988 ਆਤਮ-ਹੱਤਿਆ ਅਤੇ ਸੰਕਟਕਾਲੀਨ ਲਾਈਫਲਾਈਨ

988 Lifeline ਸੇਵਾਵਾਂ ਸਪੈਨਿਸ਼ ਵਿੱਚ ਅਤੇ American Sign Language (ASL, ਅਮਰੀਕਨ ਸੈਨਤ ਭਾਸ਼ਾ) ਦੇ ਨਾਲ-ਨਾਲ ਦੋਭਾਸ਼ੀਆ ਸੇਵਾਵਾਂ ਰਾਹੀਂ 240 ਤੋਂ ਵੱਧ ਭਾਸ਼ਾਵਾਂ ਅਤੇ ਬੋਲੀਆਂ ਵਿੱਚ ਉਪਲਬਧ ਹਨ।

ਜੇਕਰ ਤੁਸੀਂ ਬਹਿਰੇ ਹੋ, ਉੱਚਾ ਸੁਣਦੇ ਹੋ ਜਾਂ TTY ਦੀ ਵਰਤੋਂ ਕਰਦੇ ਹੋ, ਤਾਂ ਤੁਸੀਂ ਆਪਣੀ ਪਸੰਦੀਦਾ ਰੀਲੇਅ ਸੇਵਾ ਦੀ ਵਰਤੋਂ ਕਰ ਸਕਦੇ ਹੋ। ਤੁਸੀਂ 711 ਅਤੇ ਫਿਰ 988 'ਤੇ ਵੀ ਡਾਇਲ ਕਰ ਸਕਦੇ ਹੋ।

ਤੁਸੀਂ 988lifeline.org 'ਤੇ ਜਾ ਕੇ, “For Deaf & Hard of Hearing” (ਬਹਿਰੇ ਜਾਂ ਉੱਚਾ ਸੁਣਨ ਵਾਲੇ ਲੋਕਾਂ ਲਈ) ਲਿੰਕ ਨੂੰ ਚੁਣ ਕੇ ਅਤੇ ਅਗਲੇ ਪੇਜ 'ਤੇ “ASL Now” (ASL ਨਾਓ) ਨੂੰ ਚੁਣ ਕੇ ASL ਵਿੱਚ ਸੰਕਟਕਾਲੀਨ ਸਹਾਇਤਾ ਪ੍ਰਾਪਤ ਕਰ ਸਕਦੇ ਹੋ।

988, ਵਾਸ਼ਿੰਗਟਨ ਰਾਜ ਵਿੱਚ ਕਿਸੇ ਵੀ ਸੰਕਟਕਾਲੀਨ ਕਾਲ ਸੈਂਟਰ ਦੀ ਥਾਂ ਨਹੀਂ ਲੈਂਦਾ ਹੈ, ਬਲਕਿ ਇਹ ਰਾਜ ਦੇ ਸੰਕਟਕਾਲੀਨ ਸਹਾਇਤਾ ਪ੍ਰਦਾਤਾਵਾਂ ਦੇ ਨੈੱਟਵਰਕ ਵਿੱਚ ਇੱਕ ਹੋਰ ਵਾਧਾ ਹੈ। ਸੰਕਟਕਾਲੀਨ ਰਿਸਪਾਂਸ ਟੀਮ ਅਤੇ ਮੋਬਾਈਲ ਸੰਕਟਕਾਲੀਨ ਰਿਸਪਾਂਸ ਟੀਮਾਂ ਨੂੰ ਭੇਜਣ ਜਾਂ ਕਿਸੇ ਵੀ ਹੋਰ ਸਥਾਨਕ ਸੰਕਟਕਾਲੀਨ ਸੇਵਾ ਦੇ ਕੰਮ ਵਿੱਚ ਕੋਈ ਬਦਲਾਅ ਨਹੀਂ ਹੋਇਆ ਹੈ। 988 Lifeline ਸੰਕਟਕਾਲੀਨ ਕੇਂਦਰ, ਰਾਸ਼ਟਰੀ ਮਾਪਦੰਡਾਂ ਅਨੁਸਾਰ ਕੰਮ ਕਰਨਾ ਜਾਰੀ ਰੱਖਣਗੇ ਅਤੇ ਲੋੜ ਪੈਣ 'ਤੇ 911 ਸੇਵਾਵਾਂ ਅਤੇ ਸਥਾਨਕ ਸੰਕਟਕਾਲੀਨ ਸੇਵਾਵਾਂ ਦੀ ਮਦਦ ਲੈਂਦੇ ਰਹਿਣਗੇ, ਜਿਵੇਂ ਉਹ ਹਮੇਸ਼ਾ ਕਰਦੇ ਰਹੇ ਹਨ।

988 Lifeline ਬਾਰੇ ਜਾਣਕਾਰੀ

• ਤੁਸੀਂ ਆਪਣੇ ਮੋਬਾਈਲ ਫ਼ੋਨ, ਲੈਂਡ ਲਾਈਨ, ਅਤੇ ਵੌਇਸ-ਓਵਰ ਇੰਟਰਨੈੱਟ ਡਿਵਾਈਸ ਰਾਹੀਂ 988 Lifeline 'ਤੇ ਕਾਲ, ਟੈਕਸਟ, ਜਾਂ ਚੈਟ ਕਰ ਸਕਦੇ ਹੋ।
• ਜਦੋਂ ਤੁਸੀਂ 988 Lifeline ਨਾਲ ਸੰਪਰਕ ਕਰਦੇ ਹੋ, ਤਾਂ ਤੁਹਾਨੂੰ 988 Lifeline ਸੰਕਟਕਾਲੀਨ ਕੇਂਦਰ ਵਿੱਚ ਇੱਕ ਸਿਖਲਾਈ ਪ੍ਰਾਪਤ ਸਲਾਹਕਾਰ ਨਾਲ ਕਨੈਕਟ ਕੀਤਾ ਜਾਵੇਗਾ।
• Lifeline ਸੇਵਾ ਗੁਪਤ ਅਤੇ ਮੁਫ਼ਤ ਹੈ ਅਤੇ ਇਹ ਦਿਨ ਦੇ 24 ਘੰਟੇ, ਹਫ਼ਤੇ ਦੇ 7 ਦਿਨ, ਸਾਲ ਦੇ 365 ਦਿਨ ਉਪਲਬਧ ਹੈ। ਇਹ ਸੇਵਾ ਆਤਮ ਹੱਤਿਆ ਕਰਨ ਬਾਰੇ ਸੋਚਣ ਜਾਂ ਮਾਨਸਿਕ ਸਿਹਤ ਨਾਲ ਜੂਝ ਰਹੇ ਹਰ ਵਿਅਕਤੀ ਨੂੰ ਸਿਖਲਾਈ ਪ੍ਰਾਪਤ ਸੰਕਟਕਾਲੀਨ ਸਲਾਹਕਾਰ ਨਾਲ ਜੋੜਦੀ ਹੈ। ਜੇ ਤੁਸੀਂ ਆਪਣੇ ਕਿਸੇ ਅਜ਼ੀਜ਼ ਲਈ ਚਿੰਤਿਤ ਹੋ, ਜਿਹਨਾਂ ਨੂੰ ਸੰਕਟ ਵਿੱਚ ਸਹਾਇਤਾ ਦੀ ਲੋੜ ਪੈ ਸਕਦੀ ਹੈ ਤਾਂ ਉਦੋਂ ਵੀ ਤੁਸੀਂ 988 Lifeline ਨਾਲ ਸੰਪਰਕ ਕਰ ਸਕਦੇ ਹੋ।
• 988 ਨਾਲ ਜੁੜ ਕੇ ਸਹਾਇਤਾ ਸੇਵਾਵਾਂ ਪ੍ਰਾਪਤ ਕਰਨ ਲਈ ਤੁਹਾਨੂੰ ਆਪਣੀ ਨਿੱਜੀ ਜਾਣਕਾਰੀ ਦੇਣ ਦੀ ਲੋੜ ਨਹੀਂ ਪੈਂਦੀ ਹੈ। ਗੁਣਵੱਤਾ ਅਤੇ ਸਿਖਲਾਈ ਦੇ ਉਦੇਸ਼ਾਂ ਲਈ ਕਾਲਾਂ, ਟੈਕਸਟ ਅਤੇ ਚੈਟਾਂ ਨੂੰ ਮੋਨੀਟਰ ਜਾਂ ਰਿਕਾਰਡ ਕੀਤਾ ਜਾ ਸਕਦਾ ਹੈ। ਪਰਦੇਦਾਰੀ ਸੰਬੰਧੀ ਚਿੰਤਾਵਾਂ ਨੂੰ ਦੂਰ ਕਰਨ ਲਈ ਨੈੱਟਵਰਕ ਸਿਸਟਮ ਵਿੱਚ ਕਈ ਸੁਰੱਖਿਆ ਉਪਾਅ ਮੌਜੂਦ ਹਨ।

