COVID-19

 

Fonen Porausen COVID-19

Ika pwe en mi wor eom kapaseis usun COVID-19, kori 1-800-525-0127 me pwan tiki 7.  Nupwe ra ponu, era eom fosun fonu pwe repwe atoto ngeni noum we chon angangen aninisin awewe. Ewe linen fon a kawor non Sarifan seni 6 a.m. tori 10 p.m., me pwan Aruwowen ran tori Raninfan (me fiti ranin pin) 6 a.m. tori 6 p.m.

Ka nonom chok non imw nge ka moche ew apposun COVID-19?

Mi wor unungat anen eom kopwe register. (non fosun Merika) ika kori ewe fonen COVID-19 non 1-800-525-0127 me pwan tiki 7

Coronavirus (COVID-19) Appos

Ren minafon me tichikin porausen ekkewe apposun COVID-19, kose mochen kopwe churi ei webpage non foun fonuwom: Porausen Apposun COVID-19

Ekkewe asisinin, sainin kena me pwan pinepinen COVID-19

Ekkewe akaewin asisinin COVID-19 ra usun ekkei mi tapweto:

  • Pwichikar me fow, naw, mwochen ngasegaseom ika weires ne ngasengas, monu, metik fitikum ika inisum, metekin mokureom, minafon nusunon eom nenar me tenguteng, metekin non uwomw, pinen ika chonun potum, eiengaw ika mwuus, me diarrhea.
  • Kori 911 ika ka kan kuna ekkei atepwanepwanen atoren sainin COVID-19 ra tapweto:
    • Weires ne ngasengas
    • Iteiten metekin ika nguutunon fan mweruum
    • Mutirin fisin fitikokon non mukur
    • Kose tongeni ponu
    • Arawen awan ika mesen
  • Ifa mwich kena ra kan non ngaw?

Ifa usun ai upwe tumunuei me pwan ai family?

  • Kopwe angeni ewe appos me pwan angei eom apechakunen appos nupwen en ka kan naf ren.
  • Kopwe nonom non imomw ika pwe en a kan semwen.
  • Eaea ew masku me nonom onu fit (ruwow meter) seni ekkoch nupwen ka kan towow ngeni nenien chomongen aramas kena.
  • Nom seni mwichen aramas me neni kena ese eoch fetanen asepwan non.
  • Tonu poum iteiten ika eaea ew sanitaiser poum.
  • Ponu eom naw me mwasew fiti ne popun poum ika ew tissu.
  • Kosapw atepa won mesom, awom, potum ika mesom kena.
  • Nimeti ekkewe neni non imwom.
  • Ika pwe en a kan wor eom asisinin COVID-19, kapas ngeni noum we chon awora tumunun safei. Ika pwe en ese kan wor noum chon awora, kapas ngeni ew ekkena nenien atepwanepwanen tumun ika nenien safei non nenieom mi arap ngonuk. Ika pwe en ese kan wor noum insurens, kori eom we ofesin pekin safei non nenieom.
Tes ren COVID-19

Ren minafon me tichikin porausen ekkewe apposun COVID-19, kose mochen kopwe churi ei webpage non foun fonuwom: Porausen Tesin COVID-19.

Nonom seni aramas me Eiemuno

Ren kaeon chomong usun met wewen ekkei kapas, me pwan ren ifa tamen kopwe eiemuno ika nonom seni aramas, chuki ewe Anean Eiemuno me Nonom seni armas webpage.

Ewe eaean masku

Masku kena ra kan akisano feinfetanen mettochun ewe virus non asepwan nupwen emon mi semwen ren COVID-19 a kapas, naw ika mwasew. Mi kan tongeni eom kopwe semwen ren COVID-19 me pwan angei kukunun ika ese wor eom asisinin semwen kewe. Eaean ew masku a kan pineok seni afeinfetanei COVID-19 ngeni ekkoch aramas nge kose mo sinei pwe ka kan. Met mi kan chok kukunun menun semwen ngonuk, epwene kan fakkun tongeni mano ren ekkoch.

