Laina o le Ola 988 mo le Pule i le Soifua ma Fa'afitauli tugā

Valaau, lafo se feau tusitusia, pe talanoa i le 988 ina ia e fesoota'i ai i le National Suicide Prevention Lifeline (NSPL, Laina o le Ola i le Lotoifale mo Puipuiga o le Pule i le Soifua) (i le Igilisi). E fa'alilolilo, leai se totogi, ma avanoa 24/7/365.

E iai auaunaga i le fa'aSipaniolo, fa'atasi ai ma auaunaga fa'aliliuina i le ova ma le 250 gagana. Mo i latou e taliga tutuli, pe faigata le faalogo, ma tagata e fa'aaogaina TTY: Fa'aaoga lau auaunaga filifilia mo fesoota'iga pe vili le 711 ona sosoo lea ma le 1-800-273-8255.

E mafai ona e viliina le 988 pe afai o iai ni:

  • Mafaufauga e pule i le soifua
  • Aafiaga o le mafaufau
  • Popolega i mea o e fa'aaogaina
  • Isi ituaiga o soo se fa'afitauli e mamafa i le mafaufau

E mafai foi ona e viliina le 988 pe a e popole i se tasi e te alofa iai e ono mana'omia se fesoasoani i taimi o fa'afitauli. E le suia e le 988 se nofoaga 'autū o fa'afitauli i le setete o Uosigitone. O le fa'aopoopoga i nofoaga soofa'atasi i le setete mo fa'afitauli. O le sefulu-fuainumera o le numera NSPL, 1-800-273-TALK (8255), e fa'aaogaina pea fa'atasi ma le 988.

Mo fesili e fa'atatau i le polokalame o le 988, fa'amolemole imeli i le 988ProgramInfo@doh.wa.gov. Aua le fa'aaogaina lenei pusameli pe o oe poo se tagata e te iloa o loo mana'omiaina le lagolago i fa'afitauli. A le o lena, valaau, lafo se feau tusitusia, pe talanoa i le 988.

O le 988

  • Afai e te viliina le 988, o le a fesoota'i atu i se nofoaga 'autū o le NSPL mo fa'afitauli.
  • E mafai ona e valaau, lafo se feau tusitusia, pe talanoa i le 988 i lau telefoni feavea'i, telefoni i le fale, poo le telefoni i luga o le Initaneti.
  • O le 10-fuainumera o le numera o le NSPL e fa'aaogaina pea. E mafai ona e valaau a le o le 1-800-273-TALK (8255) poo le 988.
  • O le 988 e fa'alilolilo, e faia fua, ma avanoa i le 24/7/365 aso, e fesoota'i ai i latou ua iai fa'afitauli o le soifua maloloina o le mafaufau, poo fa'afitauli tau le pule i le soifua ma i latou ua iai le tomai i fa'afitauli e faia ai a'oa'oga. E mafai foi ona e viliina le 988 pe a e popole i se tasi e te alofa iai e ono mana'omia se fesoasoani i taimi o fa'afitauli.
  • O tagata e viliina le 988 e le mana'omia le tuuina mai o sona fa'amatalaga patino ina ia maua ai auaunaga. E ono mata'ituina valaau pe fa'amaumauina mo le fa'amautinoaina o le lelei fa'atino o galuega pe mo le faia o a'oa'oga. E tele vaega malupuipuia o fesoota'iga o sisitema mo le fa'ailoaina o popolega i le fa'aliloliloina o fa'amatalaga.
  • E leai ni suiga e fa'amatuu atu mo Vaega Tōfia e Muamua Tali Atu i Taimi o Fa'afitauli ma vaega e nafa ma le taliina o telefoni feavea'i i taimi o fa'afitauli poo matafaioi o soo se isi auaunaga i atumotu i taimi o fa'afitauli.
  • O nofoaga 'autū o le NSPL mo fa'afitauli o le a fa'aauauina pea ona galulue i luga o faiga fa'avae a le NSPL ma o le a fesoota'i ma auaunaga o le 911 ma auaunaga i taimi o fa'afitauli a atumotu e pei ona masani ai.

O le a fa'alauiloa e Uosigitone le Native and Strong Lifeline (Lotoifale ma le Laina Mausalī o le Ola), ua ofoina atu mo le tautuaina o i latou e galulue fa'atasi ma Tagatanuu Moni Amelika e nonofo i Uosigitone ma Tagatanuu Moni o Alaska i nuu ma itumalo e valaau i le 988. O le Native and Strong Lifeline o se auaunaga a le Washington Indian Behavioral Health Hub (Nofoaga o Amioga Fa'asoifua Maloloina a Initia Uosigitone) (i le Igilisi). O le Nofoaga o amioga fa'asoifua maloloina o se nofoaga 'autū o alagaoa mo le fa'amalieina o mana'oga o Ituaiga o tagata o nuu ma itumalo ma tuufa'atasia ai lala sooupu o Ituaiga Tagata eseese, polofesa o le soifua maloloina, falema'i, ma polokalame o ma'i fa'ata'otolia i le falema'i ma ma'i tausavali. Mo nisi fa'amatalaga, fa'amolemole taga'i i le NativeAndStrong.org (i le Igilisi) ma le National Suicide Prevention Lifeline (i le Igilisi).