ਕੁਝ ਵਿਸ਼ੇਸ਼ ਸਮੂਹਾਂ ਲਈ 988 Lifeline ਸੇਵਾਵਾਂ

ਵੈਟਰਨਜ਼ ਕ੍ਰਾਈਸਿਸ ਲਾਈਨ

ਜੇਕਰ ਤੁਸੀਂ ਸੰਕਟ ਨਾਲ ਜੂਝ ਰਹੇ ਇੱਕ ਸਾਬਕਾ ਫੌਜੀ ਹੋ ਜਾਂ ਕਿਸੇ ਅਜਿਹੇ ਵਿਅਕਤੀ ਬਾਰੇ ਚਿੰਤਿਤ ਹੋ, ਤਾਂ ਵੈਟਰਨਜ਼ ਕ੍ਰਾਈਸਿਸ ਲਾਈਨ (ਅੰਗਰੇਜ਼ੀ ਅਤੇ ਸਪੈਨਿਸ਼ ਵਿੱਚ ਉਪਲਬਧ ਹੈ) ਨਾਲ ਸੰਪਰਕ ਕਰਨ ਲਈ 988 ਡਾਇਲ ਕਰੋ ਅਤੇ 1 ਦਬਾਓ। ਤੁਸੀਂ ਆਨਲਾਈਨ ਚੈਟ ਵੀ ਕਰ ਸਕਦੇ ਹੋ (ਅੰਗਰੇਜ਼ੀ ਅਤੇ ਸਪੈਨਿਸ਼ ਵਿੱਚ ਉਪਲਬਧ ਹੈ) ਜਾਂ 838255 'ਤੇ ਟੈਕਸਟ ਕਰ ਸਕਦੇ ਹੋ। ਵੈਟਰਨਜ਼ ਕ੍ਰਾਈਸਿਸ ਲਾਈਨ, ਸਾਬਕਾ ਫੌਜੀਆਂ, ਸੇਵਾ ਨਿਭਾਉਣ ਵਾਲੇ ਮੈਂਬਰਾਂ, ਨੈਸ਼ਨਲ ਗਾਰਡ ਅਤੇ ਰਿਜ਼ਰਵ ਮੈਂਬਰਾਂ ਅਤੇ ਉਹਨਾਂ ਦਾ ਸਮਰਥਨ ਕਰਨ ਵਾਲਿਆਂ ਨੂੰ ਸੇਵਾ ਪ੍ਰਦਾਨ ਕਰਦੀ ਹੈ। ਕਾਲ ਕਰਨ ਲਈ ਤੁਹਾਨੂੰ VA ਲਾਭਾਂ ਜਾਂ ਸਿਹਤ ਦੇਖਭਾਲ ਵਿੱਚ ਇਨਰੋਲ ਕਰਨ ਦੀ ਜ਼ਰੂਰਤ ਨਹੀਂ ਹੈ।

ਸਪੈਨਿਸ਼ ਭਾਸ਼ਾ ਲਾਈਨ

ਸਪੈਨਿਸ਼ ਵਿੱਚ ਸੰਕਟਕਾਲੀਨ ਸਹਾਇਤਾ ਪ੍ਰਾਪਤ ਕਰਨ ਲਈ, ਤੁਸੀਂ 988 Lifeline ਨੂੰ ਕਾਲ, ਟੈਕਸਟ ਜਾਂ ਚੈਟ ਕਰ ਸਕਦੇ ਹੋ ਅਤੇ ਵਿਕਲਪ 2 ਚੁਣ ਸਕਦੇ ਹੋ।

ਤੁਸੀਂ 988 Lifeline 'ਤੇ ਕਾਲ ਕਰਕੇ ਅਤੇ ਆਪਣੀ ਲੋੜੀਂਦੀ ਭਾਸ਼ਾ ਦਾ ਨਾਮ ਦੱਸ ਕੇ ਅੰਗਰੇਜ਼ੀ ਜਾਂ ਸਪੈਨਿਸ਼ ਤੋਂ ਇਲਾਵਾ ਹੋਰ ਭਾਸ਼ਾਵਾਂ ਵਿੱਚ ਸਹਾਇਤਾ ਪ੍ਰਾਪਤ ਕਰ ਸਕਦੇ ਹੋ। Lifeline 240 ਤੋਂ ਵੱਧ ਭਾਸ਼ਾਵਾਂ ਅਤੇ ਬੋਲੀਆਂ ਵਿੱਚ ਦੋਭਾਸ਼ੀਆ ਸੇਵਾਵਾਂ ਪ੍ਰਦਾਨ ਕਰਦੀ ਹੈ। ਇਹ ਸੇਵਾਵਾਂ ਦਿਨ ਦੇ 24 ਘੰਟੇ, ਹਫ਼ਤੇ ਦੇ 7 ਦਿਨ, ਸਾਲ ਦੇ 365 ਦਿਨ ਉਪਲਬਧ ਹਨ।

LGBTQI+ ਯੂਥ ਸਬਨੈੱਟਵਰਕ ਲਾਈਨ

988 Lifeline ਵਿੱਚ ਲੈਸਬੀਅਨ, ਗੇਅ, ਬਾਇਸੈਕਸ਼ੁਅਲ, ਟ੍ਰਾਂਸਜੈਂਡਰ, ਕੁਈਰ ਜਾਂ ਕਵੇਸ਼ਚਨਿੰਗ, ਇੰਟਰਸੈਕਸ, ਅਸੈਕਸ਼ੁਅਲ, ਅਤੇ ਟੂ-ਸਪਿਰਿਟ (LGBTQIA2S+) ਕਿਸ਼ੋਰਾਂ ਅਤੇ 13 ਤੋਂ 24 ਸਾਲ ਦੀ ਉਮਰ ਦੇ ਨੌਜਵਾਨ ਬਾਲਗਾਂ ਲਈ ਇੱਕ ਵਿਸ਼ੇਸ਼ ਲਾਈਨ ਹੈ।

LGBTQIA2s+ ਵਿਅਕਤੀ ਨੂੰ ਸਹਾਇਤਾ ਪ੍ਰਦਾਨ ਕਰਨ ਵਾਲੇ ਸੰਕਟਕਾਲੀਨ ਸਲਾਹਕਾਰ ਨਾਲ ਜੁੜਨ ਲਈ, ਤੁਸੀਂ 988 'ਤੇ ਕਾਲ, ਟੈਕਸਟ ਜਾਂ ਚੈਟ ਕਰ ਸਕਦੇ ਹੋ ਅਤੇ ਵਿਕਲਪ 3 ਚੁਣ ਸਕਦੇ ਹੋ।

ਅਮਰੀਕਨ ਇੰਡੀਅਨ ਅਤੇ ਅਲਾਸਕਾ ਦੇ ਮੂਲ ਨਿਵਾਸੀ

Native and Strong Lifeline (ਨੇਟਿਵ ਐਂਡ ਸਟ੍ਰੋਂਗ ਲਾਈਫਲਾਈਨ) (ਅੰਗਰੇਜ਼ੀ ਵਿੱਚ) ਰਾਸ਼ਟਰ ਵਿੱਚ ਆਪਣੀ ਕਿਸਮ ਦਾ ਇੱਕ ਪਹਿਲਾ ਅਜਿਹਾ ਪ੍ਰੋਗਰਾਮ ਹੈ ਜੋ ਅਮਰੀਕਨ ਇੰਡੀਅਨ ਅਤੇ ਅਲਾਸਕਾ ਦੇ ਮੂਲ ਨਿਵਾਸੀਆਂ ਨੂੰ ਸੇਵਾ ਪ੍ਰਦਾਨ ਕਰਦਾ ਹੈ। ਅਮਰੀਰਨ ਵੈਸਟਰਨ ਵਾਸ਼ਿੰਗਟਨ ਦੇ ਵਾਲੰਟੀਅਰਾਂ ਦੁਆਰਾ ਸੰਚਾਲਿਤ, ਇਹ ਲਾਈਨ ਉਹਨਾਂ ਲੋਕਾਂ ਲਈ ਉਪਲਬਧ ਹੈ ਜੋ 988 Lifeline ਨੂੰ ਕਾਲ ਕਰਦੇ ਹਨ ਅਤੇ ਵਿਕਲਪ 4 ਦੀ ਚੋਣ ਕਰਦੇ ਹਨ। ਇਹ ਲਾਈਨ ਖਾਸ ਤੌਰ 'ਤੇ ਅਮਰੀਕਨ ਇੰਡੀਅਨ ਅਤੇ ਅਲਾਸਕਾ ਦੇ ਮੂਲ ਨਿਵਾਸੀਆਂ ਦੇ ਭਾਈਚਾਰਿਆਂ ਲਈ ਹੈ।

ਕਾਲਾਂ ਦਾ ਜਵਾਬ ਮੂਲ ਸੰਕਟਕਲੀਨ ਸਲਾਹਕਾਰ ਦਿੰਦੇ ਹਨ ਜੋ ਕਬਾਇਲੀ ਮੈਂਬਰ ਅਤੇ ਵੰਸ਼ਜ ਹਨ ਅਤੇ ਆਪਣੇ ਭਾਈਚਾਰਿਆਂ ਨਾਲ ਕਾਫ਼ੀ ਨੇੜਿਓਂ ਜੁੜੇ ਹੋਏ ਹਨ। ਉਪਚਾਰ ਨਾਲ ਸੰਬੰਧਿਤ ਸੱਭਿਆਚਾਰਕ ਅਤੇ ਪਰੰਪਰਾਗਤ ਅਭਿਆਸਾਂ 'ਤੇ ਵਿਸ਼ੇਸ਼ ਜ਼ੋਰ ਦੇਣ ਦੇ ਨਾਲ-ਨਾਲ, ਨੇਟਿਵ ਐਂਡ ਸਟ੍ਰੋਂਗ Lifeline ਸਲਾਹਕਾਰਾਂ ਨੂੰ ਸੰਕਟਕਾਲੀਨ ਸਥਿਤੀ ਨੂੰ ਸੰਭਾਲਣ ਅਤੇ ਸਹਾਇਤਾ ਪ੍ਰਦਾਨ ਕਰਨ ਬਾਰੇ ਪੂਰੀ ਸਿਖਲਾਈ ਪ੍ਰਾਪਤ ਹੁੰਦੀ ਹੈ।

