Khadka Adeegga Caawinta Ka hortagga Isdilka iyo Masiibooyinka ee 988 Lifeline: Agabyada Iskaashiga (PDF-Ingiriisi) ayaa hadda la heli karaa. Agabkaan wuxuu ka kooban yahay agabyo, fariimo, iyo hal-abuuro warbaahinta bulshada ah oo aad isticmaali karto si aad u wadaagto macluumaadka 988 Lifeline ee dhagaystayaashaada. Agabkaan waxa uu leeyahay boostiyada baraha bulshada iyo sawirro oo Af-Ingiriisi iyo Isbaanish ah.
Haddii aad qabto su'aalo ku saabsan 988 program (barnaamijka 988) ee Washington State Department of Health (Waaxda Caafimaadka ee Gobolka Washington), fadlan iimayl u dir 988ProgramInfo@doh.wa.gov. Ha adeegsan sanduuqaan haddii adiga ama qof aad taqaano uu u baahan yahay gurmad degdeg ah. Taas badelkeeda, wac, fariin qoraal ahna u dir, ama kala sheekayso 988 Lifeline.
Wac, qoraal u dir, ama la hadal 988 (Af-Ingiriisi iyo Isbaanish) si aad ula xiriirto khadka Isdilka iyo masiibooyink ee 988 Lifeline. Khadka 988 Lifeline waa qarsoodi, waana bilaash, wuxuuna shaqeeyaa 24/7/365.
Waxaad la xiriiri kartaa khadka 988 Lifeline si aad u hesho taageero ku aadan:
- Fikradaha is-dilka
- Dhibaato caafimaadka dhimirka ah
- Dhibaatooyinka isticmaalka maandooriyaha
- Nooc kasta oo kale oo ah xaalad adag oo maskaxeed
Waxaad sidoo kale la xiriiri kartaa 988 Lifeline haddii aad ka cabsi qabto qof ehelkaaga ah oo u baahan gurmadka dhibaatada ah.
Astaanta Shatiga Lifeline 988 ee Isdilka iyo Masiibada
Dadweynaha guud waxa laga yaabaa inay iibsadaan astaanta shaatiga ka hortagga isdilka ee taageerta Halgameyaasha ciidanka iyo Akoonka Ka-hortagga Is-dilka ee Xubinta Militariga ee Department of Veterans Affairs (DVA, Waaxda Arrimaha Hawlgabka Ciidanka). Booqo webseedka Department of Licensing (DOL, Waaxda Ruqsad-bixinta) (waxaa lagu heli karaa 6 luuqadood) si aad astaan u dalbato. Wax badan ka baro bogga Astaanta Kahortagga Is-dilka ee DVA (Ingiriisi).
Adeegyada Khadka 988 Lifeline waxa lagu heli karaa Af-Isbaanishka iyo Luuqada Dhagoolayasha Maraykanka (ASL) oo ay la socdaan adeegyada tarjumaada in ka badan 240 luqadood iyo lahjado.
Haddii aad tahay dhagool, maqal culus tahay adag, ama aad isticmaasho Text Telephone (TTY, Telefoonka Qoraalka ee Dadka Maqalka Culus) waxaad isticmaali kartaa adeegga dadka maqalka culus ee aad doorbidayso. Waxaad sidoo kale wici kartaa 711 ka dibna 988.
Waxaad taageerada dhibaatada ku heli kartaa Luuqada Dhagoolayasha Maraykanka (ASL) adiga oo booqanaya 988lifeline.org, ka dibna dooranaya linkiga “For Deaf & Hard of Hearing” (“Dhagoolayaasha iyo Dadka Maqalka Culus") oo dooro “ASL Now” ("Luuqada Dhagoolayasha Maraykanka Hadda) ee bogga xiga.
988 ma baddesho xarumaha la waco marka dhibaato jirto ee gobalka Washington. Waa wax dheeraad ah ee shabakada adeeg bixiyaasha xarumaha masiibada ee gobalka. Ma jiraan wax isbadelo ah oo lagu sameeyay Shaqaalaha Gurmadka Masiibooyinka U xilsaaran iyo shaqaalaha gurmadka ee wareega ama shaqooyinka wax kamid ah adeeggyada kale ee gobalka ee masiibada. Xarumaha masiibooyinka ee 988 Lifeline waxay sii wadaan inay u shaqeeyaan si waafaqsan heerarka qaranka waxayna ku xidhi doonaan adeegyada 911 iyo adeegyada dhibaatooyinka gobolka sidii ay weligoodba sameyn jireen.