Me fan a kan ekkoch foforun eaean masku:

  • Masku kena repwe kan ponu awom me potum me pwan nguutuno won nepekin meseom kena.
  • Poutata eom we masku me pwan poutatiw seni eaean ewe fofon sening ika fofono, me pwan kosapw ateppa me mwan ewe masku ika meseom.
  • Poutunon ekkewe maskun foforun safei ika sopuni ponun maas ew me ew ran ka kan eaeanir, me pwan tonu poum iteiten.
  • Semirit kena ra kukun seni ier ruwow resapw fakkun eaea masku kena me pwan semirit kena ierir 2 tori 4 repwe kan angei afanefan nupwen ra kan eaea ew.
  • Orderin masku kena ra kan wor ar chienon kena ren aramas mi wor ekkoch sakkun semwenir. Ika mi wor eom noninen kena, chek me ren noumuwe dokter ren eom kopwe sinei met epwe eoch ngonuk.
Churi sitowa kena me pwan neni kena ren aramas meinisin non napenon tumun

Mei wor ekkoch mettoch en kopwe kan sinei me mwan, nupwen, me pwan murin en ka kan no seni imwom ren tumunum me pwan ren ekkoch.

Me mwan towow:

  • Kosapw no ngeni ew sitowa ika pwan ew nenien aramas meinisin ika en ka kan semwen, ika mi tufich. Eisini emon chon eom family ika chienom pwe epweno angei eom mettoch kena.
  • Ekieki eom kopwe order pisekin mongo, safei kena, me pwan ekkoch mettoch kena online pwe repwe uwato ngeni imwom.
  • Cheki ew eochun fansoun ateten kena. Sitowa kena repwene kan awora ekkoch konon awan angang ren aramas kena ra nap seni 65 me pwa ekken a kan wor eoch sakkun konon semwenir. Ekieki eom kopwe no ngeni ewe sitowa nupwen fansoun rese kan osukosuk, ika pwe mi tufich.
  • Tonu poum me mwan eom kopwe towow seni imwom.

Nupwen en ka kan towow:

  • Eaea ew masku na epwe kan ponu potum me awom.
  • Tumunu tamen nefin pwe esapw mwoch seni onu fit (ruwow meter) nefinomw me pwan ekkoch, nge ika mo pwe en ka kan nom non ewe nain pwe kopwene moni.
  • Ponu eom naw me mwasew.
  • Kosapw ateppa mesom.
  • Ika en ka kan no kamo, eaea ew sanitaiserin poum ika tonun nimeoch ren eom kopwe nimeti ewe amwochun ewe kart ika basketin kamo.

Nupwen ka tori imwom:

  • Ika pwe en ka kan eaea ew masku, tumunu pwe kopwe sopuni me pwan iseni non ew neni mi tumun, ika poutano ika ii ew ekkewe apoutunon sakkun masku.
  • Tonu poum kena.
  • Fofori angangen tumunun mongo kena. Kosapw atetonu mettochun mongo kena. Tonu fruits kena me vegetables kena non ususun chok.
  • Foforun kamon pisekin mongo nupwen COVID-19. (non fosun Merika)
Aramas kena non fakkun tekian ngawen ar repwe fakkun semwen

Aramas kena ir ra kan nom non anapenon ngawer ren fakkun semwen repwe kan angei ekkei anapen foforun tumun kena:

  • Kori noum we chon awora tumunun safei nupwen en ka kan mochen afanefan. Ekkoch nenien safei ra kan eaea "nenien tumunun porausen chon semwen" ren ar repwe kapas fengen, me pwan chomong a kan wor nour chon angang repwe tongeni ponuweni fon me pwan awora afanefan. Nge ew chok, kopwe chechemeni pwe repwene kan pwan fakkun osukosuk.
  • Fori ew maaketiwen ekkewe safei en ka kan iteiten angeir me pwa cheki me ren eom we pharmacy ika chon awora tumunun safei pwe repwe kuutano ika pwe repwe kan tongeni ngonuk pwan ew apachanongen kaworen eom kewe safei mi seni taropwe. Iseni ew rekoto ren pwan ekkewe ekkoch safei ika asopwesopwen kewe en ka kan angei me pwan pii ususum non ei fansoun usun a kan kapas ngonuk.
  • Tumunu ren asofon meinisin ekkewe appos en kopwene kan angei. Tumunu pwe kopwe angei ewe apposun COVID-19 me pwan apechakunen appos nupwen en ka kan naf pwe kopwe angei. Tiki ikei ren eom kopwe kuna emon chon awora appos mi arap ngonuk.
  • Tumunu pwe epwe kan naf anomw mongo me pisekin nimeoch epwe tam eaean ika pwe en kopwene mochen eiemuno ika nonom seni aramas.
  • Aiiti emon epwe kan tongeni anisuk me pwan eisinir pwe repwe koruk won fon pwe repwe tumunu pwe en mi pechakun. Tumunu pwe ewe aramas a kan weweiti pwe resapw tongeni churuk ika pwe rese kan mefi pechakun.
  • Piini eom semwen me pwan angei angangen safei ika mi tufich.
Popo, menukon me COVID-19

Met kopwe sinei ika en ka kan popo non ei attun

  • Aramas kena ra kan popo ika ra kan popo non chok ei attun ra kan fakkun napeno ngawer ar repwe fakkun semwen seni COVID-19 nupwen awewe fengen me aramas kena rese kan popo.
  • Aramas kena ra kan semwen fiti Covid-19 nupwen ar popo ra kan pwan fakkun napeno ngawer ar repwene nounou me mwan ranin ar repwe nounou (nouni ewe menukon mutir seni 37 wik) me pwan manon nour nupwen nounou, me pwan napenon ngawen ren pwan ekkoch osupwangen popo.
  • Aramas kena ra kan popo ika ra kan iei popo me pwan ra kan pwano ngeni repwe kan angei ekkei fofor ren aninisin tumunur seni angaiin COVID-19:
    • Angei appos me pwan apechakunen appos.
    • Eaea ew masku.
    • Nonom 6 fit towaw seni ekkoch, me pwan apet seni chomongen aramas me pwan neni kena ese eoch fein fetanen asepwan.
    • Angei tes ren pinen fein fetanen ngeni ekkoch.
    • Tonu poum iteiten me pwan ponu eom naw me mwasew fiti popun poum ika ew tissue.
    • Nimeti me pwan animeochu imwom iteiten.
    • Pii eom semwen iteiten ran.
    • Muti ne kori noum we chon awora tumunun safei ika en mi wor eom noninen usun eom popo, ika pwe ka kan semwen, ika en ka kan ekieki pwe ka angei COVID-19.

Popo me pwan ewe apposun COVID-19

  • Apposun COVID-19 ra kan pesei ngeni aramas kena ra kan popo, atut/amongon fanimwar, satuni pwe repwe popo, ika ra kan fen popo non mwach kan.
  • Pwaratan usun tumunun me pechakunen apposun COVID-19 nupwen popo a kan napeno. Ewe taropwen poraus a kan pesei pwe ekkewe aninis seni angeiin ew apposun CCOVID-19 ra kan pechakun seni ekkena ra sinei ika sakkun ngawen angaiin appos nupwen popo.
  • Aramas kena ra kan popo repwe kan angei ew apechakunen apposun COVID-19 nupwen ir ra kan naf ngeni.
  • Apposun COVID-19 kena rese kan popuweta semwenin COVID-19, mi pachenong non aramas kena ra kan popo ika nour menukon kena.
  • Ese kan wor iei ekkoch pwarata pwe ew ekkena appos, mi pachenong apposun COVID-19 kena, ra popuweta osupwangen an fefin ika mwan riit.
  • Popo me pwan wor eom chomong kapaseis usen ewe apposun COVID-19? Kapas ngeni noum we chon awora tumunun safei ika kori MotherToBaby (MamaNgeniMenukon), iwe nour kewe chon sineieochu ra kan kawor ren ar repwe ponuweni kapaseis kena won fon ika kapas ngonuk. Ewe angangen aninis mi kan pinepin me pwan ese wor momon a kan kawor Sarifan - Animu, 8 a.m. tori 5 p.m. Churi MotherToBaby (MamaNgeniMenukon) ren eom kopwe kapas non aramas ika tinanong ew email, ika kori 1-866-626-6847 (a kan chok kawor non kapasen Merika me Spein).