ਉਹ ਲੋਕ ਜੋ ਅਮਰੀਕਨ ਸੈਨਤ ਭਾਸ਼ਾ (ASL) ਦੀ ਵਰਤੋਂ ਕਰਦੇ ਹਨ

988 ਆਤਮ-ਹੱਤਿਆ ਅਤੇ ਸੰਕਟਕਾਲੀਨ Lifeline, ਸੰਕਟ ਨਾਲ ਜੂਝ ਰਹੇ ਲੋਕਾਂ ਨੂੰ ASL ਸੇਵਾਵਾਂ ਪ੍ਰਦਾਨ ਕਰਦੀ ਹੈ।

ASL ਵਿੱਚ ਹੁਣੇ ਸਹਾਇਤਾ ਪ੍ਰਾਪਤ ਕਰਨ ਲਈ, ਤੁਸੀਂ ਇਹਨਾਂ ਕਦਮਾਂ ਦੀ ਪਾਲਣਾ ਕਰ ਸਕਦੇ ਹੋ:

• 988lifeline.org 'ਤੇ ਜਾਓ
• “For Deaf & Hard of Hearing” (ਬਹਿਰੇ ਜਾਂ ਉੱਚਾ ਸੁਣਨ ਵਾਲੇ ਲੋਕਾਂ ਲਈ) ਲਿੰਕ ਚੁਣੋ
• ਅਗਲੇ ਪੇਜ 'ਤੇ “ASL Now” (ASL ਨਾਓ) ਨੂੰ ਚੁਣੋ

ਤੁਸੀਂ ਆਪਣੇ ਜਾਂ ਕਿਸੇ ਅਜ਼ੀਜ਼ ਲਈ ਸੰਕਟਕਾਲੀਨ ਸਹਾਇਤਾ ਪ੍ਰਾਪਤ ਕਰਨ ਲਈ ਆਪਣੇ ਵੀਡੀਓਫ਼ੋਨ ਤੋਂ 1-800-273-TALK (8255) 'ਤੇ ਵੀ ਕਾਲ ਕਰ ਸਕਦੇ ਹੋ।

House Bill 1477 ਅਤੇ 988 ਦੀ ਰਚਨਾ

ਸਾਲ 2020 ਵਿੱਚ, Federal Communications Commission (FCC, ਫੈਡਰਲ ਕਮਿਊਨੀਕੇਸ਼ਨਸ ਕਮਿਸ਼ਨ) ਨੇ National Suicide Hotline Designation Act (ਨੈਸ਼ਨਲ ਸੁਸਾਈਡ ਹੌਟਲਾਈਨ ਡੈਜ਼ੀਗਨੇਸ਼ਨ ਐਕਟ) ਨੂੰ ਅਪਣਾਇਆ ਸੀ। ਇਸ ਐਕਟ ਨੇ ਆਤਮ ਹੱਤਿਆ ਦੇ ਵਿਚਾਰਾਂ ਸਮੇਤ ਮਾਨਸਿਕ ਸਿਹਤ ਸੰਬੰਧੀ ਪਰੇਸ਼ਾਨੀ ਦਾ ਸਾਹਮਣਾ ਕਰ ਰਹੇ ਹਰ ਵਿਅਕਤੀ ਲਈ 988 ਨੂੰ ਇੱਕ ਨਵਾਂ, ਰਾਸ਼ਟਰ ਵਿਆਪੀ ਨੰਬਰ ਬਣਾ ਦਿੱਤਾ ਸੀ। 988 Lifeline ਨੂੰ ਕਾਲ ਜਾਂ ਟੈਕਸਟ ਕਰਨ ਲਈ ਤੁਸੀਂ ਇਸ ਆਸਾਨ ਜਿਹੇ 3-ਅੰਕਾਂ ਵਾਲੇ ਡਾਇਲਿੰਗ ਕੋਡ ਦੀ ਵਰਤੋਂ ਕਰ ਸਕਦੇ ਹੋ। ਤੁਸੀਂ ਆਨਲਾਈਨ ਚੈਟ ਵੀ ਕਰ ਸਕਦੇ ਹੋ (ਅੰਗਰੇਜ਼ੀ ਅਤੇ ਸਪੈਨਿਸ਼ ਵਿੱਚ)।

988 ਆਤਮ-ਹੱਤਿਆ ਅਤੇ ਸੰਕਟਕਾਲੀਨ Lifeline ਦਾ ਸਮਰਥਨ ਕਰਨ ਲਈ ਅਤੇ ਵਾਸ਼ਿੰਗਟਨ ਰਾਜ ਵਿੱਚ ਸਾਰਿਆਂ ਲਈ ਵਿਵਹਾਰਕ ਸਿਹਤ ਸੰਕਟਕਾਲੀਨ ਪ੍ਰਤੀਕਿਰਿਆ ਅਤੇ ਆਤਮ-ਹੱਤਿਆ ਰੋਕਥਾਮ ਸੇਵਾਵਾਂ ਨੂੰ ਸੁਧਾਰਨ ਅਤੇ ਉਹਨਾਂ ਦਾ ਵਿਸਤਾਰ ਕਰਨ ਲਈ, ਵਾਸ਼ਿੰਗਟਨ ਦੀ ਵਿਧਾਨ ਸਭਾ ਨੇ House Bill (ਹਾਊਸ ਬਿਲ) 1477 (Engrossed Second Substitute House Bill (E2SHB, ਐਨਗ੍ਰੋਸਡ ਸੈਕਿੰਡ ਸਬਸੀਟਿਊਟ ਹਾਊਸ ਬਿਲ) 1477) (ਅੰਗਰੇਜ਼ੀ ਵਿੱਚ) ਪਾਸ ਕੀਤਾ ਸੀ। E2SHB 1477 ਨੂੰ Crisis Call Center Hubs and Crisis Services Act (ਸੰਕਟਕਾਲੀਨ ਕਾਲ ਸੈਂਟਰ ਹੱਬ ਅਤੇ ਸੰਕਟਕਲੀਨ ਸੇਵਾਵਾਂ ਐਕਟ) ਵਜੋਂ ਵੀ ਜਾਣਿਆ ਜਾਂਦਾ ਹੈ। 13 ਮਈ, 2021 ਨੂੰ ਗਵਰਨਰ Jay Inslee ਵੱਲੋਂ E2SHB 1477 ਉੱਤੇ ਦਸਤਖਤ ਕਰਕੇ ਇਸਨੂੰ ਕਾਨੂੰਨੀ ਰੂਪ ਦਿੱਤਾ ਗਿਆ ਸੀ।

E2SHB 1477 ਨੇ Crisis Response Improvement Strategy (CRIS, ਸੰਕਟਕਾਲੀਨ ਪ੍ਰਤੀਕਿਰਿਆ ਸੁਧਾਰ ਰਣਨੀਤੀ) ਕਮੇਟੀ ਅਤੇ ਸੰਚਾਲਨ ਕਮੇਟੀ ਦੀ ਵੀ ਸਥਾਪਨਾ ਕੀਤੀ ਸੀ। ਇਹ ਕਮੇਟੀਆਂ ਰਾਸ਼ਟਰੀ 988 ਨੰਬਰ ਅਤੇ E2SHB 1477 ਦੇ ਭਾਗਾਂ ਨੂੰ ਲਾਗੂ ਕਰਨ ਵਿੱਚ ਸਹਾਇਤਾ ਕਰਨ ਲਈ ਗਵਰਨਰ ਅਤੇ ਵਿਧਾਨਸਭਾ ਲਈ ਸੁਝਾਅ ਤਿਆਰ ਕਰਨਗੀਆਂ। ਜੇ ਤੁਸੀਂ ਜਨਤਾ ਦੇ ਮੈਂਬਰ ਵਜੋਂ ਭਾਗ ਲੈਣਾ ਚਾਹੁੰਦੇ ਹੋ ਤਾਂ, ਤੁਸੀਂ ਮੀਟਿੰਗ ਵਿੱਚ ਭਾਗ ਲੈਣ ਅਤੇ ਜਨਤਕ ਟਿੱਪਣੀਆਂ ਦਰਜ ਕਰਵਾਉਣ ਲਈ ਰਜਿਸਟਰ ਕਰ ਸਕਦੇ ਹੋ (ਅੰਗਰੇਜ਼ੀ ਵਿੱਚ ਉਪਲਬਧ ਹੈ)।

ਪੂਰੀ ਜਾਣਕਾਰੀ ਦੇ ਲਈ, ਕਿਰਪਾ ਕਰਕੇ Crisis Response Improvement Strategy (CRIS, ਸੰਕਟਕਾਲੀਨ ਪ੍ਰਤੀਕਿਰਿਆ ਸੁਧਾਰ ਰਣਨੀਤੀ) ਕਮੇਟੀਆਂ ਦਾ ਵੈੱਬਪੇਜ਼ (ਅੰਗਰੇਜ਼ੀ ਵਿੱਚ) ਦੇਖੋ।

2023 988 ਵਿਧਾਨਕ ਰਿਪੋਰਟ ਪੜ੍ਹੋ (ਅੰਗਰੇਜ਼ੀ ਵਿੱਚ)

House Bill 1134

2023 ਵਿੱਚ, ਵਾਸ਼ਿੰਗਟਨ ਦੀ ਵਿਧਾਨ ਸਭਾ ਨੇ 988 ਆਤਮ-ਹੱਤਿਆ ਅਤੇ ਸੰਕਟਕਾਲੀਨ Lifeline ਨੂੰ ਲਾਗੂ ਕਰਨ ਵਿੱਚ ਮਦਦ ਕਰਨ ਲਈ House Bill (HB, ਹਾਊਸ ਬਿਲ) 1134 (ਅੰਗਰੇਜ਼ੀ ਵਿੱਚ ਉਪਲਬਧ ਹੈ) ਪਾਸ ਕੀਤਾ ਸੀ।

