Care Connect Washington

Ñe emōj an teej kalikar ewōr COVID-19 ibbam im kwōj aikuj mōñā ak jibañ ko jet ilo ien am kōjenolok kwe make, jouj im kūrlok lain in kall eo ejellok wonnen an state eo ikijen melele in COVID-19 ilo 1-800-525-0127, innem jibed #. Ewōr jibān̄ ikijen ukok.

Care Connect Washington ej juon burokraam ej lewaj mōñā im mennin aikuj ko jet ñan armij ro teej ko aer ear kwalok ewōr COVID-19 ibbeir ak emōj aer kebaak nañinmij eo im rej aikuj jibañ in kōjenolok er make ak jab ito tak ilo mweo mweir. Ra in Ejmour eo an state, ilo an jerbal ibben jikin ejmour ko ilo jukjukinbed im ro mōttaer, rej kōmadmōde Care Connect Washignton ekkar ñan bukon. Kajojo bukon ej jerbal ibben ro mōttaer ilo jukjukinbed eo ñan kakoba armij ñan jerbal in jibañ ko remaron tōbrak in bōki, einwōt boklok wūno, jibañ in taktō, jibañ kateruru ñan jibañ eo an bōjrak jerbal, opij in imōn jokwe ko ilo jukjukinbed, jikin ebōk mōñā ko ejellok wonneir, jikin ko rej lale ajiri im lablok. Rej lelok jibañ eo ekkar ñan aikuj.

Ñan kōmman bwe armij ro rej aikuj kōjenolok er make ak jab ito tak ren bed wōt mweo mweir, Care Connect Washington ej lelok men ko einwōt kein kejbarok armij make, mōñā ko rebañ jorrāān, im wōtar in mōñā ko rekāāl ñan aer boklok ñan moko mweir. Ñe emōj kalikar ewōr aikuj aurok ko jet, einwōt jibañ in jāān ñan kolla muri, juon rikōlaajrak jibañ ilo jukjukinbed eo ej jibañ armij kateruru ñan mennin jibañ ko ilo jukjukinbed ak jerbal in jibañ ko remaron tōbrak in bōki, ñe ejab ej kaju lelok jibañ in kolla muri einwōt wonnen reen, loon in em, im jarom ko. Ilo ien an jemlok ien kōjenolok make ak jab ito tak, rikōlaajrak eo an jibañ emaron kakoba armij ñan jerbal in jibañ ko ilo jukjukinbed iomwin ien aitōk im renaj jibañ aikuj ko rej woñmaanlok ikijen ejmour im aer bed ilo jikin eo. Care Connect Washington ej lelok melele ko armij rej aikuj ilo kajin eo remelele.

Ñe emōj an teej kalikar ewōr COVID-19 ibbam im kwōj aikuj mōñā ak jibañ ko jet ilo ien am kōjenolok kwe make, jouj im kūrlok lain in kall eo ejellok wonnen an state eo ikijen melele in COVID-19 ilo -1-800-525-0127, innem jibed #. Ewōr jibañ ikijen ukok. Awa ko an lain in kall rej:

Kajitok ko ekutkut kajitok

Care Connect regions map with services in these counties: Grays Harbor, Mason, Thurston, Pacific, Wahkiakum, Lewis, Cowlitz, Clark, Skamania, Clickitat, Yakima, Benton, Franklin, Adams, Lincoln, Ferry, Stevens, Pend Oreille, Spokane, King, Pierce, Snohomish, Skagit, Whatcom

Juon Kotobar an Bukon nan Jiban kin COVID-19

Ra in Ejmour eo an state, ilo an jerbal ibben jikin ejmour ko ilo jukjukinbed im ro mōttaer, rej kōmadmōde Care Connect Washington ekkar ñan bukon. Kajojo bukon ej jerbal ibben ro mōttaer ilo jukjukinbed eo ñan kakoba armij ñan jerbal in jibañ ko remaron tōbrak in bōki, einwōt boklok wūno, jibañ in taktō, jibañ kateruru ñan jibañ eo an bōjrak jerbal, opij in imōn jokwe ko ilo jukjukinbed, jikin ebōk mōñā ko ejellok wonneir, jikin ko rej lale ajiri im lablok.