O le House Bill 1477 ma le Fa'avaeina o le 988

I le 2020, o le Federal Communications Commission (FCC, Komisi Feterale o Fesoota'iga) (i le Igilisi) sa latou fa'aaogaina le National Suicide Hotline Designation Act (Tulafono Ta'iala i le Lotoifale mo Laina Telefoni Fa'aaogaina). O lea tulafono ua filifilia ai le 988 e fai ma numera fesoota'i fou i totonu o le atunuu atoa, faigofie ona manatua le viliina o le 3-fuainumera, feau tusitusia, ma le numera talanoa mo soo se tasi e iai fa'afitauli tau i le pule i le soifua poo fa'afitauli e fesoota'i ma le soifua maloloina o le mafaufau.

I Uosigitone, sa pasia ai e le Fono Faitulafono le House Bill (Tulafono Tau Fa'aofi o le Fale) 1477 (E2SHB 1477) (i le Igilisi) e lagolago ai le 988. Ua fa'aleleia ma fa'alauteleina ai tali atu i fa'afitauli i amioga fa'asoifua maloloina ma auaunaga mo puipuiga o le pule i le soifua mo tagata uma i le setete o Uosigitone. Sa sainia le E2SHB 1477 i totonu o le tulafono e le Kovana o Jay Inslee ia Me 13, 2021. O le E2SHB 1477 e ta'ua foi o le Crisis Call Center Hubs and Crisis Services Act (Fetaula'iga o Fale Telefoni 'Autū mo Fa'afitauli ma le Tulafono Ta'iala mo Auaunaga i Taimi o Fa'afitauli）.

Sa fa'avaeina foi e le E2SHB 1477 le Komiti o le Crisis Response Improvement Strategy (CRIS, Ta'iala mo le Fa'aleleia o Tali Atu i Fa’afitauli) fa'apea ma le Komiti Fa'afoe. O nei komiti o le a faia fautuaga i le Kovana ma le Fono Faitulafono ina ia fesoasoani i le fa'aaogaina o le numera 988 i le lotoifale ma vaega o le E2SHB 1477. Afai e te fia auai o oe o se sui o tagata lautele, e mafai ona e lesitala ina ia auai i se fonotaga ma tuuina atu ai manatu fa'aalia o tagata lautele (i le Igilisi).

Mo fa'amatalaga au'iliili, fa'amolemole silasila i le Crisis Response Improvement Strategy (CRIS) itulau fa'a'upega tafa'ilagi a le Komiti (i le Igilisi).

 

Fale Telefoni 'Autū mo Fa'afitauli

O se fa'afanua vevela o le setete o Uosigitone o loo iai itumalo o valivaliina fa'atatau i fale telefoni 'autū mo fa'afitauli lea e taliina ai valaau mai nofoaga eseesse.
O se fa'afanua o itumalo lea o loo taliina ai valaau mai fale telefoni 'autū ta'itasi o le NSPL mo fa'afitauli.

E tolu nofoaga 'autū o le NSPL mo fa'afitauli i Uosigitone o loo taliina valaau mai itu uma o le setete:

 

  • Volunteers of America of Western Washington
  • Frontier Behavioral Health
  • Crisis Connections

O lau valaau e mafai ona tuuina i se tasi o nei nofoaga 'autū mo fa'afitauli e fua i luga o le fa'afanua i le itu taumatau. O valaau e tuuina solo e fua i le numera o le nofoaga e sau ai le valaau.

O loo fa'afaigaluegaina e le nofoaga 'autū o fa'afitauli tagata e fesoasoani i le taimi nei! Afai e te fia auai i se galuega fesoasoani i tagata i taimi o fa'afitauli, apalai i se galuega i se nofoaga 'autū mo fa'afitauli i le NSPL (i le Igilisi).

 

Fesili ma Tali Masani

O le a le National Suicide Prevention Lifeline (NSPL) ae fa'amata e suiina e le 988?

O le NSPL o se fesoota'iga o tagatanuu o le lotoifale, tuto'atasi ma nofoaga 'autū mo fa'afitauli e fa'atupeina e le setete. E fa'aupegaina ina ia tali atu ma fesoasoani i tagata o loo iai mafatiaga o lagona pe ua iai mafaufauga e pule i le soifua.