ਇਹ ਬਿੱਲ ਤੇਜ਼ੀ ਨਾਲ ਜਵਾਬ ਦੇਣ ਵਾਲੀਆਂ ਸੰਕਟਕਾਲੀਨ ਟੀਮਾਂ ਲਈ ਸਮਰਥਨ ਤਿਆਰ ਕਰਕੇ ਅਤੇ ਇਹਨਾਂ ਮੋਬਾਈਲ ਯੂਨਿਟਾਂ ਨੂੰ ਫੰਡ ਪ੍ਰਦਾਨ ਕਰਕੇ ਅਤੇ ਜਵਾਬ ਦੇਣ ਵਾਲਿਆਂ ਨੂੰ ਸਿਖਲਾਈ ਦੇ ਕੇ ਵਾਸ਼ਿੰਗਟਨ ਵਿੱਚ ਸੰਕਟਕਾਲੀਨ ਸੇਵਾਵਾਂ ਦਾ ਵਿਸਤਾਰ ਕਰਦਾ ਹੈ।

ਬਿੱਲ ਦੇ ਅਨੁਸਾਰ, University of Washington, ਵਾਸ਼ਿੰਗਟਨ ਵਿੱਚ ਵਿਵਹਾਰਕ ਸਿਹਤ ਸੰਭਾਲ ਕਰਮਚਾਰੀਆਂ ਲਈ ਸੰਕਟਕਾਲੀਨ ਕਾਰਜਬਲ ਅਤੇ ਮੁੜ ਉੱਭਰਨ ਸੰਬੰਧੀ ਸਿਖਲਾਈ ਲਈ ਵੀ ਸਿਫ਼ਾਰਸ਼ਾਂ ਪ੍ਰਦਾਨ ਕਰੇਗੀ। Department of Health 988 Lifeline ਦਾ ਪ੍ਰਚਾਰ ਕਰਨ ਲਈ ਇੱਕ ਸੋਸ਼ਲ ਮੀਡੀਆ ਮੁਹਿੰਮ ਤਿਆਰ ਕਰੇਗਾ, ਜਿਸ ਵਿੱਚ 988 ਕਿਵੇਂ ਕੰਮ ਕਰਦਾ ਹੈ ਅਤੇ ਇਸਦੀ ਵਰਤੋਂ ਕਿਵੇਂ ਕਰਨੀ ਹੈ ਸਮੇਤ, ਇਸ ਬਾਰੇ ਹੋਰ ਜਾਣਕਾਰੀ ਸ਼ਾਮਲ ਹੋਵੇਗੀ। ਇਸ ਦਾ ਉਦੇਸ਼ 988 Lifeline ਬਾਰੇ ਜਾਗਰੂਕਤਾ ਅਤੇ ਜਾਣਕਾਰੀ ਨੂੰ ਵਧਾਉਣ ਹੈ।

ਬਿੱਲ ਦੇ ਹੋਰ ਮੁੱਖ ਭਾਗਾਂ ਵਿੱਚ 911 'ਤੇ ਕੀਤੀਆਂ ਗਈਆਂ ਮਾਨਸਿਕ ਸਿਹਤ ਸੰਬੰਧੀ ਕਾਲਾਂ ਨੂੰ ਬਿਹਤਰ ਢੰਗ ਨਾਲ ਟ੍ਰਾਂਸਫਰ ਕਰਨ ਲਈ ਇੱਕ ਸਾਂਝੇ-ਟਿਕਾਣੇ ਵੱਲ ਕੰਮ ਕਰਨਾ ਸ਼ਾਮਲ ਹੈ। ਇਸਦਾ ਮਤਲਬ ਹੈ ਕਿ 911 ਡਿਸਪੈਚਰਾਂ ਵਾਲੇ ਟਿਕਾਣੇ ਉੱਤੇ ਹੀ ਮੌਜੂਦ 988 ਸੰਕਟਕਾਲੀਨ ਸਲਾਹਕਾਰ ਇਹਨਾਂ ਕਾਲਾਂ ਦਾ ਜਵਾਬ ਦੇ ਸਕਦੇ ਹਨ ਅਤੇ ਸਹਾਇਤਾ ਪ੍ਰਦਾਨ ਕਰ ਸਕਦੇ ਹਨ।

ਮਾਨਸਿਕ ਸਿਹਤ ਸੰਕਟਕਾਲੀਨ ਕਾਲ ਡਾਇਵਰਸ਼ਨ ਇਨੀਸ਼ੀਏਟਿਵ

988 Lifeline ਅਜੇ ਵੀ ਨਵੀਂ ਹੈ। ਵਾਸ਼ਿੰਗਟਨ ਵਿੱਚ ਬਹੁਤ ਸਾਰੇ ਲੋਕ ਅਜੇ ਵੀ ਮਾਨਸਿਕ ਸਿਹਤ ਅਤੇ ਨਸ਼ੇ ਦੀ ਵਰਤੋਂ ਸੰਬੰਧੀ ਚਿੰਤਾਵਾਂ ਲਈ 911 ਨਾਲ ਸੰਪਰਕ ਕਰਦੇ ਹਨ, ਹਾਲਾਂਕਿ ਸਿਖਲਾਈ ਪ੍ਰਾਪਤ 988 ਸੰਕਟਕਲੀਨ ਸਲਾਹਕਾਰ ਇਹਨਾਂ ਮਾਮਲਿਆਂ ਵਿੱਚ ਬਿਹਤਰ ਸਹਾਇਤਾ ਪ੍ਰਦਾਨ ਕਰ ਸਕਦੇ ਹਨ।

Washington State Department of Health (DOH), ਵਾਸ਼ਿੰਗਟਨ ਦੇ 988 Lifeline ਸੰਕਟਕਾਲੀਨ ਕੇਂਦਰਾਂ ਅਤੇ 3 Public Safety Answering Points (ਪਬਲਿਕ ਸੇਫਟੀ ਆਂਸਰਿੰਗ ਪੁਆਇੰਟਾਂ) ਜਾਂ PSAPs (911 ਕੇਂਦਰਾਂ) ਦੇ ਨਾਲ ਮਿਲ ਕੇ ਇੱਕ ਛੋਟੇ ਪੈਮਾਨੇ ਦੇ ਪਾਇਲਟ ਪ੍ਰੋਗਰਾਮ ਉੱਤੇ ਕੰਮ ਕਰ ਰਿਹਾ ਹੈ, ਜਿਸਨੂੰ ਮਾਨਸਿਕ ਸਿਹਤ ਸੰਕਟਕਾਲੀਨ ਕਾਲ ਡਾਇਵਰਸ਼ਨ ਇਨੀਸ਼ੀਏਟਿਵ ਕਿਹਾ ਜਾਂਦਾ ਹੈ। ਇਸ ਪਹਿਲਕਦਮੀ ਦੇ ਦੋ ਮੁੱਖ ਉਦੇਸ਼ ਹਨ:

1. ਸੰਕਟ ਨਾਲ ਜੂਝ ਰਹੇ ਲੋਕਾਂ ਨੂੰ ਸਿਖਲਾਈ ਪ੍ਰਾਪਤ ਸੰਕਟਕਾਲੀਨ ਸਲਾਹਕਾਰਾਂ ਨਾਲ ਜਲਦੀ ਤੋਂ ਜਲਦੀ ਅਤੇ ਆਸਾਨੀ ਨਾਲ ਜੁੜਨ ਵਿੱਚ ਮਦਦ ਕਰਨਾ
2. ਕਾਲ ਕਰਨ ਵਾਲੇ ਨੂੰ ਬਿਹਤਰ ਸਹਾਇਤਾ ਪ੍ਰਦਾਨ ਕਰਨ ਅਤੇ ਐਮਰਜੈਂਸੀ ਸੇਵਾਵਾਂ ਉੱਤੇ ਪੈਣ ਵਾਲਾ ਦਬਾਅ ਘਟਾਉਣ ਲਈ 911 'ਤੇ ਕੀਤੀਆਂ ਸੰਕਟਕਾਲੀਨ ਕਾਲਾਂ ਨੂੰ ਡਾਇਵਰਟ ਕਰਨਾ

ਪਾਇਲਟ ਪ੍ਰੋਗਰਾਮ ਦੀ ਸ਼ੁਰੂਆਤ ਸਤੰਬਰ 2023 ਵਿੱਚ ਹੋਈ ਸੀ। ਇਸਦਾ ਟੀਚਾ ਇਹ ਹੈ ਕਿ ਸੰਕਟਕਾਲੀਨ ਸਲਾਹਕਾਰ ਜਨਵਰੀ 2024 ਵਿੱਚ ਰਾਜ ਦੇ 65 PSAPs ਵਿੱਚੋਂ 3 ਨਾਲ ਕੰਮ ਕਰਨਾ ਸ਼ੁਰੂ ਕਰ ਦੇਣ। ਕੁਝ ਸਥਿਤੀਆਂ ਵਿੱਚ, ਸੰਕਟਕਾਲੀਨ ਸਲਾਹਕਾਰਾਂ ਨੂੰ PSAPs ਵਿੱਚ ਸ਼ਾਮਲ ਕੀਤਾ ਜਾਵੇਗਾ (ਉਹਨਾਂ ਦੇ ਹੀ ਟਿਕਾਣੇ ਤੋਂ ਕਾਲਾਂ ਦਾ ਜਵਾਬ ਦੇਣਗੇ)। ਹੋਰ ਸਥਿਤੀਆਂ ਵਿੱਚ, ਉਹ ਕਿਸੇ ਵੱਖਰੇ ਟਿਕਾਣੇ ਤੋਂ PSAPs ਨਾਲ ਮਿਲ ਕੇ ਕੰਮ ਕਰਨਗੇ।