Faahfaahin ku saabsan 988 Lifeline
- Waxaad 988 Lifeline ka wici kartaa, fariin qoraal uga diri kartaa, ama kale sheekaysan kartaa taleefoonka, laynka, ama aaladaada codka dirta ee interneedka.
- Markaad la xiriirto 988 Lifeline, waxaa lagugu xidhi doonaa lataliye tababaran oo jooga xarunta masiibooyinka ee 988 Lifeline.
- Khadka Lifeline waa qarsoodi, bilaash ah, wuxuuna shaqeeyaa 24/7/365. Waxay ku xidhaa qof kasta oo wajahaya fikradaha is-dilka ama dhibaatada caafimaadka dhimirka iyo la-taliye u tababaran dhibaatooyinka. Haddii aad ka cabsi qabto qof ehelkaaga ah oo u baahan gurmadka dhibaatada ah, waxaad sidoo kale la xiriiri kartaa 988 Lifeline.
- Uma baahnid inaad bixiso xog shakhsiyeed si aad u hesho adeegyada marka aad la xiriirto 988. Wicitaannada, qoraallada, iyo sheekeysiyada ayaa lala socon karaa ama la duubi karaa si loo xaqiijiyo tayada ama tababarka shaqaalaha. Nidaamka shabakada ayaa leh difaacyo kala duwan oo lagu xalinaayo walaacyada ku aadan jabsiga sirta qofka.
Adeegyada Khadka 988 Lifeline ee Kooxaha gaarka ah
Laynka Gurmadka Masiibada ee Hawlgabka Ciidanka
Haddii aad tahay Hawlgab ciidan oo dhibaato ku jira ama aad ka welwelsan tahay dhicidda dhibaato, wac 988 oo taabo 1 si laguugu xiro Khadka masiibooyinka ee Hawlgabka ciidanka (Ingiriisi iyo Isbaanish) Waxaad sidoo kale kula sheekaysan kartaa hab onlayn ah (Ingiriisi iyo Isbaanish) ama qoraal 838255. Khadka masiibooyinka ee Hawlgabka ciidanka wuxuu u adeegaa Hawlgabka ciidanka, xubnaha adeegga, Ciidanka Ilaalada Qaranka iyo Xubnaha ciidanka kaydka, iyo kuwa taageera iyaga. Uma baahnid inaad iska diiwaan geliso dheefaha United States Department of Veterans Affairs (VA, Waaxda Arrimaha Hawlgabka Ciidanka ee Maraykanka) ama daryeelka caafimaadka si aad u wacdo.
Khadka Luuqadda Isbaanishka
Si aad luuqadda Isbaanishka ugu hesho taageerada masiibooyinka, waxaad wici kartaa, aadna qoraal u diri kartaa, ama la sheekeysan kartaa 988 Lifeline ka dibna dooro ikhtiyaarka 2 aad.
Waxaad taageero ka heli kartaa luuqado aan Ingiriis iyo Isbaanish ahayn adiga oo wacaya 988 Lifeline oo sheegaya magaca luuqadda aad u baahan tahay. Lifeline waxay bixisaa adeegyo tarjumaad oo in ka badan 240 luuqadood iyo lahjado. Adeegyadaan waxaa la heli karaa 24/7/365.
Khadka Shabakadda Hoosaadka Dhallinyarada LGBTQI+
Khadka 988 Lifeline waxa ay leedahay khad gaar ah oo loogu talagalay dadka lesbian-ka, khaniisiinta, bisexual-ka, transgender-ka, queer-ka ama dadka aan la hubin raabitaankooda galmada, intersex-ka, asexual-ka, iyo shakhsiyaadka qaba sidooyinka jinsiyada ka duwan (LGBTQIA2S+) dhallinta iyo dadka waaweyn ee da'doodu u dhaxayso 13 iyo 24.
Si aad ula xiriirto la taliyaha dhibaatooyinka kaas oo taageero wanaagsan siiya dadka LGBTQIA2s+, waxaad wici kartaa, qoraal u diri, ama la sheekaysan kartaa 988 oo ka dibna dooro ikhtiyaarka 3 aad.
Hindi Mareykan ah iyo Dadka U dhashay Alaska
Khadka Native and Strong Lifeline (Khadka Taageerada Dadka Asaliga) (Ingiriisi ah) waa barnaamijkii ugu horreeyay ee noociisa ah ee qaran oo u heellan u adeeggida Hindida Mareykanka iyo dadka Dhaladka Alaska ah. Waxaa ka shaqeeya ururka Volunteers of America ee Galbeedka Washington, khadkaan waxaa uu u shaqeeya dadka waca 988 Lifeline oo doorta ikhtiyaarka 4 aad. Waxay si gaar ah loogu talagalay bulshada Hindida Mareykanka ah ee Washington iyo bulshooyinka U dhashay Alaska.