Tumun ren minafon menukon ika en a toruk COVID-19

  • Chomong minafon menukon kena seni aramas a kan torir COVID-19 nupwen ar popo rese kan angei COVID-19 nupwen ra uputiw.
  • Chomong minafon menukon kena ra kan pung ar tes ren COVID-19 a kan chok kukun ika ese kan wor ar asisinin me pwan pwak sefan. Repot kena a kan apasa pwe ekkoch minafon menukon kena ra kan angei fakkun ngawen semwenin COVID-19.
  • Ika en ka kan nom non eiemuno ren COVID-19 me pwan wor emon noum minafon menukon, kopwe kan angei ekkei foforun tumun mi tapweto tori eom we fansoun eiemuno a kan sopweno:
    • Nonom non imwom eiemuno inisum seni ekkoch seni nukun imwomuwe.
    • Eiemuno (nom seni)seni ekkoch chon non imwom kewe rese kan semwen me pwan eaea ew masku non neni kena auwa nom fengen ie.
    • Nounou emon chon tumun mi pechakun ii a kan unusen appos me pwan ese kan tekia ngawen ren fakkun semwen epwe kan awora tumunun noum we minafon menukon. Ika mi tufich, pumeni eom minik pwe pwan emon chon tumun epwe kan amongoni ewe menukon. Ika en ka kan amongoni fiti formula, angei ewe chon tumun mi pechakun epwe amonata.
    • Tapwei ekkewe foforun tumun ra kan pesei ika en kopwene kan tumunu noum we minafon menukon me pwan eom we fansoun eiemuno epwene kan sopweno, mi pachenong eaean masku nupwen amongo ika amwachu noum we menukon.
    • Pii noum we minafon menukon ren asisinin COVID-19 kena.
    • Popo, uputiw me tumun ren noum we menukon fiti napenapen ika afaten COVID-19 (non fosun Merika).
  • Pwarata iei ra kan era pwe minik seni tut kena ese kan fich pwe epwe kan afein fetanei ewe virus ngeni menukon. Ekkena kaeo non ei fansoun ra kan pwarano pwe aramas kena ra kan appos ngeni COVID-19 ra kan atorano tumunun monun safean inis ngeni nour menukon seni minikin tut. Ika pwe en a toruk COVID-19 nge ka finata pwe kopwe atutu/amongon fanimwar:
    • Tonu poum me mwan atut/amongon fanimwar
    • Eaea ew masku nupwen ka kan atut/amongon fanimwar me pwan nupwen ka kan nom 6 fit seni noum we menukon.

Ewe Aninisin Sam me In Pwichin Lain a kan kawor ngeni ekkena mi popo ika minafon sam me in kena, ika atonger kena ra mochen aninis me pwan poraus usun semwenin non mokur. Kori 1-888-404-7763, Sarinfan- Animu 9 a.m.- 4:30 p.m. (non chok fosun Merika me Spein). Chon angangen nouchewe Pwichin Lain a kan seni emon chon angang ngeni meinisin, therepist mi laisen ika sam me in kena ra kan sinei usun netipengaw/weiresin ekkiek murin nounou. Koko kena murin awan angang repwene aniwini ponuwen non mutirin fansoun a tufich. Koko, text ika email ngeni kich non warmline@perinatalsupport.org.