ਪਾਇਲਟ ਪ੍ਰੋਗਰਾਮ ਜਨਵਰੀ ਤੋਂ ਦਸੰਬਰ 2024 ਤੱਕ ਚੱਲੇਗਾ। ਇਸਦਾ ਉਦੇਸ਼ 911 ਉੱਤੇ ਆਉਣ ਵਾਲੀਆਂ 988 ਸੰਬੰਧੀ ਕਾਲਾਂ ਦਾ ਜਵਾਬ ਦੇਣ ਲਈ 988 Lifeline ਸੰਕਟਕਾਲੀਨ ਸਲਾਹਕਾਰਾਂ ਦੀ ਸਹਾਇਤਾ ਲੈ ਕੇ ਮਾਨਸਿਕ ਸਿਹਤ ਸੰਬੰਧੀ ਸਹਾਇਤਾ ਪ੍ਰਾਪਤ ਕਰਨ ਵਿੱਚ ਹੋਣ ਵਾਲੀ ਦੇਰੀ ਨੂੰ ਘੱਟ ਕਰਨਾ ਹੈ। ਇਸ ਨਾਲ ਫਸਟ ਰਿਸਪਾਂਡਰ ਯਾਨੀ ਕਿ ਪ੍ਰਾਥਮਿਕ ਸਹਾਇਤਾ ਟੀਮ ਨੂੰ ਐਮਰਜੈਂਸੀਆਂ ਵੱਲ ਜ਼ਿਆਦਾ ਧਿਆਨ ਦੇਣ ਵਿੱਚ ਮਦਦ ਮਿਲੇਗੀ ਜਿਹਨਾਂ ਲਈ 911 ਡਿਸਪੈਚ ਦੀ ਲੋੜ ਪੈਂਦੀ ਹੈ।

ਪਾਇਲਟ ਪ੍ਰੋਗਰਾਮ ਤੋਂ ਮਿਲਣ ਵਾਲਾ ਡਾਟਾ DOH ਅਤੇ ਪਾਰਟਨਰਾਂ ਨੂੰ ਇਹ ਤੈਅ ਕਰਨ ਵਿੱਚ ਮਦਦ ਕਰੇਗਾ ਕਿ ਕੀ ਇਸ ਤਰੀਕੇ ਨਾਲ ਵਾਸ਼ਿੰਗਟਨ 988 Lifeline ਸੇਵਾਵਾਂ ਦਾ ਵਿਸਤਾਰ ਕਰਨਾ ਹੈ ਜਾਂ ਨਹੀਂ।

ਜੇਕਰ ਤੁਹਾਡੇ ਕੋਈ ਸਵਾਲ ਹਨ ਤਾਂ ਕਿਰਪਾ ਕਰਕੇ 988 ਪ੍ਰੋਗਰਾਮ ਇਨਬਾਕਸ ਨਾਲ ਸੰਪਰਕ ਕਰੋ।

ਸੰਕਟਕਾਲੀਨ ਕਾਲ ਸੈਂਟਰ

ਵਾਸ਼ਿੰਗਟਨ ਵਿੱਚ ਤਿੰਨ 988 Lifeline ਸੰਕਟਕਾਲੀਨ ਕੇਂਦਰ ਹਨ ਜੋ ਪੂਰੇ ਰਾਜ ਤੋਂ ਆਉਣ ਵਾਲੀਆਂ ਕਾਲਾਂ ਦਾ ਜਵਾਬ ਦਿੰਦੇ ਹਨ:

• Volunteers of America of Western Washington
• Frontier Behavioral Health
• Crisis Connections

ਸੱਜੇ ਪਾਸੇ ਦਿੱਤੇ ਨਕਸ਼ੇ ਦੇ ਆਧਾਰ 'ਤੇ ਤੁਹਾਡੀ ਕਾਲ ਨੂੰ ਇਹਨਾਂ ਵਿੱਚੋਂ ਕਿਸੇ ਇੱਕ ਸੰਕਟਕਾਲੀਨ ਕੇਂਦਰ ਭੇਜਿਆ ਜਾਵੇਗਾ। ਕਾਲਾਂ ਨੂੰ ਤੁਹਾਡੇ ਏਰੀਆ ਕੋਡ ਦੇ ਅਨੁਸਾਰ ਅੱਗੇ ਭੇਜਿਆ ਜਾਂਦਾ ਹੈ।

ਸੰਕਟਕਾਲੀਨ ਕੇਂਦਰ ਇਸ ਸਮੇਂ ਦੇਖਭਾਲ ਕਰਨ ਵਾਲੇ ਲੋਕਾਂ ਦੀ ਭਰਤੀ ਕਰ ਰਹੇ ਹਨ! ਜੇਕਰ ਤੁਸੀਂ ਸੰਕਟ ਵਿੱਚ ਫਸੇ ਲੋਕਾਂ ਦੀ ਮਦਦ ਕਰਨਾ ਚਾਹੁੰਦੇ ਹੋ, ਤਾਂ ਇੱਕ ਸੰਕਟਕਾਲੀਨ ਕੇਂਦਰ ਵਿੱਚ ਨੌਕਰੀ ਲਈ ਅਰਜ਼ੀ ਦਿਓ (ਅੰਗਰੇਜ਼ੀ ਵਿੱਚ ਉਪਲਬਧ ਹੈ)।

ਅਕਸਰ ਪੁੱਛੇ ਜਾਣ ਵਾਲੇ ਸਵਾਲ

National Suicide Prevention Lifeline (NSPL, ਰਾਸ਼ਟਰੀ ਆਤਮਹੱਤਿਆ ਰੋਕਥਾਮ ਲਾਈਫਲਾਈਨ) ਕੀ ਹੈ ਅਤੇ ਕੀ 988 ਆਤਮ-ਹੱਤਿਆ ਅਤੇ ਸੰਕਟਕਾਲੀਨ Lifeline ਇਸ ਦੀ ਥਾਂ ਲੈ ਲਵੇਗੀ?

NSPL, ਸਥਾਨਕ, ਸੁਤੰਤਰ ਅਤੇ ਰਾਜ ਦੁਆਰਾ ਫੰਡ ਪ੍ਰਾਪਤ ਕਰਨ ਵਾਲਾ ਸੰਕਟਕਾਲੀਨ ਕੇਂਦਰਾਂ ਦਾ ਇੱਕ ਰਾਸ਼ਟਰੀ ਨੈੱਟਵਰਕ ਹੈ। ਉਹ ਭਾਵਨਾਤਮਕ ਦਬਾਅ ਜਾਂ ਆਤਮ-ਹੱਤਿਆ ਦੇ ਵਿਚਾਰਾਂ ਨਾਲ ਜੂਝ ਰਹੇ ਲੋਕਾਂ ਦੀ ਮਦਦ ਕਰਨ ਲਈ ਹਮੇਸ਼ਾ ਤਿਆਰ ਰਹਿੰਦੇ ਹਨ।

988 ਆਤਮ-ਹੱਤਿਆ ਅਤੇ ਸੰਕਟਕਾਲੀਨ Lifeline, ਦੱਸ-ਨੰਬਰ ਵਾਲੇ NSPL ਦੇ ਫ਼ੋਨ ਨੰਬਰ ਦੀ ਥਾਂ ਨਹੀਂ ਲੈਂਦੀ ਹੈ, ਬਲਕਿ ਇਹ ਲੋਕਾਂ ਨੂੰ ਸੰਕਟਕਾਲੀਨ ਕੇਂਦਰਾਂ ਨਾਲ ਜੁੜਨ ਦਾ ਇੱਕ ਹੋਰ ਆਸਾਨ ਰਸਤਾ ਪ੍ਰਦਾਨ ਕਰਦੀ ਹੈ। ਇਹਨਾਂ ਨਾਲ ਜੁੜਨ ਲਈ ਤੁਸੀਂ 988 Lifeline ਜਾਂ 1-800-273-TALK (8255) ਵਿੱਚੋਂ ਕਿਸੇ ਵੀ ਨੰਬਰ ‘ਤੇ ਕਾਲ ਕਰ ਸਕਦੇ ਹੋ।

988 'ਤੇ ਕਾਲ ਕਰਨ 'ਤੇ ਕੀ ਹੁੰਦਾ ਹੈ?

ਜਦੋਂ ਤੁਸੀਂ 988 'ਤੇ ਕਾਲ ਕਰਦੇ ਹੋ, ਤਾਂ ਤੁਹਾਨੂੰ ਇੱਕ ਆਟੋਮੈਟਿਕ ਸੁਵਾਗਤੀ ਸੁਨੇਹਾ ਸੁਣਾਈ ਦੇਵੇਗਾ ਜਿਸ ਵਿੱਚ ਤੁਹਾਨੂੰ ਹੋਰ ਵਿਕਲਪਾਂ ਬਾਰੇ ਦੱਸਿਆ ਜਾਂਦਾ ਹੈ (ਵੈਟਰਨਜ਼ ਕ੍ਰਾਈਸਿਸ ਲਾਈਨ ਲਈ ਵਿਕਲਪ 1, ਸਪੈਨਿਸ਼ ਲਾਈਨ ਲਈ ਵਿਕਲਪ 2, LGBTQI+ ਯੂਥ ਸਬਨੈੱਟਵਰਕ ਲਾਈਨ ਲਈ ਵਿਕਲਪ 3, ਅਤੇ Native and Strong Lifeline ਲਈ ਵਿਕਲਪ 4)।