Wicitaannada waxaa ka jawaaba la-taliyayaasha dhaladka ah ee dhibaatooyinka kuwaas oo ah xubnaha qabiilka iyo dadka si dhow uga muuqda bulshadooda. La-taliyayaasha ururka Native and Strong Lifeline waxay si buuxda ugu tababbaran yihiin maareynta iyo taageerada dhibaatooyinka, iyadoo xoogga la saarayo dhaqamada iyo mabaadi'da la xiriirta bogsashada.
Dadka isticmaala Luuqada Dhagoolayasha Maraykanka (ASL)
Khadka 988 Lifeline ee Adeegga Caawinta Ka hortagga Isdilka iyo Masiibooyinka ayaa u adeega dadka isticmaala Luuqada Dhagoolayasha Maraykanka (ASL):
Si aad hadda caawimaad ugu hesho Luuqada Dhagoolayasha Maraykanka (ASL), waxaad raaci kartaa tallaabooyinkaan:
- Booqo 988lifeline.org
- Dooro lifaaqa “For Deaf & Hard of Hearing” (“Dhagoolayaasha iyo Dadka Maqalka Culus")
- Dooro “American Sign Language Now” (ASL NOW, Luuqada Dhagoolayasha Maraykanka Hadda) ee bogga xiga.
Waxa kale oo aad ka wici kartaa 1-800-273-TALK (8255) ee taleefoonkaaga muuqaalka si aad taageerada dhibaatada ugu hesho naftaada ama qof aad jeceshahay.
House Bill 1477 iyo Abuurista nidaamka 988
Sanadkii 2020, Federal Communications Commission (FCC, Guddiga Isgaarsiinta ee Federaalka) ayaa abuuray National Suicide Hotline Designation Act (Sharciga Abuurista Laynka Qaran ee Kahortaga Is-dilka).Sharciga ayaa ka dhigay 988 lambarka cusub, oo dalka oo dhan ah oo loogu talagalay qof kasta oo wajahaya dhibaato dhanka caafimaadka dhimirka, oo ay ku jiraan fikradaha is-dilka.Waxaad isticmaali kartaa lambarkaan wicitaanka fudud ee 3-da lambar ah si aad u wacdo, ama farriin qoraal ugu dirto 988 Lifeline. Waxaad sidoo kale kala sheekeysan kartaa oonleenka (Ingiriisi iyo Isbaanish).
Sharci-dejinta Washington ayaa ansixiyay House Bill 1477 (E2SHB 1477) (Sharciga Baarlamaanka ee 1477 (PDF) (Ingiriisi) si uu u taageero khadka 988 Lifeline ee ka hortagga Isdilka iyo Dhibaatada oo ay la socoto kor u qaadista iyo ballaarinta habdhaqanka wax ka qabashada dhibaatooyinka caafimaad iyo adeegyada ka hortagga isdilka ee qof kasta oo ku nool gobolka Washington. E2SHB 1477 waxaa sidoo kale loo yaqaanaa Crisis Call Center Hubs and Crisis Services Act (Xarunta Wicitaanka Masiibooyinka iyo Sharciga Adeegyada Gurmadka Masiibooyinka). E2SHB 1477 waxaa saxiixay Gudoomiye Jay Inslee bishii Maayo 13, 2021.
E2SHB 1477 ayaa sidoo kale aasaastay Guddiga Crisis Response Improvement Strategy (CRIS, Xeelada Hormarinta Gurmadka Masiibada) iyo Guddiga Baaritaanka. Gudiyadaan ayaa abuuraaya tallooyin loo diraayo Gudoomiyaha gobalka iyo Baarlamaanka si looga caawiyo dhaqan gelinta lambarka 988 ee qaran iyo qaybaha sharciga E2SHB 1477. Haddii aad doonayso inaad ka qaybgasho adoo ah xubin kamid ah dadwaynaha, waxaad iska diiwaan gelin kartaa si aad uga qaybgasho kulan aadna usoo gudbiso taladaada dadwayne (lagu heli karo Ingiriisi).
Si aad u hesho faahfaahin buuxda, fadlan booqo Webseedka Guddiga Crisis Response Improvement Strategy (CRIS) (Ingiriis).
Akhri Warbixinta Sharci-dejinta ee 988 ee 2023 (ku qoran Ingiriisi)
House Bill 1134
Sannadkii 2023, Sharci-dejinta Washington ayaa meel mariyay House Bill (HB) 1134 (Sharciga Baarlamaanka ee 1134) (lagu helo Ingiriisi) si uu gacan uga geysto hirgelinta khadka 988 Lifeline ee ka hortagga Isdilka iyo Masiibada.
