Aitok COVID

Ta in Aitok COVID?

Armij ro rekar nañinmej in COVID-19 emāroñ wōr aer kakōḷḷe im aitok-ien in nañinmej eo aer etan "Aitok COVID" ak "Nañinmej eo elikin-COVID". Elap an jab wōr jelālajken kin aitok COVID. Jej wanṃaanḷọk wōt im etakatak elaplak ilo an wanṃaanḷọk wōt aitok COVID.

Kakōḷḷe ko an Aitok COVID

Armij ro rej nañinmej in aitok COVID māroñ in oktak kakōḷḷe ko aer im rej pād iumin elōñ wiik, allōñ, ak yiiō elikin nañinmej eo.

Kakōḷḷe ko rej koba ak rejjab diklak ñan:

  • Eñjake ṃōk, elaptata elikin jerbal in kalmenlakjān ak enbwinnin
  • Pipa
  • Ben an menono
  • Pọkpọk
  • Metak ob
  • Oktak ilo bwin im/ak nāmān
  • Ben lōmnak kake ak lale "bōjrak an kōmalij jerbal"
  • Metak bar
  • Metak loje
  • Oktak ko ilo mejen allōñ

Wōn emāroñ in bōk nañinmej in Aitok COVID?

Jabdewōt armij eo ej nañinmej in COVID-19 emāroñ in bōk nañinmej in aitok COVID. Elap an ekkā ilo armij ro ekar lap kakōḷḷe in COVID-19, elaptata ñan ro im rekar aikuj in deḷọñ ọjpitōl. Armij ro rekar ion e nañinmej in ebbōj ilo ien ak elikin nañinmej in COVID-19 emāroñ in kalaplak kauwōtata ñan aitok COVID.  Kōrā, rūtto ro, armij ro ewōr aer nañinmej ko im armij ro rekar jab wā emāroñ in laplak aer māroñ in bōk nañinmej in aitok COVID. Armij ro rekar bōk nañinmej in COVID-19 elōñ alen elaplak an wōr aer kauwōtata ko ilo ejmour koba ippān aitok COVID.  

Kabōjrak Aitok COVID

Kabōjrak nañinmej  in COVID-19 ej wāwein eo eman tata ñan kabōjrak aitok COVID. Kōjbarōk eok māke im ro jōt jān COVID-19 ilo am kwale peim, ekanak māāj ilo jikin ko elōñ armij, pād wōt mweo ñe kwōj nañinmej, im bōk wā ko rej rōjañ im wā in kakajur ko.

Armij ro emōj aer wā rej māroñ in bōk wōt nañinmej in COVID-19 emāroñ in diklak aer māroñ in bōk nañinmej in aitok COVID jān armij ro rejañin de wā.

Katak elaplak kin ebbōk wā ñan COVID-19

Kabōjrak Aitok COVID

Emāroñ in ben in kwalok ke juōn ej nañinmej in aitok COVID. Kakōḷḷe ko remāroñ in ben ñan an rinañinmej ro kōmmeḷeḷe. Ejelak teej ilo jikin jerbal ak ekatak in pija ñan kwalok kin nañinmej in. Teej in taktō remāroñ in kwalok alikkar ko jokdoon ñe juōn rinañinmej ewōr an nañinmej in aitok COVID.

Jōt armij rej riboot kakōḷḷe in aitok COVID ke rekar jab kwalok COVID-19 kakōḷḷe ko im rekar jab bōk teej ñan COVID-19 ien eo rekar nañinmej jinion. Ej kōmman bwe en ben lak aer kwalok alikkar ke rej nañinmej in COVID-19 im emāroñ in kabōjrak ak kōmman bwe en rumij lak juōn nañinmej in aitok COVID. Aurōk bwe kwōnbōk teej ñan COVID-19 ien eo kwōj jinion eñjake am nañinmej ñan am māroñ in jibāñ ilo nañinmej in aitok COVID eo am tokelik.

Rōjañ ñan Rinañinmej: Jekjek ko ikijen Kōmman Karōk ñan Ien Taktō Elikin-COVID (ilo Kajin Pālle)

Jekjek ko rekāāl im rekar pād mokta lak ilo Ejmour

COVID-19 nañinmej emāroñ in jelōt elōñ mottan enbwinnim im emāroñ in jōt ien kōmman bwe en wōr nañinmej ko im remāroñ in bar tōl ñan aitok COVID. Nañinmej ko remāroñ in walok ñe ewōr jōrāan ko ilo enbwinnin im ej kwalok ebbōj ko ie. Ej melelein armij ro rekar nañinmej in COVID-19 mokta lak emāroñ in walok inepāta kāāl ko ikijen ejmour, āinwōt tōñāl ak nañinmej in menono.  Nañinmej ko rekar pād wōt āinwōt toñal ak nañinmej in menono emāroñ in laplak elikin nañinmej in COVID-19 eo.

Aitok COVID im Jimwe ko ikijen Ro Utamwe

Aitok COVID emāroñ in kōmman kakāāl ko ilo enbwinnim im kalmenlakjān ej āinwōt juōn nañinmej eo iumin Americans with Disabilities Act (ADA, Kakien eo ikijen RiAmedka ko ewōr aer Utamwe). Armij ro ippān aitok COVID rej kōjbarōk jān an armij jab jibāñ er kin wōt utamwe eo aer. Remāroñ wōr aer jimwe ilo an walok oktak ko jān peejnej, aelōñ, im kien ko ñan jibāñ er ilo aer ioon abnōnō ko an aitok COVID.

Tōl in "Aitok COVID" āinwōt juōn Utamwe iumin ADA (ilo Kajin Pālle)

Aitok COVID im Bōrọro

Ribōrọro ak armij ro ej kab mōj aer bōrọro remāroñ in lukkun nañinmej jān COVID-19. COVID-19 emāroñ in kōmman men ko rebin rej jelōt ien bōrọro im niñniñ eo.

Elap an jab wōr jelālajken kin aitok COVID im wāwein an jelōt ribōrọro. National Institutes of Health (NIH, Jikin Jerbal ko an Ejmour Ibelakin Amedka) (ilo Kajin Pālle) enij kōmman juōn 4-yiiō katak kake ta ko rej walok ilo COVID-19 ilo kōrā ro jān ien aitok jān COVID-19 ilo am bōrọro, im ajiri ro rej lōtak jān e.

Aitok COVID im Jọdikdik

Jọdikdik remāroñ in bar bōk aitok COVID. Jọdikdik ro rej ion e aitok COVID kakōḷḷe ainwōt mokaj am ṃōk im ben am ḷōmṇak emāroñ in ben aer bōk kunaer ilo jikuul im makūtkūt ko jōt. Ajiri jidik ko remāroñ in ben aer kwalok kakōḷḷe ko aer.

Ajiri ro rej nañinmej in aitok COVID remāroñ in tōprak ñan jelālakjān aurōk, kōjbarōk ak jerbal ko rej epāāke iumin 2Kakien ko an Federal (ilo Kajin Pālle).

Kōmman bwe jọdikdik rej bōk wā jān COVID-19 ej wāwein eo eman ñan kabōjrak aitok COVID ilo jọdikdik.

Katak elaplak kin wā jọdikdik.

Melele ñan Taktō ro