ਜੇਕਰ ਤੁਸੀਂ ਇਹਨਾਂ ਵਿੱਚੋਂ ਕੋਈ ਵੀ ਵਿਕਲਪ ਚੁਣੇ ਬਿਨਾਂ ਲਾਈਨ 'ਤੇ ਬਣੇ ਰਹਿੰਦੇ ਹੋ, ਤਾਂ ਤੁਹਾਡੀ ਕਾਲ ਸਥਾਨਕ 988 Lifeline ਸੰਕਟਕਾਲੀਨ ਕੇਂਦਰ ਨੂੰ (ਤੁਹਾਡੇ ਏਰੀਆ ਕੋਡ ਦੇ ਆਧਾਰ 'ਤੇ) ਭੇਜੀ ਜਾਵੇਗੀ। ਜੇਕਰ ਸਥਾਨਕ ਸੰਕਟਕਾਲੀਨ ਕੇਂਦਰ ਤੁਹਾਡੀ ਕਾਲ ਦਾ ਜਵਾਬ ਨਹੀਂ ਦਿੰਦਾ, ਤਾਂ ਤੁਹਾਡੀ ਕਾਲ ਆਪਣੇ-ਆਪ ਵਾਸ਼ਿੰਗਟਨ ਰਾਜ ਦੇ ਕਿਸੇ ਹੋਰ ਕੇਂਦਰ ਜਾਂ ਰਾਸ਼ਟਰੀ ਬੈਕਅੱਪ ਸੰਕਟਕਾਲੀਨ ਕੇਂਦਰ ਨੂੰ ਭੇਜ ਦਿੱਤੀ ਜਾਵੇਗੀ। ਇਸ ਇਨਫੋਗ੍ਰਾਫਿਕ (ਅੰਗਰੇਜ਼ੀ ਵਿੱਚ ਉਪਲਬਧ ਹੈ) ਵਿੱਚ ਇਸ ਬਾਰੇ ਹੋਰ ਜਾਣਕਾਰੀ ਦਿੱਤੀ ਗਈ ਹੈ ਕਿ 988 Lifeline ਕਾਲਾਂ ਨੂੰ ਕਿਵੇਂ ਅੱਗੇ ਭੇਜਿਆ ਜਾਂਦਾ ਹੈ।

ਇੱਕ ਸਿਖਲਾਈ ਪ੍ਰਾਪਤ ਸੰਕਟਕਾਲੀਨ ਸਲਾਹਕਾਰ ਤੁਹਾਡੀ ਕਾਲ, ਟੈਕਸਟ ਜਾਂ ਚੈਟ ਦਾ ਜਵਾਬ ਦੇਵੇਗਾ। ਇਹ ਵਿਅਕਤੀ ਤੁਹਾਡੀ ਗੱਲ ਸੁਣੇਗਾ, ਇਹ ਸਮਝਣ ਦੀ ਕੋਸ਼ਿਸ਼ ਕਰੇਗਾ ਕਿ ਤੁਸੀਂ ਕੀ ਅਨੁਭਵ ਕਰ ਰਹੇ ਹੋ, ਤੁਹਾਨੂੰ ਸਹਾਇਤਾ ਪ੍ਰਦਾਨ ਕਰੇਗਾ ਅਤੇ ਬਿਹਤਰ ਮਹਿਸੂਸ ਕਰਨ ਦੇ ਤਰੀਕੇ ਜਾਣਨ ਵਿੱਚ ਤੁਹਾਡੀ ਸਹਾਇਤਾ ਕਰੇਗਾ। ਉਹ ਤੁਹਾਨੂੰ ਹੋਰ ਸਹਾਇਤਾ ਜਾਂ ਸਰੋਤਾਂ ਨਾਲ ਵੀ ਜੋੜ ਸਕਦੇ ਹਨ।

ਲਾਈਵ 988 Lifeline ਸੇਵਾਵਾਂ ਅੰਗਰੇਜ਼ੀ, ਸਪੈਨਿਸ਼ ਅਤੇ ASL ਵਿੱਚ ਉਪਲਬਧ ਹਨ। Lifeline, 988 'ਤੇ ਕਾਲ ਕਰਨ ਵਾਲੇ ਲੋਕਾਂ ਨੂੰ 240 ਤੋਂ ਵੱਧ ਭਾਸ਼ਾਵਾਂ ਅਤੇ ਬੋਲੀਆਂ ਵਿੱਚ ਦੋਭਾਸ਼ੀਆ ਸੇਵਾਵਾਂ ਵੀ ਪ੍ਰਦਾਨ ਕਰਦੀ ਹੈ। ਦੋਭਾਸ਼ੀਆ ਸੇਵਾਵਾਂ Language Line Solutions ਦੁਆਰਾ ਪ੍ਰਦਾਨ ਕੀਤੀਆਂ ਜਾਂਦੀਆਂ ਹਨ।

988 ਆਤਮ-ਹੱਤਿਆ ਅਤੇ ਸੰਕਟਕਾਲੀਨ Lifeline ਰਾਸ਼ਟਰੀ ਪੱਧਰ 'ਤੇ ਕਦੋਂ ਲਾਈਵ ਹੋਈ ਸੀ?

16 ਜੁਲਾਈ, 2022 ਨੂੰ। 988 ਡਾਇਲਿੰਗ ਕੋਡ ਹੁਣ ਪੂਰੇ ਦੇਸ਼ ਵਿੱਚ ਉਪਲਬਧ ਹੈ।

988 ਅਤੇ 911 ਵਿੱਚ ਕੀ ਅੰਤਰ ਹੈ?

988 Lifeline ਦੀ ਸਥਾਪਨਾ ਸਾਡੇ ਦੇਸ਼ ਵਿੱਚ ਵੱਧ ਰਹੇ ਆਤਮ-ਹੱਤਿਆ ਦੇ ਮਾਮਲਿਆਂ ਨੂੰ ਰੋਕਣ ਲਈ ਅਤੇ ਮਾਨਸਿਕ ਸਿਹਤ ਨਾਲ ਜੂਝ ਰਹੇ ਲੋਕਾਂ ਵਾਸਤੇ ਸੰਕਟਕਾਲੀਨ ਸੇਵਾਵਾਂ ਨਾਲ ਜੁੜਨ ਦੀ ਸਹੂਲਤ ਨੂੰ ਬਿਹਤਰ ਬਣਾਉਣ ਲਈ ਕੀਤੀ ਗਈ ਸੀ। 988 ਨੰਬਰ ਆਸਾਨੀ ਨਾਲ ਸੰਕਟਕਾਲੀਨ ਕੇਂਦਰਾਂ ਅਤੇ ਸੰਕਟਕਾਲੀਨ ਸਰੋਤਾਂ ਨਾਲ ਜੁੜਨ ਵਿੱਚ ਮਦਦ ਕਰਦਾ ਹੈ। ਇਹ ਸੰਕਟਕਾਲੀਨ ਕੇਂਦਰ ਅਤੇ ਸਰੋਤ 911 ਦੇ ਜਨਤਕ ਸੁਰੱਖਿਆ ਉਦੇਸ਼ਾਂ ਤੋਂ ਵੱਖਰੇ ਹਨ। 911 ਦਾ ਮੁੱਖ ਕੰਮ ਲੋੜ ਅਨੁਸਾਰ Emergency Medical Services (EMS, ਐਮਰਜੈਂਸੀ ਮੈਡੀਕਲ ਸੇਵਾਵਾਂ), ਅੱਗ-ਬੁਝਾਓ ਦਸਤਾ ਅਤੇ ਪੁਲਿਸ ਭੇਜਣਾ ਹੈ।

ਕੀ 988 ‘ਤੇ ਕਾਲ ਕਰਨ ਨਾਲ ਫਸਟ ਰਿਸਪਾਂਡਰ ਯਾਨੀ ਕਿ ਪ੍ਰਾਥਮਿਕ ਸਹਾਇਤਾ ਦੇਣ ਵਾਲਿਆਂ, ਜਿਵੇਂ ਕਿ ਪੁਲਿਸ ਜਾਂ EMS, ਨੂੰ ਆਪਣੇ-ਆਪ ਭੇਜ ਦਿੱਤਾ ਜਾਵੇਗਾ?

988 Lifeline ਦਾ ਮੁੱਖ ਉਦੇਸ਼ ਆਤਮ-ਹੱਤਿਆ ਦੇ ਵਿਚਾਰਾਂ, ਮਾਨਸਿਕ ਸਿਹਤ ਜਾਂ ਭਾਵਨਾਤਮਕ ਦਬਾਅ ਨਾਲ ਜੂਝ ਰਹੇ ਲੋਕਾਂ ਨੂੰ ਉਹਨਾਂ ਨਾਜੁਕ ਪਲਾਂ ਵਿੱਚ ਸਹਾਇਤਾ ਪ੍ਰਦਾਨ ਕਰਨਾ ਹੈ ਜਦੋਂ ਉਹਨਾਂ ਨੂੰ ਇਸਦੀ ਸਭ ਤੋਂ ਵੱਧ ਲੋੜ ਹੁੰਦੀ, ਅਤੇ ਇਹ ਸਹਾਇਤਾ ਪੂਰੀ ਤਰ੍ਹਾਂ ਸੰਕਟ ਨਾਲ ਜੂਝ ਰਹੇ ਵਿਅਕਤੀ ਦੀਆਂ ਲੋੜਾਂ ਉੱਤੇ ਕੇਂਦਰਿਤ ਹੁੰਦੀ ਹੈ।