Sharcigaan ayaa balaadhinayaa adeegyada masiibooyinka ee Washington isaga oo u abuuraya taageero ku aadan kooxaha bixiya ka jawaab celinta degdega ah ee masiibooyinka iyo maalgelinta taageerada la heli karo iyo tababarka ka-jawaabceliyayaasha.
Sida ku cad sharciga, University of Washington ayaa sidoo kale soo jeedin doontaa tallooyinka ku shaqalaaha iyo tababarka ee shaqaalaha daryeelka caafimaadka hab-dhaqanka ee Washington. Department of Health (Waaxda Caafimaadka) ayaa abuuri doontaa ol-ole warbaahinta bulshada ah oo kor u qaadaysa 988 Lifeline marka lagu daro agabka macluumaadka ee sharaxaya 988, sida ay u shaqeyso, iyo sida loo isticmaalo. Ujeedadu waa in la caawiyo kordhinta wacyiga iyo ballaarinta 988 Lifeline.
Qaybaha kale ee muhiimka ah ee sharciga waxaa ka mid ah wada-shaqeynta si loo horumariyo wicitaanada 911 ee ku aadan dhibaatooyinka caafimaadka dhimirka. Tani waxay ka dhigan tahay in la-taliyeyaasha masiibooyinka 988 ee ku sugan isla goobta ay joogaan ka-jawaab celiyayaasha 911 ay ka jawaabi karaan wicitaannadaan oo ay bixin karaan taageero.
Hindisaha Weecinta Wacitaanada Caafimaadka Dhimirka
Khadka 988 Lifeline wali wuu cusub yahay. Dad badan oo ku nool Washington ayaa wali sii wadaan inay wacaan 911 si ay wax ka qabasho ugu helaan walacyadooda caafimaadka dhimirka iyo isticmaalka muqaadaraadka, in kastoo laga yaabo in la-taliyayaasha masiibooyinka 988 ay si fiican u bixiyaan taageero ku aadan xaaladahan.
Washington State Department of Health (DOH) ayaa kaashanaysaa Khadka 988 Lifeline ee Washington ee xarumaheeda masiibooyinka iyo 3 Siyaabo oo ku aadan Ka jawaab-celinta Badqabka Dadweynaha, ama PSAPs (911 xarumaha), hab cusub oo yar oo lagu magacaabo Hindisaha Weecinta Dhibaatada Caafimaadka Maskaxda. Hindisuhu wuxuu leeyahay laba ujeedo oo waaweyn:
- Caawinta dadka dhibaataysan inay si degdeg ah oo fudud ula xidhiidhaan la-taliyayaal tababbaran oo masiibooyinka ah
- Si loo weeciyo wacitaanka masiibooyinka ee lagu sameeyay 911 si looga caawiyo horumarinta waayo-aragnimada qofka soo wacaaya oo loo yareeyo culeyska adeegyada degdegga ah
Barnaamijka tijaabada ayaa billoowday Sebteembar 2023. Hadafku waa in la-taliyayaashu bilaabaan inay la shaqeeyaan 3 ka mid ah 65 PSAP-ka gobolka marka lagaaro Janaayo 2024. Xaaladaha qaarkood, la-taliyayaasha masiibooyinka ayaa la shaqayn doona PSAP-yada (ayaa qaban doona wacitaanada goobtaas). Xaaladaha kale, waxay si dhow ula shaqayn doonaan PSAP-yada meelaha kale.
Barnaamijkaan tijaabada ah ayaa socon doona Janaayo ilaa Diseembar 2024. Waxay ka shaqaysaa in ay horumariso helitaanka taageerada caafimaadka dhimirka iyada oo dib u dhac yar ay leedahay iyadoo lataliyayaasha 988 Lifeline ay ka caawin doonaan wicitaanada 911 oo ku habboon 988. Tani ayaa sidoo kale u oggolaan doontaa ka-jawaabayaasha ugu horreeya inay diiradda saaraan xaaladaha degdegga ah ee u baahan wax ka qabashada 911.
Xogta laga helayo barnaamijka tijaabada ayaa DOH iyo la-hawlgalayaasheeda ayaa ka caawin doonta inay go'aan ka gaaraan in habkaan loo balaariyo adeegyada khadka 988 Lifeline ee Washington Washington.
Fadlan la xiriir isgaarsiinta 988 program haddii aad qabto su'aalo ah aad qabto.