E le suiina e le 988 le numera telefoni a le NSPL ae na te saunia le isi auala faigofie mo tagata e maua ai avanoa i nofoaga 'autū uma mo fa'afitauli. E mafai ona e valaau a le o le 988 poo le 1-800-273-TALK (8255) e fesoota'i ai.

O le a le mea e tupu pe a ou valaau i le 988?

A vili le 988, e iai le feau fa'atalofa e te muamua e fa'alogo iai a'o tuuina le valaau i le nofoaga 'autū soofa'atasi o le NSPL i le lotoifale mo fa'afitauli (e fua i le numera o le nofoaga o loo sau ai le valaau). E taliina e se faufautua o fa'afitauli le telefoni, fa'alogo i le tagata valaau, malamalama i o latou aafiga mai le fa'afitauli, saunia fesoasoani lagolago, ma fa'asoa fa'amatalaga pe a mana'omia. Afai e le mafai ona taliina le valaau e le ofisa 'autū i le lotoifale, e otometi ona tuuina le valaau i se nofoaga 'autū fa'aleoleo mo fa'afitauli i le lotoifale. E saunia e le NSPL auaunaga telefoni e faia i nofoaga 'autū i taimi o fa'afitauli i le Igilisi ma le fa'aSipaniolo ma fa'aaoga leLanguage Line Solutions e saunia ai auaunaga fa'aliliu i le sili atu ma le 250 gagana fa'aopoopo mo tagata e valaau i le 988.

Mo nisi fa'amatalaga e fa'atatau i le fetuutuuna'iga o valaau, taga'i i le fa'amatalaga-ata 988 (i le Igilisi). 

O anafea na fa'aola ai le 988 fa'alotoifale?

Ianuari 16, 2022 O loo avanoa numera viliina o le 988 i le atunuu atoa.

O tagata sa galulue i vaega'au ma tagata sa auauna i le atunuu e mafai ona fesoota'i i le Veterans Crisis Line (Laina o Fa'afitauli mo Tagata sa galulue i Vaega'au) (i le Igilisi) i le oomiina o le 1 pe a uma ona vili pe lafo se feau tusitusia i le 988 (poo le 1-800-273-TALK (8255)), talanoa i luga o 'upega tafa'ilagi (i le Igilisi), pe lafo se feau tusitusia i le 838255.

O le a le mea e ese ai le 988 mai le 911?

O le 988 sa fa'avaeina ina ia fa'aleleia atili avanoa i auaunaga i taimi o fa'afitauli i se auala e fa'amalieina ai mana'oga o lo tatou atunuu i le fa'atuputupulaia o tagata pule i le soifua ma fa'afitauli e fesoota'i ma le soifua maloloina o le mafaufau. E sauniaina e le 988 avanoa faigofie i le vaega soofa'atasi o le NSPL ma alagaoa e talafeagai ma fa'afitauli, lea e ese mai ai i le mafuaaga o le 911 mo le saogalemū o tagata lautele. O le 911 e taula'i i le fa'amatuu atu o le Emergency Medical Services (EMS, Auaunaga Fa'afoma'i i Taimi o Fa'alavelave Fa'afuase'i), fuimū, ma leoleo pe a mana'omia.

Afai oute valaau i le 988, fa'amata e tali mai tagata muamua, e pei o leoleo poo le EMS, ma fa'amatuuina mai i se taimi vave?

O le sini 'autū o le 988 o le sauniaina lea o le fesoasoani mo tagata i taimi o fa'afitauli o le pule i le soifua poo taimi ua lofituina ai le mafaufau i fa'afitauli ma latou mana'omia ai le fesoasoani, ma i se itu o loo taula'i ai i fa'afitauli o le tagata.

O le toatele o i latou o fia maua le fesoasoani mai le 988 e le mana'omia ni mea fa'alavelave fa'aopoopo i lena taimi. I le taimi nei, e itiiti ma le 2% o valaau a le NSPL e mana'omia ai auaunaga i fa'alavelave fa'afuase'i, e pei o le 911. Talu ai o nisi fa'afitauli o le saogalemū ma le soifua maloloina e ono mana'omia ai le warrant mo le tali mai o latou o fa'amalosia tulafono ma/poo EMS (e iloa pe iai o loo faagasolo ai se taumafaiga e pule i le ola), e tuufa'atasia e le 988 tali mo le fa'amoemoe e fa'alauiloa ai le mausalī ma le amanaia o valaau i se si'osi'omaga lelei.

Fa'amata a vili atu i le 988 e tuuina i le 911?

O se pasene la'itiiti o valaau i le 988 e mana'omia ai le fa'aolaina i le sisitema 911 ina ua iai se tulaga fa'apopoleina ai le soifua o se tagata e le mafa'i ona fa'aitiitia i le taimi o le valaau. I nei mataupu, e fa'asoaina e le faufautua o fa'afitauli fa'amatalaga i le 911 mo le fa'asaoina o le soifua o le tagata valaau atu.