Ia Eo Ewor Jerbal in Jiban ko?

Ewor jerbal in jiban ko ilo elon jikin ko ilo state nan jet armij ro rej erra in kojenolok ak jab ito tak im bed wot mweo mweir botab aikuj jiban in kommane mennin.

East Region

Better Health Together (Kajin Belle wot) ej jerbal einwot Jikin eo elab an Care Connect Washington nan County ko an Adams, Ferry, Lincoln, Pend Oreille, Spokane, im Stevens.

King County

Department of Health (DOH, Ra eo an Ejmour) ej jerbal einwot jikin eo Elab an Care Connnect Washington ilo King County im WithinReach (Kajin Belle wot) lelok jerbal in jiban ko ikijen kolaajrak jiban.

North Central Region

Ilo torre in DOH ej kolaajrak jerbal in jiban ko nan bukon in. Jino jen Ebrol 1, 2022, Action Health Partners (Kajin Belle wot) enaj jerbal einwot jikin eo Elab an Care Connect Washington nan county ko an Chelan, Douglas, Grant im Okanogan.

North Region

North Sound Accountable Community Health (Kajin Belle wot) ej lelok jiban einwot Jikin eo elab an Care Connect Washington nan County ko an Island, San Juan, Snohomish, im Whatcom.

North West Region

Ilo torre in DOH ej kolaajrak jerbal in jiban ko nan bukon in ibben jerbal in jiban ko ewor ilo Clallam County.

Pierce County

Elevate Health (Kajin Belle wot) ej jerbal einwot Jikin eo elab an Care Connect Washington nan Pierce County.

South Central Region

Providence St. Mary (Kajin Belle wot) ej jerbal einwot Jikin eo elab an Care Connect Washington nan Kittitas, Walla Walla, Whitman, Columbia, Garfield, Asotin, Yakima, Benton im Franklin.

Southwest Region

Southwest Washington Accountable Community of Health (SWACH) (Kajin Belle wot) ej jerbal einwot Jikin eo elab an Care Connect Washington nan county ko an Clark, Klickitat, im Skamania.

West Region

Cascade Pacific Action Alliance Community CarePort (Kajin Belle wot) ej jerbal einwot Jikin eo elab an Care Connect Washington nan county ko an Cowlitz, Wahkiakum, Pacific, Grays Harbor, Mason, Thurston, im Lewis.

Kajitok ko Ekut Kajitok

Ewor ke jerbal in jiban ko an Care Connect Washington nan na?

Kwomaron tobrak nan jerbal in jiban ke elane emōj an teej eo am kalikar ewor COVID-19 ibbam im kwōj lukkun kojenolok kwe make ilo mweo imom. Elane emoj am kar lukkun kebaak juon armij eo emoj an teej kwalok ewor naninmij eo ibben im kwoj bed mweo imom im jab ito tak kwomaron bar maron tobrak.

Call ae lak Lain in kall eo an kin Melele ikijen COVID-19 ilo 1-800-525-0127, innem jiped #. Ewōr jibañ ikijen ukok. 

  • 6 awa jibbon ñan 10 awa jota, Mande
  • 6 awa jibbon ñan 6 awa jota Juje ñan Jabot, im raan in holiday ko state ej kile

Juon rikolaajrak jiban ilo jukjukinbed enaj kall ae kwe in kommane juon bebe in kejbarok nan kotobrak aikuj ko am ilo ien kojenolok eo am. Ilo ien enaj jemlok ien kojenolok eo am, rikolaajrak jiban eo am enaj kakoba bwe nan jiban ko rej kolaajrak jiban iomwin ien aitok, elane kwoj aikuj.

Ta jiban eo imaron katman in loe?