Xarumaha Wicitaanka Xaalada Degdega ah
Washington waxay leedahay saddex xarumood oo khadka 988 Lifeline ee masiibooyinka kuwaas oo ka jawaabaya wicitaannada gobolka oo dhan:
- Volunteers of America of Western Washington
- Frontier Behavioral Health
- Crisis Connections
Wicitaankaaga waxaa lagu hagi doonaa mid kamid ah xarumahaan masiibada ayadoo laga eegaayo khariirada dhanka midig. Wicitaannada waxaa lagu hagaa furaha wicitaanka ee aagaaga.
Xarumaha gurmadka ayaa hadda shaqaalaysiinaaya dad daryeel bixiyayaal ah! Haddii aad xiisaynayso xirfad shaqo oo ku aadan caawinta dadka masiibada wajahaya, shaqo ka codso xarunta masiibada (lagu heli karo Ingiriisi).
Su'aalaha inta badan la isweydiiyo
- Waa maxay National Suicide Prevention Lifeline (NSPL, Khadka Ka Hortagga Is-dilka Qaranka) oo miyuu khadka 988 Lifeline ee Is-dilka iyo Masiibooyinka beddelaa?
-
NSPL waa shabakad qaran oo ka kooban xarumaha gurmadka dhibaatada ee maxaliga ah, kuwa madaxa banaan, iyo kuwa gobalku maalgeliso. Waxay u diyaarsan yihiin inay gurmad iyo caawimaad u fidiyaan dadka ku jira xaalada dareenka xun ama waajahaaya dareenno ah inay nafta iska qaadaan.
Khadka 988 Lifeline ee Isdilka iyo Masiibooyinka ma beddelo lambarka taleefanka NSPL ee tobanka-god ah balse wuxuu bixiyaa hab kale, oo fudud oo ay dadku ku gaari karaan xarumo badan oo wax ka qabashada masiibooyinka. Waxaad wici kartaa midkood khadka 988 Lifeline ama 1-800-273-TALK (8255) si lagugu xiro adeegga.
- Maxaa dhacaaya marka aan waco 988?
-
Markaad wacdo 988, waxaad maqli doontaa fariin salaan oo ootomaatic ah oo leh xulashooyin dheeraad ah (ikhtiyaarka 1 ee Khadka Dhibaatada Hawlgabka ciidanka, ikhtiyaarka 2 aad ee Laynka Isbaanishka, ikhtiyaarka 3 ee Khadka Shabakadda Dhallinyarada LGBTQI+, iyo ikhtiyaarka 4 ee Native and Strong Lifeline).
Haddii aad ku sii jirto khadka adigoon dooran mid ka mid ah xulashooyinkaan, wicitaankaaga waxaa loo gudbin doonaa xarunta masiibooyinka ee 988 Lifeline (oo ku saleysan furaha wicitaanka ee aagaaga). Haddi xarunta masiibooyinka ee deegaanku ay qaban waydo wicitaanka, waxa si toos ah laguugu gudbin doonaa xarun kale oo ku taal gobolka Washington ama xarun qaran oo lagu talagalay ka hortagga masiibooyinka. Xogtaan sawirka wadata (lagu heli karo Ingiriisi) waxaa ku jira macluumaad dheeraad ah oo ku saabsan sida khadka wicitaanada 988 Lifeline loo wareejiyo.
La-taliye u tababaran masiibooyinka ayaa kaaga jawaabi doona wicitaankaaga, qoraalkaaga, ama sheekaysigaaga. Qofkaani ayaa ku dhegaysan doonaa, waxaa uuna ka shaqayn doonaa si uu u fahmo waxa aad wajahayso, wuxuu ku siin taageero, oo uu kaala shaqayn doona siyaabaha aad ku dareemayso xasilooni. Waxay sidoo kale kugu xidhi karaan caawimo dheeraad ah ama agabyo.
Adeegyada tooska ah ee khadka 988 Lifeline ayaa lagu heli karaa Ingiriisi, Isbaanish, iyo American Sign Language (ASL, Luuqada Dhagoolayasha Maraykanka). Khadka ayaa sidoo kale bixisaa adeegyo turjumaad ee in ka badan 240 luuqadood iyo lahjado dheeraad ah oo loogu talagalay dadka wacaya 988. Adeegyada tarjumaadaa ayaa waxaa bixisaa Language Line Solutions.
- Goorma ayay Khadka 988 Lifeline ee Isdilka iyo Masiibooyinka si toos ah loogu hirgeliyay heer qaran?
-
Luulyo 16, 2022 Lambarka wicitaanka 988 ayaa hadda laga heli karaa wadanka oo dhan.
- Sidee ayuu laynka 988 uga duwan yahay 911?
