinmej ñan an lale ajiri eo nejum ej kab lotak. N̄e kwōmāron̄, kabōje milik n̄an an rijibān̄ eo keidrāāke nin̄nin̄ eo nejim. N̄e kwōj kajerbal bota, kajjitok ippen rijibān̄ eo bwe en kabōje.
  • Loore laajrak ko rekar rōjan̄e n̄e kwōj aikuj in kejbārōke nin̄nin̄ eo nejim mokta jen am mōj jenolak, im bareinwōt ekōnak māāj n̄e kwōj jibwe ak kaninnini nin̄nin̄ eo nejim.
  • Waje nin̄nin̄ eo nejim n̄an kakōlle ko an COVID-19.
• Kein kamool ko ilo tōrre in rej kwalok ke milik in ittit ejjab ajeded baeroj eo n̄an nin̄nin̄. Katak ko rekāāl rej kwalok ke armij ro rekar bōk wā eo an COVID-19 rej lelak menin manman kij ilo bōtōktōk n̄an nin̄nin̄ ko nejier jen milik in ittit. N̄e ewōr am COVID-19 im kwōj kōnaan kaninnin ak kaninnin:
  • Kwal peim mokta jen am kaninnin ak kaninnin.
  • Ekanak juōn māāj n̄e kwōj kaninnin im n̄e kwōj bed iumin 6 ṇe (2 miita) jen nin̄nin̄ eo nejim.

Perinatal Support Washington Lain in Kir ej bellak n̄an aoleb jinen im jemen nin̄nin̄ ko, ak ro rej iakwe, jabdewōt ien rej aikuj melele im jibān̄ ikijen ejmour in kalmenlakjen ko aer. Kir Perinatal Support Washington Lain in Kir ilo 1-888-404-7763 ak etal n̄an Perinatal Support anlain (Kajin Belle wōt). Taakij ak email warmline@perinatalsupport.org.

Ej aurōk n̄an ebbōk jibān̄. Lain in kir eo ej uwaak jen armij Mande n̄an Balaide 9 awa jibbon̄ n̄an 4:30 jota (Kajin Belle im Spanish wōt). Ilo bon im wiiken jouj im likit juōn mejej im juōn armij enij kir eok iumin 1-12 awa. Lain in jibān̄ eo ej koba rijibān̄ eo an baamle, taktō in kōmelij ak jinen ak jemen nin̄nin̄ ro rekar enjake nan̄ijmej in kōmelij einwōt buroomej im inepata.

Bōk kejbārōk eo n̄an kwe māke im baamle eo am

• Pād wōt ilo am jella kin melele ko rekaal tata jān jikin ko elap leke, agency ko turim ak an ejmour an loblej, im naan in kakaal jān peij ko anḷain an ejmour an loblej
• Komman laajrak in kein jibān̄ ko ilo jukjukinbed eo am, einwōt telebon nōmba ko, peij ko anlain, im burōkram ko rej kwalok kōjjellā anlain. Kwōmāron̄ koba mōn jikuul, jikin taktō, ra ko an ejmour ilo loblej, būrōkraam ko n̄an jibān̄ baamle, jikin ejmour n̄an nan̄inmej in kōmelij, im lain in kir ko.
• Kwōn kenono ippen uwaan baamle im ro mottam ilo telebon ak anlain.
• Kabōje men ko kwōmāron̄ aikuji (einwōt joob, kein amwin pā, peba in iuwur, kein bōk jōn̄an am bwil, uno in piba, im teej ko an COVID-19 kwōmāron̄ bōke ilo mweo imōm) ippām.
• Kajjeon in kabōje uno ko kwe im uwaan baamle eo am ej ekkā bōki.

Jibān̄ n̄an ro rediik ilo uwaan baamle eo am

• Būkōt jibān̄ im wāween n̄an am kenono ippen ro mottam im baamle eo am ilo telebon, email, ak email, ak jeje ilo anlain.
• N̄e enaan ko rej kaiblat ajiri ro nejim, jab meloklok in kakkije. Kōnaan ippeir kin n̄an kōmeleleik ier kōn enaan ko remāron̄ kar eron̄ ilo Internet ak jen ro jet.
• Jibān̄e ajri ro nejim ilo am uwaake kajiitōk ko aer im kōmeleleik lak er kōn jekjek in bed eo an lal in ilo tōrre in.
• Kōnaan kōn ta kwōj en̄jake im kile er.
• Jibān̄ kwalok ta rej en̄jake ilo aer jin̄a ak makitkit ko jet ekkār n̄an er.
• Kaineman er im kijen mij ak jab illu lak.