Rikolaajrak jiban ilo jukjukinbed eo am enaj kalikar mennin jiban ko ilo jukjukinbed ewor nan jiban kwe ilo ien am bed mweo imom im kojenolok kwe make ak jab ito tak. Renaj bar jiban ilo aer lewaj mona, mweiuk, im jiban in jaan nan wonnen reen, loon in mweo im muri in jarom ko elane ejellok mennin jiban ko ilo jukjukinbed ilo ien am bed mweo imom im kojenolok kwe make ak jab ito tak. Rikolaajrak jiban eo am emaron bar kakoba kwe nan jerbal in jiban ko kwoj aikuj ekoba jiban ko rej ikijen aer bokwaj wuno, jiban in takto, kateruru nan jiban eo an bojrak jerbal, im lablok. Jiban ko jet emaron koba kakoba kwe nan opij ko an imon jokwe ilo jukjukinbed, jikin ebok mona ko ejellok wonneir, jikin ejmour ko, jikin lale rutto, ro rej lelok jiban kin ejmour in muten, ro rej lale ajiri, im jerbal in jiban ko jet ilo jukjukinbed rekkar nan manit. Enaj oktak jiban ko ekkar nan bukon. Ilo ien an jemlok ien kōjenolok make ak jab ito tak, rikōlaajrak eo an jibañ emaron kakoba armij ñan jerbal in jibañ ko ilo jukjukinbed iomwin ien aitōk im renaj jibañ aikuj ko rej woñmaanlok. Care Connect Washington ej lelok melele ko armij rej aikuj ilo kajin eo remelele.

Imāroñ ke tōprak ñan Care Connect Washington?

Kwomaron tobrak elane:

  • Emoj an teej kwalok ewor COVID-19 ibbam ak kwar kebaak juon armij eo emoj an teej kwalok ewor naninmij eo ibben; im
  • Kwoj lukkun kojenolok kwe make ak jab ito tak im bed wot mweo imom.

Ewor jerbal in jiban ko an Care Connect Washington ejellok wonneir nan ro remaron tobrak in boki. Rej lelok jibañ ekkar ñan aikuj.

Ewi jerbal in jiban ko ewor an Care Connect Washington?

Ra in Ejmour eo an state, ilo an jerbal ibben jikin ejmour ko ilo jukjukinbed im ro mōttaer, rej kōmadmōde Care Connect Washington ekkar ñan bukon. Enin ej juon mab ej kwalok ia eo ewor jerbal in jiban ko ilo torre in:

Care Connect regions map with services in these counties: Grays Harbor, Mason, Thurston, Pacific, Wahkiakum, Lewis, Cowlitz, Clark, Skamania, Clickitat, Yakima, Benton, Franklin, Adams, Lincoln, Ferry, Stevens, Pend Oreille, Spokane, King, Pierce, Snohomish, Skagit, Whatcom
Enaj jete wonnen?

Reban lewaj wonnen jerbal in jiban in nan kwe. Care Connect Washington ear ebok jaan jen federal nan an jibane komadmodin COVID-19 eo ilo state eo an Washington.

Ewi toon im imaron naj elo jiban?

Rikolaajrak jiban ilo bukon eo am enaj kommane jonan an maron nan lewaj jiban iloan juon raan jen ien an loe jerbal in lemaanlok eo.

Ij ke aikuj wot bed ilo ien kojenolok na make ak jab iot tak ilo ien ao ebok jiban?

Aet. Ien kojenolok im jab ito tak rej kein jiban ko raurok jej kojerbal nan ad jab kaajeeded COVID-19 nan armij ro rej jokwe iturid, ro mottad, nukkud, im rijerbal ro mottad--im nan kadiklok jelot ko walok nan jukjukinbed ko ad. Ilo ien am aikuj jiban alikin an jemlok ien kōjenolok eo am make ak jab ito tak, rikōlaajrak jibañ eo am ilo bukon emaron kakoba kwe ñan jerbal in jibañ ko ilo jukjukinbed iomwin ien aitōk im renaj jibañ aikuj ko rej woñmaanlok ikijen ejmour im aer bed ilo jikin eo.

Ta oktak eo ikōtaan ien kojenolok im ien jab ito tak?

Ien Kojenolọk: Ne teej eo am ear kwalok ewor COVID-19 ibbam, ewor am kakolkol ko, ak kwoj kottar jemlok ko an teej, kwonaj aikuj kojenolok kwe make nan am jab kaajeeded naninmij eo am.