-
988 waxaa loo sameeyay inuu kor u qaado helitaanka adeegyada gurmadka masiibada uuna gaarsiiyo heer ku filan baahiyaha daryeelka masiibada la xariirta is-dilka iyo caafimaadka dhimirka ee kusoo badanaaya wadankeena. Lambarka 988 ayaa bixiya gaaritaan fudud oo ku aadan xarumaha iyo agabyada ka hortagga masiibooyinka. Xarumahan iyo agabyadani masiibooyinka way ka duwan yihiin ujeedooyinka badqabka dadweynaha ee 911. 911 waxay diiradda saartaa Emergency Medical Services (EMS, Adeegyada Caafimaadka Degdegga ah), dabka, iyo booliiska haddii loo baahdo.
- Haddii aan waco 988, ma shaqaalaha gurmadka degdega ah, sida booliiska ama EMS, ayaa isla markaba lasoo dirayaa?
-
Yoolka ugu muhiimsan ee 988 waa in taageero la siiyo dadka wajahaya fikradaha xaaladaha isdilka ah ama masiibada la xariirta caafimaadka dhimirka oo la siiyo xiliyada ay aadka ugu baahan yihiin, iyo qaab diirada saaraaya qofka masiibadu ay haysato.
Dadka intooda badan ee caawimaad ka raadsada 988 Lifeline uma baahna adeegyo degdeg ah waqtigaas. Heerka qaran ahaan, wax ka yar 2% kamid ah wacitaanada 988 ayaa u baahan adeegyada xaaladaha degdega ah, sida 911. Iyadoo qaar ka mid ah arrimaha badqabka iyo caafimaadka laga yaabo inay u baahan yihiin jawaab laga helo sharci fulinta ama Emergency Medical Services (EMS, Adeegyada Caafimaadka Degdegga ah) (sida marka iskuday is-dil uu socdo), jawaabta 988 Lifeline ee isku dubaridan waxay ujeedadeedu tahay inay kor u qaaddo xasilinta iyo daryeelka habka ugu xaddidan ee wanaagsan.
- Wicitaanada 988 Lifeline ma waxaa loo gudbinayaa 911?
-
Boqolkiiba tiro yar oo wicitaannada 988 ayaa u baahan in la marsiiyo nidaamka 911 marka ay khatar degdeg ah ku jirto nolosha qof oo u baahan wax ka qabad degdeg ah inta lagu jiro wicitaanka, qoraalka ama sheekeysiga. Markay xaaladahaan jiraan, la taliyaha masiibada ayaa xogta la wadaagaya 911 taasoo muhiim u ah badqabka nolosha qofka dhibaataysan.
- Wicitaankayga 988 miyaa la duubi doonaa?
-
Fariinta ugu horaysa xilliga wicitaanka 988 ayaa kuu sheegeysa in wicitaannada lala socon karo ama la duubi karo si loo xaqiijiyo tayada adeegga. Waxaa intaas sii dheer, xarumaha masiibada ee shabakada ee 988 Lifeline ayaa si madax banaan u adeegsan karta wicitaannada la duubo sababo tababar awgood. Tani waxay ku xiran tahay habka dhaqanka ugu wanaagsan ee xarunta.
Markaad la xiriirto khadka 988 Lifeline, uma baahnid inaad bixiso xog shakhsiyeed si aad u hesho adeegyada.
Nidaamka shabakada ayaa leh difaacyo kala duwan oo lagu xalinaayo walaacyada ku aadan jabsiga sirta qofka.
- Khadka 988 Lifeline ma bixiyaan taageero ku aadan adeegyada walaacyada adeegsiga maandooriyaha?
-
Haa, waxaad wici kartaa 988 markaad qabto dhibka isticmaalka maandooriyaha, laakin, marka ay jirto xaalad degdeg ah oo iska badinta daroogada ah, wac 911 oo isticmaal naloxonne (waxaa lagu heli karaa 6 luuqadood).
- Sidee loo maalgeliyaa khadka 988 Lifeline ee ka hortagga Is-dilka iyo Masiibooyinka?
-
Koongareesku ayaa Department of Health and Human Services siinaya maalgelinta shaqaalaha iyada oo loo marayo American Rescue Plan (Qorshaha Samatabbixinta Mareykanka), kaas oo qaarkood ay taageero siiyo shaqaalaha 988 Lifeline.
Codsiyada Miisaaniyada ee madaxwaynaha ee Sanad miisaaniyadeedka 2022 ayaa lacag dheeraad ah siinaaya mashruuca khadka 988 Lifeline iyo agabyada kale ee maal gelinta masiibooyinka federaalka.
Heerka gobal, marka lagu daro ilaha jira ee maal gelinta dawlada/gaarka loo leeyahay, National Suicide Hotline Designation Act oo soo baxay 2020 ayaa siinaaya goballada inay dhaqan gashaan kharashka isgaarsiinta gobalka oo cusub si loogu taageero shaqooyinka 988.