Tumunun pusin en me eom family

Washington Listens (Washington a Rongorong): Ika pwe en ka mochen kapas ngeni emon usun ewe mefingaw a poputa seni COVID-19, kori Washington Listens non 1-833-681-0211. Mi kan wor emon kopwe kapas ngeni iteiten Sarifan tori Animu seni 9:00 a.m. tori 9:00 p.m. me pwan won weekends kena seni 9:00 a.m. tori 6:00 p.m. TTY and language access services will be available. En kopwene pwan kuna apachenongen nenien aninis ren apechakunen non mokur me memef kena ikei (non fosun Merika).

  • Kopwe nonom nge kopwe sinei ususun ewe semawter non ei fansoun me pwan apachenongen met kopwe fori pwan fiti poraus seni ekkena nenien poraus mi fich, ofesin safei kena ren meinisin me non neniach, me pwan minafon poraus seni ekkewe websites ren safean meinisin.
  • Fori ew maaketiwen nenien aninis kena non nenieom, usunun chok nampan fon kena, website kena me pwan akounen nenien poraus ren meinisin. En kopwe kan tongeni apechanong sukun kena, dokter, mwichen safean meinisin, angangen aninisin meinisin, neni kena non neniach ren semwenin non mokur me pwan fon ren osukosuk.
  • Kopwe kan kapas ngeni chon non eom family me chienom seni fon ika seni angangen aninis kena online.
  • Angei poputan pisekin safei kena ngonuk (usun chok sop, nimetin poum mi for fiti sakaw, tissue, ew thermometer, safean akisinon pwichikar, me pwan pisekin tesin COVID-19 non imw).
  • Satuni eom kopwe iseni pisekin safei kena en ika chon eom family kena ra kan angei iteiten.

Aninis ren chon eom family kena remi kan kukun

  • Kuuta aninis me pwan sopwesopwenon chufengenir ngeni chiener kena me family seni kapas ngenir won fon, text, email, ika nenien poraus ren meinisin.
  • Ika pwe ekkewe poraus a kan amefingawer, iwe kosapw monukano eom kopwe angei ew asoso. Kapas ngeni noum kewe semirit ren eom kopwe afatano ekkena poraus repwene kan angei seni ewe internet ika pwan ekkoch nenien angei poraus.
  • Anepa eom ekkiek won aninisi semirit kena seni apechakunen pesei ngenir pwe repwe eis kapaseis kena me pwan anisir ne weweiti ewe ususun non ei fansoun.
  • Kapas usun mefier kewe me pwan asomuner.
  • Anisir ren ar repwe pwarano mefier non ar chunga ika pwan ekkoch fofor.
  • Awora kinamwe me pwan ekis napenon mesonoson seni me mwan kewe.

Fofor fiti Family kena

  • Nge ika mo pwe eom family a kan nom non eiemuno ika nonom seni aramas, kopwe chechemeni pwe ei iei a kan chok mwochomwoch.
  • Tumunu an ewe family we ateten pwe epwe kan iteiten chok nupwen a etto ren fansoun mour, mongo, me taiso.
  • Ika pwe noum kewe semirit ra kan fitinong non attun kaeo kena non towaw ra kan kawor seni ar kewe sukun ika pwan ekkoch mwich kena, kuuta sakkun fansounn ren noumuwe semirit an epwe chungeni chienan kewe non tumun.Kopwe kan sisinei usun memef kena usun chok pwosino, menunu, nuwokus ren angaiin ewe semwen, noninen, mefingaw, me tumunun anuwokus ra kan ekkena sakkun ponu ngeni ew napenap mi aweires usun chok ewe semawter.
  • Anisi eom we family ngeni fofor mi apwapwa me pwa nomot ra kan fich ngeni eom we family me pwan fichin eorenier.
Apachenongennenien aninis kena