Stroke me heart attack ra kan pwan chok ir atepwanepwan. Nge met ka kan sinei ekkewe sainin stroke me heart attack?
Sisinei epwe ina pechakun. Amanewa emon seni kekaeon ekkewe sainin me napenapen, asisiner nupwen ar ra fis, me pwan kori 911 ren aninis.
Stroke
- Mutirin poputan wachikinin ika apwangepwangenon won mesen, poun ika peche, akaewin ew peekin ewe inis
- Mutirin poputan an fitikokon ika osupwangen an weweiti kapas
- Mutirin poputan osupwangen an kunakun seni ew ika me ruwow mesen
- Mutirin poputan osupwangen an fetan, mwanien, ika nusunon an uuta ika mokutukutun
- Mutirin poputan fakkun ngawen metekin mokuren fiti an ese sinei popun
Heart attack
- Iteiten metek ika chowun fan mwerum
- Mwanien non mokuren, eiengaw ika mwus
- Metekin ngachen, uwen me sakurun
- Memefingaw ika metek non poun ika uwenforun
- Mochemochen an ngasengas
Nupwen ka ekieki pwe emon meni a kan tori ew stroke ika heart attack, kosapw wetiwit. Fakkun mutir ne kori 911. Chon angangen safean atepwanepwan ra kan angei kaeon ar repwe asisini stroke ika heart attack me pwan mutir uwano ewe chon semwen ngeni ew pioin. Ekkei atepwanepwan safei remi kan tongeni safeani me pwan amutirin an ewe chon semwen a kan safei, epwene kan napeno eochun an epwene tongeni niwin ngeni imwen ngeni an family me pwan met kena a kan fofori iteiten.