E2S HBs 1477 iyo 1134 ayaa waxaa sii maalgeliya canshuurta telefoonada Washington iyo khadadka borotokoolka Codka Interneetka (VoIP).
- Luuqadahee lagu bixiyaa adeegyada 988?
-
Waxaa adeegyada tooska ah ee khadka 988 Lifeline lagu heli karaa Ingiriisi, Isbaanish, iyo American Sign Language (ASL, Luuqada Dhagoolayasha Maraykanka). Khadka 988 Lifeline ayaa adeegsata Language Line Solutions si ay adeegyada turjumaada ugu bixiyaan in ka badan 240 luuqadood iyo lahjadood oo dheeraad ah. Fariimaha qoraalka iyo wada sheekaysiga ayaa hadda lagu heli karaa Ingiriis keliya.
- Adeegga 988 Lifeline ma caawinayaa dadka maqalkoodu culus yahay ama indhaha la'?
-
Khadka 988 Lifeline ayaa hadda u adeegaaya dadka isticmaala Text Telephone (TTY, Telefoonka Qoraalka ee Dadka Maqalka Culus) ayadoo loo maraaya adeegga dadka maqalka culus ee ay doorbidayaan ama wacaaya 711 ka dib wacaaya 988. Khadka 988 Lifeline waxa kale oo ay adeegyada ku bixisaa hab wada-sheekeysi iyo qoraal. Waxa kale oo aad taageero ku heli kartaa American Sign Language (ASL, Luuqada Dhagoolayasha Maraykanka) adigoo booqanaya webseedka 988 Lifeline, oo dooranaya linkoga (“Dhagoolayaasha iyo Dadka Maqalka Culus") oo dooro “ASL Now” ("Luuqada Dhagoolayasha Maraykanka Hadda) ee bogga xiga.
Substance Abuse and Mental Health Services Administratin (SAMHSA, Maamulka Isticmaalka Maandooriyaha iyo Adeegyada Caafimaadka Maskaxda) ayaa ah hay'adda hoggaamisa ee federaalka, ayadoo la kaashanaysa Federal Communications Commission (FCC) iyo Department of Veterans Affairs. Vibrant Emotional Health ayaa ah Maamulaha Qaranka khadka 988 Lifeline ee Isdilka iyo masiibooyinka.
(Lifaaqyada kor ku qoran waa Ingiriisi keliya)
Ilaha
-
911
-
Hawl wadeenada isgaarsiinta oo tababaran ayaa ka jawaaba wicitaanada iyo qoraallada waxa ayna diraan booliska, dabdemiska, ama adeegyada ambalaasta oo loo diro dadka ku jira xaaladaha degdegga ah ee khatargelinaya nafta ama hantida. 911 waxaa la heli karaa 24/7, 365 maalmood sanadkii.
Wac ama farriin qoraal ah u dir 911 wixi ah:
- Shilalka gaadiidka
- Weerarada guryaha ama jabsashada
- Gacan ka hadalka ama dhaawacyada
- Dabka
- Iska tan badinta daroogada ama is-dhaawacidda halista ah
- Miyir-daboolka
- Isku day dil lagu guda jiro
-
988
-
La-taliyaasha xasradda oo tababaran ayaa ka jawaaba wicitaanada, qoraallada, iyo wada-sheekeysiyada waxa ayna taageero qarsoodi ah siiyaan dadka wajahaya dhibaato maskaxeed, walaacyo la xiriira isticmaalka daroogada, ama fikradaha isdilka. Lataliyaasha xasradda 988 ayaa sidoo kale wadaagi kara ilaha bulshada ee taageerada joogtada ah. 988 waxaa la heli karaa 24/7, 365 maalmood sanadkii.
La xiriir 988 wixi ah:
- Fikradaha is-dilka
- Dareemidda walaac, niyad-jab, ama argagax
- Dhibaatooyinka isticmaalka maandooriyaha
- Wixi walbahaar shucuureed ah ama dareemo dhibaato
Wac ama farriin qoraal ah u dir: 988
La Sheekeyso: 988lifeline.org/chat
TTY: Wac 711, kadibna 988
Wicitaanka Muuqaalka ah ee ASL: https://988lifeline.org/help-yourself/for-deaf-hard-of-hearing/
-
211
-
Khuburada xogta iyo gudbinta oo tababaran ayaa bixiya taageerada baahiyaha adeegyada caafimaadka iyo bulshada iyaga oo dadka ku xiraya adeegyada maxalliga iyo kheyraadka bulshada. Saacadaha 211 ayaa kala duwan iyada oo ku xiran goobtaada. Xarumaha wicitaanka qaarkood ayaa furan Isniinta ilaa Jimcaha, halka qaarka kale ay furan yihiin toddobo maalmood toddobaadkii.
