COVID-19

This page is being reviewed for updates. The Washington State Department of Health has updated its guidance for what to do if you are sick with COVID-19 or were exposed to COVID-19. This page may have content that is inconsistent with the new guidance.

Fonen Porausen COVID-19

Ika pwe en mi wor eom kapaseis usun COVID-19, kori 1-800-525-0127 me pwan tiki 7. Nupwe ra ponu, era eom fosun fonu pwe repwe atoto ngeni noum we chon angangen aninisin awewe. Ewe linen fon a kawor non Sarifan seni 6 a.m. tori 10 p.m., me pwan Aruwowen ran tori Raninfan (me fiti ranin pin) 6 a.m. tori 6 p.m.

Ka nonom chok non imw nge ka moche ew apposun COVID-19?

Mei wor unungat anen omw kopwe rechister.

Tumuneoch, WA - Nonnomeoch me Tumuneoch Non Fansoun COVID-19

Sia sinei pwe COVID-19 epwe nonnom nefinach non ekkei ran mwach. Mei auchea omw kopwe sinei usun nonnomwun manawach nge tumwunueochu kich, atongeach kewe, me neniach. Ifa sokkun ach sipwe ina sokkun? Sipwe aia met sia fen kaio: angei oppos me ewe booster, angei ewe tes me nomwenong non imw otun ach mefi semwen ika nom orun ekkewe mei semwen, mesemes pwenupwenun won maas otun omw nom nein chommong aramas, me awora nefin.

Ikkei met mei auchea omw kopwe sinei fansoun sipwe tonong non minafon nonnomuch ngeni COVID-19 non neniach kewe.

Anganga, Tumunueochu

Decorative

Angei Ewe Oppos me Booster

Ewe opposun COVID-19 me ekkewe booster ikkana nampa eu eppetin semwen.

Sopweno Ne Kaio

Decorative

Sinei Inet Fansoun Kopwe Tes

Ekukkunano cheunon COVID-19 nupwen omw tes ika ka mefi semwen, fiti watten mwicheich, ika en mei kan ngeni ewe menun COVID-19.

Sopweno Ne Kaio

Decorative

Mesemes pwenupwenun won maas

Nupwen omw mesemem pwenupwenun won maas mei pwaarata kukkununon cheeun COVID-19 iwe mei chek pwan work ekkoch neni iir mei chek epwenuweta.

Sopweno Ne Kaio

 

Ika aa toruk COVID-19 iei

Katon Ekkewe Minafon Eureur

Nomwenong non imw imwuno seni ekkoch, iwe epwenuweta ekkewe eureuren imwuno seni ekkoch.

Sopweno Ne Kaio

Angei Safei

Kokkori omw ewe nenien safei omw kopwe sinei ekkewe sokkun safei.

Sopweno Ne Kaio

Angei Aninnis Omw Kopwe Chikar

Angeni ewe aninnisin mongo me safei epwe kawor ngonuk non imwom, tumwunun semirit, me ekkoch aninnis fansoun omw utiwitin kopwe chikar seni COVID-19.

Sopweno Ne Kaio

Namwotaman COVID

Ekkewe aramas mei torir COVID-19 mei tongeni nom rer ekkewe esissinen samwau non ukukkun week ngeni ier mwirin an torir. Epeti namwotaman COVID nupwen omw eppeti ewe menun COVID-19.

Sopweno Ne Kaio

Sopwosopwun Porousan

Esissinen me epetin COVID-19

Ikei ekkwe esissinen COVID-19:

  • Kichimwor, weires ngasangas, pwichikar, feu, metekitek non inis, metek non chior, minafo omw kose chiwen neni ika tini mettoch. Ekkoch pwan esissin ese kon pwan tori aramas mei pachenong mwanien, mwus, me feiseni.
  • Kokkori 911 ika ke kuna ekkei atapwanapwanen esissinen COVID-19:
    • Weiresin ngasangas
    • Metekin fan mwarum
    • Weiweita omw osukosuk ika kose wewe
    • Weireisn omw kopwe neno me mour ika nenneo chek
    • Kior ika arawarar won unuchomw, tunawom, non ukkumw, anongonong won enuwen unuchomw.
  • Menni Michen Aramas Ekon Watte Anoninenin?
    • Ekkewe chinnap, aramas ese nifinifin ierir mei wor ekkoch ar semwen, me ekkewe fefin mei pwopwo mei watte anoninenin watten ewe semwenin COVID-19 ngenir.