  • Bed wōt ṃweo iṃōṃ im kattoḷọk kwe jān ro jet ekoba armij ro ilo ṃweo iṃōṃ.
  • Bed ilo juon ruum māke lak iam im kōjerbal imon kapojak eo ejenolok, elan̄e kwōmāron̄.
  • Kōnake juon kein kalbubu iturin māj emman an kwon ioon mejam (Kajin Belle wot) n̄e ewor ien ko kwōmaron aikuj bed tūrin ro jet.
  • Jab etal n̄an imōn jerbal, imōn jikuul, im jikin ko ilọbelej.  Jab uwe ilo wa ko ilobelej, wa ko kwōj uwe ibben ro jet, ak tākji.
  • Kwōn pād wōt ṃweo ijellọkūn wōt kwōj aikuj taktō.
  • Loor melele in kajinet eo ekaaltata (Kajin Belle wot) jen Center for Disease Control (CDC, Opij eo ej bōk eddon kejbarok im bōbrae jen nañinmij) (Kajin Belle wot) im Department of Health (DOH, Ra eo an Ejmour) (Kajin Belle wot) kin jonan ien am aikuj kojenolok kwe make.

Ien Jab Ito Tak: Ne kwar kebaak COVID-19 botab ejellok am kakolkol, kwomaron aikuj jab ito tak, ekkar ne kwar wa ak jab. Mennin enaj kadiklok an jab ajeeded kij eo mokta jen am jela ne kwonaninmij.

Loor melele in kajinet eo ekaaltata (Kajin Belle wot) jen CDC (Kajin Belle wot) im DOH (Kajin Belle wot) kin jonan ien am aikuj jab ito tak.

Ta eo ij aikuij in kōmmane ne enanalok kakolkolin COVID-19 ko ao?

Kaju n̄an imōn tatkō n̄e enanalok kakōlkol ko am.  Ne juon armij enaj walok an wor jabdewot kakolle kein laajrak ibben, bukotlok jikin idin jiban in takto ilo ien eo wot:

  • Abān̄ an emenono
  • Emetak ubōn ak aer ubōn
  • Ejidimkij an pok ḷōmṇak ko an
  • Jab māron̄ ruj ak ruj wōt
  • Tien ak mejān ekalor bulu

*Mennin ejab aoleb laajrakin kakolle ko. Jouj im bōk meḷeḷe jān taktō eo aṃ kōn kakōḷkol ko jet rekauwotata ak ewor am abnono kaki.

N̄e ewōr am jorāān ikijen ejmour im kwōj aikuij in kurlok 911, ba n̄an rijerbal ro ke ewōr ak emaron wor COVID-19 ibbam.  Eḷañe kwōmaroñ, kwōn kōṇake juon kein kalbubu iturin maj ṃokta jān an itok rijerbal in ejmour ro an idin ien.

Ewi toon ao maron ebok jerbal in jiban ko an Care Connect Washington?

Rikolaajrak jiban eo an bukon eo am enaj jiban kwe lok nan 21 raan. Ilo jet ien ko, rikolaajrak jiban eo am emaron kakoba kwe nan jiban ko iomwin ien aitok nan jiban aikuj ko am rej wonmaanlok ikijen ejmour im bed ilo jikin eo.

Ewi waween an jerbal Care Connect Washington?

State ej jiban im jukjukinbed ko rej kotobar ilo aer lale Care Connect Washington nan waween aer kolaajrak jiban.

Washington State Department of Health ej lale komadmodin kolaajrak jiban ilo bukon, jiban kateruru im katak kaminene, lelok mennin jiban ko ibelakin state eo im ilo jukjukinbed, im kolablok jemlok ko ilo an lale mennin jiban ko emoj kakoba, einwot jaan im kein jerbal kapeel ko.

Kajojo bukon ko rej kalikar im kojerbal jikin jerbal ko ilo jukjukinbed nan lelok jiban im kakoba armij nan mennin jiban ko ilo jukjukinbed nan jiban an tobrak ien kojenolok im ien jab ito tak. Bukon ko rej jerbal ibben jikin ko rej lelok jiban ilo bukon nan lelok mweiuk im jerbal in jiban ko rej aikuj, jiban kemour makutkut ko ilo jukjukinbed eo.