La xiriir 211 si lagaaga taageero helitaanka adeegyada maxalliga iyo kheyraadka:
- Cuntada, hoy'ga, ama baahiyaha gaadiidka
- Ka caawinta kirada, guriyeynta, iyo kharashaadka adeegyada guryaha
- Baahiyaha nadaafadda iyo daryeelka caafimaadka ee naftaada ama qof kale
- Taageerada daryeelaha aan mushaharka lahayn
- Caawinta waxbarashada ama shaqada
- Taageerista dadka waayeelka iyo dadka la nool naafada
Wac: 211
Qoraal: koodhka boostada u dir 898211
La Sheekeyso: 211kingcounty.org
TTY: Wac 711, kadibna 211
-
Community Care Hubs
-
Isku duwayaasha daryeelka waxa ay dadka iyo qoysaskooda ka caawiyaan baahiyaha adag ama badan ee hoyga, gaadiidka, daryeelka caafimaadka, iyo kuwo kale oo badan. Xarumaha daryeelka bulshada ee gobolka waxa ay kuxiraan iskulana dubaridaan ururada maxalliga si ay u bixiyaan daryeel bulshada ku saleysan oo joogta ah dadkana uga taageeraan hannaanka helitaanka in baahiyahooda la daboolo.
La xiriir Community Care Hubs (Xarumaha Daryeelka Bulshada) si aad uga hesho taageerada guriyeynta, cuntada, hoy'ga, gaadiidka, daryeelka caafimaadka, kaalmada dhaqaale, iyo qaar kaloo badan.
Xarunta wicitaanka ee waxyaabaha la gudbinayo u gudbiso Community Care Hubs waxaa la heli karaa Isniinta ilaa Jimcaha, 9 a.m. ilaa 7 p.m. iyo Sabtida 9 a.m. ilaa 1 p.m.
Wac: 1-833-453-0336
-
Washington Poison Center
-
Haddii adiga ama qof aad jeceshahay uu laqay ama si kale u soo gaartay shey halis, sun, ama khatar suurtagal ah, waxaad taageero qarsoodi ah ku heli kartaa telefoonka, 24/7/365. WAPC waxa ay xogta iyo taageerada ku bixisaa 140 luuqadood.
Khabiirka ka jawaaba wicitaankaaga ayaa ku siin kara macluumaad dheeraad ah oo ku saabsan daaweynta waxa uuna ku siin karaa hagis ku saabsan goorta la aado qolka xaaladda degdegga ama la raadsado daaweyn kale oo caafimaad.
Wac: 1-800-222-1222
TTY: Garaac 711 si aad u hesho adeegga Washington Relay
Lambarada Xasradaha
(illaa la sheego mooyaane, kaliya waxaa lagu heli karaa Ingiriisi)
- Teen Link (webseedka wuxuu ku qoran yahay Ingiriisi, adeegyada qaarkood ayaa lagu heli karaa Isbaanish) – 1-866-TEENLINK
- The Trevor Project – 1-866-488-7386, text 678-678
- (Teen Link) Linkiga Dhalinta (webseedka waxa uu ku qoran yahay Ingiriisi, adeegyada qaarkood ayaa lagu heli karaa Isbaanish) – 1-833-9-HELPMOMS
- Khadka Caawinta Dhibaatada Musiibada (waxaa lagu heli karaa Isbaanish) – 1-800-985-5990
- Trans Lifeline – 1-877-565-8860
- Xarunta Native Resource Hub (waxaa lagu heli karaa 12 luqadood): Khadkan khayraadka dhexe ee gobolka oo dhan waxaa loo sameeyay si loo daboolo baahiyaha qabaa'ilka iyo dadka ku abtirsada qabiilka kuwaas oo u baahan kara in laga caawiyo sahminta nidaamka caafimaadka habdhaqanka adag. Xarunta ayaa caawisa wakaaladaha qabaa'ilka, xirfadlayaasha daryeelka caafimaadka, isbitaallada, iyo barnaamijyada bukaan-jiifka iyo bukaan-socodka iyo sidoo kale qoysaska iyo shakhsiyaadka. Si aad u hesho macluumaad dheeraad ah, si toos ah Xarunta uga wac 1-866-491-1683.
Kheyraadka 988
Qaar ka mid ah kheyraadkaan waxaa lagu heli karaa luqado kale. Adeegso badhanka doorashada luqadda ee oranjiga ah ee ku yaala qeybta sare ee boggan si aad kheyraadka ugu hesho luqadaada.