Ifa usun ai upwe eppetei me tumwunuei me ai we famini?

  • Angei ekkewe oppos me booster nupwen ka tongeni.
  • Nomwenong non imw ika en mei semwen.
  • Mesemes pwenupwenun won maas me awora onuw feet (ruu meter) seni aramas nupwen omw nomw non neni mei chomwong mwicheichen aramas.
  • Kosapw nein mwicheichen aramas me non ekkewe neni ese watte nenien fetanin asepwan.
  • Achocho ne tenu poumw ika aia hand sanitizer.
  • Mworenong ika mwesinong non omw ne kupwun poumw ika non angkisif.
  • Kosapw attapa won mesomw, awomw, pwetumw, me mesomw.
  • Tenu ekkewe neni meinisin non imwomw.
  • Chuuri omw ewe nenien safei nupwen ka mefi ekkewe esissinen COVID-19.
Tumwuneoch fansoun omw no non sitowa me ekkewe ekkoch neni

Mei wor ekkoch mettoch kopwe chemeni omw kopwe tumwunu me epetei inisumw me ekkoch me mwen me mwirin omw tou seni imwomw ewe.

Me mwen omw kopwe no:

  • Eukuku omw no non sitowa ika ekkoch nenien aramas ese nifinifin ika en mei mefi samwau. Tingorei chon emon chon non omw ewe famini ika chiechiomw epwe wisen no angeni.
  • Ekieki omw kopwe fen kamo mongo, safei, ika ekkoch pisek online iwe ra atoura ngonuk non imwom.
  • Ekieki omw kopwe no non sitowa no ekkewe kunok esapw chommong aramas ika epwe tufich.
  • Tenu poumw me mwen omw kopwe tou seni imwom ewe.

Nupwen omw nom non eu neni ika imw mei chommong aramas non:

  • Mesemes pwenupwenun won mas epwe mwenuweno pwetumw me awomw.
  • Awora ukukkun wonu feet (ruu meter) nefinom me ekkoch, pachenong ekkewe lainen kamotiw.
  • Pwenu awom me pwetumw otun omw mwor me mwesi.
  • Kosapw attapa won mesomw.
  • Ika ke no kamo non sitowa, aia hand sanitizer ika ekkewe tettenun pau mei nieni menun semwen ne tenu womw riaka ika omw pasikit.

Nupwen Ka Niwin Ngeni Imwom:

  • Sopwuni omw ewe pwenupwenun won maas (ika pwe mangak) iwe ka isonano. Mwoneno omw ewe pwenupwenun won maas ika pwun ekkewe sikan aia chek fan eu.
  • Tenu poumw.
  • Epwenuweta ekkewe eureur faniten tumwunun mongo. Kosapw sanitizeini ekkewe minen mongo. Tenu ochomw kewe frut me fechtepwon usun en mei foffori.
Mei pwopwo, mwonukon, me COVID-19

Met ururun kopwe sinei ika en mei pwopwo

  • Ekkewe mei pwopwo ika mei keran chek pwopwo ah anoninen watten ewe semwenin COVID-19 ngenir compared to ekkewe rese pwopwo.
  • EKkewe ah torir menun COVID-19 nupwen ar chiwen pwopwo mei pwan anoninen watten osukosuken nounou mwitir (nounouno me mwen 37 wik) ika upwutiw nge ese manau, me pwan anonine watten osukusuken ar pwopwo.
  • Ekkewe mei pwopwo ika mei keran chek pwopwo me ekkewe iir mei kanengenir repwe fiti ekkei eureur faniten tumwunun me etppetin cheunon COVID-19:
    • Angei oppos me omw ewe opposun booster.
    • Mesemes pwenupwenun won maas.
    • Awora wonu feet seni ekkoch aramas iwe kosapw no non neni mei chommong mwicheichen aramas non nge mei kukkun anen fetanin asepwan.
    • Angei tes pwe kopwe eukuku cheunon semwen ngeni pwan ekkoch aramas.
    • Enen ne tenu poumw iwe pwenu awom me pwetumw non kupwun pweumw ika non angkisif nupwen omw mwor ika mwesi.
    • Nimeti me disinfectini imwomw ewe.
    • Chechcheki nonnmwun me pechekunen inisumw iteitan ran.
    • Kokkori ekkewe nenien safei ika mei wor omw oukusuk ika kapas eis faniten mei pwopwo, ika ra semwen, ika re ekieki nge aa torir menun COVID-19.

