Nda kue'e ja nuu niñi nuu minki ji ja jenkuiñi anu kuu in tundo'o sanaa de jiniñu'un ja ñama satatan. De A jini ní nasa ndo'o in ñayiví ja nuu niñi nuu minki ji ja jenkuiñi anu.
Tú jíni ní kuu chindeé ní. Ja kuni ní nasa sa'a nda kue'e ya'a sa'a ja kuu skaku ní in ñayiví, tú ni jini ní ja sukua ndo'o in ñayiví, ñama ka'an ní nuu 911 tágua chindeé.
Nuu niñi nuu minki
- Ni sanaa jínjin axi nduve'le nda tuchi nuu, nda'a axi si'in, nda ja ya'a vachi ni kuu in lado yiki kuñu
- Ni sanaa nduka jeku'un ini yo na tu'un kuu ja ka'an ji
- Ni sanaa nduka kuu kunde'e va'a ji jín in tinuu ji axi nduu tinuu ji
- Ni sanaa nduka kuu kaka va'a ji, jiko nuu ji axi nduka kuu sa'a ji tiñu ji
- Ni sanaa ku'u tuni xini ji de nduu kuka'nu ini ji naku
Ja jenkuñi anu
- Jatu axi yani'ni ndika
- Sivi so'o, kava ini axi nujan
- Jatu yiki yu'u, sukun axi yiki yata
- Jatu axi yani'ni nda'a axi chiyo
- Nduu kuu xtaa tachi
Tú jani ini ní ja in ñayiví nuu niñi nuu minki ji axi ja jenkuiñi anu ji, ma kundetu ní. Ñama ka'an ní nuu 911. Nda ñayiví ya'a iyo tu'va ji tágua nakuni ji tú in ñayiví ndo'o ji kue'e ja nuu niñi nuu minki ji ja jenkuiñi anu de ñama kuu tetiñu ji ñayiví ku'u nuu in hospital. Nda kue'e ya'a kuu satatan de tú ñama ka satatan in ñayiví, ñama kuu ndikó ji jín ñayiví ve'e ji de suni nuu tiñu sa'a ji.