ਜ਼ਿਆਦਾਤਰ ਲੋਕ ਜੋ 988 Lifeline ਕੋਲੋਂ ਸਹਾਇਤਾ ਪ੍ਰਾਪਤ ਕਰਦੇ ਹਨ, ਉਹ ਉਸ ਵੇਲੇ ਕਿਸੇ ਵੱਲੋਂ ਦਖਲ ਦੇਣ ਦੀ ਉਮੀਦ ਨਹੀਂ ਕਰਦੇ ਹਨ। ਪੂਰੇ ਰਾਸ਼ਟਰੀ ਵਿੱਚ, 2% ਤੋਂ ਵੀ ਘੱਟ 988 ਕਾਲਾਂ, ਟੈਕਸਟ ਅਤੇ ਚੈਟਾਂ ਨੂੰ 911 ਵਰਗੀਆਂ ਐਮਰਜੈਂਸੀ ਸੇਵਾਵਾਂ ਦੀ ਲੋੜ ਪੈਂਦੀ ਹੈ। ਹਾਲਾਂਕਿ ਕੁਝ ਸੁਰੱਖਿਆ ਅਤੇ ਸਿਹਤ ਸਮੱਸਿਆਵਾਂ ਦੇ ਲਈ ਕਾਨੂੰਨੀ ਅਧਿਕਾਰੀਆਂ ਅਤੇ EMS ਦੀ ਸਹਾਇਤਾ ਦੀ ਲੋੜ ਪੈ ਸਕਦੀ ਹੈ (ਜਿਵੇਂ ਕਿ ਜਦੋਂ ਆਤਮ-ਹੱਤਿਆ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੋਵੇ), ਪਰ 988 Lifeline ਦੇ ਸਹਿਯੋਗ ਨਾਲ ਉਪਲਬਧ ਕਰਵਾਈ ਗਈ ਸਹਾਇਤਾ ਸਥਿਰਤਾ ਨੂੰ ਉਤਸ਼ਾਹਿਤ ਕਰਨ ਅਤੇ ਲੋਕਾਂ ਨੂੰ ਬੱਝਿਆ ਮਹਿਸੂਸ ਕਰਵਾਏ ਬਿਨਾਂ ਦੇਖਭਾਲ ਪ੍ਰਦਾਨ ਕਰਨ ਦੇ ਮੰਤਵ ਨਾਲ ਪ੍ਰਦਾਨ ਕੀਤੀ ਜਾਂਦੀ ਹੈ।

ਕੀ 988 Lifeline ਦੀਆਂ ਕਾਲਾਂ ਨੂੰ 911 ਵੱਲ ਭੇਜਿਆ ਜਾਵੇਗਾ?

988 Lifeline ਉੱਤੇ ਆਉਣ ਵਾਲੀਆਂ ਕਾਲਾਂ ਵਿੱਚੋਂ ਕੁਝ ਕੁ ਕਾਲਾਂ ਲਈ ਹੀ 911 ਸਿਸਟਮ ਦੀ ਮਦਦ ਦੀ ਲੋੜ ਪੈਂਦੀ ਹੈ, ਖਾਸ ਤੌਰ 'ਤੇ ਉਦੋਂ ਜਦੋਂ ਕਿਸੇ ਦੀ ਜਾਨ ਖਤਰੇ ਵਿੱਚ ਹੁੰਦੀ ਹੈ ਅਤੇ ਕਾਲ, ਟੈਕਸਟ ਜਾਂ ਚੈਟ ਰਾਹੀਂ ਉਸ ਖਤਰੇ ਨਾਲ ਨਜਿੱਠਣਾ ਔਖਾ ਹੁੰਦਾ ਹੈ। ਅਜਿਹੇ ਮਾਮਲਿਆਂ ਵਿੱਚ, ਸੰਕਟ ਵਿੱਚ ਫਸੇ ਵਿਅਕਤੀ ਦੀ ਜਾਨ ਬਚਾਉਣ ਦੇ ਲਈ ਸੰਕਟਕਾਲੀਨ ਸਲਾਹਕਾਰ 911 ਨਾਲ ਜਾਣਕਾਰੀ ਸਾਂਝੀ ਕਰਦਾ ਹੈ।

ਕੀ 988 'ਤੇ ਮੇਰੀ ਕਾਲ ਨੂੰ ਰਿਕਾਰਡ ਕੀਤਾ ਜਾਵੇਗਾ?

988 Lifeline ਦੇ ਸੁਆਗਤੀ ਸੁਨੇਹੇ ਵਿੱਚ ਇਹ ਦੱਸਿਆ ਜਾਂਦਾ ਹੈ ਕਿ ਗੁਣਵੱਤਾ ਦੇ ਉਦੇਸ਼ਾਂ ਲਈ ਕਾਲਾਂ ਨੂੰ ਮੋਨੀਟਰ ਜਾਂ ਰਿਕਾਰਡ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ, 988 Lifeline ਨੈੱਟਵਰਕ ਦੇ ਸੰਕਟਕਾਲੀਨ ਕੇਂਦਰ, ਸਿਖਲਾਈ ਦੇ ਉਦੇਸ਼ਾਂ ਲਈ ਵੀ ਕਾਲ ਰਿਕਾਰਡਿੰਗਾਂ ਦੀ ਵਰਤੋਂ ਕਰ ਸਕਦੇ ਹਨ। ਇਹ ਕੇਂਦਰ ਦੇ ਸਭ ਤੋਂ ਵਧੀਆ ਅਭਿਆਸਾਂ 'ਤੇ ਨਿਰਭਰ ਕਰਦਾ ਹੈ।

ਜਦੋਂ ਤੁਸੀਂ 988 Lifeline ਨਾਲ ਸੰਪਰਕ ਕਰਦੇ ਹੋ, ਤਾਂ ਤੁਹਾਨੂੰ ਸਹਾਇਤਾ ਪ੍ਰਾਪਤ ਕਰਨ ਲਈ ਕੋਈ ਨਿੱਜੀ ਡਾਟਾ ਪ੍ਰਦਾਨ ਕਰਨ ਦੀ ਲੋੜ ਨਹੀਂ ਪੈਂਦੀ ਹੈ। ਪਰਦੇਦਾਰੀ ਸੰਬੰਧੀ ਚਿੰਤਾਵਾਂ ਨੂੰ ਦੂਰ ਕਰਨ ਲਈ ਨੈੱਟਵਰਕ ਸਿਸਟਮ ਵਿੱਚ ਕਈ ਸੁਰੱਖਿਆ ਉਪਾਅ ਮੌਜੂਦ ਹਨ।

ਕੀ 988 Lifeline ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਸੰਬੰਧੀ ਚਿੰਤਾਵਾਂ ਲਈ ਵੀ ਉਪਲਬਧ ਹੈ?

ਹਾਂ, ਤੁਸੀਂ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਸੰਬੰਧੀ ਚਿੰਤਾਵਾਂ ਲਈ ਵੀ 988 'ਤੇ ਕਾਲ ਕਰ ਸਕਦੇ ਹੋ—ਪਰ ਓਵਰਡੋਜ਼ ਵਰਗੀ ਐਮਰਜੈਂਸੀ ਦੇ ਮਾਮਲੇ ਵਿੱਚ, 911 'ਤੇ ਕਾਲ ਕਰੋ ਅਤੇ ਨਾਲੋਕਸੋਨ ਦੀ ਦਵਾਈ ਲਵੋ (6 ਭਾਸ਼ਾਵਾਂ ਵਿੱਚ ਉਪਲਬਧ ਹੈ)।

988 ਆਤਮ-ਹੱਤਿਆ ਅਤੇ ਸੰਕਟਕਾਲੀਨ Lifeline ਨੂੰ ਫੰਡਿੰਗ ਕਿਵੇਂ ਮਿਲਦੀ ਹੈ?

ਕਾਂਗਰੇਸ, Department of Health and Human Services ਨੂੰ American Rescue Plan (ਅਮਰੀਕਨ ਰੈਸਕਿਊ ਪਲਾਨ) ਰਾਹੀਂ ਫੰਡ ਪ੍ਰਦਾਨ ਕਰਦੀ ਹੈ, ਇਸ ਫੰਡ ਦਾ ਕੁਝ ਭਾਗ 988 Lifeline ਦੇ ਲਈ ਵਰਤਿਆ ਜਾਂਦਾ ਹੈ।

ਰਾਸ਼ਟਰਪਤੀ ਦੇ ਵਿੱਤੀ ਸਾਲ 2022 ਦੀ ਬਜਟ ਬੇਨਤੀ ਵਿੱਚ 988 Lifeline ਲਈ ਅਤੇ ਹੋਰ ਫੈਡਰਲ ਸੰਕਟਕਾਲੀਨ ਫੰਡਿੰਗ ਸਰੋਤਾਂ ਲਈ ਵਾਧੂ ਫੰਡ ਪ੍ਰਦਾਨ ਕਰਵਾਇਆ ਗਿਆ ਹੈ।

ਰਾਜ ਦੇ ਪੱਧਰ ਉੱਤੇ, ਮੌਜੂਦਾ ਜਨਤਕ/ਨਿੱਜੀ ਸੈਕਟਰ ਦੇ ਫੰਡਿੰਗ ਸਟਰੀਮ ਤੋਂ ਇਲਾਵਾ, 2020 ਦਾ National Suicide Hotline Designation Act ਰਾਜਾਂ ਨੂੰ 988 Lifeline ਦੇ ਕਾਰਜਾਂ ਨੂੰ ਸਹਿਯੋਗ ਦੇਣ ਲਈ ਨਵੀਂ ਸਟੇਟ ਟੈਲੀਕਮਿਉਨੀਕੇਸ਼ਨ ਫੀਸ ਲਾਗੂ ਕਰਨ ਦੀ ਇਜਾਜ਼ਤ ਦਿੰਦਾ ਹੈ।

E2S HBs 1477 ਅਤੇ 1134 ਨੂੰ ਵਾਸ਼ਿੰਗਟਨ ਦੇ ਫ਼ੋਨ ਅਤੇ ਵੌਇਸ ਓਵਰ ਇੰਟਰਨੈੱਟ ਪ੍ਰੋਟੋਕੋਲ (VoIP) ਲਾਈਨਾਂ ਉੱਤੇ ਲੱਗਣ ਵਾਲੇ ਟੈਕਸ ਰਾਹੀਂ ਵੀ ਫੰਡ ਪ੍ਰਦਾਨ ਕੀਤਾ ਜਾਂਦਾ ਹੈ।