Mei pwopwo me ewe opposun COVID-19

  • Ewe opposun COVID-19 mei pesepes ngeni ekkewe mei pwopwo, oupwu nour, ika mochen repwe pwopwo, ika ekkewe mei mefi pwe repwe pwopwo nesor me penon.
  • Mei watteno pisekin pwaara faniten eochun ewe opposun COVID-19 fansoun pwopwo. Met kewe sia angei seni pekin kaio aa afata pwe ekkewe eochun omw angei ewe opposun COVID-19 aa watte seni met sia sinei pwe osukosuken ei oppos fansoun pwopwo.
  • Ekkewe mei pwopwo repwe angei ewe opposun booster ren COVID-19 nupwen aa tufich.
  • Ewe opposun COVID-19 ese ngonuk ewe menun COVID-19, pwan ngeni ekkewe mei pwopwo me nour kewe mwonukon.
  • Ese wor pisekin pwaraata pwe ekkewe oppos, pachenon ewe opposun COVID-19, mei efisi an emon fefin ika mwan epwe osukosuk ar repwe tongeni koupw semirit.
  • En mei pwopwo nge ei pwan wor omw kapaseis faniten ewe opposun COVID-19? Fos ngeni noum ewe tokter ika kokkori ika mak ngeni MotherToBaby, ekkewe nour kewe angangeoch no kei pekin ra tongeni penuweni omw kapas eis won fon ika ami mak fengen non chat. Ei aninnis ese kamo, mei pwan mwonomwon mei suk seni Sarinfan tori Enimwu, 8 a.m. ngeni 5 p.m. No ngeni MotherToBaby (Fosuk chek Merika me Spanish) omw kopwe chat ngeni emon iei ika mak ngeni non email, ika kori 1-866-626-6847 (aa chek wor fosun Merika ika Spanish).

Ifa usun omw kopwe tumwunu emon mwonukon aa keran uputiw ika aa tori ewe menun COVID-19

  • Napengeni ekkewe mwonukon ra keran upwutiw noun ekkewe mei torir ewe menun COVID-19 otun ar pwopwo ese torir COVID-19 otun ar upwutiw.
  • Napengeni ekkewe mwonukon ra keran upwutiw ar tessin COVID-19 aa posetif mei chek kukkun ika ese fen wor esissinen menun semwen iwe iir mei chikar sefan. Ekkewe repot aa affata pwe ekkoch mwonukon mei chou ngenir semwenin COVID-19.
  • Ika en mei imwuno faniten COVID-19 nge mei wor noumw mwonukon, fiti ekkei eureur tori an mwuch omw ewe fansoun imwuno:
    • Nomwenong non imwomw pwe kopwe eumwukeno seni ekkewe rese kan nonnomw reomw.
    • Eimwukeno (atowawok) seni ekkewe ekkoch chon non imwomw ewe ese mwo torir ewe menin semwau iwe pwan mesemes pwenupwenun won maas nupwen oupwe nom fengen non eu neni.
    • Kuta emon chon tumwun mei unus opposun me ese anoninen watten semwen ngeni epwe wisen tumwunu noumw ewe mwonukon. Ika mei tufich, pwomwei chenun oupwumw pwe ewe chon tumwun epwe tongeni amwongoni ngeni ewe mwonukon. Ika ke eunu minik, tingorei ewe chon tumwun mei pochokun epwe wisen fori.
    • Fiti ekkewe eureur ika en mei nt tumwun faniten noumw ewe mwonukon me mwen epwe mwuch omw ewe fansoun keimwuno, pachenong omw kopwe mesemes pwenupwenun won maas otun omw eki ika amongoni ewe mwonukon.
    • Katoneoch ewe mwonukun ika epwe wor ekkewe esissinen menun COVID-19.
  • Mei wor minafon pisekin pwaarata pwe chenun oupw ese tongeni epwe uwei ngeni emon mwonukon ewe menun samwau. Minafon pekin kaio ah pwan pwaarata pwe ekkewe aramas ra fen angei opposun COVID-19 ra tongeni ngeni ewe mwonukon manamanen ewe oppos non chenun oupw. Ika a toruk COVID-19 nge ka finata pwe kopwe oupwu noumw ewe:
    • Tenu poumw me mwen omw kopwe oupwu.
    • Mesems pwenupwenun won maas nupwen omw oupwu me iteiten omw kopwe nom ukukun wonu feet (ruu meter) ngeni noumw ewe mwonukon.