Rikolaajrak jiban ro emoj jitone aer etale, jiban, im lale aikuj in ejmour im mour ko an armij rej make wot im kommane juon Bebe in Komadmod Jiban kin COVID. Burokraam eo ej kakoba armij nan mennin jiban ko ilo kajin ko remelele jabdewot ien remaron im rej lale er ilo ien madmod eo nan loloorjak ewor ej jibane er.

Ewi waween am naj kejbarok melele ko ao?

Rikolaajrak jiban eo am enaj kamool melele eo renaj loe jen Lain in Jiban eo kin Melele in COVID-19 im kajitok kin aikuj ko am. Jabdewot melele kwonaj lelok nan rikolaajrak jiban eo am eban ajeeded. Rijerbal ro rej lelok jiban ko ikijen kolaajrak jiban im Department of Health enaj kojerbal melele eo nan kalikar jiban ko raurok im kwomaron aikuj. Reban kwalok melele ko an armij make ak melele in takto ko rejab aikuj ajeeded.

Ewi waween an Care Connect Washington bobrae an jab ajeeded COVID-19?

Armij ro rej ebok jiban in kotobrak aikuj ko aer raurok ikijen bed ilo jikin eo im ejmour elablok aer maron tobrak ilo aer kadedelok ien kojenolok ak ien jab ito tak eo aer ilo mweo mweir. Ilo ad loloorjak ke armij ro emoj an teej kwalok ewor aer naninmijin COVID-19 ak emoj aer kebaak juon eo ewor an teej ej kwalok ewor naninmij eo ibben bwe en bed wot mweo imon im kojenolok emake ak jab ito tak, Care Connect Washington emaron kadiklok an ajeeded COVID-19 im kolablok jiban nan makutkut ko ilo jikin eo. Kinke kein jerbal eo ej lale armij ro rej aikuj jiban kin ejmour im bed ilo jikin eo ekomman an labtata aer mojno nan COVID-19, emaron jiban lale kalijeklok ko ikijen takto im jiban armij ro ilo jukjukinbed ko elab aer jelot jen COVID-19.

Won eo ij kebaak elane ijela juon armij eo ej aikuj jiban jen Care Connect Washington?

N̄e kwe ak juon armij kwōjelā kajeen ej lukkun kojenolok emake ak jab ito tak im bed mweo imōn im ej aikuj jibān̄, kebaak Lain in Jiban eo kin Melele in COVID-19 an State.

Nomba in Jiban an State Nan Bok Melelele ko kon COVID-19: Jibed 1-800-525-0127, innem jibed #. Ewōr jibañ ikijen ukok.

  • 6 awa jibbon ñan 10 awa jota, Mande
  • 6 awa jibbon ñan 6 awa jota Juje ñan Jabot, im raan in holiday ko state ej kile
Ekoba ke jerbal in jiban ñan ejmour in mūtōn ilo Care Connect Washington?

Aet! Rikolaajrak jiban eo am enaj jiban kwe boke jerbal in jiban ko ikijen ejmour in muten ilo jukjukinbed eo am.

Ewor ke jerbal in jiban ko ikijen kolaajrak jiban nan ro uwaan Bwij ko (Tribal Nations)?

Aet. Nan am bok melele ko relablok, email ae lok COVID19.CareCoordination@doh.wa.gov ne ejab kurlok 564-999-1565.

Ewor ke jiban in ukok?

Aet. Ilo ien am kall ae lok Lain in Jiban eo kin Melele in COVID-19 an State ilo 1-800-525-0127 innem jibed #, ewor jiban ikijen kajin. 

Ilo ien emoj am kobalok ibben juon rikolaajrak jiban, Care Connect Washington enaj lewaj melele ko kwoj aikuj ilo kajin eo kwomelele.

Mennin jiban ko

Webpeij kin Mennin Jiban im Rojan ko: Lale melele kin kein kalbubu iturin maj nuknuk, ien jab ito tak, lale baamle ko, kebaak COVID-19, kakolkol ko, im lablok. Kwomaron lale peba in melele ko ilo kajin eo kwomelele.