E fa'amaumauina la'u valaau i le 988?

O fa'afeiloa'iga o le 988 i setete e valaau mai e ono mata'ituina pe pu'eina mo le fa'amautinoaina o le lelei fa'atino o galuega. O le isi mea, o nofoaga 'autū soofa'atasi mo fa'afitauli i le NSPL e mafai ona fa'aaogaina tuto'atasi valaau pu'eina mo le faia o a'oa'oga, fa'alagolago i auala sili ona aogā o le ofisa.

E tāua foi le fa'amauina o tagata e fa'afesoota'iina le 988 e le mana'omiaina so latou fa'amatalaga ina ia maua ai auaunaga. Ua fa'ailoaina e le Substance Abuse and Mental Health Services Administration (Fa'aaogaina le tatau o Fualaau ma Pulega o Auaunaga Fa'asoifua Maloloina) le tāua ma le manatu i le fa'aliloliloina o fa'amatalaga patino pe a fa'afesoota'ia le 988. E tele vaega malupuipuia o fesoota'iga o sisitema mo le fa'ailoaina o popolega i le fa'aliloliloina o fa'amatalaga.

O avanoa le 988 mo popolega i le fa'aaogaina o fualaau?

Ioe, e mafai ona e vili le 988 mo popolega i le fa'aaogaina o fualaau, ae peita'i, i se tulaga o se fa'alavelave fa'afuase'i ona ua onā i fualaau, vili le 911 ma faia le tui e tuuitiitia ai le onā i fualaau.

E fa'afefea ona fa'atupe le 988?

E saunia e le Konekeresi tupe mo tagata galulue e tuuina i le Department of Health and Human Services (Vaega o le Soifua Maloloina ma Auaunaga mo Tagata Faigaluega) e ala i le American Rescue Plan (Fuafuaga Fa'asaoina a Amelika), o nisi o loo lagolagoina tagata galulue o le 988.

O le talosaga o le paketi i le Tausaga Fa'aletupe a le Pelesitene 2022 ua saunia ai tupe fa'aopoopo mo le NSPL lava ia ma mo isi alagatupe mo fa'afitauli fa'afeterale.

I le tulaga i le setete, fa'aopoopo ai i tupe maua o loo iai a le malo/pisinisi tuma'oti, o le National Suicide Hotline Designation Act (Tulafono Ta'iala i le Lotoifale mo Laina Telefoni Fa'aaogaina) 2020 e fa'atagaina ai setete e faia auala fou mo tupe totogiina mo fesoota'iga ina ia lagolago ai le fa'agaioiga o le 988.

O le E2SHB 1477 o loo fa'atupeina e lafoga i luga o telefoni a Uosigitone ma laina mo telefoni i luga o le Initaneti.

O a gagana mo auaunaga o e 988?

O loo saunia e le 988 Pule i le Soifua & Laina o le Ola i Fa'afitauli auaunaga telefoni e faia i nofoaga 'autū i taimi o fa'afitauli i le Igilisi ma le fa'aSipaniolo ma fa'aaoga le Language Line Solutions e saunia ai auaunaga fa'aliliu i le sili atu ma le 250 gagana fa'aopoopo. O le lafoina o feau tusitusia ma talanoaga na'o le Igilisi e faia ai.

E fa'afeiloa'i e le 988 latou e faigata ona lagona pe po le vaai?

O le 988 o loo galue nei mo tagata o fa'aaogaina TTY a le ala atu ia latou auaunaga filifilia mo fesoota'iga poo le viliina o le 711 ona sosoo lea ma le 1-800-273-8255. E ofoina foi e le 988 auaunaga e ala i talanoaga ma feau tusitusia. O loo galue le NSPL e fa'alauteleina a latou auaunaga i telefoni vitiō ina ia lelei ona tautuaina tagata taliga tutuli pe faigata ona lagona o loo sa'ili fesoasoani i le 988.

Mo nisi fa'amatalaga e fa'atatau pe a e valaau i le 988, taga'i i lenei fa'amatalaga-ata mai le NSPL (i le Igiisi).

O le Substance Abuse and Mental Health Services Administration (SAMHSA) (i le Igilisi) o se ta'ita'i sooupu i le feterale, e faipaaga ma le Federal Communications Commission (FCC) (i le Igilisi) ma le Department of Veterans Affairs (Vaega o Mataupu tau i Tagata sa Galulue Fa'avaega'au) (i le Igilisi). Vibrant Emotional Health (Malosi o le Soifua Maloloina o Lagona) (i le Igilisi) o le Pulega Fa'alotoifale o le NSPL ma le 988.

Puna'oa o fa'amatalaga