Perinatal Support Washington ika ewe neni sia tongeni kokkori faniten aninnisin epechekunen netipmei suk ngeni meinisin mei keran nounou me mei pwopwo, ika atonger kewe, iteiten fansoun ar nit ekkewe aninnis faniten tumwunun me aninnisin non ekiek. Kokkori ewe Perinatal Support Washington ika ewe neni sia tongeni kokkori faniten aninnisin epechekunen netip ikei 1-888-404-7763 ika no ngeni an Perinatal ewe website Support (non chek fosuk Merika). Text ika email ngeni warmline@perinatalsupport.org.

Mei auchea omw kopwe angei ekkei aninnis. Ewe neni sia tongeni kokkori faniten aninnisin epechekunen netip mei tongeni penu meren wesetan aramas seni Sarinfan tori Enimwu, 9 a.m. ngeni 4:30 p.m. (non chek fosun Merika me Spanish). Nekunion me non weekend kose mochen kopwe chek apasanong popun omw kokko iwe emon epwapw kokkoruk sefan mwirin 1-12 awa. Ewe nenien aninnis mei wor ekkewe social workers (ika chon anisi aramas, licensed therapists (ika ekkewe chon anisi mei osukosuk ra fen angei setifiket non pekin ar angang), ika ekkewe iin me sam ra piin sapeseni weiresin osukosuk mwirin nounou.

Tumwunuk me chon non omw ewe famini

Washington Listens: Ika ke nit omw kopwe fos ngeni emon faniten weiresin omw osukosuk faniten COVID-19, kokkori Washington Listens ikei 1-833-681-0211. Mei chek work emon kopwe tongeni porous ngeni non Sarinfan tori Enimwu, 9 a.m. ngeni 9 p.m., me non weekend, seni 9 a.m. ngeni 6 p.m. TTY (ika text faniten mei pung seninger) me ekkewe aninnis ren pekis kapasen ekkoch fenu mei pwan wor. Sopwosopwun porousan mei pwan wor won ch peich faniten Tumwunun Ekiek me Memmef (Non chek fosun Merika).

  • Kopwe sinei porousan me minafon eurur ika porous seni ekkewe chon apio kich mei nukunuk non, ekkewe nenien tumwunun pechekunen inisich non neniach kewe, me sopwosopwun porous meren ewe website an public health.
  • Makketiw ekkewe aninnis mei wor non neiomw, chowean nampan fon, ekkewe website, me ekkoch neni won internet. En mei tongeni pachenong sukun, tokter, ekkewe kinikinin non public health, ekkewe aninnis mei kawor faniten tumwunun aramas, nampa en mei tongeni kori.
  • Mammak me kokkori omw kewe famini won fon me ekkewe ekkoch aninnis online.
  • Isois ekkewe pisekin tumwunun inisumw (chowean sopw, tettenun pau mei wor arokon non, churukami, tempuchu, safean pwichikar, me tessin COVID-19 en mei tongeni angei non imw) reomw.
  • Isois ekkewe sokkun safei en ika chon non omw ewe famini mei kan uun.

Aninnis faniten ekkewe mei kukkun non omw ewe famini

  • Anen ne kutta ekkewe aninnis seni chiechiomw me famini ne fos ngenir won fon, mak won fon, email, ika ekkewe ekkoch anen tour fengen online.
  • Ika ewe porous mei aweiresi noumw ewe, kosapw menuki omw kopwe ekis keuno. Fos ngenir omw kopwe aweweochu porous repwe angei seni Internet ika ekkoch anen porous.
  • Eucheani omw kopwe tumwunu akomw ekkewe semirit ne peser ar repwe kapas eis me anisir ar repwe weweiti met aa fis.
  • Fos ngenir faniten memmef me pwar ngenir pwe en mei weweiti.
  • Anisir ar repwe atoura memmefin non netir non ar chunga ika pwan ekkoch angang.
  • Awora omw kopwe ekinamweir me ekis pwan nikitu ngenir.