988 Lifeline ਸੇਵਾਵਾਂ ਕਿਹੜੀਆਂ ਭਾਸ਼ਾਵਾਂ ਵਿੱਚ ਉਪਲਬਧ ਹਨ?

ਲਾਈਵ 988 Lifeline ਸੇਵਾਵਾਂ ਅੰਗਰੇਜ਼ੀ, ਸਪੈਨਿਸ਼ ਅਤੇ ਅਮਰੀਕਨ ਸੈਨਤ ਭਾਸ਼ਾ (ASL) ਵਿੱਚ ਉਪਲਬਧ ਹਨ। 988 Lifeline 240 ਤੋਂ ਵੱਧ ਭਾਸ਼ਾਵਾਂ ਅਤੇ ਬੋਲੀਆਂ ਵਿੱਚ ਅਨੁਵਾਦ ਸੇਵਾਵਾਂ ਪ੍ਰਦਾਨ ਕਰਨ ਲਈ Language Line Solutions ਦੀ ਵਰਤੋਂ ਕਰਦੀ ਹੈ। ਟੈਕਸਟ ਅਤੇ ਚੈਟ ਰਾਹੀਂ ਸਹਾਇਤਾ ਇਸ ਸਮੇਂ ਸਿਰਫ਼ ਅੰਗਰੇਜ਼ੀ ਅਤੇ ਸਪੈਨਿਸ਼ ਵਿੱਚ ਹੀ ਉਪਲਬਧ ਹੈ।

ਕੀ 988 Lifeline ਉੱਤੇ ਉੱਚਾ ਸੁਣਨ ਵਾਲਿਆਂ ਜਾਂ ਦ੍ਰਿਸ਼ਟੀਹੀਨ ਲੋਕਾਂ ਦੇ ਲਈ ਵੀ ਸਹਾਇਤਾ ਉਪਲਬਧ ਹੈ?

988 Lifeline ਫਿਲਹਾਲ TTY ਵਰਤੋਂਕਾਰਾਂ ਨੂੰ ਉਹਨਾਂ ਦੀ ਪਸੰਦੀਦਾ ਰੀਲੇਅ ਸੇਵਾ ਰਾਹੀਂ ਜਾਂ ਫਿਰ 711 ਅਤੇ ਫਿਰ 988 ਡਾਇਲ ਕਰਨ 'ਤੇ ਸੇਵਾ ਪ੍ਰਦਾਨ ਕਰਦੀ ਹੈ। 988 Lifeline ਚੈਟ ਅਤੇ ਟੈਕਸਟ ਰਾਹੀਂ ਵੀ ਸੇਵਾਵਾਂ ਪ੍ਰਦਾਨ ਕਰਦੀ ਹੈ। ਤੁਸੀਂ 988 Lifeline ਦੀ ਵੈੱਬਸਾਈਟ 'ਤੇ ਜਾ ਕੇ, ਫਿਰ “For Deaf & Hard of Hearing” (ਬਹਿਰੇ ਜਾਂ ਉੱਚਾ ਸੁਣਨ ਵਾਲੇ ਲੋਕਾਂ ਲਈ) ਲਿੰਕ ਨੂੰ ਚੁਣ ਕੇ ਅਤੇ ਅਗਲੇ ਪੇਜ 'ਤੇ “ASL Now” (ASL ਨਾਓ) ਨੂੰ ਚੁਣ ਕੇ ਅਮਰੀਕਨ ਸੈਨਤ ਭਾਸ਼ਾ (ASL) ਵਿੱਚ ਵੀ ਸਹਾਇਤਾ ਪ੍ਰਾਪਤ ਕਰ ਸਕਦੇ ਹੋ।

Substance Abuse and Mental Health Services Administration (SAMHSA, ਨਸ਼ੀਲੇ ਪਦਾਰਥਾਂ ਦੀ ਦੁਰਵਰਤੋਂ ਅਤੇ ਮਾਨਸਿਕ ਸਿਹਤ ਸੇਵਾਵਾਂ ਦਾ ਪ੍ਰਸ਼ਾਸਨ) ਇੱਕ ਪ੍ਰਮੁੱਖ ਫੈਡਰਲ ਏਜੰਸੀ ਹੈ, ਜਿਸਦੀ Federal Communications Commission (FCC) ਅਤੇ Department of Veterans Affairs ਨਾਲ ਭਾਗੀਦਾਰੀ ਹੈ। Vibrant Emotional Health 988 ਆਤਮ-ਹੱਤਿਆ ਅਤੇ ਸੰਕਟਕਾਲੀਨ Lifeline ਦਾ ਰਾਸ਼ਟਰੀ ਐਡਮਿਨਿਸਟ੍ਰੇਟਰ ਹੈ।

(ਉੱਪਰ ਦਿੱਤੇ ਲਿੰਕ ਸਿਰਫ਼ ਅੰਗਰੇਜ਼ੀ ਵਿੱਚ ਹਨ)

ਸਰੋਤ

ਸੰਕਟ ਲਈ ਨੰਬਰ

(ਜਦੋਂ ਤੱਕ ਦੱਸਿਆ ਨਾ ਗਿਆ ਹੋਵੇ, ਸਿਰਫ਼ ਅੰਗਰੇਜ਼ੀ ਵਿੱਚ ਉਪਲਬਧ ਹੈ)

• Teen Link (ਵੈੱਬਸਾਈਟ ਅੰਗਰੇਜ਼ੀ ਵਿੱਚ ਹੈ, ਕੁਝ ਸੇਵਾਵਾਂ ਸਪੈਨਿਸ਼ ਵਿੱਚ ਉਪਲਬਧ ਹਨ) – 1-866-TEENLINK
• The Trevor Project – 1-866-488-7386, ਟੈਕਸਟ 678-678
• ਨੈਸ਼ਨਲ ਮੈਟਰਨਲ ਮੈਂਟਲ ਹੈਲਥ ਹਾਟਲਾਈਨ (ਵੈੱਬਸਾਈਟ ਅੰਗਰੇਜ਼ੀ ਵਿੱਚ ਹੈ, ਕੁਝ ਸੇਵਾਵਾਂ ਸਪੈਨਿਸ਼ ਵਿੱਚ ਉਪਲਬਧ ਹਨ) – 1-833-9-HELPMOMS
• ਆਪਦਾ ਸੰਕਟ ਹੈਲਪਲਾਈਨ (ਸਪੈਨਿਸ਼ ਵਿੱਚ ਉਪਲਬਧ ਹੈ) – 1-800-985-5990
• ਟ੍ਰਾਂਸ Lifeline – 1-877-565-8860
• Native Resource Hub (12 ਭਾਸ਼ਾਵਾਂ ਵਿੱਚ ਉਪਲਬਧ ਹੈ): ਇਸ ਰਾਜ ਵਿਆਪੀ ਕੇਂਦਰੀ ਸਰੋਤ ਲਾਈਨ ਨੂੰ ਉਹਨਾਂ ਕਬੀਲਿਆਂ ਅਤੇ ਕਬੀਲੇ ਨਾਲ ਜੁੜੇ ਲੋਕਾਂ ਦੀਆਂ ਲੋੜਾਂ ਨੂੰ ਪੂਰਾ ਕਰਨ ਲਈ ਬਣਾਈ ਗਈ ਸੀ ਜਿਹਨਾਂ ਨੂੰ ਗੁੰਝਲਦਾਰ ਵਿਵਹਾਰਕ ਸਿਹਤ ਪ੍ਰਣਾਲੀ ਨੂੰ ਸਮਝਣ ਵਿੱਚ ਸਹਾਇਤਾ ਦੀ ਲੋੜ ਪੈ ਸਕਦੀ ਹੈ। ਹੱਬ ਕਬਾਇਲੀ ਏਜੰਸੀਆਂ, ਸਿਹਤ ਸੰਭਾਲ ਪੇਸ਼ੇਵਰਾਂ, ਹਸਪਤਾਲਾਂ, ਅਤੇ ਇਨ- ਅਤੇ ਆਊਟਪੇਸ਼ੈਂਟ ਪ੍ਰੋਗਰਾਮਾਂ ਦੇ ਨਾਲ-ਨਾਲ ਪਰਿਵਾਰਾਂ ਅਤੇ ਵਿਅਕਤੀਆਂ ਨੂੰ ਸਹਾਇਤਾ ਪ੍ਰਦਾਨ ਕਰਦੀ ਹੈ। ਹੋਰ ਜਾਣਕਾਰੀ ਲਈ, 1-866-491-1683 'ਤੇ ਸਿੱਧਾ ਹੱਬ ਨੂੰ ਕਾਲ ਕਰੋ।

988 ਦੇ ਸਰੋਤ

ਇਹਨਾਂ ਵਿੱਚੋਂ ਕੁਝ ਸਰੋਤ ਹੋਰ ਭਾਸ਼ਾਵਾਂ ਵਿੱਚ ਉਪਲਬਧ ਹਨ। ਆਪਣੀ ਭਾਸ਼ਾ ਵਿੱਚ ਸਰੋਤ ਲੱਭਣ ਲਈ ਇਸ ਪੇਜ ਦੇ ਸਿਖਰ 'ਤੇ ਸੰਤਰੀ ਰੰਗ ਦੇ ਭਾਸ਼ਾ ਚੁਣਨ ਵਾਲੇ ਬਟਨ ਦੀ ਵਰਤੋਂ ਕਰੋ।